Thanawia World

وقت زنقة المذاكرة بتلاقى نفسك مخنوق وحاسس انك متأخر وتقعد تفكر مع نفسك وتقول مش هلحق اعمل حاجه ، كل الناس خلصت وانا لسه .
متحبطش نفسك ، اعمل اللى تقدر عليه ، وفر وقتك اللى بيضيع في لا شئ ، وقف كلامك مع المحبطين ، ولو فاضل حتى ساعات حاول فيهم وهات اخرك ، مش هتخسر حاجه ، بدل ما انت قاعد تهرى وتنكت في نفسك ودماغك تدخل في بلوك تام ومتعرفش تذاكر  ، طيب اهرى وانكت في الكتاب ، وهتعيط او مش هتعيط الامتحان هيعدى ويخلص ، يبقى عديه وانت رايق ، وابقى ظبط نفسك في اللى بعده ومتقصرش تانى وبطل تناحه وتضييع وقت  ، المهم متحرقش اعصابك وتبهدل نفسك ، قوم بقى هاتلك حاجه حلوه وكمل مذاكره .
#رسالة_اليوم 💌 راجعين 🫣

المشهد الأيقوني في فيديو الرجل هو مشهد ضربه الدرون بالعصاية اللي كانت في إيديه!

أول حاجة تبادرت في ذهني هي حديث النبي صلى الله عليه وسلم" ( إِنْ قَامَتِ السَّاعَةُ وَفِي يَدِ أَحَدِكُمْ فَسِيلَةٌ، فَإِنِ اسْتَطَاعَ أَنْ لَا تَقُومَ حَتَّى يَغْرِسَهَا فَلْيَغْرِسْهَا ) .

بالمعنى الدنيوي.. حتعمل ايه حتة خشبة نص متر مع درون؟؟

لا السؤال الأدق.. حتعمل إيه حتة خشبة نص متر ماسكها واحد مصاب ومثخن بالجراح ومش قادر يقف مع درون مجهزة؟؟

لكن الخشبة دي كانت فسيلته.. وغرسها فعلًا وامتثل للأمر!!

فيما كان يفكر؟؟

مع كل الاضطراب اللي حواليه لم ينشغل عن "العمل" زي اللي الحديث قصده بالظبط! قيامة بتقوم، ونفخة أولى في الصور، طلوع شمس من مغربها،كل علامات يوم القيامة ومع كذه .. فليغرسها

وما تصنع فسيلتي؟ ومن سيأكل منها ؟ ومن أين لي بطاقة نفسية تعينني على الغرس والسقيا والعالم ينتهي من حولي؟!
أنت مطالب بعمل الخير وبذل الجهد ( وما أعظم ما فعله أبا إبراهيم من خير!!) حتى ولو كنت قريب الأجل، وحتى ولو كان العالم من حولك شديد الاضطراب، ولو كان اضطراب يوم القيامة!!

لأن الله - عز وجل - لا يريد للمصلحين أن يتوقفوا! ومن يغرس فسائل الخير إذن؟؟

فيا صاحبي..

أكمل الغرس فلا يصح ولا يليق بعد هذا المشهد أن تنام ملء جفنيك وتأكل ملء ماضغيك!

أكمل الغرس فلا عذر لك إن كانت القيامة تقوم، فما بالك بما دونها؟

أكمل الغرس ولا تشّمت فيك بن سلول وأبناءه من بني جلدتنا

أكمل الغرس ومن معك في تثبيت من حولك والعض معًا على جراحكم فاللهُ الذي تعبّدكم بالغرس ولو مع قيام القيامة لا يريد منكم إلا أن تظلوا رافعي اللواء ولو حاصركم الأعداء، وتستكملوا العمل ولو أطفئت مشاعلُ الأمل..
#🇵🇸

إنت إزاي مبتصليش ؟
إزاي عدى عليك حديث رسول الله صلى الله عليه وسلم الصحيح: "بين الرجل وبين الكفر والشرك ترك الصلاة" رواه مسلم.
إزاي تُقر بأن الصلاة عماد الدين وفيها نجاتك وتروح لهلاكك!
بتتكاسل عن نص ساعة يوميًا هتأديها فيهم؟
وفي المقابل بتمسك تليفونك بالساعات، وبتخرج بالساعات!

