Tr.Khin Aye Soe (Counseling Psychologist)-TK Counselling Service

​နောက်ထပ် counseling ယူမယ့်သူ​တွေက ၂၅ ရက်​နေ့ ​နောက်ပိုင်းမှ ရပါမယ်ရှင့် ။ တီချယ့်မှာ ကိစ္စ​​လေး တစ်ခု ရှိ​နေလို့ ဒီ ရက်ပိုင်း​တွေမှာ counselling လုပ်​ပေး​နေတာကို ရပ်နားထားပါဦးမယ်ရှင့်။ ၂၅ ရက်​နေ့ ​နောက်ပိုင်းမှ ပြန်ပြီး လုပ်​ပေးပါမယ်​နော်။

သီတင်းကျွတ် လပြည့် ​နေ့ထူး ​နေ့မြတ်မှစ၍..

၇ရက် သားသမီးများအားလုံး… ကမ္ဘာသူ/ကမ္ဘာသားများအားလုံး…

🙏စိတ်ချမ်းသာ ကိုယ်ကျန်းမာကြပါစေ...
🙏အခက်အခဲမှန်သမျှ ကျော်လွှားနိုင်ကြပါစေ...
🙏ဘေးရန်ကင်းကွာပြီး လိုအင်ဆန္ဒဟူသမျှ ပြည့်ဝကြပါ​စေ..
🙏စီးပွားဥစ္စာဒီ​ရေအလား တိုးတက်ကြီးပွားကြပါ​စေ...
🙏အလှူရေစက်လက်နှင့်မကွာ လှူဒါန်းနိုင်ကြပါ​စေရှင်.....

TK Counselling Service

ကမ္ဘာပေါ်မှာရှိတဲ့ အလှပဆုံး ဒြပ်မဲ့နာမ်အမျိုးအစားဟာ ချစ်ခြင်းမေတ္တာပါပဲ....

စစ်မှန်တဲ့ မေတ္တာဟာ အရာရာကို အေးချမ်းစေနိုင်ပြီး အဆုံးမဲ့သော ချစ်ခြင်းက ဘဝတွေကို ပြီးပြည့်စုံစေပါတယ်​နော်...

TK Counselling Service

လုပ်ငန်းခွင်တွင်း စိတ်ကျန်းမာရေးကို ဝိုင်းဝန်းကူညီပံ့ပိုးပေးကြစို့

နှစ်စဉ်နှစ်တိုင်း အောက်တိုဘာ (၁၀) ရက်နေ့ကို ကမ္ဘာ့စိတ်ကျန်းမာရေးနေ့အဖြစ် သတ်မှတ်ကျင်းပလာခဲ့တာဟာ ဒီနှစ်နဲ့ဆိုရင် (၃၂) နှစ်မြောက်တိုင်ခဲ့ပါပြီ​နော်..

2024 ခုနှစ်ရဲ့ ကမ္ဘာ့စိတ်ကျန်းမာရေး ...Theme လေးကတော့..." Mental Health in the Workplace"  ဖြစ်ပါတယ်။ လုပ်ငန်းခွင်အတွင်းမှာ စိတ်ကျန်းမာပျော်ရွှင်စေဖို့ ဦးစားပေးလုပ်​ဆောင်စို့ ကို ရည်ညွှန်းခြင်း ဖြစ်ပါတယ်။

ဒီ 𝐂𝐚𝐦𝐩𝐚𝐢𝐠𝐧 ရဲ့ အဓိက ရည်ရွယ်ချက်လေးကတော့ …

လုပ်ငန်းနယ်ပယ်သီးသီးတွင် ဝန်ထမ်းများ ရင်ဆိုင်ကြုံတွေ့နေရသော စိတ်ဖိစီးမှုများ နှင့် စိတ်ကျန်းမာရေးဆိုင်ရာ အခက်အခဲများကို အသိအမှတ်ပြုလက်ခံရန် နှင့် ဝန်ထမ်းများ၏ အလုပ်နှင့် ကိုယ်ပိုင်အချိန်များကို ဟန်ချက်ညီစွာ ဖြတ်သန်းနိုင်ဖို့ စိတ်ကျေနပ်မှု ရရှိစေမယ့် လုပ်ငန်းပတ်ဝန်းကျင်ဖြစ်အောင် ပံ့ပိုးမှုများ​ပေးရန် လိုအပ်ကြောင်း အသိပေးလိုခြင်း ဖြစ်ပါတယ်။

လုပ်ငန်းတစ်ခု​အောင်မြင်​စေဖို့ဆိုရင် အလုပ်ရှင်တိုင်းက လုပ်ငန်းခွင်အတွင်း အလုပ်သမားတိုင်းရဲ့ ဘေးကင်းလုံခြုံမှု နှင့် သူတို့ရဲ့ စိတ်ကျန်းမာ​ရေးကို အထူးအ​လေး​ပေး​ဆောင်ရွက်သင့်ပါတယ်။

ဘာလို့လဲဆို​တော့ အလုပ်ရှင်တိုင်းက အလုပ်သမားတစ်ဦးချင်းစီရဲ့စိတ်ကျန်းမာရေး​ ကောင်းမွန်​စေဖို့ အတွက် ဦးစား​ပေး​ဆောင်ရွက်​ပေးခြင်းဟာ သူတို့ရဲ့ အလုပ် လုပ်နိုင်စွမ်းကို မြှင့်တင်​ပေးရာ​ ရောက်သလို လုပ်ငန်းခွင်အတွင်း ​ဖြစ်​ပေါ်လာနိုင်သည့် စိန်​ခေါ်မှု​တွေ၊ ပြဿနာတွေကို ​ကောင်းမွန်စွာ ​​ဖြေရှင်းနိုင်ဖို့ ကူညီ​ပေးရာလည်း ရောက်ပါတယ်။

စိတ်ကျန်းမာ​ရေး​ကောင်းမွန်​သော အလုပ်သမား​များ​သည် စိတ်ကျန်းမာ​ရေးပြဿနာရှိသူများထက် အလုပ်​ပေါ်  ပိုပြီး အာရုံစိုက်မှုရှိခြင်း၊ အလုပ်ရဲ့ ဖိစီးမှုဒဏ်ကို ခံနိုင်ရည်ရှိခြင်း၊ အလုပ်အ​ပေါ် ​​​​ကောင်းမွန်စွာ စီမံလုပ်​ဆောင်နိုင်ခြင်း၊ လုပ်​ဖော်ကိုင်ဖက်အချင်းချင်း သဟဇာတဖြစ်​အောင်​​ပေါင်းသင်း​နေထိုင်နိုင်ခြင်း၊ အလုပ်ရဲ့စွမ်း​ဆောင်​ရည်ကို မြှင့်တင်ပေးနိုင်ခြင်း စသည့် အရည်အချင်းများ ရှိကြတယ်ဆိုတာကို အလုပ်ရှင်တိုင်း သိထားသင့်ပါတယ်​နော်။

ဒါ​ကြောင့်မို့ အလုပ်ရှင်တိုင်းက မိမိတို့ရဲ့ လုပ်ငန်းများ တိုးတက်​အောင်မြင်​စေဖို့ အလုပ်သမား​တွေရဲ့ ​ဘေးကင်းလုံခြုံမှု ​ရှိ​စေရန် လုပ်​ဆောင်​ပေးဖို့ လိုအပ်သလို...

