حُر

شكُر خاص لجعفر لأن
يعدل المزاج دائمًا .

أصعب المقاومات واكثرها تعبًا هيَ الي تصير بين القلب والعقل ، هذا يجُرك هيج وهذا يجُرك هيج ، گلبك يكُلك طب لهل درب كافي تعبت انتَ ، وعقلك يكُلك هل درب بدايته حلوه بس نهايته متروسه طابوگ وانقاض وضلام وطريق مقطوع حتتعب اكثر اذا دخلت بي ، التوتر الي يصير بين نزاعات العقل والقلب كأنما عشر ثواني تتنازل ببطء الى الصفِر ، ولازم تختار طريق قبل ميخلص الوقت لان اذا خلص الوقت مادري شنو حيصير .

بس شنكول ، كُلكم عيوني

ما ضرَني بُعدٌ ولا هُجرانُ

قُل للذين تغيروا وتنَكروا

اغلب المشاكل الزوجية والعاطفية تبدي بالعناد وتنتهي بي
علاقات حلوه مدتها سنين تنتهي بسبب العناد، وهالمرة مضطر احمل اغلب السبب للمرأة.
مشكلة من تتعامل المرأة بعاطفتها فقط بدون عقلها، الانترنيت والمجتمع رسخوا هالفكرة بداخلها وخلوها تؤمن بأنها عاطفية فقط، بالمقابل الرجل عقلاني ومنطقي اكثر، وهاي المعادلة هي السبب بالمشاكل النشوفها حاليًا
العاطفة بدون عقل ما تفيد والعكس صحيح،
فمن تجين تعاندين هنا دا تتعاملين بعاطفتج بدون ذرة عقل، لأن لو شغلتي عقلج اول قانون راح تشوفي كدامج هو ان العناد صفة تهدّم رجولة الزوج، راح يگوم يحسج رجل آخر يعارض كلامه، وهنا الزوج مستحيل يسمح برجل آخر بالبيت وتبدأ الخلافات.

ربّ الأسرة مفهوم أنعدم عند البنات الي وعن واتثقفن على الأنفتاح الغربي الخبيث الصدروا الهن عن طريق السوشل ميديا والمسلسلات والقصص الوهمية.
ربّ الأسرة هو رجلج والسند الوحيد المتبقي الج بمعادلة الحياة الصعبة، وهيّ صفة القوامة المذكورة بالقرآن، التميّز الذكر عن الأنثى
أي محاولة منج لأخذ هذا الدور،
غريزيًا معناها هددتي رجولته وبديتي بمرحلة العناد بالقرارات وهالشي ما ممكن أي رجل حقيقي يتقبله.

طبعًا اكو استثناءات لكلامي، وحده منهن أن زوجها احتمال يطلع مو صاحب مسؤولية، واحد فاهي لا يحل ولا يربط ولا إله أي دور رجولي، هنا من حقها تصير ربّة الأسرة هيّ لأن العينتين ما ماخذ دوره الحقيقي اساسًا، وطبعًا من حقها تعاند وترفض اذا جان قرار الرجل ضد الدين واللأسس الأخلاقية، وهذي حالات شاذة مو بصدد ذكرها حاليًا.

ما أنكر أبدًا أن المرأة غير قادرة على أن تكون ربّة الأسرة، بالعكس تكدر لكن من تكون الأسرة خالية من رجل حقيقي، بهل حالة فقط، أما بوجود هذا الرجل، يسقط دورها بالزعامة وإصدار القرارات.

الزواج مشاورة مو مشاركة، يعني تتشاورون بالقرارات لكن اليصدر القرار هو ربّ الأسرة فقط، من تنضجين لهاي النقطة وتتقبليها بدون تذمر او إنزعاج، فأنتِ بديتي تفهمين اول نقطة بعالم الزواج والعلاقات الصحيحة.

وكلكم عيوني.

محَد يعرفلهن وأحچي عَنهن
البية هوَاي أحس مَا أكدَرلهن .

انه البيه اذا ينكال
اخلي العاجر تكره الخلفه
حقها الناس
ماتعرف بضيم الناس
لو تعرف يجوز تكوم
حتى الليل ما تغفى
انه بيه تعب ما شايفه الحمال
بحيث الروح كامت تطلع من الروح
الله يساعد الغرفه!.

