الشاعر سعد هادي الشمري

#السلام_على_الطفل_الرضيع



بـالـخـيـمـه نـار وظـلت  ..  يــم مـهـدك اعــيــونــي
والـنـار الـه لـو وصـلـت  ..  يــولـيـدي يــعــمــونــي

                    مدري اشفه لو يجرحني
                    من اشتَم اگماطك يبني

                              عبد الله 

                  *---------------*---------------*

يـمـعـلّـگ بـصـدري نـفـس لا تجفي يـولـيـدي اختنگ
بـالــســهــم ذابـلّـك گـلـب واعـلـه المـهـد أذبل حـرگ
يالطابگ اجـفـونـه الظـمـه جـفـنـي بعد مـا يـنـطـبـگ
مشتاگه بس حضني فـرغ والـمـنـذبـح مــا يـنـشـبـگ

صارت وسـاده الـرمـلـه .. و تــچــويــك ادريــهــه
انـه ادري يـا عـبـد اللـه .. نــامــت شـمـس بـيـهـه

                    يـا تــرف يـثـگـل ونــي
                    من اشتَم اگماطك يبني

                              عبد الله

                *---------------*---------------*

يالـكـاشـخ بـعـطـر الـنـبـي واسمك عالگماط انـكـتـب
ألـمـثَـل صح ابـطـيـحِـتـك يحوي التراب اشكد ذهـب )
اتـلاگـيتـوا ، نبله ودم نحر واحد من الـثـانـي اقـتـرب
وامـحـيّـره الـظـامـي مـنـو  شفت الـسـهـم مـنك شرب

امـثـلـث و نـاگـع بالسم .. سـهـم الـحـقـد سـهـمـك
عـطـشـان ماي ومو دم .. و الــمــوت الـيـفـطـمـك

                    لـشـيـبـات ابـوك امحنّي
                    من اشتَم اگماطك يبني

                              عبد الله

                *---------------*---------------*

عمر ابـنَ سـعـد لـهـيـبـتـك مـذهـول ظل صابـه الفزع
گـطـعـوا نــزاع الـقـوم الـه يـالازغـر وگـلـبـي انـگـطـع
يا گـلـب الحسين اشـجـره و حسين الــه ون انـسـمـع
ظلت اعيونه اعـلـه الارض من صدره ما ادري اشوگع

عبدالله ظل بس مهدك .. مــن عِــشــرِتــك ذكــره
ومن نـار خـيـمـة زينب .. وصـلـتـلـه چـــم جـمـره

                    وهـالـمـنـظـر الـعـذبـنـي
                    من اشتَم اگماطك يبني

                              عبد الله

                *---------------*---------------*

الخيمات صــارلـهـه حطب مــهــدك لــمــن نـاره دوت
اتـعـنـيـت بالشبـعـن ضرب بچفوفي اطفي ومـا طفت
والـعـشـره المكسره الصدر بثكل الـسـنـابـك مـن اجت
اشّــافــت بـنـص الــمــهــد خـيـل العده وبيه اسحگت

لـحـسـيـن شـافن دمعه .. و بــالــمــهــد شـمـنّـهـه
والدمعه مـثـل اضلوعه .. هـالـخـيـل سـحـگـنـهـه

                    عـالـحـال لا تــسـألــنــي
                    من اشتَم اگماطك يبني

                              عبد الله

                *---------------*---------------*

كـل ذكــريــاتــك يـالـولـد صـارت ارمـاد ويـه الخيم
وابـالـي صــوره مـــا الـك بـالـبـال ظل بس الـسـهـم
كل الظعن يـشـكـي الظمه وعطشانـه الك دمعه والم
ومـن كـثـر ما بـيّـه بـچـي اطلب اعيون مـن الـحـرم

المكسور گلبه ، الدمعه .. يـالــغــالــي مـتـجـبـره
ويصبح رماد احساسه .. الـتـحـتـرگ بــي ذكـره

انـكـسـر واشـيـجـبـرنـي
                    من اشتَم اگماطك يبني

                              عبد الله

                *---------------*---------------*

. محرم¹⁴⁴⁶
✍️خادم الحسين ع
الشاعر سعد هادي الشمري

السلام على #رضيع_الحسين



. عـبـد الـلـه
                  عـبـد الـلـه
                  يبني اعله اسمك اسم الله

