Tr.Khin Aye Soe (Counseling Psychologist)-TK Counselling Service

@tkcounsellingservice

📌 စိတ်ပိုင်းဆိုင်ရာ ပြဿနာများ
📌 relationship ပြဿနာများ
📌 personality test (or) psycho test စစ်ဆေးပေးခြင်း

☎️ 09450334140 booking ယူထားနိုင်ပါတယ်ရှင့်။

🔰mental health counseling session fee - 40,000 Ks ပါရှင့်။

Tr.Khin Aye Soe (Counseling Psychologist)-TK Counselling Service (Burmese)

သင့်အား စိတ်ပိုင်းဆိုင်ရာ ပြဿနာများအတွက် ဆွေးနွေးမှု ရယူခဲ့ပါ။ @tkcounsellingservice မှ အောက်ပါအတိုင်း ဆွေးနွေးမှု ရယူရန် သက်ဆိုင်မြင်ပါသည်။ မိုဘုတ်စောင့်မှသည်။ @khinayesoe တွင် အကြံပြုလိုပါက Message ပို့ပါ။ သို့မဟုတ် ဖုန်းခေါ်ဆို၍ 09450334140 နံပါတ်သို့ ဖုန်းခေါ်ပါ။ ဪူခယ်ယူထားပြီးတစ်ခုတည်းနိုင်ပါတယ်။ သင်တို့၏ စိတ်ပိုင်းဆိုင်ရာလက်ရှိ သက်ဆိုင်ရာ အခမဲရှိသည့် စိတ်ပိုင်းဆိုင်ရာ ရရှိပါသည်။ ဆွေးနွေးမှု ရယူရန် သင့်အား လက်ရှိ စိတ်ပိုင်းဆိုင်ရာ ပြဿနာများအတွက် ပါဝင်ပြီး စိတ်ပိုင်းဆိုင်ရာ လက်မှတ်သည့် အကြံပြုအမှုလိုအပ်သည်။ စိတ်ပိုင်းဆိုင်ရာ ပြဿနာများ 40,000 Ks တန်ဖိုးပါခဲ့သည်။ သင်လက်မှတ်ရယူအတွက် လူသိနိုင်ပါတယ်။ သင့်အား စိတ်ပိုင်းဆိုင်ရာနှင့် ဆွေးနွေးမှု ရယူလိုပါက @tkcounsellingservice မှ အသုံးပြုနိုင်ပါတယ်။

Tr.Khin Aye Soe (Counseling Psychologist)-TK Counselling Service

30 Nov, 15:39

Mental Disorder Vs Personality Disorder

Mental Disorder နဲ့ Personality Disorder က မတူဘူးဆိုတာ တချို့လူတွေက မသိနားမလည်ကြလို့ ရေးတင်ပေးလိုက်ပါတယ်နော်။

Mental Disorder ဆိုတာ...

လူတစ်ဦးရဲ့ နေ့စဥ် ပုံမှန်လုပ်ဆောင်မှုတွေကို အနှောင့်အယှက်ဖြစ်စေပြီး အဲ့လူရဲ့ စိတ်ခံစားချက်၊ အတွေး နှင့် အမူအကျင့်တို့ကို ထိခိုက်စေနိုင်တဲ့ စိတ်ပိုင်းဆိုင်ရာပြဿနာ ဖြစ်ပါတယ်။

သူနဲ့မတူတဲ့ Personality Disorder ဆိုတာ လူတစ်ယောက်မှာ healthy personality ရှိမနေဘဲ မိမိကိုယ်တိုင်နှင့် တခြားသူတွေအပေါ်မှာ ထိခိုက်စေနိုင်တဲ့ ရေရှည် ပြောင်းလဲရန်ခက်ခဲသော စိတ်ခံစားချက်၊ သဘောထားအမြင်၊ အတွေး နှင့် အပြုအမူများ ပါဝင်ပါတယ်။

Mental Disorder က ဘယ်အသက်အရွယ်တွင်မဆို ဖြစ်ပွားနိုင်ပြီး ခံစားရတဲ့ကြာချိန်က တစ်ယောက်နဲ့တစ်ယောက် မတူကွဲပြားမှု ရှိနိုင်ပါတယ်။

Personality Disorder ကျတော့.........များသောအားဖြင့် ကြီးကောင်ဝင်စ သို့မဟုတ် အရွယ်ရောက်ခါစတွင် ဖြစ်လေ့ရှိပြီး ၎င်းကို ကုသမှု မခံယူပါက လူတစ်ဦးရဲ့ ဘဝတစ်လျှောက်လုံးတွင် ဆက်လက်ပြီး တည်ရှိနေနိုင်ပါတယ်။

ဒီရောဂါနှစ်မျိုးစလုံးကို ကုသလို့ ရသော်လည်း ကုသတဲ့အခါမှာ ချဉ်းကပ်တဲ့ပုံစံ နှင့် treatment ပေးတာတွေက ကွဲခြားပါတယ်။

Mental Disorder အမျိုးအစားဖြစ်တဲ့ depression သို့မဟုတ် anxiety ရောဂါတွေကိုတော့ ဆေးဝါးနှင့် ရေတိုကုသလို့ရနိုင်သော်လည်း Personality Disorder ကျတော့ ဆေးဝါးတစ်ခုတည်းနဲ့ကုသလို့ မရသလို long term treatment(ရေရှည်ကုသမှု) နှင့် psychotherapy စသဖြင့်လိုအပ်ပါတယ်။

Mental Disorder ထက် Personality Disorder ကို ကုသရတာ ပိုပြီးခက်ခဲပါတယ်။

ဘာလို့လဲ ဆိုတော့ Personality Disorder ရှိတဲ့ သူတွေက သူတို့ရဲ့ အယူအဆ(belief)၊ သဘောထား (attitude) နှင့် အပြုအမူ( behaviour) တွေက အစွန်းရောက်နေမှန်း၊ လွှဲနေမှန်း သူတို့ကိုယ်တိုင် လက်မခံနိုင်တဲ့ အတွက် သူတို့ကို ပုံမှန် လမ်းကြောင်းမှန်သို့ရောက်အောင် ကုသရာမှာ အခက်အခဲ ရှိပါတယ်။

တချို့က သူတို့ကိုယ်တိုင် Personality Disorder ရှိမှန်းတောင်မသိကြဘဲ ဒီအတိုင်းနေထိုင်သွားတတ်ကြပါတယ်။ ဒါကြောင့်မို့လို့လဲ ကုသမှု ခံယူတာမျိုး မရှိကြပါ။

သို့သော် ဒီလူတွေက သူတို့ကိုယ်တိုင်လည်း အဆင်မပြေကြသလို၊ အများနဲ့ဆက်ဆံရေးတွေမှာ အဆင်မပြေ ကြတာများပါတယ်။

Mental Disorder ဖြစ်ဖြစ် Personality Disorder ဖြစ်ဖြစ် ရှိနေခဲ့ရင်လည်း ဒီပြဿနာတွေ ဖြစ်နေတာကို မိမိကိုယ်တိုင် လက်ခံလိုက်ပြီးတော့ ကုသမှု ခံယူလိုက်ပါက ပိုမိုကောင်းမွန်သော ဘဝကို ပြန်လည်ရရှိလာမှာ ဖြစ်ပါတယ်။

Personality Disorder , Mental Disorder နဲ့ပတ်သက်လို့ အမျိုးအစား တစ်ခုချင်းစီကို သိထားချင်ရင်တော့ ....

