Xo‘jayin @xojayinuz Channel on Telegram

Xo‘jayin

@xojayinuz

Ўзбекистон ва жаҳон миқёсидаги раҳбар шахслар ҳақида муҳим воқеалар ҳамда энг сара хабарлар

Админга ёзиш учун махсус бот — @xojayinuzbot

Xo‘jayin (Uzbek)

Xo‘jayin Telegram kanali, O‘zbekiston va jahon miqyosidagi rahbar shaxslar haqida muhim voqealar, eng sara xabarlarni o'z ichiga olgan kanaldir. Bu kanalda dunyo siyosati, iqtisodiyot, ijtimoiy yonalishlar va boshqa ko'plab mavzular bo'yicha eng yangi va o'ziga xos xabarlar yuqori sifatda taqdim etiladi. Agar siz rahbarlik sohasidagi so'nggi voqealardan xabardor bo'lishni istasangiz, Xo‘jayin kanali siz uchun ideal manzil. Bu kanal orqali siz eng so'nggi rahbarlik yangiliklaridan o'z vaqtingizda xabardor bo'lishingiz mumkin. Ushbu kanalda aynan shu maqsad bilan yaratilgan ma'lumotlar mavjud bo'lib, har bir obrazning o'ziga xos tahlili, fikriyatlar va muhokamalar bilan taqdim etiladi. Agarda sizga rahbarlar haqida real va muhim ma'lumotlar kerak bo'lsa, Xo‘jayin kanali sizning muammo'laringizga javob topishda yordam beradi. Kanalda faol adminlar mavjud va ular bilan suhbat qilish, savollaringizga javob olishingiz ham mumkin. Agar siz ham o‘z fikrlaringizni, mulohazalaringizni boshqalar bilan baham ko'rishni xohlaysiz, Xo‘jayin kanali siz uchun eng qulay manzil bo'ladi. Ushbu kanalda bir mahsulot emas, balki rahbarlik sohasida yuqori malakali a'zolar bilan muloqotni o'rganishingiz, yangi fikrlar va tadqiqotlar bilan tanishingiz mumkin. Xo‘jayin kanaliga a'zo bo'lib, eng so'nggi va muhim ma'lumotlardan bir qadam oldinga chiqing.

Xo‘jayin

29 Jan, 14:06

«Ўзсаноатқурилишбанк» бошқарув раисининг шахсий брендини оммалаштириш хизмати ва банк ижтимоий тармоқлардаги саҳифасини юритиш учун 2,5 млрд сўм сарфламоқда.

Банк хизматларини оммалаштириш учун банк пулини ишлатишни тушунса бўлади. Бошқа харажатларини ҳам. Аммо давлат банки нима учун банк пулидан бошқарув раисини пиар қилиши керак? Шу энди савол остига олиниши лозим.

@xojayinuz
4,580
Xo‘jayin

28 Jan, 13:33

Бутун қиш давомида қорасини кўрсатмаганлар баҳор келишига яқин яна пайдо бўла бошлади 😁

Мирзамаҳмудов ва устозлари «The Economist» нашридаги мақолани бир ўқиши керак. Ўша мақоланинг чоп этилишида уларнинг ҳам «беқиёс» ҳиссаси бор, ахир.

@xojayinuz
4,883
Xo‘jayin

27 Jan, 15:23

«Дори-дармон» АЖнинг бошқарув раиси лавозимидан кетди

Салихбаева Умида Саидовна «Дори-дармон» АЖ бошқарув раиси лавозимидан озод этилган.

Компаниянинг янги бошқарув раиси лавозимига эса Дустмуратов Мирзанозим Мирзабекович тайинланди.

@xojayinuz
5,766
Xo‘jayin

24 Jan, 06:06

Клоун

@xojayinuz
8,844
Xo‘jayin

22 Jan, 09:01

Самарасиз ишлар: битта иш ўрни яратишга 46,2 млн сўм сарфланган

Сўнгги 6 йил ичида (2018-2024) «Тадбиркорликни ривожлантириш компанияси» АЖ 46,7 минг нафар бизнес эгасининг 51 мингта лойиҳасига 17,7 трлн сўм миқдорида молиявий ёрдам кўрсатган. Бунинг натижасида 382,8 минг иш ўрни яратилган». Хабарнинг айни шу жойлари сўзма-сўз келтирилди.

Бундан кўринадики, 382 800 га яқин иш ўрни яратиш учун 17 700 000 000 000 сўм маблағ йўналтирилган. Янаям аниқроқ ҳисобланса, 1 та иш ўрни яратишга 46,2 млн сўмдан ошиқроқ маблағ сарфланган. Бу энди мақтанадиган эмас, самарасиз ишлар, деб аталадиган натижа.

@xojayinuz
8,383
Xo‘jayin

21 Jan, 14:17

Суд лавозимига қайта тиклаган «Ўзбекэкспертиза» раҳбари икки ойга бормай яна ишдан олинди

11 декабрь куни Мирзо Улуғбек туманлараро судининг қарорига асосан Григорьянц Артем Александрович «Ўзбекэкспертиза» АЖ бош директори этиб тайинланганди.

21 январга келиб, у яна лавозимидан олинган ва ўрнига Василов Акром Атҳамжонович компания бош директори вазифасини вақтинча бажарувчи этиб тайинланган.

@xojayinuz
7,149
Xo‘jayin

17 Jan, 10:37

Иқтисодчи Отабек Бакиров ижтимоий карта лойиҳаси ҳамкор оператори сифатида «Oxinus Holding Limited» компанияси танланганига эътибор қаратди.

Тасодифни қарангки, бу компанияда ўзбекистонликлар ҳам ишлар экан.

«Linkedin» сарҳадларидан олинган маълумотга кўра, кўп йиллар Марказий банкда ва молия вазирлгида турли лавозимларда ишлаган, маълум вақт «Ипотека банк»да бошқарув раисининг биринчи ўринбосари сифатида фаолият юритган Фаррух Ботиров «Oxinus Holding Limited» компаниясида бош менежер сифатида уч ой аввал иш бошлабди.

Яна бошқа маълумотга кўра, «Oxinus Holding Limited» компаниясининг «туғилган жойи» (2023 йил) бугун «яшаб турган» давлати — Бирлашган Араб Амирликлари эмас, Кипр бўлиши ҳам мумкин.

@xojayinuz
8,875
Xo‘jayin

13 Jan, 10:06

«HUMO»ни «PAYNET» сотиб олди.

@xojayinuz
10,038
Xo‘jayin

12 Jan, 18:15

«ЎзАтом» раҳбари Азим Ахмедхаджаевнинг бувиси Раъно Абдуллаева вафот этди

Бир пайтлар Ўзбекистон ССР Компартияси марказий қўмитаси мафкура масалалари бўйича котиби бўлган Раъно Абдуллаева 90 ёшида вафот этди.

Раъно Абдуллаева кўп йиллар ВЛКСМ биринчи котиби, Ўзбекистон ССР КП МҚнинг мафкура масалалари бўйича котиби сифатида ишлаган.

Р.Абдуллаеванинг отаси НКВД офитцери бўлган. Бундан ташқари, у «ЎзАтом» агентлиги директори Азим Ахмедхаджаевнинг бувиси ҳам эди.

