Zaman زەمەن

بەڕێوەبەرایەتى ئاسایشى پارێزگاى هەولێر رایگەیاند، کەسێکیان دەستگیرگردووە کە بەکار هێنەری ئەکاونتی (چارەسەرکردنی کێشەی خێزانی) بووە لە فەیسبووک و خەڵکى فریوداوە.
لە راگەیەندراوەکەى ئاسایشى هەولێردا هاتووە، بەفەرمانی دادوەری لێکۆڵینەوەی ئاسایشی هەولێر تۆمەتبار (هـ ، ع ، ح) مان دەستگیر کرد، تۆمەتباری ناوهاتو لە تۆڕی کۆمەڵایەتی (فیس بوک) هەڵساوە بە دروستکردنی هەژمارێک بەناوی ( چارەسەرکردنی کێشەی خێزانی) و لەگەل ژمارەیەک ئافرەت کەو تۆتە پەیوەندی بەناوی چارەسەر کردنی کێشە خێزانیەکانیان و دواتر بە پلانێک وێنەو گرتە ڤیدۆی ئەو ئافرەتانەی تۆمار کردوە،پاشان هەڵساوە بەهەڕەشە کردنی بلاو کردنەوەی وێنە و ڤێدۆکانیان یان ڕەوانە کردنی بۆ کەسوکاری ئافرەتەکان لە بەرامبەر ئەنجام نەدانی ئەم کارەی، بڕێکی زۆر پارەی لە ئافرەتەکان وەرگرتوە ، بەدوادا چونەکانمان بەردەوام دەبێت لەسەر ئەم جۆرەکەسانەو هەمو هەوڵێکی خۆمان دەخەینە گەڕ بۆ دۆزینەوە و دەست نیشان کردنیان،داوا دەکەین لە هاوڵاتیانی بەڕێز پەیوەندیەکانیان لە تۆڕەکۆمەڵاتیەکان سنوردار بکەن و متمانە بە کەسانێک نەکەن کە نایان ناسن و جێگای متمانە نین.

تۆمەتباری ڕووداوی تەقەکردنەکەی شەوی ڕابردووی قەزای چەمچەماڵ دەستگیرکران

بەڕێوەبەرایەتى گشتى ئاسایشى سلێمانى رایگەیاند، ئاسایشى رۆژئاواى سلێمانییەوە، تۆمەتباری ڕووداوی تەقەکردنەکەی شەوی ڕابردووی قەزای چەمچەماڵیان دەستگیرکرووە.

راشیگەیاند، دوای ئەوەی شەوی ڕابردوو ٢٠٢٤/١١/١٥ بەهۆی کێشەیەکی کۆمەڵایەتی، لەگەڕەکی ئاشتی لە قەزای چەمچەماڵ دوو چەکدار ماتۆڕ سکیلێکیان پێبووە، تەقە لەماڵی هاوڵاتیەک دەکەن و هەڵدێن، دوای لێکۆڵینەوە و بەدواداچونی هێزەکانی ئاسایشی ڕۆژئاوای سلێمانی، بەبڕیاری دادوەری لێکۆڵینەوەی ئاسایش، توانرا شوێنی تۆمەتباران دەستنیشان بکرێت و هەردوو تۆمەتبار دەستگیربکرێن و دەستگیرا بەسەر چەکەکەیاندا.
لەئێستادا تۆمەتباران بە ماددەی(١٥)چەک دەستگیرکران و لێکۆڵێنەوە لەدۆسیەکانیان بەردەوامە.

جادووگەرێک کە خۆى ناونابوو شێخ عەباس و ژنانى هەڵدەخەڵەتاند دەستگیرکرا
بەڕێوەبەرایەتى ئاسایشى هەولێر رایگەیاند، جادووگەرێکیان دەستگیرکردووە خۆى ناوناوە شێخ عەباس.
راشیگەیاند، داوا دەکەین لە ئافرەتە بەڕێزەکان خۆیان بەدور بگرن لەم جۆرە کەسانە تاکو نەبنە قوربانی.