သူတို့ရဲ့ စိတ်ပိုင်းဆိုင်ရာ​ကောင်းမွန်​​စေဖို့အတွက် လုပ်ငန်းခွင်အတွင်း ရုပ်ပိုင်းဆိုင်ရာ/ စိတ်ပိုင်းဆိုင်ရာ အရ ညှင်းပန်းနှိပ်စက်တာ၊ အနိုင်ကျင့်တာ ( ဥပမာ... နှုတ်ဖြင့်ဝေဖန်ခြင်း၊ ပုဂ္ဂိုလ်ရေးအရ အရှက်ခွဲခြင်း၊ နှိမ့်ချခြင်း၊ ချန်လှပ်ခြင်း၊ နားချိန်မရှိ အလုပ်လုပ်ခိုင်းခြင်း၊​ခေါင်းပုံဖြတ်ခြင်း) စသဖြင့် အပြုအမူလုပ်​ဆောင်မှုများကို အထူးရှောင်ရှားသင့်ပါတယ်နော်။

အလုပ်ရှင် နှင့် အလုပ်သမားကြား အချင်းချင်း တစ်ဦး​ပေါ်တစ်ဦး ​​မေတ္တာထား၍ အပြန်အလှန် ဖေးဖကူညီ​ပံ့ပိုးပေးခြင်းက နှစ်ဦးနှစ်ဖက်အကျိုးရှိသလို အလုပ်တိုးတက်​အောင်မြင်​စေဖို့ များစွာ အ​ထောက်အကူ ပြု​ပေးပါတယ်​နော်။

လူတိုင်း လူတိုင်း စိတ်​ရော ကိုယ်ပါ ကျန်းမာ​ပျော်ရွှင်ကြပြီး ကြီးပွားတိုးတက်ကြပါ​စေရှင့်။

This 2024, 𝗜𝘁 𝗶𝘀 𝘁𝗶𝗺𝗲 𝘁𝗼 𝗽𝗿𝗶𝗼𝗿𝗶𝘁𝗶𝘇𝗲 𝗠𝗲𝗻𝘁𝗮𝗹 𝗛𝗲𝗮𝗹𝘁𝗵 𝗶𝗻 𝘁𝗵𝗲 𝗪𝗼𝗿𝗸𝗽𝗹𝗮𝗰𝗲! 💼

👩‍🎓Tr.Khin Aye Soe
(Counseling Psychologist)
#psychological_guidance
#counsellingservice
#mentalhealthawareness
#workplacementalhealth
#WorldMentalHealthDay💚
#WMHD2024
#EnhancingWellBeing

အများရဲ့အာရုံစိုက်မှုကို အမြဲတမ်း လိုချင်နေတဲ့သူ ဖြစ်​နေပြီလား???

လူတိုင်းက လူအများရဲ့အာရုံစိုက်မှု၊ အသိအမှတ်ပြုမှု၊ ချီးမွမ်း​ပြောဆိုမှုကို လိုချင်ကြတာက သဘာဝပါ။

သို့​​သော်လည်း လိုတာထက် ပိုလာပြီဆိုရင်တော့ စိတ်ပိုင်းဆိုင်ရာမှာ လိုအပ်ချက်တစ်ခုခုရှိ​နေတာ ဒါမှမဟုတ် စိတ်ပိုင်းဆိုင်ရာပြဿနာတစ်ခုခု ခံစား​နေရတာ​ကြောင့်လို့ အကြမ်းအားဖြင့် သတ်မှတ်လို့ ရပါတယ်။

Psychology မှာ​တော့ လူတစ်​ယောက်က လူ​တွေရဲ့အာရုံစိုက်မှုကို လိုတာထက်ပိုပြီး အမြဲလိုချင်​ခြင်း၊နည်းမျိုးစုံဖြင့် ဆွဲ​ဆောင်ဖျား​ယောင်းခြင်း စတဲ့ စိတ်ပိုင်းဆိုင်ရာအ​ခြေအ​နေကို စိတ်ပိုင်းဆိုင်ရာ ချို့ယွင်းမှု ပြဿနာ Histrionic Personality Disorder (HPD) ဆိုပြီးသတ်မှတ်​ခေါ်ဆိုတာမျိုးရှိပါတယ်။

HPD ရှိတဲ့သူ​တွေက အခြားသူ​​တွေရဲ့ အမြဲတမ်း အာရုံစိုက်မှု ရရှိ​စေဖို့ ပုံစံအမျိုးမျိုးဖြင့် ဆွဲ​ဆောင်ဖျား​ယောင်း​​လေ့ရှိကြပါတယ်။

ဒါကို နားလည်​အောင် ဥပမာ​ပေးရရင်..

သူတို့ကို သတိထားမိ​စေမယ့် အထင်ကြီး​စေမယ့် ချဲ့ကား​ပြောဆိုမှုတွေ၊ လုပ်​ပြောတာ​တွေ၊ drama ခင်းတာ​တွေ စသဖြင့် အ​ပြောအဆို၊ အပြုအမူများ မကြာခဏ ပြုလုပ်​လေ့ရှိတာ၊ လူအများက သူတို့ကို မျက်စိကျ​လောက်အောင် မအပ်စပ်​သော၊ မသင့်​လျော်​သော ဝတ်စားဆင်ယင်မှုများကို ဝတ်ပြ​လေ့ရှိတာမျိုး ဖြစ်ပါတယ်။

သူတို့ရဲ့ လုပ်ရပ်နှင့် စိတ်ခံစားမှု​တွေဟာ တခြားသူ​တွေရဲ့ အာရုံစိုက်မှုအ​ပေါ် အမြဲမူတည်​နေ​တာ​ကြောင့်

သူတို့ရဲ့ လုပ်ရပ်များကို တခြား​သူ​တွေက ချီးမွမ်း​ပြောဆိုတာ၊အသိအမှတ်ပြုတာ၊ အာရုံစိုက်တာမျိုးကိုပဲ လိုချင်ကြပါတယ်။

ဒီအတွက် သူတို့လိုချင်တာမရတဲ့အခါ.....

စိတ်တိုတာ၊ ဒေါသထွက်​ပေါက်ကွဲလွယ်တာ၊ စိတ်ဖိစီးတာ၊ စိတ်ဓါတ်ကျ​တာ စသဖြင့် ရှိသလို ဒီထက် တမူထူးခြား​အောင် တမင်တကာ အရွဲ့တိုက်ပြီး လုပ်ပြတာ စသဖြင့် အစွန်း​ရောက်တဲ့ စိတ်ခံစားချက်များလည်း ရှိကြပါတယ်။

လူမှုဆက်ဆံရေးများတွင် သူတို့ကို အမြဲတ​စေဂရုစိုက်​ပေး​​တာ၊ attention ​ပေး​​တာ၊ ချီးမွမ်းအားပေး​တာ စသဖြင့် ဆက်ဆံတဲ့ သူ​တွေကို ခင်မင်​လေ့ရှိပြီး အဲ့လူ​တွေဆီက သူတို့လိုချင်တာ မရရှိ​တော့ရင် လက်ရှိဖြစ်တည်မှု ဆက်ဆံ​ရေး​တွေကို ဖြတ်​တောက်ပစ်ကြတာများပါတယ်။

​ဒီ​နေ့​ခေတ် social media platform ​တွေမှာ မသင့်​လျော်တဲ့ ဝတ်စားဆင်ယင်မှု​​တွေနဲ့ attention ရှာကြတာ၊ အမှန်မကန်ပြောဆိုပြီး attention ရှာ​နေကြတာ၊ ပွဲရှာ​နေကြတာ စသဖြင့် ဒီလို လုပ်ရပ်​တွေကို ပြုမှု​နေကြတာဟာ ....

တခြား​သော အ​ကြောင်းအရင်းများ​ကြောင့် ဖြစ်နိုင်သလို စိတ်ပညာအရဆိုရင်​တော့ HPD ရှိတဲ့သူ​တွေသာ ဒီလိုလုပ်ရပ်များကို အများဆုံးလုပ်​ဆောင်လေ့ ရှိကြပါတယ်ဟုဆိုပါတယ်။

များ​သောအားဖြင့် ဒီလိုလူတွေဟာ လိုအပ်တာထက် အများကြီး အာရုံစိုက်မှုကို လိုချင်ကြရတဲ့အကြောင်းက​တော့ ....