- يطوي الانسان صفحات كثيرة من كتاب حياتهُ احيانًا

خوفتني من گمت تحچيلي
كل الليل عن حُبك الاول
واسمه تارس كل حچينه
خوفتني من گتلي فلان
چان يحبني حيل وانه احبه
وابد ما نستاهل الصار بينه
هذا كله وانه ساكت
گِتلي أحبك
وانه حسيت انتهينا
گتلي احبك وانت كاعد
تسمع اغنية حـزينة

أنا في سطح منزلي الان بملابسٍ خفيفة والرياح تضرب جسدي مثل الأسواط إنها حقًا مؤلمة، برودة الجو هذهِ تـذكرني ببرودك معي
وبعد ذلك أخرج الى حديقتي المتواضعه أنظُر لأزهاري
هناك زهرةٌ بينهم حقيرةٌ جدًا زهرةٌ ذابلة في كُل مرةٍ اعتني بها
لكنها ما تزال ذابلة تلك ايضًا تـذكرني بك
ثم اخرج الى خارج منزلي هناك قطط تأتي في هذا الوقت
هيَّ لطيفة معي لأني اعطيها الطعام كُل يومٍ
لكن بينهم قطةٌ سوداء غبية تحاول عضي وتأذيني في كل مرة
رغم مساعدتي لها ،
السؤال الذي يراودُني في كُل مرة
لِمَ أذكُركَ في كُل ما يؤذيني؟

هيَ روح حيدرةٍ ومُهجةُ احمدٍ
بل أنها الخلقُ الكريم الأولُ
خيرُ النساءِ بل خيرُ من وطئ الثرى
من دونها رُفعَ السِّماك الأعزلُ
عنت لها الأيامُ فهيَّ شواهدُ
تمضي على آياتِها فتُبجِّلُ
آلاؤها هبةُ الحياة وفّضلُها
في الكائنات على المدى مُتطَّولُ
ولأجلِها إبتلج الصباح ونورهُ
وأنضَم ليلٌ في المجرة اليَلُ
ولُحبها خلقُ الجنانِ وسُعرت
نارٌ لشائِنها تشوه وتنكِلُ
ساد الورى أجدادُها وبها على أجدادِها أبنائِها قد فُضِّلوا

صور الألبومات القديمة تنطيك شعور غريب، تفصلك عن الواقع لثواني معدودة، بهل ثواني تقرّب الصورة على ملامحك، يمر عليك شريط الطفولة، وفجأة يجيك حنين على كسران خاطر لشخصك القديم الموجود بالصورة، قبل ميدخل بمعمل الحياة المتعب وتتشوّه ملامحه، شعور أنك تشوف ورقتك البيضة قبل ما تتلطخ بسواد الدنيا
شعور غريب.

وكلكم عيوني.

علي متزوّج، يوم من الايام طلب الباسوررد مال موبايل مرته، اعترضت علّي وماقبلت ، كلها شتريدين تضمين عليه؟ ماجاوبته وراها عافت البيت واتطلكت منه بعد زواج امتد خمس سنين بطفلة صارت ضحية شك

واحد خاطب وحده بعد شهر يتزوجون ،كاعد يمها اجتها رسالة عالواتس من شخص دازلها صورها ، بقت صافنة بعين خطيبها كلتلة والله العظيم ماعرفه منو، كلها لتحلفين مصدك بيج
وره فترة عرفوا صاحبتها هيج مسوية لان تغار منها ،اجتي گالت لخطيبها انت شلون صدكت بية واقتنعت بسرعة ، كلها لان عندي ثقة عالية بيج لا أكثر ،

ياسمين لكت بموبايل زوجها وحدة دازتلة رسالة "تسلملي" تابعته وره فترة سمعتة يحجي وياها ،زعلت منة وراحت البيت اَهلها بالاخير طلعت نازحة يساعدها هي وجهالها حتى بس تدعيلة مرتة تصير زينة لان عدها عملية بعد اسبوع

اكو فرق جبير بين الشك والغيرة تحت اَي مسمى ،أب وبنته، أم وابنها ، اخ وأخته, او ارتباط زواج او صداقه
الغيرة المنصفة دليل عالحب،
الشك بالمقابيل دليل عالنقص

هيج مشاعر حقيقية، اذا ما واثق من الشخص التريده، انهي تجربتك وياه اول وتالي مثل هالعلاقة يبقى محكوم عليها بالفشل
مامجبور شخص تحسسه 24 ساعة غلطان وياك ولازم يبررلك كل تصرفاتة حتى متفهمه غلط ،

السجن الحاط بي أغلى ناسك يجي يوم راح تخليهم يكسرون بابة ويطلعون يشوفون حياتهم،
الحب والاهتمام مايكتبلك قصة تريدها بداخلك

"من الثقة والتفاهم تنكتب النهايات السعيدة"

وكلكم عيوني.

