سالفتي وي السادس 😊😊✌️✌️
إلى اصدقائي طلبة السادس الاعدادي الابطال ✌️
راسلوني كثير من الطلبة عن بعض الأمور التي تخص امتحان نصف السنة شوية الخوف مأثر عليهم من الضغوط الي يمرون بيها واكيد حقهم
عالعموم… اسولفلكم سالفتي… وعود راح اختصر 😊
سنة 98 تركت المدرسة لسبب معين وچنت بالثالث متوسط وبعدها لبست عسكرية وكذا… المهم خلصت جيش وب2002 رجعت للمدرسة المسائية للثالث متوسط… اول مارجعت خليت عندي هدف هو شي اسمه ( مستقبل ) ❤️
خلص الثالث والرابع والخامس… واجاني السادس…
شلون انجح من السادس واني عندي عائلة وبنفس الوقت اشتغل بالعمالة ( البناء ) واعتقد هي اصعب عمل… 💔
توكلت على رب العالمين وگلت بيني وبين نفسي لا تترك الهدف تحمل تحمل…
واجهت مجموعتين من الناس… ناس تگول عيني انت مخلص جيش روح شوف حالك كون نفسك يا دراسة يا دنيا… وناس گلولي عاشت ايدك والله يكون بعونك اصبر ورب العالمين يجازيك ومن ضمنهم اهلي أكثر المشجعين الي…❤️
المهم اجي من الشغل گبل للدوام وصلت مرحلة اگعد اول درس المدرس يشرح واني (اوخر الجص والاسمنت ) الي باقي بإظافيري بالقلم .. ..😭
طبعا ماكو شي اسمه ملازم ولا اكو شي اسمه خصوصي ولا اكو شي معهد ولا اكو شي اسمه يوتيوب .. بس اكو شي اسمه قراية للفجر اني واصدقائي الي اغلبهم نفس ظروفي…
عمل وبعدها دوام وبعدها قرايه بتركيز لحد لمن عبرت السادس ولله الحمد وبعدها كلية وخلصت الكلية واليوم اني مدرس بنفس المدرسة الي كنت بيها طالب… من غير المدارس الاهلية الي اداوم بيها و لله الحمد كملت ماجستير واليوم اني طالب دكتوراه واكيد بفضل دعاؤكم 😍✌️
من هاي القصة المختصرة اريد اگول لأولادي وبناتي طلاب السادس رب العالمين يجازي كل انسان يكون عنده هدف ولا يوجد افضل من هدفكم احبتي…
خلي كل طالب يسوي جدول معين يقسم وقته لدروسه ويشيل حاجز الخوف والقلق لان هذا عمل شيطاني والشيطان خبيث ميريدكم تقرون… الي يشوف هاي الكلمات خلي يفكر بأهله الي صارلهم سنين ينتظرون هذا اليوم ويشفون ثمرة تعبهم ..فيا اولادي وبناتي…🙂
الوقت عدكم وهاي نصف السنة اجتنا خلي نرتب وقتنا خلي نقره قراية صحيحة… النت بهاي الايام نتركة الا للدراسة ..نقلل من كل الامور الي نسويها بحياتنا او نمحيها اصلا هذه ايام الحسم ايام حصد ثمار السنين…
وخرو شي اسمه خوف وخرو شي اسمه قلق انتم اقوى من المادة انتم اقوى من السادس وغير السادس ..ثقتكم بنفسكم خلوها بعد اقوى واقوى واني مقدر ظروفكم والضغوط الي عليكم وكذلك اوضاع البلد الي جاي نمر بيها بس يا احبائي دراستكم ومستقبلكم هو الهدف الاساسي الي راح يفرحكم ويفرح اهلكم ومحبيكم…
من هسه نتعاهد نحضر دروسنه ومنخلي ساعة وحدة تفوتنا خوووش؟
اني بين فترة وفترة اروح للجامعات بكل العراق…
اريد بعد كم شهر وين ما اروح بكل جامعة اشوفكم واتشرف بيكم جميعا… انتم الان ضيوف بمدارسكم انتم مكانكم في الجامعة انتم الان طلاب في التعليم العالي مو بالتربية يعني وداعا للمدرسة واهلا بالجامعة ✌️✌️
دعائي لكم بالتوفيق والنجاح يا شطار العراق ✌️✌️
زكي النهيري ..
