الشاعر ياسر العارضي

@yasralardy

للتواصل
@ysssr
او 07809677279 (زين كاش)
رابط اليوتيوب
https://youtube.com/@yasralardy
رابط الفيسبوك
https://www.facebook.com/yasralard?mibextid=ZbWKwL

قناة الشاعر ياسر العارضي (Arabic)

تعتبر قناة الشاعر ياسر العارضي على تطبيق تليجرام واحدة من أهم القنوات الشعرية التي تقدم الأدب العربي بأسلوب مميز ومبتكر. الشاعر ياسر العارضي يعتبر من بين أبرز الشعراء في العالم العربي، حيث يتميز بقدرته على التعبير عن المشاعر بشكل عميق ومؤثر. يمكنك التواصل مع ياسر العارضي عبر تطبيق تليجرام عن طريق الاسم @yasralardy. كما يمكنك متابعة أعماله الأدبية والشعرية على قناته على اليوتيوب عبر الرابط https://youtube.com/@yasralardy وعلى صفحته على الفيسبوك عبر الرابط https://www.facebook.com/yasralard?mibextid=ZbWKwL. انضم إلى قناة الشاعر ياسر العارضي الآن واستمتع بأجمل الأبيات والقصائد التي ستلامس قلبك وتأخذك في رحلة فنية مميزة.

الشاعر ياسر العارضي

04 Jan, 02:17

https://youtu.be/glYMWKogWhk?si=uLkMIHK7QZPKQW8x

641

الشاعر ياسر العارضي

02 Jan, 14:07

#قصائد_منبريه
#استشهاد_الامام_علي_الهادي_ع
اساسية

صوت البواجي والنعي ابمرقد علي الهادي
ابليلة رحيله كل محب يتعنه وينادي
عظم الله الاجر يالمنتظر
عظم الله الاجر يالمنتظر
..................................
ليلة افراكَه الاليمه                   الألهه طك شيب الكَلب
وبوسط اسود حزنهه                ايمر خبر جدا صعب
الرحمت الباري بوجوده             تاخذه احضان الترب
ايحاربونه اهل الخيانه              والسم اسلاح الحرب
يفني العمر شاب وبعد ماتتم احلامه
عاش الحياة ابكل حزن وانختمت ايامه
ولأجل فكَد الإمام وهالخبر
عظم الله الاجر يالمنتظر
..................................
من علي الاكبر سنينه                   عمره أكبر جم سنه
اليعتني ويكرم يتامه                    ألسم الجبده اعتنه
ال أذَّن ابساعه رحيله                 اتحمله زين المأذنه
اتفطرت كَاع الله كلهه            وكل محب ظهره انحنه
لسابع سمه من اول سمه لفكَده اصبحت سوده
عاشِر امام اليحتضر وانفاسه معدوده
على اعياله اعيونه مشبوحه النظر
عظم الله الاجر يالمنتظر
..................................
رايح وتارك شبابه                  ولرحيله مستعد
مثل ما احنه نطينه           ابعمره شبان الحشد
هوه غير المثله يبقه               مو يروح ومايرد
وحشه بستان الرساله            ينكًطع منه الورد
التحتاجه ناسه لكل ألم والكل جرح بلسم
من اشفافه من السم نضح يا للحسافه الدم
وطاح جبده وزاد بالموقف خطر
عظم الله الاجر يالمنتظر
..................................
مُفتَرَض بالطاعه واجره            ضيعوو أهل الرجس
غيمه سوده وكلهه عتمه           وكَفو اكَبال الشمس
من درو من علي الهادي               الناس تتعلم درس
عذبو كلمن يحبه                     بالسجون وبالحبس
وبأبشع انواع الظلم ضد شيعته وناسه
وعيونه دم تجري ودمع من غابت انفاسه
الشيعته التتحمل امصاب الدهر
عظم الله الاجر يالمنتظر
..................................
حارب الباطل وجوده                وبرحيله أعلن نصر
حقق النصر المؤزر                     حته لو وسط القبر
كل طموحه الدين يبقه          ودينه باقي بكل عصر
شما شهيد ايطيح عدنه                دمه للدين الفجُر
ويشع ضوه ابوجهه الوكَع جا ناصر الدينه
للدين ناذر هالعمر والنصرت حسينه
ولأجل هذا الفداء اعله الاثر
عظم الله الاجر يالمنتظر

الشاعر
ياسر العارضي

178

الشاعر ياسر العارضي

02 Jan, 14:07

#قصائد_منبريه
#الامام_علي_الهادي_ع

على انفاسك سلام ألله

لفكدك آه وا ويلاه

علي الهادي    ياعلي الهادي

.........

بجينه وماترد دمعات العيون

كل الراحو وماضن يرجعون

نضل طول العمر للي يموتون

نشتاك ونظن بلكت يمرون

وانت العاشر الوالي

إمام وعالكلب غالي

علي الهادي    ياعلي الهادي

........

سم جبدك رسم لوحة غيابك

مايدري احنه كل يوم اعله بابك

نجيك ونعتني نشم ابترابك

ومانشبع ابد من شم ثيابك

ييوسف كل شخص بينه

الك زادت بواجينه

علي الهادي    ياعلي الهادي

.........

تره غالي الهوه وانت اغله منه

يرمز العاطفه وكللك محنه

من اتروح يعني أحنه رحنه

متمسكين بيك من انوجدنه

لونك منخطف رايح

ابدارك ينسمع صايح

علي الهادي    ياعلي الهادي

.........

دنيانه الكضت وي ما رحت ليش

اضن حته الوقت مايقبل ايعيش

يعاقبنه الزمان ابلا ذنب ليش

البلاوي الريح واحنه بخفة الريش

يشتتنه وتجمعنه

بوجودك ربنه يرحمنه

علي الهادي    ياعلي الهادي

.........