@xojayinuz
11,023
Xo‘jayin

07 Jan, 11:19

Масалага бу ташаббусни ўйлаб топган калла(лар) билан қаралса, шунда фирибгарлар жами 20 тадан кам картаси бор одамларнинг пулига тегмай, айнан 20 тадан кўпини нишонга оладими?

Яна ўша калла(лар)нинг дунёқарашидан келиб чиқилса, сим-карталарни ҳам биттадан ортиқ сотишни чекланглар. Ахир фирибгарларнинг энг асосий воситаларидан бири шу😁

@xojayinuz
10,863
Xo‘jayin

03 Jan, 15:41

Ғайрат Дўстов суд залидан озод қилинди. Кеч бўлса ҳам яхши хабар.

Ғайратнинг ўрнида ҳар қандай оддий фуқаролар, мисол учун олайлик, Алишер, Бахтиёр, Жўрабек, Ғулом, Баҳодир ёки бошқалар бўлиши ҳам мумкин эди, масалан.

Шундай экан, муаммони гапирганни қамаш эмас, масалани кўндаланг қўйиб, уни ҳал қилиш керак.

@xojayinuz
12,296
Xo‘jayin

03 Jan, 09:42

Бир ойлик

2 декабрь куни Мухитдинов Эркин Мадорбекович Ўрмон, биохилмахиллик ва экотуризм сиёсатини юритиш департаменти бошлиғи лавозимига тайинланганди.

3 январь куни эса Э.Мухитдинов Ўрмон хўжалиги агентлигига директор этиб тайинланди. Дам олиш кунларини айириб ташланса, бир ойдан ҳам кам ишлади.

Аммо ҳалигача рекорд янгиланмади😁

@xojayinuz
9,990
Xo‘jayin

28 Dec, 09:42

10 кунлик ўринбосар

10 декабрь куни Азимов Зафар Абдумажидович «Халқ банки» бошқарув раиси ўринбосари лавозимидан озод этилиб, 11 декабрь куни Камбағалликни қисқартириш ва бандлик вазири ўринбосари этиб тайинланганди.

28 декабрь кунига келиб эса у вазир ўринбосари лавозимидан ҳам озод этилиб, Жиззах вилояти ҳокимининг молия-иқтисодиёт ва камбағаликни қисқартириш масалалари бўйича биринчи ўринбосари - вилоят иқтисодиёт ва молия бош бошқармаси бошлиғи лавозимига тайинланди.

@xojayinuz
12,126
Xo‘jayin

26 Dec, 05:21

«Ўзбекнефтгаз» АЖ бошқарув раисига тайинланган янги ўринбосар аввал қаерда ишлаган?

23 декабрь куни Юлдашев Гайрат Абдуллаевич «Ўзбекнефтгаз» АЖ бошқарув раисининг қурилиш ва транспорт бўйича ўринбосари лавозимига тайинланди.

Г.Юлдашев бунгача қаерда ишлагани, нима фаолият билан шуғуллангани ҳақида интернет кенгликларида жуда кам маълумотлар бор. Лекин, бор.

2011 йил 7 апрелда «KQB Budyodkor» шўба корхонаси ташкил этилган. 21.07.2023 санасига актуал бўлган маълумотга кўра, камида шу санагача ушбу корхонанинг 100% улуш билан таъсисчиси «ФК Будёдкор» АЖ бўлган. Директор эса Юлдашев Гайрат Абдуллаевич экани кўрсатилган.

20.12.2023 санасида эса «KQB Budyodkor» шўба корхонасининг фаолияти тугатилган, қизиқ томони корхона тугатилаётган пайтда унинг 100% улуш билан таъсисчиси ҳам, директори ҳам Юлдашев Гайрат Абдуллаевич бўлиб қолган. Корхона таъсисчилиги «ФК Будёдкор» АЖдан Г.Юлдашевга қачон ўтгани маълум эмас.

Масаланинг жуда нозик жойи энди келди. «KQB Budyodkor» шўба корхонасининг юридик манзили сифатида Чилонзор тумани, Бунёдкор шох кўчаси, 47-уй манзили кўрсатилган. «Yandex Maps»нинг кўрсатишича, айни шу манзилда «Eriell», «Saneg» ва унинг «болалари» ҳам жойлашган.

@xojayinuz
39,804
Xo‘jayin

24 Dec, 07:43

Тожикистон президенти Эмомали Раҳмоннинг набираси (қизи Парвина Раҳмонованинг ўғли Эражжон Гулов) 9 ёшида Дубайдан хашаматли уй сотиб олган.

Соҳил бўйидаги 210 м² майдондан иборат ушбу квартира нархи ҳозирда 1,3 млн АҚШ долларини ташкил этади.

@xojayinuz
10,015
Xo‘jayin

23 Dec, 16:18

61 млн 875 минг сўм

Яшнобод тумани ҳокими ўзини ўзи мукофотлаш ҳақида қарор чиқарибди.

@xojayinuz
11,972
Xo‘jayin

23 Dec, 06:38

Бош вазир ўринбосари Жамшид Ходжаев, инвестиция вазири Лазиз Қудратов, инвестиция вазирининг ўринбосари Хуррам Тешабаевлар яна 3 йил муддатга «Ўзбекинвест» ЭИСК» АЖ кузатув кенгаши аъзолари сифатида қайта сайланишди.

@xojayinuz
10,579
Xo‘jayin

17 Dec, 07:00

Энергетика вазири Жўрабек Мирзамаҳмудов иқтисодчи Отабек Бакировнинг 1,5 йил аввалги пости учун устидан шикоят аризаси бериши — бу босим, қўрқитиш ва сўз эркинлигини бўғиш учун ишлатилаётган манипуляциядир.

Мазкур иш Отабек Бакиров фойдасига ҳал бўлган тақдирда ҳам, ҳукумат вакилининг бу сигнали кўпчилик фаолларда самоцензурани кучайтиради. Буни эса шикоят қилганлар жуда яхши билиб туришибди.

Жўрабек Мирзамаҳмудов аризани фуқаро сифатида эмас, вазир сифатида бергани маълум қилинди. Мирзамаҳмудов агар фуқаро сифатида ариза киритганда бошқа гап эди. Бу унинг фуқаролик ҳуқуқи деб кўз юмса бўларди, эҳтимол.

@xojayinuz
13,104
Xo‘jayin

16 Dec, 16:32

«Ипотека банк»да икки ўринбосар алмашди

Хакимов Умиджон Абдухаликович ва Абдурахманов Махмуд Ахматхужаевич «Ипотека банк» бошқарув раиси ўринбосарлари лавозимидан бўшатилди.

Уларнинг ўрнига Волчек Дмитрий ва Элашвили Ираклий бошқарув раиси ўринбосар вазифасини бажарувчи этиб тайинланди.

Волчек Дмитрий «Озодлик радиоси»нинг муҳаррири эмас, банкир Волчек бу😁

@xojayinuz
11,804
Xo‘jayin

16 Dec, 12:55

❗️Эксклюзив: Рақобат қўмитаси «Uzbekistan Airways» АЖ ва «Uzbekistan Helicopters» МЧЖни (товар белгиси «Silk Avia») монополистлар рўйхатига киритди.

