قناة خطباء المنبر الحسيني للقصائد

#لسان_حال_السيدة_زينب_ع
#السيدة_فاطمة_الزهراء_ع
#طور_الفراق

يمه يمه.. كسرة ضلوعچ بداية
يمه يمه..  للمصايب والرزايه
يمه يمه.. يا أصل كل الحكايه

يمه يمه.. لو ما هالظالم تجسّر
يمه يمه.. ضلعچ بأحقاده كسّر
يمه يمه.. چا سِلَم لحسين منحر

يمه يمه.. لولا هالعصبة الرديّة
يمه يمه.. چان ما جَت آل امية
يمه يمه.. ولا دما اولادچ  جريّة

يمه يمه.. ولاشفت خيل اعوجية
يمه يمه.. تسحگ اضلوع الشفيّة
يمه يمه.. ولامشت بنتچ سبيّة

زينب الخفاجي

*مرثية للشهداء شبابنا الأقمار* 😭لحن اخي سوف تبكي عليك العيون~

شهيدٌ سعيد فقيد الأثر
يواسي الحسين ذبيح النحر
فداء لخط الجهاد مضى
شباب كبدرٍ قصير العمر
〰️〰️〰️〰️
أيا أُمّ صبراً لفقد الشباب
كا ليلى ورملة يعز المصاب
ألا فاصبري فالبشارة ينال
وعرس الشهادة يوم الحساب
〰️〰️〰️〰️
غدا سوف تحضر أم الحسين
وتختم منه وسام الجبين
وصك الشفاعة منها ينال
جنانٌ أعدّت وحور وعين
〰️〰️〰️〰️〰
بلبيك زهراء يعلو النداء
مضوا للجهاد كما كربلاء
شباب بعمر الورود ذبل
قرابين عشقٍ بدور السماء
〰️〰️〰️〰️〰️〰️
لهم في المآتم أنين الجزوع
ولطم الصدور وسيل الدموع
دويهم. بتسبيحةِ فاطمة
شعارهم لثأرها بيوم الطلوع

خادمة آل محمد✍🏻

*تتقدم الإدارة في خطباء المنبر الحسيني في أقسامها السبعة بأحرّ التعازي من عائلة وأحبّاء الشهيد السعيد الشيخ احمد عبود الذي شرّف مجموعتنا بخدمة الامام الحسين (ع) وختم مسيرته الجهادية بالشهادة*

*يا خادم الحسين ،نسأل الله عزّ وجلّ أن يسكنك الفسيح من جنانه ويحشرك مع محمد وآل محمد وأن تسامحنا إن قصّرنا في خدمتكم ،هنيئا لكم وصولكم للامام الحسين عليه السلام.. أذكرونا عنده*


*حسبنا الله ونعم الوكيل*
*إنا لله وإنا إليه راجعون*


(الى روحه الطاهرة وارواح الشهداء نهدي ثواب السورة المباركة الفاتحة)

نعي
عندما كان امير المؤمنين جالسا عند قبر الزهراء ع جاءته الزهراء في المنام تخبره ان زينب جلست وهي مرعوبه ذهب امير المؤمنين مسرعا الى الدار وجد زينب جالسه في وسط الدار قال لها بني زينب لم انت جالسه .... تجيبه :

بالحـال وديـني لكـبرها
مشتاكه وارد اشتم عطرها
كسر الضلع روحي كسرها
عالوالدة الما تم عمرها
____
خذني لعند امي اشتكيت
لكعدتها من تلمنه بالبيت
بغيابها لموتي تمنيت
وياها اندفن بالگبر ياريت
___
شحال الطفل لو راحت امه
ياهو الذي يحبه ويشمه
ويا حضن لو راحت يضمه
شمعه وعكبها الدار ظلمه
__

