كتابات مجنون🖤

نحن لم نخطأ يوما ما لقد كان الأمر خارج عن ارادتنا فقط كنا في ذالك الوقت لسنا بقادرين على أن نكمل للطريق فقد كان طريق متعباً وانا لا أخاف ان اخسر نفسي بل خفت ان اخسرك لقد سمعت الكثير ممن يقولون سوف يتركك ويذهب وكنت لا أصدق هاذا وفي يوم قد حصل هاذا فخسرتك وخسرت نفسي انا قد عشت ايام سوداء في غيابك لعلك تعلم ما حدث حينها لو قتلتني لكان افضل من تركك الي فقد تركتني وحيداً،.
《شخص مجنون 》

حاول قد ما تكدر تحتفض بلورده الي عندك لن اذا فقدتها حته تلاكي الاحسن مستحيل حتلاكي لن اذا ما لكيت ورجعت ع ورده نفسه تلكه غيرك أخذها اذا انسان جان زين وياك وفجئه تغير في احتمال ضروف جعلته يتغير يعني مو شرط لكه غيرك دنيا بيه ضروف هواي حاولو تتمسكون بلورده الي عدكم لن اذا خسرتوها وعرفتو قيمته بعد الخساره ماكو فايده بعد اكو خسارات ما تتعوض باملاك الدنيه كلهه واكيد اني مجاي اقصد الورد مال حديقه انتم فهمتو المقصد،
《شخص مجنون 》

احببتك فضلمتني الم يؤلمك قِلبك عندما تركتني
اتعلم ماهوه شعوري كأنني معاق ولقد قتل ابي امام عيني واعتدو ع امي امام عيني  اتعلم كيف كان شعوره هذا لمعاق فقط اشعر ولو لدقائق قليلة كيف كان شعوره هوه هذا الشعور الذي جعلتني اعيش به عندما تركتني هل يكفيك هذا الوصف ام تريد المزيد .

(شخص مجنون)

اسف علتأخير
التكمله:

بدا الشاب يوعى على نفسه كعد ويه نفسه يشرح اغلاطه هو بشنو غلطان لگه نفسه غلطان بهوايه اشياء مثلا هو يضحك على بنات الناس ويوعدهن بلزواج وبعدين يخلف هو مااسس حياته بشكل طبيعي هنا بدا يقرر انو يبني حياته على اشياء صح بدا من عمله وبدا يهتم بنفسه وبشخصيته وبدا شوي شوي يطور بنص الطريق جان يتعب ويشوف نفسه وحيد قرر انو يرجع للتواصل بس بشكل خفيف يعني ميتعمق بلموضوع دخل مجموعة تعارف ويبدا يتشاقه ويه هذا و ويه هذاك مر الوقت وكانت الساعه الواحده ليلاً كان وحيداً و ممل نوعاً ما ذهب الى مالكين احدى القنوات ليقوم بنشر يوزره (معرفه) حتى يجون بنات يسولفون وياه وبنفس الليله تعرف على ثلاث واحده منهنّ تكلم معها اتصال كانت الفتاة غير مؤدبه تكلم معها ثم قامت بحظره بقن ثنين والثانيه تحدثت قليلاً وراحت
الاخيره استمر بينهم التواصل بينهم كل يوم ومره على التواصل بينهم مدة شهر بدات الفتاة تشعر بلحب للشاب لان كانو كل يوم يتحدثون اليوم بأكمله بدأ الشاب بلتقرب منها وكان شعوراً جميلاً الشاب سأل الفتاة هل تحبينني؟ لم تقم بلجواب حاول الشاب ان يجعلها تعترف وقال لها ان حبيبتي السابقه قد عادت فتغير صوتها قال الشاب لماذا تغير صوتكِ قال انتَ ستهملني وقالت ماردك انتَ عليها قال الشاب لااعلم انتِ ما رأيك؟ سألت الفتاة هل تحبها اجاب الشاب نعم أحبها ارتبكت الفتاة وكانت تتلعثم بجوابها
قال الشاب اجيبيني على سؤالي وسيكون جوابكِ هو الذي قد يجعلني اقرر فقالت ماهو السؤال قال: هل تحبينني؟
اجابت وهي خائفه: نعم ولكن خوفي من خسارتك كان سبب لعدم افصاحي عن مشاعر الحب الذي اجتاحتني قال الشاب كنت اعلم ولم يحدث اي مما قلت لكِ فقط كانت غايتي هي اعترافكِ بمشاعركِ تجاهي تطورت علاقة الفتاة بلـ الشاب وكان الشاب مهووساً كالـذي ادمن صوتها أبىٰ الشاب الاستغناء عنها ولو للحظات تحدث مع عائلته ولكن ابوه رفض حاول الشاب مع ابوه لعدة شهور
ومرت ست شهور
عندما رأى والده أصراره قام بلموافقة ولكن الصدمه ان الفتاة قد خانته مع حبيبها السابق وهنا انصدم الشاب ودخل في حالة نفسيه وبدأ بتعاطي المـ.ـخـ..ـدرات وبعدها اصابه الجنون قامو عائلته بأخذه للمستشفى ونام يوماً في تلك المشفى وعلمو انه يتعاطى وقد اخذو الي مركز اعادة تأهيل المدمنين ولم يتعدى ثلاث ايام وبعدها وجدوه منتحراً

