طالب طب 🧠

لو حد نفسه ياخد فكره يعنى

نتيجة حركة التامين الداخلية اكتوبر 2024

على حسب انت عاوز اى يا دكتور ، لو مش فارق معاك موضوع ال practitioner عموما وهمك بس لايف ستايل حلو وعيشه آدميه روح الاوفر ويبقى ليك فرصه برضو تماتش لكن قليله الصراحه
طب انت مش حابب اكاديمى فللأسف هتلجأ للأوبشن الاول 😔

عاوزين آرائكم فى الكومنتات برضو

الدكتور ال مفروض كان ناوى على تراك ال us بس بسبب الماديات لسه مخلصش
(حسب ما قال فى الرساله الاولى )

صدقه على روح زملائنا
اللهم ابدلهم دارا خيرا من ديارهم واهلا خيرا من اهلهم واسكنهم فسيح جناتك
ربنا يرحمهم جميعا ويجعل مثواهم الجنه ويحسن خاتمتنا جميعا

يعنى اتمنى اكون جاوبت

اول حاجه شوفلك تول تنظم عليها جدولين ، الاول ربع سنوى والتانى اسبوعى وبيحكمهم ال انا قولته فوق
لو حابب تستخدم نوشن تمام بس بصراحه كانت بالنسبالي اوڤر وانا حياتى مش معقده للدرجه دى فريحت دماغى واشتغلت على اكسيل 😂 اه والله وماشى فل
المهم انت لما بتعمل كدا
١- بتفرغ الطاقه ال جواك وال لو فضلت جواك هتعمل احباط وهتخليك دائما nervous انك قدامك حاجات عاوزه تتعمل وانت مش لاحق لانك حابسها فى عقلك الباطن
٢- هتنظم حياتك وتبقى شايف اى ال اتعمل واى ال متعملش
واهم حاجه التنظيم وال time management يبقى كل حاجه بمواعيد حتى الترفيه على فكره
وبمجرد ما تخلص تاسك اليوم
Shut down
وافصل عن كل حاجه عشان ترجع تشحن تانى
تنظيمك ليومك خلال الأسبوع هيرجعلك حسب ظروفك لكن متأڤورش فى التاسكات
#استفيد@talibtib11

عشان تبقى ليدر كويس دى محتاجه مهارات بتنميها مع التدريب وانك تدخل فى بروجيكتس + فيديوهات اليوتيوب ناس expert بتشرحلك تعمل دا ازاى ، وكنت نزلت كورس اسباير من هارفارد عن الموضوع دا
نيجى بقى للسؤال الاول وال نزلت الرساله هنا عشانه
اولا يا جماعه من الطبيعى انك يكون فى كذا حاجه فى حياتك يعنى بجانب الكليه انت بتعمل حاجات تانيه سواء كانت هتنمى مهاراتك أو هتيدك خبره او بتخدم مستقبلك أو أو
المستقبل للناس ال multitasking
بل إن ال مش طبيعى انك راهن حياتك للكليه وبعدها للنيابه أو الشغل وبيتك وبعدها ... خلاص انت معلش شبابك راح هتعمل اى بعد كدا ؟
احنا هنا ربنا يبارك فى عمرنا أغلبنا معدناش ال 25 أو ال 26
فانت المفروض تستثمر دا عشان متجيش تندم بعد ما فتره العفويه والشغف تنطفى
هتلاقى نفسك محصلتش غير الوظيفه !
وكلامى برضو مش معاناه نجرى ونحرق نفسنا
بل بالعكس دا هيديك كوالتى حياه افضل مقارنه بأقرانك
طيب يبقى كدا انا المفروض مثلا عندى ٥ حاجات بعملها
عندى الكليه وعندى معادله وعندى اتعلم ريسيرش أو حتى شغال على بروجيكت او اتنين
عندى هوايه يتعلمها عندى انجليزي بحسنه!!
اعتقد كفايه كدا 😂
ودى نقطه برضو حط لكن فى المعقول

اه نسيت المصدر
Google algorithm

https://www.facebook.com/61565637033116/posts/122132350862521234/

طيب انا اى الطرق برضو ال اسيب فيها بصمه فى مجالى ، ابقى دكتور شاطر بس ؟ لا
ياما دكاتره شاطرين محدش سمع عنهم حاجه ، لكن فى طرق دى بقى ال عاوز يخلد اسمه فى التاريخ 😂
اقصرهم تتفوق فى مجالك وتعمل حاجه زى مستشفيات د مجدى يعقوب كدا
أو لو ربنا كرمك ودخلت مجال البحث العلمي واكتشفت حاجه سمتها باسمك زى ما هم قارفينا باساميهم
كدا يعنى لو حد حابب طبعا😂

بتتشكل حسب ميوله واعتقداته وتوجهاته وحاجات كتيره بقى
فلا انا ولا غيرى نقولك لازم تكون عقليتك كدا
طيب ممكن ندى حاجه زى holistic approach كدا تبقى ماشى بيه ينفعك ، طب مين ال حدد أنه ينفع ولا لا ؟ ما اصل دا ال approach ال ماشي بيه الناجحين فى مجالنا
طيب اى هو
اتعلم كتير ومتخليش لطموحك سقف ومتفوتش فرصه تتعلم فيها ولا فرصه توصل لحاجه أعلى
شوف الناجحين وصلوا لايه اتعلم منهم وعلى عليهم يعنى متطمحش تبقى زيهم
ودا يودينا لاول نقطه ازاى ابقى مميز وتسيب بصمه
لما تعمل كدا هتلاقى نفسك تلقائيا بتسيب بصمه واكتر بصمه هتفيدك وهتفيد غيرك انك تعلم ال تحتك
اذا مات ابن آدم انقطع عمله إلا من ثلاث تانى واحده كانت
(علم ينتفع بيه)