مشكلة جبيرة من تقنّع روحك راح تجيك مكافأة على الشفته بحياتك، وكفتك على حيلك بعد كل وكعة، على كل معاناة عانيتها، على كل اعتذار انتظرته وماصار، على حجاية اتحملتها على وضع انحطيت بي واضطريت تكمله لأن ماكو حل ثاني غيره.

تحس الك حق جبير ودا تنتظره
من مايجي بوكته راح يتضاعف، وتغالط بروحك وتنتظر عدالة السماء،

ببساطة الحياة مو عادلة او بمعنى اهم احنه شايفين العدالة على كد نظرتنا القاصرة .
الأمور العشتها ماجانت ثمن دفعته وتنتظر مكافئتها، الشي الراح درس مهم ومجموعة تجارب القصد منها تبقى الشخص الي هو حاليًا نفسك انت.. بكل قوتك وصمودك

اذا اكو مكافأة انتظرتها فأنت استلمتها، اذا رايد تشوفها باوع على نفسك بالمرايه

تفقد هواي من گلبك حتى تكمل بيها جزء من عقلك
هاي معادلة الحياة.

وكلكم عيوني.

لا تراقب لا عاد المكان مكانك
ولا المكاتيب مكتوبه لك

هذا الوقت يَشبهُنا ، عبارة عن
رقمان متشابهان يقفان بقرب من
بعضهمها ، لذلك احبه .

١١:١١

أي انسان من تحس انت شايفه من جوه ومن بره وتكدر تحدد نقاط جماله الحقيقي بعيداً عن الغريزة التقيّد مشاعرك الفعلية
وتكدر تتفاعل وياه بظروفه وحالته النفسية، ساعتها راح يبين التفاهم والانسجام اليخلق اجمل حب ، بقت الطرف الثاني اذا مشى وياك وشافك تتعب اذا قدر تعبك وحرصك وخوفك وحُبك ، هنا راح يتأكد وجود الحُب

وكلكم عيوني.

وي غيري الضحك واصل لسابع جار
وتجي يمي حزين بكل تفاصيلك

بچيت ومابرد گلبي
أحس بصدري شي أسود
قبل لا نام يخنگني لان ماسولفت
لأحد

و أي واحد يسولف يلچم جروحي
ومن گد ما دخت يا ناس
صافن بالمراية وما شفت روحي

مدري شلون عايش مدري شمتاني

ياريت الله ياخذني گبل لا ياخذ
اخواني
وبصدري سوالف ضاله بصدري
و افتر بالشوارع دايخ ومصدوم
لو صاروخ يوگع يمي ما ادري

راجع نفسك وتقصيرك وياي
لا بعدين غيرك ينتـهــزنــي

شغيرك هيچي عليه ؟
وحدي عايفني شجاك
وانه ذاك العاف ناسه
وبقى يركض بس وراك

من يا ليش ابدي وياك
وانتَ بكل عِذر چذاب

الطاحتلك گبل هلمره متطيح
الجرح من ينفتح ما خيطه مرتين
بعمرها حجايتي ما صارت ثنين
بعد يم گلبي صدگ ما اخليك
اشلعك لو صرت ويه الشرايين

انُ تكون متعود على شخص ، متعود تشوفه بكثرة باليوم تراسله وتخابره هواي فجأة يبدا يتلاشى هل شخص يبدا يقل وجوده باليوم من ١٠٠٪؜ وينزل ، ينزل الى عشره بالميه يمكن ،

مثلًا اليوم ٢٤ ساعه تنطي ١٠ ساعات نوم يبقى ١٤ تنطي لدوامه ٧ يبقى ٧ تنطي من ذني السبعه خمسه اله ، يمكن عمل او دراسه او الى اخرهِ من الاسباب تطلع اخر شي بساعتين من هل شخص ، ساعتين من اصل ٢٤ ساعه تطلع بنسبة ١٠٪؜ او اقل ، مقارنة بقبل ١٠٠٪؜ ،

هذا الشخص غايب بيومك سوالك فراغ بس هو. بالحقيقه موجود ، مُمكن تكون مقيد بهذهِ العلاقه اذا كانت حُب متكدر تنهي كلشي ولا تكدر تبدله بثاني لان حيطلعك غلط حيكلك أني موجود بس عليه ضروف عليه لود

هذا هو
شعور تعيش غياب شخص موجود .