‏*🏴الْلَّيَالِي اَلفْاطمِيّة*🏴

*الروايَة الأوّلىٰ :*

٨ رَبيع الآخر ، يَوم السَبت تاريخ ١٢ / ١٠

*الروايَة الثانيّة :*
١٣ جمَادىٰ الأوّل ، يَوم السَبت تَاريخ ١٦ / ١١

*الروايَة الثالثَة :*
٣ جمَادىٰ الآخر، يَوم الخَمِيس تَاريخ ٥ / ١٢

#أعظم_الله_اجوركم
#استشهاد_السيدة_الزهراء(ع)
#هيئة_طوى

*أماهُ يا زهراء*💔

✨ *يا سر الوجود يا مولاتي يا فاطمة ضلعك المكسور مأواي في حيرتي، ومتنك الدامي درعي في شدتي، وعينك الحمراءُ حارس وحدتي، وذكرُك مؤنسُ عتمتي...*


🥀 *في قبرك المخفيّ ضمي جروحي، وامسحي بحنانك الأسقام من روحي، يا من بها يفرج الله كل كرب، وينير بذكرها كل درب، أي نعمة أنتِ!*


🥀 *نرفعُ أسمى آيات العزاءِ بذكرى حلول الليالي الفاطمية بإستشهاد أُمنا الصّديقة الطاهرة فاطمة الزهراء (عليها السلام) الرواية الأولى سائلين الله عزّ وجلّ تعجيل فرج مولانا صاحب العصر والزّمان (عجّل الله تعالى فرجه الشريف) والنصر والعافية*


#الليالي_الفاطمية

*تتقدم الإدارة في خطباء المنبر الحسيني في أقسامها السبعة بأحرّ التعازي من عائلة وأحبّاء الشهيدة المظلومة الاخت رباب شودب التي شرّفت مجموعتنا بخدمة الامام الحسين (ع) وختمت مسيرتها بالشهادة*

*أختنا في الله ،نسأل الله عزّ وجلّ أن يسكنك الفسيح من جنانه ويحشرك مع محمد وآل محمد وأن تسامحينا إن قصّرنا في خدمتك .*


*حسبنا الله ونعم الوكيل*
*إنا لله وإنا إليه راجعون*


(الى روحها الطاهرة وارواح الشهداء نهدي ثواب السورة المباركة الفاتحة)

نسال الله الشفاء العاجل لكم🙏

بإسم إدارة خطباء المنبر الحسيني نتقدم بأحر التعازي والتبريكات لفضيلة الشيخ عباس الشامي بإرتقاء فلذات كبده الأربعة سعداء شhداء على طريق القدس ..
ألهمكم الله الصبر والسلوان والاحتساب وأعلى درجتكم عند مولانا الامام الحسين عليه السلام ونسأله الشفاء العاجل لكم ولعائلتكم

هوّن ما نزل بكم أنه بعين الله
لا حول ولا قوه الا بالله العلي العظيم

الفاتحة لأرواح الشهداء جميعا ولشفاء فضيلة الشيخ وزوجته ولشفاء جميع الجرحى💔💔

الليالي الفاطمية
#طور _جديد(ودّعتِك وظهري إنكسر)
#حالة أمير المؤمنين ع عند تغسيل الزهراء ع:



١/ وَدّعتِك وظهري إنْكِسَر /زهره
عذريني مو بيدي الأمر /حسره
غسّلتِك بإيدي وشِفت/ كسره
تِفتّْ إحشاي ..
تِفتّ إحشاي ..


٢/ حيدر انه يا فاطمه / كلمه
حاكيني بْدلِيلي وسف / لجْمه
الدنيا بِدونِك مُظْلِمه / هَظمه
يضي دنياي ..
يضي دنياي ..


٣/ ما أنسى حزنك للأبد / صعبه
معاشِر دمعتي ابكل وقت / صَبّه
ليلي وصباحي اندِبِك /نُدبه
وهُمومي اهواي ..
وهُموامي اهواي ..


٤/ شَيّب رمش عيني ودمع / خدي
يعقوبك بحزني صرت / وحدي
سلواي كنتي و حيلتي/ ووجدي
أظل شكاي ..
أظل شكاي ..


٥/ نعشِك أحمله بيا صبر / مَا أقدر
أمشي اعلى هوني (واحترز) / أعثر
لوني اعلى فقدك منخطف /أصفر
أموت بهاي ..
أموت بهاي ..


