شعر Telegram Posts

امس صافن واجيت انت
على بالي
عدت كل ذكرياتي وياك
الرسايل ، والاماكن ، والاغاني
ورديت لأول رساله بيها گايل
ما اعوفك
وللموت ابقى عايش على حروفك
هسة وينك
يا مرض گلبي المايطيب إلا يشوفك

عوف الرسايل لا اتاني گلب التريده
يريد ثاني

عدك التفكير يذبح
مثل واحد باگ بوگة
وطلع من عدها بشطارة
وعاين مضيع هويته
ليش هديت الحلم ؟ توني بنيته
واني محسوبه عليك وأنتَ تدري
السلف من ينعاب شيخة
يضيع صيته
ترجع الهدايا الـ مني أجن !
وأنا الحچي التحچي
الي ضميته

راسه بحضن غيري ودزلي مرسال
متغير يگلي وانتَ عايل
اني عايل ؟

ليش مِن چنت احترك
ما جيت يمي
وَهسة راجع مِن طفيت
من جنت محتاجك شو ما لگيّتكَ
مِنَ بديت انساك اجيت
المثلي مَا يَنعاف صعبة والله
مِنَ روحي استحيت
چنتَ تجرحني وأردلك هم
شفتني يوم اشتكيت وهذا
شارعكم اسئلة شگد
بچيت

ومن باوعت للسما
ما جنت امشي بفخر
خايف يطيح الدمع ما نزلت راسي
ومتريد چدمي بعد يوصل لبيبانك ؟
واللّٰه ماريد اجي
وكون أفقد الذاكرة حتى انسى عنوانك
وكدما عليك سألت يومية
يومية اعرف گمت
اخبار صحبانك

لهنا والنفس مايوكف بلياك انه
الاعز منك للكبر شلته

ممكن تفهمني ؟
ماجاي افتهم
الاحساس العشتة يمك
هذا واقع لو حلم ؟
وتدري بس وياك اضعف ؟
اني من جاهل حرك
ليش يمك بالسوالف ارتبك
واني قبلك چنت احس روحي وحيد
ومو شرط تگعد بصفي
ونوگف نسولف سوية
والله افرح
لو المحك من بعيد

ياحبيبي
وخاف يبعدنا الزمان
روحي لغير روحك ماتحب
انتظرني اليوم باچر
بلكي لو صدفه التقينا
انه اعرفك
وانتَ تتذكر ضحكتي ومستحاي
وانه لو ميت اعرفك مااتيهك
وياحبيبي ارجوك لاتنسى السوالف
والعشك
لابد يمر القطار الـ بيه عرفتك
هناك يم أخر محطة انتظار
باقي أحبك

تضحك عليه لان
اسأل على اخبارك
جان من شفتني احترك
طفيتني بنارك
بس انه صوجي
وجنت محتفض بأسرارك
تاخذني للمشنقه وانه اخذ بثارك
ذبيتني من الصور خليت بس روحك
و حايطكم شكد وفي
ماخله بسمارك