@xojayinuz
9,971
Xo‘jayin

13 Dec, 14:23

«Ўзбекистон почтаси» кузатув кенгашининг мустақил аъзосига 120 минг доллар мукофот берилади

«Ўзбекистон почтаси» АЖ кузатув кенгашининг мустақил аъзоси ҳисобланган Роджер Крукга бир йил учун 100 минг АҚШ доллари, Стратегия ва инвестиция қўмитаси раиси ва аудит қўмитаси аъзоси сифатидаги фаолияти учун бир йилга қўшимча 20 минг АҚШ доллари миқдорида мукофот пули оладиган бўлди.

@xojayinuz
12,013
Xo‘jayin

11 Dec, 15:46

Суд «Ўзбекэкспертиза» АЖ раҳбарини лавозимига тиклади

Абидов Бадриддин Нуриддинович «Ўзбекэкспертиза» АЖ бош директори лавозимидан озод этилди. Б.Абидов аввал инвестисиялар, саноат ва савдо вазири ўринбосари лавозимида ҳам ишлаган.

Унинг ўрнига Григорьянц Артем Александрович компания бош директори этиб тайинланди. Эътиборлиси, ушбу тайинловга, аниқроғи, ишга тиклашга фуқаролик ишлари бўйича Мирзо Улуғбек туманлараро судининг қарори сабаб бўлган.

@xojayinuz
10,617
Xo‘jayin

11 Dec, 08:03

Тимур Ишметов Марказий банкка янги раис бўлиши кутилмоқда.

Мамаризо Нурмуротов эса МБ раисига маслаҳатчи бўлиб қолади.

@xojayinuz
10,622
Xo‘jayin

11 Dec, 06:38

❗️Марказий банк бошқарув раиси ўзгариши кутилмоқда.

@xojayinuz
12,864
Xo‘jayin

10 Dec, 07:57

«Генерация тарафидан ишонтириб айтаманки, 2024 йилдан 100 фоиз ўз ички эҳтиёжимизни қоплаш имкониятимиз пайдо бўлади. Биз буни таъминлаймиз, бизга шундай вазифа қўйилган. Агар бу вазифани бажара олмасак, ўйлайманки, нафақат мен, балки тизимимиздаги барча масъуллар ишлашга нолойиқмиз» — Энергетика вазири Жўрабек Мирзамаҳмудов.

Расм халқ ижодидан.

@xojayinuz
15,292
Xo‘jayin

07 Dec, 08:49

«Perfectum»нинг 37,5% улуши «Uzcard»нинг асосий акциядорига, 12,5% улуши эса «Uzcard»га алоқадор шахсга ўтди

Яширинча хусусийлаштирилган «Perfectum» мобил алоқа операторининг юридик шахси ҳисобланган «Rubicon Wireless Communication» МЧЖнинг 37,5% улуши «IMC-CAPITAL» МЧЖ ХКга, 12,5% улуши эса Акбаров Камрон Анваровичга ўтган. Бу ўзгариш ноябрь ойининг иккинчи декадасида содир бўлган.

«IMC-CAPITAL» МЧЖ ХК 2022 йил август ойида давлат рўйхатидан ўтказилган корхона бўлиб, устав фонди 212 млрд 750 млн сўмни ташкил этади. Унга 100% улуш билан БААда рўйхатдан ўтган «Berill Holding Company Limited» хорижий корхонаси эгалик қилади.

Шунингдек, «IMC-CAPITAL» МЧЖ ХК «Yagona umumprespublika protsessing markazi» АЖ — «Uzcard»нинг 75% улушига эгалик қилади. 2024 йил 24 феврал ҳолатига актуал бўлган маълумотга кўра, «Uzcard»нинг қолган 25% улушига Акбаров Камрон Анварович эгалик қилган. «Perfectum»нинг 12,5% улуши ҳам айнан Акбаров Камрон Анваровичга ўтган.

«Perfectum»нинг қолган 50 фоизи Иминов Абдумалик Валижоновичга тегишли бўлиб турибди. «Панама архиви»да унинг исми ҳам келтирилган.

«Uzcard»нинг асосий акциядори бўлмиш «IMC-CAPITAL» МЧЖ ХКнинг 100% улуш билан эгаси ҳисибланган «Berill Holding Company Limited» 2023 йил 15 июнда Бирлашган Араб Амирликларида рўйхатдан ўтган. Устав капитали 1000 доллар бўлган компаниянинг раҳбари сифатида Азиз Юсупов келтирилган. «Yagona umumprespublika protsessing markazi» АЖ («Uzcard») кузатув кенгаши аъзолари қаторида Юсупов Азиз Азаматович шахсига дуч келиш мумкин.

Эслатиб ўтиш керак, «InfinBank» нинг асосий акциядори (76%) Маматджанов Фарход Фахритдинович 20 август куни «Perfectum»ни хусусийлаштириб олдик» деб айтган эди.

Очиқ маълумотлардан фойдаланиб, бориш мумкин бўлган нуқтагача келинди.

@xojayinuz
10,171
Xo‘jayin

04 Dec, 14:07

«Нефт ва газ журнали» МЧЖ «Ўзбекнефтгаз»дан «Saneg»га ўтди

«Ўзбекнефтгаз» АЖга аффилланган шахслар рўйхатида ўзгариш бўлди. Унда шу кунгача компания боқиб келган ва 100 фоиз улуш билан эгалик қилган «Нефт ва газ журнали» МЧЖ аффилланган шахслар рўйхатидан чиқарилган.

«Нефт ва газ журнали» МЧЖ 1997 йилда ташкил этилган. Фаолият тури бўйича журналлар ва даврий нашрлар нашр қилиш билан шуғулланган. Бугунгача турли шартномалар билан «Ўзбекнефтгаз» АЖ молиялаштириб келган. Корхонанинг устав фонди 175,3 млн сўмни ташкил этади.

Очиқ маълумотлардан ойдинлашишича, «Нефт ва газ журнали» МЧЖнинг таъсисчиси ўзгариб, 100 фоиз улуши «GEO RESEARCH AND DEVELOPMENT COMPANY» МЧЖга ўтган. Яъни «Ўзбекнефтгаз»га тегишли бўлган «Нефт ва газ журнали»га эндиликда «GEO RESEARCH AND DEVELOPMENT COMPANY» МЧЖ эгалик қилмоқда.

Канал орқали эълон қилинган «Saneg’нинг болалари» сарлавҳали хабарда келтирилган ўнлаб МЧЖлар қаторида айнан «GEO RESEARCH AND DEVELOPMENT COMPANY» МЧЖ ҳам бор эди. Ушбу корхонанинг 75 фоиз улушига «Саноат энергетика гуруҳи» («Санег») МЧЖ ҚК эгалик қилади. Хулоса қилиб айтганда, «Санег» билвосита «Нефт ва газ журнали» МЧЖнинг янги эгасига айланди.

ПҚ-102 сонли қарорда «Нефт ва газ журнали» МЧЖ оммавий савдолар орқали тўлиқлигича сотиладиган корхоналар қаторида қайд этилган. Хусусийлаштиришнинг отаси ҳисобланган Давлат активларини бошқариш агентлиги бу битим бўйича бирор ахборот эълон қилмаган.

@xojayinuz
9,703
Xo‘jayin

03 Dec, 13:47

«Анорбанк» АЖ бошқарув раиси ўринбосари, IT директори Хамидов Нуриддин Шукуруллаевич лавозимидан озод этилди.

@xojayinuz
9,495
Xo‘jayin

30 Nov, 13:39

Россиялик олигарх Алишер Усмонов Халқаро қиличбозлик федерациясининг президенти этиб сайланди. Сайлов 30 ноябрь куни Тошкентда бўлди.