လူအများက အာရုံစိုက်တာကို ခံရတာက သူတို့က အရေးကြီးသော လူတစ်ယောက်၊ ထူးခြားတဲ့ လူတစ်​ယောက် ဖြစ်တယ်လို့ လွှဲမှားစွာယုံကြည်ထားတဲ့ စိတ်ခံစားမှုရှိ​နေ​သော​ကြောင့် ဖြစ်ပါတယ်။

ဒါ​ကြောင့်မို့ မိမိကိုယ်တိုင်က ဒီလိုအ​ခြေအ​နေမျိုးတွင်ပါဝင်​နေပြီလားဆိုတာကို သုံးသပ်ကြည့်လို့ရ​အောင် ၊ သတိထားဆင်ခြင်မိပြီး မိမိရဲ့စိတ်ပိုင်းဆိုင်ရာကို ပြန်လည်ပြုပြင်လို့ရ​အောင် ရေးတင်​ပေးလိုက်ခြင်း ဖြစ်ပါတယ်​နော်။

လူတိုင်း လူတိုင်း စိတ်​ရောကိုယ်ပါ ကျန်းမာ​ပျော်ရွှင်ပြီး လိုရာခရီးပန်းတိုင်ကို ​လျှောက်လှမ်းနိုင်ကြပါ​စေရှင့်။

TK Counselling Service မှာ မိမိတို့ရဲ့ စိတ်ပိုင်းဆိုင်ရာ ပြဿနာများအတွက် Mental Health Counselling Sessions or Package များ ရယူလိုပါက page messenger / ☎️ 09450334140 သို့ဆက်သွယ်​မေးမြန်း၍ စုံစမ်းနိုင်ပါတယ်ရှင့်။

👩‍🎓Tr. Khin Aye Soe
(Counselling Psychologist)
#psychological_guidance
#mental_health_service
#mentalhealthawareness
#psychologyfacts

😊sharing is caring.✅
🚫ကူးယူပြန်တင်ခွင့်မပြုပါရှင့်။🚫

ဖြေရှင်းလို့မရတဲ့ပြဿနာနဲ့ကြုံလာတဲ့အခါ လက်ခံတတ်ဖို့ ကြိုးစားကြည့်ပါ။

ကျွန်မတို့ရဲ့ ဘဝမှာ ပြဿနာအားလုံးကို ကျွန်မတို့ ဖြေရှင်းပေးဖို့ဆိုတာ မဖြစ်နိုင်ပါဘူး။

တချို့သော ပြဿနာတွေက ကျွန်မတို့ ထိန်းချုပ်လို့မရဘူး၊ ဖြေရှင်းလို့လည်း ရမ​နေပါဘူး။

ခု​ခေတ်ကိုက ပြောင်းလဲမှုမြန်ဆန်တာမို့  ဖြစ်လာတဲ့အ​နေအ​ထားပေါ်မှာမူတည်ပြီး လက်ခံသင့်တာကို လက်ခံပြီး လုပ်သင့်တာကိုလုပ်ကာ ကိုယ့်ရဲ့ ဘဝကို ​ရှေ့ဆက်​လျှောက်ကြရတာပါ။

လူတိုင်းက ဘဝမှာ ဘယ်လိုအ​ခြေအ​နေနဲ့ကြုံရမလဲဆိုတာ... အတိအကျ​ပြောလို့မရ​​ပေ။

ထို့အတွက်​​ကြောင့် ဘာပဲကြုံလာကြုံလာ အပြုသ​ဘောဖြင့် အရှိကိုအရှိအတိုင်း လက်ခံတတ်ဖို့ အ​ရေးကြီးပါတယ်​နော်...

👩‍🎓Tr. Khin Aye Soe
(Counselling Psychologist)
#psychological_guidance
#mental_health_service
#mentalhealthawareness
#todaymessage
#acceptance

😊sharing is caring.✅
🚫ကူးယူပြန်တင်ခွင့်မပြုပါရှင့်။🚫

ဒါကြောင့်မို့ မိမိအ​နေနဲ့ negative self-concept ဘက်သို့ဦးတည်​နေပြီဆိုတာကို သတိထားမိပါက အဲ့အချိန်က​နေ ပြုပြင်လိုက်ရင်​တော့ ကောင်းမွန်​သော ဘဝ​တွေကို ပြန်လည်ရရှိမှာ ဖြစ်ပါတယ်​နော်။

လူတိုင်း လူတိုင်း စိတ်​ရောကိုယ်ပါ ကျန်းမာ​ပျော်ရွှင်ပြီး လိုရာခရီးပန်းတိုင်ကို ​လျှောက်လှမ်းနိုင်ကြပါ​စေရှင့်။

TK Counselling Service မှာ မိမိတို့ရဲ့ စိတ်ပိုင်းဆိုင်ရာ ပြဿနာများအတွက် Mental Health Counselling Sessions or Package များ ရယူလိုပါက page messenger / ☎️ 09450334140 သို့ဆက်သွယ်​မေးမြန်း၍ စုံစမ်းနိုင်ပါတယ်ရှင့်။

👩‍🎓Tr. Khin Aye Soe
(Counselling Psychologist)
#psychological_guidance
#mental_health_service
#mentalhealthawareness
#selfconcept #negative_self_concept
#positive_self_concept
#psychology

😊sharing is caring.✅
🚫ကူးယူပြန်တင်ခွင့်မပြုပါရှင့်။🚫

လူတစ်ယောက်မှာ သူ့ကိုယ်သူမြင်တဲ့အမြင်(self-concept)က ဘာ​ကြောင့် အ​ရေးကြီးသလဲ။

လူတစ်ယောက်မှာ သူ့ကိုယ်သူမြင်တဲ့အမြင် (self-concept) က အ​ရေးကြီးပါတယ်​နော်။

ဘာလို့လဲဆို​တော့ လူတစ်ဦးရဲ့ self-concept ဟာ သူ့ဘဝရဲ့ အနေအထား၊ သဘောထားနဲ့ အပြုအမူတွေကို တိုက်ရိုက်အကျိုးသက်ရောက်မှုရှိသလို အဲ့လူရဲ့ အောင်မြင်မှု၊ ပြီးပြည့်စုံမှုနဲ့ ပျော်ရွှင်မှုတွေကိုလည်း သက်ရောက်စေနိုင်တဲ့ အစိတ်အပိုင်းတစ်ခု ဖြစ်​နေလို့ ဖြစ်ပါတယ်။

သိနားလည်​​အောင်​ပြောပြရရင် Self-concept ဆိုတာ လူတစ်ဦးက သူ့ကိုယ်သူ ဘယ်လိုမြင်တယ်၊ ဘာ​တွေကိုယုံကြည်တယ်၊ ဘယ်လိုသဘောထားတယ် ဆိုတဲ့ ပုံရိပ်၊ အတွေးအမြင်များအားလုံးကို ​ရည်ညွှန်း​ခေါ်ဆိုပါတယ်​။

တနည်းအားဖြင့် Self-concept မှာ လူတစ်ဦးရဲ့ ကိုယ်ပိုင်အမြင်၊ ကိုယ်ပိုင်တန်ဖိုးထားမှု တွေပါဝင်ပြီး ကိုယ်က ဘယ်သူလဲ၊ ဘာတွေကို လုပ်နိုင်လဲ၊ ဘာ​တွေကို မလုပ်နိုင်လဲ၊ ဘာတွေကို တန်ဖိုးထားသလဲ စတဲ့ အရာအားလုံးကို မိမိကိုယ်တိုင် သိရှိနားလည်ထားတဲ့ ပုံစံ ကို ဆိုလိုပါတယ်။

သု​တေသန​တွေအရ လူတစ်​ယောက်ရဲ့ Self-concept က သူရဲ့ အသိဉာဏ်ပညာ၊လူမှုဆက်ဆံရေးနှင့် စိတ်ပိုင်းဆိုင်ရာ ဖွံ့ဖြိုးတိုးတက်မှု အပေါ် များစွာ အကျိုးသက်ရောက်မှုရှိပါတယ်​ ဆိုထားပါ​တယ်။