တီချယ်ရဲ့ page မှာ ရေးတင်ပေးထားတာတွေ အများကြီး ရှိပါတယ်နော်။ စိတ်ဝင်စားရင် ဝင်ဖတ်ကြည့်လို့ ရပါတယ်ရှင့်။

TK Counselling Service မှာ Mental Disorder Test, Personality Disorder Test စစ်ဆေးပေးသလို ကုသမှုလည်း လုပ်ပေးလျက်ရှိပါတယ်နော်။

အသေးစိတ်သိလိုပါက page messenger / ☎️ 09450334140 သို့ ဆက်သွယ်မေးမြန်း၍ စုံစမ်းနိုင်ပါတယ်ရှင့်။

👩‍🎓Tr. Khin Aye Soe
(Counselling Psychologist)
#psychological_guidance
#mental_health_service
#mentalhealthawareness

😊sharing is caring.✅
🚫ကူးယူပြန်တင်ခွင့်မပြုပါရှင့်။🚫

Tr.Khin Aye Soe (Counseling Psychologist)-TK Counselling Service

28 Nov, 14:34

တစ်စုံတစ်ခုအပေါ် မှာ အဆိုးမြင်ခြင်း ( negative thinking ) နဲ့ အဆိုးကို ကြိုတင်စဥ်းစားတွေးတောခြင်း ( negative visualization) နဲ့ မတူပါဘူးနော်။

အဆိုးမြင်ခြင်း (negative thinking) ဆိုတာက တစ်ခုလုပ်တော့မယ်ဆိုရင် ...
ငါက ဒီအလုပ်ကို မလုပ်နိုင်ပါဘူး၊
ငါက အဲ့လောက် အရည်အချင်းမရှိဘူး၊
ငါလုပ်ရင်လဲ အောင်မြင်မှာ မဟုတ်ဘူး၊

စသဖြင့် အရာရာကို အဆိုးမြင်တဲ့ စိတ်တွေနဲ့ တွေးမြင်ခြင်းဖြစ်ပါတယ်။

တနည်းအားဖြင့်ပြောရရင် negative thinking အတွေးတွေက ကိုယ်ဘဝတိုးတက်ရာ တိုးတက်ကြောင်း လုပ်ဆောင်ဖို့ ကိုယ့်ကိုယ်ကို ဆွဲချနေတဲ့ အဖျက်စိတ်တွေ ပါနော်။ ဒီလိုအတွေးတွေ ရှိတဲ့သူတွေက ဘဝမှာ အောင်မြင်ဖို့ ခဲယဥ်းနိုင်ပါတယ်။

အဲ့တာနဲ့မတူတဲ့ negative visualization ကျတော့

လုပ်ငန်း တစ်ခု ဒါမဟုတ် ကိစ္စတစ်ခုခုကို ရွှေးချယ်မှု လုပ်တော့မယ်ဆိုရင် ဖြစ်လာနိုင်ချေ ရှိတဲ့ ဆိုးကျိုးတွေ အခက်အခဲတွေ၊ စိန်ခေါ်မှုတွေ၊ ဆုံးရှုံးမှု တွေကို ကြိုတင်စဥ်းစားပုံဖော်ကြည့်တာမျိုးဖြစ်တယ်။

ကျွန်မတို့က အလုပ်တစ်ခုကို လုပ်တော့မယ်ဆိုရင် အမြဲတမ်း အဆင်ပြေချောမွေ့ မယ်လို့ တစ်ထစ်ချ မျှော်လင့်ထားလို့ မရပါဘူး။

ဖြစ်လာနိုင်ချေ ရှိတဲ့ အခက်အခဲတွေ၊ စိန်ခေါ်မှုတွေ၊ ဆုံးရှုံးမှုတွေ စသဖြင့် ဆိုးကျိုးတွေကို ကြိုတင်စဥ်းစားထားမှ လိုအပ်တာတွေကို ကြိုတင်ပြင်ဆင်ထားလို့ ရနိုင်မှာ ဖြစ်ပါတယ်။

ဒီလို Negative visualization လုပ်ကြည့်တဲ့အခါမှာ အဆိုးဆုံးအခြေအနေနဲ့ ရင်ဆိုင်ရရင်တောင် ကြိုတင်ပြင်ဆင်မှုရှိနေတာမို့လို့ အောင်မြင်မှု ရရှိဖို့အခွင့်အလမ်း ပိုများပါတယ်။

“Rehearse for the Worst, Hope for the Best” ဆိုတဲ့အတိုင်း ဖြစ်လာနိုင်တဲ့ အဆိုးတွေအတွက် ကြိုတင်ပြင်ဆင်ထားခြင်းဟာ အကောင်းဆုံးတွေ ဖြစ်လာဖို့ မျှော်လင့်တာမျိုးပါပဲ။

ဘဝရဲ့ မသေချာမှုတွေ ၊အခက်အခဲတွေအတွက် ကြိုတင် ပြင်ဆင်မှုရှိခဲ့ရင် တစ်ခုခုလွှဲလျှော်သွားရင်တောင်မှ ပြန်ထနိုင်ပါတယ်နော်။

လူတိုင်း လူတိုင်း မိမိတို့ရဲ့လျှောက်လှမ်းရမယ့် ဘဝခရီးလမ်းမှာ အဆင်ပြေချောမွေ့ကြပါစေရှင့်။

❗မိမိလိုချင်သောဘဝကို ပုံဖော်ချင်တဲ့သူတွေ

❗မိမိဘဝမှာစိတ်ကျေမှု ၊ ပျော်ရွှင်မှု ရမနေဘူးလို့ ခံစားနေရတဲ့သူတွေ၊

❗ဘာလုပ်လို့လုပ်ရမှန်းမသိ၊ ရည်ရွယ်ချက်မရှိ၊ လမ်းပျောက်နေတဲ့သူတွေ၊

❗မိမိဘဝတက်လမ်းအတွက် မိမိနဲ့ကိုက်ညီတဲ့ career မျိုး ဘယ်လိုရှာရမလဲ မသိတဲ့သူတွေ

❗တစ်ခုခုကို လုပ်ဆောင်ဖို့ ယုံကြည်မှု မရှိဘူး၊ ယုံကြည်မှုတည်ဆောက်ချင်တဲ့သူတွေ အတွက်

TK Counselling Service မှာ #self_transformation_package ယူလို့ရပါတယ်ရှင့်။

အသေးစိတ် သိလိုပါက
📩telegram chatbox / ☎️09450334140 သို့ဆက်သွယ်မေးမြန်းစုံစမ်းနိုင်ပါတယ်ရှင့်။

👩‍🎓Tr. Khin Aye Soe
(Counselling Psychologist)
#psychological_guidance
#mental_health_service
#mentalhealthawareness

😊sharing is caring.✅
🚫ကူးယူပြန်တင်ခွင့်မပြုပါရှင့်။🚫

114

Tr.Khin Aye Soe (Counseling Psychologist)-TK Counselling Service

27 Nov, 13:41

အကောင်းဆုံးကို မျှော်လင့်ထားသလို အဆိုးဆုံးအရာတွေအတွက်လည်း ကြိုတင်ပြင်ဆင်မှုရှိပါစေ။

ကျွန်မတို့ လုပ်ငန်းတစ်ခု ဒါမဟုတ် ကိစ္စတစ်ခုခုကို ရွှေးချယ်မှု လုပ်တော့မယ်ဆိုရင် အရင်ဆုံး ကြိုတင်စဥ်းစားတွေးခေါ် ပြီး plan ချကြည့်ကြတယ်။

ဒီအလုပ်ကို လုပ်လိုက်ရင်တော့ ၊ ဒီဟာကို ရွေးချယ်လိုက်ရင်တော့...ကိုယ့်အတွက် ကောင်းကျိုးတွေ၊ အကျိုးအမြတ်တွေ ဘာတွေ ရှိလာနိုင်လဲ ကိုယ့်အတွက် အဆင်ပြေနိုင်ချေ ရှိရဲ့လား စသဖြင့် ယေဘုယျ ခြုံငုံသုံးသပ်ကြည့်တာမျိုး လုပ်လေ့ရှိကြတယ်။

