(وآاي فـĨايWiƒi)

مو كلشي يحتاج رأيك جرب تكون مالك شغل

كل حرق يبقى اثرة اذا هملته وما اهتميت اله او استخدمت اله علاج غلط ويروح وميبقى اله اي اثر اذا عالجته صح واستخدمت علاج صح ....... ....... القصد مو الحرق ... كل ظرف بحياتكم تمرون بي اذا ما عالجتوا صح رح يبقى اثرة ورح ياثر عليكم ف عالجوا صح وتصرفوا صح ..

قال رجل لسقراط : تبدو تلك المرأة فاجرة يا سقراط❗
سقراط : هل تعرفها ؟
الرجل : لاٰ
سقراط : ما الذي دفعك إلى الاعتقاد بذلك
الرجل : ألاٰ ترى كيف تبدو ملابسها
سقراط : أيهم يحقق الفضيلة الظلم أم الحق؟
الرجل : الحق بالطبع
سقراط : وهل الحكم بالظن من أوجه الظُلم أم الحق؟
الرجل : من اوجه الظلم بالتأكيد!
سقراط : وهل حكمت على تلك المرأة بالفجور من باب الظن أم اليقين؟
الرجل : باب الظن .
سقراط : وايهما اقرب للفجور من يحكم علىٰ الناس بالظن والظاهر أم من يلتزم الصمت؟
الرجل : من يحكم علىٰ الناس بالظن و الظاهر.
سقراط : فمن هو الفاجر اليوم أنت أم تلك المرأة.!

مأساة الأنسان الحالي يريد يصير شخص مو عادي ، مايريد يوم عادي ، ولا علاقة عادية وشغل عادي ، يريد كل شي فوك العادي فتلكاه دائماً بحالة احباط مستمر لأن العادي ماراضي تطلعاته ووسط محاولاته للتخلص من العادي يصير اقل من العادي الي جان ماعاجبه ، لأن سر من أسرار الأرتقاء لحال افضل هو السعي وانت بحالة رضا تام عن ماتعيش وما تملك

اكو اشياء مو سر بس مو شغلك

فرويد يشوف أن الحياة العاطفية للأنسان تُبنى في سنواته الأولى
في حضن العلاقة مع الأم ، اذا فُقدت تلك الثقة يتشكل بداخل الأنسان شعور بالتهديد ، بالخوف من الفقد او الخذلان وتظل هذي المشاعر مدفونة . وتظهر لاحقاً بأشكال مختلفة من المخاوف الي يشوفها الأنسان بلا سبب ، لكن بالحقيقة هي صدى لما مر به الطفل يوماً ما
تستغرب مرات بنت تحب الضرب وهي محترمة او شخص يحب الأهانة من الآخر وهو بكلامه وياك محترم
هذا الي يسمي فرويد إرجاع صوت التعامل القاسي الذي تلقيناه صغاراً
فرويد مايدعو لتحليل المخاوف بل إلى تقبلها ، ان توكف وتتأمل الي تخشاه ، يعني تنظر مباشرة بعين تجاربك الماضية ، تعيد بناء الجسر بين الخوف وبين وماحدث
الشفاء مو يعني تتخلص من خوفك ، بل تفهمه وتمنحه مكان بگلبك دون مايقيد حركتك

الناس الماشافت الوجه القبيح من الحياة (بدون تعميم) مو بس عدهم شعور بالأستحقاق المجاني ، ممكن طبيعي جداً يسخرون من أنين الناس حتى لو الناس تئن كجزء من التنفيس لا النقمة .
الناس الهادئة الينگال عليهم بلا هموم ظاهرياً ، هم اكثر ناس شافوا دناءات الحياة

محتاجين نقضي نهائياً على الفكرة البدت تنتشر للرجل السوبر مان بمجتمعنا والموجود بالستوريات الي يشتغل وناجح وبنفس الوكت يلعب رياضة اوزان حرة مو اجهزة ومايخرب الدايت بيوم العطلة ويوم الأحد عنده بودكاست وباد بوي ويه النساء بس يخاف الله بمرته
يصوم ثنين وخميس ومسوي وشم ماتفتهم معناه لأن هذي الشخصية محد عرف يسويها حتى بالأفلام فه مامطلوب منك تجربها بالريلزات وعلى ارض الواقع خصوصاً بهالحقبة الزمنية المليئة بالكلاوات

