الشاعر موسى البطلي

لسان حال مولاتي ام البنين
—————
المستهل
—
ونيت - لام عون- ما ونيت لمصابي لمصابي
ترتاح- يايوم- من الضيم احبابي احبابي

مهموم كلبي الزينب- مهضوم كلبي الزينب

———
يمه شصاير بيج — امج وابجي اعليج
كليلي شحالج — كليلي شحالج

شمسويه ويردون — يسبونج يأم عون
مامش كفالج — مامش كفالج

ما مرتاحه — ما مش راحه
خلص عمرج — بس انياحه

تبجين- تردين - كون اخوان يحمونج
يحمونج
يحموج - يمسحون- دمعاتج بعيونج بعيونج

الشام موش امجانج- المفروض يم اخوانج
—————
وانه بكبري انعاج - محد يمه وياج
بس غربه وانجاس- بس غربه وانجاس

اول تالي ام عون- تبجي وتطلب عون
جاوين العباس - جاوين العباس

صعبه الحرمه - تمر بهضمه
اكبال الغربه — كلش زحمه

تمنيت- وياج- لو جل ليل يا يمه يايمه
بالشام- شمات- مايرعون للحرمه للحرمه

متعوب كلبج زينب- كد ما يبجي وينحب
—————
شكد يمه تمنيت- من فاركتي البيت
للطف امشي وياج- للطف امشي وياج

بس عباس الگال — ابقي وشاف الحال
يتكفل بحماج - يتكفل بحماج

جانت نيتي — اترك بيتي
وامشي وياجن — هاي امنيتي

عباس - محشوم - ينسه ام عون بالخدمه بالخدمه
هل گال — وياي - ما ترحين يا يمه يايمه

ترحين حقج واجب — وام عون خاف تعاتب
————
الطف خلص عود — لاجن عاد اردود
بس بغير اسلوب — بس بغير اسلوب

بالطف تشردين — بالشام تشيلين
ع الحايط مكتوب - ع حايط مكتوب

الطف صعبه - شامج غربه
حسين شذنبه - كلهه اطلبه

يسبوج - ع نوگ - هم رادوج ع الهزله
ع الهزله
مرتين - للشام — هم ترحين مو عدله مو عدله

لا موت فكج منهم — شيردون منج كلهم
——-
الخادم موسى البطلي

لو طاري الخدر
يمك ينذكر
يندار الفكر على زينب

لو معنى الشرف
مايوم انعرف
تلكاه انوصف على زينب

بيبان الخدر سدهن
زينب هيه ختمتهن
ومن باب العلم نحجي
زينب عالمه بكلهن


اريد المايدري ايعرف معلومه
الحجو عنهه وكالو مشت مهضومه
جذب كلمن سولف روايه انشافت
مثل ايه بسوره مشت محشومه

—————-

مرجع للعلم
زينب والنعم
وبكثر النجم مناقبهه

طبت للقصر
فارس منتصر
متگبعه بخدر مناقبهه

انطت للستر قيمه
شرحت خطبة الشيمه
مابين طرف ظلهه
خيمه امگبعه بخيمه

شرف الله وعرشه تجسد بيهه
حجاب من الكعبه التشوفه اعليهه
كمر هاشم يمهه وسترهه من الله
منو اليكدر زينب يجي يحاجيهه

————-
من حسين اسمعت
گال اتنومست
صارت ام وأخت الي زينب

صح راسي انگطع
بس بيهه انرفع
صيت الطف طلع الي زينب

قرآن العلي المُنزل
بصوت الحره يترتل
جا صوت الاذان انزاح
لو ما صعدت اعله التل

اذان الله وبيته وسمع قرانه
وكف كله بزينب ثبت عنوانه
مثل حيدر طبت قصر طاغيهم
يزيد من الهيبه انخلس ديوانه

—————

جم سوره انقرت
وآيه اترتلت
بيهه اتفسرت معانيهه

ايه التنذكر
من سورة حجر
معنى أم الخدر معانيهه

آيت تسعه نقراهه
بسوره حجر تلكاهه
فسر مقصد الآيه
بزينب تلگه معناهه

( إِنَّا نَحۡنُ نَزَّلۡنَا ٱلذِّكۡرَ وَإِنَّا لَهُۥ لَحَٰفِظُونَ ٩

وحي مرسل نازل بأمر الله الهه
حفظ من الوادم تباوع ظلهه
بنت حيدر زينب جربيه اعله الله
اذن صارت حجه على الناس كلهه
————-
الخادم موسى البطلي

يمه ارد اوصيك انتظر يابو الفضل وينك
طلعني من عينكً بعد حط زينب بعينك

صيرلههً ظل ماينمحي-
زينب جبيره وتستحي

حط زينب بعينك
……………………………
بعباس- اوصيك
يل ما زعلتني بكل حياتك
تحط عين- على حسين
وعين الثاني تحطهه الخواتك
واذا ماي-يريدون
اعصر ماي العيون البناتك
يوفاي -يسگاي
وبهذا اللقب يمه شحلاتك

لو مر بالخيام العطش والموقف أتأزم
تطشر اكبال الخيم من كل كتر زمزم

درب السلامه بنيتي-
راح اعكد الكم شيلتي

حط زينب بعينك.
………………….