الكوفة المقدسة
إلى اصدقائي طلبة السادس الاعدادي الابطال ✌️
راسلوني كثير من الطلبة عن بعض الأمور التي تخص امتحان نصف السنة شوية الخوف مأثر عليهم من الضغوط الي يمرون بيها واكيد حقهم
عالعموم… اسولفلكم سالفتي… وعود راح اختصر 😊
سنة 98 تركت المدرسة لسبب معين وچنت بالثالث متوسط وبعدها لبست عسكرية وكذا… المهم خلصت جيش وب2002 رجعت للمدرسة المسائية للثالث متوسط… اول مارجعت خليت عندي هدف هو شي اسمه ( مستقبل ) ❤️
خلص الثالث والرابع والخامس… واجاني السادس…
شلون انجح من السادس واني عندي عائلة وبنفس الوقت اشتغل بالعمالة ( البناء ) واعتقد هي اصعب عمل… 💔
توكلت على رب العالمين وگلت بيني وبين نفسي لا تترك الهدف تحمل تحمل…
واجهت مجموعتين من الناس… ناس تگول عيني انت مخلص جيش روح شوف حالك كون نفسك يا دراسة يا دنيا… وناس گلولي عاشت ايدك والله يكون بعونك اصبر ورب العالمين يجازيك ومن ضمنهم اهلي أكثر المشجعين الي…❤️
المهم اجي من الشغل گبل للدوام وصلت مرحلة اگعد اول درس المدرس يشرح واني (اوخر الجص والاسمنت ) الي باقي بإظافيري بالقلم .. ..😭
طبعا ماكو شي اسمه ملازم ولا اكو شي اسمه خصوصي ولا اكو شي معهد ولا اكو شي اسمه يوتيوب .. بس اكو شي اسمه قراية للفجر اني واصدقائي الي اغلبهم نفس ظروفي…
عمل وبعدها دوام وبعدها قرايه بتركيز لحد لمن عبرت السادس ولله الحمد وبعدها كلية وخلصت الكلية واليوم اني مدرس بنفس المدرسة الي كنت بيها طالب… من غير المدارس الاهلية الي اداوم بيها و لله الحمد كملت ماجستير واليوم اني طالب دكتوراه واكيد بفضل دعاؤكم 😍✌️
من هاي القصة المختصرة اريد اگول لأولادي وبناتي طلاب السادس رب العالمين يجازي كل انسان يكون عنده هدف ولا يوجد افضل من هدفكم احبتي…
خلي كل طالب يسوي جدول معين يقسم وقته لدروسه ويشيل حاجز الخوف والقلق لان هذا عمل شيطاني والشيطان خبيث ميريدكم تقرون… الي يشوف هاي الكلمات خلي يفكر بأهله الي صارلهم سنين ينتظرون هذا اليوم ويشفون ثمرة تعبهم ..فيا اولادي وبناتي…🙂
الوقت عدكم وهاي نصف السنة اجتنا خلي نرتب وقتنا خلي نقره قراية صحيحة… النت بهاي الايام نتركة الا للدراسة ..نقلل من كل الامور الي نسويها بحياتنا او نمحيها اصلا هذه ايام الحسم ايام حصد ثمار السنين…
وخرو شي اسمه خوف وخرو شي اسمه قلق انتم اقوى من المادة انتم اقوى من السادس وغير السادس ..ثقتكم بنفسكم خلوها بعد اقوى واقوى واني مقدر ظروفكم والضغوط الي عليكم وكذلك اوضاع البلد الي جاي نمر بيها بس يا احبائي دراستكم ومستقبلكم هو الهدف الاساسي الي راح يفرحكم ويفرح اهلكم ومحبيكم…
من هسه نتعاهد نحضر دروسنه ومنخلي ساعة وحدة تفوتنا خوووش؟
اني بين فترة وفترة اروح للجامعات بكل العراق…
اريد بعد كم شهر وين ما اروح بكل جامعة اشوفكم واتشرف بيكم جميعا… انتم الان ضيوف بمدارسكم انتم مكانكم في الجامعة انتم الان طلاب في التعليم العالي مو بالتربية يعني وداعا للمدرسة واهلا بالجامعة ✌️✌️
دعائي لكم بالتوفيق والنجاح يا شطار العراق ✌️✌️
زكي النهيري ..
الكوفة المقدسة