@xojayinuz
11,090
Xo‘jayin

29 Nov, 14:36

Швейцариянинг «Lombard Odier» банки Гулнора Каримова иши бўйича пул ювишда айбланмоқда

Швейцария федерал прокуратураси «Lombard Odier» хусусий банки ва унинг собиқ ходимларидан бирини жиддий жиноятларда айблади. Айблов хулосасида прокурорлар мамлакатнинг энг нуфузли молиявий институтларидан бири «Lombard Odier» Ўзбекистоннинг марҳум президенти Ислом Каримовнинг қизи Гулнора Каримованинг гумон қилинаётган жиноий фаолиятини йиллар давомида яширишда «ҳал қилувчи рол» ўйнагани айтилади.

Прокурорлар даъвосига кўра, Гулнора Каримова Ўзбекистон ҳукуматининг даромадли шартномаларини назорат қилиб, миллиардлаб долларларни ўзлаштирган ва товламачилик қилган. Шунингдек, даромадларни Швейцарияда жойлашган «The Office» номли ташкилот орқали ювган.

@xojayinuz
13,032
Xo‘jayin

28 Nov, 06:33

Самарқанд вилояти ҳокими Эркинжон Турдимов саломатлигидаги муаммолар сабаб бугун истеъфога чиқади. Унинг ўрнига ҳисоб палатаси раиси Адиз Бобоев вилоят ҳокими вазифасини бажарувчи этиб тайинланади.

@xojayinuz
11,232
Xo‘jayin

25 Nov, 09:24

25 миллионлик аудиторияга эга, дунёдаги энг йирик ҳафталик хабар журнали — «TIME» саҳифаларидан Ўзбекистон ҳам ўрин олди.

Эълон қилинган мақола мазмуни ва логоларга қаралса, материал ҳомийси «InfinBank» экани англашилади.

Олдинроқ «InfinBank»нинг асосий акциядори (76%) Фарход Маматджанов «Perfectum»ни хусусийлаштириб олгани ва Ўзбекистонга Буюк Британиянинг «Водафон» уяли алоқа операторини олиб келаётганини маълум қилганди.

@xojayinuz
12,495
Xo‘jayin

23 Nov, 16:07

Айтишларича, ДХХ раиси Абдусалом Азизов лавозимидан озод этилиб, президент ҳузуридаги Хавфсизлик кенгашига ўтказилди.

ДХХнинг янги раҳбарини тайинлаш маросимида Абдусалом Азизовнинг ушбу лавозимда эришган ютуқлари ва унинг давлат хавфсизлиги тизимини ривожлантиришга қўшган ҳиссаси алоҳида таъкидланди.

Абдусалом Азизовнинг янги лавозимдаги фаолиятида ҳам улкан мувафаққиятлар тилаймиз.

@xojayinuz
6,590
Xo‘jayin

23 Nov, 07:49

Бугун, 23 ноябрь куни президент администрациясининг собиқ ва охирги раҳбари Сардор Умурзаков 47 ёшни қарши олди.

Сардор Умурзаков ҳозирда президентининг махсус топшириқлар бўйича маслаҳатчиси лавозимида ишлайди. Бундан ташқари, у Буюк Британиядаги «Uzbekinvest International Insurance Company» суғурта компанияси директорлар кенгашига раислик қилади.

@xojayinuz
6,990
Xo‘jayin

22 Nov, 13:02

Эксклюзив: бош вазир Абдулла Арипов аввалроқ Бойсунга бориб, аҳоли билан гаплашгани маълум бўлди

Президент топшириғига биноан бош вазир Абдулла Арипов Сурхондарё вилоятининг Бойсун туманидаги Кофрун қишлоғида конда содир бўлган авария жойига 29 сентябрь ва 11 ноябрь кунлари борган ва аҳоли билан мулоқот қилган.

Суҳбат чоғида одамларни бошқа жойга кўчириш ҳам таклиф қилинган.

«Ҳамма шароитларни яратиб бериш — бу давлатнинг иши, буни қилиб берамиз, масала йўқ. Ҳали олдингларга яна 2-3 марта келаман, Худо хоҳласа. Бўлмаса [кўчишни] бир маслаҳат қилиб айтасизлар» деган бош вазир.

@xojayinuz
16,102
Xo‘jayin

21 Nov, 12:33

Медиамагнатлар ва олигархлар ҳамкорлиги

Ахмедов Шухрат Якубжанович — «TELERADIOKOMPANIYA ZO‘R» МЧЖнинг («ZO‘R TV») 50 фоизига эгалик қилади. Бундан ташқари, унинг «KOLORPAK» МЧЖда 38,85 фоиз, «NASHRIYOT UYI TASVIR» МЧЖда 65 фоиз, «LEADING EXPERTS» МЧЖда 40 фоиз ва «EAST STAR MEDIA» МЧЖда 33 фоиз улуши бор.

Абдухаликов Абдулложон Фирдавсович (Фирдавс Абдухаликовнинг ўғли) — «MASTER MEDIA PRODUCTION AND BROADCAST» МЧЖнинг («Sevimli TV») 9 фоизига эгалик қилади. Бундан ташқари, унинг «DARAKCHI INFORM SERVIS» МЧЖда 29 фоиз ва «HELICON» МЧЖда 66,67 фоиз улуши бор.

«ZO‘R TV»нинг 50 фоизига эгалик қиладиган Шухрат Ахмедовнинг «EAST STAR MEDIA» МЧЖда 33 фоиз улуши борлиги юқорида келтирилди. Айни шу МЧЖнинг 53 фоизига Фазилов Бахтиёр Шухратович эгалик қилади.

«Sevimli TV»нинг 9 фоизига ва «Darakchi»нинг 29 фоизига эгалик қиладиган Абдулложон Абдухаликовнинг «HELICON» МЧЖда 66,67 фоиз улуши борлиги юқорида келтирилди. Айни шу МЧЖнинг қолган 33,3 фоизига Фазилов Бахтиёр Шухратович эгалик қилади.

Очиқ маълумотларнинг кўрсатишича, олигарх ва икки йирик хусусий телеканал раҳбарларининг ўзаро ҳамкорлик доиралари бундан анча кенг. Яқинлар ва бошқа қариндошлар ҳисобига. Албатта, бунинг ҳеч ёмон жойи йўқ. Шунчаки қизиқ пост бўлиб қолди-да.

@xojayinuz
9,575
Xo‘jayin

21 Nov, 12:29

Маданият вазири Озодбек Назарбеков қайта тайинланганига хурсандмасми ёки кўзидаги севинч кўз ёшларими? 😁

@xojayinuz
5,692
Xo‘jayin

21 Nov, 11:56

Депутатлар ҳукумат аъзоларини маъқуллади. Ҳамма вазир ўз ўрнида қолди.

@xojayinuz
7,063
Xo‘jayin

19 Nov, 10:19

Ўзбекистонда ҳукумат истеъфога чиқди.

@xojayinuz
7,297
Xo‘jayin

19 Nov, 09:22

Муҳим сиёсий жараёнларда «сайланди» ва «тайинланди» сўзларининг фарқига бормайдиган Ўзбекистон Миллий ахборот агентлиги — ЎзА 2025 йил учун бюджетдан 40,7 млрд сўм олади. 2024 йил учун 36 млрд 721,3 млн сўм олишганди.

