قناة الدفعة 85

"إنا لله وإنا إليه راجعون"

حالة من الحزن تسود بين طلاب كلية الاقتصاد المنزلي بجامعة المنوفية بسبب وفاة الطالبه/ أيه ايمن فوزي سعاده المقيدة بالفرقة الثالثه بكلية الآقتصاد المنزلي قسم التربوي و بجامعة المنوفيه
اثر سقوطها من الطابق الرابع في السكن الجامعي فجر اليوم

نسألكم الدعاء

ياريت بسرعه يا شباب
الحاله طارئه جدا
دا رقم التواصل 01206513139
لو حد في شبين او قريب او في سكن ياريت ينزل بسرعه
المكان: مستشفى الجامعه

السلام عليكم
محتاجه ناس تتبرع بالدم
محتاجه 4اكياس دم ضروري ي شباب ف بنك الدم
مستشفى الجامعه
ياريت بسرعه

ده جدول لحفظ القرآن بعدد الصفح كل ما احفظ صفحة أعلم عليها، روحت اطبع ليا ورقة انهاردة لاقيت نفسي بقوله عاوزة خمسة وقولت هبقا ادي صحابي ونشجع بعض، بعدين وانا فالطريق جه ف دماغي اطبع كمية واوزعها ده الورقة بجنية، يعني لو طبعت خمسين ورقة ب 50 جنية بس!
المهم قولت انزل الصورة عشان لو كنت عاوز تتصدق ومحتار تطلع فين لو طالب اطبع العدد اللي تقدر عليه ووزعه على زمايلك وشارك الأجر مع كل واحد بدأ يحفظ وربنا جعلك أنت السبب إنه هو يحفظ♥️

دي قناه اختي الكبيره وهيا قناه اعمال هاند ميد  فيها كل حاجه بتتتعمل اطارات خطوبه ومناديل الخطوبه وبويكهات الورد
والتوصيل هيكون ل شبين مجاني
ولو سمحت 🥰
اشتراك وتفاعل لو سمحت
خش اتفرج مش هتندم 🥹🥰

https://www.facebook.com/share/g/18L7StBedB/

السلام عليكم ي بشمهندسين
محتاجه م حضراتكم متبرعين بالدم ضروري
لوالدتي هي حامل وحصلها قطع ف المشيمه واحتمال كبير تنزف وهي ف بتولد فمحتاجه متبرعين بالدم
ف مستشفي الجامعه
هما محتاجين عدد كبير م المتبرعين عشان تتحجز وللأسف قرايبي م هنا
ومفيش قدامي غير حضرتكم


ياريت اللي نازل بكره الكليه وعنده وقت فاضي يروح الموضوع مش هياخد ٥ دقايق ان شاء الله

وبلاش شغل اصل عندى انيميا اللى بنعمله مع عربيات التبرع دا
وادعوا لوالداتها والطفل الصغير انهم يقوموا بالسلامه ويكونوا بخير

التبرع بإسم
نورا مفرح عبد العظيم عيد
ياريت منكسلش يا شباب

السلام عليكم ورحمة الله وبركاته

🔻 ميدترم الكيمياء الحيوية الأسبوع الجاي في السكاشن ياريت كل طالب يلتزم بميعاده

🔻ميدترم + عملي + شفوي الوقاية جزء الآفات الأسبوع الجاي " الجزء الحشري + الحيواني " في ميعاد المحاضرة كل واحد يلتزم بمجموعته الميد عبارة عن سؤال و الشفوي سؤال و العملي العروض

🔻 بالنسبة للناس الباقية اللي معاها مادة أرصاد من أولى ف الميد هيبقى يوم الاتنين على المنصة لما الميعاد يتحدد بالظبط هقولكم إن شاء الله

بالتوفيق 🤍

فيه 400 جنيه وقعوا ف ابو الغار اللي يلاقيهم يكلمني
@Joooo_85

السلام عليكم
لو حد لقى مفاتيح فيها مفتاح أخضر و مفتاح قفل صغير و بتاع لونه بينك عليها رقم
لو مع حد يتواصل مع
+201145812464
أو
@Ehab_902

فيه شاحن ضايع في مدرج ابو الغار يوم الاحد

@M7med26

السلام عليكم
مفيش محاضرة هندسة يوم السبت و ركزوا على الامتحانات في السكاشن لحد المحاضرة قبل الأخيرة

متاح مكان في سكن لبنت لو حد محتاجة يتواصل مع الباش مهندسه
@Nadaishaq

منتجات omran prime على prime store
هتلاقي كل اللى هتحتاجه من منتجات شبابية للجنسين وأدوات كهربائية ومستلزمات المطبخ وملابس بكواليتي عالية وطباعة ديچيتال ، يوجد الهودى السادة وهودى بطباعة مميزة ، وهودي الكابلز ، لمعرفة المزيد زور متجرنا على الانستجرام وتابعنا علشان تعرف كل العروض الأسبوعية 👇
https://www.instagram.com/omranprime/profilecard/?igsh=ZnJmaTRvaGt0cXd4

لينك جروب الواتساب لعرض المنتجات 👇
https://chat.whatsapp.com/LfnEDINWNhx8a4fTVfzaY4