                  محروم .. مظلوم
                  لـيـش بــســهــم مـفـطـوم

                  *---------------*---------------*

             يعبد الله يـفـرحـة عـمـري يا حـزنـي
             اهـز مـهـدك يـغـالـي ودمعتي اتهزني
             صـرت اغـفـه اعـلـه آه وآه اتـفـززنـي
             بـكـثـر مـاعـزّك اگلوُب الأسى اتعزني

                  و عـيـونـي
                  و عـيـونـي
                  تسولـف حـيـرتـي اعيوني

                  مالوم .. مظلوم
                  لـيـش بــســهــم مـفـطـوم

                  *---------------*---------------*


             لــو ادري الـعـطـش للموت حـد دربـه
             چـان اعصر دليلي ابچفي واتـشـربـه
             ردتـك بـيـن اديـه بـحـضـنـي تـتـربـه
             شْجنيت وحرمله لنحرك دِمه يخضبه

                  دلّالــــــــي
                  دلّالــــــــي
                  احـتـرگ بـالـحـيـره دلّالـي

                  مضروم .. مظلوم
                  لـيـش بــســهــم مـفـطـوم

                *---------------*---------------*

             مثل مـا نشف نحر الـعـالـتـرب يِـدي
             نشف جـفـنـي عليك ودمـع ما عندي
             طـــول الـلـيـل گـاعـد ذكـرك بـسـدي
             آنـه ويــاه نـسـهـر والـعـتـب يــبــدي

                  و بـروحـي
                  و بـروحـي
                  هــمّــك يـاكـل بـــروحــي

                  لليوم .. مظلوم
                  لـيـش بــســهــم مـفـطـوم

                *---------------*---------------*

             بـيـش اتـصـبّـر اعله افـراگـك وانسه
             مو انته الچـنـت لـرويـحـتـي وِنـسـه
             بعدني احسب احسابك لو مسه مسّه
             احـضـرلـك اگـمـاطـك بـعـد لـيـهـسـه

                  يـا ظـامــي
                  يـا ظـامــي
                  أصــــرخ لـسـه يـا ظـامـي

                  مهموم  .. مظلوم
                  لـيـش بــســهــم مـفـطـوم

                *---------------*---------------*

             يبني الما شفت من عمره بـس هـمّـه
             ويبني الما سِـمـعـت بصوتـه يـا يُـمـه
             مـثـلك يـا رضـيــع الـيـفـطُـمـه دمّــه
الـرزايـه بغيـبـتـك عـالـروح مـلـتـمّـه

                  عـاشَــرنـي
                  عـاشَــرنـي
             الدمع والـنـوح عـاشَـرنـي

              محروم  .. مظلوم
              لـيـش بــســهــم مـفـطـوم

                *---------------*---------------*

. محرم¹⁴⁴⁶
✍️خادم الحسين ع
الشاعر سعد هادي الشمري

.


.                گـلـبــي نــــاداك   يـالاكـبـر بــويـه
                 الـلــه ويــــــــاك   يـالاكـبـر بــويـه

                         رايـــد تـــروح   علي
                         مـاخـذ الـروح   علي

                        *---------------*---------------*

اسـم ابـوي، و وجـه جـدي   و ابـنـي الاكـبـر، كلهن انته
المثلك ايـودعــونـه يـبـنـي   اتـلـث وداعـات بـطـلـعـتـه
يا احچايه التـكـفـي حزني   وجـفـنـي مـجروح بدمعته
آنــه ابــن نـهـج الـبــلاغــة   والـبـلاغــة اهـنـا السـكـتـه

                 تـنــوصـف بيش   يـالاكـبـر بــويـه
                 وتـنـذبـح لـيـش   يـالاكـبـر بــويـه

                         بطولك اجروح   علي
                         مـاخــذ الـروح   علي

                        *---------------*---------------*

يـا عـلـي والـشـايـل اسمك   والـدفـنـهـه بـسر بـأجـلـهـه
وتـد هــاي الـخــيــم انـتـه   ومن تـطـيـح اتطيح كلـهـه
خــلــهــه الـعـيـون اتـلاگـه   وتـحـچـي بالنظرات خلـهه
وطــوّل بـلـحـظـة وداعـك   هـاي لـحـظـه الـمـا امـلـهـه

                 لـحـظـة اغـيـاب   يـالاكـبـر بــويـه
                 و الــگـلــب ذاب   يـالاكـبـر بــويـه