والى هنا تنتهي قصة الشاب.
(شخص مجنون)

.نكمل

بدا الشاب انو ينهار وره فتره تعرف ع بنيه بكروب البنيه كلش حبابه البنيه جانت كلش زينه ويا بقت تحجي ويا فتره الولد بده يغير من نفسه ويرجع لحاله الطبيعي رجع الولد بعد فتره لشغله وبده يهتم بنفسه تعدلت نفسيته وعده شهر الولد تغير وصار كلش زين هاي البنيه الي وكفت ويا صارت صديقته البنيه تهتم بي وتسولف ويا وهوه يحجيله ع كل شخص يراسله بنات او ولد البنيه تتقبل الموضوع كانو شي عادي طبعا الولد بقه يحجي ويه بنات ويضحك عليهن بسوالف الحب ويجي يكول للبنيه هاي بلي يصير ويا البنيه تنصحه انو يبتعد عنهن كال اله انو وين يروح يضوج يقضي وقت وياهن طبعا الولد طلع ويه البنيه وشافه بلواقع يكول اول مره اشوفه جانت كاعده بسياره وياي بلخير يكول لابسه كمامه شالت الكمامه يكول جنن بس هيه صديقتي يعني معندي شي وياها مو زين
يكول طلعنه وفترينه وكعدنه مطعم بعدهه رجعنه للبيت هيه لبيتهم وني لبيتنه واحنه نسولف بليل كتله انو من شفتج ردت ابوسج بس ستحقرت نفسي سئلت ليش كال لن انتي صديقتي ومريد ضلمج وياي البنيه ثقت بلولد بشكل مو طبيعي الولد بقه ع حاله يفتح كامرات ويه بنات ويصير اشيا فهمتوهه تعبانه يعني مهم طلع ويه بنيه ثانيه وصار الي صار البنيه صديقته تعرف بهلشي مر وقت طويل البنيه عده قصه هم حبت ولد وخانهه بس الولد ما متقرب منهه يعني بين قوسين ما منطيته شي مو زين يعني بس شوف فا تاركه الولد وخاينه وهيه حجت هلشي للشاب طبعا شاب صار يحترمه هواي ويقدره ويخاف عليه ومن تحتاج شي ميقصر وياها وعرفه ع اهله وإخوانه وأمه مره شهر ونوب طلعو سوه هيه البنيه اجته من محافضه لمحافضه كذالك دخلو مطعم وبده واحد يشاقه ويه ثاني جانت طلعه كلش حلوه شاب صح يحب البنيه بس كصديقه ميريد يدخل علاقه وياها لن يعرف نفسه مراح يكمل وهوه يريد اشيا البنيه متسويهه او يخاف يطلب منهه تقريبا هيج طبعا الولد كال للبنيه انو هوه كلش ضايج ومخنوك كالت تعال لفلان مكان اشوفك طلع الولد لمحافضه ثانيه راح يشوف البنيه بعد ما شافهه جان يرحون بسياره لزياره فبطريق جان جو كلش حلو البنيه التفت ع شاب والهوه يجيب عطره الشاب ما تحمل وباسهه البنيه نخرست ومحجت شي رجع للبيت ورجعت كذالك بليل حجو تصال هيه سئلته ليش هيج سويت كال الشاب ما اعرف بس العطر جذبني وهيج سويت كالت وهسه شنو كال ما اعرف بس حبيت هلشي جان كلش حلو البنيه كالت انت تريدني ومتخذلني طبعا شاب يخاف عليه دخلو علاقه بس شاب يخاف ومتردد بدو يطلعون كل شهر ومره عافت اهله ع موده هلشاب سوت البنيه كلشي ع موده الولد راد يخطبهه بس اخت البنيه شوي مو زينه وهيه متحبهه وهنا المشكله بس هوه لو متقدم جان نطو لن البنيه امه متوفيه وابوه ينطيه بس مهم شاب كد المسئوليه طبعا شاب حجه ويه اهله بس اهله ما وافقو الشاب راح وخطب بنيه غيره وهنا خانه والبنيه ضلمه هواي ونكسر بخاطرهه طبعا هم الولد ما توفق بالزواج وطول شهر وطلك يعني الله ما وفقه عرفت البنيه بهاذ الشي البنيه رجعت للولد وسولف ويا وتسئله ليش هيج سويت كال شاب مو بيدي هلشي صار إجباري والبنيه تأكدت انو الشاب جان مو بيده والبنيه وره فتره نخطبت والله وفقهه وتزوجت وجت للولد برته ذمه طبعا الولد هنا رجع وحيد يا ترى شراح يسوي بعدين...