لو حد معاه كتب سنه أولي مطبوعة ومش محتاجها يكلمني يشباب

الكشكولين دول نسيهم عند الملعب
صاحبهم يتواصل مع البشمهندس
@F_M_Nasr

السلام عليكم
لو حد لقى كشكول قدام مدرج عثمان بعد سكشن الهندسة يتواصل مع باشمهندسة
@Menna_1211

السلام عليكم ورحمة الله
بالنسبة لميد ترم هندسة زراعية هيبقى الأسبوع الجاي في ميعاد السكشن
كل واحد يلتزم بميعاد السكشن بتاعه واللي هيحضر في وقت غيره مش هيمتحن ومفيش أعذار
هيبقى معانا المحاضرات لحد المحاضرة قبل اللي فاتت و الأبعاد و الوحدات و المسائل و سكشن الجرارات معانا برضو
بالنسبة للناس الباقية في المواعيد اللي تناسبهم عادي

امتحان ميد ترم الميكرو هيكون متاح على المنصة بداية من يوم السبت أو الأحد القادمين ولنهاية الأسبوع المقبل للامتحان في أي وقت

السلام عليكم ورحمة الله
فيه تابلت بتاع زميلنا ضايع من وقت السمر
لو حد لقاه يتواصل مع باشمهندس
@M0hamed88o
و اسلكوا يجماعة متطمعوش وتاخدوا حاجة مش بتاعتكم هتروحوا من ربنا فين😠

السلام عليكم ورحمه الله وبركاته
امتحان الميد ترم لهندسه زراعية إن شاء الله الأربعاء بعد القادم الساعة ٨ مساء لحد محاضرة النهاردة
آخر كلام لدكتور ماجد السيد منذ قليل

امتحان ميد ترم الحشرات إن شاء الله يوم الأحد القادم في ميعاد المحاضرة
الامتحان هيبقي عبارة عن 20 سؤال
10 أسئلة صح وغلط و 10 أختر
الامتحان هيكون عليه 5 درجات
ويوجد امتحان ميد ترم آخر على المنصة ب 5 درجات تانيين لم يحدد ميعاده بعد

حياكم الله يا شباب
في واحده زميلتنا عامله بيدج بتبيع عليه إكسسوارات بيور لونها مش بتغير
نتمنى دعمكم ليها

ده لينك البيدج
https://www.facebook.com/profile.php?id=61562250101057&mibextid=ZbWKwL

وده لينك الجروب
https://www.facebook.com/groups/3893130820970954/?ref=share&mibextid=NSMWBT

وده البوست الرئيسي
https://www.facebook.com/share/p/4YLTWGky4WDwQ4xb/

وده رقم للتواصل 01159610278
واي حد من الكليه يبلغني وانا هوصلها ليه وفيه خصم ليهم حلو بآذن الله♥♥✨

جروب لبيع شنط و أكسيسوريز و توك بأسعار تحفةة🫶💗💗💗💗
https://chat.whatsapp.com/IuMZsiPtyjk2mlo48csz9F

السلام عليكم ورحمة الله وبركاته
حياكم الله يا شباب
جد زميلتنا هيدخل عمليه قلب مفتوح يوم السبت
محتاجين ١٦ كيس دم للعمليه قدرنا الحمد لله نجمع ١٠ اكياس ناقص ٦
لو حد يقدر يتبرع بكره  اي فصيله دم  وبيتبدل في بنك الدم بالفصيله اللي محتاجينها

التبرع في مستشفي القصر
في صفحه بإسم محمد مصطفى على راشد
ودا رقم للتواصل لو حد هيتبرع 01020640671

جزاكم الله كل خير ❤️

دكتور عبدالفتاح بيبلغكم اني مافيش امتحان يوم السبت ومافيش محاضره يوم السبت والامتحان يوم الخميس علي المنصه ودكتور خالد هيبدأ جزء جديد من الاسبوع اللي بعد الجاي

حياكم الله يا شباب
التوقيت الشتوي هيبدأ انهارده ان شاء الله
يعني الساعه ١٢ نأخر وقتنا ساعه
ودي مواعيد الصلاه اظبط ساعتك عليها ❤️

لو حد بيحول فلوس او ليه اي تعاملات على فودافون كاش وقفها كلها الساعه ١١ لبكره الصبح ع شان تغيير المواعيد هيحصل مشكله في السيستم والفلوس هتطير
متدفعش فواتير او تعمل اي تحويلات بعد ١١ بليل

السلام عليكم ورحمة الله وبركاته
انهاردة اخر يوم فى حملة الحضانات وفاضل معانا اخر جهاز تنفس صناعى شغالين عليه ياريت اللى كان عامل حسابه يشارك فى الاخر او اللى كان هيحول ونسي يلحق يشارك


وخلوا بالكوا عموما لو هتحولوا لاى حد انهاردة سواء انستا او كاش او اى تحويل الكترونى يكون قبل 11 بليل وبعد 3 الفجر عشان تغيير التوقيت ومتنسوش تقولوا للاهل فى البيت النقطة دى