وي العسكري نحيي عزائك

ودمعنه انخلطه يالحيد ابدمائك

جنت تحفظنه من ترفع دعائك

اخذنه حته لو نجمه ابسمائك

تصبحنه وتمسينه

وبنورك تضوينه

علي الهادي    ياعلي الهادي

الشاعر
ياسر العارضي

148

الشاعر ياسر العارضي

02 Jan, 14:07

#قصائد_منبريه
#استشهاد_الامام_علي_الهادي_ع

شيعة حيدره اتنادي
وينك ياعلي الهادي
... ..
من سموك يبن الطاهره انسابه
صاحت شيعتك وبدمعه لهابه
بعدك ياهو نكصدله وندك بابه
نذوب شموع من نوصل على اعتابه
حزنك بينه ضل حادي
وينك ياعلي الهادي
... ..
يوم افراكك الما ينحمل مره
تبقه ابكل كلب ماتنطفي جمره
عليك الدمعه تنزل عالوجن حمره
اعله صخره لوتطيح اتفطر الصخره
دمعهم يترس الوادي
وينك ياعلي الهادي
... ..
مسموم ورحت شاب وخلص عمرك
امام ومفترض بالطاعه من زغرك
تصبر عالظلم أه شكبر صبرك
ماشفت الفرح من مهدك الكبرك
اعليك اشكد ظلم سادي
وينك ياعلي الهادي
... ..
عانيت ابحياتك ماشفت راحه
كلبك تنلجم بالمغرب اجراحه
وجهك عالحسين الغالي واصلاحه
وللطف والمخيم غابت افراحه
الحزنك صرخة اجدادي
وينك ياعلي الهادي
... ..
مسموم ورحت نعشك يحملونه
أمام انت بمدامع دم يودعونه
اليصبحون اعله وجهه واليمسونه
امير ارواحنه شخصك يسمونه
فراكك والله مو عادي
وينك ياعلي الهادي

الشاعر
ياسر العارضي

146

الشاعر ياسر العارضي

08 Dec, 17:43

قصيدة اساسية
وفاة ام البنين (عليها السلام)

تأخر موتي ليش اخلاف الحسين
                             ماتحله الحياة ابدونه بالعين
لجله ضحيت اربعه
ما أريدن مصرعه
                              ماتحله الحياة ابدونه بالعين
..............................
عشت بعد الطف ايام اصبحت مره
دليلي ابحزنه عاش ودمعتي حمره
يروح حسين من عمري على عمره
وآنه اوياه عشت أجمل واعز عشره
مثل امه وأشوفه ابني من الاكَيه
           يطير من الفرح كَلبي من احاجيه
حسين وطاهر مرضعه
ما أريدن مصرعه
                              ماتحله الحياة ابدونه بالعين
..............................
عشت باحساس أم وأعرف احواله
من يضحك اشوف الضحكه تحلاله
واذا يبجي وتصير ادموعه هماله
اكيد ابذكرياته الزهره تدناله
يتذكر مصاب الضلع والباب
وضل جرحه على المحسن فلا طاب
دمعي ايصب وي مدمعه
ما أريدن مصرعه
                              ماتحله الحياة ابدونه بالعين
..............................
كُبر والطف خذاه وضلوعه مهشومه
وانه اتمنيت يومي ايصح كَبل يومه
ولا أبقه المصابه وروحي مهضومه
اعله صوت حسين هاي اسماعي مفطومه
من حسين خالي اترد الظعون
وبسياط الاعادي زركَه المتون
والقلم والقارعه
ما أريدن مصرعه
                              ماتحله الحياة ابدونه بالعين
..............................
ثلث اسنين مَرن أنعه لمصابه
وعيني الشوفته ابدمعتهه سجابه
ادعي الخالق ابموتي وادك بابه
حته احظه بلقاء حسين واصحابه
لفاني الموت متأخر على الروح
موتي اويه الحسين من اول اجروح
وي السيف الكَطعه
ما أريدن مصرعه
                              ماتحله الحياة ابدونه بالعين
..............................
قبل زينب ردت موتي اعله بو الأكبر
وعلى كَبري تجي بت حيدره تحظر
آنه ام البنين وأحظر المعبر
شفيعه وي علي الكرار بالمحشر
والينخاني لا مارده خايب
انخوني ابظهور المهدي غايب
الثار الكَلبي صدعه
ما أريدن مصرعه
                              ماتحله الحياة ابدونه بالعين

الشاعر
ياسر العارضي

236

الشاعر ياسر العارضي

08 Dec, 17:43

ام البنين مخاطبة الحسين ع

امامي ياحسين امامي ياحسين
...............
روحي ملهوفه واتريد تشم اترابك
يا امامي وتطوف الدموع ابابك
ليتني ياولينه انه من اصحابك
امشي وياك ولاريد احمله اغيابك
وي اربع البنين امامي ياحسين
...............
امك اني بعد ما تغيب الزهره
بعدك اكَليبي يمه يضل ابحسره
اعمه بعدك ينورك بقيت انتظره
خذني وياك تضل خاف وحيده الحره
والزينب الحنين امامي ياحسين
...............
مالي بعدك فرح لا ولا كل بسمه
ومن بعد نور جبينك حياتي ضلمه
لو رحت من يكَلي ابرحيلك يُمه
هيه جلمه واحسهه حياتي الجلمه
والجلمتك أنين امامي ياحسين
...............
هاي الديار بعد ما اشوفك بيهه
مستحيله احسهه رجعتك ليهه
جن سجل بعدك الروح يمن تطويهه
باول اثار لهجرك تره تفنيهه
ياسيدي الامين امامي ياحسين
...............
خذني وياك احس راح عِده ايذبحونك
ومن بعد ذبحك الكَوم تجي ايسلبونك
كون اغطيك واحط ضِل يحامي امتونك
وانه احاميك اذا خيل تجي ايرضونك
وامسحلك الجبين امامي ياحسين