ဒီအလုပ်ကတော့ ငါ့အတွက် ဂွင်ပဲ၊ ဒီထက်ပိုကောင်းတဲ့အခွင့်အရေး ရှိဦးမှာလား ၊ ငါ့အတွက် အကောင်းဆုံးတွေပဲ ဖြစ်လာမှာ စသဖြင့် " ကောင်းတာတွေပဲ မျှော်လင့် ပုံဖော် ခံစားကြည့်တာမျိုးကို (positive visualization) ဖြစ်တယ်။

သူနဲ့မတူတဲ့ negative visualization ကျတော့ လုပ်ငန်း တစ်ခု ဒါမဟုတ် ကိစ္စတစ်ခုခုကို ရွှေးချယ်မှု လုပ်တော့မယ်ဆိုရင် ဖြစ်လာနိုင်ချေ ရှိတဲ့ ဆိုးကျိုးတွေ အခက်အခဲတွေ၊ ဆုံးရှုံးမှု တွေကို ကြိုတင်စဥ်းစားပုံဖော်ကြည့်တာမျိုးဖြစ်တယ်။

ကိစ္စတစ်ခုခု ရွေးချယ်တာ ဒါမှမဟုတ် ဆုံးဖြတ်ချက် ချတော့မယ်ဆိုရင် positive visualization ကိုပဲ အမြဲတမ်း မျှော်လင့်ထားလို့ မရပါဘူး negative visualization ကိုပါ ကြိုတင်တွေးထားပြီး ပြင်ဆင်စရာရှိတာကို ပြင်ဆင်ထားဖို့လိုအပ်ပါတယ်။

အဲ့ကြောင့်မို့လဲ တစ်ခုခုအဆင်မပြေခဲ့ရင် ကျန်တစ်ခုကို ရွေးချယ်လို့ရအောင် plan A , plan B စသဖြင့် ကြိုတင်ပြင်ဆင်ထားကြသလို ...

plan A ရှိပြီး plan B မရှိတောင်မှ ဖြစ်လာနိုင်ချေရှိတဲ့ ဆိုးကျိုးတွေကို ကြိုတင်စဥ်းစားခြင်းအားဖြင့် လိုအပ်တာတွေကိုကြိုတင်ပြင်ဆင်ထားလို့ ရနိုင်ပါတယ်။

“Rehearse for the Worst, Hope for the Best” ဆိုတဲ့အတိုင်း ဖြစ်လာနိုင်တဲ့အဆိုးတွေအတွက် ကြိုတင်ပြင်ဆင်ထားခြင်းဟာ အကောင်းဆုံးတွေဖြစ်လာဖို့ မျှော်လင့်တာမျိုးပါပဲ။

Negative visualization သုံးတဲ့အခါမှာ အဆိုးဆုံးအခြေအနေနဲ့ ရင်ဆိုင်ရရင်တောင် ပြင်ဆင်မှုရှိနေတာမို့လို့ အောင်မြင်မှု ရရှိဖို့အခွင့်အလမ်း ပိုများပါတယ်။

ဘဝမှာ ကိုယ်ထင်မှတ်မထားသလို ဖြစ်လာနိုင်တယ်လို့ ကိုယ့်စိတ်ကို ကြိုတင်ပြင်ဆင်ထားတဲ့လူက အဆိုးလောကဓံနဲ့ကြုံရတဲ့အခါ တအားနာကျင်ခံစားရတာမျိုး မဖြစ်တော့ပါဘူး။

အဲ့လိုမှ မဟုတ်ဘဲ အကောင်းတွေကြီးပဲ တအားမျှော်လင့်နေတဲ့အခါ လက်တွေ့ မှာ မှန်းချက်နဲ့နှမ်းထွက်မကိုက်ရင်၊ ဆိုးဆိုးရွားရွားတွေကြုံလာခဲ့ရင် ပြန်မထနိုင်တော့ပဲ စိတ်ဓာတ်ကျသွားနိုင်တဲ့အထိ ဖြစ်သွားနိုင်ပါတယ်ရှင့်။

ဒါကြောင့်မို့ ဘယ်အခြေအနေမျိုးမှာမဆို အကောင်းဆုံးကိုပဲ မျှော်လင့်လို့ရသလို အဆိုးတွေအတွက်လည်း ကြိုတင်ပြင်ဆင်ထားဖို့ လိုအပ်ပါမယ်နော်။

လူတိုင်း လူတိုင်း မိမိတို့ရဲ့ လျှောက်လှမ်းရမယ့် ဘဝခရီးမှာ အဆင်ပြေချောမွေ့ ကြပါစေရှင့်။

မိမိတို့ရဲ့ စိတ်ပိုင်းဆိုင်ရာပြဿနာများအတွက် Mental Health Counselling Sessions or Package များ အတွက် ကြိုတင် booking ယူလိုပါက page messenger ကနေတစ်ဆင့် စုံစမ်းမေးမြန်းနိုင်ပါတယ်ရှင့်။

👩‍🎓Tr. Khin Aye Soe
(Counselling Psychologist)
#psychological_guidance
#mental_health_service
#mentalhealthawareness

😊sharing is caring.✅
🚫ကူးယူပြန်တင်ခွင့်မပြုပါရှင့်။🚫

111

Tr.Khin Aye Soe (Counseling Psychologist)-TK Counselling Service

25 Nov, 11:24

ဘဝကို လွတ်လပ်ပေါ့ပါးစွာ ရှင်သန်ကြည့်ပါ။

ဘဝကို လေးလေးပင်ပင် ဖြတ်သန်းတာထက် လွတ်လပ်ပေါ့ပါးစွာ ရှင်သန်ကြည့်ဖို့ ကြိုးစားကြည့်သင့်ပါတယ်။

ဒီစကားက ပြောတာလွယ်ပေမယ့် တကယ့် လက်တွေ့မှာတော့ ဘယ်လွယ်မလဲနော်...

လူဘဝဆိုတာ အစစအရာရာ ပန်းခင်းလမ်းတွေနဲ့ပဲ ဖန်တီးထားတာမျိုး ဟုတ်မနေဘူး...

သမုဒ္ဒရာ ဝမ်းတစ်ထွာ ကအစ လူတစ်လုံး သူတစ်လုံး အဖြစ် ရပ်တည် ရှင်သန်နေထိုင်ဖို့ ကြိုးစားတည်ဆောက် ယူကြရတော့

ဘဝမှာ စိတ်ပင်ပန်း ကိုယ်ပင်ပန်း နဲ့ ဖြတ်သန်းခဲ့ရတဲ့ နေ့များစွာလည်း ရှိခဲ့ကြတာပါပဲ.....

ဒီအတွက်မို့လို့လဲ စိုင်းထီးဆိုင် သီချင်းထဲကလို ...

အပူပင်ကင်းတဲ့ ကလေးလေးဘဝကို တစ်ခါပြန်ပြီး ရချင်သေးတယ် ...ဆိုပြီး တောင်းတမိကြတာပဲ မဟုတ်ပါလား ...

ငယ်ရွယ်တဲ့အချိန်တွင် ခံစားခဲ့ရတဲ့ ပျော်ရွှင်မှုများ၊ လွတ်လပ်မှုများက အသက်ကြီးလာတာနဲ့အမျှ တဖြည်းဖြည်းချင်း ပျောက်ဆုံးကုန်လာတယ်....

ဒီကြားထဲ စိတ်မထားတတ်ရင် မထားတတ်သလို စိတ်ဖိစီးတာ ၊ စိုးရိမ်ပူပင်ရတာနဲ့တင် ရုပ်ကျတာအပြင်..ကိုယ့်ရဲ့ ပျော်ရွှင်မှုတွေ၊ လွတ်လပ်မှုတွေပါ ပျောက်ဆုံး ကုန်တယ်...