و يا عفو الله شكد قبيح هذا الشعور .

شعور تعيش غياب شخص موجود .

أنه ادخل حروب تخوف الميتين
وما هزتني لو خاسر
أنه الهزني كلامك ذاك الأخطر
من وره الساتـر

عظم الله اجوركم بالمصاب الكبير
ولم ننساكم بالدعاء والزياره ان شاء الله

گضِت عَازة صوّرك بعد ما أمرها
جگار‌ة گبال أبوّي و واجِب أشمُرها .

" كم قلت أنكَ خيرُ من عاشرتهم
فأتيتَ أنتَ مُخيبًا آمالي . "

(الهي ماذا وجَدَ من فقدَك، وما الذي فقدَ من وجدَك).

هذا السطر فيهِ من البلاغة ما يكفي لكي يُعادل كتُبُ دينية كاملة، سطر ذو معنى عميق جدًا وقالهُ شخص عظيم جدًا، شخص لَنُ يُكررهُ التأريخ مُطلقًا
فكيف يُمكن تكرارهُ وهو أبا عبدالله الحسين بن علي (عليهِ السلام)

الهي ماذا وجدَ من فقدَك ؟ ومعناه أن فقدان العبد لخالقهِ (الله) لن يسد محلهُ أي مكتسب قد يكتسبه هذا العبد، وسيبقى ما وجدهُ من الدنيا هو الفراغ لأنهُ فقدَ علاقتَهُ مع ربهِ.

وما الذي فقدَ من وجدَك؟ ومعناه أن الذي يبني علاقة قوية مع ربهِ ويجد الله في قلبهِ وفي أعمالهِ وفي إيمانهِ ويتضرع لعبادتهِ فأنهُ لن يفقد أي شيء مهما كان.

هذهِ البلاغة وهذا الإيمان لا يصدر من شخص إعتيادي، ولا يُمكن أن يصدر من غير الإمام الحسين.
يُعلمنا هذا الشهيد الشُجاع درسًا آخر من دروس الحياة، فلم يكتفي بالثورة ضد الظلم ولم يكتفي بأن يغرس في عقولنا ومبادئنا أن لا نصمت على الحاكم الظالم ولم يكتفي بأن يُقتل في سبيل إستقامة الدين، بل علمنا أن العلاقة مع الله هي أساس الدنيا والآخرة، وأن لولا علاقتهِ العظيمة مع ربهِ، لما إنتصر هذا الإنتصار العظيم الذي إستغرق ساعات قليلة، ساعات نستذكرها كلَّ عامٍ وعلى مدار ألف واربعمائة سنة.

هنيئًا لكَ الجنة، وهنيئًا لنا المضي في ثورَتِكَ (منهجًا وفكرةً) وهذا والله ماكُنتُ تطمحُ بهِ في دين جدِكَ رسول الله.
فأشهدُ أنَّكَ ولدتَ حرًا ومُتَ حرًا يا أبا عبدلله، وأن لا يوم كيومك يا أبن فاطمة، وأشهدُ أنَّكَ قاتلتَ من أجلنا، فأشهد لنا عند ربِكَ، إننا ماضون على دربِك.

حُـر

كعدت ويه واحد عجبك لبسه وشكله وحسيت براحة من اتناقشت وياه، هذا الشي اسمه قبول
شفت مميزاته وعيوبه وتفاصيله الخاصة وشفت جوانب حياته واتقبلتها ، هذا اسمه توافق
تزوجتوا وصرتوا واحد يقره الثاني، هذا اسمه تفاهم
عشتوا بسعادة بعد كل ذني الأمور، هذا اسمه حب

الحب نتيجة نهائية ، مو أول خطوة.

في حُبها حسادي
تكثر اللوم
وهيّ ورا عوج الضلوع
إستقرت

كل إنسان عنده لونين،
أبيض وأسود، مرات الإنسان ينرفض بسبب مميزاته مو بسبب عيوبه، مرات محبتك تصير چبيره على فلان او عطائك يصير اكبر من قيمته، او تلگاه ما مصادف گلب نظيف مثلك وما متعوّد على صدق المشاعر، اباله الناس كلهم خاينة وكلهم مو خوش اوادم، العاش عمره متعگل بناس غلط ما يفهم قيمة الناس من يقابلهم، مثل ما تلكه بشر يرفضون النعمة راح تلكه بشر ترفض الناس الصح.

