مـاجـد

اللي خذاه الحنين لـ ماضي سنينه
‏أنتِ سبب فرحته - ولّا سبب غلبه

‏إن جاد ربي .. بـ صدفة بينك وبينه
‏شيٍ ماجاء بالرضا ينعاف بـ الطلبة

‏لا تحترينه " يقول " الكلمة الشينة
‏حتى لو ان .. الشعور القاسي يْغلبه

‏أما ابتسم لك وبان الدمع في عينه
‏ولا ضَحَك ضحكةٍ ماهيب من قلبه

- مانيب ناسيها -

سرى اللّيل والذِّكرى ثلاثيّة الأبعاد
‏بعد ما تغيب الشمس تبدأ طواريها

‏على الساعة الثنتين في وقتها المعتاد
‏عسى الله يعين اللّي سواتي يعانيها

‏حنينٍ على الماضي وشوق وعنا وجهاد
‏وجمرة غضى لا هبّت الرّيح تحييها

‏يا كمّ ذكرياتٍ نزفها فالحنايا حاد
‏لو أتصنّع النسيان مانيب ناسيها

"أنا مابي من الدنيا بعد هالمرحلة رغبات
‏عسى الله بس يكفيني .. هوى نفسي وزلّاتي"

أستقاد القاف واشرفت الرفيع النايف
‏عالي ٍ تحته رجوم الارض كبر الذره

‏في مثاني نجد كنّه من جبااال الطايف
‏من يشوفه قال هذا قطعه من الحرّه

‏هيّفت بي يمّه الخطوه وجيت مهايف
‏ولا أنا الرجم المطرّف حالف ٍ ما أمرّه

‏ياحبيبي صار حالي مثل ماانته شايف
‏في ضلوعي حر شوق و في فوادي حرّه

‏اسرق الفرصه واجي دارك مجي الحايف
‏خايفٍ شوف العيون وخايف من الجرّه

‏لا تعودني على الصدّه و أعـوّد عاايف
‏المعيف اليا سمـح ماعاد يثني الكرّه

‏بـرّني بالوصل وجه لـ وجه ولا لايف
‏المهم اللي يبي شـوفك وقربك بـرّه

‏لا تخلّي باب قلبك لـ الغراام مساايف
‏ فك باب الوصل ولا قفّله بــ المرّه

أعذريني يوم أقابل طعونك بإرتياح
‏كيف لا !! والجرح مملوح والجارح مليح

‏أعذب من النسمة اللي يمر بها الصباح
‏لا أستقرت في فوادٍ من الفرقى جريح

خبني بين الضلوع ان كان مافيها كلافه
‏ما دخلت الا على شيٍ ابيه وفيه شفي

ياوليفٍ تسرق البال حتى فالصلاة
‏اسالك بالله تقبل غضب ربي علي ؟

‏قد عقد قلبي قرانه على قلبك ومات
‏والعيون شهود والقلب للعاشق ولي

‏المعاني فيك تحتار بين المفردات
‏مثل ما يحتار جيدك بملبوس الحلي

‏انت حبك يكفي الرجل عن حب البنات
‏مثل ما يكفي المسلمين .. فقه الحنبلي

‏يدمن الانسان شوفك ادمان المسكرات
‏يتجلى اللي يشوفك .. وعقله ينجلي

‏لا احتضنت المخمل اللي من اوراق النبات
‏كل واحد وده يكون " معطف مخملي "

‏صوتك اجمل صوت ساده بدون موثرات
‏جعل صوتك بعد صُوت صفير البلبلي

‏لا يغرك صدق الاحساس عن صدق الصفات
‏عندنا كبار الخساير : مثل " ذبحة طلي "

