Uzmobile дилерлари хусусий ширкатга “мажбуран бириктириляпти”
Йиллар давомида энергия танқислигидан азият чекиб келаётган ўзбекистонликлар уйларида свет ва газ ўчишига кўникма бўлмаса ҳам, маълум иммунитет ҳосил қилишган.
Бу маънода аҳолиси фаровон ва свет ўчиши ҳақиқатан ҳам тарихда қолиб кетган мамлакатлар аҳолисидан бир қадар сабрли дейиш мумкин.
Аммо интернетга келганда… Ўзбекистон глобал дунёнинг бир қисми.
Бутун дунёда, айтайлик Телеграмнинг атиги бир неча сония ишламай қолиши дунёнинг бошқа бурчакларида қандай акс-садо берса, ўзбекистонликларни ҳам шундай жунбушга келтиради.
Энди бутун бошли интернетдан узилиб қолишни тасаввур қилинг. Тўғрироғи, тасаввур қилолмаслигингиз ҳақиқатга яқинроқ.
Интернет, айниқса, мобил интернет бугун бутун ўзбек хонадонларига кириб борган ва ўзбекларнинг кундалик турмуши, эҳтиёжлари, ҳаёт тарзининг бир қисмига айланиб улгурган.
Интернет шунчалик оммалашганки, ҳатто минг йиллик бозор ва анъанавий тижорат ҳам онлайн савдо ёки маркетплейсларга рақобат ташкил қила олаётгани йўқ.
Аммо рақобат Ўзбекистонда нисбий тушунча ва ҳар доим кучли, кўпинча ҳокимиятга яқин монополияларга тўқнаш келадиган НИСБИЙ тушунча.
Бугун Ўзбекистоннинг интернет бозори ва ундаги ана шу нисбий рақобат ҳақида сўз юритамиз…
🔴 Ozodlik kanaliga obuna bo'ling! 👉 https://t.me/ozodlikkanali
🔴 Bizga xabar yo'llash uchun 👉 https://t.me/ozodnews