#طور فايزي


الله لا ينطيه النّذل منك حرمني
وبموتتك يم الحسن انا الكسرني
حتى اعلى وجهك من صفع كنه صفعني
ريت المنون العاجلك ريته اخذني


✍خادمة أبي الفضل

#الليالي_الفاطمية
#طور_الجفيري
#حال الامام الحسين عند جسد الزهراء ع وقد ناداها أماه كلميني..انا عزيزك الحسين
كلميني قبل خروج روحي من بدني




أقسم عليك بغربتي
يوم الطفوف و وحشتي
بحق الوريد وذبحتي
حاكيني كلمه بس بعد


اقسم عليك بهالأمر
بگطعة وريدي والنّحر
بحق الكفيل على النهر
حاكيني كلمه بس بعد


أقسم عليك بحيدره
ودمعه ابخدوده هم جرى
حاكيني يُمّه الطاهره
حاكيني كلمه بس بعد


أقسم عليك بالحسن
وكبده اويلي والبدن
وبنعشه وسهام ابكفن
حاكيني كلمه بس بعد


أقسم عليك بخَيّتي ( زبنب)
تبكي وتنوح لحالتي
يمكن أموت ابونّتي
حاكيني كلمه بس بعد


أقسم عليك بالضلع
اليكوي دليلي وانوجع
حضريني ساعت أنصرع
حاكيني كلمه بس بعد


🖊خادمة أبي الفضل

#شهادة_السيدة_فاطمة ع
#أطوار_مختلفة
#تصوير رجوع أمير المؤمنين ع إلى دار الزهراء ع ليلاً



وين أمنا تجاوبني أشوفك راجع ومحزون
على ثوبك أثرّ التراب تمشي وسايله العيون


بالله عليك تِخبرني أمي إشحالها ابهالساع
شِفتك منحني ومهموم وعلى حالك دليلي التاع
صاح إلها ما ترجع وما طاب الكسر ب اضلاع
أصبركم وتِصبّروني عسى جروحي عليّ اتهون


وحدك راجع ابلا روح ولونَك شاحب وتعبان
براسك بانت الشِيبه وعلينا  اتظلل بأحضان
يعني الزهره ما ترجع وعلينا خَيّمت لِحزان
امنه نور  هاي الدار بليّاها نعيش شلون

✍خادمة أبي الفضل

نشوفك منكسر رديت والهم تارس عيونك
محني والحزن غاطيك مدري شصاير بلونك
دفنت امنه بديك وجيت الله ياعلي بعونك
تصبرهم ؟ يصبرونك ؟ اوياهم تبچي من يبچون ؟


✍أم محمد الحجاج

لعن الله ظالميك يا فاطمة
#شهادة_السيدة_الزهراء_ع
#طور_زينب_إجت_لحسينها
#لسان حال السيدة زينب ع ليلة شهادة السيدة الزهراء ع



طير المنية هم وقع
وبيت العداله إنفجع
فاطم شهيدة امن الضّلع
وردة و زغيره تِندمل


ليلتنا بيها بس ونين
من راحت الزّهره الحنين
حاير بلياها الحُسين
ودمعه لجل خدها هِمل


يُمّه ابو محمد يونّ 
يصعب وداع ام الحسن
اوياك مرادي أندِفن
ويحلالي يلفيني الأجل


يُمّه انادي ابكل وقت
رِيتك تِردّيلي صِحِت
عمري بلياك عِفت
قضِّيتِ عمرك بالجَلل


بعين الله أمنه يا البتول
إروي الجرالك للرسول
وحيدر دموعه هم تقول
حِزنه تسولف هالمُقل