على فكره انا مبحبش الفكر ال يقولك ذاكر داتا كليتك بس وشغتلك تجمع درجات والكلام دا ، طبعا فى جانب كبير من الصحه لكن متقولش (بس)
طيب هو فى ٤ اسأله فى بعض
١- ازاى تبقى مميز وتسيب بصمه
٢- نحاوط نفسنا بأشخاص معينه
٣- ندرس زياده منين
٤- شكل العقليه ال المفروض نكون عليها
-------------
هبدا بالتانيه
ايوه لازم نحاوط نفسنا بناس شبهنا رقم واحد
نفس الاتجاه والفكر والأهداف مشتركه
لانك مش هتبقى واحد فى طب وبتخطط تسافر المانيا مثلا تروح تحاوط نفسك بناس فى تربيه مثلا
أو طب بس مسافرين uk
مش هتتطور ولا هتاخد خطى كويسه زى ما هتحاوط نفسك بناس مشيت فى التراك اصلا
وسافرت

طيب رقم ٣ ، لازم لازم لازم تدرس طب بجانب كليتك ، وانا قاصده المعنى الحرفي
لانه ال بيتدرس حاليا بالنظام دا مش طب واحنا مش بنفتكر اصلا اسم الموديول بعد ما بتخلص
طيب اعمل دا ازاى
فى الاجازه ذاكر ال اخدته بس مش من الداتا
اومال منين ، اقرب حاجه بصراحه هى ال first aid
لكن أن شاء الله فى حاجه قريب بتتجهز ادعوا للقائمين عليها
هتبقى بيرفيكتوا

نيجى بقى ل رقم ٤
اى العقلية ال المفروض اكون عليها
مبدأيا كل واحد له عقليه ربنا خلقهاله منفرد بيها

بتجيبى ال opportunities منين ؟

The (2nd) international workshop on biosensors and their biomedical diagnosis in Zewail City
مدينه زويل وخاصه (biosensors research center) بيقدم international workshop عن استخدام المستشعرات الحيويه فى التشخيص الطبى
-هستفيد اى ؟
١- هتعرف يعنى اى مستشعرات حيويه اصلا وازاى بنستخدمها فى الطب التشخيصى
٢- هتطلع على أحدث الأبحاث ال بتدمج التكنولوجيا بالطب واى نتاج دا حاليا
٣- هتعمل شبكه محترمه من العلاقات مع ناس فى مجالك او فى مجال موازى لكن نفس الاهتمام
٤- ممكن تطلع بتعاون بحثى محترم
- الفيز ؟ مفيش اى فيز حتى التسجيل مجانى
- Attended certificate is available
- مين يقدر يقدم ، من اول الطلاب لحد PhD
ومتاح للامتياز 🫡
الوورك شوب هتكون فى مدينه زويل يوم
22/1/2025
ويكون فى سيشن اونلاين لل international speakers
دى الفورم
Workshop registration link: https://lnkd.in/dTuUQHxk
ودا الاعلان الاصلى
The Second International Workshop on Biosensors and their Biomedical Diagnosis (22/01/2025). Zewail City of Science and Technology

The Biosensors Research Centre at Zewail City of Science and Technology (Cairo, Egypt) invites you to the second International workshop that aims to bring together the global community of professionals and researchers in biosensor, bioelectronics, material sciences and biomaterials. Accordingly, this workshop offers a platform for the exchange of ideas, networking, and collaboration, with a strong focus on innovation and the future of the biosensing intersecting research fields. The workshop is dedicated to one of the STDF funded projects (ID: 42618).

No registration fees for all speaker and participants (all activities are free). MSc, PhD, and young postdocs are highly encouraged to register.

Attendance certificates will be offered.

Date and time: (22/01/2025 from 09:00 to 16:00 Cairo time).

Workshop location: Zewail City of Science and Technology

Contact: Dr. Rabeay Hassan ([email protected])

Egyptian Speakers: Will be announced.

International Speakers (online session): Will be announced.
بالتوفيق
والناس ال هيبقى عندها امتحانات متزعلش دا ال 2nd أن شاء الله يبقالكوا نصيب فى 3rd
#استفيد@talibtib11

حتى انت مينفعش تعترض ولا تقول رأيك ، نصيحه شوفوا مخرج

وصلنا لمرحله من الانحطاط والدنى للاسف لا يمكن الرجوع عنها شئ مخزى

For anyone interested in (UK)
These are free medical workshops for doctors of how to find your career in UK, you can register here
Best of luck
https://protected-consulting.com/medical-workshops/?fbclid=IwZXh0bgNhZW0CMTEAAR1EQeYu3yS-GCJrczhfu85xFRgiH3toCn9cTReuSz87xnMoVQj05i9QpuQ_aem_EfPXgL9xheTskJTuRO4-rw

