Умеджон Барноев

🟢Умеджон Барноев: туман инфратузилмасини ривожлантириш ва аҳоли учун қулай шароитлар яратиш – бизнинг энг муҳим ва устувор вазифамиздир!

Аввал хабар берганимиздек, Ромитан туманида Ўзбекистон Республикаси Президентининг 2024 йил 12 августдаги “Бухоро вилоятида кичик ва ўрта бизнесни қўллаб-қувватлаш, хизмат кўрсатиш ва туризмни ривожлантиришнинг қўшимча чора-тадбирлари тўғрисида”ги ПҚ-287-сонли қарорига мувофиқ қатор истиқболли лойиҳалар ишлаб чиқилган ва босқичма-босқич амалга оширилмоқда.

Жумладан, тумандаги 5 та маҳалла фуқаролар йиғинида маҳаллий тадбиркорлар, аҳоли ҳамда келадиган меҳмонларга хизмат кўрсатишга ихтисослаштириладиган кўчалар фаолиятини йўлга қўйиш юзасидан ҳудуд мастер-режалари ишлаб чиқилган. Ҳудуд қиёфасини яхшилаш, тижорат, савдо ва маиший сервис хизматларини ташкил этиш кўзда тутилган бу кўчаларда 24/7 соат режимида туну кун фаолият юритиш мўлжалланган.

Бугун туман ҳокими Умеджон Барноев бошчилигидаги ишчи гуруҳ юқоридаги қарор талабидан келиб чиққан ҳолда тайёрланган лойиҳаларга биноан туманнинг Афросиёб маҳалла фуқаролар йиғини Шифокорлар кўчасида савдо ва маиший хизмат кўрсатиш, умумий овқатланиш, шунингдек кўнгилочар ва спорт-соғломлаштириш шохобчаларини барпо қилиш юзасидан манзилда ўрганиш ўтказди.

Ҳудудда бу борада амалга оширилиши лозим бўлган ишлар ҳамда ташкил этилиши режалаштирилган лойиҳалар тадбиркорлар иштирокида бирма-бир таништириб ўтилди.

Шунингдек, кўчаларда бирламчи зарур инфратузилмани шай қилиш, ёритиш устунлари, ўриндиқлар ва чиқинди қутиларини жойлаштириш, манзарали дарахт кўчатлари ўтқазиш, аудио мусиқа тизимини ташкил этиш, декоратив арка ва устунлар ўрнатиш лойиҳадан ўрин олган.

Бундан кўзланган асосий мақсад – туманнинг жозибадорлигини ошириш ва 24/7 соат аҳолига хизмат кўрсатишни йўлга қўйиш орқали тадбиркорларнинг ташаббусларини қўллаб -қувватлаб кўплаб иш ўринларини яратишдир.

@Umed_Barnoyev

#Халқ_муҳокамасида

🟢Ромитан тумани Шўрча маҳалла фуқаролар йиғинининг бош режа ва батафсил режалаштириш лойиҳалари тўғрисидаги таклифлар халқ муҳокамасига қўйилди

Ромитан туман ҳокимлиги матбуот хизмати

✝️ Telegram | ☮️ Facebook | 💟 Instagram | ☸️ YouTube

🟢Умеджон Барноев бошчилигида делегация Фарғона вилоятида

Муҳтарам Юртбошимиз томонларидан 2025 йилнинг 16 январь куни "Инвестицияларни кенг жалб этиш ва экспортни ошириш борасидаги ишлар натижадорлиги ҳамда келгусидаги асосий вазифалар" муҳокамасига бағишлаб ўтказилган видеоселектор йиғилишида берган топшириқларига асосан Ромитан тумани ҳокими Умеджон Барноев раҳбарлигидаги делегация аъзолари Фарғона вилоятининг Қўқон шаҳар ва Учкўприк туманларига тажриба алмашиш мақсадида ташриф буюришди.

Ушбу ҳудудларда шаҳар ва туманлар инфратузилмасини ривожлантириш, аҳоли учун қулай шароитлар яратиш, ижтимоий ва иқтисодий, инвестиция соҳаларни яхшилаш борасида қатор лойиҳалар амалга оширилган.

Ромитан тумани делегацияси аъзолари мазкур ҳудудларда олиб борилаётган ишлар билан яқиндан танишдилар. Улар ҳудудда амалга оширилаётган лойиҳаларнинг натижалари ва истиқболдаги режалари билан қизиқиб, тажриба алмашиш мақсадида ўзларининг фикр-мулоҳазаларини билдиришди.

Бу ташриф тумандаги ижобий ўзгаришларни бошқа ҳудудларда ҳам татбиқ этиш учун муҳим қадам сифатида баҳоланиши мумкин.

https://t.me/Umed_Barnoyev

🟢РОМИТАНДА: “Аёллар дафтари”нинг 6-босқичи доирасида амалга ошириладиган вазифалар бўйича йиғилиш ўтказилди

Хатлов жараёнларининг бориши ҳамда келгусидаги режаларни белгилаб олиш мақсадида бугун, 21 январь куни Ромитан тумани ҳокимлигининг катта мажлислар залида йиғилиш ўтказилди.

Йиғилишда хотин-қизлар муаммоларини бартараф қилиш бўйича Бухоро вилояти ҳокими ўринбосари-Оила ва хотин-қизлар бошқармаси бошлиғи, вилоят штаби раҳбари Ҳ.Артикова, туман ҳокими У.Барноев бошчилигида сектор раҳбарлари, Ўзбекистон касаба уюшмалари Федерациясидан туманга бириктирилган масъул раҳбар О.Рахмонов, туман ҳокими  ўринбосарлари, туман штаби ишчи гуруҳи аъзолари, сектор котиблари,  барча "маҳалла еттилиги" вакиллари ҳамда тегишли корхона ва ташкилот раҳбарлари иштирок этишди.

Дастлаб йиғилишда вилоят штаби раҳбари Ҳ.Артикова “Аёллар дафтари”нинг 5-босқичи бўйича Ромитан туманида амалга оширилган ишлар таҳлили ҳамда 2025 йилда амалга ошириладиган вазифалар тўғрисидаги тўхталди.

Жорий йилнинг 6 январидан бошлаб “Аёллар дафтари”нинг 6-босқичини шакллантириш бўйича туманда хатлов жараёнлари олиб борилмоқда.

Бугунги кунга қадар туманда 32472 нафар 30 ёшдан ошган хотин-қизларга анкета сўровномалари тўлдирилган.