Айтгандай, сенат раиси ўринбосарларини «тайинланди» деб эълон қилган хабарларини ўчириб ташлашди ва «сайланди» деб бошқатдан жойлашмоқда.

@xojayinuz
7,302
Xo‘jayin

19 Nov, 09:07

УзАжон борини борича бериб қўядида… Тайинланди эмас, сайланди деб ёзилади😁

@xojayinuz
7,097
Xo‘jayin

19 Nov, 08:59

Спикер сайланди, сенатга раис сайланди. Энди навбат бош вазир ва вазирлар тайинловларига. Шу ҳафта кўп тайинловлар бор.

@xojayinuz
8,000
Xo‘jayin

18 Nov, 08:55

Муҳофазаланган электрон почта тизими – «Exat»нинг мижозларни қўллаб-қувватлашга масъул «Unicon.uz» телеграм аккаунти мана шу вирус файлни тарқатмоқда.

Ўзининг телеграми хавфсизлигини таъминлай олмаганлар бутун бошли «Exat»га жавобгар😁

@xojayinuz
9,955
Xo‘jayin

18 Nov, 08:06

Умрзоқов ва Чакрабарти яна кўришди

Президентнинг иқтисодий ривожланиш, самарали бошқарув ва халқаро ҳамкорлик масалалари бўйича маслаҳатчиси Сума Чакрабарти президентининг махсус топшириқлар бўйича маслаҳатчиси Сардор Умрзоқов билан Тошкентда учрашди.

Учрашувда Ўзбекистоннинг юқори салоҳиятли давлат хизматчилари Буюк Британиянинг Оксфорд университетидаги Said Business School мактабида малака ошириш масалалари муҳокама қилинган.

@xojayinuz
7,248
Xo‘jayin

15 Nov, 09:40

Собиқ молия вазири ўринбосари Исаков Одилбек Рустамовичнинг «Ўзметкомбинат» АЖ кузатув кенгаши аъзолигидаги ваколатлари муддатидан олдин тугатилди. У жорий йил 6 февралда комбинат кузатув кенгаши аъзолигига сайланганди.

@xojayinuz
9,872
Xo‘jayin

13 Nov, 12:28

Хасилов Хуснутдин Нуриддинович «Қуюв-механика заводи» АЖ бошқарув раиси лавозимига тайинланди.

У «Ўзбекистон темир йўллари» АЖ бошқарув раиси ва компаниянинг бош муҳандиси лавозимларида ишлаган.

@xojayinuz
12,505
Xo‘jayin

12 Nov, 10:45

4 нафар банкир Халқ депутатлари Шайхонтоҳур тумани кенгаши депутатлигига сайланди ва улар туман маҳаллий бюджетни шакллантириш, тадбиркорликни ривожлантириш ҳамда иқтисодий ислоҳотларни амалга ошириш масалалари бўйича доимий комиссия таркибига ҳам киритилди.

@xojayinuz
7,843
Xo‘jayin

12 Nov, 09:26

Акиҳиро Сакураи ҳақидаги маълумот Рақамли технологиялар вазирлиги веб-сайтининг «вазир маслаҳатчилари» қисмига жойлаштирилибди.

Тезкорлик ва эътибор учун раҳмат🫡

@xojayinuz
6,736
Xo‘jayin

12 Nov, 08:10

Акиҳиро Сакураи «Ўзбектелеком» АК кузатув кенгаши аъзоси этиб сайланди.

Қизиғи, у Рақамли технологиялар вазири маслаҳатчиси сифатида қайд этилган. Бироқ вазирлик сайтидаги маълумотларда вазир маслаҳатчилари орасида у йўқ.

Ўз веб-сайтида маълумотларни вақтида янгиламаслик, айниқса, гап Рақамли технологиялар вазирлиги ҳақида борганда уят бўлса керак.

У қачон лавозимга тайинлагани ҳақида ҳам вазирлик расмий манбаларида хабар берилмаган.

@xojayinuz
6,633
Xo‘jayin

11 Nov, 08:31

Гулнора Каримованинг пиарчиси 40 ёшида вафот этди

Бир вақтлар Гулнора Каримованинг медиа лойиҳалари маслаҳатчиси бўлиб ишлаган (ГКнинг пиарчиларидан бири) Антон Коробков-Землянский юрак-қон томир етишмовчилиги сабаб 40 ёшида вафот этди.

У «SHAMAN» тахаллуси билан ашула айтадиган россиялик қўшиқчи Дронов Ярослав Юревичга матбуот котибилик қилиб келаётганди.

@xojayinuz
6,953
Xo‘jayin

08 Nov, 15:35

«Ўзметкомбинат» АЖ бошқарув раисининг трансформация бўйича биринчи ўринбосари — ривожланиш ва сифат бўйича директори Мадияров Санжар Гулямович лавозимидан озод этилди ва ижроия органи аъзоси сифатидаги ваколатлари муддатидан илгари тугатилди.

@xojayinuz
8,356
Xo‘jayin

06 Nov, 08:24

«Алоқабанк» бошқарув раиси Ирисбекова Каммуна Наринбаевна Қорақалпоғистон Республикаси Жўқорғи Кенгеси депутатлигига сайланган.

Шу қаторда «Ўзбекнефтгаз» АЖ бошқарув раиси Сидиқов Баҳодиржон Бахромович ҳам Қорақалпоғистонга депутат бўлди.

Бундан ташқари, Касаба уюшмалари федерацияси раиси Рафиков Қудратилла Мирсагатович Халқ депутатлари Жиззах вилояти кенгаши депутатлигига сайланди.

Эҳтимол, улар яқин келажакда сенаторлар сафига қўшилади.

@xojayinuz
7,809
Xo‘jayin

04 Nov, 06:39

Таваккалов Улугбек Уктамович «Madad Invest Bank» бошқаруви раиси лавозимидан озод этилди.

@xojayinuz
8,890
Xo‘jayin

03 Nov, 08:31

«UZIMEI» таъсисчиси ўзгарди

Ўзбекистондаги «UZIMEI» тизими оператори «INFORMATION TECHNOLOGY CENTER» МЧЖ ҳисобланади. Orginfo.uz сайтидаги 06.05.2024 санасигача актуал бўлган маълумотга қаралса, «UZIMEI» туғилгандан бери мазкур корхонада Ўзбекистон телекомуникация тармоқларини бошқариш маркази ДУКнинг улуши (давлат улуши) 49 фоизни, «Delta Telecom International» (АҚШ компанияси) улуши эса 51 фоизни ташкил этган.

01.11.2024 ҳолатига кўра, АҚШ компанияси — «Delta Telecom International»нинг 51 фоизлик улуши Австриянинг «SERVIONIX» GmbH компаниясига ўтиб кетган. Шундай қилиб, ҳозирги кунда «UZIMEI»нинг 49 фоизига Ўзбекистон телекомуникация тармоқларини бошқариш маркази ДУК, қолган 51 фоизига эса Австриянинг «SERVIONIX» GmbH эгалик қилмоқда.

«UZIMEI» — Австриянинг «SERVIONIX» GmbH компанияси улушдор бўлган ягона Ўзбекистон корхонаси эмас.