عشان كدا بقولكم مش اى حاجه تحضروا
فندق وبتاع وهى ملهاش قيمه وشهادتها لا تساوى شئ
بتضيع وقت ومجهود على الفاضى
طب سؤال اعرف منين الحاجه الكويسه
(داخل فيها شراكه محترمه واسم ميختلفش عليه اتنين )

ايوه بيقبلوا طلبه ولازم تبرز ال previous voluntary experience and your skills
عباره عن اى ، فى كذا حاجه
يعنى جزء السوشال ميديا حد هيمسك الصفحه
جزء ترتيب الايفنتس
جزء عاوز computer soft skills
ولحد الان على حد علمى الموضوع اونلاين.
اى اسأله تانيه ؟
لو حد عنده مشكله فى ال cv ممكن يبعتلى

السلام عليكم ورحمه الله وبركاته يا دكاترة
عارفين ABCDE association?
لو حد مش عارفها هى اختصار ل
American board certified Doctors of Egypt
وطبعا بالمنطق انتو عرفتوا كدا مين ال ماسكها؟
مهمتها دعم الدكاترة ال بيقدموا على الماتش وبيدوهم fund عشان تقديم الماتش
المهم عاوزين متطوعين وطبعا الموضوع حلو اوى للناس ال دماغها فى التراك اصلا ، لانك هتدخل الدايرة من الباب الرئيسى
هتقدم ازاى ؟ هتبعت ال cv على الايميل دا وتقول كلمتين حلوين كدا انك مهتم بالتطوع (مش بالتراك✋)
وخلوا عنوان الايميل قصير وواضح
[email protected]
بالتوفيق
وشكرا بجد لكل ال بعتلى happy birthday تسلموا يا دكاتره
وشكرا مقدما للسه هيبعت😂❤️
#استفيد

اشاره 😂
https://www.facebook.com/share/14b3enSSv1/?mibextid=rS40aB7S9Ucbxw6v

ياريت ال هيحضر ويستفيد يبعت أهم النقط أو المفيد فى السيشن عشان ال مش هيعرف يحضر

هل لازم عشان اسافر امريكا اعمل معادله ؟
دا سؤال اتبعت وفى الحقيقه الاجابه
لا
انت ممكن تسافر as a medical graduated without USMLE at all
بس ناخد بالنا من الصفه ال هنسافر بيها
(Academic researcher with PhD fellowship)
يعنى انت وسط الكتب والشغل الاكاديمى بتعمل دكتوراه
من غير ماستر ؟؟
ايوه من غير ماستر
غالبا بتبقى ٥ سنين ويتبقى محموله يعنى كل تكاليف الدراسه عليهم + راتب شهرى
ولو حبيت تكمل بتاخد postdoctoral fellowship
طيب انت كدا مش طبيب يعنى مفيش بالطو وسماعه لأن خلينا نتفق مينفعش تمارس مهنه الطب من غير
USMLE
طيب انا عاوز أكون طبيب من السكه دى ، حضر USMLE وانت هناك
وامتحن وقدم ماتش ومش هتتحسب جاب لكن محتاج تشتغل على نفسك فى جانب الكلينكال شويه وممكن دى اوضحها فى الكومنتات
طيب الطريق دا مناسب لمين ؟
لحد ظروفه الماديه مش هتسمحله يحضر هنا
طيب ازاى اكون مؤهل ؟
تويفل أو ايلتس
شهادتك
تكون ناشر ورقه ولا ورقتين فى الكليه ويكونوا حلوين
ومش لازم تكون الاوثر على فكره
سى فى محترم ودا قتلناه مناقشه
كونيكشنز هيفيدك جدا ودا من خلال المؤتمرات الدوليه والتطوع الدولى
الاقى ازاى ؟
سهل جدا
هتدخل على مواقع الجامعات زى هارفارد ، ستانفورد ، بوسطن
بيبقى فى على موقع الجامعة نفسه
طيب فى منحه مصريه كل سنه بتقام وهى منحه fullbrigh
دى ممكن تقدم عليها وتاخدها
بس اهم حاجه انك تبدأ تدور وانت فى اخر سنه فى الامتياز
وتكون جاهز
طيب حاجة اخيره
فى ويب ليسهل عليك الموضوع عن طريق انك بتعمل ابليكيشن واحد وتقدم فيه فى كل الجامعات
اسمه common app
اتمنى اكون غطيت الموضوع ولو فى سؤال 👇
#استفيد@talibtib11