تعالو — يا الأولاد
اكعدو كبالي يايمه اربعتكم
اريدن- على ام عون
مثل الخيمه تندارون كلكم
يكولون-يهنيال
امكم على الحليب الرضعتكم
واذا يوم - تقصرون
احرم كل حليبي الشربتكم

ماريد من عدكم يرد واحد علي سالم
ماعندي غير الاربعه يافشله من فاطم

مفروض عشره من الولد -
مابيهم اي سالم يرد

حط زينب بعينك
————————

ارد وين-شني البيت
ظلمه ويخنگ الريه بونينه
يالاعزاز -بعد راح
هيمه اخلافكم تبقه المدينه
اباوعً-بالاجوه
سوالف نهر مكطوع وحزينه


كارصني كلبي من الخبر بس لا صدك يطلع
هاي العمايم بالضعن محد بعد يرجع


بس العليل ومنهضم -وزينب اترد جلد وعظم



حط زينب بعينكً
—————————-
عمه الشوف-بالعيون
من كثر البجي بانت علامه
ع ام عون - شني العين
المهم بس كون ترجع بسلامه
بعباس-اريدك
توصي اخوانك وياك النشامه
شرب ماي-تكطعون
كبل حسين وعياله وخيامه

يمه الحسين بذمتك من يطلب الناصر
كل احنه خدام ع جدامك وتامر

مو خوه اريدنكم خدم - تحجون بس كلمه نعم

حط زينب بعينك

الخادم موسى البطلي


—————————————

لسان حال مولاتي زينب عليها السلام

بعد جدامي طف و نار و اركاض — وشل حيلي كله
گوه من ارد اكوم اتلگه الحسين —شيصعدني اعله تله
هو اليفكد امه شلون يرتاح — شلونك لا تگله
كمت احسد التضحك بالنساوين — اكولن امهه عدله

من اول ايامي المماتي
ماشفت راحه بكل حياتي
مكتوب اعيش بضيم وافراگ
بس حزن تخلص ذكرياتي

يايمه يايمه يايمه
—————
عود اخواني يمي اوالدي وياي — وحيرة گلبي حيره
شلون افگد عشيره بشيخها العام — وابقه بلا عشيره
هنانه منين اباوع يمي خوان — كلما وجهي اديره
هناك منين اباوع كلهه شمات — ناس بلايه غيره

يصيحون زينب طلعوهه
حرگو گلبهه براس اخوهه
الجانت عزيزه اليوم تنشاف
لو بجت بالسوط اضربوهه

يايمه يايمه يايمه
————-
هنا من انهضم ويضكني الفراگ — اكو من اشتكيله
هناك الهضمه حتى بضلي تنشاف — واسكت ماكو حيله
هنا من ابجي يمسح دمعي الحسين — يحب راسي من اجيله
هناك الليل كله ابجي اعله الاخوان — واصبح ع الهزيله

عباس غاد منين اجيبه
ويشوف حال اخته الغريبه
تدري النهيبه شلون تنگال
من تفگد اخوانك نهيبه

يايمه يايمه يا يمه
—————-
اول ما فتحت عيوني بسمار — صاب امي وضهدهه
بس من بجت حيدر يمهه موجود — ينشف دموع خدهه
باجر خيل ملهوفه اعله الحسين— مامش رحمه عدهه
واذا ناحت اخت لحسين بسوط — كام الشمر ردهه

كون البواجي ترجع المات
لأگضي العمر يحسين ونات
المات من الفرگه يرتاح
العاش يخلص عمره شوغات

يايمه يايمه يا يمه
————
الخادم موسى البطلي

علي شاهد يوم حركو بابه
راح يحجي الصار يم عتابه

شبو النار @ وابو حسين @ يشوف بعينه
شاف عباس @ بالاصلاب @ صفگ جفينه

ابو فاضل دخن من اصلابه
راح يحجي الصار يم اعتابه
........