اشلع رموش العين
واكتب حروفك
ترخص عليك الروح.
بس كون اشوفك

واريدك من نفوت بشارع الشمات
ياهو الي تشوفه احضني بعناده
تطغي عليه اريدك بالنشد والشوف
مو تمشي ويه غيري عليه تتماده
احبك يا سمار الكاع وكت الكيض
شفت غيرك ذهب بس كلبي ما راده
اباتً بالقلق من ما يجي المرسال
مثل عامي وينام مشتم الساده ،

رَبي اخُذ عُمري
وانطِـي للي يريد يعيش
بعد ما اريد اعيش العُمر مليتَـه
رَبي ما نعترض بس موو عيشه هاي
شني بني ادم يختنگ لَمن يطُب بيتـه؟

https://t.me/vmkb2/s/128

شلون تبخَل على المجروح بعلاجه
وشلون گـَاواك گلبك على رده وصَده؟

خلقره عمي يا لعبه انتوا ، مو هاي امتحانات وفلسطين وسوريا صدك جذب بيباي

شلون مياو حلوة😔🥹🥹

تصبحون بهيچ شكولات انتوا لو بس أني 🥹

الله ساتر القندره الي براسه
وهو مُصر يثبتلك انُ براسه قندره
مو عقل

بـــوت التواصل الخاص
@vmkb2Bot

فوگ الدراسه والقهر
أگعد من الغبشة انتظر
وما أدرس لحد الظهر
چَي حاير اكتبلك شعر
يسمَر يبو عيون السُمر

چثيره الليش ولياريت واليمته وشحيح انت

وبعد ما تسوى اضمك ما إلك عازة
منو يضُم الغطه الجاي من الجنازة

وتره مو يوميه أعلمك هذا ماي وهاي نار

بس شغله صغيرونه
انتوا الي تقرون النصوص الطويله الاكتبها
عدكم علم شكد احبكم؟

الحاجة إللي مَحدش
يعرف عنها حاجة ، بتدوم .

يجون يگلوك ها تغيرت وتكبرت وانغريت ، هو طبعاً انت مو مثل انت الاولي طبعاً احنه نكبر ونتغير وننضج ، واحنه ما نتكبر احنه نكبر واحنه ما نتناقض احنه نعقل ، بكل بساطة الله سبحانه وتعالى خلقنا حتى نمر بمراحل مو نبقى ثابتين بمرحلة، حبيبي احنا بشر ، مو حجر ف من الطبيعي نتغير وهذا ابد ما اسمى تناقض وابد ما اسمى تكبر او غرور شايف شون؟ ف طبيعي نتغير

يارب
أنت عليمٌ بحالي وضعفي وصِحتي وطاقتي وتحمُلي وقوتي وبما في قلبي وما اخفاهُ صدري انت عليمٌ بذنوبي وابتلائي اللهم ما أبعدني عنك إلا الشيطان فإبعدهُ عني
اللهم انتَ حسبي و وكيلي وكفيلي اللهم ان رحمتك وسعة كُل شيء ، اللهم ذنوبي وافعالي ماهيَ الا من صفاتي الحديثه وما رحتمك وغفرانك الا من صفاتك القديمة ، اللهم هل أصبحت حجم ذنوبي اكبرُ من رحمتك؟ ام قَل عفوك وغفرانك؟
ام بخلت بها عليَّ وليس البُخل من صفاتك ، اللهم إني راضٍ بعدلك وبحُكمك وقضائك وما أسأُلك إلا اللطف فيه ، إني وكلتُك نفسي وخرجت من قوتي الى قوتك ومن طاقتي الى طاقتك اللهم إني وكلت نفسي لك بهمومها وما آذاها امامَ جميع خلقك وعبادك المؤمنين

اللهُم لا اسألك ردَّ القضاء بل اسالك اللُطف فيه . اللهُم صلي على محمد وال محمد

ما حاجه تطعن بعدك ، طعناتك مكفيه
وكلهن بگلبي اجن ما تشتبه عفيه

دم ليلة عرس ما ينوخذ ثارك

روحتك لو بيها صالح ، مابعدني لهسه اذكرك

گلبك مو الي عندك فراغ وجيتني
تجاملني جنت بعشرتك مو من صدك
حبيتني

عيش براحتك وانه بضياعي

يلا الحمدلله عدت بخير
أني لحزني اروح وهمَ للغير

ريت الگلب يعنت و أعته
واشلع ضلوعي وياه سِته
لو ينمرد بيدي مردته
وزَتـَـتّ حِطب للنار ازته

فَ ليتَ اللِقاءَ يكونُ يَقينًا
و ليتَ الفُراقَ حديثُ مَنام .

