پست‌های تلگرام الشاعر كرار الحسينات الكربلائي

من أفـــرش امصلايتــــك ••• انظــر يبويـــه التربتــــــك
وابصفهه الاحظ سبحتـك ••• اذكر ركعتـــك سجدتــــــــك

لمن أصلي كـــل فـــرض .. امصلايتـــك بيهه نبـــــض
ما اﮔــدر انســاك اهـــواك الـﮔـــــــاك
يل وجهــك ابكل بسمـله .. والحمدو ﭼــنـــهه كربلـــــــه
ذكرك تسابيــــح مصابيـــــح مراجيـــح
أتفقــدك كل مغــربـــي .. وأشّمــاكل أشّارب أبــــــــــــــي
ما ادري نعســـان جـوعــان عطشــــان
اشلون انامن لو أهيــــد ••• وانت يبويــه اشكـد بعيــــد
أتغطى اضل ابصفنتـــك ••• اذكر ركعتـــك سجدتــــــــك

ﮔـصتك على التربة رســم .. كالساعــه اقبلــهه وشـــــــم
يالعطــرك يفـــوح ميــروح مشبوح
صـوتك على الحايط صده .. باقي مثل حــال النــــــــــده
ارجعـــلي يا ريت .. للبيــــــت .. عانيـــــــت
ذكراك احسنــهه وطـــــن .. بيهه أستلــذ وكت المحـــن
متعذّبــه اهــــواي يا مـــــاي يحشــــــاي
ما اﮔـــدر امشي النينـوى ••• بس راح ادز شوﮔـي الهوى
مشتاﮔ ليــك ابنيّتــــــــــــك ••• اذكر ركعتـــك سجدتــــــــك

بالسبحـــه أيدك تلّمــــس .. تستغفـــر الله ﮔـــمت أحــــس
طبعـــة أدينـــــك حَنينـــــك سنينـــك
وتسبيحـة امك فاطمـــــة .. اتحاﭼــيني عن يوم الضمـــــه
يبنيتـــي الأحـــــــلام آلام وأسهــــــــام
البيت أنترس حسره ودمـع .. وابلا ﮔــلب ﮔــلبي انشلـــع
ذبلانــه العيـــون وأشجــون متهـــون
ادموعــي ما الهــــن دوه ••• أنت الضوه ماي وهوى
يالغالي تبقى ذكرتــــــــــك ••• اذكر ركعتك سجدتـــــك

يالتركع ابهيئـــة نبــــــــــي .. يا كشخــه أنت المذهبـــــــي
يا رفعـــة الراس والساس للنـــــــاس
وابسجدتـــك هاي الشمـس .. مأمومــه صارت وتحــــــــس
متبركــه بيـــــك لبيــــك تهويـــــــــــك
كلشي ابعيونـــي شاهــدت .. متونســه لمن ﭼنــــــــــــــــت
يمــــــــك يغالـــــــــي ليــــالـــي تلالــي
كل ورده لو ذاب الغصــــن ••• ذبلانــه تصبح بالحـــزن
هاي آني فـﮔـدت ريحتـــــك ••• اذكر ركعتــك سجدتـــــك

يالـﮔتـلي ضلي ابهالمــقــــر .. ﮔـتلك أخذني أحمي النحـــر
يا بويــه ونّــــات آهــــات دمعـــــــات
دمعاتي يعقوب ابقهـــــــر .. آهاتي أيــوب ابصــبـــــــــــر
أهديــلك اثــواب بالبــاب يالهــــــاب
كل فتــره بسمـك خاتمــــه .. واغفله ابمـﭼــانك حالمــــــــه
يكتلنــي كل طيــف ﭼـن سيــف يا حيـــف
حصــره عليه اتلمســـــــك ••• وابعـــازه آني الواهســك
تاليهه ضاعت ضحكتــــــك ••• اذكر ركعتــــك سجدتــــك