الشاعر ياسر العارضي

216

الشاعر ياسر العارضي

08 Dec, 17:43

قصيدة نزله في حق ام البنين عليها السلام

خيمة ايتام تمثلت أم البنين
خيمة أيتام تمثلت أم البنين
.........
بعد ما بضعة نبينه استشهدت
والمآسي اعله اليتامه خيمت
ماكو للحسنين غير ام البخت
هيه هاي ام البنين اللي اجت
أم تصير الطاهره
هاي أعظم مفخره
والدهر ضام لليتامه الطيببن
خيمة أيتام تمثلت أم البنين
.......................
فاطمه اتغير اسمهه لهالامر
خاف منهم بأسم أمه ينقهر
تعرف اتعلم الصبور اعله الصبر
وتخدم الايتام كل هذا العمر
وطائعه الحيدر علي
والهه كل هم ينجلي
وكل الايام ثابته ولا ماتلين
خيمة أيتام تمثلت أم البنين
.....................
من مشاعرهه الحنونه الواضحه
جن وضوح ال قل هوَ وي الضحى
لو قره الانسان الهه الفاتحه
تنكضي حاجاته والرب سامحهه
حته لو ذنبه جبير
ينمحي من يستجير
الهه الاسلام حفظتهه بهذا الحنين
خيمة أيتام تمثلت أم البنين
........................
منزلتهه عد علي بأرفع مقام
ابحيدره التاريخ عَدهه من العظام
لو بحار ابحقهه ما يكفي الكلام
حد علمنه القاصر اعليهه السلام
وهيه اكبر من حرف
بالسطر ينزل وصف
وكل الاحلام نبقه الهه ذاكرين
خيمة أيتام تمثلت أم البنين
......................

فاركت عمر المصايب والهضم
ماتت وعبره ابصدرهه من الظلم
للمثلهه ازغير في حقهه النظم
والقلم لكبر فضائلهه ابعقم
لكل تعزيه وكل نعي
منهه نحتاج الوعي
وتنعه الاقلام ام بدور الثائرين
خيمة أيتام تمثلت أم البنين

الشاعر
ياسر العارضي

318

الشاعر ياسر العارضي

08 Dec, 17:43

ابوذيات نعي في حق ام البنين عليها السلام

ليالي حسين بعد الأم ويمه
سوده والحزن جاره ويمه
تكَله ام البنين ابني ويُمه
يكَللهه وبواجيهم سويه
...........
صدك عن الحسن وحسين يمهُم
رحتي وهام صار الآه يمهم
لنهه ام البنين اتكَول يمهم
تجيهم بعد ماتلفي المنيه
.............
امعرف من نسب طاهر ولدهه
هاي ام البنين اللي ولدهه
سوو بالطف الأعظم ولدهه
لحد مافاظ دمهم عالوطيه
........
ماتت وبكَلب ولهان موجِر
يعتهه الحزن عت لحسين موجَر
عليهه الوكت ياهالناس مو جار
يظل الكَبر ليش ابلا بِنيه

الشاعر ياسر العارضي

351

الشاعر ياسر العارضي

21 Nov, 21:24

نعي

422

الشاعر ياسر العارضي

21 Nov, 21:15

تفيدكم بالمدارس وبالدوام

483

الشاعر ياسر العارضي

21 Nov, 17:21

وره الباب اختفت فاطم لاذت من أعاديهه
مستوره ابحجاب اطويل اراذل هجمو اعليهه
دفعو عالزجيه الباب
وصاحت فضه صدري انصاب
سمعهه وشب عليهه النار والزهره انجوت بيهه
واويلي يازهراء
..................................
وره استشهاد ابوهه ابيوم بوكتهه الساعه عصريه
تعناهه الأبد مايوم عاف اطماعه يوميه
ابكل حيله عليهه الباب يدفع وبكراهيه
الى أن طك ضلعهه وصار تون مالومه ليليه
تون الهه ولبوهه الغاب
وصاحت فضه صدري انصاب
سمعهه وشب عليهه النار والزهره انجوت بيهه
واويلي يازهراء
..................................
عصرهه ومارحمهه وجان يدري الزهره موجوده
كالوله الزجيه اهنا ( وأِن) هاي اللي مريوده
جوابه والعصر مقصود كل افعاله مقصوده
العدو ابهجماته عالزهراء كتب صفحة ظلم سوده
فلا شخص الزجيه انهاب
وصاحت فضه صدري انصاب
سمعهه وشب عليهه النار والزهره انجوت بيهه
واويلي يازهراء
..................................
هجم بيده الحطب والنار وي ربعه تعنوهه
الحسن وحسين موجودين بالدار ويحركَوهه
لاجار الفزع لا مار لاديره اليطفوهه
ذيج المنهه تنطي امراد واحتركَت يشوفوهه
جمر نار الحقد لهاب
وصاحت فضه صدري انصاب
سمعهه وشب عليهه النار والزهره انجوت بيهه
واويلي يازهراء
..................................
وكَع محسنهه دون اسباب سبط ثالث وجد حتفه
لوما هالمصيبه اعليه الدين الله سند وصفه
جنين وعالمه مابي ظلم لا بس وفه وعِفه
ابعصر باب الزجيه ايطيح هالمصيبه الصدك كلفه
وجرح امه الابد ماطاب
وصاحت فضه صدري انصاب
سمعهه وشب عليهه النار والزهره انجوت بيهه
واويلي يازهراء

..................................
بده من اهل السقيفه الجور والوان الظلم عدهم
وعلي اوصيته اعله دين الله لو ما هيه يذبحهم
هجمو جن سموم الصيف كره كل واحد المنهم
ولارحمه ابكَلبهم جان لا رجعة الترجعهم
ضلموهه بلا اسباب
وصاحت فضه صدري انصاب
سمعهه وشب عليهه النار والزهره انجوت بيهه
واويلي يازهراء