انا جروحي سوالف بيت
ما اگدر اطلعهن

مهما كانت قوة علاقتي بيك ، حبقى اگول عنك شخص مؤقت ، مهما سهرنه سوه وطلعنا سوه وضحكنه حبقى اكول عليك مؤقت ، مهما ساعدتك وساعدتني حبقى اكول عليك مؤقت ، لان هذا الواقع كل انسان يدخل حياتك هو شخص مؤقت ، ماكو ورقه ماتذبل يجي يوم الخريف الي توكع بي على الأرض شئت ام أبيت ، ممكن زميل دراسه ممكن زميل عمل ممكن شخص عابر عبر مواقع التواصل، انتَ شخص مؤقت ، لازم يجي يوم وتروح هذا واقع الحياة المُر ممكن تشوف مكان افضل من مكان عملي وتروح، ممكن تنتقل بغير دوله او محافظه وتكمل دراستك، ممكن عيونك تنعمي وتشوف احسن مني ويغرك مضهر لو يغرك حالة ماديه اذا جنت فگر ، او ايشي ممكن اكون أني مو زين وياك وهاي من سابع المستحيلات ، لان اني مادامني متاكد انُ انت شخص مؤقت ف اتعب حتى يبقى ذكري وتصرفاتي وياك حلوه حتى من تروح تستحي من نفسك وتكول جان زين وياي بس أني حليبي مو طاهر ،
فَ رباط سالفتنه انتَ مؤقت واني ادري بيك حيجي يوم وماشوفك بعد ، ف من تروح ابداً لا تتوقع مني اجيك وتوسل ! ولا تمثل دور الضحيه والمكسور لان أني وياك دافني سويه .

والله يَعْلَم وَأنتُم لَـا تَعلَمُون .

لا رغبةَ لي بك بعد الان يمكنك
توزيع نفسك على المحتاجين .

- محمود درويش

لا تحبلك واحد يروح ،لان هذا يروح ويشلع گلبك بعدين لا تحبه ، تسمع فلان يسولف فلانه ، بالخواطر بالقصص بالوجدنيات نسمعهم يكولون ، حبيته وراح وعافني ،
هو يروح من البدايه عندك فكره براسك هذا البشر مؤقت وانت تدري عليمن تتعلق وتعب رويحتك بعدين يابويه ، وهذا مهم الموضوع تره ، لا تنطي وجودك و وقتك لواحد انت تدري بي ما يبقى

الامام عَلي سلام الله عليه يكول احبب حبيبك هوناً ما ف عسى ان يكون عدوكَ يوماً ما ،
على كيفك

وانه شضال بيه وچملتني فراگ؟

هَلي انتم سبب حزني
عكس ماريد تدعولي علمصلا
طحت طيحة دمع علگاع
محد گالي اسم الله .

يلخذت وِلفــي هواي غيره
عوفـه وتعــال اخذ العشيره

الدگيتها بصدري اهضمتني
مخطوبه گالولي ونسَتني

صَلاح المنصوري 😮‍💨💔

My dear♥️

أن يكون لِي شخصٌ
‏يتقبل خوفيّ الدائم
ويعرفُ كيف يجعلني⁣ أطمئن
‏شخص كل ما أعرفه عنه⁣
‏أنهُ مفهومي⁣ ‏لـ الأمان .

كبار وعادي من تكرهنة الصغار
إندوس الباعنه هو وچــبيره
ولأن بالمدرسه العاقل يقدموه
نگعد چنه بالرحلة الأخيرة

اخر جمعة في هذهِ السنة
اللهم اجعل السنة القادمة مليئة برحمتك وعوفك وغفرانك ، اللهم امنحنا القوة في كل شيء ، قوةً في تخطي ماضينا وقوةً في البدن وقوةً في الذاكره ، اللهم امنحنا القوة في كل شيء ، اللهم نسألك العفو والغفران انك ارحم الراحمين

اكبر غلط تسوي بحياتك تعامل الناس بأصلك ، شوف اخوانا الفلسطينين مثلاً من عاملوا اليهود باصلهم وبحسن النيه وبالطيب والاخلاق في بداية الواقعه بيمن جازوهم؟ بالقتل والدمار ف اكو هواي ناس مثل اليهود تنطيهم زين يردوك بشين
ف لا تعاملهم بأصلك عامل الناس بما تستحق يستحقون احترام احترمهم يستحقون إهانه هينهم
لان انت نيتك طيبه وهم نيتهم خبيثه ف لا تنخدع هاي مثاليات ممكن تضيعك

وكُلكم عيوني

خـلنصحه

كانَ ينقِصُني أن أكونَ نبيًا.