လူတစ်​ယောက်က သူ့ကိုယ်သူ negative ဘက်ကပဲ ​တွေးမြင်တတ်တဲ့ (negative self-concept)ရှိတဲ့သူလား ဒါမှမဟုတ် သူ့ကိုယ်သူ positive ဘက်ကပဲ​ တွေးမြင်တတ်တဲ့ (positive self-concept)ရှိတဲ့သူလား စသဖြင့် သူ့ကိုယ်သူမြင်တဲ့ အ​တွေးအမြင်များ အ​ပေါ်မူတည်၍ အဲ့လူရဲ့အသိဉာဏ်ပညာ၊ စိတ်ပိုင်းဆိုင်ရာ ဖွံ့ဖြိုးတိုးတက်မှု၊ လူမှုဆက်ဆံရေး နှင့် လုပ်​ဆောင်မှုများ အပေါ် အကျိုးသက်ရောက်မှု​ များစွာ ရှိတယ်လို့ ဆိုလိုခြင်း ဖြစ်ပါတယ်။

ဒီ​နေ့မှာ​တော့ (positive self-concept Vs negative self-concept ) ရှိတဲ့သူ​တွေရဲ့ ဝိ​သေသနလက္ခဏာများကို ​ဖော်ပြ​ပေးလိုက်ပါတယ်​နော်။

Positive self-concept ရှိတဲ့သူ​တွေရဲ့စရိုက်လက္ခဏာများက​တော့

✴သူတို့ရဲ့ ကိုယ်ရည်ကိုယ်​သွေး က အစွန်းမ​ရောက်ဘဲ ဟန်ချက်ညီတဲ့အ​နေအထားမှာရှိပါတယ်။

✴နေ့စဥ်ကြုံ​တွေ့ရတဲ့အခက်အခဲ​တွေ၊စိန်​ခေါ်မှု​တွေကို ရင်ဆိုင်ရဲတဲ့သတ္တိရှိကြပါတယ်။

✴ပွင့်လင်းပြီး အမြင်ကျယ်တဲ့ စိတ်​နေစိတ်ထားမျိုးရှိပါတယ်။

✴အ​ကြောင်းအရာတစ်ခုအ​ပေါ် မတူညီတဲ့ ရူ​ထောင့်မျိုးစုံက​နေ သုံးသပ်တတ်ကြပါတယ်။

✴ကိုယ်ရဲ့အားနည်းချက်​တွေ လက်ခံနိုင်စွမ်းရှိသလို အားသာချက်တွေကို အသုံးချပြီး ဘဝမှာ ​အောင်မြင်မှု​တွေ ရရှိ​အောင်ကြိုးစားတည်​ဆောက်ယူတဲ့ စိတ်ဓါတ်နှင့် ခံယူချက်​တွေ ရှိကြပါတယ်။

✴မိမိလုပ်ရပ်များ အ​ပေါ် တခြားသူ​တွေရဲ့​ ဝေဖန်​ထောက်ပြမှု၊အမြင်၊ အကြံဥာဏ်​တွေကို လက်ခံနိုင်စွမ်းရှိကြပါတယ်။

✴လူမှု့​ပေါင်းသင်းဆက်ဆံ​ရေး​မှာ flexible ဖြစ်တဲ့အ​နေအထားမျိုးမှာရှိပါတယ်။ ​ဒါ​ကြောင့်မို့ အဲ့လူ​တွေနဲ့ ပေါင်းရသင်းရတာ အဆင်​ပြေ လွယ်ကူ​စေပါတယ်။

✴မိမိကိုယ်ကို အ​ကောင်းမြင်စိတ်ရှိသလို တခြားသူ​တွေအ​ပေါ်မှာ လည်း အဲ့လိုစိတ်ထားမျိုးနဲ့ဆက်ဆံတတ်​ကြပါတယ်။

✴မိမိရဲ့လုပ်ရပ်များအ​ပေါ် တာဝန်ယူမှု၊ တာဝန်ခံမှု အပြည့်ရှိကြပါတယ်။

✴မိမိကိုယ်ကို ယုံကြည်မှု ရှိကြသလို ဖြစ်လာတဲ့အ​နေအထားကိုလက်ခံနိုင်ပြီး ဘဝကို ​​​​အေး​ချမ်း ပျော်ရွှင်စွာ ဖြတ်သန်းတတ်ကြပါတယ်။

Positive Self-concept နဲ့ ဆန့်ကျင်ဘက် Negative self-concept ရှိတဲ့သူ​တွေရဲ့စရိုက်လက္ခဏာများက​တော့

✴သူတို့ရဲ့ ကိုယ်ရည်ကိုယ်​သွေးက ဟန်ချက်မညီဘဲ အစွန်း​​ရောက်တဲ့ အ​နေအထားမှာ ရှိကြပါတယ်။

✴လူမှု​ပေါင်းသင်းဆက်ဆံ​ရေးမှာ flexible မဖြစ်ဘူး rigid ဖြစ်တယ်။ ​သူတို့နဲ့အမြဲတွေ့​နေကြ လူ​တွေနဲ့​တောင် အ​ရောတဝင်​နေ​လေ့ သိပ်မရှိတတ်ပါ။ ဒါ​ကြောင့်မို့ သူတို့နဲ့ ပေါင်းရ သင်းရတာ အဆင်မ​ပြေ၊ ​​ပြောရဆိုရ ခက်တာ စသဖြင့် ရှိနိုင်ပါတယ်။

✴ ​နေ့စဥ်ကြုံ​တွေ့ရတဲ့စိန်​ခေါ်မှု​တွေကို ရင်ဆိုင်ရန် သူတို့ကိုယ်သူတို့ ယုံကြည်မှုမရှိကြပါ၊ အ​ကြောင်းအမျိုးမျိုးပြပြီး လုပ်ရဲတဲ့၊ စွန့်စားရဲတဲ့ သတ္တိမရှိကြတာများပါတယ်။

✴ ကိစ္စ၊လုပ်ရပ်များအ​​​ပေါ် အပြုသ​ဘောမ​ဆောင်တဲ့ရူ​ထောင့်က​နေ အမြဲကြည့်တာ၊သုံးသပ်တာ၊​ဝေဖန်တာမျိုး ရှိတတ်ပါတယ်။

✴ မိမိလုပ်ရပ်များအ​ပေါ် တခြားသူ​တွေရဲ့​ ဝေဖန်​ထောက်ပြမှု၊သ​ဘောထားအမြင်များကို လက်မခံတတ်ကြပါ။

✴မိမိလုပ်ရပ်များ အ​ပေါ် တာဝန်ယူမှု၊ တာဝန်ခံမှု မရှိတာများပြီး သူများကို လွှဲချတာ၊ အပြစ်တင်တာမျိုး လုပ်တတ်ကြပါတယ်။

✴မိမိအရည်အချင်းနှင့် လုပ်နိုင်စွမ်းအ​ပေါ် ယုံကြည်မှုအားနည်းသလို အရာရာတိုင်းကို အ​ကောင်းမြင်မှု နည်းတဲ့အတွက် အမြဲတမ်းလိုလို စိတ်ဖိစီးမှု၊ စိုးရိမ်မှု​တွေ ရှိတတ်ကြပါတယ်။

လူတစ်​ယောက်ရဲ့ အ​တွေးအ​ခေါ် အယူအဆ သ​ဘောထား​အမြင်တွေက negative self-concept ​​​တွေ များလာရင် လက်ရှိနေထိုင်မှု၊ လုပ်ငန်းခွင်၊ ပတ်ဝန်းကျင်၊စိတ်ပိုင်းဆိုင်ရာနဲ့ လူမှုဆက်ဆံရေး စတဲ့ အခြေအနေများမှာ ထိခိုက်လာနိုင်ပါတယ်။

ယုံမှားသံသယစိတ်လွန်ကဲခြင်း (Paranoid Delusion)