يتبع بارت4
《شخص مجنون 》

قبل ما كمل القصه اكو شي مريت بي اليوم
صراحه حلمت بشخص هلشخص بعيد ما اعرف ليش حلمت بي بس جان الحلم كلش حلو من بعد سنين اني احلم بي هسه ما ادري ليش حتمال شخص مو زين او صاير ويا شي
ان كان هوه مو زين فادعو الله أن يكون بخير وبصحه جان شي حلو اخر مره شفته شي قبل شهور جان زين بس اني ما مفكر بي ليش حلمت بي ما ادري اتمنى ان يكون كل شي بخير وان يكون الشخص بخير ربي احفضه بحفضك لا أعلم ما الذي جرئ لكن انا ادعو اليه من قلبي وان كان قد رحل لكن يبقى له مكان في عالمي كل من يشاهد ارجو دعاء♥︎
《شخص مجنون》

نكمل:

فصراحه كلش البنيه دخلت كلبي وني حسيته قريبه عليه من كل النواحي. بس هيه بعد تشمل الحض اذا اكو حض وياها او لا طبعا اكو صديقي حجيتله ع البنيه سولفلته عليه بس ما توقعت صديقي يطلع شخص وصخ البنيه كامت شوي شوي تخليني اتعرف عليه ازيد وضلينه نحجي تصالات بشكل مو طبيعي طبعا هيه بلكروب كتله هاذ صديقي وهوه اعز اصدقائي مره غبت راحت سئلته عليه صديقي كلله يجوز عافج لن هوه يوميه ويه بنيه صراحه ما توقعت صديقي هيج البنيه نصدمت من كلام صديقي اني جان عندي ضرف فما كدرت افتح انترنت وبقه صديقي يسولفله ع اشيا الي اني مسويه بس هلشي بالماضي مهم رجعت ثاني يوم البنيه ختفت ما شفته بعد لا بلكروب ولا بلخاص سئلت صديقي كتله هم اجت سئلت عليه كال لا ما سئلت ومر الوقت وعده ما يقارب شهر فتحت البنيه انترنت بس ما راسلتني شفته بكروب سويتله رد مره مرتين ما ترد دزيتله بلخاص وكتله شنو صاير اني شمسوي وهيج انتي متردين كالت اذا ممكن منحجي خاص بعد اني بنيه ما ناسبك
سئلته مره مرتين ع سبب مقبلت جاوب وهيه تراسل صديقي وتحجي ويا صديقي يريده تعوفني حته ياخذه وضل يحجي عليه يمه البنيه ما راسلتني ولا سألتني ع شي عده شهر وع نفس الحال ما تغير اي شي يوم من الايام الفجر اجتي خاص كالت عادي اتصل وتصلت ضلت ساكته متحجي وني ما حجيت شي غفت ع تصال وثاني يوم رجعت نفس الحاله
هيه تريد تحجي بس متريد تخرب بيني وبين صديقي المهم هم عده سبوع ورجعت كالت اتصل وهم تصلت ضليت احجي وياها وسولفله عن حياتي وعن الاشيا الي اني سويته وكتله اني حبيتج يعني ما دورت وياج شي مو زين واني اريدج بس كوليلي السبب الي خلاج تتغيرين حجتله السالفه كله كاله صديقي مو معقوله هيج يحجي من جهه صديقه ومن جهه حبيبته هوه كله الي وصلج الحجي هوه مضبوط بس هلشي قبل ما عرفج اما بعد ما عرفتج اني تركت كلشي وره ضهري كالت المفروض تحجي ماضيك مو اسمع من غيرك كاله حقج بس فتره الي حجينه بيه قليله والوقت مجان يسمح انو احجيلج عن اشيا تافه مريت بيه مهم رجعت علاقتهم كل سابق يعني زينه صديقه يحاول يخرب بينهم يدخل بنات بكروب يتحارشن بي وهيه تضوج
سوه محادثه ولفقهه علي والبنيه شافت المحادثه وعافته هنا شاب بده ينهار ويتعصب لدرجه انو وصل مرحله ميطيق انسان يحجي ويا بشكل مو طبيعي خرج من كروب. وسد حسابه ومسح البرامج ولا بقه برنامج احد يتواصل ويا اكو صديق ثاني اله بس هاذ شوي غبي راحت هذيج سئلته ع حبيبه كله سد البرامج كلهن كلتله تواصل ويا ع وتساب او اي برنامج هذاك يدز رسايل ويصور لهاي البنيه كالتله خابره ع رصيد لو انتحر راح الولد خابر حبيبه ع رصيد وكله بلموضوع رجع فتح البرنامج وتصل عليه وهيه تبجي تكله مكدر عوفك💔 طبعا الولد ختنك بشكل مو طبيعي وكله اني ما غلطت ولا سويت غلط ولا راسلت بنيه هلشي صاحبي لفقه اليه واني ما مسوي اي شي من هاذ الموضوع المهم رجعو سويه ورجع الوضع طبيعي مره الايام ثنيناتهم التقو وشافه بلواقع وهنا الشاب قرر يغير كلشي بحياته وبده يئاسس حياته حته يتقدم يخطبها بيوم الي يجي يريد يخطبها البنيه تخونه وشاب يعرف بهلشي طبعا شعور مينوصف بلكتابه شعور شاب اهله يعرفون ويجي يكول لهله خانته صعبه الشخص الي تعبله سنين يروح بهل سهوله حاول يوصل اله حته يسئله عن سبب ولمن سئلهه منو شخص تكله حبيبي القديم الي خانه ويه صديقته رجعت ويا جاوب الشاب وكله توقعت كلشي بس مال طلعين أوصخ شخص قابلته ما توقعت هيج للسف راح شاب منكسر ومخنوك ومراً ايام ع هاي الحاله هوه ميخرج من البيت.