محەمەدی حاجی مەحمود بە دەقاق ماڵی عەبدولای برای دەڕوخینێت
زەمەن:-
محەمەدی حاجی مەحمود هێزی جوڵاند و بە دەقاق ماڵی عەبدوڵای برای دەروخێنێت کە دەکەوێتە بەشی خوارەوەی گوندی گوڵەخانە.
ئەمرۆ دووشەممە، ١١ی تشرینی دووەمی ٢٠٢٤، محەمەدی حاجی مەحمود، سەرۆكی پارتی سۆسیال دیموكراتی كوردستان، هێزی و جوڵاند و بە دەقاق ماڵی عەبدوڵای برای دەروخێنێت کە دەکەوێتە بەشی خوارەوەی گوندی گوڵەخانە و ئاسایشی شارەزوور بڵاوەیان پێکردوون.
لەکاتی ئێستادا بەهۆی فرانبوونی گرژییەکانەوە، هێزێکی زۆری ئاسایشی شارەزوور بڵاوەیان پێکراوە و بەهەمانشێوە هێزەکانی محەمەدی حاجی مەحمود، بڵاوەیان پێکراوەو رێگە نادەن کەس نزیکبێتەوە لە ناوچەکە.
ئەمە لە کاتێکدایە، بەهۆی ناکۆکییەکانی نێوان محەمەدی حاجی مەحمود و عەبدوڵا حاجی مەحمود، لە کۆنگرەی رابردووی پارتی سۆسیالیست دیموکراتی کوردستان، عەبدوڵای حاجی مەحمود بە دەنگی زۆرینەی ئەندامانی کۆنگرە لە پارتەکە دوورخرایەوە.

ئاڵا تاڵەبانى ئەندامى پێشووى پەرلەمانى عێراق و نزیک لە لاهور شێخ جەنگى لە چاوپێکەوتنێکدا لە کەناڵى دیجلە رایگەیاند، وڵاتێک (ئێران) دەستى وەرداوەتە هەڵبژاردنى خولى شەشەمى پەرلەمانى کوردستات، دەشڵێت، لەگەڵ من دا لە پەیوەندیدابوون، تەنانەت لەگەڵ هەندێک هێزی عێراقی زۆر بە ئاشکرا هەڕەشەی ئەوەیانکرد کە ئەگەر لاهور شێخ جەنگی نەچێتە بەرەی مقاوەمەوە، ئەوا ڕێگەی پێنادەن دوو کورسی زیاتر بەدەستبهێنێت.
ئاڵاتاڵەبانى دەشڵێت، بافڵ تاڵەبانی و قوباد تاڵەبانی بەتەواوی دژی هەر پاڵپشتییەک بوون کە هەر هێزێکی عێراقی بیەوێت بۆ لاهور شێخ جەنگی دەرببڕێت.
ئەو دوو برا پەیامیان بۆ وڵاتی دراوسێ و لایەنە ناوخۆییەکانی عێراق ناردبوو کە بەهیچ جۆرێک نابێت لاهور شێخ جەنگی کورسی پەرلەمانی بەدەستبهێنێت.

بەم شێوازە لەرێگەى ئامێرە ئەلیکترۆنییەکانی دەنگدانەوە لە هەڵبژاردنى پەرلەمانى کوردستان تەزویرکراوە.

ئێوارەى ئەمڕۆ دووشەممە ئاگر لە کۆگاى ئاوى سلێمانى لە ناوچەى پیشەسازى سلێمانى کەوتەوە، بەهۆیەوە کارگەى ئاوەکە و کۆگایەکى تەنیشتى بەتەواوى سووتان.

ڤیدیۆى ساتى تیرۆرکردنى نیاز دەرگەڵەیى لەلایەن دەزگاى ئاسایشى هەرێمەوە بڵاوکرایەوە

نیاز جەلال بەگ، تەمەن 70 ساڵ و ناسراو بە نیاز دەرگەڵەیی، ئەندامی پێشووی ئەنجوومەنی ناوەندیی یەکێتی بوو. دووجار ژیانی هاوژینی پێکهێناوە و باوکی 11 منداڵ بوو. شەوی هەینی، 18-8-2023 لەنێو باخەکەی خۆی لە رانیە کوژرا.