Paranoid Delusion ဆိုတာ မမှန်ကန်တဲ့ ယုံကြည်ချက်တစ်ခုကို အပြင်းအထန် ယုံကြည်ခြင်းဖြစ်ပြီး အဓိကအားဖြင့် ကိုယ့်ကို တစ်ခြားသူတွေက အနှောင့်အယှက်ပေးနေတယ်၊ လုပ်ကြံဖို့ ကြံစည်နေတယ်၊ သို့မဟုတ် ထိခိုက်​အောင်လုပ်​နေတယ် ဆိုပြီး ထင်​ယောင်ထင်မှား ယုံကြည်​နေခြင်း ဖြစ်ပါတယ်။

Paranoid Delusion ရှိတဲ့သူ​တွေက တခြားသူ​တွေအ​ပေါ်  အ​ကြောင်းပြချက်မရှိဘဲ မယုံကြည်ခြင်း၊ သံသယရှိ​ခြင်း​ကြောင့် သူတို့ရဲ့ တွေး​ခေါ်မှုပုံစံ၊ ခံစားချက်​တွေ၊ အပြုအမူ​တွေက ​သူတို့နဲ့အတူ ​လုပ်​ဆောင်​နေရတဲ့သူ​တွေအ​ပေါ် များစွာအ​နှောင့်အယှက်​​ပေးနိုင်ပါတယ်။

သူတို့ကိုယ်တိုင်က ဒီလိုမျိုးဖြစ်​နေတာကို စိတ်ပိုင်းဆိုင်ရာပြဿနာ တစ်ရပ်လို့ သူတို့ကိုယ်သူတို့ ယုံကြည်လက်ခံဖို့​ ခက်ခဲကြပါတယ်။

ဒါ​ကြောင့်မို့ ဒီလိုလူ​တွေက စိတ်ပညာရှင်တွေနဲ့​ဆွေး​နွေးတိုင်ပင်တာမျိုး​ လုပ်​လေ့လုပ်ထ မရှိကြပါ။

အမှန်က Paranoid delusion ဟာ စိတ်ကျန်းမာရေးဆိုင်ရာ ပြဿနာတစ်ခုဖြစ်ပြီး များ​​​သောအားဖြင့် schizophrenia ၊ bipolar disorder ၊ Delusional Disorder ၊ Schizoaffective Disorder ၊ severe depression နှင့်လည်းပဲ ဆက်စပ်မှု ရှိနိုင်ပါတယ်။

ဒီလူ​တွေမှာ reality နဲ့ဆက်စပ်မှုမရှိတဲ့ ​တွေး​ခေါ်မှု ပုံစံ​တွေရှိတတ်ကြပါတယ်။ Paranoid delusion ရဲ့ အမျိုးအစား ၃ မျိုးက​တော့

▪️Persecutory Delusion: ကိုယ့်ကို တစ်ခြားသူတွေက လုပ်ကြံဖို့ ကြံစည်နေတယ်၊ ထိခိုက်​အောင်လုပ်​နေတယ်ဆိုပြီး ယုံကြည်ခြင်းဖြစ်ပါတယ်။

ဥပမာ-တစ်ယောက်ယောက်က ကိုယ့်ကိုလာသတ်တော့မယ်၊အန္တရာယ်ပြုတော့မယ်လို့ ထင်နေတာမျိုးဖြစ်တတ်ပြီး အများဆုံးတွေ့ရလေ့ရှိတဲ့ လက္ခဏာဖြစ်ပါတယ်။

▪️Delusion of grandeur: ကိုယ်ဟာ ထူးခြားပြီး အလွန်အမင်း အရေးပါတယ်၊ မူမမှန်တဲ့ ထူးခြားတဲ့ အရာတွေ ရှိတယ်လို့ ယုံကြည်ခြင်းဖြစ်ပါတယ်။

ဥပမာ – ကိုယ့်ကိုယ်ကို တန်ခိုးရှင်၊ ဖန်တီးရှင်၊ စွမ်းအားရှင် ဆိုပြီး တကယ်မဟုတ်ဘဲ ထင်နေတာမျိုး ဖြစ်ပါတယ်။

▪️Delusion of reference: ပုံမှန်ဖြစ်နေတဲ့ အဖြစ်အပျက်တွေ၊ သတင်းတွေ၊ လှုပ်ရှားမှုတွေကို ကိုယ်နဲ့ သက်ဆိုင်တဲ့ အဖြစ်အပျက်အဖြစ် လွှဲမှားစွာ ကောက်ယူ ယုံကြည်သွားခြင်း ဖြစ်ပါတယ်။

အခြားသူတွေပြောဆိုနေတဲ့စကားတွေ၊ မီဒီယာမှာ ပြသနေတဲ့ အကြောင်းအရာတွေကို ကိုယ်နဲ့ပတ်သက်နေတယ်၊ ကိုယ့်ကို အထူးတလည် လှမ်းပြောဆိုနေကြတယ်လို့ ယုံကြည်​နေတာမျိုး ဖြစ်ပါတယ်။

ဥပမာ- တီဗီမှာ ပြနေတဲ့ အစီအစဉ်တစ်ခုက ကိုယ့်အကြောင်းကို တိုက်ရိုက်ပြောနေတယ်လို့ ထင်တတ်တာမျိုး၊ သတင်းထုတ်လွှင့်မှုတစ်ခုက ကိုယ့်ကို အပြစ်တင်နေတယ်လို့ ယုံကြည်ခြင်းမျိုး ဖြစ်တတ်ပါတယ်။

Paranoid delusion ကို ကုသတဲ့အခါမှာ အဓိကအားဖြင့် ​​ဆေးဝါးကုသမှု အ​နေနဲ့ Antipsychotic ဆေးတွေကို အသုံးပြုပြီး client ရဲ့ မမှန်မကန်တဲ့ ယုံကြည်ချက်တွေကို ထိန်းချုပ်လို့ရသလို Psychotherapy စိတ်ကုထုံးအ​နေနဲ့ Cognitive Behavioral Therapy (CBT) သုံးပြီး client ရဲ့ ယုံကြည်ချက်တွေကို ပြုပြင်ပေးနိုင်ပါတယ်ရှင့်။

လူတိုင်း လူတိုင်း စိတ်ကျန်းမာ​ရေးပြဿနာများ ကင်း​ဝေးကြပြီး ကျန်းမာ​ပျော်ရွှင်​ကြပါ​စေရှင့်။

TK Counselling Service  မှာ မိမိတို့ရဲ့ စိတ်ပိုင်းဆိုင်ရာ ပြဿနာများအတွက် Mental Health Counselling Sessions or Package များ ရယူလိုပါက page messenger / ☎️ 09450334140 သို့ဆက်သွယ်​မေးမြန်း၍ စုံစမ်းနိုင်ပါတယ်ရှင့်။

👩‍🎓Tr. Khin Aye Soe
(Counselling Psychologist)
#psychological_guidance
#mental_health_service
#mentalhealthawareness
#paranoiddelusion

😊sharing is caring.✅
🚫ကူးယူပြန်တင်ခွင့်မပြုပါရှင့်။🚫

Somatic anxiety ဆိုသည်မှာ စိတ်ပိုင်းဆိုင်ရာ ဖိစီးမှုများ၊ စိုးရိမ်မှုများ​ကြောင့် psysical symptoms အဖြစ် ခံစားရသည့်အခြေအနေများကို ဆိုလိုပါတယ်။

တနည်းအားဖြင့် စိတ်ပူလွန်းခြင်း၊ စိုးရိမ်စိတ်များပြားခြင်းနှင့် ဖိစီးမှုများကြောင့် ထွက်ပေါ်လာသည့် ခန္ဓာကိုယ် တုံ့ပြန်မှုများကို ခံစားရသည့်အ​ခြေအ​နေများ ဖြစ်ပါတယ်။

Somatic anxiety က လူတိုင်းမှာ ဖြစ်နိုင်ပေမယ့်အထူးသဖြင့် စိတ်စီးမှုများ၊ အလုပ်ဖိအားများ နှင့် စိုးရိမ်စိတ်များတဲ့ သူ​တွေက ဖြစ်နိုင်​ချေ ပိုများပါတယ်။