علي واكف يوم حرگو بيته
الوصيه امجتف مخليته
غيرته براسه احرگت جفيته
بظهره طلعت نار من خاجيته

لنه عباس @ غضب كام @ بظهره وغاضب
اطلع منين @ يبوحسين @ يريد يحارب

اتخيل العباس عنده اطلابه
راح يحجي الصار يم عتابه
..........

علي بلسانه حجاله حجايه
بيوم حرگو بيته سولف هايه
يگول احس بظهري نزلت آيه
ومشرعه وعلگمي وسيف ورايه

واسمع الصوت @ انه الموت @عليكم قادم
صرتو اسباع @ ع الباب @ يولد الخادم

سهله كلشي الصار عندي حسابه
راح يحجي الصار يم عتابه
.........

سهله انه الكم بعد جدامي طف
حصتي شما بالظهَر عدكم نطف
بخت بيكم حيدر وياكم لطف
جان سيفي بروسكم يمشي وخطف

والمفر وين @ بالاطفوف @ اصيرن شاهد
الحرگو الباب @ اكو حساب @ واحد واحد

مايضيع الحگ ورا طلّابه
راح يحجي الصار يم عتابه
..........

باجر الطف وزلم تاكل زلم
والحرگ باب امي ينكظ بالاسم
كون زلمه يكابل وما ينهزم
موش ع نسوان صايرلي شهم

الزلمه بالسيف @ بالحروب @ ثبت عنوانه
مو على الباب @ شهم صار @ يلف بردانه

المشكله التاريخ شحجي اكتابه
راح يحجي الصار يم عتابه
.........

الخادم موسى البطلي
◦

لسان حال امير المؤمنين عليه السلام

اقرو الفاتحه الاولى عليه
احس روحي متت كبل الزجيه

عزيزة كلبي راحت
ماتت واستراحت

واهس عمري راحت من اديه
————-
احله ايام بحياتي جنت عايشهن گضن
كلشي بي واهس فگدته من فگدت ام الحسن
ابنادم اليفگدله غالي يگضي عمره بلا وطن
هو صح يمشي اعله طوله بس يحس روحه اندفن

راحت واهس الدنيا وضحكتي
ياهو اليمسح عيوني ودمعتي

ام عيالي وامي
جانت تجلي همي

تخنگ گلبي ظلت كل مسيه
واهس عمري راحت من اديه
———————
العدله كون وياهه اروحن للدفن ما رد بعد
ابقه كاعد يم گبرهه كاتب وياهه العهد
جنت عايش احله عيشه وبعد ما ترجع ابد
حيدر الخالسله دنيا گوه يوگف لو كعد

كون اليدفن بجفينه الاعزاز
من ايخلص يحضروله جناز

المن للهوه اشتم
وانه بروحي مأتم

مدفونين كون احنه سويه
واهس عمري راحت من اديه
—————
بلكت الله عيوني تحلم واصحه من نومي العصر
والگه ام بيتي وجهالي يمي موش بنص گبر
الهسه ما مقتنعه روحي الفاگد يفيده الصبر
بفاتحة شكد صعبه تخلص ياخلگ عشرة عمر

شكد صعبه اليطيبك من تشوفه
الحد المگبره تروح وتعوفه

بلكت تحلم العين
وترجعلي ام الحسين

واگللهه الفگد شمسوي بيه
واهس عمري راحت من اديه
——————
يا گلب مثلي ايتحمل موقف الشفته صعب
وداعت الشده الشفتهه الگلبي مايوصل گلب
كبال عينك وانت كاعد وام جهالك تنضرب
بيتك البي رحمة الله ينترس وادم غرب

اخ من الوصيه امجتفه الجفوف
مرتك تنضرب وعيونك تشوف

صابر گوه ع الصار
حرگو بيتي بالنار

اخ الهسه اصيح من الوصيه
واهس عمري راحت من اديه
———-
الخادم موسى البطلي

اروع مناقب
للزهره واجب
نذكرهه صبح ومسه
الله بعظمته
خصص رحمته
بالخمسه اهل الكسه
بس الزجيه
كال انه اليه
الحب فاطمه نقدسه

الله الذكرهه بنص الكتاب
الحب الزجيه فاز الحساب
أرض وسمه وكل مابالوجود
بسم البتول وروح الكتاب

معنى الوجودي... سر الخلودي .. يرضه الرضاهه الباري
ام الحسيني . للكون عيني ..
خزانة الاسراري
للكوني مصدر .. للعفه مضهر
نتنومس بهل طاري