السلام عليكم
النهارده الساعة هتتغير هتبقى 11 بدل 12

السلام عليكم ورحمة الله وبركاته
فيه ست عليها دين بمبلغ 4000 جنيه والراجل صاحب الفلوس هيشتكيها لو حد يقدر يساعد 🤍
رقم فودافون كاش
01098028838

متاح شغل جديد 🔥 واسعار أقل من اى مكان وجوده ممتازه

للاستفسار
01019624964

لو فيه بنات واخده سكن خارجي ومحتاجين بنت معاهم يتواصلوا مع الباش مهندسه
@Rrrrr2210

في بشمهندسه اسمها هنا المصرى خدت البالطو من زمليتها امبارح ف الاستراحة ونسيته معاها
تتواصل معاها @shahd_ibrahi

لو حد عنده مشكله في تسجيل المواد يتواصل مع البشمهندسه
@dagrj

السلام عليكم التابلت ده لقيته في سكشن الميكرو
صاحبته تتواصل مع الباشمهندسة
@Yasmiinn3

بعد اذنكم يشباب
دكتور منى معيدة الحشرات ادت حد فيكم بالطو بعد محاضرة الوقاية ف عثمان
إللي خده منها يتواصل معايا
@ABKARENOOO2005

في كارنيه بإسم هاجر محمد صاحبته تتواصل مع البشمهندس الكارنيه معاه
@Abo_Eid2005

حياكم الله يا شباب
عادة الانسان انه مش بيتعلم الا لما يجرب بس للاسف نتيجه تجربته بتكون غاليه وصعبه اووي.
الرساله ممكن تكون طويله شوية بس اعتبروها اخر رساله في الموضوع دا وبعد كده دي شيلتكم انتم مسئولين عنها ومحدش هيشيلها غير فرقه ٨٥ ومحدش هينفعكم

اول سؤال هل انتم عارفين ايه هي صلاحيات او سلطه الدكاتره؟؟ او مين بيحاسب الدكاتره على افعالهم؟
بص يا صاحبي الدكاتره سلطتهم مطلقه بمعنى مفيش عليهم رقيب او حسيب ف اي حاجه غير ضميرهم وربنا
الدكتور في ايده يفصلك من الكليه وفي ايده يحولك تحقيق وفي ايده انه ينهي مستقبلك
الدكتور زيه زي اي حد عنده سلطه بيستغلها في بيستغلها في الخير وفي ف الشر يعني
-اذكر في مره في دكتور عندنا واحد تعدى علي بالكلام ووصلت تطاول بالايد بلغ الشرطه وبلغ عنه (تعدي طالب على دكتور جامعي) والولد سحب ملفه من الكليه.
- وفي ناس تانيه عندها ٢٦ و ٢٧ سنه ولسه معانا في الكليه بسبب مواقف عملوها مع الدكاتره.
وزي ما في الدكاتره الوحشه في دكاتره حلوه وتتشال على الرس

كل دكتور بيدخل بيكون ليه قوانين في المحاضره بتاعته
انت دورك تلتزم بيها ملتزمتش هتتعاقب بالعقاب المناسب
اسوأ حاجه الدكاتره بتعملها (الحسنه بتخص والسيئه بتعم) ودي للاسف ملهاش حل لان هيكون في ناس شاذه منكم وهما بيعملوا مشاكل ودا بيجي على الكل طب الحل؟؟
1) تبلغوا الدكتور عن الشخص اللى عمل واكيد في ناس تعرفه ما هو مش حد غريب عن الدفعه اكيد في ناس تعرف الشخص دا طب متعرفوش شاور عليه او عرف الدكتور المشكله جايه منين وهو هيعرف يطلعه لحد متسكتوش معنى انك تسكت انك مشارك وراضي باللي بيحصل يبقى الدكتور من حقه يعاقب الكل
طب ما انا هقول الشخص دا هيتخانق معايا بره ..الخ اولا ميقدرش وفرضا لو حصل الدكتور يعرف ان الوكيل يعرف اقل حاجه هيتفصل من الجامعات بشكل نهائي ومش هيكمل تعليم جامعي وممكن توصل امن دوله لان اغلب الدكاتره معاهم فمحدش هيقدر يإذيك لانك تبع سلطه الجامعه واي حاجه هتحصل تخص الجامعه هي هتاخد فيها قرار

2) انك تذاكر وتشوف اسوأ الظروف اللى الدكتور هيعملها وتظبطها ودا على حسب الماده لو ماده كلها لاتيني يبقى الامتحان لو قلب هيجي Mcq وكل حاجه لاتيني ولو شرح كتير وكلام كتير يبقى الامتحان مقالي واكتب كتير فجهز نفسك من دلوقتي عليها تحسبا لاي مشكله

طول ما انت مش سبب في المشكله وشاهد على المشكله متسكتش لو سكت فانت رضيت عنها فانا مشارك فيها فانت تستحمل العقاب اخرج وبرأ نفسك من اي مشكله او حاجه بتحصل انت مش راضي عنها كلكم بتكونوا قاعدين وشايفين اللى بيحصل قوله يا دكتور المشكله جايه من الجزء الشمال ورا الدكتور هيجيبهنم كلهم يا يطلعوا سبب المشكلع يا كلهم هيتاخد اساميهم وكل سنه وانت طيب

