Aûgust💜

"أنا بجانبك"، كلمةٌ بسيطة قد تُنطق في سياق الحديث، لكن الشعور بأن هناك شخصًا يقف إلى جانبك في مصاعبك ومخاوفك حتى لو كانت كلمات فقط، يُريح جدًا. إن وجود شخص قادر على دعمك في لحظات الضعف، وسماعك في أي وقت، وتهدئة فزعك
أنَّ هناك شخص سيحارب من أجلك ومعك سيبني جسوراً من الأمان لقلبك تكون قادراً فيه بالاعتماد عليه تقف بجانبه فتتلاشى وحشه العالم في قلبك🫂💜
Taj 💫

#1/1/2025✨
بالأمس انطوت آخر ورقة من 2024 كانت مليئة بالإنجازات التي لم ننتبه إلا للقليل منها ، و جعلت منَّا أشخاصاً أكثر إدراكاً و وعياً 💜
واليوم بدأنا بعام جديد يحمل بين طياته الكثير من الأحداث و المفاجآت لنتعلم منها 💜
مرحباً بالبدايات الجديدة
فرصة أخرى لنقف ...لنكون الشخص الي حلمنا نكونوا بيوم من الأيام ، لنبني أحلام و آمال قادرين نحققها💜
Happy new year ✨💜
2025✨
Taj

بالمناسبة اشتقت لكل حدا فيكن💜
واشتقت اسمعكن وتسمعوني 💜
@Lovelymessages_bot 💜

كيف يمكنني أن أصف كم اشتقت إليك؟؟؟
أرسم صورة لك وأتفنن في رسم تفاصيل وجهك الذي أعشق؟ أم أكتب خاطرة شعرية تمتد لألف سطر لأمنح قلبي مساحة للتعبير عن شوقه وحنينه إليك؟
لا ..لا .. تراني هل أجوب الشوارع و الحواري بحثاً عن شيء منك ؟؟ أو أقطع كل تلك المسافات لأعود إلى عينيك التي أهيم بها ؟؟
ما الذي ينبغي لي فعله؟ أخبرني، لطفاً هل تهيم بك تلك النوبات المفرطة من الشوق كما أهيم؟ أم أنا وحدي من ينغمس في بحر الحنين بهذا الشكل؟ 🥺💜
Taj 💫

-فينا نمشي ؟
-فينا نمشي
-ليه أنا
-لإنك الإنسانة الوحيدة من لما شفتها وأنا قول لحالي وأخيراً لقيتها
-هاد كلام الكل هيك بكون
- أنت مو أول حدا بحياتي ولا أنا أول مرة بمشي مع بنت تحت مسمى الحب بس أنا أول مرة بكون ساكن لهالدرجة عم احكي بطريقة ها أول مرة بحكي هيك بدون ما فكر بكل كلمة وأبعادها شوق أنت حدا أبيض من جوا شخص تعامله مع الناس والمجتمع حسب راحته إذا ارتاح أعطى أجمل ما عندو وإذا لا ظل رسمي نقاء قلبك ميزك عن كل الناس وخلى كثير أشخاص تحب تقرب منك بس أنت كنت مثل القلعة المحصنة بشكل قوي ما بيقدر يفوت عليها غير الفارس ، دائما بتحكي عن السلام والأمان و دائماً بيتهموكي بالضعف بس أنت أقوى حدا شفتو بحياتي الإنسانة الي وصلت لقلوب كثير من دون ما يشوفوا وجها بس بالكتابة و صارت مشهورة واسمها مرتبط بلقب حمامة السلام بيعرفها الصغير قبل الكبير هي اقوى حدا مر بحياتي بالنسبة الي أنت السلام والأمان الي زار قلبي محظوظ كثير إنيّ لقيتك
-تامر انا ما عاد عارفة رد أو احكي شي بس أنا أول شخص أنا بمشي معو من دون أي قيود أو حواجز أنت الشخص الي حلمت فيه من زمان
هاي أول مرة بعمري بشوف إنسان عيونو أمان ✨💛
شوق و تامر 🌼
Taj 💫

