كواليس جامعة اليرموك الخاصة

@ypu_help

كواليس جامعة اليرموك الخاصة (Arabic)

إذا كنت طالبًا في جامعة اليرموك الخاصة أو مهتمًا بمعرفة المزيد عن حياة الطلاب والأحداث الخاصة بالجامعة، فإن قناة 'كواليس جامعة اليرموك الخاصة' على تطبيق تليجرام هي المكان المثالي لك. هذه القناة تهدف إلى توفير نظرة داخلية حصرية عن الأنشطة الطلابية والفعاليات الجامعية التي تجري في جامعة اليرموك الخاصة. تستطيع من خلال هذه القناة الاطلاع على أحدث الأخبار والفعاليات القادمة، بالإضافة إلى مشاركة الصور والفيديوهات الخاصة بالطلاب والحياة الجامعية. تعتبر 'كواليس جامعة اليرموك الخاصة' وسيلة ممتعة وشيقة للتواصل مع زملائك في الجامعة وللبقاء على اطلاع دائم على كل ما هو جديد ومثير في حياة الطلاب. انضم إلينا اليوم وكن جزءًا من هذه التجربة الفريدة!

كواليس جامعة اليرموك الخاصة

25 Jul, 13:55

يا ريت الكل يقرأ هالبوست ❤️❤️

الحمدلله بفضل الله و فضلكن
قدرنا نسكر المبلغ المطلوب خلال اقل من يومين

صراحة ما توقعنا ابدا انو نقدر نسكر هيك مبلغ كبير و حسينا ادينا مربطة و مو قدرانين شو نعمل.

عنجد شكرا من القلب الكن و لكل حدا ساعدنا و قدم مبالغ مادية اد ما كان صغيرة
شكرا لكل شخص رفع البوست
و لكل شخص دعا بالسلامة و العافية للشخص المريض.

شكرا كتير الكن و ان شالله يارب ما يضر حدا فيكن.

و الشكر الأكبر لثقتكن فينا بدون ما تعرفوا مين نحنا حتى.
هاد الشي بخلينا نكبر و نحس انو لازم نستمر و نضل نقدم الخير و المساعدة شو ما كانت حتى لا خارج نطاق الدراسة

و هي سكرين لغروب الادمنز عن كمية فرحتنا بثقتكن فينا ❤️

شكرا كتير للكل ❤️

1,126

كواليس جامعة اليرموك الخاصة

23 Jul, 12:01

#حالة_طارئة
رفعوا البوست من بعد اذنكن ضروري كتير

محتاجين مبلغ قدره ٦ مليون و ٧٥٠ الف خلال مدة اقصاها ٣ ايام لشخص من جامعتنا بالمشفى و مضطر عالمبلغ لسداد فواتير ادوية طبية ضرورية.

منعتذر مارح نقدر نفصح عن اسم الشخص او شي، منقدر نرسل التقارير الطبية يلي بتثبت حالة المريض بدون اسمو منشان التأكيد

بس الحالة مثبتة عنا من قبل الادمن بتقارير طبية مصدقة و مؤكدة.

يلي بيقدر يساعد بالمبلغ يتواصل معنا فورا ع بريد الصفحة لنخبركن كيف تفاصيل التحويل

و اذا حدا بيقدر يساعد بحوالات خارجية كمان موجود حساب بنك، يتواصل معنا عالبريد بشكل فوري.

يلي مارح يقدر يساعد بس يشارك البوست و يرفعوا الله يجزيكن الخير.

منعرف المبلغ كبير بس ممكن ٥٠ الف تعمل فرق

1,185

كواليس جامعة اليرموك الخاصة

07 Jul, 11:47

#مدني
#شكوى برسم رئاسة الجامعة و برسم عمادة كلية الهندسة المدنية

من المعروف جداً انو مادة التحليل الإنشائي (١) هيي مادة مفتاحية للهندسة المدنية
مادة مهمة جدا لحياة طالب الهندسة بشكل عام.

كتير صارت عنا مشاكل بمواد تانية من قبل و لهلأ في عنا مشاكل بمواد حالية بس عم نسكت و ما عم نحكي شي كونو هيي مواد لا تعتبر أساسية لحياة المهندس المدني للمستقبل

بس لما توصل القصة لمادة هيي عصب الهندسة المدنية ف منعتذر مارح نقدر نسكت ابداً

عدا عن انو ما عم توصلنا المعلومات بشكل صحيح ولا عم نفهم المادة العلمية بالشكل الكافي عم تكون نسبة الرسوب جدا عالية بمادة معينة و نسبة سحب المادة عالية جدا، رغم دراستنا المكثفة للمادة بس فوق كل هاد مافي نتيجة

لأنو من غير المعقول دفعة كاملة أغبياء!!!