يتبع البارت3

قصه اليوم الي واعدكم بيه:

تكول القصه يوم من الايام اكو مجموعات تواصل شباب وبنات هيج دردشه وتعارف يكول : الشاب دخلت بنيه بلكروب شخصيتها تخليك تهتملها بحيث كلامها دقيق ومن ترد على رساله ترد ع كد السؤال مثلاً شونج؟تمام انتَ شونك؟هيج يكول :اني نعجبت بهاي البنيه قررت اراسلها مره مرتين حاولت تحاجيني خاص ما حاجتني يكول مره دخلتله بعذر انو اريد اغادر الكروب لان مليت وهيج شي يكول هيه سئلت ليش ؟ جاوبتها وكتلها لان انتي ما جاي تشوفيني كالت : شون يعني ما جاي اشوفك ؟كال : من احجي وياج برسميه تحجين كالت وشنو يعني احجي وياك هوه هاذ الحجي الي بلمجموعه رسمي ، بدأ الشاب يحجي شوفي اني ما اريد اكلج حبيتج او شي بس يعني اني اريد مجرد اكون بس صديق ، البنيه ما قبلت كالت صديق بالكروب فقط الشاب يكول اني شايف هواي بنات بشكل هواي اول مره تلفت انتباهي بنيه وما تعبرني يكول البنات هنه يجن ويراسلني اني ما اراسل بنيه بس هلبنيه كلش عجبتني بقيت احاول اتقرب منها يوم يوم ، مره واحد تجاوز عليها بالمجموعه حظرته هيه رجعت راسلت وسئلت ليش حظرته كله هيج ما عجبني يكول هنا بديت اسولف وياها ونحجي اجيت اكله نسولف اتصال بس كلت مو وقته خليه بعدين بمرور الوقت صرت اعرف البنيه شيئاً فشيئاً البنيه عده اخت وأخ واحد زغير حجتلي عن حياته وعن الصعوبات الي تمر بيه البنيه كلمه عمري ما تكول حياتي ما تكول يكول سئلته ليش ما تكولين عمري تكول هيج ورجعت سئلته نفس سوال كالت الكلمه غاليه من اكول لشخص عمري يعني هلشخص فعلا اني مستعده انطي عمري ويئما هاذ يكون ابوي او امي او اخوي او زوجي يعني او حبيبي يكول بقيت اسهر وياها وهملت نفسي لدرجه انتضر رساله منه دزهه حته احجي وياها البنيه اسلوبه مختلف وكلامه مو مال مراهقين كلش حلو وغريب من تحجي وياك انتَ بعالم ثاني فبديت اترك الأشياء الي مو زينه بحياتي والتهي بيها بحيث انام اكعد افكر بيها .
.. يتبع البارت 2 …

ما زلنا نستيقض على تلك الأحلام التي لا تتحقق لكننا نحاول أن نسعى دائما للوصول
لكننا نحاول فقط وسوف نبقى نحاول حتى الوصول إلى ما نريد الأحلام لا تتحق ان لم نسعئ خلفهئ قد نتعب وقد نهلك وقد نسقط مره او أخرى ولكن في الاخير سوف نصل إلى ما نريد قد خلقنا في هاذه الدنيا من أجل أن تبقى ذكرى طيبه لنا فلا تحطمون شخص أو تجرحون مشاعر احد حاولو أن تكونو بسيطين مع الجميع فالله يحب من تواضع النصيحه لنفسك قبل الآخرين كن لنفسك سند ولا تعتمد على احد فلكل راحلون،
《شخص مجنون》