Давлат реестрига кўра, 09.09.2022 санасида Ўзбекистонда рўйхатдан ўтган «SERVIONIX CA» МЧЖ ҚКнинг 50 фоизига ҳам айнан Австриянинг «SERVIONIX» GmbH компанияси эгалик қилади. Қолган 50 фоиз улуш эса «GFT GROUP FOR TECHNOLOGY» МЧЖга тегишли. Корхона устав фонди 550 млн сўмни ташкил этади. Компьютер дастурлаш соҳасидаги фаолият билан шуғулланиши қайд этилган.

Эслатиб ўтиш керак, 2024 йил апрель ойидаги қарорга кўра, «UZIMEI»нинг 49 фоизлик давлат улуши сотилиши белгиланган.

@xojayinuz
8,067
Xo‘jayin

01 Nov, 10:49

Андижон вилояти ҳокимининг инвестициялар бўйича ўринбосари уйидан 3 млн АҚШ доллари чиқди. Бир қатор моддалар билан тегишли тартибда ушланди.

@xojayinuz
8,163
Xo‘jayin

31 Oct, 12:27

Администрациядан халқ вакилилигига

Президент маслаҳатчиси ўринбосари Хакимов Рахим Расулжонович депутат бўлди.

@xojayinuz
8,125
Xo‘jayin

31 Oct, 10:42

Мактабгача ва мактаб таълими вазири Ҳилола Умарова аллақачон депутатликдан воз кечиб, ариза ёзиб берган.

Умарова вазир лавозимида, ўз ишини давом эттиради.

Қанақадир «манба»ларига асосланиб, Ҳ.Умаровани депутатликка ўтди, деб тарқатилган ҳар қандай маълумот ёлғон.

@xojayinuz
8,854
Xo‘jayin

31 Oct, 10:23

Кеча айтган гапи бугунга тўғри келмайдиган «манба»лар

Аввалига бир манба (бирбало.уз) қанақадир «манба»ларига таяниб, депутатликка номзоди қўйилган вазирлар ариза ёзиб бергани (гўё депутат бўлиб кетишса, ишдан бўшаши) ҳақида ахборот тарқатди (23 сентябрь).

Бугунга келиб (31 октябрь) яна ўша манба, яна ўша ўз «манба»ларига асосланиб, 5 нафар вазирдан 2 нафари депутатликни қабул қилиши ҳақида бонг урмоқда. Қисқа қилиб айтганда, ўзининг кеча айтган гапи бугунга тўғри келмай қолди.

Ахборот майдонида ўзи етарлича ахлат бор, яна бўлар-бўлмас гапларни, бирор бир расмий тасдиғи йўқ информацияларни, камига ўзи тарқатган биринчи маълумотни рад этувчи ахборотни тарқатиб, булар нима кайф олаётгани тушунарсиз.

Дарвоқе, бу «манба»лар тарқатаётган «ахборот»ларнинг ҳаммасига шунчаки кулиб қўямиз😁

@xojayinuz
7,527
Xo‘jayin

30 Oct, 11:05

«Ўзбекнефтгаз» АЖ бошқаруви қанча ҳақ олади?

«Ўзбекнефтгаз» АЖнинг собиқ бошқарув раиси Абдуллаев Меҳриддин Раззоқович 2023 йилнинг 1-чораги учун ҳақ ва қўшимча ҳақ сифатида — 231 млн 840 сўм, амалдаги раис Сидиқов Баҳодиржон Баҳромович 2023 йилнинг 2- ва 3-чораклари учун ҳақ ва 2-чораги учун қўшимча ҳақ сифатида — 469 млн 800 минг сўм олади.

Ҳақнинг энг кўпини «Ўзбекнефтгаз» АЖ бошқарув раисининг ўринбосари Шеров Рустам Чўлиевич олмоқда. У 2023 йилнинг 1-, 2- ва 3-чораклари учун ҳақ ва 1- ва 2-чораклари учун қўшимча ҳақ сифатида — 654 млн 120 минг сўм олади.

Маълумот очиқ манбадан олинди.

@xojayinuz
10,456
Xo‘jayin

30 Oct, 10:16

Ўзингдан чиққан балога, қайга борасан давога

Россия президенти Владимир Путиннинг тансоқчилари «Strava» иловасидан фойдаланар экан. Журналистлар унинг «охрана»лари иловага киритган маълумотлар асосида Путин бўлган манзилларни аниқлабди.

«Strava» — бу ижтимоий тармоқ хусусиятларини ўз ичига олган, жисмоний машқларни кузатиш имкониятини берувчи Америка интернет хизмати.

АҚШнинг амалдаги президенти Жо Байден, Франция президенти Эммануел Макрон ва Трампнинг қўриқчилари билан ҳам шундай ҳолат содир бўлган.

Тўлиқ мақола: https://www.lemonde.fr/international/article/2024/10/29/en-russie-les-gardes-du-corps-de-vladimir-poutine-courent-pres-du-palais-qu-il-nie-posseder-stravaleaks-episode-3_6365492_3210.html

@xojayinuz
7,614
Xo‘jayin

29 Oct, 17:26

«Панама архиви»да Ўзбекистон билан боғлиқ кимлар бор?

Бир неча ой аввал «Пандора архиви»ни очиб, ундаги ўзбекистонлик қоракўзлар ҳақида маълумотлар эълон қилинганди. Навбат — «Панама архиви»га.

«Панама архиви» — бу Панаманинг офшор компанияларни рўйхатга олувчи «Mossack Fonseca» юридик фирмаси билан боғлиқ 11 миллиондан ошиқроқ ҳужжатлар жамланмаси.

2016 йилда эълон қилинган «Панама архиви» 1977-2015 йиллар оралиғидаги йирик коррупцион ҳаракатлар акс этган 11,5 млн ҳужжатдан иборат ва унда ҳам Ўзбекистонга оид ҳужжатлар ҳам бўлган.

«Панама архиви» ҳажм жиҳатдан «Пандора архиви»дан ортда қолса-да, унда қилинган меҳнат кўлами жуда катта бўлган.

Ўзбекистонга оид исм-фамилиялар мазкур постда келтирилмайди, қуйидаги линк орқали очиқ манбада танишса бўлади. Рўйхат билан таниша туриб, «ўххў» дейдиган жойлари ҳам чиқади😁

https://offshoreleaks.icij.org/search?c=UZB&cat=1

@xojayinuz
7,519
Xo‘jayin

25 Oct, 14:05

Ўзбекистонда ҳукумат истеъфога чиқади

Сайловдан кейин бош вазир Аблулла Арипов бошчилигидаги Ўзбекистон Республикаси Вазирлар Маҳкамаси истеъфога чиқади. Тартиби шунақа.

Конституциянинг 118-моддасига кўра, Ўзбекистон Республикаси Бош вазири номзоди Ўзбекистон Республикаси Олий Мажлиси палаталарининг мансабдор шахслари сайлангандан ва органлари шакллангандан сўнг бир ой ичида ёки Бош вазир лавозимидан озод этилганидан кейин ёхуд Бош вазир, Вазирлар Маҳкамасининг амалдаги таркиби истеъфога чиққанидан кейин бир ой ичида Қонунчилик палатаси кўриб чиқиши ва маъқуллаши учун Ўзбекистон Республикаси Президенти томонидан барча сиёсий партиялар фракциялари билан маслаҳатлашувлар ўтказилганидан сўнг тақдим этилади.