‏الزعل منك يضيّق علي الاربع جهات :
‏ودي ان الكل يزعل .. ولا تزعل علي

كم لي وانا ارقب مع الايام لحظة وصل
‏ياللي غيابك مهيب وطلتّك فاخره

‏الوقت مر و تعدى و اللقى ما حصل
‏والصبر على آخره و الشوق على آخره

‏وانا من الانتظار الحار مخّي فصل
‏كنّي انتظر واحد ٍ جاي ٍ على بااخره

‏على العموم اعتذر ماعادني متصل
‏و الله يسامحك فالدنيا و فـ الاخره

ً

ماتتعبني الوجيه اللي يخيب إبها الزمان
‏أنا تتعبني الوجيه اللي أحبّ أصحابها

اشهد ان الحب علّه و الموادع علّه
‏و الزمن شتت لي أحلامي وسبب رعبي

‏ياحبيبي خل طيشك و المكابر خلّه
‏أنا قبلك ما نفعني طيشي ولا لعبي

‏كيف فرّطت بـ غلاك وطعت رأي الشلّه ؟
‏آه ليت العمر يرجع و الزمن يرجع بي

‏من فقد وصلك و صوتك راح عمره كله
‏بين دكتور العياده والطبيب الشعبي

من أسرف فالغلا لابد في يومن من الأيام
‏تدور ابه الدواير لين يسرف فالكراهيّة

رحلت ولا بقى الّا الحال تحت الله وْبين يديه
‏عسى الله يلعن الفرقى، وبعد الحيّ من حيّه

تحسب انّي اتعب من زماني وانا مرتاح
‏لو آضيع في صحراه .. وآتوه ، في بحره

‏آعرف السلاح ، اللي ما يقدر عليه سلاح
‏وآعرف العمل مع ساحرٍ ما بطل سحره

‏وإذا ماعرفت آلقى لقفل البخَت مفتاح
‏آعرف آسفه المسفوه وآشوم عن دحره

‏طبيعي ليا زل الجمل فـ الطريق وطاح
‏يقوم " يتنتّق " كل جربوع .. من جحره

أسعد الله مساكم بكل خير ياحبايب جرى التنويه ان حسابي الجديد في السناب هذا هو 👇🏻

يا كل الكلام اللي يجي عقب لو وليت
‏وش الحل .. مع بالٍ يطرّيك له مدّة

‏أنا ما تخيّلت بـ حياتي .. ولا ظنّيت
‏يجي يوم وتصدّين والصدة الصدّة

‏مع إن الغرور يحق لي كل ماانغرّيت
‏ولكن معك كان التواضع على آشدّه

‏تقولين من قدّي ليا قلت فيني بيت
‏وأنا آقول بيتٍ ينكتب فيك من قدّه

«ودّي اصمل واقطع حْبال المحبّة لكن
‏والله إن ما ضيّع الشجعان غير الصمْلَه»
‏سلطان الحويقل

في وداعك : ليلة السبت تشكي للربوع
‏موعد فيه المواصل طموح ومطمعه

‏لو كسر صوم المشاريه تذريف الدموع
‏أنهمر مزن من الموق محد يمنعه

‏غبت وأوقدت المحاني وطفيت الشموع
‏وأجترعت بـ فقدتك سم محد يجرعه

‏وإستحل الحزن ما بين حدبان الضلوع
‏صرت أشوف الحزن مال الجهات الاربعه

‏والحـزن بـ القلب ليته بـ تذريف الدموع
‏إشهد أن الحزن بـ القلب حاجة موجعه

قلبي يعدّ احبابه اللي .. خسرهم
وفاضت من الحسره عليهم عيوني

هذي ملامحهم وهذي صورهم
يوم ارسموها في جفوني ، جفوني

- جابر النشيرا

خلوني أسج وأسلا من ربوع لربوع
‏لعيون من تارد أشواقي على عدّها

‏يغمرني الزين وتسيطر علي الطبوع
‏يوم إنّي أدوزن أبياتي على قدّها

‏رقيقةٍ ما تطاوعني عليها الضلوع
‏تاقف على شفاهي الكلمات و آردّها

‏عن كلمةٍ ما بعدها غير زرق الدموع
‏يردّني منظر الدمعة على خدّها

‏"صحيح أنا ممكن أسويها وأسوي المستحيل ،
لكن رجلي في هوى نفسي ماعدت أسوقها"
‏- ضيدان

