Sketchat

مرحبا 🌚
شو اخبار المشروع 👩🏼‍🦯
و شلون لقيتو الملحق الاول؟

ملحق شامل لكل شي بخص المساقط، كرمال تكون الفكرة كاملة و ما تضيعو بين هون و هون..
بس بنفس الوقت صار الملحق دسم و بدو دراسة كذا وش..

بجميع الاحوال، اذا ملاقين صعوبة بشي خبروني..
و موفقين يا رب

لما تجو تدربو عالدورات، و يمر عليكم هاد الشكل، و ما تعرفو ترسمو المنظور لانو ما في ابعاد..


بتروحو عالمكتبة و بتطلبو منو يطبع هي الصفحة من الملف ع قياس A3
وقتا فيكن تقيسو منها مباشرة و ترسمو.

فعليا اذا طبعتو ع غير قياس بيمشي الحال معكن، بس الدقة المطلوبة للامتحان بتكون للحجم اللي بيظهر بورقة A3..

تمرين معقول للامتحان 🌚
غير مكرر من قبل
و يمكن إكمال مساقطه بسهولة..
ف انا بشوفه من التمارين المتوقعة لهي الدورة

و هو مجرد توقع لا اكثر ولا اقل

كالعادة،
ما بعرف شو بروح علامات
و الاولى اني جاوب على اسئلة التمثيل
لهلئ ما شفت الاسئلة ولا شفت السلم ف لبعد ما تخلص عجقة مواد الرسم بجاوب ع اديش برحلي و شو بصرلي
و السلام عليكم

كم ملاحظة سريعة التصميم٢

- بلشو بحساب الدرج و تأكدوا منو مية بالمية قبل ما ترسمو شي، حساب الدرج غلط ح تواجه مشاكل بكل الاسئلة 💔

-ترتيب الاهمية ك اسئلة
منحل سؤال النظري بدقيقتين و منخلص منو
بحسب الدرج و برسم للمسقط
برسم المقطع
اذا مطلوب اساسات و شيناجات او هوردي او اي شي بكملو

- اذا ما لحقت ارسم المقطع رسموه بأيدكم معليه، الدكتورة بهما تشوف انو انتو بتعرفو ترسمو الدرج مقطوع، باب مقطوع، شباك مقطوع، بتعرفو شو الطبقات، و هيك.. المهم تشوف الهيكل.. و تروح كم علامة ع الرسم احسن ما تروح كلها..

- ما تنسوا عناصر الدرج، سهم الصعود، خط القطع، انف الدرجة، الترقيم، المناسيب..
✅ سهم الصعود بفرضه من الشاحط المقطوع للتاني، اذا ما مر خط القطع بالدرج المقطوع فانا بفرضه كيف ما بدي
✅خط القطع بنهاية الشاحط الاول او بداية الشاحط التاني، بعد خط القطع ترقيم الدرجات بصير متل درجات الطابق اللي تحت اللي عم برسمه.
✅ انف الدرجة دائما لاحق سهم الصعود.

-ما تنسوا تنزلو المحاور بالمقطع.
- لما بدي قرر نوع الاعمدة ولما بدي سمي المحاور، بشوف الكروكي كامل مو بس القسم المطلوب مني

- حساب المناسيب و الابعاد على حسب شو طلع معي بحسابات الدرج كارتفاع قائمة و عرض دعسة، بس بالرسم برسم دائما ٦ ملم و ٣ ملم..

- جدار مقطوع ملامس للتربة بالمقطع، اذا كان بلوك تحته شيناج، اذا كان بيتون مسلح تحته اساس.
- كل جائز بسقف القبو يقابله شيناج، و تنينن بنفس الاتجاه (اما يمين المحور او يساره حسب كيف راسمتو بالمسقط)
-اقرأو نص السؤال كتير كتير منيح خصوصي المقطع، احيانا بينطلب مني مقطع لطابق واحد، احيانا مقطع للدرج بس، و بدي انتبه اذا حاكيلي اذا الدرج لا يصل للسطح الاخير، او انو التراس غير مسقوف، او او او.. اقرأو السؤال كتير منيح ارجوكم و فهمو شو المطلوب حتى ما نضيع وقت بشي ما بدنا ياه :')

- سؤال النظري حلو من فهمكن مو شرط السرد الحرفي ابدااا

- البلاطة الهوردي بالمقطع، اذا ما فرضتا عليي عامودية عالاعصاب او موازية للاعصاب فيني افرضا كيف ما بدي، و اكيد اسهل شي تكون كلا مسلحة (مار بجائز)

-لما بكون خط القطع موازي للاعصاب ح تبين معي عرض البلوكة ٢٠ات،وقتا الجوائز حتكون جوائز رئيسية، برسما بقياسات الجائز الرئيسي عند المحاور بشكل تقريبي، ما تضيعو وقتكن بالحسابات اذا ما مطلوبة لوحة الهوردي
-اذا كان المطلوب عامودي عالاعصاب ح تكون ٧ ملم ٣ ملم.. الجوائز وقتها بتكون ثانوية