Check this ⚡️

https://www.facebook.com/share/1AZcEyXCG6/?mibextid=rS40aB7S9Ucbxw6v

#استفيد@talibtib11

Updated

communication skills (ep2)
البوست ال فات اتكلمت عن ضروره انك تسوق لنفسك as a qualified person و بيينا قد اى الموضوع مهم
طب عشان تسوق لنفسك محتاج اى
١- مكان تسوق فيه
٢- شخص تسوقله
٣- طريقه تسوق بيها
ودى هتشمل ٣ حاجات
-self confidence
-body language
-ice wall braking skill
ودول موضوع البوست
ــــــــــــــــــــــــــــــــــــ
١- اول خطوه عشان يبقى عندك ثقه فى نفسك هى انك تشيل من بالك انك قليل ولا الناس ال حواليك دول احسن منك ، هما عندهم خبره عنك وانت جاى تاخد الخبره دى وتندمج فى حاجه مش مطلوبه منك اصلا فدا لوحده يخليك شخصيه ممتازه ولازم تبقى فخور بده
وطبعا ممكن ال عنده مشكله فى النقطه دى يشوف دكتور او يشوف فيديوهات اليوتيوب بس بصراحه معرفش مدى مصداقيتها اسمع عنها بس
٢- من الحاجات ال نفتقر ليها برضو هى body language
وال بتخليك انت وطريقه كلامك وتعبيرك فى حته تانيه ، عارفين فين ناس كدا تحس انك عاوز تقولهم انتو كدا ازاى
طريقه كلام وإقناع وتقديم خرافيه ودا جاى من إتقانهم لغه الجسد بصوره كبيره وبيعرفوا يوظفوها كويس
٣- ازاى تكسر حاجز التلج
خلينا متفقين أن ال هتقابلهم وتحاول تعمل معاهم networking نوعين
نوع الاول هو مساو ليك ، يعنى نفس الجيل أو اكبر سنه بس still equal
والنوع التانى
expert
ودا اكبر منك سنا ومعرفه
كل نوع له طريقه مختلفه تماما فى انك تبدأ معاه الحوار
بس قبل ما نتكلم على كل نوع لازم انت تكسر الحاجز ال جواك ،شيل من دماغك انك هتبقى متطفل أو لا هروح اعمل اى وهتكلم فى اى ، كل ده فى شوال وتتخلص منه ساعتها هتلاقى الرؤيه وضحت وتحررت من قيود التردد والخوف إلى للاسف أغلبنا اتربى عليها
حط فى دماغك انك حاجه كبيره وانك رايح تتعلم وتسمع وانك شخصيه فعلا مميزه

ــــــــــــــــــــــــــــــــــــــــــ
النوع الاول
نفترض أن احنا فى مؤتمر ودا اغلب ال networking بتبقى فيه يعنى
فى وورك شوب بس مش كله بيحضر فهنضرب مثال بمؤتمر ولنفترض مثلا أنه كارديو
هعمل networking مع مين ؟
اكيد مش كله هتنقى
ياإيما هيجمعك بيهم ترابيزه ، أو غداء
يا ايما هتنشن عليهم لسبب ، قد يكون قدموا بريزنتيشن مثلا وانت حابب اتعرف عليهم أو هما active وبيسألوا ويتناقشوا
وغالبيه الشخصيات دى بتبقى طموعه وبتتعلم واكيد معرفتك بيهم هتفيدك
هتبدأ الكلام ازاى ؟
لو فى وسط الحدث نفسه ناقشهم فى ال بيتقال
طب فى الغداء أو الاستراحه ، ابدا بجمل زى انت بتحضر كتير مؤتمرات كارديو ؟ مهتم بالتخصص؟ كدا خلوا الكلام يجيب بعضه واحده واحده وسهل اوى تفرع كل نقطه لعشره مش هتغلب يعنى ، قيموا البريزنتيشنز ال اتعرضت ، قيموها مع بعض وهكذا وتقول مثلا انا لو فى مؤتمر كارديو هبعتلك وهتاخدوا ارقام بعض
وتمت الصفقه بنجاح 😂
واحده واحده هتلاقى عندك شبكه علاقات من المهتمين بنفس مجالك وبطريقه ما هتلاقوا أنكوا بتدعموا بعض
ومعرفه الناس كنز خصوصا فى مجالنا دا
نيجى بقى للجزء الأخطر 😂 ال experts
عارفه انها بتبقى تقيله انك تروح لحد قيمه وقامه كدا مش هتبقى عارف تقوله اى أو تتكلم فى اى أو تستفيد منه ازاى
اولا متروحش ايدك فاضيه ، اومال اخدله اى 😂 اكيد هتاخد سؤال يعنى هتاخد اى
سواء فى البريزنتيشن ال عرضها أو فكره عندك عاوز تعرضها وتكون على صله بالموضوع المهم انك يبقى عندك حاجه تقولها مش تروح تضحكله وخلاص ، حتى لو هتختلق السؤال .
وخلى سؤالك opened question ال هو مهما اتكلمنا مش هنوصل لحيطه سد ، لانه طول ما هو بيتكلم طول ما بيديك معلومات صغيره فى النص تسأله عنها فيجاوب فيديك تانى وتعلم فى دماغه انك شخص فضولى بيحب يتعلم فيتكلم اكتر فتبدأ تعرض نفسك قدامه بطريقه سهله وتعرفه عن نفسك ، كل ال انا بقوله دا هيديك على الأقل نص ساعه تقدر تجيب بيها ال opportunity إلى عاوزها
بس فى نقط لازم تاخد بالك منها
اول كلامك معاه مدح ودى اصطنبه عشان تسهل على نفسك الطريق ، وفى نفس الوقت اسمعله وأبدى إعجابا بشأنه وبال عمله واى حاجه يقولهالك انبهر ، لانه اولا حقه يعنى اكيد تعب على ما وصل😂 ثانيا لو صديته متلومش الا نفسك ،
طبعا الكلام فى النقطه دى يطول وكان نفسى يبقى فيديو بس لو استنيت اعمل فديو مش هنزل حاجه