تقول الصغيرة .......♡
في كل مرة كان يراودني الشوق لظله كان يدعني أنام و يداعب خصلات شعري حتى أغفو وأصحو على يده ترسم وجهي و يهمس لي بـ أحبك 🍀💜
Taj 💫

كان حسك في الحياة يكفيني لأبقى أضحك 😔💔
12:21💔

في كل لقاء كنت تضع مساميراً للبقاء في قلبي للأبد 💜

تقول الصغيرة .......♡
بكل مرة كنت ضيع و أهرب من العالم أنت تكون الوجهة الآمنة ولا مرة خيبت ظنوني فيك أنا ممنونة لكل أقدار العالم الي جمعتني فيك 🍀💜
Taj 💫

عدنا
بعد كل هذه الخيبات استطعت اليوم أن أكمل ❤️‍🩹
حب كبير لكل إنسان سوري💫💜 خصوصاً و ولكل إنسان بالعالم عموماً 💜
يسعد أوقاتكم🌿💜

يا ترى كنت بستاهل هي النهاية
كنت قلي سبب واحد وانت عم تطلع فيي رح تعمل هيك او كنت ذكرني بموقف انا خلفت بوعدي فيه لكنك لن ولم تفعلها لماذا لأنك أنت لأنك أضعف من قول كلمة واحدة فقط "الوداع " أنا حتى لا اريد إلى اللقاء لو كنت ستبقى وسنبقى ما كنت فكرت بالرحيل الصامت
Taj 💫

تائهون يالله
لا نعلم لأي اتجاه نسير ولا الوجهة نحن فقط نسير على أمل أن يكون طريقنا صحيح
يارب نسألك ألا نظل الطريق بعد كل هذه المعاناة
أن ننال أخيراً ما تعبنا لأجله
يالله نعلم علم اليقين أن ما نمرُّ به يختبئ الخير بين طياته لكننا يالله نجهله أحياناً فاعفو عنا إن ضاق صدرنا وقل صبرنا
# فيها_خير 🤍
Taj 💫

صباح الخير يا أنا ..
رح يكون اليوم حلو ..
أنا قادر كمل ...
ابتسم يا أنا عندك إنجاز إنك عم تفيق وعندك قدرة تكمل
بهي الكلمات منفيق كل يوم الصبح قبل ما تشرق الشمس أحياناً و عم نشجع حالنا لنستمر ... لنكافح ... لنحارب .. لنوصل لحلم ... لمكان و زمان يرضينا ..
نحنا مو عارفين ايمت رح نوصل بس الي متأكدين منه إنه رح نوصل ويمكن هاد الشي الي مخلينا نستمر حتى لو ما كانوا الناس ناسنا و والمكان مكانا ، و أحيان كثير منكون بحاجة كلمة تقوينا او حتى نظرة من شخص غالي علينا بتكفينا ، و أحيان ثانية منحس بالفشل والخيبة ومنفقد الشغف بس منرجع منقوم لإن في كثير أشخاص لازم نكون قد أملهن فينا أولهن أهلنا و بعدين بيجي كثير أشخاص بحبونا ومآمنين فينا والأهم منشانا نحنا لنثبت ذاتنا أكثر ونكون قادرين بيوم نتخذ قرار ونبدي رأي بالوقت الصح ..
الكلام يطول ونحنا اليوم أقوى من مبارح ❤️
#خلقت_لاسمع
#دعم_نفسي
Taj 💫

عند اول مطر ..
لازلت هنا ويدي فارغة ..
ارتجف ربما من البرد أو الحنين لم أعد أعلم من أيهما ارتجف ..
وحدي تحت المطر أمشي في كل الشوراع التي مشيناها معاً
استوحش كل طريق غريب وأؤنس بكل طريق مررنا به تعود لي الذكريات على هيئة أطياف
و أغنية فيروز ترافقني...
بديت القصة تحت الشتي
بأول شتي حبوا بعضن
وخلصت القصة بتاني شتي
تحت الشتي تركوا بعضن 💔
Taj 💫

