حقيقة الرجل والمرأه ♥️

فواكه و خضراوات ومنگرزات 😂

الزلم دائما من يجيبون طاري النسوان يگولون عليهن مثل الفواكه بأعتبار ان لكل امرأة طعم ونكهة مختلفة عن بقية النسوان
يعني وحدة تفاح وحدة عرموط وحدة طماطة وحدة فلفل حار حار
وحدة بصل وهكذا…

طبعا هاي سالفة النسوان مثل الفواكه عمت ع النسوان وكانت سلاح ذو حدين
ف من جهة هي مديح وغزل
لكن من جهة ثانية هي دعوة للتعددية من خلال الرغبة بتذوق كل انواع الفواكه ههه
يعني احنة منگول عليچن فواكه محبة ولسواد عيونچن وانما لمصلحة خاصة وغاية خفية 😂

هسة كل وحدة بيجن بحكم معرفتها لنفسهة ودواخلهة تگولونة يافاكهة او ياخضار هي لان انا من النوع الفضولي
بس بربجن بربجن بدون حماوة وكلاوات يعني اللي تحس نفسهة بصله لا تگول اني كرز 🍒

حقيرات نرجسيات مروا من هنا ...

ذكرتني بنفسي اني
والنرجسيات اللي مرو بحياتي ولا زالو يمروون
هاي اني هيچ اداريهن 😂😂

تواصل بدون مشاعر ميرهم
لانه شي غير منطقي
يعني سوالف وبس بدون مشاعر مترهم بين رجل وامرأة
اذا مباشر او اذا ع النت والتواصل الاجتماعي
في النهاية المشاعر ح تدخل بالموضوع  والمشاعر  كما اقول انا دائماً اقوى من كل الروابط الأخرى

شنو رباط السالفة ؟
ما ادري  ماكو رباط  هيه سالفة وخلص…
الرباط بقلوبكم انتو  متونس ع مشويات وعجبني انزل شي قبل لا ابلش هــــــــــــــــهههههہ ᵃ“‌ 😂♥️♡

ويدفر الباب من الحزن 😂😂

هاي سوالف العشاق والبدايات الساحرة قبل العركة الاولى
قبل ان يصبح هو غدار
وهيه حقيرة
هــــــــــــــــهههههہ ᵃ“̯ 😂♥️♡

كلاوات العيد

حنان الرجل في البدايات اقوى من حنان الام ب 7 مرات  وكلما جنتي حلوة ومنگرزه  كلما زاد الحنان اكثر… وانتو ممحلفيني

الرجل اللي حنانة دايم وثابت وميتغير هذا لگطة لاتفرطين بيه  لأن مو كل الرجال مثل علي الطائي😂

بدونك كلشي ما اسوه

مدام متكدرين تعوفينة او وجوده معاج ديحققلج الراحة والاستقرار العاطفي والنفسي خلص بعد ماكو داعي للدراما ماكو داعي للحظر ماكو داعي لكل الصور السلبية  ابقي وياه واستمري بالتواصل والاهتمام ولتزعلينة وخليكم حلوين

اما احلامج توقعاتج سقف امالج العريضة تخلينها بورقة وتشمريها بالشط
تصبرين وتتحملين كل خيبات الامل وكل تقصيره معاج ولتحاولين تفكرين انه عسى وبلكت واگدر اغيرة اگدر اقنعة وتعيشين بهذا الامل وكليوم مسوية مشكلة وياه لانه ابتعد عن توقعاتج الزفت

النقطة المهمة بكل هذا الكلام انه
وجوده يحقق الج الراحة والاستقرار النفسي والعاطفي

شنو رأيكم بهذا الكلام ؟ اكيد مبدع مبدع لا داعي للتصفيق

الحب يتعب 🙄

خصوصاً للبنية ما اقصد من ناحية الرجل هلمره راح نفترض الرجل رائع والعلاقة حلوة وماشية
لكن الحب يتعب خل نگول هواي شغلات تتغير نومتك گعدتك اكلك شربك قرايتك طبتك طلعتك شغل البيت والتزامات العائلة كثير امور تتغير تتبدل تتأثر

اذا بينكم مثلاً تواصل اهنا مواعيد نومتك تتغير جذرياً يجوز حتى نوم متشبعين لانه راح تقضون ليل ونهار مسجات واتصالات وهكذا بقية الاشياء والحبشكلات 😉

كل علاقة الهة خصوصيتها او وضعها واختلافها عن باقي العلاقات مو بالضرورة كل الناس تتعب بالحب بطريقة وحدة او نفس الكم
لكن المؤكد ان اكو تغيير يدخل لحياتك مع الحب .

الحب حلووو جداً ومتعب ايضاً وبيه مشاكل خاصة لبنات حواء الصاكات .. ومع كل التعب منكدر نتوقف ليش ؟
ربما لأن الطرف الاخر رائع وكلاوجي بنفس الوقت
نتحمل التعب والعناااء لأجل لحظات حلوة تعوضنا عن الكثير
الحب يتعب يا بنات بس حلوو حلوو حلووو
وعيونجن حلووو 😂😂😂😂

خل يقلق عليچ

اذا ضوجج اختفي  كلياً  مو تحظرينة لاااا  بس اختفي خلي يفتقدج خلي يقلق عليج خلي يسأل نفسة عنج

اذا اسبوع ما افتقدج دزيلة هدية شبشب قديم غلفيه اباكيت حلووو وترتيبات واكتبيلة عليه الى حبيبي السابق 😂😂

تقول احدى الحكم
(( أفضل علاقة يمكن ان تعيشها في حياتك هي مع الفتاة التي لا تحتاجك )).

كيف تفهمون هذه الحكمة من وجهة نظركم ؟