بتروح الجيم، أو تخرج تتمشى وتعمل مجهود بدني قد كده وتكسل تصلي ١٧ ركعة متقسمين طول اليوم؟
بتضغط في شغلك وتقعد بال ٩ ساعات ودماغك بتتفرتك من كتر التركيز وتتوه عن صلاتك؟
١٧ ركعة مش محتاجين منك شئ يذكر!
هو إنت مستني إيه؟
مستني ربنا يهديك وأنت قاعد على الكرسي بتاعك، بتدعي بس من غير ما تتحرك؟
مستني حد ييجي يشدك من إيدك وإنت واكلك التسويف والتكاسل؟

كم مرة قلت: أنا لسا شاب وعملت صالح كتير وبإذن الله ربنا هيهديني وأصلي بعدين!
كم مرة الشيطان ضحك عليك بِصِغَر سنك أو أن ربن هيمهلك في عمرك لحد ما تتوب وتصلي!
إنت ضامن عمرك؟
إنت ضامن إنك لما تدخل القبر بظلمته بوحشته دي هتبقى آمن مستريح؟

قوم الله يرضى عليك وشد حيلك، قوم والحق نفسك لأن في صلاتك نجاتك في آخرتك ودنياك!
لما الآذان يأذن قوم واتنفض، عود نفسك تصلي الوقت في وقته، متراكمش أي صلوات عليك علشان في التراكم ملل وكسل.
اغلب شيطانك رعاك الله وصلِّ.
إسلام منصور
#بوست_الجمعة 🌙

اللهم اختر لنا طريقًا يسعدنا، طريقا لا يشقي قلوبنا ولا يؤذي عيوننا، طريقا ترضاه لنا ثم تُرضينا به يارب

اللهم ارزقنا فرحة لا تسعها الدنيا وَمَن عليها، وَعوِّضنا بما هو خيرٌ لنا.. اللهم إنَّا نسألك أن تغفر لنا ذنوبنا كلها، صغيرها وكبيرها، ما نسيناه منها وما لم ننساه

اللهم ابعد عنا من يغتابنا، ومن يكرهنا، ومن يخون طيبتنا، ومن يستغلّ محبتنا، ومن أراد بنا بسوء رد كيده في نحره واشغله بنفسه وابعده عنا

اللهم إنا نسألك عفوا، و نسألك جبرا وإن كنا لا نستحق يا الله🤲♥️
#أدعية ✉️

بوست جميل جدا جدا 👇
https://www.facebook.com/100050368515100/posts/pfbid032apgPAu2h8m9oVYPeUmoAxi56iu11g89uRwrqCQ39kdUGo5JhXWKcSywNAWhVyQ5l/?app=fbl
اقرأوا التعليقات فيه 💌💙

د.ماجد الشيخ بيحكي قصة حقيقية في بودكاست حصلت لحد يعرفه قشعرت جدا لما سمعتها، بيقول:
"واحد صاحبي كان عنده مرض الشك في اللي بيشتغلوا عنده كان عنده واحدة بتشتغل في البيت اسمها ام سيد .. ميلاقيش الساعة يبقى أم سيد خدتها، وبعدين يلاقي الساعة! النضارة مش لاقيها يبقى أم سيد خدتها وبعدين يلاقي النضارة!

فالمهم كان بيحوش جنيهات دهب وصلوا لـ ١٨ جنيه وفي يوم بيدوّر عليهم ملقاش الـ ١٨ج دول!
مسك أم سيد هاتي الدهب .. تقول مخدتوش
جاب قريبه من القسم كان عقيد وبهدلوا الست وحبسوها يوم وهي أصلا ماخدتش حاجه، هي كانت مرات البواب .. طردوهم من العمارة بفضيحة طبعا

وبعد ١٠ سنين صاحبي ده كان في بيت والدته وعنده مكتب قديم بيشوف فيه ورق لقى الـ ١٨ج الدهب كان حطهم فيه وناسي! ولأن دماغه كانت مبرمجة على الشك في أم سيد .. قال إنها خدتهم

جالي وقالي أنا هموت، مش عارف أعمل ايه احنا اتهمنا الست وبهدلناها وحبسناها ومشيناها .. أعمل ايه ؟؟
قُلتله روحلها البلد وراضيها واديها نصهم، قالي ماشي ..