- البلاطة العادية مجبورة فيها بسقف القبو، سقف بيت الدرج، الميدة الوسطى، ارضية سقيفة.. البلاطة الهوردي مجبورة فيها بالسقف الاخير فقط.. بقية الاسقف فيني اخدها عادية او هوردي الا اذا هي فرضت عليي

-شيناج الدرجة الاولى للمدخل بكون وهمي اذا عم برسم اساسات و شيناجات للقبو، و مرئي اذا عم برسم الارضي


هدول المتذكرتن، موفقين يا رب 💙💙

حاول تسمع الريكورد كذا مرة.. الموضوع بدو فكفكة 🥲😂

مبدئياً، و قبل كل شي.. اللي مو عاجبه دقة الصورة يعملي لمة بلكي اشتري ايفون ✨

بالله بكرة تنقو علي نزل شرح هاد التمرين لانو كتير مهم 🌚💕

السلام عليكم

#تمثيل_منشآت_هندسية
#د_جمال_معماري

متل ما منعرف مادتنا عبارة عن خمس ابحاث، تتم دراستهم من فيديوهات الدكتور أولاً و أخيراً، و اذا واجهت اي صعوبة، فيمكن الاستعانة بالملاحق الخمسة الموجودة بديفرنت..

الاسئلة ح تكون بالتوزيع التالي تقريبا:
٢٠ علامة تفريد (ملحق خامس)
٢٥ علامة عبارة مسطحة (ملحق رابع)
و البقية إما على الجسور او على الجدران الاستنادية..

المادة تراكمية و المفروض نشتغل عليها من اول الفصل.. بس فعليا اذا بلشت هلئ في احتمال كبير تلحقها، هي جدا بسيطة و قواعدها واضحة، و الفيديوهات متوفرة بأيدي الجميع و جدا بتسهل الفهم..

#حملة
بالنسبة للتفريد، الدكتور ما حل اي سطوح منحنية، و اكتفى بالسطوح المستوية
يعني الدوائر ما جاب سيرتها 🌚

بالجسور مطلوب فقط بلاطة مصمتة، و مردوم من الطرفين حصرا
و بالعبارات مطلوب فقط المسطحة، و فقط مقطع طولي

بالجدران الاستنادية، انعطت كاملة، لكنه ذكر بالبوست انو ح يجيب اما واجهة جدار او مقطع بجسر، ما جاب سيرة مقطع جدار استنادي

ف هون بدي احكي ملاحظة صغيرة 🥲

الملحق التالت، و اللي هو ملحق الجسور، نزلته مردوم من طرف واحد، كرمال اشرح قطع الجدران الاستنادية لاني حكيت بالملحق التاني انو نفسه بالجسور ف ح اشرحه بالجسور.. لكن بعد هاد الحذف :')
ح نزل ملف لحلول الجسور في حال كانت مردومة من الطرفين، متل مانه مطلوب هالسنة.. هو مجرد تعديل على القسم التاني، ما في شي فظيع..

بس تجي الكهربا ان شاء الله 🥲

التعديل الأسهل و الأبسط، المادة قلبت ع نصها 🌚
يا ريت نستغل الفرصة!

و بس هيك والله
موفقين يا رب
من بكرة انا معكن ان شاء الله بالغروب 🩵
#فريق_ريفرينس
#مكتبة_ديفرنت

#تمثيل_منشآت_هندسية
#هام
كرمال ما تضيعو، هي هي الجسور المصمتة الموجودة بالنوطة.. و هيك بكون شكل الجسر اذا كان مردوم من الطرفين متل ما هو مطلوب بالامتحان..

بقية الجسور النازلة بالملحق (بلاطة جائزية)
غير مطلوب كبلاطة فقط، لكن ركائزها، و الترب مطلوبة كأفكار ..

بهاد الملف ما يقارب العشرين مسألة، فيهم كل افكار المادة ان شاء الله.. فاللي ما درس الملحق فينه يدرس هاد كافي ان شاء الله
او فيكن تدرسو الفيديوهات

بكرة بجلسة الوصفية ح حل مسائل هاد الملف بالمناسبة 🌚
يا ريت اللي بدو يحضؤ للجلسة يحمل الملف

حل مسائل المستقيم 2023-2024.pdf

هدول النسب طالعنا من تشابه المثلثين، و بعدها حسبنا الطول en من مثلث فيثاغورث متل مو موضح بالايزومتري..

بحاول بهاليومين نزل شرح اوضح من هيك بس هي مبدئيا كرمال ما تتعطل دراستكن عليه..

مرحبا🌚
ان شاء الله يكون مرق هالأسبوعين تلاتة عليكم بشكل ألطف و أحن مما مرق علي :')..
حاسة حالي نجوت من الموت المحتم🫱🏻‍🫲🏻

ما علينا، أنا عملت كل الرسائل تمييز كمقروء، ف أنا ما قرأت اي شي من رسائلكم.. اللي لسا سؤاله ما لقاله جواب و بهمه جوابه ينقطلي عليه..