🖊خادمة أبي الفضل

نعي للزهراء
……
شحال الفاگد امه بهاي الايام
ويعاين يشوف البيت خالي
هذا فراشج وهاي التصاوير
تسولف عالحصلي والجرالي
ييمه وداعتج خلصت الدموع
وظلت شاهده الحالي الليالي
صار البيت اظلم عگب عيناج
ضحكتج دوم تفتر اعله بالي
اصيح احاه يمه بتالي الليل
تعالي يم حسن يمه تعالي
گبل جان شحلات الگعده وياج
هسه الوحدي وبالظيم حالي
…… ..
يمه ماينجهب صار
خلافج البيت اليوم ماينجهب صار
يمه مرينه خطار
ابداعت ليالي ارباج مرينه خطار
يمه ياحال الزغار
الظلو يتامه شحال الزغار
يمه مانهوه هالدار
المنج خلت مانهوه هالدار
…… ..
علي الحاج الصبيحاوي


#اللهم_عجل_لوليك_الفرج

نعي لشهادة مولاتنا الزهراء عليها السلام
لسان حال مولاتنا العقيلة زينب عليها السلام
الشاعر يصف الحال


دروبچ عَلِي صارت بعيده
ذاك الوكت راح اشيعيده
وياچ المسامر اريده
ليشوف وجهچ يوم عيده


طولچ يهنياله ليشوفه
جرح البدلالي يروفه
يلبلوصل دوم امعروفه
امي وحرز اسمچ حروفه


طيفچ يجيني بلذت النوم
يفوخ الگلب من عطر الهدوم
تگعدين واشچيلچ الهموم
بچفاچ يمه الحيل مهدوم


🏴🏴
نعي بحق الام



يلشوفتچ دفعة بله
تشورين مثل البسمله
يمعطّره ويمهيّله
خَيرة سلف يمعدّله
نبع المحنه ام  الهله
ام الوصل يمكمّله
النزل عگبچ ماحله
مابي طعم من اوصله
من رحتي چن راحو هله


ام محمد الحجاج

لتشييع الزهراء عليها السلام

#نعي نصاري



علي شييع نعشها بهل المسيه
يجر حسرات لفراگ الزچيه
يگلهه راحت العِشره الهنيّه
يشمعة بيتي بيتي اظلم عليه
يريت الموت ماخذنه سويه
ولا ابگه ندامه اصفج بديه
حنه ظهري مصابچ يالوفيه


ام محمد الحجاج

مولاتي زينب من شالوا نعش امها الزهراء عليهن الصلاة والسلام  كاني بها نادت 
بلسان حال الشاعر  😭😭😭


نصاري

بويه النعش خله لاتشيله
مايحمل بُعد گلب العقيله
وداع اويه امي اريد اشبع الليله
تراهي رايحه روحه طويله
وجرح فراگها مابيه حيله
ون وياي ياحامي دخيله
نتشارك عله الهم ونشيله
يل دمعك مثل دمعي مسيله


لاحول ولاقوة الا بالله العلي العظيم

آجركم الله

لك العزاء يامولاي ياصاحب الزمان

عظم الله لك الاجر


ام محمد الحجاج

شِيعِتَكْ مَسْهَه الْخَطَرْ يَبْنِ الْحَسَنْ
مَاكُو غِيرَكْ نِسْتِجِيرَه بْهَالزَّمَنْ
إِلْحَگَ ايْتَامَكْ يَبُو صَالِحْ لِأَنْ
كَشَّرَ انْيَابَه الْعَدُو وْعَمِّ الْبَلَه
-----------------------
يَا أَمَانِ الدِّنْيَه مَا عِدْنَه أَمَانْ
طَشِّرُونَه وْوَذِّرُونَه بْكِلْ مَكَانْ
مِنْ دِمَانَه مَا شِبَعْ جُورِ الزَّمَانْ
وِانْتَه بَسِّ انْتَه لْتِحِلِّ الْمُعْضِلَه
-----------------------
عِينَكِ عْلِينَه دَخَيلَكْ يَا رَحِيمْ
ضَاگَتِ گْلُوبِ الْخَلَگْ وِانْتَه الْكَرِيمْ
يَمْتَه بِيدَكْ تِمْسَحِ دْمُوعِ الْيِتِيمْ
لْيَا وَكِتْ تُبْگَه الْمَدَامِعْ سَايِلَه
-----------------------
مْحَلِّفِينَكْ بِالنِّبِي وِبْفَاطِمَه
وِالْحَسَنْ وِالْمُرْتَضَى حَامِي الْحِمَه
وِالْحُسِينِ وْغُرْبِتَه وْفَيضِ الدِّمَه
تِظْهَرِ وْتِجْمَعْ شَمِلْ هَالْعَايِلَه
-----------------------