كانت في الفيوم، راح ودوّر على بيتها لحد ما وصل
لقى بيت بجنينة حلوة وقابل الراجل والست وقالها أنا جاي اعتذرلك وابوس راس جوزك واللي يرضيكي هعملهولك وأنا سألت قالولي الفلوس دي نصها ليكي، قالتله أنا مش عايزة حاجه، أنا هاخد الفاكهة اللي جايبها زيارة إنما مش هاخد عوض ..
قالها ازاي يعني ؟!
قالتله بعد ما سيبنا العمارة ورجعنا البلد جوزي جاله عقد عمل في الخليج، سافر كام سنة ورجع عمل مزرعة فراخ والمزرعة عملت ٢ و٣ واشترينا أرض وبنينا عمارتين
والرسول عليه الصلاة والسلام جالي في الحلم وقالي "هيجيلك يعتذر، اقبلي اعتذاره ومتقبليش العوض.. العوض على الله".

حرفيا ( وعسى أن تكرهوا شيئا وهو خير لكم ) تخيل ظُلمه ليها نتج عنه ايه! اتفتحلهم باب الرزق والخير والبركة من حيث لا يحتسبوا! ربنا مابيقفلش باب غير وبيفتح الاحسن منه، ومابينزّلش بلاء غير وبينزل معاه اللطف واليُسر والعوض .. كرم ربنا واسع وجبره عظيم.
#رسالة_اليوم 💌

طالب ٣ ثاونوي ٢٠٢٥
ابسط يا عم
٥ مواد فقط ب ٣٢٠ درجة وشيلنا مادتين
فرحت وانبسطت ووفرنا وقت
طيب وهتنزل المدرسة خمس ايام من ٨ صباحا للساعة ١ الظهر عشان تستفاد

طالب أولى وثانية ثانوي
احنا حذفنا مواد
فاستعدوا هتتحاسبوا على كراسة الحصة والواجب وتقييم أسبوعي وشهري وحضور في المدرسة وعليه 40% من درجة كل مادة ☺️

#كوميديا_سوداء 🌗

اخويا كان بيسمع سورة الملك قبل النوم وانا نايم جمبه انا عارف كويس جدا ان فضلها له علاقة بالقبر، بس من ساعتها بسمعها بطريقة تانية مخلياني أربطها ان ربنا من لطفه ومعرفته بطبيعة دماغنا وحياتنا قايل لنا نقراها قبل النوم .. وقت التفكير في الدنيا بحلوها ووحشها، والقلق على المجهول والظروف .. يبقى يومك ملخبط، وفيه حاجات قاعدة تتقفل، ومليون حاجة شايل همها، ومليون حاجة حالك فيها متوقف على ناس وحاجات تانية، ف تسمع ربنا بيطمنك وبيطمن قلبك من أول كلمة..

" تَبَارَكَ الَّذِي بِيَدِهِ الْمُلْكُ وَهُوَ عَلَىٰ كُلِّ شَيْءٍ قَدِيرٌ "

ويفكرك بالحاجة الوحيدة اللي المفروض تشغل بالك كل يوم:

" الَّذِي خَلَقَ الْمَوْتَ وَالْحَيَاةَ لِيَبْلُوَكُمْ أَيُّكُمْ أَحْسَنُ عَمَلًا ۚ وَهُوَ الْعَزِيزُ الْغَفُورُ "

ويفكرك ان أي لخبطة وعشوائية قاعدة تحصل في يومك مترتبة بكل دقة من عنده لسبب دقيق انت بس لسة مش شايفه..

" الَّذِي خَلَقَ سَبْعَ سَمَاوَاتٍ طِبَاقًا مَا تَرَىٰ فِي خَلْقِ الرَّحْمَٰنِ مِنْ تَفَاوُتٍ فَارْجِعِ الْبَصَرَ هَلْ تَرَىٰ مِنْ فُطُورٍ ، ثُمَّ ارْجِعِ الْبَصَرَ كَرَّتَيْنِ يَنْقَلِبْ إِلَيْكَ الْبَصَرُ خَاسِئًا وَهُوَ حَسِيرٌ "

ويفكرك في النص ان ماحدش هينفعك بأي حاجة من غير توفيق ربنا..

