سعيد ☬. ‎ ‏ Telegram 帖子

ضلع الكرم زامي مثل ضلع فرقين
‏ماحركت هوج الهبايب ركونه

‏يرقاه بــعض اللي رواتبهم الفين
‏ويحوص بعض أهل الملايين دونه

#عامر_العايذي

‏مرحوم ياللي كل ماجيت برثيه
‏عجزت اعبر بالحكي والكتابه

‏اللي خذاه الموت ماني بناسيه
‏وعقبه تجرعت الحزن والكأبه

‏الفقد موجع والقدر راضيّن فيه
‏والدمع يذرف مثل وبل السحابه

‏يالله ياللي نلتجي به وندعيه
‏تغفر #ذنوبه ثم تسقي #ترابه .

‏اللي عطى قلبك من العزّ و النّوف
‏ما ينكر الحاجة ، و يستنكر الشفّ

‏يقدر يخلّي كلّ ما فيك من خوف
‏يفنى ، بدعوة ليل من قلبك العفّ

‏صدقني ان في بطن الايّام معروف
‏يرضيك عن دنيا الدوران و اللفّ

‏بيجيك ، و بتنسى ما مرّك من ظروف
‏و بتبتسم ، و تحطّ حزنك على الرفّ

‏علمتني بـ إن القصايد فخ والهاجس لعوب
‏وإن الصبر لو هو جبل يمكن قصيدة تجرفه

‏ليتك بعد علمتني عن ألف دربٍ للهروب
‏لا أجتاحني هذا الشعر وأمسيت خايف لا أذرفه

‏شفني وقفت وذنبي الليلة يحاول بي أتوب
‏والصفحة البيضاء تنادي هات جرحك وأكشفه

#سعيد_بن_مقبل

‏يمضي الردى لا جاك من نايد الناس
‏و يتعبك من " ناسٍ " يضمّك #نسبها
‏ٰ
‏ما يوجع الشجره قسى ضربة الفاس
‏أكبر وجعها ، إن العصى من #خشبها !

‏والله يا مظلوم ما ندري من الظالم
‏الناس بين الخطأ والصح مقسومة

‏ ما عاد ندري من نضدّ ومن نسالم
‏الروية أصلا ضباب ! وشبه معدومة

‏صدّقني إن الخيال الهادي ، الحالم
‏أفضل من الواقع الغرقان بـ همومه

‏في هذِه البقعة الضخمة من العالم
‏هُنالِك أشياء واجد .. غير مفهومه : )

‏" اتصدد عنك صدة من يعرف معرّب
‏يدري انه يقضي اللازم وهو محتاجه

‏قد قضا له كم لزوم وصامل ومجرّب
‏غير لاهوجس يبي يحاكيه زاد احراجه

‏وانت لو يقفي بي احراجك تراك مقرّب
‏في العيون وفي فوادٍ لو يصد يواجه

‏غير لايقفي بك احراجك بعد وتخّرب
‏عشرة من طيب اهلها ماحكو في حاجه "

#__________________________________