Ўзбекистон Республикаси Олий Мажлисининг Қонунчилик палатаси Ўзбекистон Республикаси Президенти томонидан тақдим этилган Ўзбекистон Республикаси Бош вазири номзодини тақдимнома киритилган кундан эътиборан ўн кун ичида кўриб чиқади.

Бош вазир лавозимига номзод Ўзбекистон Республикаси Олий Мажлисининг Қонунчилик палатасида унинг номзоди кўриб чиқилаётганда Вазирлар Маҳкамасининг яқин муддатга ва узоқ истиқболга мўлжалланган ҳаракат дастурини тақдим этади.

Бош вазир номзоди унинг учун Ўзбекистон Республикаси Олий Мажлисининг Қонунчилик палатаси депутатлари умумий сонининг ярмидан кўпи томонидан овоз берилган тақдирда маъқулланган ҳисобланади.

Бош вазир лавозимига тақдим этилган номзод уч марта рад этилган тақдирда, Ўзбекистон Республикаси Президенти Бош вазирни тайинлайди ва Ўзбекистон Республикаси Олий Мажлисининг Қонунчилик палатасини тарқатиб юборишга ҳақли.

Ўзбекистон Республикаси Вазирлар Маҳкамасининг аъзолари уларнинг номзодлари Ўзбекистон Республикаси Олий Мажлисининг Қонунчилик палатаси томонидан маъқулланганидан кейин Ўзбекистон Республикаси Президенти томонидан лавозимга тайинланади.

@xojayinuz
10,781
Xo‘jayin

24 Oct, 09:13

Савдо-саноат палатаси раиси Даврон Ваҳобов расмга тушиш учун 1-2 ҳовуч пахта терди.

@xojayinuz
8,562
Xo‘jayin

19 Oct, 18:40

Жамшид Қўчқоров 60 ёшни қарши олди

19 октябрь куни бош вазир ўринбосари – иқтисодиёт ва молия вазири Қўчқоров Жамшид Анварович 60 ёшга тўлди.

Жамшид Қўчқоров 1964 йил Самарқанд вилояти Каттақўрғон шаҳрида туғилган. 1985 йилда Тошкент Халқ хўжалиги институтини (Тошкент давлат иқтисодиёт университетини), 1996 йилда Колорадо университетини (АҚШ) тугатган.

У меҳнат фаолияти давомида Тошкент халқ хўжалиги институтида ўқитувчи, Марказий банкда раис ўринбосари, молия вазири ўринбосари (1-2 йил Рустам Азимовнинг ҳам ўринбосари бўлган), молия вазири, камбағалликни қисқартириш вазири, бош вазир ўринбосари каби лавозимларда ишлаган.

Бугун президент фармони билан Ж.Қўчқоровга «Ўзбекистон Республикасида хизмат кўрсатган иқтисодчи» фахрий унвони берилди.

@xojayinuz
11,155
Xo‘jayin

19 Oct, 16:35

«Санег»нинг «болалари»: хусусий университетлардан тортиб, нефт-газ соҳасию авиакомпанияларгача

2017 йил 8 июнь куни «Саноат энергетика гуруҳи» («Санег») МЧЖ ҚК ташкил этилган. Ушбу корхона таъсисчи ва бенефициарлари ҳақида аввалроқ қисқача маълумот берилган – ҳавола. Бундан ташқари, 2022 йил 24 май куни «Саноат энергетика гуруҳи Энера» МЧЖ ҳам ташкил этилган.

«Санег» ва «Санег Энера» МЧЖларнинг «болалари»га назар ташлаймиз.

«Саноат энергетика гуруҳи» МЧЖ ҚК бугунги кунда 10 та компаниянинг бевосита таъсисчиси ёки улушдори ҳисобланади. Булар:

1. SEG TASCO МЧЖ – «Санег»нинг улуши 100%
2. SEG MOTOL МЧЖ – «Санег»нинг улуши 100%
3. FIRST FALCON LOGISTICS МЧЖ – «Санег»нинг улуши 100%
4. SANEG POWERS МЧЖ – «Санег»нинг улуши 50%
5. «Фарғона нефтни қайта ишлаш заводи» МЧЖ – «Санег»нинг улуши ҳозирча 41,5%
6. SANEG ELEMENTS МЧЖ – «Санег»нинг улуши 90%
7. SANEG KARAKUL МЧЖ – «Санег»нинг улуши 100%
8. SANEG ATOM МЧЖ – «Санег»нинг улуши 100%
9. GEO RESEARCH AND DEVELOPMENT COMPANY МЧЖ – «Санег»нинг улуши 75%
10. GAS CHEMICAL COMPLEX MTO CENTRAL ASIA МЧЖ – «Санег»нинг улуши 100%

«Саноат энергетика гуруҳи Энера» МЧЖ ҳам бугунги кунда 10 та компаниянинг бевосита таъсисчиси ёки улушдори ҳисобланади. Булар:

1. AIR MARAKANDA МЧЖ – «Санег Энера»нинг улуши 100%
2. KARAUZYAK MANAGEMENT МЧЖ – «Санег Энера»нинг улуши 85%
3. GALLAARAL MANAGEMENT МЧЖ – «Санег Энера»нинг улуши 85%
4. OSIYOTECH МЧЖ – «Санег Энера»нинг улуши 100%
5. ARK PORT МЧЖ – «Санег Энера»нинг улуши 100%
6. «Боқий Бухоро тарихий-этнографик парки» МЧЖ – «Санег Энера»нинг улуши 100%
7. ENERA ANIQLIK МЧЖ – «Санег Энера»нинг улуши 100%
8. TASHKENT INTERNATIONAL MEDICAL CENTER МЧЖ – «Санег Энера»нинг улуши 100%
9. MERCIAN WELLNESS МЧЖ – «Санег Энера»нинг улуши 1%
10. TOSHKENT SAMARQAND AVTOMAGISTRALI МЧЖ – «Санег Энера»нинг улуши 100%

Маълумотлар очиқ манбалардан, хусусан, orginfo.uz ва ihamkor.uz сайтларидан олинди ва шунчаки маълумот сифатида эълон қилинаётир. Бу ерда «Санег»нинг «болалари» келтирилди, «невара» ва «эваралар» сиғмади.

@xojayinuz
9,357
Xo‘jayin

19 Oct, 12:08

Тақдир ҳазилими ёки ҳаммаси шунчаки тасодифми?

2023 йил, 11 декабрь:

«Тошкент–Самарқанд пуллик автомобил йўли лойиҳасининг дастлабки техник-иқтисодий асоси ишлаб чиқилди. Халқаро стандартларга жавоб берадиган 305 км узунликдаги 6 тасмали автомобил йўли “Автомагистрал” талаблари асосида қурилади».

2024 йил, 2 февраль:

«TOSHKENT SAMARQAND AVTOMAGISTRALI» МЧЖ давлат рўйхатидан ўтказилди. Корхонага 100% улуш билан «SANOAT ENERGETIKA GURUHI ENERA» МЧЖ ҚК эгалик қилмоқда. Фаолият тури – йўллар ва шосселар қуриш.