الشاعر ياسر العارضي

3,457

الشاعر ياسر العارضي

21 Nov, 17:19

هاي الزهره عاشت عصره
وخلف الباب المحسن طاح
مظلومه يا زهراء مظلومه يا زهراء
.........................................................
عاشت عصره ودفعة ظالم
وماكو الفزاع من الوادم
والنار ابجف كلمن قادم
يحركَهه الدار وهالعازم
عصر البضعه وتهل دمعه
وخلف الباب المحسن طاح
مظلومه يا زهراء مظلومه يا زهراء
.........................................................
محتاره ابحشمه اتناديهم
آنه البضعه وتحاجيهم
عوفوني اشكَد صاحت بيهم
بس يضحك سمعت حاديهم
وصاح ابربعه ضربو البضعه
وخلف الباب المحسن طاح
مظلومه يا زهراء مظلومه يا زهراء
.........................................................
عصروهه وصاحت يافضه
جن سيف البسمار وأمضه
نكرو ربنه ودينه وفرضه
تَّباعين السلطه المرضه
طفو عيني كَومي احميني
وخلف الباب المحسن طاح
مظلومه يا زهراء مظلومه يا زهراء
.........................................................
ماراعوهه اوصيت الهادي
عدهم نكران الحق عادي
صاحت بيهم ذكرو أجدادي
منهي اني ومن همه اولادي
من سمعوهه هم ضربوهه
وخلف الباب المحسن طاح
مظلومه يا زهراء مظلومه يا زهراء
.........................................................
مارحموهه ولا واسوهه
وبأعلى الصوت ايشتموهه
غصبو حقهه ومن شافوهه
تبجي من الدمعه حرموهه
وطاح ابعبره دمع الزهره
وخلف الباب المحسن طاح
مظلومه يا زهراء مظلومه يا زهراء

ياسر العارضي

2,832

الشاعر ياسر العارضي

21 Nov, 17:18

هيَ قَلبٌ لِحنانِ أبيها والسِرُ المُستَودَعِ فيها
في العصرِ وكيدُِ الاصحابْ
غابت شمسٌ خلف البابْ
والسِرُ المُستَودَعِ فيها
..............
اعيون اعاديهه الزغيره وهيه أكبر من جبير
الهذا ما رحموهه ذوله المالهم ذمه وضمير
جانت ابيت الرساله المبني طين وبي حصير
هجمو اعليهه الاعادي وشيبو حته الزغير
وهوى مَن ألقوهُ جَنينا
والكوثر تُحمَّرَ جبينا
مَن يَزْهو فيها المحرابْ
غابت شمسٌ خلفَ البابْ
والسِرُ المُستَودَعِ فيها
..............
هُبَل هجمو على البضعه مو بشر هجمو صنم
ومن كسر ضلع الزجيه الدين يا وسفه انثلم
اصله طين البشر نعرف همه والله من العدم
طين بيت الزهره لكن بابه قلعو وانهدم
عَصرو مَن كانت لأباها
تَعلوا البَهجةَ في لقاياها
والبابُ قد صارَ سَحابْ
غابت شمسٌ خلف البابْ
والسِرُ المُستَودَعِ فيها
..............
عينهه وكسرة ضلعهه ولطمة الخد والعصر
والله لو ما ذني صارن اصبح المحسن فجر
لكن ابجور الاعادي صار للزهره العصر
عرفو ابلا ضغطه تُحشر عوضو ضغط القبر
ويلٌ لِرُعاعٍ ظَلَموها
مِن شَمِ هواها حرموها
فَغدى يجري الدمع عتابْ
غابت شمسٌ خلفَ البابْ
والسِرُ المُستَودَعِ فيها
..............
بيتهه بيت الله يعني هوه والكعبه سوه
هذي قبله لليصلي وهذا للعالم ضوه
بيت حسْنين وابوهم للجرح همه دوه
بيت جبرائيل منه ومن تلاواته ارتوه
يزدادُ زهواً وجمالا
فيهِ ذكرُ الله تعالى
فيهِ الزهراءُ وتُثابْ
غابت شمسٌ خلفَ البابْ
والسِرُ المُستَودَعِ فيها
..............
هيه دم وابكل عروقه بكل شرايينه مشت
وكل جزيئه ابدمهه بعده لهالمصاب اتيتمت
بدل ماواسوهه دفعو بابهه وخلفه اختفت
وانعصر صدر الزجيه وعين من عدهه انطفت
غدروا بِنتَ نبيٍ فيهم
كالكَهفِ كانَ يأويهِم
مِن نورٍ كانت وحِجابْ
غابت شمسٌ خلف البابْ
والسِرُ المُستَودَعِ فيها

ياسر العارضي

2,021

الشاعر ياسر العارضي

13 Oct, 21:45

#التنمر
كلمات الشاعر ياسر العارضي
رسالة لك
رِسَالَة إلَى قَلبِكَ الجَميل
رسالة
رسالة حب
#رسالة_انسانية
@إشارة
رابط القصيدة
https://youtu.be/WP5jFWSR0Mw?si=PYpgUeShRfjsK2qz

3,398

الشاعر ياسر العارضي

08 Oct, 14:14

لليالي الفاطميه
كل دموعي كوثريه
يا زهراء يازهراء
.........
من تمر اول روايه انه استعد
بالقصائد اقره وبياطور أرد
الزهره تحظر بالمجالس واعتقد
لو قريت اعليهه اسمع منهه أعد
والأعد منهه الهويه
كل دموعي كوثريه
يا زهراء يازهراء
.........
مستحيل انساهه مكسورة ضلع
عينهه امورمه وتهل دم ودمع
من كثر ما تنعصر باصعب وضع
الا لحظه اتضل كَلبه وينشلع
واشكبر هاي الرزيه
كل دموعي كوثريه
يا زهراء يازهراء
..........
هوه مو بسمار نابت بالصدر
هاي نقطه اتوضح اذنوب الكفر
وياصدر هوه وتعرض للعصر
وره الباب الزهره لا يهل الغدر
اخ يا ضلع الزجيه
كل دموعي كوثريه
يا زهراء يازهراء
...........
كل روايات المصيبه اثلاثه لا
للي انطت عينهه ازغير العطا
فدك بيهه الكاف من ال كربلا
والهه حته اهتز عرش رب السما
الهه دمعاتي الجريه
كل دموعي كوثريه
يا زهراء يازهراء
............
ثالث اسباط الأمم طاح وهوه
من عرف ضلع امه مكسور التوه
ماكسر ظل عمره شو راح الضوه
صفحه وزغيره العمر جن وانطوه
والبجي لهاي القضيه
كل دموعي كوثريه
يا زهراء يازهراء

