( ليس للعباد مستراح إلا تحت شجرة طوبى ) بمعنى الدنيا مو مكان راحة وسع صدرك واعمل للآخره وحاول تسعد نفسك بالدنيا بقدر المستطاع بس لاتضايق نفسك وانت تدور الراحة
يعني ياليته شيء ملموس وتقدر تكسره! أو ترميه بكل ما فيك وتعيد في رميه، ياليته شخص قدامك عشان تصفعه بكل ما فيك من قوة، ولكنه شعور، شعور غير معروف، ما تفهمه، تجهله كما تجهل الطريق اللي جابه وسمح له يستوطن قلبك.
ما أبيك تناولني الكلام العذب ناولني الحقيقة يوم كانت الليالي حاتميّة وكل جرحٍ ملتئم كان يحتاجك وين كنت أنت ؟ هذا اللي أبي أعرفه أما كلامك العذب "سرابٍ لو ملى عين العطاشى ما رواهم"
شعور غريب لما أشوف شخص كنت مندهش فيه ومرتاح بالقرب منه، ثم يجي اليوم اللي أشوفه شخص باهت، ما عاد يهمني وجوده ولا عادت تدهشني حروفه وشغفي تجاهه انعدم بالكامل لدرجة أني أوصل لمرحلة ال "يا ليتني ما عرفته" وياليتني تجاهلت شعوري في ذاك اليوم ولا اعطيت نفسي مجال حتى اتعرف عليه
اليوم قريت جملة مابقدر أنساها طول حياتي"لا يؤتمن من استطاع أن ينام و هو يعلم أنه تسبب لك في ضيق، لا يؤتمن من مضى ونسي العشرة ولم يتردد للحظة.. لا يؤتمن حتى و إن عاد" .