لم أكن أعلم معاناة الطلاب الذين يسكنون خارج السكن الجامعي أن يستيقظوا يومياً قبل شروق الشمس فتشرق الشمس لأجلهم
ويخرجوا من بيتهم ليلحقوا بالنقل الداخلي أقل وسيلة تنقل تكلفة
لكن أنا و كأول يوم لي في هذه المعاناة أنا مستمتعة قابلت العديد من أطفال المدرسة و شعرت بالمسؤولية حيال وصولي إلى جامعتي في الوقت المناسب ، مستمتعة بكل هذا حتى إذا مرّ شيء سيء أنا مستمتعة
وسيكون لعقلي واجب إقناعي بهذه المتعة 💜
صباح النشاط والدوام ✨💜
صباح الحب ✨💜
Taj 💫

يمكن مو أنا لحالي هيك بس أنا كلي ثقة إنّي أحلى وأجمل وأقوى بنت مرت بنفس الظروف الي مريت فيها أنا وبعدها مستمرة وعم تقاتل لتصل لكل شي بدها اياه وبنفس الوقت هي مو لحالا رحمة ولطف رب العالمين هي عم توصلها لأحلامها بكل شي عم تتمناه عم يحصل كل شي عم تتخيله و تآمن فيه عم يصير قد ما كان بعيد الله قادر يحققلها احلامها وعقلها دائماً عم يطمح للأعلى والأجمل و عم يسعى لتحقيق هالأحلام
شكراً يالله شكراً على كرمك ولطفك والحمد لك حتى ترضى ...✨🤍
أهلا بحلمي يا مرحباً بك لقد طال انتظارك حتى أتيت ..💜
عساك تكون بداية خير لي ..🤍
A S.W.Taj ✨😎

أن يقول الله لأمنيتك كوني فكانت هذه أعلى درجات السعادة✨💜
Taj 💫

كفكرة آمنة بعد هطل من الخيالات الموحشة، كقطرة مطر لأرض قاحلة بعد سنين من الجفاف ، كمكان دافئ لشخص أنهك جسده البرد ، كلحظات من الفرح بعد أيام كئيبة ، كآخر خطوة نحو تحقيق الحلم ، و آخر جرعة كيميائية لمريض سرطان أخبره الطبيب بشفاءه التام ، كبهجة طفل في الخامسة رأى أبيه ينتظره أمام روضته و ضحكة مسن التم حوله ابناؤه و أحفاده كلهم ، كلحنٍ موسيقيّ هادئ في ليلة ماطرة و أول تسلل لأشعة الشمس إلى النوافذ و اول لقاء مع الأهل من بعد غياب السنين و أول زهرة نبتت بعد القصف النووي ، أنت كلهم يا رحيق عمري 💜
Taj 💫

لا تكون متاح بشكل دائم
ولا تكون متاح للكل
خلي عندك شي خاص لالك بس مثلاً يكون عندك وقت لتهتم بحالك وما عم احكي عن الاهتمام الخارجي طبعاً أو مساحة تقدر تكون فيها بالشكل المريح لالك مع شخص او ثنين مريحين بالتعامل او تكون وحدك حسب ما بتفضل
والناس الي بتعرفها و رح تتعرف عليها فقط الي بيعطوك إيجابية بالحياة وثقافة وفكر جديدة بالمختصر يزيدوا حياتك حياة أما الأشخاص الي همها الأول والأخير الانتقاد السلبي وتكسير المعنويات والتحطيم خليهن ع قائمة الحضور غير الضروري بحياتك ...
بتمنالكن حياة سوية نفسيا 🦋💜
قلل ناسك وكثر كتب😊💕
#خلقت_لاسمع
#دعم_نفسي
Taj 💫