وانت بيع صاحبك في المواقف دي لانك انت اللى هتتأذي وهو نفسه هيكون مبسوط الاشخاص اللي بتعمل مشاكل لا هي عايزه تنجح ولا عايزه اللى حوليها ينجحو فانت بيع اصحابك عادي مفيش صاحب بيجيب لصاحبه الضرر

كل المطلوب منك
- انك تبدأ بنفسك انك تغير نفسك للاحسن وتلتزم اما تحضر وابعد عن صحبه السوء لانها مهلكه دنيا واخره وركز على الاخره دي اوي
- متسكتش عن الحق مهما كان الضرر ومتسكتش عن اي مشكله تحصل هتلبسك انت فيها وتنضر لا خرج نفسك واتكلم ومتخافش

الكليه هي المجتمع اللى انت عايش فيه غير نفسك وغير مجتمعك والتغيير انك تنصح وتتكلم عن الغلط مقدرتش غير من نفسك في المقام الاول
دورك كمسلم انك لا تخشي قول الحق واعترض عن اي شيء محرم بيحصل حوليك بدام حرام وظاهر قدامك يبقى تتكلم ولا ترضى عنه

في ناس كتير بتجمع كل المنكرات في معصيه تبان انها صغيره اووي بس هي مصيبه
الشيخ سمير مصطفى بيقول ( ان الله لاينزل سخطه الا على ذنوب العلن) لان ذنوب العلن دي تحدى لله وقله الايمان بين المجتمع لو المجتمع ايمانه قوى هنخشى اننا نعصى الله في العلن
معصيه + مجاره بيها = تحدي لله عز وجل
- السجاير والفيب حرام ومجاهره

- السلاسل والخواتم والحظاظات للرجال حرام

- البنطلون الضيق للرجال حرام والبنطلون بشكل عام للنساء خارج بيتها حرام

- الاسبال للرجال حرام يعني اللبس يكون واصل للكعب

- القزع حرام انك تحلق الجناب وتسيب شعرك من فوق عامل زي فطر عيش الغراب

- الشتايم حرام

- البنطلون المقطع من فوق الركبه حرام

- لبس تشيرتات كوره عليها صليب حرام (ريال مدريد - برشلونه - ميلان - البرازيل - البرتغال - فنلندا - الدنمارك - السويد- النرويج ...الخ)

- انك تصاحب بنت وتقعد معاها في الجامعه وتمشوا سوا وتخرجوا سوا ....الخ حرام

كل دول حرام وكل دول بنعملهم وكل دول لازم ننكرهم ولازم ننكر على صاحبهم فعله بس منكرهش صاحب الفعل لا نوعده وندعيله فقط لكن لا نكرهه

اي فعل انتم هتعملوه بعد كده في الكليه مع الدكاتره انتم اللى مسئول عنه وعواقبه كلها انتم اللى هتشيلوها ولوحدكم مفيش اي حد غيركم هيكون مسئول عن اي عاقبه غيركم

هدانا الله واياكم وغفر الله لى ولكم وتاب علينا

حياكم الله ياشباب
في بنت زمليتنا فرقة تالته والدها متوفي وهي الاخت الكبيرة وولاسف والدتها مريضة ومحتاجه تحاليل واشعه كلها اتعملت الحمد لله ناقص اشعه مقطعيه على القلب هي في حدود من 2000-2500 وزي ما عارفين الدنيا بقت صعبه ازاي
لو حد يقدر يساعد زميلتنا بأي حاجه ع شان تعمل اشعة لوالدتها
دا رقم عليه محفظه كاش تقدروا تحولوا عليه ٠١٠١٤٤٦٢١٠١
ولو حد محتاج يتأكد من الورق بنفسه يبعتلي مفيش مشكلة
وجزاكم الله كل خير

حياكم الله يا شباب
مازلتم في نفس سلسلة المهازل والعبط اللي مستمرين عليها من اول سنه دخلتم فيها الكلية الكيمياء والارشاد متربتوش منها بس المره دي هتتربوا حشرات ووقاية وكيمياء وميكرو بس الناس دي في المواد مبتهزرش
الكيمياء والارشاد دا مستوي في الحنين السنه دي فيها مواد ودكاتره كفيلة تقعدك في الكلية 5-6 مستريح لو متظبطتش
الامتحان الترم دا فيها نوعين لو الدكتور حب يحط عليك امتحان MCQ هتكون عارف السؤال واجابته بس لو راجل اختار الاجابة سؤال عربي والاجابة لاتيني او سؤال عربي وفي حته لاتيني والاجابات لاتيني
او امتحان مقالي ولاتيني برضو اللاتيني الترم دي في 3 مواد اللي عاملين فيهم مشاكل كفيلين يكرهوك في اليوم اللي اتولدت فيه
600جنيه للماده في سمر بقت تقيله في الظروف اللي احنا فيها دي دلوقتي دي كده اولا

عيب على البيت اللي طالع منه انك تزهق دكتور اكبر من ابوك وتخليه يسيب المحاضره ويمشي والكلام هنا على دكتور فؤاد معلش بس سؤال انت محدش رباك ولا قالك ازاي تحترم حد اكبر منك ؟ طب انت بتحترم ابوك ولا هو لعبه معاكم في البيت ولا ملوش لازمه ؟ لما انت مش محترم دكتور اكبر من ابوك بتعمل ايه من ابوك في البيت؟ افهم بس

