الشاعر/ فهد القشانين Telegram Posts

على بساط القلب ياناعس الطرْف
لك منزلٍ دون الخلايق ،، مطرِّف

فيك أعتق الهزلات وأروّض الحرْف
شاعر ، ولا يحتاج ، لإسمي معرِّف

ما فادني في حبك النحو والصرْف
الفود في ( درس الهوى ) لاتحرِّف !

من شوفتك ماردني يـالغلاء ظرْف
هذا نظامي ، لين ،، عقلي يـخرِّف

أصرف جنيهات الذهب فالغلا صرْف
وإذا طلبت الوصل منك ( تصـرِّف

إن جيت وإلا ، وصلك العلم في زرْف
أخيَر لي من الهون ( موتن ،، يشرِّف

فهد القشانين

ربيع العمر حان السفر وأنجبرت آبوح
عن الكلمه اللي وصفها ( ماله نهـايه

أغني بها ، والصدر ، من غيبتك مجروح
ولا ينفعه ، راع الغناء ، لا عزف ، نايه

نحسب المحبه ، كلنا ، تسليه ،، ومزوح
وأثر كل خطوه ، في الغلاء خطوة بدايه

بعد ما ألتقينا ، وأفترشنا ، بساط الروح
عطيت المحبه ،تضحية ، عمر ، وعنايه

يبـين الغلاء في ضحكتك والغلا مفضوح
وأشوفك ( سواة البوصله في يد الـتايه

أبا استاذنك وآصافح ( الحلم يامملوح
طموح الفتى يحتاج له عـزم ،، ودرايـه

خطام ، العزيمه في يدي والبروق تلوح
وكسب التحدي يعتبر عندي ، هوايه

خيوط الرجاء ، قدام عيني تجي وتروح
وإذا شفتها تطري على خاطري ، غايـه

إذا الله قسمها جبتها ، والعيون تشوح
وإذا ،، الله منعها ( راضي بحكمه ورايه

فهد القشانين

مافيه داعي للعتب والمناقيد ،
ما جاء الزعل للحين لجل نتراضى

بس الشعور اللي كوى خاطر فهيد
خلاه ، ودموع المحاجر ، محاضى

خليت لرضا خاطرك ( نادر ، الصيد
وان عاش راسي ، والله ان اتقاضى .

فهد القشانين .

ما هقيت ان المواثيق تاليها .. وداع
سامح الله صاحبٍ حدّني لـ مفارقه

باعني عقب الغلاء والغلاء ماهو يباع
من فراقه حجرة العين دايم ، غارقه

وابتدا فلم المفارق وضيقات الوساع
والكرى لا هوَّد الليل .. كني سارقه

ما دريت ان المحبه .. عواذلها جياع
لين شفت ان شمس هجرك علينا شارقه

ثم عرفت ان المحبه ضياعٍ في .. ضياع
والحبايب لو يطول الزمن .. متفارقه

أذكر ان برق المواصل شعاني له شعاع
وذا المساء برق المفارق شعاني بارقه

فهد القشانين

يوم الليالي ،، تصطفق مثل الامواج
كم شارب ،، زكاه ،، موس ،، الحلاقه

سلّم ،، على مدته ،، مثل هدّاج
ماهو ،، يصد من الوفاء ،، والطلاقه

إليا غدى وجه الزمن كنّه ، الصاج
ما ترتعد ،، في ساعة الضيق ساقه

والمجلس اللي مفرشه زل ،، ديباج
وراعيه ،، ماله ،، في الجمايل علاقه

والله ما ازوره ، لو على ، منكبه تاج
وعنده قصور وعنده الفين ،. ناقه

النفس عفه ،، والسحى عوق الإحراج
ياللي تحسب ،، إن التعفف حماقه

ماني ،، موردها ، على مارد ،، هماج
ياللي ،، توردها ،، مع كل ،، فاقه

حزامي اللي ذاخره كل ،، ما احتاج
قرمن شجاع و من زحول الرفاقه

لا صار مدخال الصداقات مخراج
واجب نعزي الأخوياء في الصداقه

لا صارت هموم الحشاء تقبل افواج
ولا معي من نعمة الصبر ، طاقه

ترى السفر في نظرتي وصفة علاج
لا صار ،، نوم العين ،، ياتي ،، شفاقه

ابغى ،، جوازي ،، ناوي اليوم منهاج
ماعادها ،، ياصاح ،، ( لحية بطاقه

فهد القشانين

أنا اليوم ذا لاعاد ،، وحده ولا ثنتين
غدت دمعتي بعد العذر شي روتيني

على ماجرا كيف أبخل بدمعتي ياعين ؟
وأنا خابر إن العذر ،، يقنعك ياعيني

دواعي الحزن والضيق والبيت والبيتن
سببها ،، صديقٍ ،، فرقّو ،، بينه وبيني

من أول يسميني ،، كعام الزمان الشين
وفي اليوم ذا مايندرى وش يسميني !

عطيته ،، يمين ،، صادقه واعتبرها دين
ما اخليه ،، وإن جار الزمن ،، مايخليني

ونصيته بوجهن عادته في اللزوم يبين
لما أنه بدى في حاجةٍ ،، لي ،، يمضيني

يموت الخطاء ، لا صادفه الإعتذار الزين
ويمـوت الغلاء ، لا قـالت النفس يكفيني !

وأنا ودي إني منقلب ،، في طريق الـرين
ولا شـفت صدة غاليٍ ، كان ،، يغليني ..

فهد القشانين

يازين نسمات المساء والله ويازين الصباح
منها تـحس البال رايق والمشاااعر رايقه

اما على جيبٍ مقفص لامشى كنه الرياح
والا على شاص سلق ماقد شكى من سايقه

نبغاء الفجوج الخاليه وندور الوضحا الشناح
اللي، عليها كل كلمه من قصيدي لايقه

معها السوالف حاليه واحلا من العد القراح
والا المراره ،، فـي عتبها وانشدو اللي ذايقه

الجادل اللي وصلـها ، فيه انبهاجه وارتيـاح
مره تسد الباب دووني ،، والا مرْ ،، توايقه

على التغلي ،، ياجودي وجد مكسور الجناح
فـارق عضيده والبقاء في دمعتينٍ ،، راايقه

انا اتوجد من ظميـر ٍيطعم ، الفرحه ذحاح
من قسوة اللي تِقت فيها واحسب انها تايقه

ما ودي انها ،، علقتني ،، لين سـد فهيد باح
ولا ودي اجـرح قلبها ،، واقول عنـها ،، بايـقه

لكـن عسانا ،، نلتـقي ، واسلا بعد طول الكفاح
في ليلة ،، ساعاتهـا ،، تـاخذ طبـع ،، دقايقه

فان مالتويت بخصرها من قبل ما تنوي المراح
والا ، فـ والله ان نتوادع عاد كبدي ضااايقه

فـهد القشانين