ياسر العارضي

2,678

الشاعر ياسر العارضي

08 Oct, 14:13

يالزهره والله امصابج امأذيني
كل مغربيه أسمج ايبجيني
آه واويلاه آه يازهراء
.............
يم الحسن لمصابج اني احزاني
ياغيرة الله ومنهجي وقرأني
تتغير لأسمج يبضعه الواني
ومشتعله روحي لجلج ابنيراني
يارحمة الباري ويسِر اسنيني
كل مغربيه أسمج ايبجيني
آه واويلاه آه يازهراء
.............
كل ما قرولي اعليج ينزل دمعي
واتمنه لمصابج اكسره ضلعي
مختلف باحزانج وحكَج وضعي
طبعي الحزن والاه صاير طبعي
وايزيد نوحي كلمن ايواسيني
كل مغربيه أسمج ايبجيني
آه واويلاه آه يازهراء
.............
بحنجرتي هضمه وصوتي يطلع كوه
ولطمي لعذابج وادك ابصدري ابقوه
ارد اشعر ابعصرج واريد اتروه
من حزني واشرب من دموعي امروه
والكون كله يسمع من اونيني
كل مغربيه أسمج ايبجيني
آه واويلاه آه يازهراء
.............
موبس نواعي وساعه يخلص نوحي
لجلج يبضعه واضحات اجروحي
روحي المصابج والله اكَلهه روحي
فدوه الج خل تمشي واكتب لوحي
هذا البذل روحه الج كتبيني
كل مغربيه أسمج ايبجيني
آه واويلاه آه يازهراء
.............
لا ما أمل هذا الجزع واهاتي
وازغيره احس لمصيبتج دمعاتي
ماتطفي ناري واشكثر جلماتي
بحجم الفضاء اعليج اضن حسراتي
ابجي عليج وانتِ التهَّديني
كل مغربيه أسمج ايبجيني
آه واويلاه آه يازهراء

الشاعر ياسر العارضي

3,662

الشاعر ياسر العارضي

08 Oct, 14:12

نعي استشهاد السيدة فاطمة الزهراء ع
عندما أخذو علي (ع) مكتوف الايدي وبعث سلمان الفارسي إليها كي لاترفع يدها بالدعاء فقالت له وبلسان الحال..

يسلمان....
اشيسوه العمر والله بدونه
اريدن علي سالم يخلونه

بعد جرحي جبير ومارضه ايطيب
ما أتحمل انه حيدر ايغيب

وحك دين النبي وشخص الرساله
بعد مابيه اكَوم ابجي اعله حاله
بعد هيبة ابوي وعز دلاله
عليه اتجاسرو ذوله النذاله

يسلمان يسلمان....
صبرت وكَلت ميخالف تعدي
وألآم الضلع توجع ابجبدي
علي بلسم كَلت بالدنيه عندي
ما أرضه يروح وابقه وحدي

يعوفونه ردت ما يجتفونه
وكَبل المغرب البيته يردونه
وإلا أرفع ايدي عالسبونه
والعالي يصير اسفل ابكونه

بجت فاطمه وسالت دمعة العين
واجو يمهه الاولاد الحسن وحسين
يسألوهه ييمه ليش تبجين
تكَللهم ييمه راح المعين

يسلمان
بعد مايوم وعيوني يسلمن
على اللي راح بالدمعه يسلمن
اريدن حيدر ايردلي يسلمان
الي بس هوه بعد الغاب فيه

الشاعر ياسر العارضي

2,571

الشاعر ياسر العارضي

08 Oct, 14:11

ابوذيات نعي الزهراء ع

ونصاب
العزاهه ابنيهه كون الدار ونصب
ودمعي جن ثجيل المطر وانصب
على الزهره الإبنهه وكَع ونصاب
ضلعهه ابعصرة ارجاس البريه
.........................
والباب
اعقول الماتحمله الصار والباب
المايوولي ابحرب فرسان وله باب
هجم عالزهره شب النار والباب
دفعهه وانكسر ضلع الزجيه
.........................
والحجاب
جذَب من كَال عالزهره ولاحجاب
عن كل عين ستر الهه واله حجب
اختنكَت بالعصر فاطم والحجاب
من دم عينهه خيوطه نِديه
.........................
والتراب
قبل ادم علي من الذر ولي تراب
يشوف الزهره ضربوهه وله تربي
وكَع ثالث وَلد الهه والتراب
المحسن صار كاروك المنيه

الشاعر ياسر العارضي

4,143

الشاعر ياسر العارضي

25 Sep, 20:23

ابوذيات حسينيه نعي

يهل ما
نهر بعيوني لمصابك يهل ما
يماي الينكرك بالطف يهل ما
كل عمري اضل ابجي يهل ما
املهه اعليك دمعاتي السريه
..........
يلمنه
جنه ابيتنه وعزكم يلمنه
وجرح افراكَم هسه يلمنه
رحلتو اشلون جا وامنه يلمنه (ام البنين)
تون بجفاكم ابصبح ومسيه
...........
ون رحه الهه
بعد ما روح عدهه ون رحه الهه
مشت والونه تطحن ون رحه لهه
بعد اخوتهه بالطف ون رحه الهه
الديوان الكفر بنت الزجيه
........
ينهل
حسين هلال ساطع نور ينهل
وبعطفه علينه احساس ينهل
صدك وبلا جفن وتراب ينهل
على جثته وصبح تحت الوطيه