مرة واحد گال " هو معقولة يعني اسوي كل هالأشياء ومايقدرني بالأخير ؟".
والأجابة جانت، اي عادي ، اكو واحد تجيبلة نجمة من السما مايقدر وواحد تجيبلة كوب چاي يبقى يحس أنُ أنت سويت وياه موقف وجميل ولازم يردة الك.
الموضوع يعتمد على الشخص اذا جان ابن اصول او لا، ومو شرط اللي تسوي تتقدر على موده المهم اللي تسويلة يكون ابن اصول وبس.

اذا تنطي مجهود حتى تحتفظ بالطرف الثاني من العلاقة وتظل تستحمل وتصبر فوك طاقتك إذن اكو شي غلط اكو نغمة نشاز مو ويه اللحن
بطبيعة التواصل البشري التكافؤ بالأفعال هو منهج لأستمرارية الأنسان ويه اخوه الأنسان أرخي بموقف ، ترخي بموقف بس اذا واحد متمسك اكثر من الثاني معطاء ويضحي غالباً يبقى مضحوك علّي ويتم ابتزازه عاطفياً
مرة وحده دزتلي رسالة على شخص مرتبطة بي ، ماجان يطلع وياها بس ببداية الشهر يكلها بضحك اليوم العزيمة عليج حتى تحللين مرتبج ، ويخليها صدك تحاسب مع العلم هو مستلم راتبه وبجيبه فلوس
وصديق ثاني مقرب يحجيلي على حبيبته ، جانت متطيق اذا يحجي على مشاكله كبالها بالمقابل هي ليل ونهار تظل تشكيله وهو يسمعها
العلاقات ذني منبع اليأس والاحباط تستنزف طاقتك والغريب مثل هيج علاقة متنتهي بسهولة لأن دائما تبقى بيها مساحة من الشك تخليك تفكر يمكن انت ظالمة زين ننطي فرصة زين نصبر شوية ، الحد مايتسرب العمر مثل قطرات المطر .
احنه نحب حتى نشوف نفسنا ، نحب حتى نلكه مبرر نكعد الصبح حتى نضحك ونفرح ونرجع اطفال حتى بالنا يرتاح وگلبنا واثق وسعادتنا تكتمل
فأذا العلاقة متقدملك كل هالامور توكف بعد وتشرد بگلبك وعقلك وانسانيتك من هالضلال وتجمعهم وتخليهم بخزنة حديد وتحط كلمة سر
الحد ماتشوف وتلكه اليقدرهم ويشوفهم صح
حتى تبقى تعيش صح

هواي جاي نلوم الناس ونكون احنه من يستحق أن يلام وهواي نظن السوء في الناس وننظر الهم بنظرة اللوم والعتاب ونكون احنه من يستحقها 

كل ما رب العالمين يمنع عليك شغله جان نفسك بيها، دائماً اتذكر شغلتين

"فخشينا أن يُرهقهما."

"فأردنا أن يبدلهما ربهما خيرا منه."

واعلم دائمًا أن المنع إذا كان من عند الله فهو قمة العطاء.

عندي صديق من نلتقي شخصيتي وسلوكي يتغير للأحسن ، حتى بالحوار وياه أجوبتي تختلف عن اجوبة غير شخص لو طارح عليه نفس السؤال ، قبلها بفترة شفت صديق من اصدقاء الطفولة رجعني مراهق بلحظات سولفنا بيها .
كل شخص تعرفه بحياتك وتلتقي بي اطباعة تتشرب بداخلك لاإرادياً ويبدي تأثيرها عليك إذا تشوفه كل يوم
موضوع الطباع ممكن تنتقل من شخص للثاني ، واحنه نكتسب سلوكيات من خلال الأشخاص القريبين علينا
منو الأشخاص التتواجد وتتعامل وياهم ؟ منو الأشخاص الي تتابعهم ؟ شنو افكارهم ؟ او اولوياتهم وتفضيلاتهم ؟
شنو نوع الكلام المتكرر بينكم ؟
الأنسان محتاج يراجع دائرة علاقاته كل فترة ، لأن تأثيره جبير على حياتك وعلى نفسيتك وافكارك وسلوكياتك