                         مهجتي اتنـوح   علي
                         مـاخــذ الـروح   علي

                        *---------------*---------------*

لـو وگـفـت اكبالي اودعـك   من احـضـنـك ويـن اشمك
وادري بـالـسـيـف ايتـعـنّـه   لـكـل مـكـان الـبـي ألـزمـك
خاف مـا توصل الـشـاطـي   يـا عـلـي ويــزيــد هــمــك
فــوگ وجـنـاتـك عـفـتـهـن   دمـعـتـي وي دمـعــة امـك


                 تـرتــوي ادمـوع   يـالاكـبـر بــويـه
                 وابقه مـفـجـوع   يـالاكـبـر بــويـه

                         دمعي مسفوح   علي
                         مـاخــذ الـروح   علي

                        *---------------*---------------*

يا عـلـي وخـيـمـات عمتك   نــار فـگـدك بـيـهـه تـلـهـب
ماينه النـعـطـشـلـه وجهك   شـوفـتـك مـو ماي نـشـرب
الـنـهـر خل تـبـعـد اجروفه   سِـحـر عـيـنـك يبني اعذب
والجربه خل تفرغ ابأسمك   تــرتـــوي خـيـمـات زيـنـب  


                 شـوفـتـك مــاي   يـالاكـبـر بــويـه
                 انــتـــه دنــيــاي   يـالاكـبـر بــويـه

                         اغلى الـجـروح   علي
                         مـاخــذ الـروح   علي

                        *---------------*---------------*

بـمـصـرعـك لــو شفت يبني   اجــروحـك بـنـزفـك تـدمـن
بحسـرتـي بـدمـعـتـي بهمي   مـن الفـرس للگاع اطـيـحـن 
احـتـار لـو ردت انـه اشيلك   وانـتـه بـس الـنِـفَـس والـوَن
كـتـر ارفـعـه يـطـيـح ثـانـي   اشـلــون لـلـخـيــمــات اردن

                 اجروحك اثگال   يـالاكـبـر بــويـه
                 صعـبـه تـنـشـال   يـالاكـبـر بــويـه

                         تـالـي مـذبــوح   علي
                         مـاخــذ الــروح   علي

                        *---------------*---------------*

.      محرم¹⁴⁴⁶
✍️خادم الحسين ع
الشاعر سعد هادي الشمري

#وا_قاسماه
#السلام_عل_جبل_الصبر


#زينب_والقاسم 👇
.
.

الحــســن جـرحــه يجاسم.. هـايجاسم
وزماني الـطــغــه، لگلبي بـ .. هـايجاسم
مِـثـل الـحَـسَــــن چـــنّــــك.. ها يجاسم

مـتـت واتــعــانــي مــن اســهــام امــيّــه


(١)هيّجه السَم  (٢) قسّم گلبي  (٣) القاسم

                                     *---------------*---------------*

مــثـلـك مـنـــو بــيـوم الــمــوت.. ينزَف
يا مــن جــرحــه وســط الگـلـب.. ينزف
نـحـرك بــعــده فـــوگ الـسـيــف.. ينزِف

وانــزف خــبــر مــوت حــســيــن الــيــه


(١)الزفّه  (٢) ينز أوف  (٣) نزيف النحر

                                     *---------------*---------------*

✍️الشاعر
سعد هادي الشمري

ابوذيات #القاسم_عليه_السلام
#لسان_حال_رملة #ام_القاسم ع



السبي ويه ام عـون گلبي اسنين.. رمله
وانـســه ابـنـي لـونـهـه اتـصـيـح.. رمله
جـفـنـي . الـطـف شـبـيـهـه ومثل.. رمله

دمــــع وادمــوم خــالَــطــهــن ســويــه

                                       *---------------*---------------*

شبيه الـحـسـن بيده الـجـيـش.. جسام
الگـبُـل لا جاس نـحـره السيف.. جسام
بـنــهــار الـعــشــره لـمـن صـال.. جسام

الــجَــمَــل ردّت و رَد الـحـَـســن ضـيّــه

                                       *---------------*---------------*

الـسـبـي والـحـزن ذنـي اثـنيـن.. وِد  لآل
عـلـي ، و  إلـهُـم أربّـي اسـنـيـن.. و ادلال
ابـنـي طـبـع ابـــوه ، اســيــوف.. و ادلال
خـسِـف حَـط بيهه ابـو اچـفـوف السخيه