“Маҳалла етттилиги” аъзолари ҳамда тегишли масъулларга хонадонбай юриб “Аёллар дафтари”нинг 6-босқичи бўйича хатлов жараёнларини жорий йилнинг 25 январь кунига қадар якунига етказиш, хатлов жараёнларини юритишда белгиланган Низом талабларига қатъий амал қилиш бўйича аниқ топшириқ ва кўрсатмалар берилди.

https://t.me/Umed_Barnoyev

🟢Ҳурматли Ромитан тумани аҳолиси ҳамда ёшлари!

♾ Тасдиқланган режа-жадвалга мувофиқ:

➡️2025 йилнинг 23 январь куни Ромитан тумани ҳокими, 1-сектор раҳбари Умеджон Барноевнинг соат 11:00 да Самосий маҳалла фуқаролар йиғини ҳудудида;

➡️2025 йилнинг 24 январь куни Ромитан тумани прокурориб 2-сектор раҳбари Фаррух Атоевнинг соат 11:00 да Челонғу маҳалла фуқаролар йиғини ҳудудида;

➡️2025 йилнинг 21 январь куни Ромитан тумани ИИБ бошлиғи, 3-сектор раҳбари Жамшид Расуловнинг соат 11:00 да Афросиёб маҳалла фуқаролар йиғини ҳудудида;

➡️2025 йилнинг 22 январь куни Ромитан тумани Солиқ инспекцияси бошлиғи, 4-сектор раҳбари Бахтиёр Ғайбуллаевнинг соат 11:00 да Ифтихор маҳалла фуқаролар йиғини ҳудудида ҳамда 2025 йилнинг 24 январь куни соат 11:00 да Шўрча маҳалла фуқаролар йиғини ҳудудида;

Оммавий сайёр қабуллари ва ёшлар билан учрашувлари бўлиб ўтади.

Сайёр қабуллар ва учрашувларга муаммоси ёки таклифи бўлган барча фуқаролар ва ёшлари қатнашиши мумкин.

❗️Сайёр қабул ва ёшлар билан учрашувлар ўтказиладиган вақти ўзгариб қолган тақдирда қўшимча эълон қилинади.

Ромитан туман ҳокимлиги матбуот хизмати

✝️ Telegram | ☮️ Facebook | 💟 Instagram | ☸️ YouTube

#ТАЙИНЛОВ

🟢Кадастр агентлиги Ромитан тумани бўлимига янги раҳбар тайинланди

Рўзиев Анвар Чориқулович – Ўзбекистон Республикаси Иқтисодиёт ва Молия вазирлиги ҳузуридаги кадастр агентлиги Бухоро вилояти бошқармаси Ромитан тумани бўлими бошлиғи лавозимига тайинланди.

Рўзиев Анвар 1988 йил 29 декабрда Бухоро вилояти Ромитан туманида туғилган. Маълумоти олий, 2023 йилда Бухоро муҳандислик технология институтини тамомлаган. Маълумоти бўйича мутахассислиги – бино ва иншоотлар қурилиши.

Иш фаолиятини 2008 йилдан Бухоро вилояти Ромитан тумани Тех-Марказ оператори сифатида бошлаб, ANVARJON MOBILE SERVIS масъулияти чекланган жамияти оператори (2011-2015), Бухоро вилояти Ермулккадастр давлат корхонаси Ромитан тумани филиали ҳудуд мутахассиси (2018-2021), Ўзбекистон Республикаси Давлат солиқ қўмитаси ҳузуридаги Кадастр агентлиги Давлат кадастрлари палатаси Бухоро вилояти бошқармаси Ромитан тумани филиали кадастр муҳандиси (2021-2021) лавозимларида ишлаган.

Айни вақтга қадар Рўзиев Анвар Кадастр агентлиги Давлат кадастрлари палатаси Бухоро вилояти бошқармаси Ромитан тумани филиали ер кадастр мутахассиси сифатида фаолият юритиб келаётган эди.
Оилали, 4 нафар фарзанди бор.

Ромитан туман ҳокимлиги матбуот хизмати

✝️ Telegram | ☮️ Facebook | 💟 Instagram | ☸️ YouTube

🖥🖥🖥 Ахborot 24

🟢Romitan tumanida sanoat yarmarkasi o‘tkazildi

✝️ Telegram | ☮️ Facebook | 💟 Instagram | ☸️ YouTube

#Ромитан_тумани
#Ташаббусли_бюджет
#Инсон_қадри_учун

🟢“Ташаббусли бюджет” – тиббиёт соҳасининг моддий-техник базаси мустаҳкамланмоқда

Мамлакатимизда саломатлик йўлида олиб борилаётган янгиланиш ҳамда ислоҳотларга ҳамоҳанг “Ташаббусли бюджет” лойиҳаси тиббиёт соҳасида янгидан-янги имкониятларга асос бўлмоқда.

Хусусан, Ромитан тумани тиббиёт бирлашмаси ходимлари ушбу яратилаётган имкониятлардан унумли фойдаланган ҳолда 2024 йилнинг 3-мавсумида ўз лойиҳалари билан иштирок этиб, ғолибликни қўлга киритган эди.

Жумладан, “Ташаббусли бюджет” лойиҳасидан қўлга киритган тиббиёт бирлашмаси тасарруфида бугун 60 дона замонавий моноблок, 4 дона персонал компьютер жамланмаси ва 31 дона рангли принтерлар туман тиббиёт бирлашмаси ходимларига фойдаланиш учун топширилди.

Топшириш маросимида туман ҳокими Умеджон Барноев, туман ҳокими ўринбосари Завқий Қурбонов, туман тиббиёт бирлашмаси бошлиғи Жамшид Тохировлар иштирок этди.

Маълумот учун, “Ташаббусли бюджет” жараёнлари соғлиқни сақлаш тизимидаги мавжуд муаммоларни бартараф этишга қўл келмоқда.

Асосийси бу жараёнга фуқароларни ўзи бефарқ эмас. Кимдир ўз маҳалласидаги поликлиника учун, яна биров фарзанди таҳсил олаётган мактаб жиҳозланиши учун, яна кимдир эса маҳалласида ободликни таъминлаш учун ҳаракат қилмоқда.

Муҳими кимнинг қайси йўналишни қўллаб қувватлаши эмас, балки ижтимоий муаммоларни бартараф этишда, фаровонликка эришишда ўз ҳиссасини қўшаётганида, одамларда даҳлдорлик ҳисси кучайиб бораётганидадир.

https://t.me/Umed_Barnoyev

#ФЕЙК_ХАБАР

🟢Расмий муносабат

Бугун, 7 январь куни ижтимоий тармоқ орқали “Ромитан тумани ҳокими ўринбосари фирибгарликда айбланмоқда” сарлаҳаси остида хабар эълон қилинди.

Ушбу хабар юзасидан Ромитан тумани ҳокимлиги қуйидагиларни маълум қилади:

2024 йил март ойида Бабаев Азиз Ҳоджиқурбонович Ромитан тумани ҳокимининг инновацион ривожланиш масалалари бўйича ўринбосари лавозимига тайинланган эди.