يتبع
وقولولى الكلام واضح ولا مش قادرين تفهموا ولا حاسين الكلام كبير ولا اى عشان بس اعدل الطريقه لو فى حاجه ونوصل لأكبر استفاده
ادونى feedback 👇
#استفيد@talibtib11

Matched 2025❤️

Volunteer
#استفيد

If you are interested
https://docs.google.com/forms/d/e/1FAIpQLSeBtii7H0W-Sm0mgWAMwSqwmffAJhTtEXyp3wORZjAGG8ukeg/viewform?usp=header

فى فجوه يا جماعه ، فجوه كبيره كمان 😂
التفسير فى الكومنت

بقالى فتره بسمع عن ال bioinformatics من الدكاتره ال researchersومكنش عندى وقت ادور بس من كتر الكورسات وال workshops وال posters ال بتتكلم عنها فالموضوع حسيته مهم

يعني إيه bioinformatics
- مجال بيستخدم البرمجةوتحليل البيانات عشان نفهم الجينات، البروتينات، والأمراض المعقدة
- التخصص ده بيساعد في:
- تشخيص الأمراض الوراثية والمزمنة.
- تطوير أدوية جديدة وعلاجات دقيقة.
- دراسة الأمراض العصبية زي Alzheimer's, parkinsonism
بتشتغل فين كمتخصص?
1. في مصر
- المراكز البحثية زي المركز القومي للبحوث.
- الجامعات والمؤسسات الأكاديمية.
- شركات الأدوية والتكنولوجيا الحيوية.
- المستشفيات في تحليل الأمراض الوراثية والطب الشخصي.

2. في أمريكا وأوروبا:
- شركات أدوية عالمية زي Pfizer، Johnson & Johnson، Merck.
- مراكز بحثية زي NIH (المعهد الوطني للصحة) وNCBI.
- مستشفيات ومراكز متخصصة في الطب الشخصي وتحليل البيانات الجينية.
- شركات تكنولوجيا متقدمة زي Google Health وIBM Watson Health.
**دورك اى ؟
- تحليل البيانات الجينية لفهم الأمراض وتشخيصها.
- تطوير أدوية وعلاجات بناءً على البيانات الجزيئية.
- المساهمة في الأبحاث الطبية المتقدمة وتطوير الطب الشخصي.

**محتاج إيه عشان تبدأ؟
1. تعلم البرمجة:
- لغة Python أو R لتحليل البيانات.
2. فهم الأدوات العلمية:
- زي BLAST، NCBI، Ensembl لتحليل الجينوم والبروتينات.
3. دورات تدريبية:
- دورات على منصات زي Coursera، edX في أساسيات المعلوماتية الحيوية.
4. دراسة أكاديمية:
- ماجستير أو دبلومة في المعلوماتية الحيوية أو الطب الجزيئي.
5. الخبرة البحثية:
- الاشتراك في أبحاث علمية ونشر أبحاث دولية.

طبعا الموضوع دا يليق بحد ينطبق عليه الاتى
- بيحب البرمجه وال CS عامه وبيحب الطب برضو
- مش عاوز يبقى دكتور وجو عاينين وكدا لا هو عاوز يبقى behind scenes انت إلى بتساهم فى الطب واظن فهمتوا ازاى

#استفيد@talibtib11

ابعت/ى تانى ومش بجاوب هنا بجاوب على القناه التانيه
https://t.me/sarahatip

الشخصيات دى بجد بتحتاج ضبط مصنع
اسوء حاجه انك تكون مش عارف انت عايز اى أو
تكون ماشى مع التيار والابشع انك تكون "خايف"
نصيحه محدش يسيب نفسه يوصل لهنا هتقعد تلف فى دائرة والسنين هتعدى
الحمد لله السؤال مش جايلى

انا شايفة ان نوعيه البوستات دى مفيدة لو عاوزين نركز عليها الفتره الجايه هفهم من الريأكت