لعنة الله على ظالميك فاطمه
..........................
تملك معاجز .. يذكرهه جائز
كل مشهد الينعرض
هيه الوحيده .. بسوره حميده
ذاكرهه رب الأرض
بالكوثر ايه .. وهيه البدايه
نقراهه وبكل فرض

هيه الوحيده من النساء
تسولف مباشر وي السماء
واليعترض خل يرجع يشوف
يقره الحديث الاسمه الكساء

تحجي وي ربهه .. من كل كلبهه
بلا منزل ولا وحي
هاي الكرامه .. اليوصل مقامه
من الله واليستحي
ستر الله بيهه .. لايك عليهه
ماينتهي وينمحي

لعنة الله على ظالميك فاطمه
.................
ربك يفاخر ... بالزهره باجر
اهل الحشر والأمم
انتي الشفيعه ... وامرج تطيعه
املاكي كلهم خدم
غضو بصركم ... ربكم أمركم
الزهره ظلهه انحشم

اطب الزجيه اكبال المله
ياهو البجه اعله حسين وهله
ماينجي واحد الا انه اشوف
شايل ملامح من كربله

كلمن يحبني .. وباجي اعله ابني
محد يجي يحاسبه
اليمشي اربعينه ... البنتي الحزينه
كل خطوه اله مرتبه
الناصبله موكب .. للخدمه يحسب
جنه أصبحت موكبه

لعنة الله على ظالميك فاطمه
............
محد حشمهه .. صاحو بسمهه
طالت عليهه اللسن
لوما الوصيه .. حامي الحميه
يطحن زلمهم طحن
الثاني هاجم ... كالوله فاطم
يحرگ يصيح وأن

الماعنده موقف ويه الرجال
الماعنده سيف بوكت النزال
صايرلي زلمه وطالعله صوت
الكاظيهه شرده بسوح القتال

ظنهم شجاعه ... وعدهم قناعه
حيدر يخاف وسكت
لو ما وصيته .. لزمت حميته
والزهره بيهم بخت
اليدنه بيته ... توصل منيته
لو فاطمه الحشمت

لعنة الله على ظالميك فاطمه
.................
تحجي وي ابنهه .. وهو ابطنهه
محد كبلهه انذكز
يومك فرحتي ... لاجن دمعتي
تحجيلي عنك صور
اتمنه اشوفك. لاجن طفوفك
ترسملي كطع النحر

كرهن حملتك كرهن تصير
يوليدي بالطف باجر تحير
وحدك تظل وعينك تشوف
ربعك ضحايا ازغير وجبير

يوليدي ودي . . تبقه انت عندي
ماجيبك وتنولد
يومك فجعني .. جدامي يبني
تتكطع من الحقد
تبقه بغربتك ... وكبالك اختك
اعليهه وادم تهد

لعنة الله على ظالميك فاطمه
.................
موسى البطلي

لسان حال مولاتي زينب ع

امي راحت من اديه
بيتي صار أظلم عليه

وين الزجيه
دارج خليه

ماتت امي. ماتت امي
..................
راحت الكعده الحنينه وبعد مانكعد سوه
تسولف ويانه بمحنه وع الجرح تنزل دوه
تختنگ ريتي واجيهه اشتم اعذيبي الهوه
لويت المنجل عليهه كمت احس ظهري التوه

كون انام وانسه همي
و اكعد والكاهه يمي

اخ المنيه
دارج خليه

ماتت امي. ماتت امي
............. ...

نكعد العصريه جنه نسولف اسوالف عشگ
واحد من الثاني يسأل هم نموت ونفترگ
مو صدك جنه احنه نحجي ونحس ضوجه ونختنگ
هسه الله يعين كلبي فارگ امي من صدگ

ما معلمتني اعله فرگه
راسي شيب يمه حگه

زينب خطيه
دارج خليه

ماتت امي. ماتت امي
....................

يمه من كد مانحتلج صرت بس جلد وعظم
امدلله جنت بوجودج هسه غاطيني الهضم
عاده البنيه اعله امهه تروح لمن تنهضم
ليش بس بنتج خطيه انهضمت وماعدهه أم

وياي وكتي وحضي شلهم
ما اتهنه وي الاحبهم

شحو عليه
دارج خليه

ماتت امي. ماتت امي
.................