Бироқ 2024 йил 30 октябрь куни Бабаев Азиз Ҳоджиқурбонович ўз аризасига асосан эгаллаб турган лавозимидан озод этилиб, у билан тузилган меҳнат шартномаси бекор қилинган.

Ҳозирги кунда Жиноят ишлари бўйича Ромитан туман суди томонидан Бабаев Азиз Ҳоджиқурбонович 2022-2024 йилнинг март ойи мобайнида “Ҳазортут” маҳалласида ҳоким ёрдамчиси лавозимида фаолият олиб борган даври учун эълон қилинган айблов иши бўйича унга нисбатан қўзғатилган жиноят иши кўриб чиқилмоқда.

Бундан англашиладики, Бабаев Азиз Ҳоджиқурбонович ижтимоий тармоқда эълон қилинганидек, Ромитан тумани ҳокими ўринбосари сифатида эмас, балки бундан аввалги фаолиятидаги қилмишлари учун айбланмоқда.

Шу ўринда оммавий ахборот воситалари, журналист ва блогерлардан тасдиқланмаган ва ёлғон ахборотлардан фойдаланмасликни, шунингдек, асосланмаган миш-миш ва гумонларни тарқатмасликларини сўраймиз.

Холис ахборот ва маълумот алмашишда, уни жамоатчиликка эълон қилишда ҳамкорликка тайёрлигимизни билдирамиз.

Ромитан туман ҳокимлиги матбуот хизмати

✝️ Telegram | ☮️ Facebook | 💟 Instagram | ☸️ YouTube

🖥🖥🖥 Maxsus reportaj

🟢Romitan tumanida Xotin-qizlar tadbirkorligi rivojlanmoqda

✝️ Telegram | ☮️ Facebook | 💟 Instagram | ☸️ YouTube

🟢Ҳурматли Ромитан тумани аҳолиси ҳамда ёшлари!

♾ Тасдиқланган режа-жадвалга мувофиқ:

➡️2025 йилнинг 9 январь куни Ромитан тумани ҳокими, 1-сектор раҳбари Умеджон Барноевнинг соат 11:00 да Ўзбекистон маҳалла фуқаролар йиғини ҳудудида;

➡️2025 йилнинг 10 январь куни Ромитан тумани прокурорининг ўринбосари Отабек Музафаровнинг соат 11:00 да Деча маҳалла фуқаролар йиғини ҳудудида;

➡️2025 йилнинг 7 январь куни Ромитан тумани ИИБ бошлиғининг биринчи ўринбосари Ҳусниддин Нуриллоевнинг соат 11:00 да Миришкор маҳалла фуқаролар йиғини ҳудудида;

➡️2025 йилнинг 8 январь куни Ромитан тумани Солиқ инспекцияси бошлиғининг биринчи ўринбосари Шухрат Раджабовнинг соат 11:00 да Қоқиштувон маҳалла фуқаролар йиғини ҳудудида;

Оммавий сайёр қабуллари ва ёшлар билан учрашувлари бўлиб ўтади.

Сайёр қабуллар ва учрашувларга муаммоси ёки таклифи бўлган барча фуқаролар ва ёшлари қатнашиши мумкин.

❗️Сайёр қабул ва ёшлар билан учрашувлар ўтказиладиган вақти ўзгариб қолган тақдирда қўшимча эълон қилинади.

Ромитан туман ҳокимлиги матбуот хизмати

✝️ Telegram | ☮️ Facebook | 💟 Instagram | ☸️ YouTube

🟢Ромитан туманида туну-кун (24/7 соат) фаолият юрутувчи кўчалар ташкил этилади

Ўзбекистон Республикаси Президентининг 2024 йил 12 августдаги “Бухоро вилоятида кичик ва ўрта бизнесни қўллаб-қувватлаш, хизмат кўрсатиш ва туризмни ривожлантиришнинг қўшимча чора-тадбирлари тўғрисида”ги ПҚ-287-сонли қарорига асосан Ромитан туманида 5 та туну-кун (24/7 соат) фаолият юрутувчи кўчалар ҳамда туманимиз архитектура қиёфасини яхшилаш, аҳоли, тадбиркорлар ва туристларга қулай шароитлар яратиш мақсадида 5 та ҳудуд учун мастер-режалар ишлаб чиқилди.

Ушбу қарор ижросини таъминлаш мақсадида бугун, 3 январь куни Ромитан тумани ҳокими Умеджон Барноев бошчилигида амалга оширилиши лозим ишлар ҳамда ташкил этилиши режалаштирилган лойиҳалар тақдимоти туман ҳокимлигининг катта мажлислар залида бўлиб ўтди.

Ушбу тақдимотда туман ҳокими ўринбосарлари, тегишли ташкилот, корхона раҳбарлари, Афросиёб, Зарафшон, Алишер Навоий, Бобур, Ибн Сино маҳалла фуқаролар йиғинларининг масъул ходимлари иштирок этди.

Мазкур қарор асосида кўчаларда ёритиш устунлари, ўриндиқлар ва чиқинди урналарини ўрнатиш, манзарали дарахт кўчатлари ўтқазиш, аудио мусиқа тизимини ташкил этиш, декоратив арка ва устунлар ўрнатиш, шунингдек, ҳудудда фотозоналар учун декоратив элементлар ташкил этиш, пиёдалар йўлаклари, вело-йўлаклар йўл чеккасида ҳаракатланишга халал бермайдиган автотураргоҳлар ва замонавий ўриндиқлар ташкил этиш, овқатланиш учун қулай бўлган “Фоод трак”лар фаолиятини йўлга қўйиш, болалар ўйингоҳи ўрнатиш каби ишлар амалга оширилади.

https://t.me/Umed_Barnoyev

🟢Умеджон Барноев 1-сектор ҳудудидаги ижтимоий ҳимояга муҳтож фуқаролар ҳолидан хабар олди

Халқимизга хос ҳислатлар ҳақида сўз кетганда албатта, меҳр-оқибат, мурувват ва саховатпешалик алоҳида тилга олинади. Чунки, бу инсоний фазилатлар айниқса бугунги синовли кунларда юртдошларимизнинг кундалик ишлари, ниятлари, саъй-ҳаракатлари билан уйғунлашиб кетган.

Ромитан туманида ҳам яқинлашиб келаётган Янги йил байрами муносабати билан туман ҳокими Умеджон Барноев 1-секторга қарашли Азизон, Қўрғон, Ўзбекистон, Бахтиёрчи ҳамда Самосий маҳалла фуқаролар йиғинларидаги имконияти чекланган, ўзгалар ёрдамига муҳтож, кекса ва беморлар ҳолидан хабар олинди.