communication skills 1
ازاي تسوق لنفسك زي الأمريكان؟
لو هنتكلم بصراحة، إحنا كعرب عمومًا ومصريين خصوصًا عندنا مشكلة كبيرة في موضوع "تسويق النفس". كتير مننا بيعتبر إن اللي يتكلم عن نفسه أو يبرز إنجازاته كأنه بيتفاخر أو بيتكبر، وده بيخلينا نخسر فرص كتير جدًا لأننا مش بنعرف نبرز نفسنا قدام الناس بطريقة صح.
طب لى الامريكان
الأمريكان عندهم الموضوع ده زي شُربة الميه. يعرف إزاي يتكلم عن نفسه بثقة، يقولك عملت كذا وحققت كذا وكنت جزء من فريق أنجز كذا. الكلام ده مش بس عشان يلفت انتباه اللي قدامه، لا، ده كمان بيأكد إن عنده مهارات وشخصية تخليه يستحق الفرصة.بياعين كلام درجه اولى
ليه تسويق النفس مهم؟
عشان الناس تعرفك: محدش هيعرف إنت شاطر أو عندك مهارات غير لما "تقول".
عشان تفتح أبواب الفرص: اللي بيتكلم عن نفسه بطريقة كويسة، بيجذب الناس إنها تديله فرص أكتر.
عشان تكون واضح: لما تقول إنت مين وبتعمل إيه، الناس بتفهم إنت تقدر تفيدهم في إيه.
طب إزاي تسوق لنفسك؟
اتكلم بثقة: مش غرور، لكن خليك واضح. "أنا عملت كذا وحققت كذا"، مش "يعني اشتغلت في حاجة بسيطة".
استخدم أمثلة حقيقية: لما تتكلم عن إنجازاتك، احكي مواقف واقعية. "اشتغلت على بحث في المجال الفلاني وطلعنا بنتائج كذا".
اعرف جمهورك: لو بتتكلم مع أطباء، ركز على شغلك الطبي. لو مع باحثين، ركز على أبحاثك.
اعرض حلول مش مشاكل: بدل ما تقول "أنا كنت شغال تحت ضغط رهيب"، قول "قدرت أنظم وقتي وأنجز المهمة في الظروف الصعبة".
اهتم بالشبكات الاجتماعية: سواء LinkedIn أو حتى في المقابلات الشخصية. كل مكان هو فرصة تسويق لنفسك.
إيه اللي ناقصنا؟
الثقة بالنفس: إنك تصدق إن اللي بتقوله عن نفسك مش غرور، ده حقك.
القدرة على التعبير: إنك تعرف إزاي توصل اللي عندك بلغة بسيطة وجذابة.
الاحترافية: كل كلمة تقولها لازم تكون في مكانها.
الخلاصة، لو عايز تتقدم في حياتك سواء في شغلك أو حياتك الشخصية، لازم تتعلم تسوق لنفسك زي الأمريكان. مفيش عيب إنك تقول "أنا شاطر في كذا"، طالما الكلام حقيقي وواقعي. ابدأ درّب نفسك من دلوقتي على إنك تتكلم عن إنجازاتك بثقة وإقناع، وهتلاقي فرق كبير جدًا في الفرص اللي هتجيلك!
"اللي مش هيعرف يسوق لنفسه، هيلاقي نفسه واقف في الطابور مستني فرصة حد يجيله، والفرص بتروح للأذكى مش للمستني".
#استفيد

الامتياز ملوش حجه😂

https://forms.gle/T8cxr4aAkinY47si7

تقريبا دول اهم معلومتين

اتواصلت مع دكتور طلع فى البرنامج من سنتين وقالى الاتى
١- مش لازم ترجمه المستندات
٢- هتأجل تيرم

ال poll هو بنك الاسئله ال بيجى منه امتحان ال USMLE ، بيختلف حسن موسم الامتحانات هناك فكل ما كنت قريب من الموسم بتاعهم كل ما كان الامتحان غريب وفى نسبه اسأله تجريبيه عاليه

وعليكم السلام ، للاسف صح والناس ال امتحنت بعد ١٥/١١ السنه دى اشتكوا اوى والامتحان كان صعب جدا ، ربنا ينجحهم يارب
عموما ابعدوا عن شهر ٥,٦ والوقت ال احنا فى ده

لازم حاجتين
1- تكون طالب (عشان يبقى فى معنى لل fund) طبعا فى استثناءات بس دا الاعم
2- تقدم strong abstract يعنى ملخص بحث قوى ، ولو اتوافق عليه مبروك بتاخد ال fund
But you should know that the funding process depends on " refund"
يعنى بتروح على حسابك وبعدها بيتبعتلك شيك شامل الطيران وفيز المؤتمر على الأقل وطبعا بيختلف حسب كل سياسه مؤتمر

عشان الناس ال سألت على معاد ومده السيشن
الناس ال هتتقبل أن شاء الله هيتبعتلهم ايميل فى التفاصيل والباسوورد وال ID
والتعليمات الصارمة😐
واتضح أن فى limit يا جماعه مش هيسمحوا لاكتر من 1000 أنه يدخل
طبعا الرقم مش كبير على حاجه Global
وكمان أدق التفاصيل لاستلام الشهاده مذكورة فى الايميل

ازاى استغل فتره الجامعة ؟
ازاى ابقى دكتور شاطر ؟
اعمل اى عشان يبقالى فرصه حلوه بعد التخرج ؟
الاجابه واحده لل ٣ اسأله
والكلام ال جاى دا هو ملخص لنصائح وتجارب كتيرة
هقولهم فى نقط باختصار
١- حدد هدف عشان السنين بتجرى
٢- ابعد عن ال comfortable zone
لان كل احلامك براها
٣- اشتغل على نفسك جامد وحط قدام عينك تبقى اشطر
٤- متقولش لسه بدرى
٥- متحطش خطه واحده ، حط ٤
٦- ال بيجى سهل بيروح سهل فاتعب لو عاوز تلاقى
٧- متستناش حد يديك المعلومة دور عليها وهاتها بنفسك
لو فى نقطه مش وضحه نوضحها فى الكومنتات
#استفيد

السلام عليكم 🤍
بما أن فى نقص جامد فى عدد الأطباء فى us ودا بنشوفوه فى احصائيات ال match كل سنه فى أماكن بتكون فاضيه + 25% من الأطباء هناك IMGs
فأكبر ٣ مؤسسات معنيه
FSMB
(Federation of State Medical Boards)

ACGME
(Accreditation Council for Graduate Medical Education)