مطر يعني خير يعني أنت 💜

و إنّك خلقت يا عزيز الروح سنداً لقلبي 💜
Taj 💫

حظي الحلو بالدنيا إني لقيتك 💜
Taj 💫

ـ نحكي
وصلتني هي الرسالة من شوي ع رابط الصراحة
فتحت و رديت فوراً
ـ اي أكيد
ـ تذكرتيني ؟
ـ عفواً مين؟
ـ أنا صباحك
..حسيت في غلط بس كملت ..
ـ طيب ذكرني فيك بعد
ـ أنا أكبر غلط صار بحياتها هيك قالت هي وهي أرق حدا مر بحياتي ياريت ترجع
ـ هلق وينها هي؟
ـ انفصلنا بعد ما عرفت بخيانتي الها
ـ طيب حاولت ترجعها ؟
ـ إذا بقلك 100 مرة قولي أكثر
ـ هي ما كانت بتحبك معناها
ـ مبلا أنا متأكد من حبها الي أصلا بحياتي كلها ما حدا حبني مثلها
ـ لكن ليه ما رجعت ؟
ـ آخر مرة حكينا كانت عم تقول سامحتني كثير من دون ما أعرف غلطي
ـ اي ؟
ـ بس بدي قلها إنها الشخص المفضل والأقرب لقلبي قد ما طال الزمن
ـ طيب رح انشر هالمحادثة بأسلوبي
ـ اي ما عندي مشكلة
ـ فيك تقلي شو اسمها
ـ لا بس حطي هالتوقيت وهي رح تعرف
19/2/2022 ❤️
ـ طيب ماشي
هالشخص مو أول مرة بيحكيني يا ترى شو كمية الوجع و الندم الي حاسس فيهن هو مشتاق للبنت وبعدو بحبها أو لا بس حاسس بتأنيب الضمير ..
والبنت شو إحساسها وكيف مقضية حياتها شو كان تأثير هالعلاقة عليها..
هالشخصين في كثير منهن بالحياة ومو دائماً البنت هي الضحية أحيان عم يكون الشب هو الضحية وللمرة المليون بقول لا تلعبوا بمشاعر الناس تحت مسمى الحب مو أي لعبة عم تلعب أنت هي مشاعر هاد قلب و روح يا "إنسان " مو قد هيك شي لا تفوت فيه اختصر ع حالك وجع من الأول خليك قوي ولو لمرة وحدة وارفض شي ما رح تكون قدو مو حقل تجارب الشخص الثاني لحتى تجرب إذا بتضبط أو لا
من الآخر الحب الو ناسو .....
Taj 💫

بعدَ وفاتِهِ بعامٍ رحمهُ اللهُ وغفرَ لهُ
جلستُ بمجلسٍ لا يعلمونَ برحيلِهِ ودارَ الحديثُ إلى أن وصلَ إلي وسُئلتُ كيفَ حالَ فلانٍ؟!
توقفَ الوقتُ عندي وكُلُ حواسيّ خذلتني، عيوني عكستْ صورتَهُ وأحمرَّ وجهي منَ الخنقةِ وراحَ صوتُهُ يترددُ في مسامِعي ويدي غدتْ تذكرُ آخرَ سلامٍ مع يدِهِ، ثم أقبضتُ على حالِها متحسرةً، وخانتْ رفاقَها دمعَةً لسعتْ وجهي بحرارتِها وذاكرتي ذهبتْ بي إلى يومِ اللقاءِ الأخيرِ، كم كانَ فرحًا وكان حديثُنا ومحورُهُ عادت بي الذاكرةُ إلى الوراءِ كثيرًا، رحتُ أذكرُ كُلَّ حركاتهِ وكلماتِهِ...
عدتُ إلى الواقعِ على صوتِ قفزاتِ قلبي، أحسستُ كأنَّه يريدُ أن يخرجَ من صدري، وضعتُ يدي عليه لعله يهدأُ، لكنه عبثٌ. طأطأتُ رأسي وغدوتُ أمسحُ عبراتي السخيةَ وأصبرُ نفسي وأقولُ لهم: رحمهُ اللهُ وغفرَ لهُ، فللهِ ما أعطى ولله ما أخذَ💔💔
Taj 💫