نحجي شوي ع موضوع انو احنه مخيرين او مسيرين شوفو احنه ثنينهم يعني اكو اشيا احنه مسيرين بيهه واكو اشيا احنه مخيرين بيهه مثلا انت متكدر تختار امك وابوك او انت متكدر ما تنام او ما تاكل او ما تتنفس هواي اشيا انت مسير بيهن الاشيا المخير بيهن هواي مثلا انت تكدر تختار وظيفتك وعملك بس لازم تكون مجتهد بي انت تكدر تصادق منو يعجبك وتكدر تحب منو يعجبك يعني اكو اشيا احنه مسيرين بيهه واكو اشيا احنه مخيرين بيهه وانت تختار نفسك الصح وكل انسان يتعب ورا راحه حاولو درسون وتجتهدون حته تحصلون مستقبل ولحد يكلك ماكو تعين او شي باجر عكبه تصير وتنفتح لو اي وضيفه مهم عندك شي يسندك وهاي كنصيحه♡
عفكره محظر قصه بس افرغ اكتبه هلمره شي جديد
《شخص مجنون》

الضروف هواي ناس من تكله ليش ما تسئلون يكلولك ضروف اني بس اريد أعرف ضروف شنو الي تخلي شخص شهر وشهرين ما يسئلون يعني حته الي مسوي عمليه هم تخلص والي مدعوم هم يطيب الي عنده فاتحه هم تخلص وهوه حته الفاتحه صارت بلنترنت حتمال كم يوم يسوون الودي رصيد دزه لأهل الميت كلشي يصير بلعراق العضيم ومن تسئله تكله شنو هاي ضروف يكلك ما اكدر اكول خاصه شنو ضروف الي خاصه هيه الضروف الي ماكو مجرد عذر يخلقه المقابل وهاذ بسبب يمى هوه ميريد يحجي وياك لن ملك او لكه غيرك لهاذا سبب ما فارغلك ومن الشخص الثاني لبسه اجاك هلشي طبيعي يصير اني شفت لقطه بمقطع فيديو طلع من العمليه يكلهم اريد حبيبتي احجي وياها يعني هوه اكو أصعب من هاذ الضرف؟ ما توقع بس هوه اليريدك يصير دم بنص وريدك ع كولت خضير هادي الله يرحمه من الاخير من تمل من شخص طكهه بوجه وكله مليتك وروح بطريقك افضل الك واله لن العمر مو طويل ان شاء الله اعمار الكل طويله بس الحياه هيج حتمال بلحضه تنتهي ونت ما تدري بنفسك تره حته بيوم الاخره يحاسبونك ع اذيه غيرك يعني مو عبالك تجي تضحك ع فلان وتروح يوم القيامه راح رب العالمين ياخذ حقه انت عليمن مطول موضوع ختصر من بدايه وكله بريني ذمه وشوف حياتك وشكرا.
《كتابات مجنون》

اكو انسان يغلط والغلط جبير ويروح ما يبرر ويرجع وره سنين يبرر عن الي صار بس يبرره بجذب طبعا هلشي حيكون موقت وجذب نهايته تكون مو حلوه انو انت تستغبي شخص المقابل غلط مدام انت نيتك صافيه ويا احجي كلشي بصراحه ولا تحاول تقنعه بجذبك لن انت اصلا ما مقتنع بجذب مالتك شون تقنع شخص المقابل حاول تحجي الحقيقه مهمى تكون ضروف ع اقل حته لو ميعذرك المقابل تكون انت ما مجذب علي وللي يحبك راح يسامحك وهلشي الصحيح يعني كنصيحه دائما احجي الصراحه وبلا لف ودوران لن نهايه مو حلوه لا بحقك ولا بحق شخص الي جذب علي مقصود#
《كتابات مجنون》

احياناً نلاقي شخص ونتحدث عن حياتنا معهه وهوه يجري بلحديث ويتكلم معك كأنه كان يعرفك من زمان بعيد ويبدي يتكلم عن حياته وكل ما يدور حوله بحيث انه يقوم بوصف كيف يدخل إلى بيته وما الأشياء التي عاشها مع شخص هوه لا يعرفه فقط تحدث معه لدقائق قليله هنا قلت هناك الكثير ممن يودون الكلام إلى أن لا يتوقفو كأنهم يريدون التحدث عن كل شي في حياتهم كأنها قصه والشعور يكون جميل ولكن لدقائق فقط لا أعلم كم شخص بحاجه الى ان يتكلم عمى في داخله كأن الجميع في داخلهم حزناً كبيراً فاكونو مع الذين يحدثونكم عن حياتهم طيبين لا تخدعوهم بكلامكم الكاذب وشكرا♡
《كتابات مجنون 》