هو شنو بلوكر تزوج وفسخ يصير موضوعهم تريند بالمجتمع ؟
لحد يصدرلك هذا الشكل المثالي للعلاقات ولايضحك عليك الخطوبة والزواج تصير بهالصيغة
الحاجة الغالية عليك تضمها من الناس وماكو اغلى من عائلتك وأهل بيتك .
الناس اليستعرضون خطوباتهم ويومياتهم المستمرة واحد يتعامل ويه الثاني على اساس هم سلع لااكثر
مصالح وعالميز وتجارة فلتشغل نفسك هم ذوله القدوة
لأن لاانت ولااهل بيتك سلعة والأصل بالزواج هو الستر والله يرزقكم العفة والستر

كعدت ويه واحد عجبك لبسه وشكله وحسيت براحة من اتناقشت وياه هذا الشي اسمه قبول .
وضحتلك تفاصيل بمميزاته وعيوبه وشفت جوانب حياته واتقبلتها هذا اسمه توافق .
تزوجتوا وصرتوا واحد يقره الثاني هذا اسمه تفاهم
عايشين بسعادة بعد كل ذني الأمور هذا اسمه حب .
بالتالي الحب نتيجة نهائية مو اول خطوة

ماكو احلى من ان تگضي يومك كله مشغول
شي بشغل شي بدوام شي بطلعة ويا الناس اللي تحبهم
راح تحس الوكت اله قيمة فعلية
وتحسب لكل ساعة وتخطط للساعة البعدها
والاحلى من هذا كلة هي اللحظة اللي ترجع بيها لبيتك ترجع لفراشك وغرفتك الدافية
تحط راسك على الفراش وتحس التعب يطلع من كل مكان من جسمك
بس مع ذلك انت مستمتع بهذا التعب لأن يخليك فعلاً تحس بطعم الراحة الحقيقي
حاول تكون مشغول دائماً
الفراغ يقتل

اعظم شي يسوي الأنسان لنفسه ماتنكسر عينه لواحد .
لا لواحد ولالجماعة ولا لعمل او نظام
تعيش حر ومستغني وعزيز النفس ، لامنتظر حاجة من واحد ولاخايف من احد ولاتتحايل على شخص حتى يسويلك خدمة ولاتصاحب الناس على مصلحة ، وماتخلي اي واحد يستغلك ، نجاحك تصنعه بمجهودك وإصرارك وقناعاتك المحترمة بالحياة وانت الوحيد الي تنافس نفسك ، ساعتها تعيش عينك مليانة وگلبك قوي وعزة نفسك مرفوعة فوك
تصير مثل العملة النادرة تُقاس بك الأشياء مو تُقاس انت بيها

رتّب كنتور حياتك وراح تشوف هواي ناس صايرة صغيرة عليك، لذلك احسن الك تنطيهم لناس غيرك يلبسوهم احسن ما همة ماخذين مساحة وحجم بحياتك وهمة ما يستاهلون هالمكانة

الصادق ميحلف والواثق ميبرر والي يحب ميمل والوصخ وصخ

لن تغلبك الدنيا وأنت تمتلك قلب يعاهد الله كل صباح ومساء بــ ﴿ إياك نعبُدُ وإياك نستعين } فإن كُلُّ المتاعِبِ أُجورٌ عِندَ اللـه...

الهوس المبالغ بي للوكت الضايع والعمر اليعدّي يخليك أسير كل رغبة وكل فعل ممكن وكل شخص تافه .
وللأسف لاتوجد وسيلة لتحقيق كل شي تتمناه، والحقيقة ماكو مشكلة إذا مرات تكعد وتصبر وماتسوي شي
وهذا مايعارض التقدم والأستمرارية ورغباتك بتحقيق نفسك ابد . بالعكس هوسك بالوقت ورغبتك تعيش الف حياة والف عمل والف فعل راح تخليك مشتت وماتعرف شتريد وتبقى دائم التحسر والندم .
استرخي واسعى بس عيش بهدوء .