" أَمَّنْ هَٰذَا الَّذِي هُوَ جُنْدٌ لَكُمْ يَنْصُرُكُمْ مِنْ دُونِ الرَّحْمَٰنِ ۚ إِنِ الْكَافِرُونَ إِلَّا فِي غُرُورٍ ، أَمَّنْ هَٰذَا الَّذِي يَرْزُقُكُمْ إِنْ أَمْسَكَ رِزْقَهُ ۚ بَلْ لَجُّوا فِي عُتُوٍّ وَنُفُورٍ"

ويرجع يفكرك انك مهما كان عندك ايه محتاج تفتكر تشكره على كل النعم اللي عندك، وتفتكر هدفك الحقيقي من الدنيا دي فتصغر أي حاجة تانية جمبه...

" قُلْ هُوَ الَّذِي أَنْشَأَكُمْ وَجَعَلَ لَكُمُ السَّمْعَ وَالْأَبْصَارَ وَالْأَفْئِدَةَ  قَلِيلًا مَا تَشْكُرُونَ ، قُلْ هُوَ الَّذِي ذَرَأَكُمْ فِي الْأَرْضِ وَإِلَيْهِ تُحْشَرُونَ "

وبس .. تنام بسلام
" الحمد لله "
#بوست_الجمعة 🌙

محبط من بعد النتيجة ومجهودي ضاع !!!
#Message_For_You 💌
@Thanawia_World

الحقيقة إن أي كلام عن التعليم بيفكرني بالفيديو ده
#كوميديا_سوداء 🌗

الرضا بقضاء الله يُهوِّن كل شيء، فاستقبلوا أقداركم بنفسٍ راضية لأنّ يعلم وأنتم لا تعلمون.

استودعوا الله خططكم وأحلامكم واستقبلوا الطريق الذي كتبه الله لكم بهدوء ورضا.

لا يوجد مِحَن أبدية، كل شيء سينتهي، وهناك حكمة ستظهر، وأسباب ستجعلك تدرك حكمة الله وتشكره.

كل ما تَمُرّ به اختبار لمدى صبرك ورضاك، و رُبّ خيرٍ لم تنله كان شرًّا لو أتاك.. ارضَ وتأدَّب فأنت في حضرة قضاء الله وقدره :))
#رسالة_اليوم 💌

بمناسبة ظهور نتيجة المرحلة الأولي، مبارك للجميع.
وعقبال أخواتنا في المرحلة الثانية والثالثة
مهما كانت كليتك أو مجموعك خليك قنوع و راضي بكليتك لأن مش كليتك هي اللي هتعمل منك شخص عظيم، أنت اللي هتحقق مجدك بنفسك.
و متنساش ابداً أن قمة في كلية قاع أفضل من قاع في كلية قمة. 🧡

المدارس على وشك البدء ..

يرجى الجلوس مع ابنك لمدة 5 دقائق واشرح له أن الطويل أو القصير أو السمين أو النحيف أو الأسود أو الأبيض أو المتلعثم في الكلام أو المصاب بالبهاق ليست مزحة.
أخبرهم أنه لا حرج في ارتداء نفس الأحذية كل يوم. اشرح لهم أن حقيبة الظهر المستعملة تحمل نفس أحلام حقيبة ظهر جديدة...
يرجى تعليمهم عدم استبعاد أي شخص بسبب "كونه مختلفا" أو عدم وجود ام أو أب. اشرح لهم أن الإغاظة تؤلمهم ...
وأنهم يذهبون إلى المدرسة للتعلم والاستمتاع وتجربة أشياء جديدة واكتشاف أنفسهم وتكوين صداقات ...
لا للتنمر
#كبسولة_أخلاقية 🌱

محدش يعرفني غير ربّنا..
#كنوز 💎

مادة العلوم المتكاملة :
#كوميديا_سوداء 🌗

بمناسبة تقليل مواد الثانوية العامة
فهو بصراحة خبر كويس لكل الطلاب
لكن علي صعيد آخر خبر مش كويس لمدرسين المواد.

ف بلاش كرهك لحد يخليك تسخر منه وتقلل من مصيبته وتشمت فيه لان دي اسمها قلة ادب "وما كان ربك نسيا "

ركز واعرف انها هتلفلك ف خليك متربي ومتبقاش مهزق
الهزار ليه اوقات وفيه اوقات مينفعش فيها الهزار اطلاقا
اللهم هوِّن علي كل متضرر من تلك القرارات المفاجئه 🤲