Hurmatli pudratchilar!!!
Qurilish-pudrat tashkilotlari reytingini yangi mezonlar bo‘yicha yangilash joriy yilning 25-oktabriga rejalashtirilmoqda.
Izoh: Aksar qurilish-pudrat tashkilotlari tomonidan yangi mezon talablariga asosan mutaxassislarni MXSK kodlariga muvofiq XALIKK-2020 jadvali bo‘yicha to‘g‘ri tartib raqami bilan kiritilmagan. Oqibatda korxonada faoliyat olib boruvchi qurilish sohasidagi mutaxassislar soni (mutaxassisliklar kodi bo‘yicha va soliq hisoblangan xodimlar) ning maʼlumotlarini tizim avtomatik ravishda ballarni xisoblamagan.
Eslatma: Qurilish-pudrat tashkilot rahbarlari va kadrlar siyesati xizmati mutaxassislari, sizlardan takror va takror shuni so‘rab qolamizki, tasdiqlangan yangi mezon bilan yaqindan tanishib chiqib, mazkur mezon talablariga muvofiq qunt bilan korxonangizda ishlovchi xodimlar rasmiylashtirish kodlarini va texnikalarning turiga diqqat bilan eʼtibor berishingizni so‘raymiz.
Aloxida eslatib o‘tish kerakki: Shaffof qurilish milliy axborot tizimiga oid murojaatlarni to‘g‘ridan-to‘g‘ri rasmiy yo‘llash imkoniyati sizlarda mavjud bo‘lib, savollaringizga mutaxassislarimiz aniq va ishonchli hamda rasmiy tarzda belgilangan tartibda javob berishadi. Fursatdan foydalanib, sizlarni ogohlikka chaqiramiz, ishonchsiz manbalarga tayangan holda qo‘shtirnoq ichidagi “mutaxassis”lardan ehtiyot bo‘ling. Rasmiy manbalar, sizning murojaatingiz tezroq yechim topishiga zamin yaratadi.
"Shaffof qurilish" milliy axborot tizimi