ياسر العارضي

2,324

الشاعر ياسر العارضي

15 Sep, 16:38

كـل الـخـدم تـنـهـان شـفـنـاهـه بـالـعـيـن
بـس ابـكـرامـه اتـعـيـش خـدام الحسيـن
يـــاحـسـيـن يـاحـسـيـن يـاحـسـيـن
..........................................................
للـمـلـوك اشـكَـد عبيد اشكَد خـَدَم
اتـعـيـش بـالـذل وفـلا تعرف قـيم
تـنـشـتـم تـشـبـع مهانه ابـلا ذِمَم
وما تضوك الراحه لا طعم الشيم
بـس للـحِـسين الخدم رفرف علم
وتـاج عالهامات بالخدمه انرسم
والماخدم حسين خاسرهه دارين
بس ابكرامه اتعيش خدام الحسين
ياحسين ياحسين ياحسين
..........................................................
اليـخـدم حسـيـن اكـتسـب رتبة شرف
وبيـن نـاسه خــادم حسيــن انـعــرف
هـــذا خــادم عتـــرة الزهره انوصف
هـذا مَـن دمعه اعله ابو الساجد نزف
يـبـجـي لحـسـيـن وفـلا دمـعـه نـشـف
ابيـا حسين ايكَوم لو يكَعد هِتَف
ميت لون للغير كَضاهه السنين
بس ابكرامه اتعيش خدام الحسين
ياحسين ياحسين ياحسين
...........................................................
يـخـدم ابـن الـزهـره وبدمع العيــون
يمسح اذنوبه وفلا يمشي ابـضـنون
والخـدم لـحـسـيـن واشمهـما يكون
مــــايَـرِد يـوم الحـشر كـاس المنون
يلحق ابركب الحسين اويه الضعون
ويبقه وي ركب الحسين وما يخون
وابركب غير حسين يخسر حياتين
بس ابكرامه اتعيش خدام الحسين
ياحسين ياحسين ياحسين
..........................................................
عالجدم يمشي اعلـه درب المكرمات
يكَـصـد حـسـيـن والــه ابهاي الثبات
بـربـعـيـن حـسـيــن يـتـحـده الطـغات
ومـستـعـد ايـضـحـي من اجله الحياة
ابدرب الحسين الشرف عنده الممات
نــفـسـه تـأبى الضـيـم وتـحب الاُبات
عاش اليحب حسين بالدنيه والدين
بس ابكرامه اتعيش خدام الحسين
ياحسين ياحسين ياحسين
.........................................................
يكَـــصــد حــســيـن ويجـددلـــه العهد
ومن اجل خـــدمـة ابـو الـيـمه انوجد
عـنـده ديـن وعنـده كـــــــل الـمعـتقد
ابدربه عنده الموت احلى من الشهد
خـــــــادم حـسـيـن ويـبـيـن بـالشــدد
وكَـلـبـه لـمـصـيبة ابو اسكينه انمرد
الهه الفخر بحسين كل المجانين
بس ابكرامه اتعيش خدام الحسين
ياحسين ياحسين ياحسين
.........................................................

الشاعر ياسر العارضي

1,537

الشاعر ياسر العارضي

05 Sep, 18:50

قصيدة منبرية اساسية
ذكرى استشهاد الامام الحسن العسكري (ع)

بعد اهدعش من الظهور يبدي الامام الغائب
العسكري بأبنه اصبح فخور ضل للأمور الصاحب
يعني يمشي وكَلبه مرتاح
تعبه لا بالمهدي ماراح
ضل للأمور الصاحب
....................................................................
هيه هاي احله امنياته وجانت اكثر من حلم
توصل المهدي الامامه ويبتدي عصر العلم
اشكَد خفاه من الاعادي بالحروب وبالسلم
من اجل شيعة محمد دينهه ما ينثلم
هَم شيعته بوجوده ينزاح
تعبه لا بالمهدي ماراح
ضل للأمور الصاحب
....................................................................
مرت اسنين العقيده ماتحس طعم السلام
من كثر ما حاربوهه تحتظر وي كل امام
مره سيف ومره بالسم والسجون اكبر ضلام
واستلمهه المهدي لكن يبقه غايب عالانام
ومايعيش ابعمره الافراح
تعبه لا بالمهدي ماراح
ضل للأمور الصاحب
....................................................................
ثار الحسين ومصابه والقيام بمأتمه
من إمام الثاني عاشت هالقضيه المؤلمه
وجوهر الثار العقيده اتضل قرون القادمه
العسكري سلمهه لبنه وروحه صعدت للسمه
روحه فاضت والعطر فاح
تعبه لا بالمهدي ماراح
ضل للأمور الصاحب
....................................................................
صله اعله جثته المنتظر وادموعه تجري عالخد
فكَد الابو جداً صعب جمر الكَلب مابرد
سافر حنانه ومايرد للمكَبره وابتعد
جبده مسموم المصابه كَلب مهدينه انمرد
بالصلاه صوت النعش صاح
تعبه لا بالمهدي ماراح
ضل للأمور الصاحب
....................................................................
احتوت سامرا جثته يم علي الهادي اندفن
باب رحمه لليكَصده فاتح ابواب الصحن
زيارته من وكت موته بدت من ذاك الزمن
تربت القبر الشريفه وطن للماله وطن
صيته عالي وعمره ماطاح
تعبه لا بالمهدي ماراح
ضل للأمور الصاحب

الشاعر ياسر العارضي

2,312

الشاعر ياسر العارضي

05 Sep, 18:11

ابوذيات نعي للحسن العسكري عليه السلام

اله ثغر الفرح مايوم بَسَم
وضعف عوده صفه ينلظم بسم
حسافه العسكري ياناس بالسم
يذبل جبده ويلاكَي المنيه
........
تره اليجري اعلبو المهدي جرا من
الطغاة على الاذه اجتمو جراماً
من سمو ابو القائم جرا من
جبده الدم على اشفافه النديه
..........
الزمن مايرحم الزينين يو جار
وصديقه ايصير كلمن شين يوجار
العدو ابجبدة ابو المهدي يوجر
نار السم يخليهه سريه
..........
غالي العسكري وهيهات ينذل
ومو جَن ليل بعده ايصير ينذل
عوف الحسن صحنه بصوت ينذال
خلو مرقده انواره زهيه

ياسر العارضي

1,805

الشاعر ياسر العارضي

02 Sep, 05:43

اقصدو اخي القاسم (ع)