Хусусан, туман раҳбари ташриф чоғида Қўрғон маҳалласининг Миёнсарой қишлоғида яшовчи 2-гуруҳ ногирони Умар Ҳакимов хонадонида бўлиб, яқинлашиб келаётган янги 2025 йил билан қутлади ва уларга ногиронлик аравачаси, кир ювиш машинаси, тикув машинкаси ҳамда Янги йил совғаларини топширди.

— Озгина эътибор ҳам беморга катта мадад беради,-дейди турмуш ўртоғи Розия опа Салимова. — Турмуш ўртоғим ўрнидан туролмай, оғир ётган бир пайтда туман ҳокими янги йил байрами муносабати билан унинг ҳолидан хабар олиш учун келгани бутун оиламиз аъзоларининг кўнглини тоғдай кўтарди. “Янги йил” совғаси берилгани ҳаммамизни мамнун қилди. Давлатимиз барчанинг саломатлигига, тақдирига бу қадар катта эътибор қаратаётганидан хурсандмиз.

Хонадонлар соҳиблари раҳбарларнинг аҳоли хонадонларида бўлиб, муаммо ва камчиликларини ўрганиши, меҳр ва мурувватга муҳтож инсонлар ҳолидан хабар олиш тизимини яратган давлатимиз раҳбариятига ўз ташаккурларини изҳор қилдилар.

Дарҳақиқат, кўнгли ўксик инсонларнинг кўнглини кўтариш, уларга ҳамдард бўлиш, бугунги кунда туман раҳбари бошчилигида барчанинг шиорига айланмоқда. Чунки, бундай инсоний фазилатлар одамларнинг бир-бирига яхшилик қилишга, ёш авлодни Ватанга муҳаббат руҳида тарбиялашга, меҳр-оқибат, эзгулик, хайр-саҳоват ва шукроналик ҳислатларининг шаклланишига туртки бўлмоқда.

https://t.me/Umed_Barnoyev

🟢Ромитанда Қишлоқ хўжалиги ходимлари куни – “Ҳосил байрами” муносиб нишонланди

Айни пайтда юртимизнинг барча ҳудудларида 8 декабрь — Ўзбекистон Республикаси Конституциясининг 32 йиллиги шодиёналари арафасида “Қишлоқ хўжалиги ходимлари” куни ва анъанавий “Ҳосил байрами” кенг нишонланмоқда.

Жумладан, Ромитан туманида ҳам эрта тонгдан туман марказида жойлашган “Шердор” тантаналар саройида аграр соҳа заҳматкашлари касб байрами муносабати билан “Ҳосил байрами” тадбири бўлиб ўтди.

Тадбир аввалида сўз олган Бухоро вилояти ҳокимининг қишлоқ ва сув хўжалиги масалалари бўйича ўринбосари Амрилло Назаров соҳа ходимларининг бугунги катта байрам – Қишлоқ хўжалиги ходимлари куни “Ҳосил байрами” билан йиғилганларни табриклади. Жорий йил қишлоқ хўжалигида салмоқли, самарали бўлганини таъкидлаб, пахта, ғалла ва пиллачиликда яхши натижаларга эришилгани, мева-сабзавотчиликдаги ютуқлар, алоҳида эътироф этилди.

Шундан сўнг туман ҳокими Умеджон Барноев сўзга чиқиб, бугунги тантана билан барчани табриклаб, қишлоқ хўжалиги фидоийлари, деҳқон ва фермерлар, туманнинг барча меҳнаткашларига миннатдорлик билдирди.

Тантанали маросимда 2024 йил туманда қишлоқ хўжалиги соҳасида муносиб ҳисса қўшган, миришкор деҳқон ва фермерлар, заҳматкаш чорвадор ва пиллакорлар, моҳир сувчи ва ирригаторлар, ўз ишининг ҳақиқий устаси бўлган механизатор ва агрономлар, отряд раҳбарлари, илғор теримчилар, соҳанинг жонкуяр фидоийлар меҳнати қайд этилди.

Соҳа фидоийлари мутасаддилар томонидан бир гуруҳ қишлоқ хўжалиги ходимларига "Ўзбекистон Республикаси қишлоқ хўжалиги фидойиси", "Илғор фермер", "Намунали томорқачи" ва "Меҳнаткаш деҳқон" кўкрак нишонлари, ташаккурнома ҳамда эсдалик совғалари топширилди.

Бир пиёла чой устида таклиф этилган соҳа вакиллари учун элимиз суйган санъаткорлар ҳамда туман Маданият бўлимининг хушовоз хонандалари иштирок этиб, ўзларининг дилтортар санъатлари билан хуш кайфият улашди.

https://t.me/Umed_Barnoyev

🟢Президент қарори амалда: Ромитанда “Соҳил бўйи кўнгил очар маскани”да савдо, умумий овқатланиш ва кўнгил очар масканлар фойдаланишга топширилмоқда

Ўзбекистон Республикаси Президентининг 2022 йил 27 январдаги “Хизматлар соҳасини ривожлантиришга оид қўшимча чора-тадбирлар тўғрисида”ги ПҚ-104-сонли қарорининг ижросини таъминлаш мақсадида Ромитан туманидан ўтувчи “Хайрабод” каналининг ҳимоя минтақасида туман ҳокими Умеджон Барноев ташаббуси билан туман марказининг меъморий қиёфасини янгилаш, аҳоли бандлигини таъминлаш ҳамда тадбиркорлик субъектларини ташкил этиш мақсадида тасдиқланган лойиҳага биноан енгил конструкцияли қурилиш материалларидан фойдаланган ҳолда барпо қилинаётган “Соҳил бўйи кўнгил очар маскани”да тадбиркорлик субъектлари ташкил этииш лойиҳаси амалга оширилмоқда.

Бугунги кунда келиб Ромитан тумани марказидан ўтувчи “Хайрабод” каналининг ҳимоя минтақасида савдо, умумий овқатланиш ва кўнгил очар масканлар ромитанлик тадбиркорлар томонидан қуриб, фойдаланишга топширилмоқда.

Хусусан, барча турдаги сифатли ва ранг-баранг таомлари билан халқимизга хизмат кўрсатишни мақсад қилган “Zahratun” FAST FOOD умумий овқатланиш шахобчаси енгил конструкцияли қурилиш материалларидан фойдаланган ҳолда “Соҳил бўйи кўнгил очар маскани”да ўз иш фаолиятини йўлга қўйди.

Ромитанлик ташаббускор тадбиркор Акобир Ҳамроев ташаббуси билан қад ростлаган ушбу корхона бугунги кунда 8 та иш ўрни яратди ва 8 кишини доимий иш билан таъминлади.