Intealh

قرروا يبقى فى رخصة مؤقته للأطباء provisional license
من غير ما تعدى فى ال matching process خالص
طب اى الشروط
١- ECFMG certification
2- completed your residency in your home country
3- at least 5 yrs experience
هتشتغل تحت observation

طيب الكلام دا بيتغير حسب الولاية
فى ولايات مش عاوزه ال ٥ سنين كلهم
فى ولايات مش بتجددلك
فى ولايات بتسمحلك تقدم على ال full liscenc بعد 2yrs
فهسيب لينك وشوفوا كل ولايه ال requirements بتاعتها اى

الموضوع دا فتح فى أبريل ال فات فى ولايه واحده تقريبا بس هيتعمم من السنه الجايه فى 15 ولايه

انا عارفه أن معظم ال هنا لسه قدامه المشوار طويل وكل يوم فى تجديد بس عاوزه اوصل حاجه ، فى كتير بيستصعبوا الموضوع ومش بياخدوا اى خطوه بحجه يااه لسه هعدى الامتحانات ولسه هروح الاليكتيف ولسه فى ماتش وياعالم
مفيش خطوه هتاخدها الا لما تفيدك أن شاء الله أسعى بس واعمل ال تقدر عليه وربنا هيعملك الخير طالما بتسعى

بيدچ بصيره للريسيرش يا دكاترة
https://www.facebook.com/BSIRA.Official

#Research

الحضور مجانى وفى شهادة
المكان ، مجمع خدمات المرأه فى بنها
نفس المؤتمر هيتعمل يوم ١١ فى نقابة الأطباء في الشرقيه
https://purespot.org/register.php?id=776&code=65454564

لو حد هنا من القصر وعنده تفاصيل عن دا 👆يقول

https://www.facebook.com/61565637033116/posts/122121711800521234/?mibextid=MRqP7NiczCaygdwQ


جمعة مباركة ، لاتنسوا سورة الكهف 🤍

بخصوص البرنامج

برنامج Global UGRAD لعام 2025-2026 يقدم للطلاب الدوليين فرصة دراسية مجانية في الولايات المتحدة لمدة فصل دراسي واحد. التقديم متاح من 1 نوفمبر حتى 15 ديسمبر 2024، ويتوقع أن يبدأ الطلاب المشاركون دراستهم في فصل الخريف 2025 أو الربيع 2026، حسب مواعيد البرنامج.

### متطلبات التقديم لعام 2025-2026
- يجب أن يكون المتقدم طالبًا جامعيًا لم يصل إلى السنة النهائية.
- يجب أن يمتلك سجل أكاديمي جيد ومستوى مناسب من اللغة الإنجليزية.
- التزام بالعودة إلى الوطن بعد انتهاء البرنامج لإكمال الدراسة.
- الاستعداد للمشاركة في أنشطة أكاديمية وثقافية واجتماعية بالولايات المتحدة.

### مزايا البرنامج
يشمل البرنامج تغطية كاملة للتكاليف مثل:
- السفر: تذاكر الطيران من وإلى الولايات المتحدة.
- السكن والمعيشة: إقامة وتكاليف المعيشة.
- التأمين الصحي: تغطية طبية طوال مدة البرنامج.
- ورش عمل تدريبية: لتعزيز مهارات القيادة وخدمة المجتمع.
الاستفادة كطلبه طب ؟
اولا مفيش مستشفيات لأن دى دراسه اكاديميه ثانيا عشان تنزل مستشفى لازم يكون معاك ستيب ١ على الأقل فالبرنامج مش هيدربك انما هتدخل سميستر كامل هناك تدرس فيه معاهم البرنامج ال هتختارة حسب تخصصك + برنامج كمان بجانب دراستك ودا هوضحه فى ابلكيشن التقديم أن شاء الله
اعتقد دى كل التفاصيل هما هيغطوا كل حاجه لحد فلوس التأشيره + ليك مصروف شهري هناك

وبمناسبة امريكا اللوتارى هتقفل انهارده الساعه 12 الظهر بتوقيت US لو حد عاوز يقدم يلحق

السلام عليكم يا دكاتره
دى فرصه ممتازه للطلبه ال لسه undergraduate وبالذات ال ناويين أن شاء الله على سكه أميركا
تبادل طلابى ممول بالكامل من وزارة الخارجية الأميركية ومش مطلوب فيه اى امتحان لغة مطلوب بس تعرف ت communicate in English طلبات التقديم مش كتيره خالص وسهله
هسيب لينك الموقع فى التعليق

متاح لطلبه الطب وفى شهادة وفى خدمه باصات مجانى تبع المستشفى

https://www.facebook.com/61565637033116/posts/122120489180521234/?mibextid=MRqP7NiczCaygdwQ

من الامتياز 👆

كان معانا حاله برضو وكانت داخله تضرب فى إلى حواليها وفى الاخر طلعت hepatic encephalopathy
كانت فى behaviour change
وكله افتكارها فى الاول سايكك