‏"يحدث النضج في حياة الإنسان عندما يصاب
‏بخيبة أمل"
‏- ميخائيل نعيمه

انعست عين الغلا والهوى هدا
خانت الايام والملح والعشره

وابتديت تشوف نفسك وتتحدا
وأنت ماكنت تتغلى ولا تشره

كنت مجروحي وصرت الدوا والدا
كنت آآه صرت آآهات منتشره

غلطة اللي بالمحبه أخذ وأدا
واعترف لك بالغلا وابصمت عشره

الهوى جاب الغلا والهوى ودا
وأنت وجروح الزمن بالحشا خشره

يابعد من مابعد جا ومن هدا
ويابعد من ساج روض الحشا نشره

يوم صار الحب جزيه ولك تدا
والقصيد اسهل من كتابته نشره

خذ قصيدي ياشذا الورد لاندا
وأنتبه لي واستمع موجز النشره

والله أنك بالغلا فارق جدا
مثل فرق الابتسامه عن الكشره

"إذا ركبت القطار الخطأ حاول أن تنزل في أول محطة؛ لإن كلما زادت المسافة زادت تكلفة العودة"
‏هذه مقولة روسية تستطيع أن تستخدمها في جميع أمور حياتك، ليس فقط في القطارات

رحت انا ويّا الهواجيس في روح وتعال
‏القوافي شيّبت والنصوص مقوّله
‏—سعد بن جدلان رحمة الله

غابت نجوم السما كلها والله درا
عن وليفٍ دار عامه ويومه وشهره

ياوجودي كل ماطرّف الليل وسرا
ماحدٍ بشّر بشوفه و لاجاب خبره

اليدين أمست من مصافح أيديه فقرا
والعيون اللي فضح دمعها مايستره

أن تذكرته تذكرت دمعٍ ماجرا
قبل مايجمع زهابه على وجه سفره

راكب اللي صمموه لمشايخ وومرا
مابعد حرّك سويكه ولا دار كفره

لو دفع متوسط الدخل دخله ماشرا
له مديليّة مفاتيح والا منظره

رنّة بلوفه اليا فاع من فوق الثرى
كنّها صفق الهبايب على فند شجره

رنج روفر ماقرا لونه اللي ماقرا
افتح من المستكا واغمق من السكره

ان نطحته من قدم وأن قفيته من ورا
كن (سحمان بن ملحم) ملقيك ظهره

الحزام اللي يحزم الظهور الياطرا
طاري الفزعات والكذب مافيه ثمره

في المنافذ والمسارات مايمسك سرى
البلاط يحشمه والرمال تقدره

جرته يمشي على راحته ياهل ترى
شفتها في دقة البشت والا
البنجره !!

ياصله ويعلمه وأن درا و ان مادرا
أن قلبي في غيابه معلّق بشعره

لايحسب أنّي نسيت ورب أم القرا
ماتنسا طلع تينه ونفحة عنبره

ايتداركني قبل ضيعتي والا ترا
ضعت ضيعة دم رجالٍ اهدرته مره

لايفكر في برا الجرح والا مابرا
واضح اللي في النعش رايحٍ للمقبره

ويحفظ قدر المحبه ويبقا في حرا
جيّةٍ منّي وغصن الغلا لايكسره

ويخبر اللي في التمادي تطاول و افترا
يكسب المعروف بالعفو عن المقدره

لايجاور وردةٍ في ظلال وفي ذرا
ماسقاها دمع عينه ولا دم نحره

ويش عذره كل ماطرف الليل وسرا
وألتفت أدوّر عيال وأدوّر مره

رغم البطا والمشاكل كلها والظروف
‏محبتك في ضميري . . باقيه باقيّه

‏__رساله جيدة

"وين ايّمم شوف عيني و أنا أخيلك سراب
‏كل ما ضمّيت زولك تلاشى من يدي "

دايم اول تجربه لها مشاعر ما تكرر
‏احتفظ فيها كذكرى واحذر من آثارها
‏
‏لاتفتّش عن شعور الدهشه الاولى، تذكّر:
‏تفقد الحاجات قيمتها مع استمرارها
‏
‏قيمة الحاجة قبل لانمتلكها دايم اكبر
‏كل مازاد الفضول يزيد من مقدارها
‏
‏الاماكن والتجارب والصدف واشياء أكثر
‏مايجرّدها من المتعه سوى تكرارها !