Кўркам қиёфа ва замонавий кўриниш касб этган ушбу корхона халқимиз учун Ўзбекистон Республикаси Конституциясининг 32 йиллиги шодиёнасида кутилмаган совға бўлганини айтиш мумкин.

Ромитан туман ҳокимлиги матбуот хизмати

✝️ Telegram | ☮️ Facebook | 💟 Instagram | ☸️ YouTube

#live
#qishloq_xoʻjaligi_xodimlari_kuni
#hosil_bayrami

Hosil bayramida agrar sohada fidoyilik namunasini koʻrsatayotgan bir guruh viloyatdoshlarimizga “Qishloq xoʻjaligi fidoiysi”, “Suv xoʻjaligi aʼlochisi”, “Oʻzbekiston Respublikasi chorvachilik fidokori”, “Ilgʻor fermer”, “Mehnatkash dehqon”, “Namunali tomorqachi” koʻkrak nishonlari tantanali tarzda topshirildi.

Buxoro.uz | Facebook | Instagram | YouTube

#live
#qishloq_xoʻjaligi_xodimlari_kuni
#hosil_bayrami

Bundan tashqari, qishloq xoʻjaligi sohasi rivojiga hissa qoʻshganlar xalq deputatlari viloyat Kengashining faxriy yorligʻi hamda qimmatbaho sovgʻalari bilan taqdirlanishdi.

Buxoro.uz | Facebook | Instagram | YouTube

🟢БУГУНГИ ҲАРАКАТ – ЭРТАНГИ БАРАКАТ!

Куни кеча Юртбошимиз раислигида мева-сабзавот маҳсулотларини етиштириш, қайта ишлаш ва экспорт қилишни кўпайтириш, томорқа, дала четлари ва канал-коллекторлар атрофидаги ерларда даромадли экинлар экиш, “Яшил макон” умуммиллий ҳаракати чора-тадбирлари юзасидан ўтказилган видеоселекторда бир қатор муҳим вазифалар белгилаб берилди.

Ушбу вазифалар ижросини таъминлаш мақсадида бугун, 30 ноябрь куни Ромитан тумани ҳокими Умеджон Барноев бошчилигида сектор раҳбарлари ҳамда қишлоқ хўжалиги мутасаддилари, фермер хўжаликлари раҳбарлари иштирокида 1-секторга қарашли Самосий маҳалла фуқаролар йиғинида жойлашган “Бобо Самосий” фермер хўжалиги дала майдонида семинар бўлиб ўтди.

Семинарда ички ариқ-зовурларни бетонлаштириш, “Яшил макон” умуммиллий лойиҳаси доирасида кўчат экиш ишларини жадаллаштириш, 2025 йил ҳосили учун ғалла парвариши, кузги шудгорлаш, дала четларидаги ер майдонларида маҳсулот етиштириш ишларини ташкил этиш, маҳаллий ўғит жамғариш бўйича қишлоқ хўжалиги ташкилотлари ва фермер хўжаликлари раҳбарларига тизимли ишларни ташкил этиш бўйича кўрсатмалар берилди.

Бундан ташқари туман раҳбари суғориладиган майдонларни “оби ҳаёт” билан таъминлашда бор куч ва эътибор суғориш каналлари ўтказувчанлигини яхшилаш, равон сув ўтишини таъминлаш долзарб вазифа эканлиги таъкидланди.

Шунингдек, хўжаликлараро ўтган ички сув йўллари—ариқларни бетонлаштиришнинг афзаллик тарафлари, усуллари, сувни йўқотишларнинг олдини олиш борасидаги фикр-мулоҳазаларини билдириб, қилиниши зарур бўлган ишларга алоҳида тўхталди.

https://t.me/Umed_Barnoyev

#ФУҚАРОЛАР_ҚАБУЛИ
#ҲАФТАНИНГ_ЖУМА_КУНЛАРИ

🟢Ромитан тумани ҳокими Умеджон Барноев навбатдаги фуқаролар қабулини ўтказди

Мамлакатимизда аҳоли билан доимо мулоқот қилиш, фуқароларнинг қонуний талабларини бажариш, сўров ва таклифларини инобатга олиш устувор вазифа сифатида белгиланган.

Бугун, 29 ноябрь куни Ромитан туман ҳокими Умеджон Барноев томонидан аҳоли мурожаатлари ва муаммоларини ўрганиш ва ҳал этиш бўйича навбатдаги фуқаролар қабули туман ҳокимлигининг биносида ташкил этилди.

Ташкил этилган фуқаролар мурожаатлари қабулида туман Халқ қабулхонаси мудири, туман ҳокими ўринбосарлари, барча корхона-ташкилот раҳбарлари, тегишли маҳалла раислари ҳамда муаммоси мавжуд фуқаролар иштирок этди.

Қабулда фуқароларни кўпдан буён қийнаётган оғриқли муаммолар ва масалалар жумладан: тиббиёт сохасига доир, тадбиркорлик, оилавий масалалар, бир марталик моддий ёрдам тайинлаш, уй-жойни таъмирлаб бериш, “Аёллар” ва “Ёшлар” дафтарларига киритилган фуқароларга йўналиш бўйича кўмаклашиш, йўл чегараларини белгилаб бериш, кадастр, суд-ҳуқуқ масалалари билан боғлиқ муаммолари бошқа масалалар ўрганилди.

Қабул жараёнида 20 нафарга яқин фуқароларнинг мурожаати тингланиб, атрофлича муҳокама қилинди. Мурожаатларнинг 14 таси жойида ҳал этилиб, муддат талаб этиладиган мурожаатлар жойига чиқиб ўрганилиши юзасидан кўрсатмалар бериб ўтилди ҳамда алоқадор ташкилотларга мурожаатларнинг ижросини тезроқ ва аниқ муддатларда бажариш юзасидан кўрсатма ва топшириқлар берилди.

Фуқаролар қабули давомида мурожаатчилар эҳтиёжидан келиб чиққан ҳолда саховатпеша тадбиркорлар ҳамда ҳомийлар томонидан оилавий шароитини инобатга олиб, айрим фуқароларга моддий ёрдам ажратилиши таъкидлаб ўтилди.

Бундан ташқари кредит ажратиш, моддий ёрдам тайинлаш ва ишга жойлашиш сингари масалалар юзасидан қилинган мурожаатлар юзасидан қонун доирасида тушунтиришлар олиб борилди.

https://t.me/Umed_Barnoyev

😄 Махсус репортаж

🟢Аҳоли фаровонлиги йўлида

Ромитан туман ҳокимлиги матбуот хизмати

✝️ Telegram | ☮️ Facebook | 💟 Instagram | ☸️ YouTube

🟢РОМИТАНДА: “Ёшлар саноат ва тадбиркорлик зонаси”ни “Сурхондарё” намунаси асосида барпо этишга бағишланган тақдимот бўлиб ўтди

Ўзбекистон Республикаси Президентининг 2021 йил 21 апрелдаги “Ёшлар саноат ва тадбиркорлик зоналари фаолиятини ташкил этиш ҳамда ёшларнинг тадбиркорликка оид ташаббусларини қўллаб-қувватлаш чора-тадбирлари тўғрисида”ги ПҚ-5088-сонли қарорига асосан Ромитан туманининг Алишер Навоий маҳалла фуқаролар йиғини ҳудуди жойлашган 2 гектар ер майдонида “Ёшлар саноат ва тадбиркорлик зонаси” ташкил этилган.