طب هل انتم اتربيتوا ؟ ابوك جه مره وقالك تعالى يا بني عيب اما تعلى صوتك ولا عيب اما تتكلم وناس كبيره بتتكلم ولا محدش رباكم ؟ طب انتو عارفين انتو رايحين على فين ولا ماشيين ورا قطيع من البهايم وكلكم شبه بعض ؟
هل انتم فاهمين عواقب اللي بتعملوه؟ ياعم سيبك من الكلية تولع في حياتك عموما ابوك وامك وجدك وعمك والناس الكبيرة اللي في العيلة بتحترمهم ولا بتجري وراهم بالشبشب افهم بس مين رابكم ومين علمكم اي حاجه

اقسم بالله انتم رايحين في داهيه بعيدا عن الكلية رايحين في داهيه دنيا واخره باللي بتعملوه دا

شوية العربجية اللي بيشربوا سجاير سواء مدرج او بره مدرج محدش قالك انها حرام؟ محدش قالك انك عملت كل المنكرات انك بتشرب سجارة ؟ محدش قالك عيب ولا ابوك بيعزم عليك بسجارة ما هي تكون مصيبه لو ابوك بيعمل كده يبقى انت وابوك محتاجين تتربوا

بجد والله عايزين نفهم انتم جايين من اني داهيه؟ ومين رابكم؟ ولا انتو متربتوش وجايين تقرفوا الناس في عيشتها وحياتها؟

أ-ب في الحياة (الاحترام والتربية) معندكش أ ب حياة انت رايح في داهيه لا دراسة ولا شغل ولا فلوس ولا صلاة ولا دين ان كان موجود يعني ينفعك طول ما انت عيل وسخ ومتربتش ومتعرفش يعني ايه احترام ومتعرفش الحلال والحرام ومتعرفش اي حاجه عيب يبقى شحط عنده 19 سنة ميعرفش الصح من الغلط

دكاتره الترم دا مش بتهزر والسنه دي كلها تحديدا على قدر سهولتها على قد ان اسهل ماده فيهم هتزعلك ودا لا هينفع فيها غش ولا ليالي الامتحانات تلملك الماده

انتم لحد دلوقتي مشكله مع دكتور احمد عبد القوي - د علي عبد المطلب - د فؤاد - د هاني وما خفي كان اعظم
اتقى الله في نفسك وفي اهلك وياريت تتربى

السلام عليكم يشباب
بمناسبة المشاكل اللي بتعملوها مع الدكاترة مش عارف تكون محترم اقعد في بيتك
دا مش درس المدرس هيقولك اطلع وهات ولي أمرك الحصة الجاية دا دكتور جامعي محدش يقدر يقوله انت بتعمل ايه ومش بتعمل ايه فَ لما يشيلوكم كلكم مش هتعرفوا تتكلموا
هما ساعة ونص مش قادر تمسك لسانك فيهم متحضرش وتدخل المدرج من الأساس مش هتموت يعني لو مدخلتش
دكتور واقف تحترمه انت مش عارف تكون محترم اطلع بره هل دا صعب ؟
مش عارف تكون محترم ساعة ونص ؟ متربتش إنك تحترم الأكبر منك ؟ اعتبر أبوك اللى واقف مش هتحترمه ؟
الكلام للشباب والبنات الاتنين زي بعض الاحترام مش بيفرق بين دا أو دي
ياريت تحترموا نفسكم وتعقلوا وتكبروا كده عشان نفسكم وعشان باقي زمايلكم المحترمين اللي ملهمش ذنب في اللي بيحصل ده

مساء الخير
•• ميدترم الحاسب يوم السبت الجاي
الأقسام من 1-7 الساعة 9
أقسام 8-14 الساعة 9:25 د
أقسام 15-20 الساعة 9:50 د
يعني كده مدة الامتحان 25 دقيقة فقط ف نلتزم بالمواعيد
ـ الامتحان هيبقى سؤال أكمل و سؤال صح وغلط

•• ميدترم الميكرو الأسبوع بعد الجاي هيبقى على المنصة و نظام الأسئلة اختياري

•• ميدترم هندسة زراعية الأسبوع بعد الجاي و الأسئلة هتبقى من شرح الدكتور ف المحاضرات وهتبقى منوّعة

السلام عليكم لو حد بيعرف يكتب أو يقول شِعر يكلمني ضروري
@nada_nasrr

السلام عليكم ورحمة الله وبركاته 🖐
انا جاى اقولكم اننا بنجمع لاخر جهاز فى مستشفى حضانات صناع الحياة الخيرية ودى اخر فرصة ع تقدروا تشاركوا بصدقة جارية فى المستشفى دى وحقيقى حقيقى مش هتتعوض