لەو بارەیەوە، دەزگای ئاسایش ئاماژە بەوە دەکات، سێ تۆمەتبار "لە هەولێرەوە لە سنووری گوندی بێستانەوە خۆیان گەیاندووەتە شوێنی رووداوەکە و پاش دڵنیابوونەوە لەوەی نیاز دەرگەڵەیی بەتەنیایە (دوو) لە تۆمەتباران بەپیادە لە بەشی پشتەوە (تەلی سیاجی) باخەکە دەبڕن و یەکێک لە تۆمەتباران دەچێتە ژوورەوە و ئەوەی دیکەیان لە دەرەوەی باخەکە چاودێریی دەکات."

دەشڵێت، بەپێی لێکۆڵینەوەکانی تیمی بەڵگەی تاوان، "تەنیا شوێن پێی یەک تۆمەتبار پاش ئەنجامدانی تاوانەکە لەکاتی هەڵگرتنەوەی شوێن پێیان بەدیواری باخەکەدا دەمێنێتەوە و بەچەکی جۆری دەمانچەی بێدەنگ، لەگەڵ بینینی (نیاز دەرگەڵەیی) لەناو ماڵەکەی (5) فیشەک دەتەقێنێت و (3) فیشەک بەر سەری (نیاز دەرگەڵەیی) دەکەوێت و دەبێتە هۆی شەهیدبوونی."

هاتووچۆی ئەنبار ڕایگەیاند: لە سەر رێگای رومادی لە پارێزگای ئەنبار، ئۆتۆمبێلێک وەرگەڕا و ئاگری گرت و سێ خوێندکار سووتان.
ئەمڕۆ دووشەممە، ٧ی تشرینی یەکەمی ٢٠٢٤، ئەحمەد عەلی جبوری بەڕێوەبەری راگەیاندنی هاتوچۆی ئەنبار ئاماژەی بەوەدا، لە سەر رێگای رومادی و لە ناوچەی حامزیە، ئۆتۆمبێلێکی تایبەت لە جۆری نیسان سەنی بە چوار سەرنشینەوە وەرگەڕاوە و دواتر گڕی گرتووە.
وتیشی: “لە رووداوەکەدا سێ خوێندکاری پەیمانگای تەکنیکی سەقڵاویە بە ناوەکانی ئەیاد سەبار، محەمەد ئەنوەر وەهیب و محەمەد خالد ئەحمەد سووتان و گیانیان لەدەستداوە.



بەڕێوەبەری راگەیاندنی هاتوچۆی ئەنبار ئاشکراشیکرد، لە رووداوەکەدا شۆفێری ئۆتۆمبێلەکە بەناوی محەمەد سەلمان مەحمود بە سەختی بریندار بووە و لە بەشی فریاکەوتنی نەخۆشخانەی گشتی رومادی لەژێر چاودێری پزیشکی دایە.

بەڕێوەبەرایەتى هاتووچۆى ئیدارەى سەربەخۆى زاخۆ رایگەیاند، ئەمڕۆ لە بازگەی زاخۆ بارهەڵگرێک ئیستۆپى نەماوە و خۆیکردووە بەناو بازگەکەدا، خۆى لە چەند ئۆتۆمبێلێک داوە، لە رووداوەکەدا شۆفێری بارهەڵگرەکە و کچێکی 8 ساڵان گیانیان لەدەستداوە، سێ کەسى دیکەش برینداربوون و زیانى مادى بەر پێنج ئۆتۆمبێل کەوتووە.

ڤیدیۆى ساتى کوشتنى دانا محێدین، ئەو گەنجەی ئێوارەى ئەمڕۆ لە کۆمەڵگەی کۆڕەک لە هەولێر لەلایەن زێرەڤانى پارتییەوە کوژرا.

