🟦🟦🟦 1️⃣2️⃣3️⃣4️⃣5️⃣
1️⃣2️⃣4️⃣4️⃣5️⃣6️⃣ ✅✅✅✅
Xalqaro shartnomalarning turlari
1️⃣. Ishtirokchilar soniga koʻra:
● Ikki taraflama xalqaro shartnomalar.
Xalqaro shartnomalar, asosan, ikki taraflama boʻlib, bir tarafda bir davlat, ikkinchi tarafda bir necha davlat ishtirok etuvchi shartnomalar ham ikki taraflama shartnomalar hisoblanadi (masalan, 1947 yilgi tinchlik shartnomalari);
● Koʻp taraflama xalqaro shartnomalar.
Koʻp taraflama shartnomalarga barcha davlatlar ishtirok etishiga moʻljallangan universal (umumiy) shartnomalar va ishtirokchilari soni cheklangan shartnomalar kiradi. Shartnomalarning birinchi turiga, masalan, Vena konvensiyalari (1969-yil), (1986-yil), ikkinchi turiga - Yevropa Iqtisodiy hamjamiyatini tuzish toʻgʻrisidagi Rim shartnomasi (1957-yil) kiradi.
2️⃣. Tartibga solish obyektlariga koʻra:
● Siyosiy xalqaro shartnomalar (ittifoq tuzish, hujum qilmaslik, betarafligi toʻgʻrisida, qurolsizlanish sohasida va h.k.);
● Iqtisodiy xalqaro shartnomalar (savdo bitimlari, zayomlar, kreditlar va h.k. toʻgʻrisidagi bitimlar);
● Maxsus xalqaro shartnomalar (harbiy, transport boʻyicha, aloqa sohasida va h.k.).
3️⃣. Hududiy taʼsiriga koʻra:
● Universal xalqaro shartnomalar.
Vena konvensiyasiga (1969 yil) binoan, xalqaro huquqni kodekslashtirish va rivojlantirish masalalariga tegishli yoki obʼekti va maqsadi xalqaro hamjamiyat ahamiyatiga molik boʻlgan xalqaro shartnomalar universal xalqaro shartnomalar hisoblanadi;
● Mahalliy xalqaro shartnomalar.
Ishtirokchi davlatlar soni cheklangan xalqaro shartnomalar (masalan, bir geografik mintaqa davlatlari ishtirok etuvchi shartnomalar).
4️⃣. Xalqaro shartnomada ishtirok etish imkoniyatiga koʻra:
● Ochiq xalqaro shartnomalar, yaʼni boshqa (uchinchi) davlatlar qoʻshilish huquqiga ega boʻlgan shartnomalar;
● Yopiq xalqaro shartnomalar. Qoʻshilish uchun ishtirokchilarining roziligi talab etiladigan shartnomalar yopiq shartnomalar hisoblanadi. Masalan, Vena konvensiyasi (1986 yil) ochiq, Rim shartnomasi (1957-yil) yopiq shartnomadir.
5️⃣. Amal qilish muddatiga koʻra:
● Muddatli xalqaro shartnomalar, yaʼni muayyan muddatga tuziladigan shartnomalar;
● Muddatsiz xalqaro shartnomalar (masalan, SSSR va AQSh oʻrtasida tuzilgan 1973-yilgi Yadro urushining oldini olish toʻgʻrisidagi bitim).
✅ Ijtimoiy tarmoqlardagi sahifalarimiz 👇
📝 Twitter 📹 YouTube 📝 Facebook 📷 Instagram 📨 Telegram