တကယ်တမ်းမှာတော့ လွတ်လပ်သော ဘဝဆိုတာ ...

လူတိုင်း ရရှိခံစားနိုင်တဲ့ အခွင့်အရေးတစ်ခုပါနော်...ဒါကိုကျွန်မတို့ သတိမထားမိလို့၊ မရွေးချယ်တတ်လို့သာ ကိုယ့်ရဲ့ဘဝကို လှောင်ပိတ် ထားသလို ခံစားနေကြရတာ ဖြစ်ပါတယ်....

လွတ်လတ်သောဘဝကို ရဖို့ ဆင်းရဲ၊ ချမ်းသာ ငွေကြေး၊ ဂုဏ်ပကာသန၊ အောင်မြင်မှုတွေနဲ့လည်း ဆိုင်မနေပါဘူး ....

ကိုယ် ရရှိနေတဲ့ လက်ရှိအနေအထားအပေါ် ကိုယ်က ဘယ်လို ရွေးချယ် ဖြတ်သန်းနေလဲ...ဆိုတဲ့ ကိုယ့်ရဲ့ ရွေးချယ်အပေါ် ပဲ မူတည်ပါတယ်...

ကျွန်မတို့ရဲ့ နေ့စဥ်ဘဝမှာ ကြုံတွေ့ ရနိုင်တဲ့ ဖိအားတွေ၊ စိုးရိမ်ကြောင့်ကြမှုတွေ၊ မသေရှာမရေရာမှုတွေ ဆိုတာ ကျွန်မတို့နဲ့အတူ ယဥ်တွဲပြီး ရှိနေမှာပါပဲ....

ဒါတွေရှိနေလို့ မပျော်ရွှင်ရဘူး၊ အမြဲစိတ်ညစ်နေရတယ်ဆိုပြီး အမြဲရှောင်လွှဲလို့ ရနေမှာ မဟုတ်ပါဘူး၊ သူနဲ့အတူ ဘယ်လိုယှဥ်တွဲနေထိုင်ရင် ရမလဲ ဆိုတာကိုပဲ တွေးတောကြံဆ အဖြေရှာကြည့်ဖို့ လိုအပ်ပါတယ်။

ဒါမှသာ ကျွန်မတို့ရဲ့ဘဝကို လွတ်လပ်ပေါ့ပါးစွာ ရှင်သန်နေထိုင်နိုင်မှာ ဖြစ်ပါတယ်။

ဥပမာ...တချို့ ပြဿနာတွေ အခက်အခဲတွေက ဖြေရှင်းရင်ပြေလည်သွားမယ့်ကိစ္စကို ကိုယ်က အရမ်းကြီး တွေးပူတတ်ပြီး စိတ်ဆင်းရဲနေတာမျိုး..

တစ်ခါတလေ ကိုယ်ရရှိနေတဲ့ လက်ရှိဘဝအနေအထားကို လက်မခံနိုင်ဘဲ သူများဘဝနဲ့နှိုင်းယဥ်မိကာ ပူဆွေးသောက ရောက်နေတာမျိုး ...

လက်ရှိအချိန်မှာ ပျော်ရွင်စရာတွေ ရှိနေပါလျက်နဲ့ အတိတ်က နာကျင်မှုတွေကို လွှတ်မချနိုင်ဘဲ ခံစားမိနေတာမျိုး...

လက်ရှိအနေအထားမှာ ကိုယ့်မှာရှိသမျှ အရာအားလုံးအပေါ် ကျေးဇူးတင်တတ်တဲ့စိတ်နဲ့နေထိုင်မယ့် အစား ကိုယ့်မှာ မရှိသေးတာ မပြည့်စုံသေးတာ အပေါ် အာရုံစိုက်ပြီး မပျော်ရွှင်နိုင်တာမျိုး စသဖြင့်

တစ်ခါတရံမှာ ဒီလို ကိုယ့်ရဲ့အတွေး၊ ကိုယ့်ရဲ့ရွေးချယ်မှုတွေက ကိုယ့်ကို လွတ်လပ်ပေါ့ပါးမှုမရှိအောင် ကိုယ်ကိုယ်တိုင် ဖန်တီးယူနေသလို ဖြစ်နေတတ်ပါတယ်နော်။

ဒါ့ကြောင့် လွတ်လပ်သော ဘဝကို ရရှိရင်တော့ ကိုယ့်ရဲ့ လက်ရှိ ဘဝအနေအထား အားလုံးကို လက်ခံပါ။ တန်ဖိုးထားပါ။ ကိုယ့်ရဲ့လက်ရှိဘဝကို အပြစ်မမြင်ဘဲ ကျေးဇူးတင်စိတ်နဲ့ အပြည့်အဝ အကောင်းဆုံး ရှင်သန်ကြည့်လိုက်ပါ။ ဒီလိုသာဆိုရင် အေးချမ်းမှု၊ ပျော်ရွှင်မှုကို ခံစားရပါလိမ့်မယ်။

စစ်မှန်တဲ့ လွတ်လပ်သောဘဝဆိုတာ ရှိတာလေးနဲ့ ရောင့်ရဲကျေနပ်ပြီး ဘဝကို ရိုးရှင်းစွာ ဖြတ်သန်းနေထိုင်တတ်ခြင်းပါပဲ။

လူတိုင်း လူတိုင်း ကျန်းမာပျော်ရွှင်ကာ လိုရာခရီးပန်းတိုင်ကို လျှောက်လှမ်းနိုင်ကြပါစေရှင့်။

မိမိတို့ရဲ့ စိတ်ပိုင်းဆိုင်ရာပြဿနာများအတွက် Mental Health Counselling Sessions or Package များ အတွက် ကြိုတင် booking ယူလိုပါက page messenger ကနေတစ်ဆင့် စုံစမ်းမေးမြန်းနိုင်ပါတယ်ရှင့်။

👩‍🎓Tr. Khin Aye Soe
(Counselling Psychologist)
#psychological_guidance
#mental_health_service
#mentalhealthawareness

😊sharing is caring.✅
🚫ကူးယူပြန်တင်ခွင့်မပြုပါရှင့်။🚫

199

Tr.Khin Aye Soe (Counseling Psychologist)-TK Counselling Service

19 Nov, 13:40

မိမိကိုယ်ကို ကြင်နာခြင်း (self-compassion)

များသောအားဖြင့် ကျွန်မတို့က သူများတွေအပေါ် ကြင်ကြင်နာနာဆက်ဆံတာ၊ အားပေးနှစ်သိမ့်တာတွေ လုပ်နေကြပေမယ့်

ကိုယ့်ကိုယ်ကို ကျတော့.....ကြင်နာစွာ ဆက်ဆံဖို့၊ အားပေးဖို့ မေ့နေတတ်ကြပါတယ်။

ကိုယ့်ကိုယ်ကို ကြင်နာ၊ အားပေးမယ့်အစား ....ဒါလေးတောင် မလုပ်နိုင်ဘူးလား၊ ဒီလောက်တော့ ခံနိုင်ရည်ရှိရမှာပေါ့ ဆိုပြီး ကိုယ့်စိတ်ကို တင်းထားတတ်ကြတယ်....