روحي ونستهه المكابر صارت بتالي الوكت
لحد يلوم ويگلي ليش طفله وشيبت
والله لو ما حسين باجر بالطفوف يريد اخت
جا دعيت انه اعله روحي وياج يايمه متت

حگه لو مل مني صبري
بلايه ام راح اكضي عمري

والبيه بيه
دارج خليه

ماتت امي. ماتت امي
.................
الخادم موسى البطلي

كسرو ضلعي — صبرت
حرقو بيتي — صبرت
بان بعيني احمرار
غصبو حقي — صبرت
..........…........
كلشي صار البيه سهله ولله سلمت الأمر
سهله طاح المحسن ابني منجتل من العصر
اتحملت رجعو عليه وسوو الماينذكر
بس علي مجتوف اشوفه هنانه ماينفع صبر

ردت ادعي وحيدر حاجاني
باساني بكصتي ورداني
من شاف عيوني ودمعاتي
ظل يبجي اكبالي وبجاني

كسرا قلبي — علي
يبكي قهرا — علي
ينظر وضعي حزين
ماذا يفعل — علي
.....................

ابجي مو قصة مريضه ولا وجع ضلعي السبب
صرت دمعه بعين حيدر من عمت عيني انكب
جنت واهس كل ضحكته يشوفني يروح التعب
هسه بس يصد عليه يكعد اكبالي ونحب

خلص عمره مكابل عيني
ويكلي فراكج ياذيني
هسه شما نشده يحاجيني
وضعج يالزهره يبجيني

يبكي حزنا — يقول
من لي اُنسآ — يقول
بيتي قبرآ يصير
بعدي يحكي — يقول
...........….
شما تصد عيني اعله ولدي يلجم ضلوعي الهوه
كسر كلبي حسين اجاني يكلي خل نكعد سوه
فكي عينج يمه ليه أن شاء الله نحصل دوه
يمه من كعدة حنانج ما شبع كلبي وروه

يحب رجليني ويكسر خاطر
فكدج يشبه يوم العاشر
راح ابقه الوحدي بلا ناصر
جن صدري اعليه دايس حافر

اقرح جفني ... حسين
زيد كربي ... حسين
يبكي حزنا يقول
صرت يتيمآ ... حسين
................

ليش كبري بلايه حضره ولالي كبه ولا ضريح
كل محرم امشي وانعه الكربله اوكف واطيح
احسد حسين اعله ربعه والمواكب من تصيح
يا لثارات العقيله ويا لثارات الذبيح

يطلع كبري بگبه ورايه
وتتعنه اعليه المشايه
ملايه تحشم ملايه
بصحن الزهره نسوي قرايه

قبري يظهر ... قريب
ولدي يثأر .... قريب
سوف يقوم العزاء
داخل صحني .... قريب
................
الخادم موسى البطلي

ارجو الاشتراك فضلاً وليس امراً

https://t.me/jdbcjq

ارجو الاشتراك فضلا وليس امراً بقناة الشاعر الحسيني المخلص حسن جاسب الفريجي

دعم لخدمة سيد الشهداء عليه السلام

https://t.me/U_99N

للامام الحسن العسكري
عليه السلام

يادمعتي.  من دمه صبي اعله خدي
يادمعتي.  بالبجي نواسي المهدي

عظم الله اجرك يغايب
يعين كلبك ع مصايب

يابو صالح.   يابو صالح
.......

يعين كلبك يابو صالح من دمه دموعك تصب
ولو من ليلة العاشر سيدي شظل بالكلب
تشوف ابوك كبال عينك موقفك كلش صعب
تبجي وانه اعرف عليمن راح اسولفهن واطب

تبجي لحسين ..... محد ينوح  اعله جثته
مرمي ع الكاع .. تنطك شما ناحت اخته

ابالك الشام ونوايب
يعين كلبك ع مصايب

***

فاتحه ابيتك واشوفك بيك لوعه  الكربله
شماتجي تعازيك وادم تذكر حسين وهله
شلون ظل اعله الترايب دامي محد غسله
ولا رضو زينب تنوحه ولا تنوحه العايله

انت سويت  ....  فاتحه ودمعه ومصيبه
وتبجي للشيخ  .. الجثته ظلت سليبه

وفوكه مالطمن حبايب
يعين كلبك ع مصايب

***

والدك غسلته بيدك وانت لفيت الچفن
كبل لا تعگد أزاره صحت  وعيونك بچن
حسين ليش اعله الوطيه ماتغسل وندفن
وليش تغسيله الحوافر سحگته وصدره انطحن

والدك مات .... بس الحسين اعله بالك
كربله وياك ...  سيدي حتى ابخيالك

لن شفت بيهه العجايب
يعين كلبك ع مصايب

**

والدك شيعته بيدك وانت نزلته بگبر
واللحد بيدك حفرته وجبت كافور وسدر
كمت بس من البواجي صارت عيونك حمر
تبجي لحسين وذكرته النايم بحر الظهر