لخادم العليلة: كرار الحسينات الكربلائي
29/8/ 2019

يا أروع الأصحاب  ...  يا أجمل الأحباب
ينَّصاري ~~ ينّصاري
◊◊◊◊◊◊◊◊◊◊◊
يا صُحبتـي ,, ويا كشختي،، يا كرام وما بخلتوا لجلي دمكـــــم
ياهو مثلي،، خل يـﮔـلي،، عـــده صحبه بس شرط كون ابمثلكم
غِيـره هيبه،، ومو عجيبه،، ابكل زمن خالد يضل هذا اسمكـــم
صرتوا رآيه،، وأقدس آيـه،، والعُبــر هاي البشر تاخذهه منكم
والموت أبد متهـــاب...  يا أجمل الأحباب
◊◊◊◊◊◊◊◊◊◊◊
يا غوالي ،، يبقى عالــي،، هذا موقفكم ﭼـبير ابعيـــــــن الازمان
انتو نهضه،،ابحقي ترضه،،وترفض الباطل وأهله بصلب الايمان
هالمنيــــه،، جت هديــــه ،، من الاهي اتخصصت الكم يشجعــان
قوة عـدكم ،، ما ﮔـدركــم،، لا يزيد وزمرته ولا حتى شيطـــــــان
يا شيمـة الأعــــراب...  يا أجمل الأحباب
◊◊◊◊◊◊◊◊◊◊◊
قلّة أنتم ،، بس هممكــم،، خلَّت الواحد يعادل جيش اُميـــــــــــه
العالي صوته،، يحلى موتـه،، عدكم الحق كالأخو اليعشك أخيــه
ما نساكــــــم ،، بـل رواكـم،، هذا تاريخ المجــد يالعبقريــــــــــه
صفحة العز ،، بيهه يعتز،، كل غيور وصاحب النفس الأبيـــــــه
ابكل صفحة كل كتاب...  يا أجمل الأحباب
◊◊◊◊◊◊◊◊◊◊◊
يبن ظاهـــر،، ابقى شاكــر، كل جهودك يالكشختك بحلى شيبــــه
يا بريري ،، ويا زهيــــري، ويا سمه وترعد احسكم انتو هيبــــه
جون عابس،، وهب فارس،، انتوا شخصية قوية بل عجيبــــــــه
الحر حراري،، ابـﮔـلبه ناري،، والمُحب طبعه يدافع عن حبيبــــه
سيف ابوجه أحزاب...  يا أجمل الأحباب
◊◊◊◊◊◊◊◊◊◊◊
الدنيا تمشي ،، واحلى كلشي،، الحصّل ابعاقبته مـــن أجمل شهادة
مهما يكبــــر،، يبقـى يزغــر،، كل شهيد اعتبره جاي مـــن الولادة
يا بختكــــم ،، هذا حضكــــم،، يالحضيتــوا بالحياة أروع سعـــــادة
يا جنـــودي،، صرتوا عنـدي ،، مو جنود ابعيني اشوفن انــتو قادة
ما بيكم الينعاب...  يا أجمل الأحباب
◊◊◊◊◊◊◊◊◊◊◊
لخادم الحسين: كرار الحسينات الكربلائي
26/11/2020م – الخميس
كربلاء المقدسة

أتباهـه اضَلَّنْ بيْكُمْ آنــي انصـــاري
مو مثلي عيسى ابصحبته الحواري
الفرق عالي ابهممكم ... صحبتي ماكــــو مثلكم

اليقــره بالمُصحـــف قــراهم عيسى ابن مريـم حواهـمْ
هالحــــواريْ
آمنـوا بـــــــالله ورسولــــــه وللعــدل رسموا بطولــــه
اللــــه داري
وانتوا يا انصار قلَّـــــــــــه ترفض احكام المذلــــــــــــه
وظرفي نـاري
الواحد بيكم عجبنــــــــــــي بيَّــه يتوسَّــل حضنـــــــــي
الموته شـاريْ
لو حاضـر الطـف عيسـى هسَّـه اويــــانـــــه
ايفضلكـــم اهـــــــوايــه علــــــى صُحبانـــــه
ابكل زمن يبقـى رسمكُــم ... صحبتي ماكــــو مثلكم

بالعِلـــم ﭼـانـوا عباقـــــر وللبشـــر صاروا مصــادر
وي نبيهُـــــــمْ
ارشدوا وادم ﭼـثيــــــــره ذوله اصحاب البصيــــــره
الحـﮒ عزمهمْ
وانتــوا للـــوادم منابــــــر بالكتــــب لو بالدفاتـــــــــر
ضل اسمكــــــمْ
الغيــره قاموس وحكايـــه امفصِّلــــه عشـﮒ الروايــهْ
بيهه دمكــــــــمْ
لــون ابيـــض اثيــاب الحـــواري ايلبســـــونْ
وابيض ﮔـــلبـــــكم ﭼـــنه لــــون الميمــــــونْ
للأجيــــال ايضــل درسكــــم ... صحبتي ماكــــو مثلكم

حفظـــوا الأنجـــيل هُمّــــــه ذولــه انصار الله اُمَّــــــه
ابعيســى يثنــــــــــونْ
مؤمنيــــن ابهالعقيــــــــــده وللكفــر صارت عنيـــــده
ابحكمـــه يحـﭼــــــونْ
المُصْحَــفْ ابليلــه وضُحاها كل فرد بيكم حياهــــــــــه
بـــــي ترتلــــــــــــونْ
عدكم آنـــي احلـــى واهـــس من حبيب وجون عابــسْ
عِبــــــره يـــــــروونْ
يا عيســـى مثل انصــــاري ابـــد ما تِلـــﮔــهْ
تفتـــح صــدرهـــه للسهــــم تتلـــــﮔـــــــــــه
ﮔـــلبي من الله يحبكــــــــم ... صحبتي ماكــــو مثلكم

ياهو ينصـــرني حـﭼــــاهــــه عيســى والوادم لِـﮔــاهــــا
ابخنســـه حيـــــره
والحـــواري استجابــــــــــوا بالعشـﮒ بالبـــاري ذابــــــوا
ابأحلـــى سيــــــره
وآنـــي ناديت النصرنـــــــي جدي يشفعله ويهمنــــــــــي
بالـﭼـــبيــــــــــــره
وانتوا لبيتــــوا نـــــــدائـــي كل بطــل بيكم فــــــــدائـــــيْ
ابراســه غيـــــــــره
ضحيتـــوا لجــــلي من أجل نهضتــــــي
بيكم أضل اتباهـــــه يا صُحبتـــــــــــــيْ
منهـــج الحــــــق ابدربكــــم ... صحبتي ماكــــو مثلكم

لخادم انصار الحسين: كرار الحسينات الكربلائي
27/8/ 2022م – السبت
كربلاء المقدسة