الحمد الله على نعمة الذوق و الخوف على مشاعر الناس

اكو ايام تسألك وايام تنطيك الجواب

الفقد فقد الميت ، العايشين يتعوضون .

السكائر
نصيحة السواح في العراق
دراسة في بريطانيا

اقروهن جماعة الدور الثالث لان كلش مهمات

لا تكره أحد حتى لو أخطأ بحقك لان يسيء لك تسيء له الدنيا وأشفق على من ضلمك لانه سيقف عاجزا امام تسويات القدر ...!!

اغلبية البشر ينضج حسب ظروف الحياة بس اكثر شخص ينضج من تقسي علّي الحياة هو الشخص الطيب ، يتحول تدريجياً من شخص يغفر ويسامح لشخص يتقبل الأعتذار بس ماينطيك بعد فرص جديدة
شخص تتحول اولوياته لگسب راحته النفسية بعد ماسابقاً يبقى يدافع بأستماته عن أحبابه ، يتحول لشخص يشوف الخذلان بالمقابل عطف تجاهه بس تقل قيمته بعد للأبد ويصير عنده ايمان الناس فترات وتنتهي ويه الوكت ، ، لايعاتب واحد ولا ينتظر احد ويحفظ اسراره لنفسه ، الشخص الطيب مايتحول لشخص مؤذي بس يتجاهل ، يتجاهل ويعيش بصمت

الانسان من يعرف قيمة نفسه رح يتخلى عن كل الناس ....

مو مهم الأنسان يحب بكد ما مهم يرتاح ، الحاجة التريحك بمرور الوكت تلكه نفسك تتعلق بيها وتحبها ، عكس الحاجة التحبها ، إذا مامرتاح وياها تلكه نفسك من الضغط وقلة الراحة تفقد مشاعر الحب الي بداخلك تجاهه ، الراحة دائماً يجي وراها حب ، بس قلة الراحة يجي وراها معاناة وخيبة أمل

كن لذاتك كل شيء اترك ظنون الآخرين بك .. كن انت بكل زمان ومكان ومع اياً كان كن انت فقط ....

إختر الذي يُعطيك التبرير دون طلب خوفاً عليك من ازدحام الأفكار

بعض الاحيان تحسّ نفسك مو محتاج شي من الدنيا غير أن قلبك مايضره أحد وتعيش بسلام

تصير ملحد او لا ديني قناعتك نحترمها وسط هذا الكم من الجهل والخرافة ، بس قناعتك من تعميك للدين وتحارب صاحب الحق لأن متدين وانت ضده بالمنطلق الآيدولوجي فهذا عين الغباء ، خصوصاً إذا الظالم والمعتدي التوكف وياه بأرادتك او غيرها هو هم متمسك بمرجعيته الدينية ، فأذا جنت لاديني وتوكف ضد دين بعينه دون الآخر هذا يعتبر لواكه مو قناعة وبكل تأكيد ماراح تصير حر التفكير

في لحظة ما في موقف ما ستتغير ، ستتغير بشكل خارق ستنسلخ روحك من روحك ستكون غير مؤلفاً لنفسك تفكيرك، مشاعرك، اتجاهاتك كلها ستتغير ستكون شخص غريب جدا على نفسك ستفقد اشياء كثيره وتكسب أخرى أحلامك تتغير طموحاتك تتبدل اشخاصك المفضلين يتغيرون الأماكن الطرقات الموسيقى لون ملابسك كلها تتغير اسلوبك تصرفاتك تتبدل عيناك تكون أكثر لمعاناً حتى حنجرتك تتحجر ستكون أكثر برود واكثر غضباً ثم تسأل نفسك اي ذنب يرتكبه الإنسان لكي يصلب هكذا.......!

مخيفة قدرة البشر الهائلة على الايذاء، مخيفة أكثر أنها قد تأتي بأبسط الطرق ومن ألطف الناس .