والجمعية خفضت تكلفة المشاركة فى جدارية الخير اللى فى الصورة دى ل 7 الاف بس بدل 15 وانا هجيبلك وصل زى اللى فى الصورة ده برضو باسم الجدارية اللى تختاره
فى ناس بعتولى لكن المبلغ مش هيكفى المشاركة فى جدارية فياريت اللى يحول يبعتلى اسكرين على نفس الرقمين ومعاهم كلمة دفعة 85
احنا فاضلنا اسبوع باذن الله والحملة تخلص فياريت نتحرك كلنا ونجمع تكلفة جدارية باسم الدفعة
ولو حابين تعرضوا الموضوع على البيت عندكم وتشاركوا كاسرة متاح عادى اى مجموعة تشارك زى ما انتوا شايفين فى الاسماء كدا
01206497689
ده رقم انستا باى
01097730867
ده رقم كاش

افتحوا الكومنتس ع الريل ده هتلاقوا مكان الحضانات ونسبة الجمعية وقصة الحضانة وليه اختارنا حضانات بالذات ع ننفذها على حتة الارض دى
صدقونى المعلومات دى مش بتنزل ع بيدج الجمعية اصلا مببتقالش غير لما حد يسال انا حاططهالكم فور فرى 😂
https://www.facebook.com/share/r/dvnbRcJbL7YdTLyF/
#صناع_الحياة_المنوفية

اللي حابب يشارك يروح لرعاية الشباب يوم السبت يسجل اسمه

دفع المصاريف بدأ يا شباب

صاحب الكارنيه دا يروح يأخده بكرا من الأمن

في بطاقه ضايعه بإسم محمد ايمن لو حد لقاها يتواصل مع البشمهندس
@mohamedayman89

شباب فيه كارنيه ضايع بإسم مريم عادل ومعاه 200 جنيه اللى يلاقيه يتواصل معايا فضلا

السلام عليكم
لو حد لقى ساعة سمارت لونها أسود ضاعت ف سكشن الميكرو يتواصل معايا
@nada_nasrr

لو حد ساكن ومحتاجين حد يتواصل مع البشمهندس
@AliEmad102

دا نموذج لامتحانات ميدتيرم دكتور مجدي
دا امتحان لفرقه تالته
ع شان العباقره اللى هتقولك في حاجات مخدناهاش انا بوريك نظام الامتحان بيجي ازاي

https://www.facebook.com/share/p/pUEHGKk6mk8jmG1r/
السلام عليكم ورحمة الله وبركاته
الفاو موديل فتحوا باب التطوع ياشباب لو حد حابب

فيه بنوتة محتاجة سكن لو حد متاح معاه مكان يتواصل معاها
@Naadamohame

جروب لمنتجات السكين كير وهير كير وبيرفيوم أوريجينال بأسعار كويسة🫶
https://www.facebook.com/share/g/5aSi45NeHZgCgWw1/

السلام عليكم ورحمة الله وبركاته
https://chat.whatsapp.com/Kh9ayuNPUFg2HcTXYwEBwS
اللينك ده جروب د احمد هندسه زراعيه الاقسام اللى بتاخد يوم السبت

فيه مبلغ فلوس واقع عند الكافتيريا والمبلغ مش قليل ف اللي ضايع منه أو يعرف حد ضايع منه يتواصل مع باشمهندسة
@Menna_1211

السلام عليكم
ميدترم الميكرو بعد أسبوعين

الناس دي تروح للشؤون ضروري واللي يعرف حد منهم يبلغة

فيه مكان لشخص ف شقه عند كوبري مبارك جمب الكليه فاضي الل عاوز تفاصيل يكلم +201097160615

السلام عليكم ورحمة الله وبركاته
فى واحد تبعى محتاج سكن لو حد من الشباب واخد سكن خارجى ومحتاجين واحد يبعتلى @K_Elna7aas

لو في بنات واخدين سكن خارجي وناقصهم واحده
البشمهندسه محتاجه سكن @Mariam_shafiq

فى طفل اسمه محمد احمد السعدنى عنده سنتين محجوز فى مستشفى زمزم ب تلا
محتاج دم ضرورى و محتاج مبلغ من المال و ابوه واقف هناك فى بنك الدم فى شبين
و دا رقم والده 01008430245
اللى ييقدر يساعد يروح ل والده فى المستشفى دلوقتي

في سماعه اير بودز ضايعه في الكليه لو حد لقاها يتواصل مع البشمهندس
@Mongy7

السلام عليكم ورحمة الله وبركاته بالنسبة لمادة وقاية
•• امتحان أعمال السنة و العملي لجزء أمراض النبات يوم الاتنين الجاي في وقت المحاضرة كل مجموعة تلتزم ب ميعادها
••الامتحان عبارة عن :
-أعمال السنة 4 أسئلة صح وغلط
-العملي هيبقى عبارة عن 5 عروض من السكاشن اللي أخدناهم .
الدكتور هيوريك الصورة وانت تكتب اسم المرض و المسبب
📌جزء الذبول يشباب علينا في الفاينل بس مش أعمال السنة أنا آسفة 🤍