من دمه تنوح ... للبقه بحر الظهاري
بلا گبر نام  ...  بلا فياي حسين عاري

ولا شريف الظل يطالب
يعين كلبك ع مصايب

***

الخادم موسى البطلي

زاد الحنان _ وطول غيابك
من الزمان _ تشتكي احبابك

يالمهدي وينك _ ادورك _ بالدروب
كل جمعه اتاني _ واناطر _ للغروب
_
يالمهدي مشتاك وعلي _ طك كلبي اريدن شوفتك
كلب اليحبك مبتلي _ بين اشتياقه وغربتك
ايام عاشورك كضت _ الله يعظم مصيبتك
تحضر شكو مجلس عزه _ تبجي اعله زينب عمتك

ليلك عذاب _ تلطم وتنحب
اعظم مصاب _ عمتك زينب

معذوره عينك _ تهل دم _ دمعهه
ويهدم الحيل _ يزينب _ وضعهه
_

هيج انه وتلاكه بدرب _ وياك صدفه بلا وعد
واكعد واسولفلك عشك _ فرحة العاجر بالولد
وانشد عليك بياوضع _ والطلعتك واشظل بعد
بس انه اعرفك منهضم _ طف كربله بكلبك كعد

لازم اكول _ دمعك شلونه
حزنك يطول _ ع اليسلبونه

نحجي المصيبه _ ونسولف _ ع الماي
ذابل وردكم _ عطاشه _ يمولاي
__

يومك يخلص بس دمع _ و الليل تكضي بالقهر
شما تلتفت يمك خيم _ مشتعله واطفال بخطر
ايام عمرك خلصن _ بين المخيم والنهر
وترد للحسين بحزن _ وتسوي مجلس ع النحر

يم الرضيع _ ينعصر كلبك
بحزنك تضيع _ وتيهت دربك

كل هل مصايب _ ولاكن _ الادهه
تبجي اعله زينب _ دمعتك _ بعدهه
...............
كل المصايب مرتك _ واعظم حزنهن ينحمل
وتكول هينات وعلي _ الطف حزن كلش سهل
بس موقف اليكسر ظهر _ وتكول ابد ماينحمل
زينب عقيلة حيدرا _ صعدت يوادم ع الهزل

ام الخدر _ وسفه مجتوفه
فرهه الشمر _ شام و الكوفه

فوك الهزيله _ وتنادي _ يخوتي
جاوينه عباس _ نساني _ ابلوتي
___

الخادم موسى البطلي

ام البنين بدمعة تنحب
تلگت ضعن بتهه التسلب
ساعه اعله زينب صافنه تگول
يمه انتي زينب موش زينب

اه ياضيم السبي. اه يا ضيم السبي
............

عمت عيني اعليج زينب يمه شو ذبلانه
بطولج مبينه المصايب منحني وكصرانه
مبينه من شدت عباتج ياتعب تعبانه
يمه بالكوه عرفتج كلت مو منانه

شكد شايفه هموم ومصايب
مبينه من شيب الحواجب
جا شنهي شفتي بطبت السوگ
وشصار بيجن بالخرايب

اه يا ضيم السبي. اه يا ضيم السبي
..........

بيهه لذه من النعاوي يانعاوي الفاكده
شلون لو ينعن سويه  الاخت وي الوالده
ما الومن كلب زينب عمي الله يساعده
حركو الخيمه وسبوهه وبصحاري شارده

مو حگهه زينب تشكي وتگول
علويه شنهي تبات بالجول
الماعدهه اخو لا توصل الشام
عيونهم جن خيل وتجول

اه يا ضيم السبي. اه يا ضيم السبي
........

تكلهه يمه اخلاف اخوتي العيشه صارت باهته
ثاري من ايفارك اخته الاخو تبين عازته
حيل مهضومه الهضمني الشمر مشه حجايته
ياوكت هو اليسولف وانه زينب ساكته

حگه الشمر لو طول السان
شافاني حرمه ومالي خوان
غم الوكت من عكب الحسين
مجتوفه اطب ديوان ديوان

اه يا ضيم السبي. اه يا ضيم السبي
.........

ارد اريح كلبي يمه خل اطب ديوانهم
وخل  امر ابيوت اخوتي وارد ادك بيبانهم
بلكت الله وحلم يطلع واصحه من نسيانهم
نذر لو  ردو   عليه  الا  احني   امجانهم

هيج وعَلَي كلهم يردون
وترجع الكواج الله يأم عون
ويرجعلي شوفي واصبغ الشيب
هذا الحلم يتحقق اشلون

اه يا ضيم السبي. اه يا ضيم السبي
...........
 