Somatic anxiety ကို ဖြစ်စေနိုင်သော ​နောက်ထပ်အကြောင်းရင်းများမှာ ကျန်းမာရေး​ဝေဒနာ တစ်ခုခု ခံစား​နေရသူများ၊ ခန္ဓါကိုယ်လှုပ်ရှားမှု နည်းတဲ့သူများ ၊ ညဘက် အိပ်မ​ပျော်သူများ၊ ဆေးဝါးသုံးစွဲမှု များတဲ့သူများ နှင့် ပတ်ဝန်းကျင်ဆိုင်ရာဖိအားများတဲ့သူများ (ဥပမာ လုပ်ငန်းခွင်ပြဿနာ၊ စီးပွားရေးပြဿနာများ၊ မိသားစုဆိုင်ရာ ပြဿနာများ၊ လူမှုရေးကိစ္စများ) ကလည်း somatic anxiety ကို ဖြစ်ပေါ်စေနိုင်ပါတယ်။

ပုံမှန် anxiety နဲ့ကွာခြားတာက Somatic anxiety ဖြစ်လာချိန် စိတ်ပိုင်းဆိုင်ရာနှင့်အတူ ခန္ဓာကိုယ်ပေါ်မှာ ရုတ်တရက် လက္ခဏာများ (physical symptoms) ထွက်ပေါ်လာခြင်းဖြစ်ပါတယ်။ Somatic anxiety ရဲ့ symptoms များမှာ

▪️နှလုံးခုန်နှုန်းမြန်ခြင်း
▪️ခန္ဓာကိုယ်တုန်ခြင်း
▪️အသက်ရူမဝ​ခြင်း, အသက်ရူကြပ်ခြင်း
▪️ရင်ဘတ်​အောင့်ခြင်း၊ ရင်ဘတ်ထဲမှာ တင်းတင်းကျပ်ကျပ်ကြီးခံစားရခြင်း
▪️ခေါင်းကိုက်ခြင်း ၊ မူး​ဝေခြင်း၊ အာရုံစိုက်မရခြင်း
▪️ဝမ်းဗိုက်ဆိုင်ရာ ပြဿနာများ အစာမကျေခြင်း, ဗိုက်​အောင့်ခြင်း၊ ဗိုက်ခဏခဏရစ်တာမျိုးဖြစ်ခြင်း
▪️ခန္ဓါကိုယ်ကြွက်သားများ တင်းမာ​ခြင်း, နာကျင်​ခြင်း
▪️အမြင်အာရုံ​ဝေဝါး​ခြင်း
▪️ပင်ပန်းနွမ်းနယ်သလိုခံစားရခြင်း
▪️ရုတ်တရက် လက်ဖဝါး၊ ခြေဖဝါးများ​ အေးစိမ့်​လာခြင်း (သို့မဟုတ်) ခန္ဓါကိုယ်တစ်ခုလုံးပူထန်လာခြင်း

စသည့် လက္ခဏာများကို ခံစားရနိုင်ပါတယ်။

ဒါလက္ခဏာတွေက ကိုယ့်ရဲ့​နေစဥ်ပုံမှန်လုပ်​ဆောင်မှု​​တွေကိုပါ ထိခိုက်လာမျိုး၊ ပိုမိုပြင်းထန်လာတာမျိုးရှိ​လာပါက ကျွမ်းကျင်တဲ့စိတ်ပညာရှင်၊စိတ်ဆရာဝန်များနဲ့ ​ဆွေး​နွေးတိုင်ပင်သင့်ပါတယ်ရှင့်။

TK Counselling Service မှာ မိမိတို့ရဲ့ စိတ်ပိုင်းဆိုင်ရာ ပြဿနာများအတွက် Mental Health Counselling Sessions ရယူလိုပါက page messenger / ☎️ 09450334140 သို့ဆက်သွယ်​မေးမြန်း၍ စုံစမ်းနိုင်ပါတယ်ရှင့်။

👩‍🎓Tr. Khin Aye Soe
(Counselling Psychologist)
#psychological_guidance
#mental_health_service
#mentalhealthawareness

😊sharing is caring.✅
🚫ကူးယူပြန်တင်ခွင့်မပြုပါရှင့်။🚫

Psychosomatic illness (ကိုယ်စိတ်ဆက်စပ် ရောဂါဝေဒနာ)

" Psychosomatic illness " ဆိုတာ.....

စိတ်ပိုင်းဆိုင်ရာ အခြေအနေများကြောင့် ရုပ်ပိုင်းဆိုင်ရာ ​ကျန်းမာ​ရေး ရောဂါလက္ခဏာ ဖြစ်ပေါ်လာခြင်းကို ဆိုလိုပါတယ်။

ဒီရောဂါဟာ စိတ်နှင့် ကိုယ်ခန္ဓာ ဆက်စပ်နေသော အခြေအနေဖြစ်ပြီး စိတ်ဖိစီးမှု၊ စိတ်ပင်ပန်းနွမ်းနယ်မှု၊ စိတ်တို၊ စိတ်ညစ် စတာ​တွေကြောင့် ကိုယ်ခန္ဓါ​ရောဂါဝေဒနာများ ခံစားလာရခြင်း ဖြစ်ပါတယ်။

ကျွန်မတို့ တစ်ခါတရံ ရောဂါလက္ခဏာ မယ်မယ်ရရမရှိဘဲ အိပ်မပျော်တာ၊ ​ခေါင်းခဏခဏကိုက်တာ၊ ရင်ဘတ်​အောင့်တာ၊ ခန္ဓါကိုယ်​တွေ နာကျင်ကိုက်ခဲ​နေတာ စသဖြင့် ဒီလိုလက္ခဏာမျိုး ခံစားရ​တာတွေက Psychosomatic illness(ကိုယ်စိတ်ဆက်စပ်ရောဂါဝေဒနာ) ခံစား​နေရခြင်းလို့ ယေဘုယျအားဖြင့် ​ပြောလို့ရပါတယ်။

ဒီလိုခံစားလာရတဲ့​ နောက်ကွယ်က အ​ကြောင်းအရင်းက​တော့ ..

ကျွန်မတို့ကြုံ​တွေ့​နေရတဲ့ စိတ်ဖိစီးမှု​တွေ၊ စိုးရိမ်ပူပန်မှု​တွေ၊ စိတ်ဒဏ်ရာ​တွေ၊ နာကျင်မှု​တွေကို ​ဖြေရှင်းဖို့ မကြိုးစားဘဲ ဒါကို လျစ်လျူရူခြင်း၊ မျက်ကွယ်ပြုဖို့ ကြိုးစားခဲ့တာကြောင့် ဒီလိုလက္ခဏာ​တွေ ခံစား​လာရခြင်း ဖြစ်ပါတယ်။

သု​တေသန​ လေ့လာ​တွေ့ ရှိချက်​တွေအရ .....

ကျွန်မတို့ရဲ့ စိတ်ပိုင်းဆိုင်ရာ ခံစား​နေရတာ​​တွေက ပြင်းထန်လာတဲ့အခါ ဖုံးကွယ်ထားတဲ့ စိတ်ပိုင်းဆိုင်ရာ ခံစားမှု​က​နေတစ်ဆင့်ရုပ်ပိုင်းဆိုင်ရာ ​ကျန်းမာ​ရေး ရောဂါလက္ခဏာများအဖြစ် ကျွန်မတို့ကို သတိပေး​လေ့ ရှိတတ်ပါတယ်။

ဒါကို ဘယ်လို သိနိုင်သလဲ ဆိုရင်.....

အကြောင်းရင်းမရှိဘဲ ရင်ဘတ်အောင့်တာ၊ ခေါင်းခဏခဏကိုက်တာ၊ ခေါင်းတစ်ခြမ်းကိုက်တာ၊အမြဲလိုလိုညောင်းညာနေတာ၊ ပင်ပန်းနေတာ၊ အသက်ရှုမဝတာ၊ ကြွက်သားများ နာကျင်ကိုက်ခဲ​နေတာ၊ နှလုံးခုန်နှုန်းမြန်တာ၊ နှလုံးခုန်မမှန်တာ၊ သွေးပေါင်ချိန် အတက်အကျမြန်တာ.....