في كارنيه واقع بإسم رؤي خالد لو حد لقاه يتواصل مع البشمهندس
@Ro_k242

المسبحه دي الباش مهندس لقاها في مدرج عثمان بعد محاضرة الحشرات صاحبها يتواصل معاه

@Moatazawad14

آخر فرصة يشباب عشان التسجيل مش هيفتح تاني
https://stdch.menofia.education/

السلام عليكم
يشباب آخر ميعاد لتسجيل المواد بكره اللي مسجلش يسجل
واللي معاه أكتر من مادتين من أولى الحاسب مش هيظهرله و لو فيه مادة مش بتتسجل في مجموعتك سجلها تبع مجموعة تانية بنكتب الرقم القومي في الخانتين ، سجل مواد تانية الأول بعدين ضيف مواد أولى ، عدد الساعات اللي مسموح بيه 21

لو حد مش عارف ازاى يسجل :
https://www.facebook.com/share/v/uM5yGULWPgHpZf2x/?mibextid=qi2Omg

لينك ابن الهيثم :
https://stdch.menofia.education/

دا بخصوص مسابقة العباقرة داخل الكلية اللي حابب يشترك يكون فريق من اربع اشخاص ويعمل تيم ويختار اسم لية ويبعتلي او ينزل السبت ويروح لرعاية الشباب ويسجل اسم الفريق هناك واخر يوم للتقديم يوم الاحد عشان المسابقة الاثنين إن شاء الله
@farag_salama1

امتحان الحشرات
لينك الجروب :
https://chat.whatsapp.com/EyigmSfEARM2YwuEZxEPoA

السلام عليكم ي شباب
لو حد من قسم ١٤ أو ١٥ يتواصل معايا بعد اذنكم
@farag_salama1

السلام عليكم ورحمة الله وبركاته
مهم يا شباب الحقوا قدموا ورق التكافل
وده لينك البيدج ضرورى كلكوا تكونوا متابعينها
https://www.facebook.com/profile.php?id=61558152561332&mibextid=ZbWKwL

صاحب المفاتيح يتواصل مع البشمهندس
@Joooo_85

المنصة اتعدلت والمشاكل اتحلت وتقدرو تدخلوا على المنصة وتسجلوا المواد كلها عادي
اللي شايل أكتر من مادتين من أولى مش هيظهرله الحاسب وسجلوا مش لازم تبع مجموعتك عادي https://stdch.menofia.education/

صاحبه الكارنيه تتواصل مع البشمهندس @Joooo_85

السلام عليكم ورحمة الله وبركاته بالنسبة لسكاشن الحشرات
قسم 8 إن شاء الله معادكم بكره الاتنين من 12 ل 1.5
قسم 15 يوم الثلاتاء من 9 ل 10.5
قسم 5 يوم الثلاتاء من 10.5 ل 12 ( دكتور غادة )

قسم 6 يوم التلات من الساعة 12 ل 1.5 ( دكتور الزهراء )

قسم 16 يوم التلات من 9 ل 10.5
قسم 2 يوم التلات من 12 ل 1.5 ( دكتور أماني )

https://www.facebook.com/share/g/psvBedZ3WWxKBnNm/




جروب منتجات كنداكة للعناية بالشعر والبشرة  منتجات طبيعية 100%

بالنسبه بقا للناس اللى بتعمل تيك توك سواء عيال او بنات
ايه بقا العبط اللى انت بتعمله دا؟؟ لا بجد ايه العبط والتخلف اللي بقيتوا تعملوه دا؟

هل انت تعرف ان الاغاني حرام؟ طب هل تعرف انك تعمل حاجه زي دي وتنزلها فانت ماشاء الله عليك يعني بتاخد ذنب الحاجه وذنب اي حد سمعها تعرفي دي؟
طب ياعم انا مش بعمل اغاني بعمل فيديو دا مشهد من فيلم طب تعرف انك هتاخد ذنب اي حد سأل المشهد دا من فيلم ايه؟

انتو فاهمين كم الذنوب اللى بتاخدوها في حاجه متعديش ال٣٠ث عندك خلفيه ولا محدش علمك طيب ولا انتم بتنيلوا ايه

والناس اللى بتصور الدكاتره والناس اللى بتغفل بعض في الصور هل تعرف ان تصوير الناس بدون اذنهم حرام ولا متعرفش دي كمان ولا ايه؟

شايف بقا كم الذنوب اللى بتاخدها بدون وعي وبدون علم

الوضع بقا اصعب مما تتخيل وللاسف النهايه بقت اقرب مما تتخيل الحق نفسك قبل ما ترجع تندم على اللى فات

تكمله لكلام فرج
بصوا يا شباب احنا قولنا قبل كده الكلية حاجه من الاتنين
يا اجمل فترات حياتك يا هتقعد طول عمرك تتعالج نفسيا من اللي هيحصلك

انتم ماشاء الله وبإجماع الآراء من اسوأ الدفعات في تاريخ الكلية ودفعت 86 بتنافسكم على اللقب داخلين تحدي تاريخي في مين فيكم الاسوأ

بصوا يا شباب الدكاتره عموما لا ليهم رقيب ولا حد بيحاسبهم الدكتور ليه السلطه المطلقة في اي شيء محدش يحاسبه

انتم وصلتو لمرحله انتم علي تكه من الدكاتره ومحدش طايقهم مواد تانيه مش سهله والدكاتره لو حبت تصعبها عليكم والله هيجيلكم تروما من الكلية ومن المواد ومن الدكاتره ومن التعليم كله فبلاش توصلوا للمرحله دي

