TECHNO SYRIA

@techno_syria

قناة تقنية بتلاقي فيها شو مابدك ، معلومات بطريقة عامية ، هبد تقني ، برامج ، أيّ شي بدك ياه بتلاقيه ✨

يعني بنعمللكن جَوّ تقني مع شوية معلومات بتفيدك
- للــتــواصــل : @WaelKhaled3 & @Tonkeeppr

TECHNO SYRIA (Arabic)

تواجه الكثير منا مشاكل تقنية يومياً وغالباً ما تكون مزعجة وتأخذ من وقتنا الثمين. لذلك، يسر قناة TECHNO SYRIA أن تقدم لكم حلاً ممتعاً وساخراً لهذه المشاكل. في هذه القناة، ستجدون مواضيع تقنية مختلفة تم عرضها بشكل فكاهي وساخر. كما ستجدون النصائح والحلول لمشاكلكم التقنية التي قد تواجهونها يومياً. تحظى القناة بشعبية كبيرة بين المستخدمين، وتقدم لهم محتوى مميز ومسلي. تابعونا على القناة @techno_syria ولا تنسوا الانضمام إلى كروبنا الرسمي لحل المشاكل التقنية @techno_syria1. نساعدكم بكل متعة وابتسامة على وجوهكم. انضموا إلينا الآن واستمتعوا بعالم التكنولوجيا بطريقة ممتعة ومختلفة!

TECHNO SYRIA

22 Nov, 20:44

جاهزين ⏳
بَعد زَمن طوييييييل ، بِـ 10 يوليو, 2022 ، تبندت قناتنا الافلام 💔

لذلك رجعنا من جديد بقناة وكروب خاص ❤️‍🔥

القناة ضروري تفوت فيها مشان اذا تبند الكروب ، بنرشحلك أفلام و مسلسلات و بننشرلك ياهن كمان و إذا مابدك تتعذب بنشوفهن عنك ، مهم تكون مرتاح كم عندك تكنو سوريا انت؟ وحدة 😂 .

🔻القناة : t.me/techno_m0vies

🔻الكروب : https://t.me/+QiBObKW9NAk4NmRk

بالكروب فوت ساعد او حط اقتراح لفيلم او اطلب فيلم

- كروبنا التقني : @techno_syria1

633

TECHNO SYRIA

18 Nov, 19:39

Lightroom :
كمان تطبيق من افضل التطبيقات ، فيك تعدل فيه ع الوان الصور و تحط فلاتر وتركب فلاتر جاهزة .

1,483

TECHNO SYRIA

18 Nov, 19:09

🔻مجموعة تطبيقات بتنطلب أكتر شي ، كل النسخ مدفوعة .

PicsArt : تطبيق معروف لتعديل الصور

CapCut : تطبيق كمان معروف لـ تعديل الفيديوهات و المونتاج وهيك قصص

InShot : متل الي فوقو تعديل فيديوهات بس ميزات مُختلفة .

Mx Player : مُشغل فيديوهات معروف

Vpnify : من افضل تطبيقات الـ VPN

وشو عندك اسئلة او تطبيق عم تدور عليه فوت اطلب بكروبنا التقني (@techno_syria1)

1,346

TECHNO SYRIA

15 Nov, 19:16

هلو تذكرت عندي قناة و قلت هات لنحكيلكن عن جهاز صح صغير بس مفعولو كبير؟

شو هو لأنو عندكن وائل و تكنو سوريا وغيركن ماعندو و نيالكن يعني جايي اشرحلك من الالف للياء يازميل 😂

🔻هو الـ Flipper Zero
جهاز قد ايدك مصنوع من شوية مواد إلكترونية عالية الجودة ، و شغلتو يلتقط الإشارات الراديوية من الاجهزة الي حوليه .

طيب قبل مانفوت بالقصة خلونا نشرح اول شو هي الاشارات هي؟

🔻التعرف على الترددات الراديوية (RFID)

هو تبادل معلومات بين جهازين ب بإستخدام ترددات راديوية .