من نزور القاسم قبرك ابمشهد نزوره
من نزور القاسم
.......
يالغريب وياعلي انت إسمك وشخصك علي
من نزورك يبو محمد همنه والله ينجلي
بس إذا مازرنه قبرك بينه كل هم يعتلي
ونمشي للقاسم نزوره صحنه بينه يمتلي
ويشهدلنه القائم
ساعة النحضه بحظوره
من نزور القاسم
.....
يالرضه وذكرك نعيده ومانعوفك للابد
يا إمام الشيعه كلنه شيعتك وعله العهد
اقصدو أخي كلتهه يالرضا وهاك الوعد
نكصد القاسم وحكك بالشدد وابلا شدد
بينه ربنه العالم
مانبالي بأي خطوره
من نزور القاسم
.......
مانسيناك ابحمدنه ياسراط المستقيم
ياوعد ربنه اليتبعك إله جنات النعيم
اتغربت لجل العقيده افراك اشد من الجحيم
واصبحت باسمك نحارب كل شيطان رجبم
واصبحت للوادم
صرح واسع يزهي نوره
من نزور القاسم
.....
ضملك المأمون حيله والمكيده ابغايته
ايسلمك بأيده الخلافه حته تكبر سمعته
تالي مانجحت عرفهه رجع بدل خطته
وسممك يبن الرساله ابيوم اسود ساعته
هسه وينه الظالم
قبرك اعظم من قصوره
من نزور القاسم
.....
نعشك اتشيع لقبرك وانت بديار الغرب
والجواد الحظر يمك حس بالفراك الصعب
حسين ضامي ونحره دامي ضل ثلاثه على الترب
وراسه بسياط الاعادي على اشفافه ينظرب
وتدري دمع الخادم
الكم الدمعه فخوره
من نزور القاسم

ياسر العارضي

523

الشاعر ياسر العارضي

01 Sep, 14:25

ذكرى استشهاد الامام علي الرضا (عليه السلام )

روح الرضا مترمضه للي كَضه
بطف كربله
وشما يمر وقت العصر دمعه جمر
فاكدَ هله
بالغربه واتمنى ايشاهد احبابه
بعيد ومايشوف اخوانه واصحابه
..........
هاجر اهله الحفظ دينه وينشر اهناك الشريعه
عايش الطف ابخلوده ويشهكَ انفاسه ابفجيعه
امذبله اعيونه البواجي وعينه بالدمعه صريعه
الأهم جان ابهجرته كون يلكَه اهناكه شيعه
ولدعوته كل هيبته وي مهجته
النشر الحِكم
واحساسه هَم لهل الشييم من انهدم
سور الخيم
يمشي ابوحَده وحته الهوه ايهابه
بعيد ومايشوف اخوانه واصحابه
...........
كل احاديثه الشريفه تنقذ الأمه ابنهجهه
وجان محراب العباده للصلاه روحه يشدهه
من يمر ذكر المحرم عينه تغرك من دمعهه
شاعر الطف الخزاعي ابمجلسه جابه وهتفهه
أفاطمه من الضمه وينزف دمه
مات السبط
يم الفرات مذبوح مات بيد الطغاة
قومِ السخط
الرضا اعله حسين عايش روحه مرتابه
بعيد ومايشوف اخوانه واصحابه
............
فارك امه والمحنه ماتصح بالغربه يمه
ابضيج لومر كون يمهه وبالفرج تدعيله أمه
هوه رحمه وهوه أعلم الأم اشكد هيه رحمه
من فكَد بوسة اديهه يشعر بأيامه ضلمه
بدمعة وفه بكل معرفه شيوصفه
جرح الفكَد
عن الوطن وبيا محن ماخذ زمن
بي مايرد
يحن كلما يشوف الطير واسرابه
بعيد ومايشوف اخوانه واصحابه
............
وجنته بيهه المدامع وابتسامة روحه ترفه
اكَباله اذا طفله اضربوهه يعتبرهه الأيد صلفه
كلفه من يذكر رقيه وماينوح اعليهه كلفه
من تمر عشرة محرم وجهه بس للحزن يصفه
وابو الجواد يعلن حداد يلبس سواد
دمعه اويه دم
ينعه الجره ابسيد الورى ودم منحره
وذاك السهم
يذكر من حسين اتوسد اترابه
بعيد ومايشوف اخوانه واصحابه
............
سممو جبده الاعادي وبالحقد أنهو حياته
اخلافه حته اينوح لجله قبره وي نعشه ابمماته
راح مضلوم وبعيده عن كتبنه تضحياته
مثل مابالجفن يلتف كون نلتف ابعباته
بسم الجبد واهل الحقد لامايرد
لهله الرضه
عاش ابوضع ماينسمع صوت الدمع
عمره الكَضه
وباخر عمره غمض عينه سجابه
بعيد ومايشوف اخوانه واصحابه

الشاعر ياسر العارضي

537

الشاعر ياسر العارضي

01 Sep, 14:18

ابوذيات نعي للرضا ع

عن أهلك يبو محمد تجد وين
شتلكَه اهناكه بالغربه تجد وين
علي يالرضا مثل اهلك تجد وين
وتكَعد يمهم ابكل مغربيه
.....................................................
الاهل لمسامر الكَعده وجدهم
وبعدك يالرضا يسعر وجدهم
تردلهم دعَو ربهم وجدهم
ينخونه ابصبح وابكل مسيه
.....................................................
يُمر اعليك ذكراهم يسمهم
اهلك والعدو امثالث يسمهم
شلون اسموم صابنك يسمهم
يحش جبدك يفخر الهاشميه

.....................................................
باجر بالحشر جدك يمَشهد
على الصار وجره بيكم يمشهد
وأريد اهناكه كون أصرخ يمشهد
اشهدي بالجره اعله ابن الزجيه

ياسر العارضي

461

الشاعر ياسر العارضي

26 Aug, 17:20

ذكرى استشهاد الرسول محمد ( ص واله )