من غير المعقول تنحط علامة فاينال ل ٩٠% من الطلاب ٧، او ٨ او ٥ او ٣ من ٥٠

منتمنى من إدارة الجامعة تنظر بهالشي لأنو مو طبيعي مادة متل هيك نضل نحملا او ما نفهما اساساً.

1,624

كواليس جامعة اليرموك الخاصة

09 May, 15:21

https://www.facebook.com/100064307064578/posts/pfbid0ywRxJkQ1xX54p8tWjEtz2aNRNkbYRkcGHwgQRGoqxbJYo7SNXKzA1QYANTdYq6AMl/

2,196

كواليس جامعة اليرموك الخاصة

09 May, 15:21

كيفكن
منعرف غيابنا عنكن طال كتير بسبب ضغوطاتنا و شغلنا و دراستنا

بس هالمرة راجع و بدي منكن خدمة و بتمنى ما تخجلوني

بدي منكن تفوتوا عالفيسبوك ترفعوا اخر بوست ضروري كتير

الحكي يلي هنيك بهم اي حدا عايش بالبلد مو بس طلاب اليرموك او بس طلاب الجامعات

بعد شوي رح نزل البوست هون بس بالاول بدي ترفعوه عالفيس و تشاركوه بكل مكان ❤️❤️

1,989

كواليس جامعة اليرموك الخاصة

10 Mar, 17:37

رابط البوست عالفيس اذا بترفعوه زكاتكن ❤️

https://www.facebook.com/100064307064578/posts/pfbid0JzVgzs4v2zTnoTAmq8pVo4DgSiXVcvJLYycQoezqFTyaSEpfN4jvVq8qNcAYfV5Tl/

2,647

كواليس جامعة اليرموك الخاصة

10 Mar, 17:37

يا ريت الكل يقرأ البوست, بالبداية ان شالله رمضان عالجميع و ان شالله رمضان الجايي منشوفكن ب افضل حال

يلي حابب يعطي فطرة رمضان او زكاة مال او حابب يتبرع ب اي مبلغ ل اي سبب كان بمناسبة قدوم شهر رمضان المبارك
في عنا كم شخص حابين نقدملن مساعدة و لو بسيطة بهالشهر الفضيل

ف يلي حابب يتبرع يتواصل عالارقام يلي رح نحطلكن ياها ب اخر البوست

و يلي تبرع او مو بقدرتو يتبرع يرفعلنا البوست ف الدال على الخير ك فاعله

و ان شالله رمضان مبارك عليكن ❤️❤️

للتحويل عن طريق شركة الفؤاد للصرافة:
+963930238826

للتحويل عن طريق شركة الهرم :
يعلق بالبوست كلمة هرم بس من هون ما نعتمد شخص يستلم هرم و منعدل البوست و منخبركن ساعتا

للحوالات خارج سوريا او عن طريق حساب بنكي خارجي او عن طريق PayPal:
+16784314213

2,186

كواليس جامعة اليرموك الخاصة

25 Feb, 18:55

شو رأيكن نعمل مسابقة افضل دكتور بكل كلية
و افضل موظف بكل قسم

و اخر شي منشوف مين بياخد جائزة افضل شخصية بالجامعة ؟؟؟

بس من هلأ بدون مصاري لأنو فلسنا 😂😂😂

2,429

كواليس جامعة اليرموك الخاصة

25 Feb, 15:57

#مدني

حدا معو طرائق عدددية هندسية( ر٤) ك pdf او محاضرات مصورة

او حدا يحاكيني يقلي شو هنن ابحاث المادة و مين دكتور المادة

يلي كان عندي ياها الفصل الماضي يتواصل معي زكاتكن.

http://T.me/KwaleesY

2,396

كواليس جامعة اليرموك الخاصة

24 Feb, 13:12

التقويم الأكاديمي للفصل الدراسي الثاني 2023-2024

1,999

كواليس جامعة اليرموك الخاصة

21 Feb, 12:06

#مستجدين
رح حطلكن هلأ فيديو بوضح عملية تنزيل المواد

يا ريت نشوف الفيديو اكتر من مرة و نقرأ الشرح الموجود بقلبو ع مهلنا كرمال ما نواجه اي مشكلة خلال عملية التنزيل بكرى