لا أعلم ما هوه شعوري الان بين ضحكه ع خدي وبين دموع التي تجري من عيني وبين انكساري وبين عودتي الحزن والفرح في نفس الوقت ام ماذا كيف يبكي الشخص من حديث يجري بينه وبين شخص آخر ما هاذا الشعور الذي تسبب في تشتت أفكاري ماذا يصنع القلب وماذا يقول العقل فأنا بينهما حاولت ان اجد جواب عن ماذا يجري ولماذا كل هاذا لم أجد شيئاً فقط عيني ذابله وانا اضحك اهو الحزن الذي يجعلني ابتسم ام الفرح الذي يجعل عيني تغرق بدموع التي لا تتوقف حقاً لا أعلم انا ضائع بين عقلي وقلبي إلهي انت الذي تحقق كل المعجزات هل هناك معجزه آخرئ لني بحاجه معجزه لكي أعلم ما الذي يجري هناك صراعاً داخليا وانا في حيره من أمري ما هاذا الشعور وماذا افعل كيف لي أن أخوض حرباً بين ذالك القلب المنكسر وبين هاذا العقل الذي لا يتوقف عن الافكار أود أن أنام ولكن هل النوم مهربي حاولت ان اهرب وحتى النوم هرب مني ما هاذا الاختبار يا إلهي حقاً أود البكاء إلى أن يتوقف الصراع الذي داخلي و أود الانتحار لكنه ليس وسيله وحتماً انه ليس وسيله لذالك الصراع سوف اصبر وان الذي جعلني في هاذا الوضع هوه الذي قادر على أن يحل أمري ويجعلني في الطريق الصحيح إلهي انت الذي تعلم بكل شي وانا إليك ارجو أمري.هلوسه.
《كتابات مجنون 》

الأفكار تتشتت ولا اعرف من أين ابدي كيف للحزن ان ينتهي داخلي وكيف للحياه ان توقضني من حلماً قد طال وقته اهاذا شعور مؤقت ام ان الشعور الذي داخلي يكبر تمالكت نفسي ودمع جرى اسمع صوتاً داخلي مرعباً صوت انساناً حزينا صوت انساناً لا يعلم ما به
اهاذا بسبب ما يمر به ام انه قد دخل في سجن الحزن هل نحكم عليه مؤبداً ام انه سوف يخرج كيف لي أن أعلم هل حزني مؤقتاً ام حزني دائماً ام ماذا هل لي بالقليل من الابتسامه التي تملئ وجهي فقط لدقائق قليله لا اريد شيئ فقط ابتسامه مؤقته كنت اضن نفسي اني نجوت لكني دائماً في العتمه كيف يخرج الانسان من غابه في الليل هل هناك طريق ام كيف يخرج الإنسان من بحرا وهوه في وسطه هل هناك من يجيبني على سوالي لا أعلم انا حقاً في سجن الحزن وداخلي مليئ بسواد كلما حاولت ان اخفف عما في داخلي
كان السواد يغطيه من جميع جهاته هل لي بضحكه صغيره لا أعلم،
《كتابات مجنون》

في فكري احاول السيطره على نفسي واحاول إيجاد نفسي في اي شيئ الليله كنت لا ارئ من حولي اتعرفون الضياع انا كنت ضاعاً هل هناك من يجدني كنت أحاول مساعده شخص ما لأجل ضحكته ولأجل ان يكون بخير وبعدها قال شخص انت هوه السبب وانت لا تعلم ماذا حدث كنت فقط تنوي المساعده كنت شخص نضيفاً وعندما سمعت مال قال عنك وجدت صرخه داخلي وبكاء شديد وتمسح الدموع وهيه لا تتوقف حينها فكرت ان كل شي حولي كان يعاشرني لأجل غايه وبعدها حاولت ان اتمالك نفسي فبدت نفسي بلنهيار ماذا عساي ان افعل وانا في وسط البحر تائهن لا أعلم أين اذهب أردت الغرق لكني فكرت هناك شخص سوف يبقى وحيداً وهوه بحاجتي فتحملت كل شي لكي فقط يكون بخير وبعدها طلبت من ربي وصليت ركعتين حتى أتى الفرج لا اعلم كيف ولكن رئيت كل شي كان بخير وليت كل شي يكون بخير فليس لدي الطاقه على تحمل كل هاذا فلا أعلم ما يجري في المستقبل،
《كتابات مجنون》

احياناً نبتسم رقم الضروف ونضحك رقم الحزن الذي يعيش داخلنا فقط لكي ننسا ما جرى ونعيش فقط على أمل بسيط تركته الحياه لنا هل يا تراى هاذ الأمل سوف يجعلنا نعيش بسعاده ام انه مجرد وقت وسوف ينتهي بنى المطاف لا زلنا نشعر فقط بوجود امل بسيط نأمل أن نعيش فقط،
《شخص مجنون 》