တကယ်တမ်းမှာတော့ သူများတွေအပေါ် ကြင်နာစွာ ဆက်ဆံသလိုပဲ ကိုယ့်ကိုယ်ကိုလည်း ချစ်ခင်ကြင်နာမှုပေးဖို့ အထူးလိုအပ်ပါတယ်။

လူတွေမှာ ကိုယ့်ကိုယ်ကို ကြင်နာမှုရှိခြင်းဟာ အခြားသူများက ပေးနိုင်တဲ့ အားပေးမှုထက် ပိုပြီးတော့ စွမ်းအားကြီးမားပါတယ်။

ဘဝမှာ အဆင်မပြေမှုတွေ၊ အမှားတွေ၊ နာကျင်မှုတွေ ခံစားလာရရင် ကိုယ့်ကိုယ်ကို အပြစ်မတင်ဘဲ ကြင်နာစိတ်နဲ့ ပြန်လည်ခွင့်လွှတ်ကြည့်ဖို့ ကြိုးစားသင့်ပါတယ်။

ကိုယ့်ရဲ့ အားနည်းချက်တွေ၊ အမှားတွေကို ပြစ်တင်ခြင်းမရှိဘဲ ကြင်နာတတ်ခြင်းဟာ....

ကိုယ့်ကိုယ်ကို ရိုးသားစွာ အသိအမှတ်ပြု လက်ခံလိုက်တာမို့ ကိုယ့်ရဲ့ ယုံကြည်မှုကိုပါ တည်ဆောက်ပေးနိုင်တဲ့ စွမ်းအားကို ဖြစ်စေပါတယ်။

ကိုယ့်ကိုယ်ကို ကြင်နာလိုက်တဲ့အခါမှာ ကိုယ့်စိတ်ရဲ့ လွတ်လပ်မှု၊ တည်ငြိမ်အေးချမ်းမှုကို ရရှိစေရုံသာမက ကိုယ်ရဲ့ စွမ်းဆောင်ရည်ကိုပါ မြှင့်တင်ပေးနိုင်ပါသေးတယ်။

ဒါကြောင့် ကျွန်မတို့ရဲ့ဘဝမှာ ဘာပဲကြုံရ ကြုံရ ၊ ဘာပဲ ဖြစ်လာဖြစ်လာ ကိုယ့်ကိုယ်ကို ပြစ်တင်မှုမရှိဘဲ မိမိကိုယ်ကိုကြင်ကြင်နာနာမေတ္တာထား၍ ရှေ့ဆက်မယ်ဆိုရင် အခက်အခဲများကို ရင်ဆိုင်ကျော်လွှားနိုင်ဖို့ ခွန်အားကို ရရှိစေမှာ ဖြစ်ပါတယ်။

အဲ့လိုမှ မဟုတ်ဘဲ တစ်ခုခုအဆင်မပြေ ဖြစ်တိုင်း ကိုယ့်ကိုယ်ကို အားမလို အားမရ စိတ်နဲ့ အပြစ်တင်တယ်.....

အမှားတစ်ခုခု လုပ်မိတိုင်းမှာ ....ငါကိုယ်တိုင်က အသုံးမကျတာ၊ ငါကိုယ်၌က မှားတာပါ ဆိုပြီး ကိုယ့်ကိုယ်ကို အပြစ်တင်တယ်...

တစ်ခုခုလုပ်ဆောင်လို့ မအောင်မြင်ခဲ့ရင်လည်း ....ငါက အရည်အချင်းမရှိဘူး ၊ ညံ့လိုက်တာ၊ တုံးလိုက်တာ ဆိုပြီး အပြစ်တင်ပြန်တယ်...

စသဖြင့် ဒီလို အပြစ်တင်တတ်တဲ့ အတွေး၊ အမူအကျင့်ဟာ ကျွန်မတို့အတွက် ကောင်းကျိုးထက် ဆိုးကျိုးကိုသာ ဦးတည်သွားစေနိုင်ပါတယ်။

အထူးသဖြင့် မိမိကိုယ်ကို အပြစ်တင်ပဲဖြစ်ဖြစ် တခြားသူတွေကို အပြစ်တင်တာပဲ ဖြစ်ဖြစ် ...

" အပြစ်တင်တတ်တဲ့စိတ်ဟာ" အားငယ်စိတ်၊ သိမ်ငယ်စိတ်ကို ဖြစ်စေရုံသာမက တဖြည်းဖြည်း မိမိကိုယ်ကို ယုံကြည်မှု ပျောက်ဆုံးလာကာ နောက်ဆုံး စိတ်ဓါတ်ကျလာသည်အထိ ဖြစ်သွားစေနိုင်ပါတယ်နော်။

ဒါကြောင့် ဘာတွေပဲဖြစ်လာဖြစ်လာ၊ ဘယ်လိုပဲကြုံရကြုံရ၊ ဘယ်အခြေအနေမျိုးမှာမဆို ကိုယ့်ကိုယ်ကို အပြည့်အဝ ချစ်ပေးပါ။ ကြင်နာပေးပါနော်။

လူတိုင်း လူတိုင်း ကျန်းမာပျော်ရွှင်ကာ မိမိတို့ရဲ့ လိုရာခရီးပန်းတိုင်းကို လျှောက်လှမ်းနိုင်ကြပါစေရှင့်။

မိမိတို့ရဲ့ စိတ်ပိုင်းဆိုင်ရာပြဿနာများအတွက် Mental Health Counselling Sessions or Package များ အတွက် ကြိုတင် booking ယူလိုပါက telegram chatbox ကနေတစ်ဆင့် စုံစမ်းမေးမြန်းနိုင်ပါတယ်ရှင့်။

👩‍🎓Tr. Khin Aye Soe
(Counselling Psychologist)
#psychological_guidance
#mental_health_service
#mentalhealthawareness

😊sharing is caring.✅
🚫ကူးယူပြန်တင်ခွင့်မပြုပါရှင့်။🚫

220

Tr.Khin Aye Soe (Counseling Psychologist)-TK Counselling Service

15 Nov, 15:01

" အလင်းရောင်ကို ရှာတွေ့ ခြင်း "

အလင်းရောင်ကို ရှာတွေ့ ခြင်းဆိုတာနဲ့ပတ်သက်လို့ James ဆိုတဲ့ ကလေးတစ်ယောက်က Dr. James ဖြစ်လာဖို့ သူ့ဘဝကို သူဘယ်လို ဖန်တီးတည်ဆောက်ယူခဲ့သလဲ ...ဆိုတာကို စာဖတ်သူတွေ စိတ်ခွန်အား ရရှိစေဖို့ သူ့ရဲ့ story လေးကို အကျဥ်းချုပ်လေး မိတ်ဆက်ပေးပါရစေ...

ဒီ story မှာ Dr. James ဖခင်က အရက်သမား၊ မိခင်က Depression ခံစားနေရတဲ့လူ၊ အစိုးရရဲ့ ထောက်ပံ့ငွေနဲ့ သူတို့နေထိုင်ကြရတယ်။

ဆင်းရဲတဲ့အတွက် သူ့အမေ depression ရောဂါ သွားပြရင် ဆေးရုံ ဆေးခန်းမှာလဲ သူတို့ကို အဖက်မလုပ်ကြပါဘူး။

Dr. James မဖြစ်ခင် ဒီကလေးလေးက သူ့ကိုယ်သူ တစ်နေ့ကျရင် ဆရာဝန်ဖြစ်လာမယ် ဆိုတာ သူကိုယ်တိုင်တောင် မျှော်လင့်ချက်မရှိခဲ့ပါဘူး။ ဆေးကျောင်းတက်ဖို့ ငွေကြေးမရှိပါဘူး။

ဒါပေမဲ့ သူ့မှာ ကောင်းမွန်တဲ့ စိတ်ထားလေးတွေ ရှိတယ်။ အဲ့တာက ဘာလဲဆိုတော့ အခြားလူတွေအပေါ် ဂရုစိုက်တတ်တတ်တယ်၊ ကူညီစောင့်ရှောက်ပေးတတ်ပါတယ်။

သူ့မိသားစုအတွက်၊ အခြားလူအတွက် တတ်နိုင်သမျှ ကူညီစောင့်ရှောက်ပေးတယ်၊ ရောဂါသည် မိခင်ကိုလဲ ပြုစုတယ်။

မိသားစုက ဆင်းရဲတော့ ငယ်ငယ်က အနှိမ်ခံရတာမျိုးတွေ ရှိတော့ သူ့စိတ်ထဲမှာ သူ့ဘဝကို ဒီအတိုင်း သူမကြီးပြင်းချင်ဘူး၊ ပတ်ဝန်းကျင်ရဲ့အထင်သေးမှုကိုလဲ သူမခံချင်ဘူး။

ဒီတော့ သူ့မှာ ကြိုးစားချင်တဲ့ စိတ်က ငယ်ငယ်ကတည်းက အမြဲကိန်းအောင်းပြီး ရှိနေခဲ့တယ်။

တစ်နေ့မှာတော့ သူ့ဘဝကို အလင်းဖွင့်ပေးမယ့် အဖွားတစ်ယောက်နဲ့ မထင်မှတ်ပဲ တွေ့မိရာကနေ ....