يعني إذا كان في عندك بطاقة دخول للجامعة أو بطاقة ميترو هالبطاقة بتحتوي على شريحة RFID

🔻كيف يعني؟

تخيل في عندك بطاقة ومررتها قدام جهاز بيقرأ هالبطاقة

الجهاز شغلتو يبث إشارات راديوية قصيرة ، والبطاقة بترد عليه وبتبعت البيانات اللي فيها ، وهيك يعني بتقدر تشوي المهمة المطلوبة تدفع او تفتح الباب الخ..

الهدف منها مشان تسهل الأمور يعني بدل ما تدخل رقمك السري أو تعبي بيانات كل مرة ، البطاقة أو الجهاز بيتعرفوا على بعض عن طريق هالإشارة

🔻 التواصل قريب المدى (NFC)

هو نوع من RFID بس بيتميز انو بيشتغل على مسافة أقصر

يعني، إذا بدك تدفع في المحلات أو تستخدم بطاقة اائتمان أو موبايلك مشان تدفع ، هي التقنية بتستخدم الـ NFC .

🔻الزبدة؟

تقنيات بتساعدنا نمرر بياناتنا بين جهازين بإستخدام الإشارات الراديوية .

طيب بنرجع ع موضوعنا (Flipper Zero)

هو بيلتقط الإشارات الراديوية وبعد مايلتقطها شو بسوي بينسخها او بيحفظها وبيقدر يرجع يبعتها مرة تانية

مافينا نقول إختراق او هيك ، هو قادر عَ محاكاة أو نسخ إشارات الـ RFID و NFC ، يعني فينو يفتح أبواب او ينسخ بيانات بطاقات .

🔻الزبدة

جهاز Flipper Zero بيقدر يقرأ ويقلد إشارات ترددات راديوية للأشياء البسيطة متل البطاقات أو مفاتيح السيارات ، بس مو مصمم لاختراق أو التعامل مع إشارات الجوالات الحديثة

- ليش نعمل هالجهاز؟

هو أداة اختبار امان ، يعني مختصين في الأمان الإلكتروني بيستخدموه ليفحصوا الأنظمة

بس متل ما هو مفيد للباحثين ممكن يُستخدم بشكل غير قانوني من قبل الهاكرز لنسخ البيانات يعني اذا اجا بإيد حدا ابن حلال بيعمل مشاكل بصير مشكلجي هه 🌹

يعني بالمختصر هو بيقلد الإشارات وبيرجع بيستعملها مرة تانية وكأنها الاشارة نفسها

وسعرو تقريباً من 100~200 دولارية
ونمنع بأغلب الأمكان و بأغلب المتاجر متل أمازون .

كروبنا التقني اهبد او ضيف معلومات (@techno_syria1)

وتفاعل عالبوست لنرجع رجعة قوية و فوتلنا رفقاتك لهون وقلهن انو نحن الشي وهنن اللا ❤️‍🔥

1,752

TECHNO SYRIA

13 Oct, 19:15

يعني تفضل ، احد الكلاب الزاحفين 😂😂

6,318

TECHNO SYRIA

13 Oct, 19:14

✨لقينا مُحتوى للقناة✨

سكرين لأحد الرسائل الزاحفة 😂

طبعاً في تسجيل صوت مشان نسليكن ، ايَّ شخص بيعمل هالحركات رح ينزلوا بوست هون بالقناة او ايَّ شخص بينصب عَ حدا او من هالقصص .

رح ننزل عنو بوست نشتلموا مُحتوى وشكراً

مابعرف وين السالفة بس لقينا مُحتوى 😂

كروبنا التقني : @techno_syria1

6,081

TECHNO SYRIA

05 Oct, 11:42

TECHNO SYRIA pinned Deleted message

TECHNO SYRIA

01 Oct, 21:04

اللهمَ آمين .

﴿مَتَىٰ نَصۡرُ ٱللَّهِۗ أَلَاۤ إِنَّ نَصۡرَ ٱللَّهِ قَرِیبࣱ﴾.