يكتب...
بعض الشوق قاتل تشتاق فيحرق الشوق جسدك وقلبك ويؤلمك حقاً هل يأتي الشوق لئننا نحب ذالك الشخص ام اننا تعودنا على ذالك الشخص فلشوق الذي بداخلي بدأ بلنهيار وبعض الكلمات الجارحه التي تؤلمني وتهز داخلي اضن اني لست بخير هل لك ان تساعدني او تقف معي فأنا بدأت بشعور الوحده القاتله التي لا مفر منها ولا استطيع الهروب منها الحقيقه اني لست بخير وانت تبتسم وتقول الوقت كله تقضيه بلضحك وعندما تحدثني انت مستاء لماذا انت هاكذا انت تكذب ام ماذا لا بل معك أشعر بلراحه ولا اعرف بماذا اتكلم وهاذ شعور الذي يمر في عقلي وانت لا تفهم ما اقول لكني حقاً اقول الحقيقه فعليك بتصديقي.
《شخص مجنون 》

يكتب🪶
وفي اليوم المحاكمه حظر الشاب وحظرت
المحاميه وكانت الفتاه التي يحبها في السجن مع الشخص الذي يكون حبيبها فقالت المحكمه هل تطلب بتعويض الشاب لا أريد وانا اتنازل عن جميع حقوقي المحكمه تحكم على الفتاه بلحكم لمده شهرين أو دفع غرامه واتهام حبيبها بلرشوه وبعدها نتهت المحاكمه فخرج الشاب مع المحاميه وفي الحديث طلب الشاب من المحاميه اني يواعدها في الخروج وتعرف على امها فذهب الشاب في الليل الي بيت المحاميه وتعرف على والدتها واحببها لنها كانت لطيفه معه فبعدها خرج الشاب والمحاميه ثم قال اود ان اقول شيئا فقالت تفضل قال هل لي أن اقضي نهارا اخرا معكي?
فاجبت بكل سرور نعم وفي اليوم الثاني خرج الشاب مع المحاميه وهنا تبدأ قصه حب أخرى للشاب وفي مرور الوقت بدا الشاب بلعجاب بها وبدت هيه بلعجاب بهه فقررو اني يدخلون في علاقه وبدأ الشاب يحبها كثيرا وبعد فتره الشاب الذي كان مع حبيبته القديمه تركها لنه لم يعد يحبها او بل أصح انه كان يتسلا بها فتندمت الفتاه ورجعت إلى حبيبها القديم فقال الشاب لماذا رجعتي قالت لني ليس لدي غيرك وكانت المحاميه معه فقالت ان كانت بحاجتك وان كنت ما زلت تحبها انا ارحل وابقى معها فقال الشاب لا سوف اساعدها بصفتها صديقه قديمه فقام الشاب بمساعدتها وكل شي تحتاجه قام بهه تندمت الفتاه على ما فعلته به وقالت اتمنى ان تسامحني وشكرا على كل شي واتمنى ان تكون حياتك الجديده باروع حال فذهبت الفتاة ولم ترجع ابداً وهنا قام الشاب بلتقدم إلى المحاميه لخطبتها وبعد ايام تزوجو وفي يوم العرس تأتي هديه من شخص مجهول والشخص هوه نفسها الفتاة التي كانت حبيبته وهيه أيضا قد سافرت خارج المدينه وكان أجمل عرس في المدينه وجميع تكلمو عن قصه هاذا الشاب وكانت قصه جميله. البارت الاخير
تعلمو ان الحب شيئاً عضيما فما تفعلونه ليس إلى بنزهه تقضونها ان كنتم صادقين تكلمو بمى تشعرون ولا تجعلون الحب فقط لكي ترضو شهواتكم.📖🌹
《شخص مجنون 》

