Bosh vazir matbuot kotibi | Bekzod Hidoyatov

@hidoyatov_bsh

O’zbekiston Respublikasi Bosh vazirining Matbuot kotibi
———
Ózbekstan Respublikası Bas ministrdiń baspasóz xatkeri
———
Press Secretary of the Prime Minister of the Republic of Uzbekistan

Bosh vazir matbuot kotibi | Bekzod Hidoyatov

22 Oct, 11:42

Самарқанд шаҳрида 22 октябрь куни Ўзбекистон-Қозоғистон тўртинчи ҳудудлараро ҳамкорлик форуми бўлиб ўтди.

Ўзбекистон Республикаси Бош вазири Абдулла Арипов Қозоғистон Республикаси Бош вазири Олжас Бектенов бошчилигида ўтган форумда икки мамлакатнинг барча ҳудудлари вакиллари ҳамда унинг доирасидаги давра суҳбатида 200 га яқин тадбиркор иштирок этди.

Ҳудудлар раҳбарлари ва тадбиркорлари ўртасида тўғридан-тўғри алоқаларни ривожлантиришга қулай шароит яратиш ва уларни ҳар томонлама қўллаб-қувватлаш мақсадида ўтказилган форумда сўнгги йилларда мамлакатларимиз ўртасидаги кўп асрли дўстлик, яхши қўшничилик ва ўзаро ҳурмат тамойилларига асосланган стратегик шериклик ва иттифоқчилик муносабатлари жадал ривожланиб, барча соҳаларда ижобий ўсиш кузатилаётгани таъкидланди.

Ўзаро муносабатлар шундай юқори даражага кўтарилишида, Давлатларимиз Раҳбарлари ўртасидаги дўстона ва ишончли алоқалар муҳим омил бўлаётгани алоҳида қайд этилди.

Facebook | Instagram

6,117

Bosh vazir matbuot kotibi | Bekzod Hidoyatov

16 Oct, 12:53

Исломобод шаҳрида 15-16 октябрь кунлари Шанхай Ҳамкорлик Ташкилоти ҳукумат раҳбарлари кенгашининг навбатдаги мажлиси бўлиб ўтди. Ўзбекистон Республикаси Бош вазири Абдулла Арипов 16 октябрь куни мазкур саммитда иштирок этди.

Ўзбекистон Бош вазири мамлакатларимиз улкан иқтисодий салоҳиятга эга эканини инобатга олиб, биргаликдаги саъй-ҳаракатлар билан ташкилот маконида кўптомонлама шериклик мустаҳкамланишини таъминлаш мумкинлигини қайд этди. Давлатимиз раҳбари томонидан бу борада Шанхай ҳамкорлик ташкилотига аъзо давлатлар раҳбарлари кенгашининг Остона шаҳрида бўлиб ўтган йиғилишида илгари сурган таклиф ва ташаббусларини қўллаб-қувватлашга чақирди.

Мажлис сўнггида қатор ҳужжатлар имзоланди.

Facebook | Instagram | Portal

5,536

Bosh vazir matbuot kotibi | Bekzod Hidoyatov

01 Oct, 15:46

Ереванга ташриф доирасида Ўзбекистон Республикаси Бош вазири Абдулла Арипов Эрон Ислом Республикаси Биринчи вице-президенти Муҳаммад Ризо Ореф билан икки томонлама учрашув ўтказди.

Давлатларимиз раҳбарлари томонидан кўп қиррали ҳамкорликни янада мустаҳкамлаш борасида салмоқли ишлар амалга оширилаётгани таъкидланди.

Учрашувда Ҳукуматлараро қўшма комиссиянинг навбатдаги йиғилиши ҳамда унинг доирасидаги бизнес-форумга пухта тайёргарлик кўриш, давлатларимиз ўртасида турли соҳаларда саноат кооперация лойиҳаларини амалга ошириш масалаларига эътибор қаратилди.

Ўзбекистон ҳукумати делегацияси Ереванга ташриф доирасида Евроосиё иқтисодий форумида ҳам иштирок этди.

Facebook | Instagram

9,461

Bosh vazir matbuot kotibi | Bekzod Hidoyatov

01 Oct, 15:07

Жорий йилнинг 1 октябрь куни Ўзбекистон Республикаси Бош вазири Абдулла Арипов бошчилигидаги мамлакатимиз делегацияси Евроосиё Иқтисодий Иттифоқи Ҳукумат раҳбарлари Кенгашининг навбатдаги мажлисида кузатувчи мақомида иштирок этиш учун Ереванга ташриф буюрди.