بعد مولاتي زينب ع تسولف

زين اجيتج يمه عدله وباقي بعيوني دمع
العلي صارن لو بغيري تموت لو تسمع سمع
ابجي مرات اعله روحي ليش بس انه انفجع
وليش بس انه ويه اخوتي موادع وما ننجمع

ليش اليحبه الكلب والروح
لازم تشوفه عيوني مذبوح
شمسويه ما مرني الفرح يوم
فتحت عيني مكابله النوح

اه يا ضيم السبي. اه يا ضيم السبي
...........
 الخادم موسى البطلي

تعبني السبي يخواني تعبني
عذبني الدرب مايگضي عذبني
شكد صيحت حيهم ماكو واحد كام
ما معقوله محد منكم يحبني

جفوف اديه تصب دمه _ كل ساع اختكم طايحه
فوك التعب فوك الركض _ مانايمه من البارحه
هيه الهضيمه ام الشرف _ تمشي ويه ناس بلا شرف
حرموني مو بس البجي _ حرموني اسوي الفاتحه

مهضومه _ حكي من اعتب على العافوني
مهضومه _ مولحت من البواجي عيوني
مهضومه _ غربه ما عدهم شرف يسبوني

خويه حسين شافوني _ خويه حسين شافوني
_____
عطشانه اعله اخوتي هواي عطشانه
شيخلصه الدرب والذابح ويانه
يهضمني وادير العين ماكو اخوان
كل ساعه عليه مسرفن اردانه

هيه الاخت لو عدهه اخو _ يا زلمه اليحاجيهه
غير الاخو محد يجي _ ويكول أخيتي شبيهه
التتمرض بديرة غرب _ اي دوه ما يصلح بعد
بس لو كعد يمهه الاخو _ بسوالفه ايداويهه

كومولي _ يل عميتو عيوني من فركاكم
كومولي _ يا اعزازي كون ميته وياكم
كومولي _ طاك كلبي اعليكم وملكاكم

خويه حسين شافوني _ خويه حسين شافوني
____
هنه اهواي صارن بالسبي وكثرن
ياهي المنهن احجي وياهي ينضمن
راح احجيلكم بس وحده تهضم حيل
خواتك يبو الغيره بسوكهم طبن

يحسين مرونه بدرب _ الله واكبر مو درب
عيون متروس وزلم _ والباوعو كلهم غرب
الاعمه ظل يضحك جذب _ والاطرش يسولف ضحك
هيه المصيبه الباوعو _ اتصفحو من كل كلب

ما صايره _ ستر _ الله اليكره الله يشوفه
ما صايره _ الشام غربه والمصيبه الكوفه
ما صايره _ الكوفه تعرفني وأطب مجتوفه

خويه حسين شافوني _ خويه حسين شافوني
___
المثلي بهل عمر يخواني ما تكدر
شني ٦٠ عام وتركض بنص بر
المفروض البعمري المغربيه تنام
مو كل ساع اطيح الناكه من تعثر

الهزله مو مالت زلم _ شلون تصعدهه مره
النوك من كد ماطحت _ يبجن علي لزمن سره
ظل يبجي حتى المو عرف _ جا بأختك شسوه الوكت
شمسويه حتى اكضي العمر ليل ونهار امرمره

ياموتي _ ردتك اتسير علي كل ليله
ياموتي _ ليش ضيمي وياي شد كل حيله
ياموتي _ فدوه عجل راح اشد الشيله

خويه حسين شافوني _ خويه حسين شافوني
__
الخادم موسى البطلي

للمشاية المقدسة

لا حر لا برد يمنعني لا غايه
بس الموت يمنعني امشي مشايه

لبيك لبيك أبا عبدالله
..........
لا حر لا برد
يمنعني و رد
لا ام لا ابو لا أهل لا ابني

شكل الفاطمه
وعلي حامي الحمه
إذا ماواسي زينب هل سنه بحزني

امشي بلا تعب
و عالرايه انكتب
يا اول تعب بالدنيا ريحني

من كلب البحر
الحد كطع النحر
يستاهل حسين امشيله متعني

يستاهل ..  نمشيله..   من آخر شبر
خل تحتر ..  خل تبرد ... خل تمطر جمر
مانرجع ..  وترفرف .. رايات الخضر
مشايه ..  و ع الموعد ..  نمشيلك عمر

لبيك لبيك أبا عبدالله
................