အဲ့ဒီကလေးလေး နောင် ၁၆ နှစ်ကြာမှာ Neurosurgeon ဦးနှောက်ခွဲစိတ်ဆရာဝန် တစ်ယောက် ဖြစ်လာရုံတင်မကဘူး၊

မိဘမဲ့တွေ ကလေးအတွက် ငွေကြေးထောက်ပံ့မှုပေးနေတဲ့ Millionaire တစ်ယောက်ဖြစ်လာခဲ့တယ်။

James ရဲ့ဘဝမှာ အဆင်မပြေမှု အရမ်းများတဲ့အခါ၊ သူ့အတွေးက လုံးဝထွက်ပေါက်မရှိဘူး။ တစ်နေ့ တစ်နေ့ သူ့ကိုယ်သူ အပြစ်တင် နေတာပဲများတယ်။

ဒီတော့ တစ်နေ့မှာ အဖွားတစ်ယောက်နဲ့မထင်မှတ်ပဲ တွေ့ဆုံခဲ့တယ်...

အဲ့ဒီ အဖွားက James ရဲ့အခြေအနေလေးကို ကြားသိရတော့ ပထမဦးဆုံး သူ့ကို အတွေးကို ရှင်းထုတ်တဲ့နည်း (meditation) ကို စပြီး သင်ပေးလိုက်တယ်။

James က ပထမ လိုက်မလုပ်ချင်ပေမဲ့ သူ့အိမ်မှာ သူအမြဲမနေလိုတော့ အဲဒီအဖွားနဲ့ သူအချိန်ပေးရတာ၊ အဲဒီအဖွားက သူ့ကို မေတ္တာနဲ့ ဂရုစိုက်မှု ပေးတော့ သူက အဲဒီ တရားထိုင်နည်းကို သွားသင်ယူတယ်။ (၆)ပတ်ပဲ သူတို့နှစ်ယောက် တွေ့ရတယ်။

ဒါပေမဲ့ အဲဒီ (၆) ပတ်ပြီးတဲ့ အချိန်မှာ James ရဲ့ ဘဝက စတင်ပြောင်းလဲလာခဲ့တယ်လို့ ဆိုထားပါတယ်။ သူ့စာအုပ်ထဲမှာ သူထည့်ရေးထားတာက သူသာ အဲဒီအဖွားနဲ့ မတွေ့ ခဲ့ရင်၊ သူ ယနေ့ neurosurgeon တစ်ယောက်ဖြစ်လာမှာ မဟုတ်ပါဘူး။

ဘာလို့လဲဆိုတော့ သူ့မိသားစုထဲမှာ၊ တစ်ယောက်မှ ပညာတတ်မဖြစ်ခဲ့သလို၊ university လဲတက်ခဲ့ရ ဖူးဘူးသူမရှိဘူး၊ အဲဒီလို ပတ်ဝန်းကျင်ကနေ ကြီး လာတဲ့ သူဟာ ဆရာဝန်တစ်ယောက်ဖြစ်ဖို့ သူအိမ်မက် မမက်ရဲဘူး၊ မဖြစ်နိုင်ဘူးလို့ပဲ အစက သူထင်ခဲ့တယ်။

ဒါပေမဲ့ အဲဒီအဖွားကြီး သူ့ကို ပြောလိုက်တဲ့ စကားတစ်ခွန်းက သူ့ဘဝကို လုံးဝ ပြောင်းလဲ သွားစေခဲ့တယ်။

James...

" မင်းဘဝကို မင်းပုံမဖော်မှသာလျှင် အခြားလူရဲ့ပုံဖော်ခြင်းကိုခံရတာ၊ မင်းဘဝကို မင်း ပုံဖော်နေသရွေ့ ဘယ်သူမှ မင်းဘဝကို ပုံဖော်လို့မရဘူး” ဆိုတဲ့ စကားလေးပဲ ဖြစ်ပါတယ်...

နောက်ပြီး အဲဒီအဖွားသူ့ကို သင်ပေးလိုက်တဲ့ တရားထိုင်နည်းတွေက သူ့ဘဝကို သူကိုယ်တိုင် control လုပ်လို့ရတယ်ဆိုတာကို ပြပေးလိုက်မှန်း သူနောက်ပိုင်းမှာ နားလည်လာခဲ့တယ်..

တစ်နည်းအားဖြင့် James ဟာ အဲ့အဖွားနဲ့တွေ့ပြီးနောက် သူ့ဘဝရဲ့အလင်းရောင်၊ သူ့ဘဝရဲ့ တန်ဖိုးကို သူကိုယ်တိုင် ရှာတွေ့ သွားခဲ့တယ် ဆိုတာပါပဲ....

ဒီစာအုပ်က Dr. James ကိုယ်တိုင်ရေးထားတဲ့ သူ့ဘဝ ဇာတ်ကြောင်း အကြောင်းလေးပါနော်။

ဒီ story လေးကနေ စာဖတ်တဲ့သူတွေကို message ပေးချင်တာကတော့

လူတစ်ယောက်က သူ့ဘဝရဲ့အလင်းရောင်ကို သူ့ကိုယ်တိုင်ရှာတွေ့ဖို့ရာ...

စာအုပ်တစ်အုပ်လည်း ဖြစ်နိုင်သလို ...လူတစ်ယောက်ကြောင့်လည်း ဖြစ်နိုင်တယ်...

ဒါမှမဟုတ် တစ်စုံတစ်ဦးရဲ့ စကားလေး တစ်ခွန်းကြောင့်လည်း ဖြစ်နိုင်သလို...

ကိုယ်မြင်လိုက်ရတဲ့ မြင်ကွင်းတစ်ခု၊ အဖြစ်အပျက်တစ်ခုကြောင့်လည်း ဖြစ်နိုင်ပါတယ်နော်..

လူတိုင်း လူတိုင်း ကိုယ့်ဘဝရဲ့ အလင်းရောင်ကို ရှာတွေ့နိုင်ကြပြီးတော့ ကိုယ့်ရဲ့ဘဝကို အကောင်းဆုံး ထုဆစ် ပုံဖော်တည်ဆောက်နိုင်ကြပါစေရှင့်။

မိမိတို့ရဲ့ စိတ်ပိုင်းဆိုင်ရာပြဿနာများအတွက် Mental Health Counselling Sessions or Packages များ ရယူလိုပါက page messenger / ☎️ 09450334140 သို့ဆက်သွယ်မေးမြန်း၍ စုံစမ်းနိုင်ပါတယ်ရှင့်။

👩‍🎓Tr. Khin Aye Soe
(Counselling Psychologist)
#psychological_guidance
#mental_health_service
#mentalhealthawareness

😊sharing is caring.✅
🚫ကူးယူပြန်တင်ခွင့်မပြုပါရှင့်။🚫

336

Tr.Khin Aye Soe (Counseling Psychologist)-TK Counselling Service

09 Nov, 15:56

လူတစ်ယောက်အတွေးဟာ သူ့ရဲ့ဘဝပါပဲ...