حيرة التهي بطعنتك
مدري التهي بثارك
وشتكول اضم الحچي؟
لو سولف اسرارك؟

الليلَة بَاردَة
‏تَعال
‏وكُون لِي مِعطَفًا

الما يندّل خيَالي بروحَي ما أخليَ
وما يرهمّ عليه لو نِفس جيته
التعداني بحِلم يلگاني عابُر ليل
الفجر گبل الشمسّ بعيوني وشلته
الما يشتاگلي ينترس حضنه فراگ
على الملگه من أسَولف ما تذكرته
الشَهيد عليَ رِشمّ .

اليحبَك مِن صدگ لو سَهم يتلگاك
شيلمه الگاع تصغَر لمن تودعَه
اليصير مرايتَك يندَل حَسرتك وَين!
ويعرف وَين بيك مچودرَة الوجعه
اليضفُر حيرتَك بچفوفة تلگه أعذار
الحَنينَك بي يطَشر يعرُف يجَمعه
الشَهيد عليَ رِشمّ .

لمَّرةٍ واحدة
يُريد هذا القلب
أن يفرُدَ قدميه
على مكانٍ يؤمن بـ أنهُ له
دون خشية الغفوة على كُل شيء
واليقظة الخائبة
على اللاشيء .

اتوفى قبل 3 سنين واحد بالفرع الجنت ساكن بي، ما اعرفه منو سألت عليه كالوا مأجر بالفرع صارله 5 سنين، كاعد بغرفة هي وملحقاتها طابق ثاني، بوقتها عايشين بفترة الوباء، اتخوفوا اهل المنطقة خاف بي كورونا ومات، حسيت تجاهه بنوع من العاطفة رغم ماشايفه، كلت لصديقي يونس خل نصعد يمكن متخربط لو بعده بي نفس ، المأجرتله المسيحية ردت: لاشفته ميت حركت ايده نزلت على الكاع ، طريقة كلامها والدموع وبجيها من شرحت نهاية الرجل الغريب بيها الكثير من العاطفة والصدق كأنه تذكر آلاآم المسيح، صعدت اني ويونس فتحنا الباب، الباب بيها شباك جامته مكسوره مغطيها بخاولي ماروني رطب لكينا جثة الرجل الغريب نايم على فراش اسفنج. ومخدتين جوه راسه وحده منهن خاسفة بسبب طويها وهذا الشي بسبب القلق والسهر والتفكير اثناء النوم تبقى تكلب بمخدتك حتى تقنع نفسك بأكثر من وضعية يمكن من وراها تنام

الرجل عمره بالسبعين طوله تقريبًا ١٧٠ ، ضعيف جسديًا ومدخن شره شفت فوك قنفته تكّه جكاير ايسي نعناع بيها ٤ باكيتات جدد و٣ باكيتات يم راسه واحد مفتوح باقي منه ٦ جكاير والثاني سرمهر والثالث مأخوذ منه بس جكارة بحكم نسيانه للباكيت الاول يمكن خلصان والدليل الباكيت الاول بي رماد جكاير وكطفين موجودات بداخله برغم وجود ٤ جكاير جدد، غرفته جانت بسيطة وحزينة، الطباخ علّي جذر بي شوربة عدس ناسي وصلة الطباخ عالقبق ، وكرصتين خبز حاطهن بجيس نايلون وحاصرهن بالقنينة ، اقتربت على جثته وباوعت بوجهه بجيت علّي ويونس رغم حياته القاسية العاشها والمفروض تخلي صلب بمواجهة الموت بجه اكثر مني وناح مثل طفل ضايع بسوك، من هدأت وبدون ارتباك وتردد وخوف واشمئزاز لزمت ايدي، ايده اليسره نحيلة وبمعصم ايدي استغربت يمكن بيها شظيه باقية من حرب الثمانين، عدلت نومته الابدية وطلعت من جيب دشداشته الزركه ٢٢ الف وجنسيته الكابسها مرتين وبعدها مهترئه وصورة لبنية شابة، مو زوجته يمكن بنته لان صورة جديدة، صورة شخصية لشابه عمرها بالثلاثينات
المشكلة ماعنده موبايل نتصل بأحد من اولاده او معارفه.