لم يكن لدي خيار لأحبك أم لا لقد كنت أجر من قلبي جراً بحبل حنانك و لطافة روحك 💜
Taj 💫

مرة قريت جملة وكثير وجعتني بتقول
بالحياة رح تحب شخص ورح يكون غير عن الكل يطبطب على قلبك بأشد الطرق حنية بس ما رح يكون الك
بتخيل كمية الألم الي رح تصيبك و الحزن و مشاعر الانكسار بعد هيك علاقة
الأسئلة الي رح تخطر ع بالك
شو صار ؟ طيب ليه هيك صار ؟ وليه أنا بالتحديد ؟ معقول أنا شخص ما بيستاهل ينحب؟
بعد هالعلاقة بتكتفي بالوحدة والخوف من اي علاقة قادمة وهون الخوف رح يكون حصانة لقلبك مو أكثر يمكن تنفعه أو لا بس بطبيعة الأحوال رح تتعود عالجرح وتمشي بالحياة لإن هيك الحياة ومشاغلها قادرة تسرقنا من حالنا❤️‍🩹
Taj 💫

أحيان لما يكون ما في حدا بمسمى حبيب بحياتنا منصير نفتش عليه وعالحب الي رح نعيشوا معه
بس بقدر ما نفتش عالحب منفتش عالأمان ع شخص نكون معه بكامل عفويتنا
يمكن نحنا منعطي مسمى الحب أكثر من ما بيستحق بس أحيان والأغلب نحنا بحاجة حدا يهوّن علينا الحياة و ما نهون عليه
الحب ما منقدر نختصره ع كلمتين بالغزل وشوية من الغيرة ... ها مو حب ها لعب ولاد
الحب هو القبول ويمكن حكيت عن ها الموضوع قبل
الحب هو تقدر تلاقي مكان آمن الك بين عجقة و مشاغل الحياة
بس أكيد الحب ما بيجي بيوم و ليلة و مثل ما بينقال ما فيك تحب البحر وأنت واقف عالشاطئ وحبك لشخص هيك بالضبط لازم كل عيوبه وطباعه وأسلوبه و صفاته بالمجمل وبعدها منفكر بالحب
مجازاً يقال أن القلب من يحب لكن واقعاً هناك مكان واحد للحب هو العقل🦋💜
أنا هيك رأيي وأنتوا شو رأيكن؟
صباح الحب لعيونكم 💜💜
Taj 💫

💗💗

💜

ما رأيك بصورة عيني في مخيلتك
أو تلك اللمسة التي دمغت على جسدك للأبد هل تتذكرهم جيداً
لكن السؤأل ليس هنا السؤال هكذا
هل تتذكر الدموع التي ذرفتها و سبب تلك الدموع أو تتذكر ضحكة عيناي بأقل الأشياء فرحاً -كالأطفال أعلم- هل تتذكر شكل هاتين العينين ؟؟
و رجفة يدي عندما لامست يدك هل كانت دافئة يدي أم باردة ، حنونة أو قاسية
كيف كان ملمس يدي حينها
أم تتذكر كلماتي عندما أشرقت الشمس على وجهك
كم عدد التفاصيل التي تذكرها
الأهم من كل هذا أنك موجود بحنينك و حبك لي أخبرك كل ما يجول بخاطري وتطمئن خوفي وتلملم شتاتي
أحبك بكل ما أوتيت من قوة🦋💜
Taj 💫