                                       *---------------*---------------*

اهـــل بــيــت وعـلـى كــل بــيــت.. نعله
وطــفــنـــه بــالـحـــزن جــبــريــل.. نعله
جــاسـم ، جــيــش امـيـه وشـسـع.. نعله

زعــل وبــزعــل شــدهــم عــالــوطــيــه

                                      *---------------*---------------*

يـعـيـنـي مـن مــســيــل الـدمـع.. لاذيـچ
عـلـى الـ مـن الـمـصـايـب عُـمـر .. لا ذيچ
انـسـبـيـت وبــعــد لا مـن هـــاي.. لا ذيچ

   لا زفـــتــــه ولا رد ابـــنـــي الــيّــــه

                                       *---------------*---------------*

  ✍️خادم الحسين ع
الشاعر سعد هادي الشمري

يا #أبا_الفضل


.      هــذا الـعـبــاس و مــعــروف زوده ابـيـمـنـاه
       و مــا خـابـت مـن نـادت زيـنـب واعـبـاسـاه

                *---------------*---------------*

       هــذا الــعــبــاس و لــو كــبّــر شـبـل الـكـرار
       تـصـطـف للموت ومـرعـوبـه ارگـاب الـكـفـار
       صال ومن صـال امن عـيـونـه يـتـجـادح نار

       يــتــجــادح نـار و يـاويـل لــ كـلـمـن عـــاداه

                  *---------------*---------------*

       يـا رفــعــة راس الاســلام الـمـاطـخ الــراس
       عباس وشـايـل وجـدانـه الـغـيـره ونـومـاس
       يــم اخـيـام اعيالـه انـشـوفـه ابهيئة عـبـاس

       بس لو صال وطـب لـلـعـسـكـر حيدر نـلـگـاه

                *---------------*---------------*

       جوده ونـحـره وطـبـرة راسه ومصاب العين
       وچـبـده الـمـتـوذر والظامي وگـطـع الـچفين        يـهـتـف كـلـهـن فدوه ايروحن لتراب حسين

       شـنـهـي الـدنـيـه ابـغـيـر حسين وذلـه ابلياه

                *---------------*---------------*

       مــا خـابـت مـن نـادت زيـنـب هـا يـا حـمّـاي
       هاك الـجـود اطفالك عـطـشـت ياضي عيناي        هـذا الـعـبـاس وبـيـسـاره شــد جــود الـمـاي

       و چــا مــا طـاح الـجـود ولوما گطعة يسراه

                *---------------*---------------*

       يـمحـجـب زينب بحجاب امن سيوف اوزان
       مركب سيفك چان وخصمك دمه الـطـوفـان        عـبـاس وبـالـحـومـه ابچفك موت الـفـرسان

       ياموت الـفـرسـان الـعـايـش دينه امـن ادماه

                *---------------*---------------*

       يبن الـكـرار وصمصامك تـشـهـدلـه اطفوف
       خاف الموت ومن لاگيته مات امن الـخـوف        شلت الدين شلون وعندك مگطوعه اچفوف

مـجـنـون الما يـنـجـن بـسـمـك لـمـن يـقــراه

                *---------------*---------------*

✍️خادم الحسين ع
الشاعر سعد هادي الشمري

#واضيعتنا_بعدك #يا_أبا_الفضل



.             رد حسين يـصـيـح بـعـبـره .. زينب زينب
              عباسچ عـفـتـه اعله الـغـبـره .. زينب زينب

                  يا حـزن حسين     بـعـد الــچـفـيـن

                                 زينب زينب

                       *---------------*---------------*

بـخـطـوة وقـار ويـاه حـزن   وبــظــهــره طـابــع چــفــه
ومو خوف حاشاه بـس ألم   بـچـفــوفــه بـانـت رجـفــه
ويخفيهه بـيده اشما هـوت   دمـعــة الــشـامـخ كــلــفــه
بـهـالـحـال ابـو الـيـمـه اجه   وطـب علـى اخــام الـعـفـه


              هـا يـبـن امي اتگله اسم الله .. زينب زينب
              لــ شيبك شموصلهه الـرمـلّـه .. زينب زينب