الكلام السلبي الي نسمعه من الاخرين يمكن ما يكون كلام سلبي بحد ذاته يمكن يعكس نضرة الشخص الخاصة بالحياة و يمكن ناتج عن غيره وحسد واحساس بالنقص و على الاكثر الموضوع الي وجهولك بسببه كلام سلبي ميحتاج هاي المبالغة بالكلام .
و ما ننسى اكو انتقادات هدفها هو نحسن نفسنا للافضل بس هاي قليله ومتجي بس من الاشخاص الي يحبونه و همهم يشووفنا بأحسن صورة ودائما يكولنه بطريقة بيها تحفيز.

بالنهاية اهم شي تركز بالكلام الي يتوجه الك من ناحية منو الاشخاص الي حجو و شنو الهدف منه قبل لا تلوم نفسك و تدخل بدوامة احباط

اغفر لنفسك لأنك قبلت اقل مما تستحق
ثم لا تفعل ذلك مرة اخرى ابداً .

نحتاج إلى واقعية في نظرتنا للحياة؛ فالكمال المطلق غير موجود في هذه الدنيا. لا بأس أن نسعى لتحقيق أهدافنا، لكن ينبغي أن نكون على وعي بأن التعلق الزائد بها قد يُنسينا أن لحظة الفراق قد تأتي في أي وقت.

السعي أمر جميل، لكن الأجمل أن ندرك أن النجاح الحقيقي لا يعني التمسك بالدنيا حد الإنهاك، بل هو في بذل الجهد بما نستطيع، ثم الرضا بما قسمه الله. بهذا التوازن، نحقق طموحاتنا دون أن نُثقل أرواحنا، ونعيش في سلام، مدركين أن العمل في الدنيا هو جزء من رحلتنا، وليس غايتنا النهائية.

اذا في يوم من الايام حسيّت بشي غلط لا تخلّيه يستمر..
اذا في يوم من الايام حسيّت إنك في علاقة تقتلع الأمان من روحك خلّيلها نقطة نهاية..
اذا في يوم من الايام كنت في مكانٍ ما تتطمن له نفسك لا تطوّل البقاء فيه..
اذا في يوم من الايام حذّرك قلبك من شي ما، فاتبع قلبك.. ترا القلوب ما تكذب!
لا تتجاهل تحذيرات صوتك الداخلي، صدّق نفسك دائمًا

الشخص الي ميكدر يساعد غيرة لا يخرب عليه الموضوع الي هو ناوي عليه وتخرب واهسة اما تنصحه باسلوب حلو اما تسكت ( لتقل خيراً او لتصمت ) ..

القيل والقال، مستنقع فوضوي مجرد الخروج منه مكسب عظيم لا يُقدر بثمن

الأيمان بالله مايضمنلك مكاسب بالحياة ولا تعيش غني او يمنع عنك الألم ، هو ينطيك البصيرة تتوازن بيها حتى ماتنهار بالخسارة وماتغتر بالمكسب
الأيمان يمنحك الثبات والهدوء ، هذي القناعة مايدركها بس صاحب العقيدة السليمة البعيد عن المظاهر والمكاسب بالحياة .

السكوت بأكثر الاحيان افضل من النقاش مع شخص تعرفه إنه رح يتخذ من "الاختلاف وياك" حرب بدل من "محاولة الفهم"

كلما تحس نفسك تعبت وطاقتك نفذت تذكر الظروف الي مريت بيها والمواقف الصعبة الي صارت وكدرت تتخطاها تذكر انت قوي وكدرت تتخطى هواي ورح تتخطى كل الي انت بي ( لا تكول طاقتي خلصت مدامك تشتم الهوى ) انت كدها ...

كل انسان لازم يتحكم بنفسه ويسيطر عليها، لا يفرض احكامه على الشخص المقابل "بما يراه مناسباً"
يعني مثلاً؛
أسلوبي مو عاجبك؟ لا تتعامل وياي..
كلامي مو عاجبك؟ لا تكلمني..
شخصيتي تستفزك؟ تجاهلني..
يعني اتحكم بنفسك مو تتحكم بيه

كل الذين اتجهوا إلى الله بأجنحة مكسورة عادو محلقين🍃