عدا الامور الذكرتها ماشفنا شي ، بقينا اني ويونس فوك الساعة بغرفته قبل مانچفنه بقماش ابيض وناخذه بسيارة احد الخيرين بالفرع، من نزلته بيدي اجتي سيارة شرطة بيها ضابط وشخصين وياه شباب طيبين استفسروا وعرفوا الموضوع بحيث اتأثروا واجوي ويانه دفناه بمقبرة الغزالي بالشيخ عمر، رجعت وراها لحياتي، التهيت بالدراسة واعمالي الخاصة بس باقي ببالي الرجل، رجل عاش سبعين سنة ونهايته يموت وحده يجي غريب يدفنه ومحد من عائلته وياه.

اليوم الثاني والثالث والرابع اشتغل وميروح من بالي، وصارلي واهس بس ازكي اي شي الله خالقة تفوت بزونة اصبلها مي ببطل مي صغير اكصه واترسه واخلي ، افتر على اي سندانة اشوفها كبال المحلات بيدي بطل مي واسكيها، اشتريت من سوك الغزل اكل للحمام ونثرته على رصيف شارع الرواد علمود ياكلن الحمام بتموز،

اليعرفني ماكلي شدسوي، شكرني واستغرب بيهم مايعرفوني كلي بس ممنون،
بقيت شهر مو طبيعي. يومية اطلع ارش اي زرع وورد اشوفه كبالي بحيث وصيت ٤ سنادين من بيج عالفيسبوك، صاحبي ابو مشتل بالأعظمية، جابولياها يومية اسكيهن، خابرت ابو المشتل ثاني يوم كتله اريد بعد ٢ لكن حطلي بيهن بس بذور.
بقيت اسكي بيهن نفسيتي ارتاحت وكل زرع سكيته بده يخضّر والشوارع صارت احلى من قبل ٣ اسابيع وبده گلبي ترجع نبضاته طبيعية بعد شهر من المراجعات يم الدكتور علي آل ياسين.

اجيت وره كم يوم شفت البذور طاكه وكبرانه وابو المشتل صدفة جاي قريب على مكاني ،
كلي شوف شكد حلوه زهرة الأوركيد الطالعة ببياضها وحمارها المتداخل بعمقها،
ذكرتني بزبون عايش وحده جان ياخذ باقة لبنته المتوفية كل شهر يروح يخليها على كبرها.
مادري وين راح صارله شهر ما جايني.

وكلكم عيوني.

فگست عيوني من شافنك تخون
عبرت السالفه وماچني شفتك
وعميت وعيرتني وكتلك تمون
اشوه شوف عيني ولا سمعتك
انه المن تغورگ عينك نصيح
تطيح بيوت اهلنه ولا دمعتك

الأثر الذي لا يُمحى
النور الذي لا يُنسى .

لتدوّر الأحسن لأن الأحسن دائمًا أكو أحسن منه، والأغلى أكو اغلى منه، والأقوى أكو أقوى منه والأجمل أكو أجمل منه

دوّر على الأنسب، الي عنده من كل الذكرتهن جزء،
هذا الشخص يجي مرة وحده بالعمر.

وكلكم عيوني.

و بديرة سَمارك خاطري أتوسد .

أنا إمرأة عراقية جَنوبية
أبدأ كلامي بـ چا
أُخفف عن حُزن الآخرين
ولا أُجيد التخفيف عن حُزني
أبدأ كلامي
بـ "هيَ الدنيا ما تسوى يَبعد أمي وأبوي"
أستمع إلى الشِعر لـ مواساةِ حُزني
أبديها من كريم منصور ثم علي رشم ثم جبار رشيد وأنهيها عند الحَبيب سمير صبيح
عِندما قال :
من صارت صدك
ردتك ولو حاجوز
وغصب عذرك قبلته تخاف تتعور
بزلاتك أضُم
ردتك ضميري تصير
وچذبت الصدك حتى إنتَ ما تخسر .

بنِص الهوسه بايگ بالي .

الحقيقة مَفيش أحلى من إنك تلاقي حد مبسُوط ليك ، ومبسُوط بيك ، ومبسُوط منك .

- هَيبقى صعب أوي إنك تلملِم نفسَك ،
فمَـتخليّش حَد يبعثرَك بسهولَة .

مفيش حاجة مهونة عليا مشاكلي غير اني ساعات مبفهمش ان دي مشكلة اساسا .

_

_

هذا الخط الي مستخدمه هنا

_

يُمه ارجوج
واترجاج
ضميني بسوّاد الشيلة.
الليلة أموت
الليلة آخر ليلة.