يكمل ..🪶
بعدها رجع شاب الى سجن فأتت المحاميه التي اكتشفت لقضيه لتحدث مع شاب فأبدت بسؤال لماذا اعترفت بذنب وانت لست مذنباً فتكلم الشاب لاني احب الشاهد ولاكن لماذا حاولتي مساعدتي لمحاميه ..لاني سمعت عن قضيتك فأعجبتني وأحببت لمتهم اي لان ضحى بنفسه لأجل من يحب وبالرغم من أن التي يحبها هي شاهد وشهدت ضده فقال شاب ..ولاكن الان سوف يتهمون التي أحبها بشهاده زور فقالت المحاميه..وهل ما زلت تحبها فقال أنا لا احبها ولاكن هي تسكن بداخلي فقالت لمحاميه..سوف تتحاكمون بنفس ليوم وسوف أطالب بتعويض مادي
المحكمة يوم ..غداً شاب أنا لا أريد اي تعويض فقط أن لا يتهموها بشهاده زور وفي اليوم لاخر بدأت المحاكمه وحضر شاب ولفتاه ولمحاميه.المحاميه قدمت الفيديو وهو دليل براء شاب المحكمه قررت ع لمحاكمة الشاب بل برائه وبدت سؤال لموجه الئ لفتاه لماذا شهدتي زوراً فقالت لفتاه لان حبيبي قام بهدائي سياره في سبيل أن اشهد ضد لشخص الذي كان حبيبي واعطت اسم شاب وعنوان سكنه فحكمت المحكمة عليها بسجن لمده 3ايام بذمه تحقيق الئ أن يتم استدعاء حبيبها فخرج شاب مع لمحاميه وقال هل يمكنني أن أفعل شي من أجلها فقالت لمحاميه لا يمكنك أن تفعل شي لأجلها فقط عند لمحكمة يمكنك أن تتنازل من حقوقك فقال الشاب وماذا تقولين انتي ان كنتي في مكاني ماذا سوف تفعلين قالت المحاميه لا استطيع ان اكون في مكانك ولا يمكنني أن أكون مكانك فقال الشاب ولماذا لا تستطيعن ان تكوني مكاني قالت المحاميه انا لم احب طوال حياتي فلا اعرف ما شعورك وما هوه الحب واي حب هاذا الذي جعلك تضحي بنفسك من أجل شخص هوه قد باعك بثمن رخيص فقال الشاب الحب ليس انك تعيش مع شخص فقط فإذا أحببت شخص سوف تسعد حين تراه سعيداً وهاذا ما يسمى بلحب فأنا شعرت انها سوف تسعد حين اقول انا الفاعل وفعلت هاذا لسعادها وانا ليس لدي شيئاً للعيش من أجله غير سعادتها فقالت المحاميه هل لي أن اعزمك على العشاء فقال الشاب لا مانع ولكن ما الغايه من ذالك المحاميه فقط اريد التحدث إليك لتعلم منك اشيا كثيرا فقال الشاب وماذا استطيع ان اعلم شخصاً مثلكي فقالت الإنسان يجب أن يتعلم الكثير فقال الشاب انا موافق وفي الليل خرجو معاً فبدت المحاميه انت تتحدث معه وقالت حدثني عن نفسك قليلا قال انا شاب وحيد ابي توفى في صغري وامي كذالك وليس لدي اخ او اخت وانا درست مع الفتاه التي احببتها والان انا اعمل في شركه حاسبات ويومي يقضي من العمل إلى البيت فقالت المحاميه لم تفكر في ان تحب شخصا اخر قال الشاب الحب ليس كلمه نقولها الحب للرجال والخيانه لا توجد في الحب فالذين يحبون بصدق لا يرون سوا الشخص الذي يحبونه وهوه كل شي بنسبه لهم فقالت المحاميه نتكلم كاصدقاء ام كمحاميه وشخص كان متهم قال الشاب ما الذي يناسبك ولكن المحاميه فقط انتي وقت العمل والان نحن في مطعم لا يوجد قاضي ولا يوجد متهم ولا محامي فبلتاكيد نحن الآن أصدقاء ولكن هل لي بسؤال المحاميه تفضل الشاب هل يمكنك تحدث لي عن حياتك المحاميه بلى انا انفصل ابي وامي وانا ادرس الابتدائيه والان اسكن مع امي فأبي تركنا ورحل امي عملت الكثير لكي انا اصل بدراستي إلى ما وصلت اليه والان انا اعمل في سبيل معاشنا وان اوفر الراحه لمي الشاب جميل ولكن ألم تحبي احد من قبل المحاميه لا فكنت مشغوله في عملي فقط الشاب ما عملتيه كل شي كان جميلا المحاميه هل لي أن اسئل سوال الشاب نعم يمكنك تفضلي المحاميه ما الشي الذي جعلك تحب تلك الفتاه إلى هاذا الحد الشاب قلت لكي نحن من طفولتنا معاُ فالوقت الذي قضينا معاً كان جدا طويل وهاذا ما جعلني احبها المحاميه لماذا تركتم بعض الشاب هيه من تركتني مع شاب غني وهوه صاحب جميع الشركات المحاميه وهل الحب بلمال الشاب لا بل بعض الناس تحب المال اكثر من البشر وانا كنت لا أقدر على توفير كل شي من أجلها اضن اني السبب المحاميه لا انت لست السبب فمن يحبك يصبر عليك وينتظرك ولا يهمه المال الشاب ألم تقولي انكي لا تعرفين الحب المحاميه لا بل اعرف ان عندما تحب شخصاً تكون له سند وليس لنه يملك الكثير من المال فما فادت المال وقلب الشخص ليس لك ولا يهتم حتى إلى راحتك الشاب كل شخص ينضر إلى شيئا اخر والان الوقت قد تأخر ألم تقلق والدتك عليك المحاميه لا لكن الوقت معك يمر بسرعه الشاب علينا بلرحيل المحاميه تمام ولكن ليس موعدنا الاخير الشاب أن شاء الله،📖🌹

البارت الثالث اتمنى ان ينال اعجابكم.البارت الرابع في وقت آخر ينزل🌹
《شخص مجنون 》