سەکینەت 💚

یەکی ڕۆشت، مایەوە ٢٩ ....

هەر ئەونە ئەزانی ئەڵێین، ٢٩ی ڕۆشت، مایەوە یەک ...

بسم الله ....

ئەزموونی ئەمڕۆم لە مانگی #ڕەمەزان (١)


ئەزموونی ئەمڕۆم، قووڵبوونەوە بوو لە مانای ئیحسان کە بریتییە لەوەی (ان تعبد الله کأنک تراهـ) واتە بەو شێوەیە عیبادەت بۆ خوا بکەی وەک ئەوەی بیبینیت!

ئەوەڵین شت با ئەوە یەکلا بکەینۆ کە عیبادەت کورتهەڵنەهاتووە لە نوێژ و ڕۆژ و زەکات و ئەعمالە زاهیرییەکان، بەڵکوو بریتییە لە هەموو ئەو کارانەی کە خوا لێی ڕازییە و خۆشی ئەوێت.

انجا لەو بڕوایەم قووڵبوونەوە لەو نیوە دێڕە و عەمەلکردن پێی، یەکسانە بە گۆڕینی تەواوی ژیانت، زەمانی سەلامەتی دین و ژین و قیامەتە، جا ئەوەنەش ئاسان نییە گەیشتن بەو پلەیە، جوهد و موجاهەدەیەکی زۆۆۆر زۆری ئەوێ، خۆش بە حاڵمان کە ڕەمەزانە و شەیتان لێمان گەڕاوە و ئەتوانین تا حەددێ زۆر باش ئەم دەرفەتە بقۆزینەوە و ئەو مانایە لە خۆمان بهێنینە جێ.

درێژی نەکەمەوە و بێمە سەر باسێکی دیکەی مانا و پلەی ئیحسان، ئەویش ئەوەیە کە ئیحسان سێ بابی هەیە، ئەوانیش:
١ــ ئیحسان لەگەڵ خوا، واتە لە عیبادەتەکان، ئەویش بەوەی عیبادەتەکان بەو شێوەیە بە ئیتقانەوە ئەنجام بدەی کە وا هەستکەیت خوا ئەبینیت لە کاتی ئەنجامدانیان، جا هەر عیبادەتێک بێت، بۆ درێژنەبوونەوەی نووسینەکە نموونە باس ناکەم و بۆ خۆتانی جێ ئەهێڵم.

٢ــ ئیحسان لەگەڵ خەڵکی، جا خەڵک خێزان و غەیری خێزانیش ئەگرێتۆ، یانی بەو جۆرە مامەڵە لەگەڵ خەڵکی بکەیت کە خوا ئەبینیت و ئەویش ئەتبینێ، حازربوونی ئەم مانایە لە لات تەواوی سلوکیاتت بەرانبەر خێزان و دەرەوەی خێزانەکەشت ئەگۆڕێ، ئەبیتە انسانێکی نەرموونیان، ئارام، تووڕەییەکانت ئەخۆیتەوە، عەدل مامەڵە ئەکەیت، زووڵم ناکەیت، کیبرت نابێ، بەتەقوا ئەبی ...تاد لە خولوقە جوانەکان.

٣ــ ئیحسانە لە کردنی کارێک کە ئەرکە لەسەر بیکەیت، ئەویش بەوە ئەبێت تەواوی حەقی خۆی بدەیت بە کارەکە و بە ئیتقانەوە بیکەیت و بەوپەڕی تەرکیز و وردەکارییەوە بچییە خزمەتی، چون وا ئەیکەی کە خوا ئەبینی! انجا تۆ بەو کارەت و وردەکاریی و ئیتقانت تیای جوانیی ئیسلام نیشان ئەدەیت!


بابەتێکی دیکە ئەوەیە بە چ شتێ ئەگەین بەم پلەی ئیحسانە؟
ئەوەڵین و ئەساسترین ڕێ بۆ گەیشتن بە ئیحسان، ناسینی خوایە لە ڕێی ناو و سیفەتەکانی، تا نەیناسیت بە گەورەی نازانیت، تا بە گەورەشی نەزانیت ناتوانی لە قەول و عەمەلا ڕازیبوونی ئەو بکەیتە پێشینەی ئامانجەکانت!

جا دواتریش تۆ تا ئەمرپێکەر نەناسیت و بە گەورەی نەزانیت هەرگیز ناتوانی ئەمرپێکراو بەو شێوەی لێت داوا کراوە ئـەنجامی بدەی.

بە دەربڕینێکی دیکە؛ ئەمرپێکەر -خوای پەروەردگار- بە گەورە بزانە، زۆۆۆر ئاسان ئەتوانی ئەمرەکە جێبەجێ بکەیت! بەوپەڕی ڕازیبوون و تەسلیمبوون و خۆشەویستیشەوە ....

دوا قسەش؛ گەر موحسینان زۆۆر ببن، گەر کارپێکەری بەو نیوە دێڕە زۆر ببن، ئیسلام لە غەریبییەتی دەرئەچێت و زۆۆۆر بە فراوانی بڵاو ئەبێتۆ، چوون ڕێکخستنەوەی تەواوی ئەخلاقیاتی انسانی موسڵمانە و بەو شێوەیە ئەبێتە هۆی سەرنجڕاکێشانی غەیرە موسڵمان و هاتنە ناوەوەی بۆ ناو دین ...

انجا؛ لا بد من الاحسان لتنال هذا الاحسان ...
ئەی بمعنی؛ بۆئەوەی بەهەشت بەدەس بێنی ئەبێ لە موحسینان بیت ....

بە ئومێدبوون بە تەوفیقی خواوە، لەم سی ڕۆژە ان شاء الله لێرە ڕۆژانە بە نووسینێکی سادە، جا فەوائیدێک بێت و نەقڵی بکەم، یان خاترەیەک بێت و بەیانی بکەم، یانیش بیرهێنانەوەیەک بێت، یانیش ئاگادارکردنەوەیەک، یانیش قسەگەلێکی سادە دەربارەی ئەو شتانەی بۆ ئەم مانگە پێویستن؛ لێرە ئەیانڵێم ...

جا شتەکان بەوپەڕی سادەیی و ئاساییەوە ئەنووسمەوە تا بە ئیزنی خوا بەو شێوەی کە پێویستە بگات ....

کەناڵی ئیلیاس ئەیوبی کەناڵێکی سەربەخۆ و بێلایەنە ، ئەم کەناڵە هەوڵدەدات بینەرانی سەبارەت بەدۆزی موسڵمانان ، هۆشیاری موسڵمانان ، ڕاستکردنەوەی دەنگە چەواشەکراوەکان .. پڕ زانیاری بکات ، هەروەها ببێت بەسەکۆیەک بۆ گەیاندنی دەنگی موسڵمانانی جیهان بەگشتی

جۆینی کەناڵەکە بکەن و بۆ دۆستانی بنێرن 💛