Тадбиркорлик зонаси ҳудудида умумий қиймати 26,1 млрд сўмлик 33 та лойиҳалар амалга оширилиши ҳамда 153 та янги иш ўрни яратилиши кўзда тутилган. Бугунги кунда 33 та лотларнинг барчаси аукцион ғолиблари томонидан сотиб олинган.

Жорий йилнинг 18 ноябрь куни Ромитан туман ҳокимлигининг катта мажлислар залида “Ёшлар саноат ва тадбиркорлик зонаси”да амалга оширилиши режалаштирилган лойиҳаларни жадаллаштириш, бу борада ташаббускорлар олдида турган муҳандислик-коммуникация тармоқлари ва бошқа йўналишдаги муаммоларни ўрганиш ва ҳал қилиш мақсадида ёш лойиҳа ташаббускорлари иштирокида йиғилиш бўлиб ўтди.

Йиғилишда туман ҳокими Умеджон Барноев, вилоят кичик ва ёшлар саноат зоналарини бошқариш бўйича ягона дирекция раҳбари Феруз Ҳусенов, туман ҳокими ўринбосарлари, тумандаги тегишли корхона, ташкилот раҳбарлари ҳамда лойиҳалар ташаббускорлари иштирок этди.

Йиғилиш аввалида “Ёшлар саноат ва тадбиркорлик зонаси” фаолиятини ўз муддатида тўлиқ йўлга қўйиш, бўш турган лотларда қурилиш ишларини бошлаш, лойиҳаларни амалга оширишда юзага келган муаммоларни тез фурсатларда бартараф қилиш, лойиҳа ташаббускорлари томонидан бизнес режасида кўрсатилган лойиҳаларни белгиланган муддатларда фойдаланишга топшириш ва янги иш ўринларини яратиш бўйича мутасаддиларга кўрсатмалар берилди.

Шунингдек, тумандаги “Ёшлар саноат ва тадбиркорлик зонаси”ни “Сурхондарё” намунаси асосида ташкил этишнинг афзаллик томонлари тақдимот асосида лойиҳа ташаббускорларига тушунтириб берилди.

Йиғилиш сўнгида тегишли мутахассислар томонидан лойиҳа ташаббускорлари томонидан қизиқтирган саволларга жавоб берилди.

Ромитан туман ҳокимлиги матбуот хизмати

✝️ Telegram | ☮️ Facebook | 💟 Instagram | ☸️ YouTube

🟢ХАЛҚАРО АВТОМОБИЛЬ ЙЎЛИДА ОБОДОНЛАШТИРИШ ИШЛАРИ...

Барчамизга маълумки, А-380 “Ғузор – Бухоро – Нукус – Бейнеу” халқаро автомобиль йўлининг 180 километр масофаси Ромитан тумани ҳудудидан ўтган.

Ҳайдовчиларга қулайлик яратиш мақсадида туман ҳокими Умеджон Барноев бошчилигида сектор раҳбарлари ҳамда ишчи гуруҳ аъзолари бугун эрта тонгдан ушбу халқаро автомобиль йўли ёқасида жойлашган тадбиркорлик субъектлари, аҳоли хонадонлари ва қишлоқ хўжалиги ер майдонларида мавжуд муаммо ва камчиликлар кўздан кечирилди.

Халқаро автомобиль йўллари бўйлаб тозалаш ва ободонлаштириш ишларини олиб бориш, “Яшил макон” умуммиллий лойиҳаси доирасида манзарали ва мевали дарахт кўчатлари ўтқазиш, ноқонуний қурилиш ишларини бартараф этиш, тадбиркорлик субъектларига қарашли биноларнинг фасад қисмларини тартибга келтириш, айни кунларда қишлоқ хўжалиги ер майдонларида амалга оширилаётган агротехник тадбирларни янада жадаллаштириш бўйича тегишли соҳа вакилларига керакли топшириқ ва кўрсатмалар берилди.

https://t.me/Umed_Barnoyev

🟢Дилдан меҳнат қилган одам ҳар қандай ишни ҳам санъат даражасига кўтаради.

♾ Қурилиш сабоқлари-05 курсимиз Бухоро сафаридан видеолавҳа

⏳ Курсимизнинг онлайн форматига старт бердик. Янги билимларни ўзлаштириш учун Имкониятни қўлдан бой берманг!

📝 Онлайн курсга рўйхатдан ўтиш!

Bukhara Desert Oasis & Spa

Telegram | Facebook | Instagram | YouTube

#Яшил_макон_яхшиликка_янги_имкон

🟢Ромитан туманида “Яшил макон” умуммиллий лойиҳасининг кузги мавсумига старт берилди

Президентимиз томонидан илгари сурилган “Яшил макон” умуммиллий ҳаракати кун сайин она табиатимиз бойишини таъминламоқда.

Нафақат Ромитан тумани бугунги кунда бутун вилоятимиз яшилликка бурканмоқда. Артоф-муҳит қанча яшилликка бурканса, ҳаво шунчалик тоза бўлиб, кислород кўп ишлаб чиқаради.

Тоза ҳаводан нафас олган инсон умри узаяди. Шу сабаб мамлакатимиз бўйлаб “Яшил макон” умумиллий ҳаракати кенг қулоч ёйди.

Бугун, 11 ноябрь куни Ромитан туманида “Яшил макон” умуммиллий лойиҳасининг кузги мавсумига кенг жамоатчилик вакиллари иштирокида старт берилди. Ушбу тадбирда секторлар раҳбарлари, туман ҳокими ўринбосарлари, ҳуқуқни муҳофаза қилувчи органлар хоримлари, қишлоқ хўжалиги бўлими ходимлари, соҳага дахлдор ташкилотлар, нуроний отахонлар, фахрий кексала ҳамда оммавий ахборот воситалари вакиллари иштирок этишди.

“Яшил макон” умуммиллий лойиҳаси қатнашган туман ҳокими Умеджон Барноев кўчат экиш шунчаки номига эмас, балки ўзимизнинг ҳаётимиз, жамиятимиз, саломатлигимиз учун зарурлигини таъкидлади. Барчани астойдил бел боғлаб, ушбу хайрли ишларга ўзларининг муносиб ҳиссаларини қўшишга чақирди.