شغلة تانية، انا لحد اللحظة، لا شفت اسكيز التصميم، ولا شفت سلمه، ولا عرفت كيف قدمتو..
ف طمنوني كيف كان الوضع؟
الحياة سعيدة بدون ملاحق عادي 🌚؟
تخليتو عني بهالبساطة 💔🥹😂

و آخر شغلة، أي حدا، حاكاني كرمال درس و قلتلو يتواصل معي ب ٣٠ / ٥ يا ريت يرجع يذكرني بحاله..

ماني ناوية اعطي دروس خصوصي بس اللي وعدته ما فيني اتراجع و قله لا..

و ان شاء الله ح كمل كورس الوصفية اللي كنت مبلشته هالاسبوع

و اذا كان في إعداد و إقبال ح نعمل كورس تمثيل وآخر وصفية و جلستين تصميم بعد العيد ان شاء الله

و كل عام و انتو بألف خير 💙

🙋🏻‍♀🙋🏻‍♀
#تصميم2

بلشت الطلاب تسأل عن التحبير و المعيدين عم يعطو الضو الأخضر 😂💙

أكيد نصيحة اللي متأكد من شغله يبلش تحبير من هلئ، لكن أنا بفضل ما حدا يحبر إلا لما يصلح لوحة الأساسات و الشيناجات و يتأكد أنها صحيحة تماماً..

طرق التحبير لا تختلف عن التصميم١ ابدا، نفس الأقلام و نفس الأسلوب، لكن التحبير على ورق كالك ليس على ورق كانسون (و هو اسهل للشف)

مهما بلغت ثقتك بنفسك عزيزي الطالب ما تحبر بحبر فورا معلش 🌚💙

خطوط الأبعاد و المحاور بقلم ٠.٢، و ما تبقى كما التصميم١..


و بهالمناسبة، و قبل ما تسألوني 😂💔
اللي بيعرف حدا بحبر او اذا حدا بشتغل بالتحبير يا ريت يكتب كرد على هي الرسالة حتى الطلاب تتواصل معه 💙

و موفقين جداً 💙

#تمثيل_منشآت_هندسية
#تصويبات

الملحق الثاني، هاد الشكل عندي خط وهمي بكمل لتحت.. يعني ضيفو الوهمي الأحمر

#تصميم2
#لوحة_الأساسات_والشيناجات

ايمت برسم وهمي، و ايمت برسم مرئي؟؟

مبدئياً و بشكل عام، بالتصميم وظيفة الوهمي يعبرلي عن أشياء موجودة حقيقةً، لكن بمنسوب أعلى من اللي انا عم برسم عندو..

ف لما كنا بنرسم درج بالقبو مثلا، كفيت الدرجات وهمية لأنها اعلى من المنسوب اللي عم برسم عندو، لكنها موجودة..

هون نفس المبدأ!

لما بكون عم أسس لأي مبنى، ف انا ح أحفر على عمق معين، ممكن احتاج لعمق بقسم من المبنى أكبر من قسم تاني، بمعنى ح يكون عندي منسوبين حفر..
وقتها، انا لما بجي ارسم مسقط الأساسات و الشيناجات، بكون عم برسم عند المنسوب السفلي، و بصير عندي أي شي بمستوي الحفر الأعلى وهمي.. و بمنسوب الحفر الأدنى مرئي.. و هي أول حالة


الحالة التانية، يكون عندي منسوب الحفر على منسوب واحد، حفرت لكل المبنى نفس العمق.. وقتها الأعمدة و الأساسات كلها مرئية و مهشر المقطوع منها و الحياة سعيدة، لكن.. لما برسم الشيناجات، و الشيناجات فقط، في حال عندي جدار بالطابق الأرضي، ما في تحته شيناج أو أساس، لازم ارسمله شيناج!
و هاد الشيناج حتماً ح يكون عند الجدار، فهو بمنسوب أعلى، ف هو وهمي، و نفس الحكي بالنسبة لشيناج الدرجة الأولى..

خلاصة القول:
بحال فرضت منسوبي تأسيس، كل شي ضمن حدود القبو مرئي، و اللي خارج حدود القبو وهمي، العناصر المقطوعة ضمن القبو مهشرة، خارج القبو غير مهشرة (لكن مرئية)

بحال عندي منسوب تأسيس واحد، فكل شي عندي ياه مرئي، إلا شيناج الدرجة الأولى لدرج المدخل، و شيناج الجدران تبع الطابق الأرضي فقط..

بحال ما كان عندي قبو، ف لوحة الأساسات و الشيناجات ح تكون بناءً على الطابق الأرضي، و حتكون مرئية بالكامل..


آخر شغلة، ايمت بحط مخدة؟
المخدة بتحط بحالة وحدة فقط، التقاء شيناجين، ما في تحتن أساس.. فقط لا غير..

هلئ بقى تصبحوا على خير 🤣