QURILISH VA UY-JOY KOMMUNAL XO'JALIGI VAZIRLIGI

🌧❄️ #Kuz_qish

🗺 Respublikaning barcha hududlarida ko’p kvartirali uylarni kuz-qish mavsumiga tayyorlash yuzasidan amaliy ishlar olib borilmoqda. Bu borada uyning eng muammoli qismlarini joriy ta’mirlash, xususan, tomni maxsus qoplamalar bilan qoplash, kirish yo’laklarini ta’mirlash, undagi energotejamkorlikni saqlash choralarini ko’rish, tutash hududlarni obodonlashtirish kabilar shular jumlasidandir.

Xususan, Chilonzor tumani “Mehrjon” mahallasida joylashgan 26 ta ko’p qavatli uylarga xizmat ko’rsatuvchi “Grant great silk” BSK tomonidan ko’p qavatli uylarning tom qismida joriy ta’mirlash ishlar olib borilmoqda. Ta’kidlash lozimki, bunday ishlar aholi qulayligini ta’minlashga xizmat qiladi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

📹#ONLAYN

🏘 Qurilish va uy-joy kommunal kommunal xoʻjaligi vaziri oʻrinbosari Toir Alimatovning Qoraqalpogʻiston Respublikasidagi o'rganishlari davom etmoqda.

Bugun Ishchi guruhi Xo'jayli tumani "Madaniyat" MFYdagi 420 o'rinli 41-maktabni rekonstruksiya qilish obyektini o’rgandi. Binoda issiqlik izolyatsiyasi ishlari noto'g'ri qilingan, pardozlash ishlarida deraza oynalari inobatga olinmagan va ishlar betartib bajarilgan.

🗺 Keyingi manzil Amudaryo tumani bo'ldi. Xususan, hududdagi 31-sonli 330 o'rinli maktab ko'zdan kechirildi. Binoning pol va sanuzel qismlarida kamchiliklar bor. Bu bo’yicha mutasaddilarga ko’rsatma taqdim etildi. Obyektni 1-noyabrda foydalanishga topshirish rejalashtirilgan. Shu bois barcha ishlarni sifatli tarzda o’z muddatida yakunlash yuzasidan topshiriq berildi.

Vazir o'rinbosari tomonidan mazkur tumandagi 300 o'ringa mo'ljallangan 46-sonli maktabdagi bir qator kamchiliklar ham tanqid qilindi. Jumladan, obyektga quyosh panellarini o'rnatishni to'liq yakunlash, hudud atrofini o'rash kabi ishlarni 1-noyabrga qadar nihoyalab, ushbu maktabni ham o'z egalariga talab darajasida topshirish vazifasi belgilandi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

📹#ONLAYN

🏘 Avval xabar berilganidek, Qurilish va uy-joy kommunal xoʻjaligi vaziri oʻrinbosari Toir Alimatov boshchiligidagi ishchi guruhi shu kunlarda Qoraqalpogʻiston Respublikasida boʻlib turibdi.

Maqsad hududlarda barpo etilayotgan ijtimoiy soha obyektlarini tahliliy oʻrganishdan iborat. Navbatdagi manzil Nukus shahri "Jolshilar" MFYdagi 10-son ko'zi ojiz bolalar internatini rekonstruksiya qilish va 330 o'rinli o'quv binosini qurish obyekti bo'ldi. Obyektda qurilish madaniyatiga amal qilinmayotgani va tozalikka eʼtibor qaratilmaganiga e'tiroz bildirildi va bu borada masʼullar ogohlantirilib, tegishli koʻrsatmalar berildi.

Xususan, jarayonda Nukus shahridagi 9-sonli maktabni rekonstruksiya qilish va 840 o'rinli qo'shimcha bino qurish obyekti ko'rib chiqildi. Binoni foydalanishga topshirish muddati 10-noyabr etib belgilangan. Vazir o'rinbosari obyektni o'z muddatida va sifatli tarzda foydalanishga topshirish talabini qo'ydi. "Shimbay shayxana" MFYdagi 48-sonli maktabda ham bir qator kamchiliklar kuzatildi. Qurilish madaniyatiga amal qilinmagani va hudud chiqindilardan tozalanmagani jiddiy tanqid qilindi, shuningdek, obyektni pardozlashda va xonalar ostonalarini o'rnatishda belgilangan talablarga rioya etilmaganligi e'tirozga sabab bo'ldi.

Shuningdek, Xo'jayli tumani "Bayterek" MFYdagi 120 o'rinli 21-MTTni rekonstruksiya qilish obyektida gidroizolyatsiya ishlari noto'g'ri bajarilgani, qurilish madaniyatiga amal qilinmasdan, hudud chiqindilardan tozalanmaganligi ma'lum bo'ldi. Toir Alimatov bu kabi jihatlarga katta ahamiyat berish kerakligi, ijtimoiy soha obyektlari qurilishida mas'uliyatli bo'lish lozimligini mutasaddilarga tushuntirdi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|