السلام عليكم يا شباب
المعلومات بخصوص الحاجات الادارية زي صلاحيات الامتحان و شهادة الecfmg الخ ارجع للمصدر الرسمي و هو موقع الecfmg الرسمي عليه اجابه كل الاسئلة اللي بتتسال لان المواضيع الادارية بتبقي فيها حالات و تشعب و مش هتلقي حد ملم بيها بالكامل, الامور دي ارجع للمصدر و تقدر تتواصل معاهم هاتفيا او بالميل و هحط ليكم الاتنين بحيث لو حد عنده استفسار, فخليك حريص عموما و انت بتاخد اجابة تتاكد من مصدر رسمي متاخدش علي اجابة اكونت عشوائي علي تلجرام متعرفش حتي اللي وراه مين يعني كذا مرة اشوف كلام مش مظبوط عن تغيير فلوس الامتحان (مش معلن هتبقي امتي لحد دلوقتي كان المفروض اول السنة دي لكن اجلوه لاجل غير مسمي و هيصحبه زياده في فتح سعر الحساب), او انها ترجع بسكور ستب ون (و مفيش كلام رسمي حتي علي دا), الكلام دا بيبقي ملوش اساس ناس عشوائية بتتكلم علي جروب عشوائي ردد الموضوع و خلاص و ناس مش عارفه تبحث هتنشر المعلومة علي اساس انها حقيقة, و غير كدا الامور الادارية ممكن تتغير و طالما انت مش ممتحن و لا ستب فشاغل نفسك ليه بتفاصيل تفاصيل التقديم الحتة دي وجهة نظري الشخصية و هي ان كل مرحلة و ليها اوانها انت في ون ركز تعديها في تو ركز تجيب اعلي سكور دا المهم ليك كل اجابة هتاخدها في سؤال في الاداريات هتلقي عندك سؤال تاني و حقيقي الموضوع دا شوفته بيعيق ناس كتير انها متبداش الصورة العامة طالما عرفت في نظري يكفي لانه مع كل حاجة بتخلصها اللي بعدها بيبقي اوضح يعني مثلا ليه تتعمق و انت طالب لسه في تفاصيل الفيلوشيبس و انت حتي ممتحنتش حاجة بالنسبة ليا بتبقي اولويات يعني خلص اللي تقدر عليه من بلدك و فوق للباقي بعدين لما تبقي في الماتش ابقي شوف التفاصيل دي
دي طرق التواصل مع الecfmg رسميا
For general inquiries and correspondence, contact ECFMG
By telephone: +1 (215) 386-5900, Monday through Friday, 9:00 a.m. to 5:00 p.m., Eastern Time in the United States
By e-mail:
[email protected]و دا الموقع الرسمي الخاص بيهم
https://www.ecfmg.org/
و ممكن تكتب سؤالك علي جوجل لو بسيط زي صلاحية كذا ايه و هيطلع ليك لينك اجابة للسؤال منهم
الخلاصة موقع الecfmg الرسمي عليه اجابات اغلب الاسئلة العامة اللي بتتسال عن صلاحيات الخ فالاداريات دي خد دايما من المصدر لان هو دا الكلام اللي هيتطبق عندك استفسار متقدم و مش لاقي اجابة تواصل معاهم و اشرح ليهم حالتك و هيقولوا ليك و هتبقي برضو خدت الاجابة من مصدر موثوق
و وفقنا الله جميعا يا شباب هدف الرسالة دي ان محدش يقع في معلومات مش صح او يساهم في نشر معلومات مش صح