#الأمان_الأمان
#اللهم_عجل_لوليك_الفرج
حسن خنافر العاملي

الْفَاطِمِيَّه گَرُّبَتْ وِاحنَه بْهَضُمْ
وِالضِّلِعْ رَايِدْ بَچِي وْنُوحِ وْلَطُمْ
هَا يَمَهْدِي إِرْفَعِ الْهَمْ وِالظُّلُمْ
حَتَّى نِنْصُبْ مَجْلِسِ الزَّهْرَه الْبَتُولْ
-----------------------
تِرْضَه مَا تِتْعَالَه أَصْوَاتِ النِّيَاحْ
عَالِّذِي وِبْلَا ذَنِبْ بِالْعَصْرَه طَاحْ
چَمْ گَلُبْ يِنْتَظْرَكِ وْبِالْحَسْرَه صَاحْ
وِالدَّمِعْ يِجْرِي قَهَرْ يَبْنِ الرَّسُولْ
-----------------------

#الأمان_الأمان
#اللهم_عجل_لوليك_الفرج
حسن خنافر العاملي

⬛️◼️القصيدة-3-◼️⬛️

هذي الجريمةُ أعيَتنا ومَن وصفُوا
والسامعونَ دماً بالدمعِ قد ذرَفوا
إنّا بذكر ِ مُصاب ٍفيه ِ فاطمة ٌ
قبل َ الأوآنِ كما لو زهرةً قطَفوا
لازال َ مقتَلُها تبكي السمآء ُ لهُ
والأرض ُوآجمة ٌوالشمسُ تنكَسِف ُ
والفاعلون َحكَوا ماقد جَنَوا علناً
يابئسَ ما فعلوا ياقُبحَ ما اقترفوا
وهاهوَ الجبت ُحينَ الموت ِأخبَرَهُم
بجُرمِه ِ بعدَه ُالطاغوت ُ يعترف ُ
لِدارِها ليتني لم أكشِفنْ وكذا
قولُ الزنيم ِصريحٌ ليسَ يختلف ُ
وقصة ُالحرق ِثمّ العصرِ نآئبةٌ
على الزكيةِ حقاً يأسف ُ الأسف ُ
أما الأضالع ُتروي قُبحَ سَوأَتِهِم
أين المُروءَةُ وآ ويلآه ُوالشرف ُ!
ماذنبُ مُحسِنِها إذ أسقطوهُ وذا
بالحبلِ حيدرةً حقداً له ُكتَفوا
مما جرىٰ بقيّت في لوعة ٍ وأسىً
حتىٰ قضَت وعليها الكونُ يرتَجِف ُ

#سمير_الصالحي
#البصرة_الفيحاء


🏴نعي -نصاري
لسان حال أمير المؤمنين ع وفراقه للزهرآء ع

خُمد نور الزجيه وخيّم الليل
ويتاماها تجر حسرات بعويل
وابو حسين النعشهه عزّم يشيل
ينوح ودمعته ل فراگ الاحباب

شيّعها علي ومكسور ظهره
وينادي ياوسف راحت الزهره
مكسورة ضلع والعين حمره
يوسدهه ويهيل اعليهه التراب

يگلهه يابتوله شلون ترحين
تعوفينه بعجل ياگرة العين
تمنيت العمر ويانه تگضين
من بعدچ تراهو العيش ماطاب

ابكل امچان الچ تذكار وآثار
ايتامچ تشم ريحتچ بالدار
أصبرهم واسليهم ومحتار
وتشوغ الروح لو عاينت للباب

#سمير_الصالحي
#النجف_الأشرف
‏#الليالي_الفاطمية