Ўзбекистон Бош вазири ўз нутқида Президентимиз Шавкат Мирзиёев бошчилигида амалга оширилаётган иқтисодий ислоҳотлар ўзининг юксак самараларини бераётганини алоҳида таъкидлади.

Йиғилиш сўнггида Евроосиё иқтисодий комиссияси ва Ўзбекистон Республикаси ҳукуматининг 2024-2026 йилларга мўлжалланган қўшма тадбирлари режаси имзоланди.

Facebook | Instagram | Portal

8,396

Bosh vazir matbuot kotibi | Bekzod Hidoyatov

09 Sep, 17:56

Тошкент шаҳрида 9 сентябрь куни Ўзбекистон Республикаси ва Россия Федерацияси ҳукумат раҳбарлари даражасидаги қўшма комиссиянинг бешинчи мажлиси бўлиб ўтди.

Ўзбекистон Республикаси Бош вазири Абдулла Арипов ва Россия Федерацияси Ҳукумати раиси Михаил Мишустин раислигида ўтган йиғилишда икки мамлакат ўртасидаги стратегик шериклик ҳамда ўзаро ҳамкорлик муносабатларининг бугунги ҳолати, истиқболлари муҳокама этилди.

Мажлисда икки Давлат раҳбарларининг узоқни кўзлаган сиёсий иродаси туфайли мамлакатларимиз ўртасидаги муносабатлар мутлақо янги босқичга кўтарилиб бораётгани таъкидланди.

Учрашув якунлари бўйича қўшма коммюнике қабул қилинди ҳамда бир қатор ҳукуматлараро ва идоралараро ҳужжатлар имзоланади.

Шу кунининг ўзида Россия Федерацияси ҳукумати делегацияси Тошкент шаҳридаги «Ғалаба боғи» ёдгорлик мажмуасига ташриф буюрди ва Технопаркда бўлиб, ишлаб чиқарилаётган кенг турдаги юқори технологик маҳсулотлар билан танишди.

Facebook | Instagram

13,639

Bosh vazir matbuot kotibi | Bekzod Hidoyatov

08 Sep, 21:08

Жорий йилнинг 9-10 сентябрь кунлари Россия Федерацияси ҳукумати раиси Михаил Мишустин Ўзбекистон Республикасига расмий ташриф билан келади.

Ташриф дастуридан Ўзбекистон Республикаси ва Россия Федерацияси ҳукумат раҳбарлари даражасидаги қўшма комиссиянинг навбатдаги мажлисини ўтказиш, Тошкент шаҳридаги ишлаб чиқариш ва саноат корхоналари фаолияти билан яқиндан танишиш ҳамда бошқа объектларга ташриф буюриш кўзда тутилган.

Facebook | Instagram

12,009

Bosh vazir matbuot kotibi | Bekzod Hidoyatov

05 Sep, 07:15

Тошкент шаҳрида шу йилнинг 5-6 сентябрь кунлари “Денгизга чиқиш имкони бўлмаган ривожланаётган давлатлар озиқ-овқат хавфсизлиги ва барқарор ривожланиш мақсадлари” мавзусида халқаро форум ўтказилади.

Денгизга чиқиш имкони бўлмаган ривожланаётган давлатлар ўртасида қишлоқ хўжалиги маҳсулотлари савдоси, озиқ-овқат хавфсизлиги ва иқлим ўзгаришига мослашиш, логистика билан боғлиқ муаммоларни ҳал этиш мақсадида ташкил этилган мазкур анжуманда 30 дан ортиқ давлатдан вакиллар, халқаро молия ташкилотлари, илмий доиралар, хорижий экспертлар ва хусусий сектор раҳбарлари қатнашмоқда.

Бугун мазкур форумнинг очилиш маросими бўлди. Унда Ўзбекистон Республикаси Бош вазири Абдулла Арипов, ФАО бош директори Цюй Дунъюй, БМТнинг энг кам ривожланган ва денгизга чиқиш имкони бўлмаган ривожланаётган мамлакатлар бўйича Олий вакили Рабаб Фатима, Европа Иттифоқининг қишлоқ хўжалиги бўйича комиссари Януш Войцеховский сўзга чиқди.

Facebook | Instagram

12,240