@xojayinuz
9,280
Xo‘jayin

19 Oct, 11:09

Азамат Фозилов «Mironkul Stroy Servis» МЧЖ таъсисчилари сафидан чиқди

2023 йил январь ойида президент администрацияси ижро аппарати бош маслаҳатчиси этиб тайинланган Фозилов Азамат Шуҳратович (олигарх Бахтиёр Фозиловнинг укаси) «Mironkul Stroy Servis» МЧЖнинг 5 фоиз улушига эгалик қилаётгани, бу эса амалдаги қонунларга зид бўлиши мумкинлиги ҳақида сўз юритгандик.

Айни вақтда Азамат Фозилов ушбу МЧЖдаги улушини бошқа одамга ўтказиб, ўзи таъсисчилар сафидан чиқиб кетган. Мана энди ҳаммаси «законный» бўлди.

@xojayinuz
6,377
Xo‘jayin

18 Oct, 11:43

Сизларгаям сезиляптими, бу йилги сайловда номзодлар ва сайловнинг моҳияти қолиб, кўпроқ бошқа бир шахснинг шахсий пиарига дуч келаётгандекмиз😁

@xojayinuz
6,382
Xo‘jayin

18 Oct, 10:04

Мактабгача ва мактаб таълими вазирининг биринчи ўринбосари Шарифходжаев Усман Улфатович лавозимидан озод этилди.

У ижтимоий ҳимоя миллий агентлиги директорига ўринбосар этиб тайинланади.

@xojayinuz
6,604
Xo‘jayin

15 Oct, 15:39

Футбол: Ўзбекистон ва БАА ўйинидан эксклюзив фото

Футбол бўйича Ўзбекистон терма жамоасини стадиондан қўллаб-қувватлаш учун Абдусалом Азизов ва Отабек Умаров ташриф буюришди.

@xojayinuz
11,311
Xo‘jayin

11 Oct, 12:54

Қозоғистоннинг Ўзбекистонда очилган «Евроосиё Банки» шўба банкига раис ва ўринбосар тайинланди

Токобаев Нурлан Турсунбекович «Евроосиё Банки» шўба банки бошқарув раиси этиб, Башанов Тимур Серикбайевич эса унинг ўринбосари этиб тайинланди.

Олдинги раис Абеуов Канат Болатович ва унинг ўринбосари бўлган Файзулаев Дилшод Хикматуллаевичнинг ваколатлари муддатидан олдин тугатилди.

@xojayinuz
9,337
Xo‘jayin

09 Oct, 13:37

Бош вазир ўринбосарлари котибият раҳбарларининг турли ташкилотлар кузатув кенгашидаги аъзолиги муддатидан олдин тугатилмоқда

Бош вазир ўринбосари Жамшид Ходжаевнинг котибияти раҳбари Рапиков Тохиржон Юлдашбаевичнинг «Савдони ривожлантириш компанияси» АЖ кузатув кенгаши аъзолигидаги ваколатлари муддатидан олдин тугатилди.

Эътиборлиси, яқинда бош вазирнинг бошқа бир ўринбосари - Очилбой Раматовнинг котибияти раҳбари Жуманиязов Мансурбек Бозорбоевичнинг ҳам «Ўзсувтаъминот» АЖ кузатув кенгаши аъзолигидаги ваколатлари муддатидан олдин тугатилганди.

@xojayinuz
8,928
Xo‘jayin

09 Oct, 13:21

Ахборот майдонидаги бўшлиққа кўзгу

Ҳукумат топшириқларини Қашқадарё вилояти ҳокими матбуот котибидан эшитадиган даврга келдик.

Бюджетдан кун кўрадиган УзА, «Янги Ўзбекистон» деган нашрлар, Қишлоқ хўжалиги вазирлиги деган идора матбуот хизмати нима билан банд?

Одамлар нимага Ҳукумат топшириқларини, пахта теримига тўланадиган пул миқдори ҳақидаги расмий ахборотни Қашқадарё вилояти матбуот котибининг 3К обуначиси бор каналидан ўқиши керак?

Бу ўринда маълумот берган вилоят ҳокими матбуот котибини эмас, сукут сақлаб ўтирган давлат нашрларини сўкиш керак, аакалаар.

@xojayinuz
6,819
Xo‘jayin

08 Oct, 16:55

«Ўзбекистон темир йўллари» АЖ бош муҳандиси Хасилов Хуснутдин Нуриддинович лавозимидан озод этилди.

У бир неча йил «Ўзбекистон темир йўллари» АЖ бошқарув раиси лавозимида ҳам ишлаган. 2023 йил июль ойида «инвестицияларни жалб қилиш ва уларни ўзлаштиришда сусткашликка йўл қўйгани» сабаб лавозимидан озод этилган. 2023 йил декабрда эса бош муҳандис бўлиб яна қайтиб келганди.

@xojayinuz
6,632
Xo‘jayin

07 Oct, 09:34

Қўшимча маълумот: Бойсундаги конда «ERIELL GROUP» ишлаётганди. Январда очилган «SANEG ATOM» ва «ERIELL GROUP»нинг эгаси эса битта одамга бориб тақалади.

@xojayinuz
6,020
Xo‘jayin

07 Oct, 09:04

«SANEG ATOM»

2024 йил 18 январь куни «SANEG ATOM» МЧЖ давлат рўйхатидан ўтказилган. Фаолият тури – бошқа электр станциялари томонидан электр энергияси ишлаб чиқариш.

Корхонага 100 фоиз улуш билан «SANOAT ENERGETIKA GURUHI» («SANEG») МЧЖ ХК эгалик қилмоқда. «SANEG» ҳақида батафсил бу ерда.

Бошқача бўлиши ҳам мумкин эмасди😁

@xojayinuz
7,192
Xo‘jayin

04 Oct, 17:37

Сардор Умурзаков расмий инстаграм саҳифасида кўриниш берди.

«Юртимиз тинч ва осойишта, халқимиз омон, мустақиллигимиз бардавом бўлсин», - деб ёзиб қолдирган.

@xojayinuz
8,920
Xo‘jayin

04 Oct, 16:10

Бутаев Ориф Алибоевич «Микрокредитбанк» АТБ бошқарув раиси лавозимини тарк этгани айтилмоқда.

@xojayinuz
9,301
Xo‘jayin

04 Oct, 08:45

Рақобат қўмитаси «Агробанк»ни текширади

4 октябрь куни Рақобат қўмитаси раиси Ҳалилилло Тўрахўжаев «Агробанк» АТБда «Рақобат тўғрисида»ги қонун ва соҳани тартибга солувчи қонуности ҳужжатлар талабларига риоя этилиши юзасидан банкда 10 кунлик текширув ўтказиш ҳақида буйруқ чиқарди.

@xojayinuz
7,922
Xo‘jayin

03 Oct, 14:25

30 сентябрь куни Абдувалиев Санжар Абдурахманович ва Умаров Даврон Шавкатович «Ўзсаноатқурилишбанк» бошқарув раиси ўринбосарлари этиб тайинланди.

@xojayinuz
7,618
Xo‘jayin

02 Oct, 13:06

Сафаров Музаффар Абдиназарович «Ипак йўли банк» бошқаруви раиси ўринбосари лавозимидан бўшатилди.

@xojayinuz
7,256
Xo‘jayin

01 Oct, 11:37

Комил Алламжонов ҳақида олдин ҳеч қаерда кўрсатилмаган эксклюзив кадрлар

@xojayinuz
12,561

2025 All Right Reserved

Disclaimer: The content displayed on this website is solely provided by the respective Telegram channels. We hold no ownership or responsibility for the content shared by these channels.