واصدري اللي من الهم المسرّي يفوح
‏حتى هواء الطايف المأنوس ما بردّه

‏خاب الرجا فالليالي لين مات الطموح
‏والفرحه الي نبيها صارت مشرّده

‏وانا ما احب اشكي ظروفي ولا اعرف ابوح
‏النفس من عزها ماهيب متجرّده

‏كله سبب من بنا له فالضماير صروح
‏الي عيونه وساع وخده مورّده

‏راحت وهي حالفه قبل شهر ماتروح
‏الفارع الي عن الترفات متفرّده

يامجمول خمر الحب منكم شربته سك
‏وخمر الهوى يوم اشربه سك يتلفني

‏تغلا وهو ماغرك اني متيم بك
‏واذا قلت عجل بوصلك تصرفني

‏على القلب واللي حوله عطاك ربي صك
‏وغلا حبكم من بدت الناس كلفني

‏غلاكم شدد وابطى شدد حبكم مافك
‏واخاف الشدد مع طول الايام يخلفني

كل ليل الشوق في صدري هذا توقيته
‏ودّي اسلى منه و الليل الطويل اختصره

‏بس من شفته يبا الهجران ما رديته
‏لو تروح ايامي اضوق من مساحة خصره

‏ من يخليني على درب الخطر خلّيته
‏حتى لو هو معجزة جيله و فتنة عصره

‏ما بقي شي ٍ من اجل رضاه ما سويته
‏ان بغا يرحل بكيفه وان تراجع بصره ..

فتحت لك صدري ياحبيبي زرار زرار
‏هذا بيتك ، وبيت أمّك ، وبيت أبوك العود

‏وتحتلني وتحطني دولة أستعمار
‏وانا في السعودية تحت راية ابن سعود

ً

"صباح الخير وكسور الليالي طبّها جبرك
‏يا وجهٍ ما يصير الصبح عندي — لين يبدا بك"

مَن قال وش فيه قلبك؟ ، قلت له مدري
‏إحساس ما ينوصف و الحال يرثى له

‏من غيبته والله انّه ، ضايق صدري
‏اللي غيابه مخلي .. حالتي حالة

‏ما أنام بدري ، لو إنّي ساريٍ بدري
‏على رجا انّه يجيني رقم جواله

‏معقوله انّه بـ حزن القلب مايدري؟
‏و ما جيت في خاطره ، ولا على باله؟

مشبعٍ نفسي من العز من يومي صغير
‏لين صارت تكره اللي يجي بـ محايله

رغم اختلاف الذوايق و اختلاف السلع
‏الله على قلبي اللي زايده وجعته

‏الناس تفرح بـ نجم سهيل لا من طلع
‏و انا انتظر واحدً مدري متى رجعته

«والله إنّي ميّسٍ من وصلك إلّا
‏فزعةٍ من ربنا جل وتعالى»
‏بن جدلان.
‏/
‏«والله إنّي ميسٍ من رجعته من يوم دبّر
‏ودّي ادري هو بخير؟ وغيرها ماودي ادري»
‏خالد مبارك .

احبك طواري بس ماعاد احبك خل

صباح الخير

خل ابو نوره يغني لو يزيد احزاني
‏البشر ماعاد تفهمني وانا مافهمها

‏خلني في هالمكان وعوّد وتلقاني
‏اتحرى جية اللي جعلني ماعدمها

‏في ذهابي دايم اختار الخيار الثاني
‏الخيار الثاني احلاها مهو باسلمها

‏مذهبات الروح شوق وحنجرة جيزاني
‏ومذهبات العقل خمر وحبةٍ من فمها

"ودي أكمّل معك حتى الحياة البرزخية
‏وين تلقى عاشقٍ يبغاك ( حتى في مماته )

‏من يشوفك يدري إن الموت حاجة عايديه
‏كل ليلة في طوارف مبسمك ؛ يعلن وفاته

‏هات فنجال الهوى بإيدك وحطه في يديّه
‏لو تصبّ الموت في فنجال حبّك " قلت هاته"