خاوەنى تیکتۆکى "دادە تیکتۆک" و گروپى "مەلەفە زەخمەکان" دەستگیرکرا
بەڕێوەبەرایەتى ئاسایشى هەولێر رایگەیاند، خاوەن و بەکارهێنەری گروپی (مەلەفە زەخمەکان)یان دەستگیرکردووە.
لە راگەیەندراوەکەى ئاسایشى هەولێردا هاتووە، دوای ئەوەی لە لایەن چەند هاوڵاتیەک سکاڵای یاسایی تۆمارکرا لەسەر هەژماری(دادە تیک تۆک)، کە هەڕەشەی بلاو کردنەوەی گرتەڤیدۆی و وێنەی لەچەند کەسێک کردبو، بەفەرمانی بەڕێز دادوەری لێکۆڵینەوەی ئاسایشی هەولێر و بەڕێگای تیمی تەکنیکی بەڕێوەبەرایەتیەکەمان دوای ئەنجامدانی بەدواداچون توانیمان شوێن و ناسنامەی بەکارهێنەری (دادەتیک تۆک) ئاشکرا بکەین ،بە ناوی (م ، هـ ، م) ،دەستگیرمان کرد.
ئەوەش هاتووە، لە لێکۆڵینەوە لەگەل تۆمەتباری ناوهاتو بۆمان دەرکەت خاوەنی گروپی ( مەلەفە زەخمەکان)ە،لە تۆڕی (تللگرام) و خاوەنی هەژماری (شوخان) لە سناپ چات، لەبەر ئەوەی کەسێکی شارەزایە لەبواری تەکنیکی و لە شێوازی گفتوگۆکردندا توانیوێتی دەنگی خۆی بۆ ئافرەت بگۆڕێت و وێنەو ڤیدۆی نەشیاوی چەند پیاو و ئافرەتی تۆمار کردوە و لەبەرامبەر بلاو نەکردنەوەی وێنەکانیان بڕێکی زۆر پارەی وەر گرتور.

دەزگاى ئاسایشى هەرێم رایگەیاند، لەسەر بنەمای بەدەستهێنانی زانیاری هەواڵگری پێشوەخت و لەماوەی زیاتر لەدوو مانگ دەستبەسەرداگرتنی بڕی زیاتر لە(نیو تۆن)ماددەی هۆشبەر ڕادەگەیەنێت.لە راگەیەندراوەکەى دەزگاى ئاسایشدا هاتووە، لەماوەی زیاتر لەدوومانگی ڕابردووی ئەمساڵدا، لە ڕۆژی 14ى ئایار بۆ 1ى ئاب بەڕێوەبەرایەتی نەهێشتنی ماددە هۆشبەرەکانی دەزگای ئاسایشی هەرێم بەهەماهەنگی سەرجەم بەڕێوەبەرایەتییەکانی دەزگای ئاسایش، لەسەر بنەمای زانیاری هەواڵگری پێشوەخت و بەدواداچوون و چاودێری وردی هێزەکانمان بۆ ڕێگریکردن لە بازرگانیکردن و گواستنەوەی ماددە هۆشبەرەکان، بەبڕیاری دادوەری لێکۆڵینەوەی ئاسایش توانیویانە دەستبگرن بەسەر بڕی( ٥١٤ ) کیلۆگرام ماددەی هۆشبەر لە جۆرەکانی (کۆکاین ، کریستاڵ ، ماریجۆنا ، تلیاک ، کریستاڵی شل ، حەبی کابتاگۆن ) و توانرا ( ٥١ ) تۆمەتباری بازرگانی ماددەی هۆشبەر دەستگیربکەن.
ئەوەش هاتووە، بازرگانان وویستویانە بە بەکارهێنانی تەکنیکی نوێی حەشاردان، مادە هۆشبەرەکان لەناوچە سنورییەکانەوە بەرەو شارەکان و دواتر بۆ ناوەڕاست و خواروی عێراق و ووڵاتانی ناوچەکە بگوازنەوە.