Бундан ташқари мутахассисларнинг тавсиясига кўра, иқлим шароитига мос келадиган каталпа, элдор қарағай, япон тути ва чинор дарахтлари турлари танланиб, кўчатлар 3х4 схемада экиш тавсияси берилди.

Шундан сўнг Муғонча маҳалла фуқаролар йиғини ҳудудида жойлашган БСТ “Сluster Agrokompleks” МЧЖга қарашли 3 гектар экин ер майдонининг дала четларида 1 минг 200 донадан ортиқ манзарали дарахт кўчатлари ўтқазилди.

Маълумот ўрнида қайд этиш керакки, туман ҳудудида “Яшил макон” умуммиллий лойиҳаси доирасида жорий йил куз мавсумида 1 миллион 600 минг дона мевали, манзарали дарахт ва бута кўчатлари экиш режалаштирилган.

https://t.me/Umed_Barnoyev

🟢Ромитан тумани ҳокими туманда биринчилардан бўлиб овоз берди

Ўзбекистон Республикаси Олий Мажлиси Қонунчилик палатаси, Халқ депутатлари вилоят, шаҳар ва туман Кенгашлари депутатлигига номзодларга овоз бериш жараёни Ромитан туманининг барча ҳудудларида жойлашган 46 та сайлов участкаларида Марказий сайлов комиссияси томонидан белгиланганидек соат саккизда бошланди.

Ромитан тумани ҳокими Умеджон Барноев туманда биринчилардан бўлиб Ибн Сино маҳалла фуқаролар йиғини Янги Ҳаёт кўчасида жойлашган 350-сайлов участкасига ташриф буюриб, конституциявий ҳуқуқларидан фойдаланган ҳолда ўзи танлаган номзодлар учун овоз берди.

https://t.me/Umed_Barnoyev

🟢Ромитан тумани ҳокими Умеджон Исоевич Барноевнинг ички ишлар органлари ходимларига БАЙРАМ ТАБРИГИ

Ҳурматли ички ишлар тизими ходимлари!
Қадрли офицер ва генераллар, сержант ва сафдорлар!
Муҳтарам фахрийлар!

Авваламбор, сизларни бугунги қутлуғ сана – Ўзбекистон Республикаси ички ишлар органлари ходимлари куни байрами муносабати билан барча ички ишлар ходимларини, ҳарбий хизматчиларни, посбонларни, фахрий ходимларни самимий табриклайман.

Соҳа ходимларининг жамоат тартиби ва тинчлик-осойишталикни сақлаш, фуқароларнинг ҳуқуқ ва эркинликларини ҳимоя қилиш борасидаги фидокорона хизматини, жонбозликларини халқимиз яхши англайди ва муносиб қадрлайди.

Ички ишлар органлари зиммасига қўйилган масъулиятли вазифаларни виждонан бажаришда ҳамда тизимда амалга оширилаётган кенг кўламли ислоҳотларни ҳаётга татбиқ этишда, жиноятчиликка қарши муросасиз курашишда фидоийлар қасамёдига содиқ қолиб, барча ҳамкасбларига ўрнак бўлмоқдалар.

Ҳурматли юрт посбонлари!

Фуқаролар хавфсизлигини таъминлаш, юртимизда тинчлик-осойишталикни сақлаш ва жамиятимизда адолат ҳукм суришига эришишни ўз касби, ўз ҳаётининг маъно-мазмуни деб биладиган ички ишлар органлари ходимлари, сизни касб байрамингиз билан яна бир бор табриклайман!

Заҳматли меҳнат фаолиятингизда виждонингиз пок, хизматингиз бехатар, қарорларингиз адолатли бўлсин!

Қадрли ички ишлар ходимлари!

Фурсатдан фойдаланиб, барчангизга мустаҳкам соғлиқ, бахт-саодат, узоқ умр, оилангизга тотувлик, дастурхонингизга файзу-барака тилайман.

Масъулиятли ва шарафли хизматларингизда улкан зафарлар ёр бўлсин!

https://t.me/Umed_Barnoyev

🖥🖥🖥 Махсус репортаж

🟢Ромитанда инвестиция, ишлаб чиқариш ва экспорт

✝️ Telegram | ☮️ Facebook | 💟 Instagram | ☸️ YouTube

Бош прокурорнинг биринчи ўринбосари Б.Валиев раҳбарлигидаги ишчи гуруҳ томонидан Президентнинг 14.06.2024 йилдаги “Энергия ресурсларидан фойдаланиш самарадорлигини ошириш бўйича қўшимча чора-тадбирлар тўғрисида”ги қарори ҳамда Вазирлар Маҳкамасининг тегишли қарорлари ижросини самарали таъминлаш, аҳоли орасида электр энергиясини ва табиий газни иқтисод қилиш, қайта тикланувчи энергия манбаларини жорий этиш бўйича Когон шаҳар ва Ромитан туманида тегишли идоралар раҳбарлари ва мутахассислар иштирокида кўргазмали амалий тадбирлар ўтказилди.

Тадбирларда, вилоятда электр энергия ва табиий газни иқтисод қилиш, энерготежамкор ускуналарни кенг жорий қилиш, ижтимоий соҳа объектлари ва аҳоли хонадонларини қиш мавсумига шай ҳолатга келтириш, мавсум давомида содир бўлиши мумкин бўлган нохуш ҳолатларнинг олдини олиш ҳамда ёнғин хавфсизлиги тадбирларини янада самарали ташкил этиш ҳамда барча зарурий чораларни кўриш лозимлиги таъкидланди.

Бу борада жойларда амалий ишлар жадаллаштирилиб, аҳоли мурожаатларини ижобий ҳал этишга алоҳида эътибор қаратилмоқда.

Хусусан, Бухоро туман “Шейхонча” маҳалласи аҳолиси мурожаатлари асосида “Шейхонча” кўчасида қуввати 100 кВа бўлган қўшимча трансформатор пункти ўрнатилиши ва бунинг натижасида 95 та хонадон электр таъминоти яхшиланиши таъминланди.

Ёки, Жондор туман “Жондор” МФЙда қўшимча қуввати 160 кВа бўлган трансформатор пункти ва 11 дона темир таянчлар ўрнатилди ҳамда 1,5 км узунликдаги электр узатиш тармоғини қуриш ишлари давом этмоқда ва бунинг натижасида маҳалланинг 55 та хонадонида электр таъминоти бир маромда ишлаши йўлга қўйилди.

