#Nawrız_2024
#milliy_miyras
#shayır_qáleminen
🔔 SHIŃQOBÍZ
Anam seni sandıǵında saqlaǵan,
Saqlamasa kewli qarar tappaǵan,
Esitkende seniń sulıw sestińdi,
Esken samal el shetinde toqtaǵan,
Seniń sulıw sestiń ushın, shıńqobız.
Qız-jawanlar qozǵap júrek dártlerin,
Ashıq aytqan ashıqlıqtıń shártlerin,
Alısqa at, jaqınga xat jollatıp,
Jawlap alǵan jigitlerdiń mártlerin,
Seniń sulıw sestiń ushın, shıńqobız.
Tilla ziban shuǵla shashqan nurlarday,
Onda tereń bir ájayıp sır barday,
Dúnya mángi qulpı dónip dolanıp,
Gózzallıǵın saǵan berip turǵanday,
Seniń sulıw sestiń ushın, shıńqobız.
Anam seni sandıǵında saqlaǵan,
Saqlamasa kewli qarar tappagan,
«Sahra búlbúli» dep biykardan-biykar,
Atalmaǵan aqırı qaraqalpaqlar hám,
Seniń sulıw sestiń ushın, shıńqobız.
✍️ T.Qabulov
══════❁✿❁══════
Kanallarımızǵa mirát etemiz👇
📚 @qaraqalpaq_tilim_qalqanim
📚 @qara_qalpaq_tili
📚 @ana_tilim_qalqanim