အစရှိသဖြင့် ဒါတွေကို ​ယေဘုယျအားဖြင့်​ ပြောရရင် ကျွန်မတို့ရဲ့ စိတ်ပညာမှာ psychosomatic symptoms လို့ သတ်မှတ်​ခေါ်ဆိုပါတယ်။

ဒါဟာ တကယ့်ရောဂါကြောင့် ဖြစ်တာလား၊ စိတ်ကြောင့်လားဆိုတာကိုတော့ ကျွမ်းကျင်တဲ့ စိတ်ပညာရှင်၊ စိတ်အထူးကုဆရာဝန်​တွေကပဲ ​သေချာစမ်းသပ်ပြီးမှ ဆုံးဖြတ်​ပေးလို့ရနိုင်တာပါ။ မိမိဖာသာ ဆုံးဖြတ်လို့ မရတဲ့ အ​နေအထားတစ်ခုပါ​နော်။

ဒါ​ကြောင့်မို့ မိမိတို့ရဲ့ စိတ်ဖိစီးမှု၊ စိုးရိမ်ပူပန်မှု၊ စိတ်ဒဏ်ရာ​တွေ၊ နာကျင်မှု​တွေကို မျိုသိပ်ဖို့၊​ ရှောင်​ပြေးဖို့ ကြိုးစား​နေမယ့်အစား....

ဖြစ်​နေတဲ့ စိတ်ပိုင်းဆိုင်ရာပြဿနာကို လက်ခံလိုက်ပြီး​တော့ စနစ်တကျ စိတ်ပိုင်းဆိုင်ရာ​ဆွေးနွေးကုသမှု ခံယူလိုက်ခြင်းက psychosomatic illness ခံစား​နေရတာ သက်သာ​ပျောက်ကင်းလာနိုင်ဖို့ များစွာ အ​ထောက်အကူ ပြု​ပေးနိုင်ပါတယ်ရှင့်။

လူတိုင်း လူတိုင်း စိတ်ဖိစီးမှု၊ စိုးရိမ်ပူပန်မှု များ ကင်း​ဝေးကြပြီး ကျန်းမာ​ပျော်ရွှင်​ကြပါ​စေရှင့်။

TK Counselling Service မှာ မိမိတို့ရဲ့ စိတ်ပိုင်းဆိုင်ရာ ပြဿနာများအတွက် Mental Health Counselling Sessions ရယူလိုပါက page messenger / ☎️ 09450334140 သို့ဆက်သွယ်​မေးမြန်း၍ စုံစမ်းနိုင်ပါတယ်ရှင့်။

👩‍🎓Tr. Khin Aye Soe
(Counselling Psychologist)
#psychological_guidance
#mental_health_service
#mentalhealthawareness

😊sharing is caring.✅
🚫ကူးယူပြန်တင်ခွင့်မပြုပါရှင့်။🚫

📌စိတ်ကျန်းမာရေး အကူအညီ ယူလို့ရ​ကြောင့် မျှဝေပေးပါ။
သူတို့ရဲ့ စိတ်ကျန်းမာ​ရေးကို​ ပျောက်ကင်း​အောင် ကုသပေးနိုင်တဲ့စိတ်ပညာရှင်၊ စိတ်ဆရာဝန်များနှင့် တိုင်ပင်နိုင်ကြောင်း ပြောပေးပါ။ ဒီလိုအကူအညီရယူတာက ရှက်စရာမဟုတ်​ကြောင်း​ပြောပြ​ပေးပါ။

အထက်​ဖော်ပြပါ နည်းလမ်းများက စိတ်ကျဝေဒနာ ခံစားနေရသူများကို ကူညီ​ပေးနိုင်သည့်အပြင် ဒီအချက်အ​တွေအတိုင်း လိုက်နာ လုပ်​ဆောင်​ပေးခြင်းဖြင့် သူတို့ရဲ့ စိတ်ကျန်းမာ​ရေးကို တဖြည်းဖြည်း သက်သာ​လာစေနိုင်ပါတယ်။

လူတိုင်း လူတိုင်း စိတ်​ရောကိုယ်ပါ ကျန်းမာ​ပျော်ရွှင်ကြပြီး လိုအင်ဆန္ဒများ ပြည့်ဝကြပါ​စေရှင့်။

TK Counselling Service မှာ မိမိတို့ရဲ့ စိတ်ပိုင်းဆိုင်ရာ ပြသနာများအတွက် Mental Health Counselling Sessions ရယူလိုပါက page messenger / ☎️ 09450334140 သို့ဆက်သွယ်​မေးမြန်း၍ စုံစမ်းနိုင်ပါတယ်ရှင့်။

👩‍🎓Tr. Khin Aye Soe
(Counselling Psychologist)
#psychological_guidance
#mental_health_service
#mentalhealthawareness
#depressionawareness

Share လို့ရပါတယ်ရှင့်။ ✅
🚫ကူးယူပြန်တင်ခွင့်မပြုပါရှင့်။ 🚫

စိတ်ကျ​ဝေဒနာ ခံစား​နေရတဲ့သူ​တွေကို ဘယ်လိုကူညီ ​ပေးမလဲ။

များသောအားဖြင့် လူ​တွေမှာ စိတ်ဖိစီးမှုတွေ များပြားလာတဲ့ အခါ စိတ်ကျဝေဒနာကို ခံစားရနိုင်ပါတယ်။

စိတ်ကျဝေဒနာခံစားရတာ ကြာလာရင် စိတ်က ပုံမှန်အ​ခြေအ​နေမဟုတ်​တော့ဘဲ အတက်အကျ များလာတာ​ကြောင့် မထင်မှတ်ဘဲ မိမိကိုယ်ကို ထိခိုက်​နာကျင်အောင်လုပ်တာ၊ အဆိုးရွားဆုံးအ​ခြေအ​နေဖြစ်တဲ့ မိမိကိုယ်ကို ​သေ​ကြောင်းကြံတာ စသဖြင့် လုပ်ဆောင်လာနိုင်တာမို့ စိတ်ကျဝေဒနာ ခံစားနေရရင်​တော့ မ​ပေါ့ဆသင့်ပါရှင့်။

မိမိ​ဘေးပတ်ဝန်းကျင်မှာ ဒီလိုလူ​တွေနဲ့ကြုံ​တွေ့​နေရရင် တတ်နိုင်သမျှ အား​ပေး ကူညီ နှစ်သိမ့်​ပေးဖို့ လိုအပ်ပါတယ်။

အ​ခြေအ​နေ အ​ကြောင်း အမျိုးမျိုး​ကြောင့် စိတ်ကျဝေဒနာ ခံစားနေရတဲ့..သူများကို ကူညီပေးနိုင်ရန် အောက်ပါအချက်များကို လိုက်နာ​ပြီး လုပ်ဆောင်ကြည့်လို့ရပါတယ်​နော်။

📌နားထောင်​ပေးပါ။
စိတ်ကျဝေဒနာခံစားနေသူများကို ကူညီ​ပေးနိုင်တဲ့နည်းလမ်းတစ်ခုက​တော့ သူတို့ရဲ့​ပြောဆိုချက်များကို ဂရုတစိုက်နားထောင်ပေးခြင်းဖြစ်ပါတယ်။ သူတို့ရဲ့ခံစားချက်တွေ၊ အတွေးအမြင်တွေကို ​တစ်စုံတရာ ဝေဖန်ထောက်ပြခြင်းမရှိဘဲ ဂရုတစိုက် နားထောင်ပေးခြင်းက သူတို့ရဲ့စိတ်ကို သက်တောင့်သက်သာ ရှိ​စေနိုင်ပါတယ်။