Пешку туманида ҳам 312 та хонадоннинг электр таъминоти яхшиланди, жумладан, “Навоий” МФЙда трансформатор қуввати 160 кВа.га оширилиб, 18 дона темир бетон таянчлар ўрнатилди, “Обидхўжа” МФЙда қўшимча қуввати 40 кВа бўлган трансформатор пункти ва 8 донаб темир бетон таянчлар ўрнатилиши таъминланди.

Бу борадаги ўрганишлар ҳамда амалий тадбирлар изчиллик билан давом эттирилмоқда.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Sayt |Telegram | Instagram | YouTube | Facebook

🟢Ўзбек тилига давлат тили мақоми берилганлигининг ўттиз беш йиллиги ва “21 октябр – Ўзбек тили байрами” куни муносабати билан Ромитан тумани ҳокими Умеджон Барноевнинг табриги

Муҳтарам юртдошлар!

Авваламбор, Сиз азизларни бугунги қутлуғ айём – “21 октябр - Ўзбек тили байрами” куни муносабати билан самимий қутлайман. “Ўзбек тили – миллий ўзлигимиз ва мустақил давлатчилигимиз тимсоли!” шиори остида нишонланаётган байрам билан чин қалбимдан муборакбод этаман.

Президентимиз таъбири билан айтганда инсон учун киндик қони томган Ватани, дунёга келтириб вояга етказган ота-онаси қанчалик азиз ва мукаррам бўлса, унинг ўзлиги ва маънавий оламини белгилайдиган она тили ҳам шунчалик қадрли ва мўътабардир.

Халқимиз тафаккурининг тиниқ кўзгуси бўлган бу бебаҳо хазинани асраб-авайлаш ва ривожлантириш бугунги кундаги энг шарафли вазифаларимиздан биридир.

Шу ўринда айтиш жоизки, юртимизда тил масаласида олиб борилаётган давлат сиёсати инсон қадрини улуғлашга қаратилган туб ислоҳотларга ҳар томонлама уйғун ва ҳамоҳангдир.

Сўнгги йилларда мамлакатимизда ўзбек тилини ривожлантириш, унинг ҳаётимиздаги ўрни ва таъсирини ошириш борасида янги босқич бошланди.

Хусусан, 21 октябр – Ўзбек тили байрами куни деб белгилангани унутилмас, тарихий воқеага айланди. Давлат тилининг нуфузи ва мақомини юксалтиришга қаратилган фармон ва қарорлар, меъёрий ҳужжатлар қабул қилинди. Ушбу йўналишда 2020-2030 йилларга мўлжалланган концепция ва алоҳида дастур ҳаётга жорий этилмоқда.

Бугунги кунда жаҳон миқёсида 50 миллионга яқин киши ўзбек тилида сўзлашмоқда. Кўплаб мамлакатларда бу гўзал ва жозибали тил катта иштиёқ билан ўрганилмоқда.

Қадрли тумандошлар!

Янги Ўзбекистонни ҳар томонлама тараққий эттириш, Учинчи юксалиш даври пойдеворини яратишга қаратилган тарихий ислоҳотлар жараёнида ўзбек тилини ривожлантириш бўйича белгилаб олган вазифаларимизни изчил давом эттиришимиз лозим.

Фурсатдан фойдаланиб, миллий ўзлигимиз ва ғуруримиз тимсоли бўлган она тилимизни асраб-авайлаш ва ривожлантиришдек шарафли ишга муносиб ҳисса қўшиб келаётган барча фидойи тумандошларимизга, юртдошларимизга чин қалбдан миннатдорлик билдираман.

Азиз тумандошлар, қадрли ҳамюртлар!

Сизларни яна бир бор Ўзбек тили байрами билан самимий қутлаб, барчангизга мустаҳкам саломатлик, оилангизга қут-барака, тинчлик ва омонлик тилайман.

Она тилимизнинг сўнмас зиёси онгу тафаккуримизни ва  қалбларимизни ҳамиша ёритиб турсин!

https://t.me/Umed_Barnoyev

#ПАХТА_2024
#ЭЪТИБОР_ЭЪТИРОФ_ВА_РАҒБАТ

🟢Ромитан туманида пахта йиғим-терими уюшқоқлик ва жадал суръатлар билан давом этмоқда

Миллий бойлигимиз бўлган оқ олтинни қуёшли кунларда йиғиштириб олиш учун бугунги кунда ҳар бир киши ўзини пахта майдонида бўлиши кераклигини чуқур англаган ҳолда машаққатлар эвазига етиштирилган ҳосилни йиғиб-териб олишда яқиндан ёрдам бермоқда. Қалб амри билан пахта даласига чиққан теримчилар ҳам оиласи, ҳам шу юрт учун ўзларининг улкан ҳиссаларини қўшишмоқда.

Ана шундай фаол теримчилардан иборат бўлган 4-отряд теримчилари ҳар куни 7-8 тоннадан зиёд пахта теришиб, сифатли саноат хомашёсини давлатимизга топширмоқда. Уларнинг ҳар бири кунига 100-140 килограммдан пахта теришиб, терим суръатини оширишда ўзларининг муносиб ҳиссаларини қўшишмоқда.

Далаларда жасорат кўрсатиб, давлатимиз хирмонининг юксалишида ўзларининг муносиб улушларини қўшаётган ҳашарчилар ҳолидан хабар олиш, энг чевар теримчиларни муносиб тақдирлаш мақсадида бугун, 20 октябрь куни Ромитан туман ҳокими Умеджон Барноев 1-секторга қарашли Бахтиёрчи маҳалла фуқаролар йиғинида жойлашган “Арбоб Умар” фермер хўжалигидаги теримчилар билан учрашди.

Туман раҳбари теримчиларга куч-ғайрат тилаб, пахтани нес-нобуд қилмасдан йиғиштириб олишда жонбозлик кўрсатаётган фермер хўжалиги аъзолари ва отряд раҳбарлари ҳамда теримчиларга ўз миннатдорчилигини билдирди. Шундан сўнг энг илғор теримчиларга ҳар хил турдаги қимматбаҳо совғаларни топширди.

Пахта йиғим-теримига иштирок этаётган теримчилар учун иссиқ овқат, тоза ичимлик суви, пахтани ўлчаш учун эса барча шароитлар яратилган. Ҳафта якуни билан илғор теримчилар аниқланиб рағбатлантириб борилаётгани билан бир қаторда 1 килограмм пахта учун 2500 сўм терим пулларини ўз вақтида етказиб берилаётганлигидан ҳашарчилар ўзларининг мамнунликларини билдиришди.

Шундан сўнг пахта йиғим-теримига ўз ҳиссаларини қўшаётган теримчилар учун дастурхон ёзилиб, ош тортилди. Туман маданият бўлими хонандалари иштирок этиб, куй-қўшиқлар билан тадбирга алоҳида кўтаринкилик бахш этишди.

https://t.me/Umed_Barnoyev