کامەران عوسمان بەرپرسى دێسکى مافى مرۆڤ لە رێکخراوى سى پى تى ئەمریکى رایگەیاند، لە کاتژمێر ٣:٢٥ خولەکی دوانیوەڕۆی ئەمڕۆ، فڕۆکە جەنگییەکانی سوپای تورکیا، کۆگایەکی کۆنی تەقەمەنی حکومەتی پێشووتری عێراقی لە موچەی شێخان، لە پشتی گوندی گەڵاڵەی سەر بە قەزای ماوەت بە ئامانج گرت.
راشیگەیاند، بۆردوومانەکە، کۆگاکەی نەپێکاوە و بۆمبەکە لە تەنیشت کۆگاکە بەر زەوی کەوتووە.
راشیگەیاند، لەکاتی بۆردوومانەکە، کۆمەڵێک جوتیار و گوندنشینی گەڵاڵە لە دەورووبەری شوێنی بۆردوومانەکە سەرقاڵی کارکردن و جوتیاری بوون.
ئەوەشى راگەیاند، هیچ هاووڵاتییەکی مەدەنی نەبۆتە قوربانی.

ماڵپەرى بى بى سى ئەم ڤیدیۆیەى مەسعود پزیشکیان سەرۆککۆمارى ئێرانى بڵاوکردووەتەوە کە پێش سەردانەکەى بۆ عێراق تۆمارکراوە، پزیشکیان نازانێت کە مایکەکەى بەردەمى کراوەتەوە دەڵێت، "ئێمە ئەخەنە ناو دیپلۆماسی کە لێی نازانین".

ئەمشەو لە رێگەی نێوان زەڕایەن - دەربەندیخان وەرگەڕا و ئاگی گرت، ماوەی نزیکەی دوو کاتژمێر رێگاکە داخرا و کەمێک پێش ئێستا ئاگرەکە کۆنترۆڵکرا و رێگاکە کرایەوە

بەڕێوەبەرایەتى ئاسایشى هەولێر ئەم ڤیدیۆیەى بڵاوکردووەتەوە و دەڵێت، بازرگانێکى مادەى هۆشبەریان دەستگیرکردووە.

ئاسایشى هەولێر راشیگەیاندووە، بە فەرمانى دادوەری لێکۆڵینەوەی ئاسایشی هەولێر تۆمەتبار (ب ، س ، ڕ) مان دەستگیر کرد ،کاری بازرگانی کردن و دابەشکردنی ماددەی هۆشبەربو لە ناوشاری هەولێر ، لەکاتی دەستگیر کردنی دەستمان گرت بەسەر بڕێک ماددەی هۆشبەر لە جۆری کریستاڵ کە ئامادەی کردبو بۆ فرۆشتن و دابەشکردنی.

بەڕێوەبەرایەتى ئاسایشى سلێمانى ئەم ڤیدیۆیەى بڵاوکردووەتەوە و دەڵێت، بەڕێوەبەرایەتی گشتی ئۆپراسیۆنەکانی ئاسایش، چەند حەشارگەیەکی تیرۆریستانی داعش خاپووردەکەن.
ڕۆژی ٢٠٢٤/٩/٤ بەڕێوەبەرایەتی گشتی ئۆپراسیۆنەکانی ئاسایش بەهەماهەنگی لەگەڵ بەڕێوەبەرایەتی هەواڵگری سەربازی سوپای عێراق، لە ئۆپراسیۆنێکی سەرکەوتوودا لەسەر بنەمای زانیاری هەواڵگری توانیان ( ٤ )مۆڵگە و شوێنی مانەوەی تیرۆریستان لە چیای
(جەبەل بۆر) لەناحیەی لەیلانی سنوری قەزای داقوق لەناوبەرن.
تیرۆریستان ئەم مۆڵگە و حەشارگانەیان بەکارهێنابوو بۆ مەبەستی حەشاردانی چەندین پارچە چەک و تەقەمەنی و تی ئێن تی و ئامێری پەیوەندیکردنی بێتەل و جل و بەرگی سەربازی و خۆراکی تێدا شاردرابویەوە.
دەزگای ئاسایشی هەرێم بەهەماهەنگی سەرجەم هێزە عێراقییەکان، لەهەوڵەکانی بەردەوامە بۆ ڕووبەڕوبونەوەی تیرۆریستانی داعش و لەناوبردنیان و لەم ئۆپراسیۆنی کێوماڵکردنەدا توانرا چەند مۆڵگەیەکی تیرۆریستانی داعش خاپوور بکرێت.