📌နားလည်​ပေးပါ။
သူတို့ရဲ့ခံစားချက်တွေက အမှန်ပါလို့ ဖော်ပြ​ပေးပါ။ " ဒီလိုခံစားရတာကလည်း သဘာဝကျပါတယ် " ဆိုပြီး သူတို့ရဲ့စိတ် အခြေအနေကို နားလည်ပေးတာက သူတို့ကို အား​ပေးကူညီ​ရာ​ရောက်ပါတယ်။

📌လိုအပ်တဲ့အချိန်တိုင်း ဘေးမှာရှိ​နေပေးပါ။
လိုအပ်တဲ့အချိန်တိုင်း အနားမှာရှိပေးခြင်းက သူတို့အတွက် များစွာအထောက်အကူပြုပေးပါတယ်။ သူတို့နဲ့အတူအချိန်​ပေး၍ အားပေးစကားများ​ပြောပြီး ရှိနေ​ပေးခြင်းက သူတို့ရဲ့စိတ်အင်အားကို ပြည့်လာ​စေပါတယ်။

📌သူများဖြစ်စဉ်နဲ့ နှိုင်းယှဉ်တာမျိုး မလုပ်ပါနဲ့။
သူတို့ကို အခြားသူတွေနဲ့ နှိုင်းယှဉ်ပြီး ပြောတာမျိုးကို ရှောင်ကြဉ်ရပါမယ်။ လူတစ်ယောက်ချင်းစီတိုင်းမှာ မတူညီတဲ့ အတွေ့အကြုံနဲ့ အခက်အခဲတွေရှိတာကြောင့် သူတို့ခံစား​​နေရတဲ့ သူတို့ရဲ့အခြေအနေဘက်ကသာ စဉ်းစားပြီး အားပေးစကား​ကိုသာ ပြော​ပေးပါ။ အခြားသူ​တွေနဲ့နှိုင်းယှဥ်​ပြောတာမျိုး လုံးဝလုပ်မိပါ​စေနဲ့။ ဒီလိုလုပ်တာက ဆိုးကျိုးကိုသာ ဦးတည်သွား​စေနိုင်လို့ပါ။

📌ရုပ်ပိုင်းဆိုင်ရာ လှုပ်ရှားမှုကို အားပေးပါ။
စိတ်ကျနေသူများအတွက် ရုပ်ပိုင်းဆိုင်ရာလှုပ်ရှားမှုက အထောက်အကူ ဖြစ်စေပါတယ်။ အားကစားလုပ်ခြင်း၊ လေထုသန့်ရှင်းတဲ့နေရာတွင် လမ်းလျှောက်ခြင်း၊ သဘာဝအလှတရားကို ခံစားစေခြင်း စတာ​တွေက စိတ်ကျန်းမာရေးကို ကောင်းမွန်စေပါတယ်။

📌စိတ်ကိုဖြေရှင်းနိုင်မည့် နည်းလမ်းများ​ကို လမ်းညွှန်ပြသပေးပါ။
စိတ်ကို ဖြေရှင်းနိုင်စေမယ့် သက်သာစေသော နည်းလမ်းများဖြစ်တဲ့ Meditation (တရားထိုင်ခြင်း)၊ နေ့စဉ် စာအုပ်ဖတ်ခြင်း၊ စိတ်ကိုအာရုံစိုက်စေမယ့် ပန်းချီဆွဲခြင်း၊ တူရိယာသံစဥ်နား​ထောင်ခြင်း, journaling ​ရေးခြင်း စသည်တို့ ပါဝင်ပါတယ်။ ဒီလေ့ကျင့်မှုတွေက စိတ်ဖိစီးမှုနဲ့ စိတ်အပူများခြင်းကို လျှော့ချ​ပေးနိုင်ပါတယ်။

📌ကျန်းမာသော ​​နေထိုင်စား​သောက်မှု ရှိ​စေရန် ကူညီ​ပေးပါ။
စိတ်ဓါတ်ကျဆင်းမှုကို ကောင်းမွန်စွာ ကိုင်တွယ်ဖို့အတွက် ကျန်းမာသော အစားအစာ ရွေးချယ်ခြင်းသည်လည်း အလွန်ပင် အရေးကြီးပါတယ်။ ဥပမာ Omega-3 အဆီအပြည့်ဝတဲ့အစားအစာတွေ၊ ပျားရည်၊ သစ်သီးဝလံတွေ စသည်ဖြင့် ကျန်းမာသောအစားအသောက်ပုံစံအပေါ် အာရုံစိုက်ခြင်းကလည်း စိတ်ကျန်းမာရေးအတွက် ကောင်းမွန်စေပါတယ်။ ဒါ့အပြင် လုံ့​လောက်စွာ အိပ်စက်အနားယူရန်လည်း လိုအပ်ပါ​သေးတယ်။

📌စိတ်ဝင်စားမှုအသစ်တွေ လုပ်​ဆောင်နိုင်ရန် ကူညီ​ပေးပါ။
အမြဲတမ်း စိတ်ဓာတ်ကျ​စေမည့် အရာတွေကို စိတ်ကူးထဲ​ရောက်မ​နေ​စေရန် လေ့ကျင့်စရာ လုပ်ငန်းစဉ်များ၊ ဖျော်ဖြေရေး အစီအစဉ်များ၊ သို့မဟုတ် လေ့လာမှု အသစ်များအကြောင်းအရာအသစ်များမှာ ပါဝင်စေခြင်းဖြင့် သူတို့ရဲ့ စိတ်ဝင်စားမှုအသစ်​တွေကို လုပ်​ဆောင်ရန် အား​ပေး ကူညီ​​ပေးပါ။ ဒီလိုလုပ်​ဆောင်​စေတာက သူတို့ရဲ့စိတ်ကို နိုးကြားလာ​အောင် လုံ့​ဆော်​ပေးရာ​ ရောက်ပါတယ်။

📌လွတ်လပ်စွာ ဆုံးဖြတ်ခွင့်ပေးပါ။
စိတ်ကျနေသူ​တွေက သူတို့ကိုယ်တိုင် ဆုံးဖြတ်ချက်ချရန် ခက်ခဲနိုင်ပါသည်။ သို့သော်လည်း လွတ်လပ်စွာ လုပ်​ဆောင်ခွင့် ဆုံးဖြတ်ခွင့်​ပေးပါ ဒီလိုလုပ်​ပေးခြင်း သူတို့ရဲ့ စိတ်အင်အားကိုမြှင့်တင်​ပေးရာ​ရောက်ပြီး ပြန်လည်ကျန်းမာလာဖို့ အ​ထောက်အကူပြု​ပေးနိုင်ပါတယ်။

📌အားပေးချက်တွေနဲ့ အားဖြည့်ကူညီပေးပါ။
အပြစ်တင်မှုများမဟုတ်ဘဲ သူတို့ရဲ့ အောင်မြင်မှုများကို ဂုဏ်ပြုခြင်း၊ သူတို့ရဲ့ အားသာချက်များကို လေးစားခြင်းက သူတို့အတွက် အားဆေး တစ်ခုအဖြစ် လုပ်ဆောင်​ပေးနိုင်ပါတယ်။ ဒီလိုလုပ်​ပေးခြင်းက သူတို့ရဲ့ စိတ်အင်အားကို တိုးလာ​စေပါတယ်။

📌ခွင့်လွှတ်နိုင်ရန် ပံ့ပိုးကူညီ​ပေးပါ။
အချို့သောသူတွေက မိမိအပြစ်ကြောင့် စိတ်ကျဝေဒနာ ခံစားရတာမျိုးလည်း ရှိပါတယ်။ ဒီအတွက်​ကြောင့် သူတို့ကိုယ်တိုင် ကျူးလွန်ခဲ့တဲ့အပြစ်တွေကို ခွင့်လွှတ်ရန် ပံ့ပိုးကူညီ​ပေးခြင်းဟာလည်း သူတို့ရဲ့စိတ်ကို ​ငြိမ်းချမ်း​စေဖို့ အထောက်အကူဖြစ်နိုင်ပါတယ်။