စိတ်ညစ်စရာတွေ ပူစရာတွေ နာကျင်စရာတွေ မကျေမနပ်တာတွေ ရင်ထဲမှာ ကိန်းနေပြီး ဒါတွေပဲ အမြဲတွေးနေမိရင်...

အတိတ်ထဲမှာပဲ ပိတ်မိနေပြီး အမြဲလိုလို စိတ်ဆင်းရဲ စိတ်ဓာတ်ကျနေရင်...

အနာဂတ်ကိုပဲ တွေးပြီး အမြဲပူပန်နေရင်....

ကိုယ့်ရဲ့ energy က ကျပြီးရင်း ကျလာပြီး ဘာလုပ်လုပ် အဆင်မပြေတာများလာတယ် .....

အဲ့အခါကျရင် ကျွန်မတို့က ကံမကောင်းဘူး ပြောဆိုတတ်ကြတယ်။

ကံ ဆိုတာ ကိုယ်ပြောသမျှ၊ တွေးသမျှ၊ လုပ်သမျှ ကနေဖြစ်တည်လာတာ ဖြစ်ပါတယ်။

ကောင်းတဲ့အပြော၊ ကောင်းတဲ့အလုပ်၊ ကောင်းတဲ့အတွေးတွေက ကောင်းတဲ့ကံကို ဖြစ်စေတယ် ဆိုတာ လူတိုင်းက သိပြီးသားဖြစ်မှာပါ။

ကျွန်မတို့ရဲ့ ကောင်းတဲ့ အတွေး စိတ်ဆန္ဒ ကသာ ကောင်းတဲ့အပြော၊ ကောင်းတဲ့အလုပ်ကို လုပ်ဆောင်ဖို့ တွန်းအားကို ဖြစ်စေပါတယ်။

သို့သော်လည်း ကျွန်မတို့ရဲ့ အတွေးတွေကို ကောင်းအောင်လုပ်ဆောင်နေဖို့ အမြဲသတိ မကပ်ထားနိုင်တော့ ...

ဒေါသနဲ့ပြောမိတာ၊ တစ်ခုခုအဆင်မပြေရင် စိတ်ကလိုမကျတော့တာ စသဖြင့် ရှိနေနိုင်တယ်။

တစ်နေ့ တစ်နေ့ ကိုယ့်ရဲ့အတွေးတွေကို သတိထားပြီးကြည့်မယ်ဆိုရင်တောင် ကောင်းတဲ့အတွေးတွေထက် မကောင်းတဲ့အတွေး တွေးဖြစ်မိတာက ပိုများပါတယ်။

ဒါကလည်း လူ့စိတ်ရဲ့ သဘာဝ ဖြစ်ပေမယ့် ကျွန်မတို့က ပိုကောင်းတဲ့ဘဝကို လိုချင်တယ်ဆိုရင်တော့ ....

ကောင်းတဲ့အတွေးတွေနဲ့ နေတတ်သူဖြစ်အောင် နည်းအမျိုးမျိုးနဲ့ ကျွန်မတို့ရဲ့စိတ်ကို လေ့ကျင့်ကာ ကြိုးစားပြီး ပြောင်းလဲယူရမှာ ဖြစ်ပါတယ်။

ဘာလို့လဲဆိုတော့ ကျွန်မတို့ ကြံစည်တွေးတောသမျှဟာ ကျွန်မတို့ရဲ့ ကံဖြစ်လာတာမို့ ...

ကောင်းတဲ့အတွေးတွေ ကိန်းအောင်းနေဖို့ သတိနဲ့ နေထိုင်တတ်ခြင်းဟာ ကံ ပိုကောင်းလာဖို့ကို ဦးတည်စေပြီးတော့ ကျွန်မတို့ရဲ့ ဘဝဟာလည်း ပိုမိုလင်းလက် လာစေမှာ ဖြစ်ပါတယ်။

အဲ့လိုမှ မဟုတ်ဘဲ ကျွန်မတို့ကိုယ်တိုင်က မကောင်းတဲ့ အတွေးတွေထဲမှာ အဖန်တလဲလဲ နစ်မွန်းနေရင်တော့...

ကြာလာရင် သိမ်ငယ်စိတ်တွေ ဝင်လာမယ်.. ယုံကြည်မှုတွေ နည်းလာမယ်..လုပ်ဆောင်နိုင်စွမ်းတွေလည်း ကျလာမယ်...အဲ့တော့ ဘာလုပ်လုပ် အဆင်မပြေ ဖြစ်လာပါလိမ့်မယ်...

ဒါကြောင့်မို့ ကိုယ့်ရဲ့အတွေးတွေကို သတိကပ်ဖို့ လိုပါမယ်.. ဂရုစိုက်ရပါမယ်... ကိုယ့်ရဲ့အတွေးကြောင့် ကိုယ့်ဘဝကို မနစ်မွန်းမိပါစေနဲ့။

လူတိုင်း လူတိုင်း ကျန်းမာပျော်ရွှင်စွာဖြင့် မိမိတို့ရဲ့ လိုရာခရီး ပန်းတိုင်ကို လျှောက်လှမ်း နိုင်ကြပါစေရှင့်။

TK Counselling Service မှာ မိမိတို့ရဲ့ စိတ်ပိုင်းဆိုင်ရာပြဿနာများအတွက် Mental Health Counselling Sessions or Package များ ရယူလိုပါက page messenger / ☎️ 09450334140 သို့ဆက်သွယ်မေးမြန်း၍ စုံစမ်းနိုင်ပါတယ်ရှင့်။

👩‍🎓Tr. Khin Aye Soe
(Counselling Psychologist)
#psychological_guidance
#mental_health_service
#mentalhealthawareness
#positivethoughts

😊sharing is caring.✅
🚫ကူးယူပြန်တင်ခွင့်မပြုပါရှင့်။🚫

300

Tr.Khin Aye Soe (Counseling Psychologist)-TK Counselling Service

08 Nov, 14:02

မျှော်လင့်ချက်ထားပါ အလျင်မလိုပါနဲ့။

လူသားတိုင်းမှာ မျှော်လင့်ချက်ရှိတာ သဘာဝပါပဲ။

ဒါပေမယ့် ကိုယ့်ရဲ့မျှော်လင့်ချက် အကုန်ဖြစ်လာဖို့ဆိုတာ လူ့ဘဝက ကိုယ့်အလိုကျ တည်ဆောက်ထားပေးတာ မဟုတ်ပါဘူး။

တစ်ခါတစ်ရံမှာ ကိုယ့်စိတ်ကူးတွေ၊ မျှော်လင့်ချက်တွေ အတိုင်းဖြစ်မလာတဲ့အခါ လက်ရှိအခြေအနေကို လက်ခံနိုင်ဖို့၊ စိတ်အေးချမ်းအောင် နေဖို့ လိုပါတယ်။

ကိုယ်က ဖြစ်ချင်တဲ့ဆန္ဒဇောနဲ့ အလောတကြီး လုပ်နေသော်လည်း ဖြစ်ချင်မှ ဖြစ်လာတာပါ...

တချို့အရာတွေက ဖြစ်ချိန်တန်မှ ဖြစ်လာတဲ့ သဘောမှာ ရှိပါတယ်..

ဒီသဘောတရားကို ပိုပြီးတော့ နားလည်လာတဲ့အခါ...