عاوزة اقول حاجه عن حالات السايكك
جت حالة شاب عشريني Free medical history
Not smoker بالعكس تمام رياضي
بقاله كذا يوم بطل يخرج و بدأ يبقى DCL بس بفحص النيورو و ال scale كان نورمال
الفيتلز زي الفل عدا أنه من كم ساعة كان الضغط عالي و كان فى مستشفى تاني و نزلوا الضغط
هيستوري أنه كان عنده typhoid من اسبوعين و اتعالج
كنا حطينه على monitor مرة واحدة بقى tachycardia 145 و قست الضغط ساعتها وانا واقفة رفع ل 200
دقيقتين و الفايتلز رجعت نورمال زميلي كان معايا عشان كان قلبنا مش مطاوعنا على تشخيص السايكك وان الاتاك كانت مجرد بانيك او شيء خاصة أن الشاب فايق و بيتكلم بلغت النيورو سيكاتري ( كنت بلغتها اول ما خدت هيستوري و فيتلز وقالت عادي و ممكن نعمل CT ) لما بلغتها و إذا كنا نسحب تحاليل او شيء قالت بس CT دلوقتي
عملناها و حرفيا كنا بنجرى انا و زميلي و النيورو سيكاتري كان هيصوت معانا ( كنا بنتواصل بس من صوتها و ردودها تخيلت ردة فعلها) وجرينا على النيوروسيرجري
Severe intracranial hemorrhage ضاغط على المراكز الحيوية
و سألت ايه سبب النزيف
د عبد الله قال rupture aneurysm
الحالة صحيح اتسحب CBC INR و فصيلة والنايب بنفسه اللي وداهم المعمل وجري بيه على العمليات و كان حرفيا ماسك الفون بتاعي يشوف الحالة دخلت الساعة كم و انا تواصلت مع النيوروسيكاتري امتى و ردت امتى و ال CT اتبعت امتى و لما رنيت عليه رد فى خلال اد ايه
لو كان تم التعامل معاها على أنها سايكك كان مات لأن النزيف كان عند ال brain stem

الى ملحقش يسجل اونلاين بتروح ال registration tent تسجل من هناك عادى
#PHDC24

ال هيروح ومفيش فى محافظته باصات يشوف ا اقربله من النقط دى ويروحلها ، دى اققل طريقه للبهدلة ولو حد درس الموضوع ولاقى سكة يقولها

بسم الله الرحمن الرحيم

((يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَرْضِيَّةً فَادْخُلِي فِي عِبَادِي وَادْخُلِي جَنَّتِي))
صدق الله العظيم.
اللهم اغفر لهم ذنوبهم وادخلهم فى رحمتك يا رب العالمين .
شهداء جامعة الجلالة

بالنسبه للناس ال بتسأل على باقى المحافظات ، دا آخرهم للاسف يا جماعة مش هيقدروا يعملوا اكتر من كدا ، انا كنت انهارده فى المدريه وقالوا إنهم اتصلوا من الوزاره وقالوا اعملوا ال تقدروا عليه ودا بالعافيه والله ، محدش يتأمل اكتر من كدا ، وال بيقول اشمعنا بنها لانى انا ال قدمت الطلب

ودا جروب للهيروح من بنها أن شاء الله

https://t.me/+GZWA-RIbVDgzNTY8

السلام عليكم يا دكاتره ، الحمد لله قدرنا نوفر نقل من وإلى المؤتمر ود. نقط التجمع

https://www.instagram.com/reel/C_dd7Utvn-s/?utm_source=ig_web_button_share_sheet

https://t.me/+Dfs4pB1zidJmMmQ0

ال قدم من بنها يتواصل معايا عشان تنظيم الباص ، حتى لو لسه مش جالوا رد
@Me1226

Free

المؤتمر فى العاصمه الإدارية ٤ ايام

https://www.globalphdc.com/ar

السلام عليكم
زمايلنا ف الكلية واخواتنا النواب في الجامعة بيجمعوا علشان يجيبوا جهاز هولتر ( جهاز بيعمل رسم قلب مستمر على مدار ساعات طويلة عكس رسم القلب العادي اللي بيعمل ecg في اللحظة اللي بتسجل فيها لذلك الناس اللي عندها paroxysmal arrhythmia مش بتتعرف بالجهاز العادي )
الجهاز تمن استعارته برة غالي وسعره غالي
فلذلك جت الفكرة نوفره احنا بينا وبين بعض وربنا يجعله في ميزان حسناتنا جميعا
واحنا وفرنا 25 الف بين بعض بس الجهاز اللي هنجيبه نوعه مجري بيبدا من 95 الف وانت طالع
اللي حابب يتصدق في حاجة زي كدة تكون صدقة جارية له عن كل حالة هتستخدمه

ف دي الحسابات
انستا باي 01156593716
او فودافون كاش 01032038175

بما ان فى ناس كتيره بتفكر فى طريق بريطانيا فخلينى اقولك ان ملخص الفيديو دا هو ان المستثمريين والمليونيرات بدأوا يسيبوا بريطانا ويحولوا فلوسهم بره وطبعا من ال بيستقبلهم ؟ العم سام
ودا لان بريطانيا بدات تفرض ضرايب كتيرة وبدأ يبقى فى عدم اسقرار اقتصادى ودا قلق رجال الاعمال
حبيت اوضح النقطه دى عشان اثرها هيبقى مش حلو فى المستقبل ودا يخليك تفكر كويس قبل ما تقرر
انا عارفه ان الظروف كدا كدا مش مضمونه ومحدش عارف فى اى بس بيبقى فى مؤشرات لازم تتاخد فى الحسبان