5,054

TECHNO SYRIA

25 Sep, 19:42

#موجز_تكنو_سوريا_لآخر_أخبار_التقنية 🇸🇾
<7>

تسجيل دخول رايق يسبب حرايق هه و بعد زمان حسيت انو في كوشة غبرة هون و جيت ارجع عهد الموجز الاكثر تداولاً في العالم .
..

1- آخونا دروف مؤسس تيلغرام
بعد ما انحبس ومسحو فيه الاراضي قرر انو يسلم بيانات المُستخدمين المشبوهين ، و بلشت تيليغرام تستخدم الـ AI (الذكاء الاصطناعي) وفريق بَشري لـ إزالة المُحتوى الإشكالي .

(أرقام هواتف المستخدمين وعناوين أجهزتهم (IP) إذا تلقت طلبات قانونية بذلك.)

..
2- واتساب بعد ماسرق كل الميزات الموجودة بتلغرام راح يلاقي ميزة من شي تطبيق تاني ، وحالياً عم يختبر ميزة قال حظر الرسائل تلقائياً من الحسابات غير المعروفة ، و فيك تفعلها وفيك لا يعني شي ماالو داعي .
..
3- كمان واتساب رح يبلش يضيف فلاتر حسب آخر الأخبار يعني رح يصير في فلاتر واتساب و تأثيرات المُكالمات بِـ تقنيات الواقع المعزز .
..
4- ويوتيوب الحربوق بدو يبلش يعرض إعلانات وقت بتوقف الفيديو مؤقتاً قول نحن بسوريا مو فارق معنا شي وبلشت تطبيق هالحكي عالمُستخدمين .

بس والله بوست سريع و هبدنا كم شغلة و ع اساس نرجع الموجز الي مافي منو فائدة ، واذا فاضي ماعندك شي اكبس عالهاشتاغ (#موجز_تكنو_سوريا_لآخر_أخبار_التقنية)

لتشوف المواجز القديمة بتتسلى شويّ و شكرن بالنون .

كروبنا التقني ع اساس بحللك مشاكلك وهو بعقدلك ياها . (@techno_syria1)

5,113

TECHNO SYRIA

19 Sep, 13:21

بدنا فزعة ابلاغات يا شباب
قناة تلغرام منزلة آيات القرآن
ع شكل أغاني راب
قناتن اليوتيوب تسكرت وانحذفت الفيديوهات و غروب الفيس تبعن و صفحة الانستا
ضل قناة تلغرام
https://t.me/QuranicSongs
لهيك هي الخطوات لنبلغ عليا 🚫وبدون ما نعمل اشتراك 🚫
خيارات
ابلاغ
ازعاج
تحديد الفيديوهات كلن
كتابة بالتفاصيل اساءة للاديان والاسلام
ارسال

5,796

TECHNO SYRIA

27 Aug, 00:36

- 2020 أغسطس 27 ، يعني متل هاليوم وبلا كترة حكي .

تَمّ إنشاء افضل قناة تقنية على التيليغرام و الثقة الففف .

🔺| 4 سنين ونحن عم نحاول نقدم كل طاقتنا لنوصل للهدف المطلوب وماوصلنا ههه نكتة حزينة .

تغيرات كبيرة بهالـ 4 سنين هو النهاية انو هالشي نحن بنحبو ، و عم نحاول نساعدكن بكل المشاكل ونقدملكن حلول بكروبنا التقني الي حالياً فيو 700000 ألف رسالة (كروبنا : @techno_syria1) .

ممكن نحن سحبنا عالقناة كتير بس هو التلغرام مابساعدنا ، وبهالمناسبة هي بوت مؤقت اكتب فيه ايّ فكرة عندك او إقتراح أو رفع معنويات رأيك او نقد ايَّ شي طبعاً مارح يظهر اسمك بشكل مجهول .

~ البوت : @ssha3rr_Bot

+عم نفكر نعمل كروب عالفيسبوك ف عطينا رأيك الصريح جداً

وَشُكراً 🤍

6,322