ويـن اتـروح ويـن اتـعـوف الـزهـره اخـلافـك
ويـن اتـروح والـعـــالَـم يـحـتـــاج انِـصـــافـك
بـعـدك جَـم طـاغي ومـلـعـون
يـــــــــــا سِـر الله الـمـكـنـون
ويـن اتـروح ويـن اتـروح
...........................................................
بعدك يامن رحمه اوجوده والرأفه اتعيش ابنص دينه
صــاح العـالم يـابو القاسم بــعـدك ظـــلام اتـــــأذيـنـه
والزهــره اتنـاديك وتبجي يــــابـويـه ارجــع ياوالينه
أصحــابك عدواني اتكَلـك بـعــدك جا منهو اليحمينه
بعدك مو راح ايضلمون
يــــا سِر الله المكنون
وين اتروح وين اتروح
...........................................................
ويــغصبــون الحكَـ مـن حيـدر والدين ابأيد اهل المنكر
حـــقــد الحـاقد جمره وتلـهب تحرك بعدك بيت الخِـدَر
ضلع الزهره اخلاف امصابك بـحـقـــاد الـظـالم يتكسر
يــوكَع محسـن وي ضلع امه وحيـدر بــوصيتك يتيسر
ولا باهلك تدري ايرحمون
يــــــا سِرالله المكنون
وين اتروح وين اتروح
............................................................
بعـدك يابو الزهره الدنيه ظلمه ابلا شمس الانوار
وايهـز الكـرار امـصـابـك ويـتـحـمـل جور الاشرار
لا أصحــاب اخلافك توفي لامِن جمهور الانصار
قلت بعدك حتى انصارك نِــكـرو ديـنــــك يالمختار
بعدك يالوالي اينكرون
يـــــا سِر الله المكنون
وين اتروح وين اتروح
...............................................
والـــعـالم يـحـتـار ابأمــره إنتَ الرحمه الكل دنيـاك
بيا لـــوعه ويـاهم يالوالي تــرحــل والناعي ينعـاك
بس ياوسفه الكَوم اخلافك تنسى المعروف وتنساك
واتــشـب نار اباب الزهره الجــانــو بالإسلام اوياك
بعدك جم طاغي وفرعون
يــــــا سِـر الله المكنون
وين اتروح وين اتروح
........................................................
وتــمُـر الازمــــان ابدونك لَن وحده حسين اويه الكَوم
مذبوح ومسلوبه اهدومه مــن مـاي الـعـذب مـحــروم
زيــنـب تـبـقه ابلا كافلهه مـنـهـه الـحيل ايضل مهدوم
بـعـدك راح ابـطـف كربله جــرح الـحــره ايـظل ملجوم
وجرح امصابك لا ميهون
يـــا سِـر الله المكنون
وين اتروح وين اتروح

الشاعر
ياسر العارضي

2,836

الشاعر ياسر العارضي

26 Aug, 17:09

يانبينه يامحمد يانبينه يامحمد
.....
يالامين ابلا وجودك ظلمه دنيانه اصبحت
امتك بعدك يوالي كلهه والله اتيتمت
على صوتك يبو القاسم هالعباد اتعلمت
وروحتك معناهه والله يعني الاصحاب انكرت
نكرو الحق التأيد
يانبينه يامحمد
........
دنيه لوما إنت بيهه الزهره مكسورة ضلع
ومن جفنهه الغالي بعدك يوكع ويهوه الدمع
وصوت الاذان ابغيابك يامحمد ينكطع
سيدي اصوات الضلامه وسفه بعدك تنسمع
والظلم بالدنيه يشتد
يانبينه يامحمد

.......
ينسفك دم اليأييد منهجك يبن الابات
والحياة ابلا وجودك والله ماتنعد حياة
وبسبب ظلم السقيفه ناس تتمنه الممات
واهل بيتك يبو الكوثر لاقو احقاد الطغاة
والحقد بعدك مينعد
يانبينه يامحمد
.....
حيدره اخلافك تجتف بالوصيه وبالأمر
والله لوما هالوصيه ابابه من يكدر يمر
جان سيفه ايخلي بيهم والله جن يوم الحشر
جرع طبة بيته حيدر هم جرع مر الصبر
والهجم عالزهره مرتد
يانبينه يامحمد

.......
بروحتك تبدي المصايب والسقيفه الحاكمه
ينهجر قرأن ربنه بالحكومه الضالمه
ايحاربون اهل العقيده بالعقيده المظلمه
والتبع نهج الحقيقه ينهدر منه الدمه
دم اليواليك ينهد
يانبينه يامحمد

الشاعر ياسر العارضي

2,132

الشاعر ياسر العارضي

26 Aug, 17:09

موشح نجفي لأستشهاد الرسول محمد ص واله

يا نبي الرحمه فلا رحمه بقت
من مشيت وعينك ابقبرك غفت
..........................
بدت أنواع المصايب والهضم
وامتك بعدك يمرسل تنظلم
جرح فكَدك بعده واصل للعظم
وهمه هاي اعيونهم كلهه افرحت
..........................
كَبل ما موتك دنه تطلب قلم
خافو اشتكتب وكل منهم عِلَم
منعو القرطاس والدين انثلم
وامتك بعدك يحيد اتشتت
..........................
تجرع السِم والهوه شويه بقه
تصيح باجر بالقيامه الملتقى
خصمي كلمن حجته الدين ارتقه
وصار عنده الحكم وعيونه عمت
..........................
بعدك امدد خذو دور الحِمه
ونار احقاد ابكَلبهم مضرمه
السان واحدهم اشد من صارمه
وحين كَالو يهجر اركَاب اكَطعت
............................
تاركٌ فيكم كتابي وعترتي
وهاي فاطم هيه روحي وبضعتي
بيهه اوصيكم يناسي وصحبتي
وعينهه من عصرت الباب انطفت
..........................
يا أبو القاسم عكس دربك مشو
واتفاقيات ضلمه شكلو
عالخلافه ابسيف شر اتسلطو
واغصبو حق الخلافه واختفت
..........................
أدخلو مجمل سُنَن بيهه الفِتن
والاسلام ابدونك انت ابلا وطن
يانبي واحكامك الحره انتهن
وعالحكم ربع السقيفه سيطرت
..........................
انتشرت اجفوف الضلام ابكل شبر
امتدت احروف الظلال اعله الحبر
انت ابو لأُمه ابد ماعدهه بِر
ويه ما عنهه اختفيت اتفرقَت
..........................
ضل غريب الدين بديار الاهل
وعافو المن سيفه دين الله اكتمل
رجعو لجور التعصب والجهل
والخلافه كلمن وحصته صفت
..........................
حته بالتشيع ماحظرو ابد
بالسقيفه انشغلو وعَد العُدَد
بعده جسمك سيدي لامابرد
ابموتك الحار وطواغيت انكرت

الشاعر ياسر العارضي