الغِمرة١١:١١

:اَلـة أخلي شوفتيِ بعينَك حِـلمّ.

هـيـة العافية ويمك عـلـيـمـن تسئل شلونك..؟

هواي أحلام أجن بعَدك
بس
لليوم حلمَك واگُف بَعيني

بس مُرَ عَلينا !
خل نلمّ احلامنَا ونحفُظ صوَرهن
گبل لا يأخذهِن بِدربه الفَجر
وخل نلمّ الباقيّات
سنيّني وسنينَك !
نسويهن عُمر
وهنّ ميكفَن عُمر

أقنع الرّوح
شيقنع النواظر
إذا للساعة وجهك حاضن العين
شيشلعك؟ نظر بالعين صاير
گمت كل يوم اگولن .. باچر أنساك
ويجي باچر واگولن "گلت باچر"

گلي شراح اگلك وانت راح تروح
وليش تلح علية وتنتظر ردي
هذا لسان حال دموعي تحچي وياك
وراح اسكت واحچي دموعي البخدي
واسولف بالدمع واتوسلك عبرات
اود اشبع بشوفك واحتفل ودي
ظل وياي اريدك والبقن چم يوم
وهل چم يوم صارن حدك وحدي
خليني ارد اشوفك گمت احسك طيف
ويا عين التگض الطيف اليعدي
صرفنة سنين حبنة وخلصن تبذير
وعلى يوم النشوفك باچر نجدي
- جبار رشيد

الهوى يلتم علية
منين ما ذكروك
وأدك رچلي
و أضَل بـ عازة الخنگة
اغص بـ ريحتك
ما كمت اغص بالزاد
المفارك النَسمة العابرة تغرگه
مو بَس الصواب النِفس هَم كتال
سَهم يمشي الخريف بـ رية الورگة
وتدك روحك صليب بـ ضلعي بـالشبكة
واشـد من غيبتك ماصخ طلع ملگاك
اجيت وثكـل جدمي ودمعتي تسبگه
انـه مالح واغـزر من ادوس الگاع
شني ماغـزرت وياك بـالملگه

شوگ وتصاوير وعتَب
سومر حلمنـة من التعب

ظل وياي
أريدَك والـ بَُقن چَم يوم
وهالچَم يوم صارن حّدك
وحّدي ،
خليني أرد اشوفَك گمت
أحِسك طيف
يا عين التگض الطيف الـ يّعدي !
اخُذني وياك أريدَك ما أريد
الـ غير
وكون بسّدك أكعد وتكعُد بـ سدي
لتخليني وحدي ،منين
أعرف الناس
لا أكدر اعاشر ، لا خلگ عُندي
أحِب شلون غيرَك من
أود شِلون ! وآنه وياك
گلش خلصِت ودي أخذني
وياك مني
شعندي باقي ويايّ
گلي ويَاك أخذني وكلشِي لتودي .

وچي طيب گلب من كل كتر ملچوم
حظن نفاضه ياهو الجاي چاويني .

حزن من خلفتني اميَ
كبر وياي ماهدنيَ .

عِزة نَفسي اقوى من المَحبه
انه واحد بَيدة جر شريان گلبه.

يا محَطه تلِم وحشتي
ويا قطَار يسّافر وياخذ دَمعتي .

أنة صِح أحّترگ ، بَس عَندي
صبُر مِثل دُخان الجِگاير
"حِوبتي بَتالي العُمر .