بالتوفيق ❤️

1,823

كواليس جامعة اليرموك الخاصة

21 Feb, 11:06

نصائح لتسجيل المواد

بتفتحوا على صفحاتكم بتلاقو تبويب (التسجيل).
جواته بتلاقوا اربع خيارات:
- المقررات المتبقية: فيكم تشوفوا المواد يلي لسا بقيانة الكم حتى تتخرجوا.
- المقررات المفتتحة: بتشوفوا من خلالها المواد يلي مفتوحة لتسجيل .
- المقررات المتاحة: هي المواد يلي بحقلكم تسجلوها.
لهيك ضروري جداً تشيكوا على المواد يلي بدكم تسجلوها انه بحقلكم وتشوفوا رقم الشعبة والوقت وتتأكدوا انه مايكون في أي تعارض.
- تسجيل المقررات: صفحة التسجيل ويلي هي اهم شي للطلاب يلي بدهم يسجلوا الكتروني من خلالها بتسجلوا المقررات تبعكم
وفي تبويب جديد باسم (التقويم) بتلاقوا جواته جدول محاضراتكم بس تخلصوا تسجيل.

بالنسبة لخطوات التسجيل:
1- اهم شي لازم اعرف كم ساعة بحقلي سجل وشو وضعي الأكاديمي ؟؟
منفوت التسجيل > مراجعة قواعد التسجيل هون منشوف اديش الساعات المسموحة وكم مادة جديدة وراسبة وشرطي بحقلو ينزل الطالب بناء ع وضعو الأكاديمي.
2- تاني شي لازم اعرف شو المواد يلي بحقلي نزلها (من دون استثناءات طبعاا)
بنفوت ع المقررات المتاحة يلي موجودة بالتسجيل هون بيطلع عندي كل شي مواد بحقلي نزلها بناء ع المواد يلي خلصتا
❓طيب بحال ما كانت عم تطلع المواد بشكل صح.. شو بدنا نعمل ؟؟؟ في زر اسمو إعادة تقييم للمقررات المتاحة منكبسو بيمشي الحال
واذا ما طلعو بشكل صحيح بتكون المادة لسا ما تم طرحها او افتتاحها من قبل الكلية و بهالحالة لازم نستنا لحتى تنزل كل البرامج بشكل صحيح ع النظام ونحاكي منسق الكلية فوراً.
❓طيب انا ما بدي نزل متطلبات بس بدي مواد كليتي في شي اسمو مرشحات المقرر فيني اختار منو نوع المتطلبات يلي بدي اختار منها بالإضافة لأنو بيظهر المقررات حسب اولوية التسجيل يعني المواد الراسبة بعدين الشرطي بعدين الجديدة
4- رابع خطوة وهية اهم شي بدنا نحكي عنو هي عملية اختيار الشعب و الفئات.. كيف بختار اوقات شعبي و فئاتي متل ما بدي من دون ما جرب ساعة لتزبط الفئات وانا عم سجل وتكون سكرت نص الشعب.. ؟؟
⬅️الجواب هوو انو ندخل ع شي اسمو المقررات ((المفتتحة)) وهون بيظهر كل شي مواد مفتوحة و اوقات الشعب و الفئات الخاصة وكل شعبة اديش بقيان فيها مقاعد
بجيب ورقة وقلم بختار اوقات الشعب يلي بتناسبني وبكتب كل مادة و شو رقم الشعبة وفئة العملي يلي بدي ياه و بزبط برنامجي ع رواق ومن دون تضارب قبل ما يفتح تسجيلي وبحتفظ بهالورقة ع جنب لحتى يفتح التسجيل
5 - بمجرد ما فتح التسجيل هون مندخل ع تسجيل المقررات و بختار الشعب و الفئات يلي كتبناها وبسجل المقررات يلي بدي ياها و بأكد التسجيل .
🚫ملااحظات هامة كتييير : اولا - بمجرد ما اخترتو المواد وثبتوها ما عد تقدرو تغيرو فيها شي حتى فترة السحب والاضافة والمادة الراسبة مافينا نسحبها بنوب حتى خلال فترة السحب والإضافة لهيك يا ريت الكل ينتبه لهالفكرة .
تاني شي تبديل الفئات بكون بعد ما يسجلو كل الطلاب
تالت شي يا ريت كل طالب يسجل موادو بايدو و ما يعطي كلمة السر تبعو لرفقاتو خاصة خلال فترة التسجيل حتى ما يصير مشاكل
رابع شي وهو الأهم انو مشاكل التضارب و الفئات والأوقات بتراجعو القسم فيها حصرا.

2,221