كل موكب نصب
خط قطعه وكتب
خدام الجدم كل زاير امترب

الفاو اتحزمت
وزاخو اتحضرت
من اول شبر لآخر شبر رحب

هله وميت هلا
بزاير كربله
عراق وكله ظل ايرحب و عزب

ماظل شي بعد
وتجدد عهد
جم يوم وتطب من اليسر زينب

شد حيلك ..  يالزاير ..  جم خطوه وتطب
زينبكم  ..  هل وصلت .. من ديرة غرب
ختشوفك ..  متغير  .. لونك منكلب
كللهه ..  بدمعاتك ..  ماهمنه الدرب

لبيك لبيك أبا عبدالله
.................

ابو الموكب هتف
بيرغ بيده رف
بيتي بخدمت الزوار وينادي

بيوتي امفتحه
عيالي امفرفحه
خدمتكم شرف يل بيكم امرادي

لو مامش اكل
اذبح جم طفل
للمشاية فدوه تروح انه أولادي

هنياله الحضه
كظ زاير رضه
بخيت البات زاير يمه والبادي

ا نخدمك ..  يالزاير  ..  مو قصة أجر
اترابك ..  نشتمه ...  بي حضره وعطر
من تكعد ..  بالموكب ..  تنومسنه اشكثر
فل تحيى  .. المشايه ... واليخسى الشمر

لبيك لبيك أبا عبدالله
...................

لذت كل عشگ
من تتعب صدگ
محبوبك يشوفك تمشي ماتهتم

حسينك يفتخر
يم ربه اشكثر
سولف بيكم وعرش الله يتبسم

صوت من العرش
فرحه الكم يطش
شكو واحد مشه لحسين مايندم

باجر بالحشر
يصدر بي امر
يشفع لليريده ودوم لا يهتم

هنيالك ..  يالتمشي  ...  الله انطاك أمر
بالمحشر ..  بس انت  ..   توكف منتصر
والزهره ..  تصيحلكم ..  جبريتو الكسر
فزعتكم .. لوليدي ..  اطلبوني اشكثر

لبيك لبيك أبا عبدالله
................
الخادم موسى البطلي

ارجو الاشتراك بقناة خادم الحسين عليه السلام المخلص الشاعر كرار تحسين الخيكاني للقصائد الحسينيه ليصلكم كل ماهو جديد في خدمة آل محمد صلوات ربي وسلامه عليهم

https://t.me/kraikw

خويه اريد وياجن انحب   علي وليدي
وانه اريد انعه يزينب.   علي وليدي

خويه كلجن كابلني
صيحن شماصيح يبني

كلبي من الحركه شيب  علي وليدي
خويه اريد وياجن انحب  علي وليدي

علي يبني  علي يبني  علي يبني

.............

وخرن وخلني وحدي ارد اشم اوليدي شم
وارد اصب دموعي كلهن لحد ما ابجيله دم
بيش اوجد بعد دربي يالولد شوفي انعدم
وينه حيلي وحتى اكلك من رحت حيلي انهدم

ماي واتبده شبابك.  علي وليدي
هدمت حيلي بغيابك. علي وليدي

علي يبني. علي يبني. علي يبني
.......

حكي من الطم يزينب عيشتي صارت  عذاب
ليش بس وليدي الاكبر ماتهنه وي الشباب
ردته يدفني اعله ايده وهو اليهيل التراب
جنت اظنه يلم كبرتي عمت عيني وظني خاب

جنت اظن وليدي يكبر   علي وليدي
وخيبت ظني يا الاكبر   علي  وليدي

علي يبني  علي يبني  علي يبني
......

ليله وينج كابليني انتي ام الفاتحه
ما اريد اللطم يبرد نايحه تجر نايحه
وليدي جان وياي يضحك عمت عيني البارحه
عفيه كلبي شلون اشوفه وليدي سيف الذابحه

ما اريدن لطم بارد.     علي وليدي
جنت والد هسه فاگد.  علي وليدي

علي يبني  علي يبني  علي يبني
.........

لا تلوموني من انوحن والد مفارگ ولد
يا شباب وليدي الاكبر وين احصلنه بعد
انت شايف لو وليدك يجي وبكلبك كعد
تسگي بي لمن يورد منجل الموت الحصد

حلمي جن عريس اشوفه.  علي وليدي
مو دمه محني ازلوفه.  علي وليدي

علي يبني  علي يبني  علي يبني
...........

وين ذيج الضحكه يبني وين كل ذاك الجمال
وين ذيج الكشخه كلهه وطولك الشابع دلال
الوالد من يفارگ ابنه عمره يگصر لا محال
لو تريد حسين عايش غيبلك يوم وتعال

جلمه سامعهه من اهلنه.  علي اوليدي
ايموت كلمن يفگد ابنه.  علي اوليدي

علي يبني.  علي يبني.  علي يبني

الخادم موسى البطلي