ဘာလိုအရာတွေနဲ့ပဲ ကြုံရ ကြုံရ ....ဘာတွေ ပဲ ဖြစ်လာပါစေ ..
စိတ်ပျက်ခြင်းမရှိဘဲ လက်ခံနိုင်လာပါလိမ့်မယ်။

အဓိက ကိုယ်လုပ်စရာ ရှိတာကိုပဲ ဖြည်းဖြည်း မှန်မှန် ပုံမှန်လေး ဆက်လုပ်သွားပါ။

တစ်ချိန်ချိန်မှာတော့ ကိုယ်မျှော်လင့်ထားတဲ့အတိုင်း ဖြစ်လာပါလိမ့်မယ်။

လူတိုင်း လူတိုင်း မိမိတို့ရဲ့လျှေက်လှမ်းရမယ့် ဘဝခရီးလမ်းမှာ ကျန်းမာပျော်ရွှင်စွာ ဖြတ်သန်းနိုင်ကြပါစေရှင့်။

TK Counselling Service မှာ မိမိတို့ရဲ့ စိတ်ပိုင်းဆိုင်ရာပြဿနာများအတွက် Mental Health Counselling Sessions or Package များ ရယူလိုပါက page messenger / ☎️ 09450334140 သို့ဆက်သွယ်မေးမြန်း၍ စုံစမ်းနိုင်ပါတယ်ရှင့်။

👩‍🎓Tr. Khin Aye Soe
(Counselling Psychologist)
#psychological_guidance
#mental_health_service
#mentalhealthawareness
#foodforthought

😊sharing is caring.✅
🚫ကူးယူပြန်တင်ခွင့်မပြုပါရှင့်။🚫

259

Tr.Khin Aye Soe (Counseling Psychologist)-TK Counselling Service

06 Nov, 12:58

ကိုယ့်ကိုယ်ကို အားလျော့လာတယ်လို့ ခံစားမိတိုင်း ကိုယ့်ကိုယ်ကို မေးခွန်းလေးတွေ မေးကြည့်ပါ...

💁‍♀️ငါဘာအတွက်၊ ဘယ်သူ့အတွက် အသက်ရှင် နေတာလဲ...?

💁‍♀️ငါ့ရဲ့ အသက်ရှင်သန်နေရခြင်းရဲ့ ရည်ရွယ်ချက်က ဘာလဲ...?

ဒါလေးတွေကို အဖြေထွက်အောင် ပြန်မေးကြည့်ပြီး ပြန်အားယူလို့ရပါတယ်နော်။

ဥပမာပြရရင်....

ကိုယ်ဘာကြောင့် အသက်ရှင်နေတာလဲဆိုတဲ့ မေးခွန်းကို မေးလိုက်ခြင်းဖြင့်...

ကိုယ့်ရဲ့ life journey ကို ပြန်လည် ပုံဖော် စဥ်းစားခြင်းကနေ ရှေ့ဆက်ရမည့် အနာဂတ်ကို ရင်ဆိုင်ဖို့ ခွန်အားတွေ ရရှိစေပါတယ်။

ဘာလို့လဲဆိုတော့...လူတစ်ဦးတစ်ယောက် ရှင်သန်နေရခြင်းရဲ့နောက်ကွယ်မှာ မတူညီတဲ့ အကြောင်းအရင်းကိုယ်စီ ရှိတတ်စမြဲပါ...အဲ့အရာကပဲ သူ့ဘဝကို ရှေ့ဆက်ဖို့ ခွန်အားကို ဖြစ်စေနိုင်ပါတယ်....

နေ့စဥ်နေ့တိုင်း သူများဘာတွေ လုပ်နေလဲ လိုက်ကြည့်နေတာထက် ကိုယ်ဖြစ်ချင်တဲ့ ဆန္ဒ၊ အိပ်မက် တွေအပေါ် သာ အာရုံစိုက်ပါ ....

ကိုယ့်ဘဝရဲ့ စိတ်ကူးအိပ်မက်ကို ကိုယ်ကိုယ်တိုင် ပုံဖော်တည်ဆောက်ရခြင်းဟာ ဘဝကို အရှုံးမပေးဘဲ အားမာန်အပြည့်နဲ့ရှေ့ဆက်သွားဖို့ရာ စိတ်ခွန်အားအပြည့်ကို ရရှိစေနိုင်ပါတယ်နော်။

ဒါကြောင့် ကိုယ့်ကိုယ်ကို အားလျော့လာတယ်လို့ ခံစားမိတိုင်း၊ကိုယ့်ကိုယ်ကို ...မေးခွန်းလေးတွေ မေးကြည့်ပါ....

ဒီလို လုပ်ဆောင်ခြင်းက ကိုယ့်ဘဝကို အားမာန်အပြည့်နဲ့ရှေ့ဆက်သွားဖို့ သတ္တိခွန်အားကို ဖြစ်စေနိုင်ပါတယ်ရှင့်။

လူတိုင်း လူတိုင်း မိမိတို့ရဲ့လျှေက်လှမ်းရမယ့် ဘဝခရီးလမ်းမှာ ကျန်းမာပျော်ရွှင်စွာ ဖြတ်သန်းနိုင်ကြပါစေရှင့်။

TK Counselling Service မှာ မိမိတို့ရဲ့ စိတ်ပိုင်းဆိုင်ရာပြဿနာများအတွက် Mental Health Counselling Sessions or Package များ ရယူလိုပါက page messenger / ☎️ 09450334140 သို့ဆက်သွယ်မေးမြန်း၍ စုံစမ်းနိုင်ပါတယ်ရှင့်။

👩‍🎓Tr. Khin Aye Soe
(Counselling Psychologist)
#psychological_guidance
#mental_health_service
#mentalhealthawareness

😊sharing is caring.✅
🚫ကူးယူပြန်တင်ခွင့်မပြုပါရှင့်။🚫

265

Tr.Khin Aye Soe (Counseling Psychologist)-TK Counselling Service

05 Nov, 14:15

Psycho test လုပ်တာက counseling session ယူလို့ရပြီးတော့ psychosomatic illness ပျောက်ချင်ရင်တော့ mental health counseling package ကို ယူရပါမယ်ရှင့်။

226

Tr.Khin Aye Soe (Counseling Psychologist)-TK Counselling Service

05 Nov, 14:05

ဘယ် Counselling Package မှာ မဆို...

1.Discussion Session
2.Therapy Session
3.Guided Practice Session
4.Follow Up Session

ဆိုပြီး session 4 ခု လုပ်ပေးတာဖြစ်ပြီး client ကိုက်ညီတဲ့ psychotherapy ကိုပဲ သုံးပေးတာပါနော်။

အဲ့ ၄ ခု အတွက် price ကို 130,000 Ks ပဲ ယူထားပါသေးတယ်နော်။ နောက်ဆိုရင် စျေးတက်ဖို့ ရှိပါမယ်ရှင့်။

ဒီ session 4 ခု က အမှန်တကယ် စိတ်ပိုင်းဆိုင်ရာ ခံစားနေရတဲ့သူအနေဖြင့် သူရဲ့စိတ်ပိုင်းဆိုင်ရာ ပြန်ပြီး နလန်ထူလာစေဖို့ များစွာ အထောက်အကူ ပြုပေးနိုင်ပါတယ်ရှင့်။

Client အနေနဲ့ ဘယ် package ယူရမလဲ မသိဘူးဆိုရင်လည်း ကိစ္စမရှိပါဘူး။ first time , discussion session မှာ client အနေအထားကို သုံးသပ်ပြီး သူနဲ့ ကိုက်ညီတဲ့ package ကို ရွေးချယ်နိုင်ဖို့ လမ်းညွှန်ပေးလေ့ရှိပါတယ်ရှင့်။

192