منـآيـر يــآسـہ♪

حلاوة شوك مابيك

عاگول،،
يطلعلي الورد
لوادري ماتانيته


الگاطع♪♥

لاتظيعين،،
العرف انه جنسيتي سماري


الگاطع♪♥

اخ،،
لو بس ادري هسه شلونكم

نهاد الخيكاني♥♪

موش إحنا ياهو الچان يفهم حچينا
إحنــا الضحـك مــــرات رمــز لبچينا

عريان السيد ♥♪

تغنيلي،،
واجيك مكيف بحزني 🩷

تعوفني،،
وتگدر بدوني
ليش ياثالث عيوني
لا تخليني احسب رموشي واغيبك
واني گلب امك عليك
والله اطيح وياك اذا مابيه اطيبك


علي مهدي🩷

سموم ،،
وأتشايم

وأموتن موت مذعن واحتيّله


عريان🩷🌸

🤎🤎

كورت ،،
حسرات كلبي وشوكي
بين جلاي جبته
وجيتك بتله دليل الما يعن
وشكثر لمته
جيتك وجرني الهوى وطاعه
ذليل الشوك طعته
وجنت اظنك طيب وجفك
على الطيبات فلته
حسبت لسه على حالك
اريحي وذاك الوفي انت
حسبت غم الوكت
يا رخص الحساب الحسبته

عريان السيد،،🩷

حتى،،
تبقى الدنيا مليانة موَدة
گلت أحبك مرة وحدة
والعـمر بس مرة وحدة !


زهير الدجيلي،،🩷

سافرتلك،،
بآخر اجناحين عمري
وطحت فوگ امتونك من الهم گصيبه

وسولفتلك عني وشگد مشتهيك
انت يا روحي  الغريبه
كل روازينك غريبه

ومنين ماچهبك بعيد
اهناك اني وهاي روحي
اهنانه يمك بس غريبه

حسین شعلان،،🩷

يمتى ،،
اتعبد بنحرك

العبدلي،،🩷

الوطـن ،،
بالوحشه حبيب
والحبيب يترس الوحـشه مطـر

َ
علي الشباني، ،🩷

حِزن يَاكل حزن والرُوح مَلچومه

غميّچ ‏الجَرح مَايلتم

روح،،
اترس فراغك بالبرود البيك
انا وجه الشمس بالملگه غطيته

علي رشم،،🩷

شينسيني؟؟؟

يماي العين اخذ وجهك اخذ عيني


رسمتك علئ وجوه الناس
عوف الناس
رسمتك علئ الحياطين بدرابيني


امير فيضي،،🩷

يارفت دليلي ،،
ورجفة اجفوني
من يحجي الگلب وياك وانه أسكت

شاكر السماوي،،🩷

لَـف ،
ضوه الگمره الكحل ،
زتّتها روجه وغبشة عيونك بعيده
وانه باقي أتوسّل ارذاذ الضوه الظل بيّ منك

معتز سامي،،🩷

شكو شفه،،

لمع لون الضحك بيهه
حزنها اسمر مثل لوني

احمد الطفيلي،،🩷

يامواعيدك،،
جزني ولاشفتهن
جلبت بيهن خضار وجفي كاع ولايهدهن

عباس الغالبي،،🩷

ذابل
وعطرك يهلهل
مَطَّر بگلبي الربيع
ورَگَّص بروحي النهار...

تدري
من دون الورد
عطرك يسولف؟
يمشي
ومحمّل فوانيس ومشاعل
عطرك البارد يطرّ الظلمه نار...

وتدري
كلما مدري شنهي يموت بيَّ
وياخذ الواني الخريف،
تمر ضحكتك
وي عصافير الشلب واگعد خضار...

مرّه
لمّيتك قصيده من الجروف
ورهّمتلك
ريشة بيضة
وريشة گلبي
ونورس ِمن الورقه طار....

ومرّه
ضمّيتك حبر
وي دم رگبتي

وگتلك
شما تگدر اكتب
مره وجهك،
مره نسمه...
وخلصت أوراق الشرايين
وعِفتها
محمّله أطفال وسنابل
والگلب جاهل يدوّر،
بلكي باغنيّة ضحكتك
يضحك اسمه...

ولالت بدفتر ضلوعي
شويه گمره
ونامت بصدري فراشه
وغرگت ِويه انفاسي چلمه....

وطلّعتها
ومن قريت
أوّل حرف
من فضّة اسمك
لمعت اعلى شفافي نجمه...
تذكر شگتلك گبل ما ننغلب
ويطش خبرنا؟
نلم حچينا
ونطفي شبّاچ الوعد...

ولو همّ مرّات أحبّك
من تگلهم عاشگين
ويضوي چفّك من تسولف
لا تملْ،
سولف بعد....

تدري مرّه
انرسم وجهك عالمرايه
وگابليته
وغيّم براسي وصعد...
ومرّه
طشّيت الورد فوگ الرسايل
والتهيت...
الورد مات
وعطرك البارد گعد! ...

ميثاق الهلالي،،🩷

اني خوف،،
وزغـر مهموم ومنـايه

علي الشباني، ،🩷

ماكلت،،
عنك عرگ چفك بچفي
ولاكلت جاسك زعل واشتعل دمي بنار دمك



عريان السيد خلف ،،🩷

من لــوعتي،،
غنيت حـــد البچي

لـ الگاطع،،🩷

متلثم،،
عليي وجهي شـَ احشم وانه چتالي

محمد كوكب،،🩵

أمِس ما رِحت عَن بالي
أمِس وَي كُلشي گِمت ألگاك
بضِحگتي ، بدَمعي ، بخياليّ
أمِس لو جايّني چَتال
أصيّحَن.    " هَلا بچَتالي ".

تدري السكته .. كلشي إتگول..


عزيز السماوي..🩵

ليش،،
خليت الگلب مصيوب چيله



محمد الاسدي🩵

من بين كُل هذا القلق، كان التفكير بك ‏إِطمِئنان .

وعلي قلبي السـلام ، فـَ أني متُ حُبـاً بِـه. ❤️