لا انا ولا اي حد من الدفع الاكبر ولا الدكاتره بتخسر حاجه المتضرر الوحيد هو سعادتك والضرر هتقعد سنين تعالجه وممكن متعرفش تعالجه اصلا فبلاش تضر نفسك

في المدرج مفيش حاجه اسمها صاحبي وحبيبي اللي يشوشر عليك عرف الدكتور فلان عمل كذا متعرفش فلان شاور عليه والدكتور هيجيبه ويلبس هو
لكن اصل دا صاحبي وعشره عمر واي بتنجان ابقى خلى صاحبك ينفعك في السمر او خليه يدفعلك الفلوس اللي ابوك بيطلع عينه كل يوم ع شان يوفرلك مصاريفك في ظل القرف اللي احنا عايشين فيه

معتقدش ان ابوك او امك قصروا في تربيتك ممكن يكون في تقصير ودا غصب عنهم بسبب ظروف الحياه بس على الاقل علموك حاجه وابوك مش هيفضل ماشي وراك طول العمر يشوفك مصاحب مين وبتعمل ايه انت من ضمن التزامته بس هو المفروض رباك كمل انت بقا بلاش تخرب كل حاجه وتضيع نفسك واهلك معاك

عارف لو انت اللي بتشيل الطين لوحدك ؟ هقولك في داهيه تاخدك عادي لكن ابوك وامك ذنبهم ايه؟ فكر فيهم قبل ما تفكر في نفسك ابوك مش عايز حاجه غير انك تكون كويس واحسن الناس

ياريت تبين للناس ان ابوك عرف يربي ياريت يعني ع شان ابوك حتى يا اخى اولع انت

مش قادر تقعد ساكت ساعه ونص متحضرش المحاضره متنزلش من بيتك اصلا اسحب ملفك وانزل اشتغل اهو تساعد في مصاريف البيت بدل ما انت نازل تضايق الناس وتضيع فلوس على الفاضي

صدقني والله هتتحاسب علي كل دا وهتدفع تمنه لوحدك بلاش تتقل حسابك لانك مش هتكون قده

حاولوا تحسنوا صورتكم في السنه دي ع شان تتخصصوا وتعدوا علي خير وكفايكم عبط

تاني حاجه ودي الاهم بقا في كل الفرح دا

بصوا يا شباب انتم اخواتي الصغيرين
كلنا عارفين وشايفين اللى بيحصل احنا في وضع اقتصادي زفت ومش كلنا مولدين في بوقنا معلقه دهب ومش كلنا اهالينا بيخبطوا في الارض تطلع فلوس

كل واحد فينا ادرى بظروف بيته وظروف عيله عيش على قد ظروفك وعيش عيشه اهلك بلاش الفشخره الكدابه

انت قاعد في الكليه تقرييا من ٩ل٥ فانت محتاج تاكل وتشرب وكل دا ظروف اهلك وظروف البيت في الفتره دي صعبه شوية خد اكل وانت خارج من بيتك وكله في الكليه على الاقل هتاكل حاجه نضيفه معموله في بيتك عارغ مصدرها وعارف معموله ازاي
لا هو عيب ولا هو حرام ولا شيء منكر انك تاخد اكل من بيتك وتروح بيه الكليه تاكله ع شان ظروفكم متسمحش انك تجيب فطار كل يوم ب ٣٠ جنيه على الاقل غير مواصلاتك اضرب في الشهر شوف المبلغ اللي بتاخده

اما لو ظروفكم كويسه وربنا موسعها عليكم عيش حياتك بس بشرطين
الاول عدم التباهي بنعم الله لانها هتزول منك
عدم الاسراف لانها برضو هتزول منك عيش بالمعقول

اياك ثم اياك انك تستعر من حياتك ومن عيشه اهلك انت فاهم اياك
خليك دايما واقف فخور بنفسك وواثق ان الارزاق بيد الله وان الرزق اللي موجود دلوقتي مهما كان قليل فهو ربنا باعت دا لان دا اللى هيكفيني ويقومني صح ع شان اما يجيلي الرزق الكتير اكون عارف قيمته واكون عارف انا كنت عايش ازاي في فتره في حياتي

الغنا ابتلاء والفقر ابتلاء وكل بقدر بلواه

اوعي تتمنظر ولا تخاف ولا تستعتر من اي حاجه تخصك واي حاجه تخص ظروف اهلك

واه عادي انزل الكليه واخد اكلك معاك وخد ازازه مايه معاك واقعد كلهم في الكليه براحتك وانبسط
وانزل الكليه ولو عايز تاخد شنطه ضهر خدها ياعم انا في فرقه رابعه ومن اول يوم كليه بنزل بشنطه ضهر وطز في اي حد انا حر

طول ما انت مش بتعمل حاجه حرام ولا غلط اياك ثم اياك ثم اياك تستعر من نفسك او تخاف اقف وحط صوابعك في عين اي حد يقول في حقك اي كلمه

ربنا يغنينا جميعا من فضله ويوسعها علينا جميعا ونكون عوننا لبعض على الخير

وفقكم الله لما يحبه ويرضاه وجنبكم الفتن ما ظهر منها وما بطن

استودعكم الله الذي لا تضيع ودائعه والسلام❤️