شعور الفراغ الي منحس فيه بعد انفصالنا عن حدا كانت بتجمعنا فيه علاقة حب مؤقت قد ما طال الوقت
بفترة هالشعور اياك تعمل شي تندم عليه عمرك كله
معقول بتفكر بالرجوع بعد الانفصال إذا كنت منفصل بسبب تجاوز خط أحمر من خطوطك وكنت معطي تنبيه عليه لا ترجع لإنك رج ترجع تنكسر نفس الكسرة الأولى بس بشكل مضاعف و إذا كنت منفصل لإن هالشخص أخذ كل فرصة كان بيستاهلها وأنت ما عاد عندك قدرة للمسامحة لا ترجع.
وغير هيك أسباب مافي انفصال بتكون فترة بعد لنفهم بعض أكثر إذا كان في قدرة للبعد لإن كل المشاكل منقدر نحلها سوا و الحب دائماً أقوى إذا كان الطرفين عندن إيمان بالحب وقوته
#خلقت_لاسمع
#دعم_نفسي
Taj 💫

عندي إيمان بشكل كبير بإنه الحب بيجي مرة وحدة
بيجي بالشكل الصح والوقت الصح والمكان الصح والأهم مع الشخص الصح 💫💜
يا ترى عنكن مثل هالإيمان ؟💜

أنا هنا لأسمع 💜
أنا هنا لنحاول ايجاد حل للمشاكل💜
بحب كل حدا فيكن كثير💜💜
وبقلكن شكراً لكل حدا حب يشاركني همه وسره شكراً عالثقة الي عطتوني اياها 🦋💜
احلام سعيدة وأيام كلها خير يارب 💫💜

💜💜

من أكبر الاغلاط الي منمارسها بحق حالنا هي المقارنة لما نصير نقارن حالنا بأشخاص بس لإن عجبتنا فيهن صفة او صفتين بالأكثر ونحنا ما منعرف إذا هالأشخاص كل صفاتهن حلوة او لا يا ترى هالأشخاص سويين نفسياً ، المقارنة كلها غلط لما بدك تقارن قارن حالك بين الي أنت عليه اليوم و الي كنت عليه بالماضي
لما عم تحط حالك بمقارنة مع شخص سواء هالشخص كان أعلى أو أقل منك أنت عم تخلق شخصية ثانية لالك إما شخصية قلقة ومكتأبة من عدم الوصول لهدفها وبالتالي هالشخصية رح تأثر عليك بشكل كبير و تنعدم عندك القدرة بالسيطرة عليها أو شخصية متعالية وغير متعاطفة مع الناس وبالحالتين أنت رح تكون الخسران لهيك لما تكون بمقارنة بمرة قادمة كون واعي لإيجابياتها برغم قلتهن وسلبياتها و عدم إدراك الأغلبية الهن
من وجهة نظري المقارنة الصحيحة هي فقط لما نكون عم نقارن حالنا بين اليوم والماضي لوين وصلنا وشو قدرنا نعمل إنجازات
السلام لقلبكن
مني أنا كل الحب
#دعم_نفسي
#خلقت_لاسمع

ياريت كل الأيام تجيب عيونه 💜

لو تنطوى هالمسافات ونلتقى بشارع قديم وصوت أم كلثوم عم تغني الحب كلو حبيتو فيك 💜
Taj 💫

أكبر أنجاز الي قدرت نال إعجابها 💜

ياريت كل الوجوه وجهه 💜

عم فكر كثير بهيك فقرة مستمرة طبعا لإن كثير ناس بتخجل من فكرة مريض نفسي او عنده عقدة نفسية فشو رأيكن بالموضوع

كل علاقات الدنيا خلقت للراحة بمعنى أدق لا تبقى بعلاقة مجهدة نفسيا مهما كنت متعلق بالشخص حتى في أحيان بتجمعنا علاقات بأماكن وجودنا فيها بيأذينا أكثر ما يفيدنا لهالسبب لازم تفل
حتى دوستويفسكي قال "لا يمكنك أن تشفى في نفس البيئة التي جعلتك مريضاً ، غادر"
صح لازم نكون أقوى ونواجه بس مو كل مرة لازم نواجه نحنا بحاجة ناخذ استراحة من كل شي من دون أدنى شك إنو ضعفنا ولما يكون الإجهاد النفسي فوق طاقتنا لازم ومن الضروري نغادر لنرجع بقوة
#دعم_نفسي
#خلقت_لاسمع