                  الـدم بيهه منين     بـعـد الــچـفـيـن

                                 زينب زينب

                       *---------------*---------------*

گـالـتـلـه اصـدلك شـو دمـع   بــجــفــون عــيــنــك نـازل
افـتـحـلـي گـلـبـك ياخــبــر   مـن الـنــهـــر بـــي شــايــل
گـلـهــه يـزيـنـب نــخــوتـچ   خـل تـنـسـه "يـا بـو فاضـل
خـويــه اسـتـعـدي للـسـبـي   طـاحــن اچـفـوف الـكـافـل

              والچنتي الشوف اتـسـمـيـنـه .. زينب زينب
              شـايل سهم المـوت ابـعـيـنـه .. زينب زينب

                  مــا ظلّت عـيـن     بـعـد الــچـفـيـن

                                 زينب زينب

                       *---------------*---------------*

گـالـتـلـه ما جبته اشعـجـب   بـيــن الـخــيــم وســطـتــه
گـالـلـهـه كـل وصلـه بـكـتـر   ويــطــيــح كـلـمـا شــلــتــه
وبـحـجـري انومه وما رضه   و اعـلــه الـتــرب وســدتــه
يـگـلـي يـزيــنـب بـالــذبــح   تــغــفــه بـحـجـرمـن انــتـه


              ايحاچيني من ايجود بنفسه .. زينب زينب
              خـجـلان من الـحـره لـهـسـه .. زينب زينب

                  وعد الـحـر دين     بـعـد الــچـفـيـن

                                 زينب زينب

                       *---------------*---------------*

گلب الـصـبـوره مـن الـخـبـر   ذاب بــمـــواجـــع صـــبــره
و الـعـلـگـمـي ومــايـه دمــع   صـــار اعـلـه جـفـن الـحـره
گــالـتـلـه يـحـسـيـن و بـعـد   گِــلــي اشـفـت عــالــغــبـره
گـالـلـهـه گـلـبـه و الــســهــم   طـلـعـن ســوه مـن ظـهــره

              كـلـمـاتــه بــآخـــر انـفـاســه .. زينب زينب
              والـعـامـود امـهـشـم راســـه .. زينب زينب

                  ايرد ظعنج وين     بـعـد الــچـفـيـن 

                                 زينب زينب

                       *---------------*---------------*

گـالـتـلـه يـحـسـيـن العطش   مــا كــســر حــزنــك رايـــه
گــالـلـهـه ظـل بــــارد گـلـب   بــعــده الــفـــرات ومــايــه
گـالـتـلـه والــرايــه . هـــوت   گــالـلـهــه وســفــه الـرايــه
الــويــاه فــوگ الـگــنــطــره   ظـلـت عــــــالـمــســنــايــه

              وما فـكّـر بـالـنـبـلـه بـگـلـبـه .. زينب زينب
              كـل تفكيره ايـوصـل الجربه .. زينب زينب

                  تـشـهـد زنـديـن     بـعـد الــچـفـيـن

                                 زينب زينب

                       *---------------*---------------*

مـو نـار بـدمــوع الـخــيــم   عـگـب الـگـمـر مــحـتــرگــه
والـضـيّـعَـت كـافــل خـــدر   لـو مَـر سـبـيـهـه شــتــلـگـه
گــالــتــلــه مــنــا و ابـتـدت   يـحـسـيـن خـويـه الـفـرگـه
وبدرب الـسـبـي ناگه ورمح بـاچـر يــصــيــر الـمــلــگــه

              باچر فوگ الناگه الـعـجـفـه .. زينب زينب
              وعـالـتـربـان انتم يـا وسفه .. زينب زينب

                  شمسوي الـبـين     بـعـد الــچـفـيـن

                                 زينب زينب

                       *---------------*---------------*

.      محرم¹⁴⁴⁶
✍️خادم الحسين ع
الشاعر سعد هادي الشمري

هوسات الانصار ع
هوسات انصار الحسين ع
.
.
اباب اخـيام زيـنـب صـاحـت انـصـاره
گـلـب حـسـيـن خـلـيـه تـنـطـفـي نـاره
عـلـى اظـهـور الشـگـر سـهـرانـه ثـواره
نـصـلـي الـفـجـر وانـهِـد لـلـظُـهُـر غـاره

         وانـبـرد گـلـب العـطـشـانـه

                                     *---------------*---------------*

يِـرِك الحـيـل بـيـنه وحـيلـه خَـل يگوه
الموت ويه الحسين شگـد حلو ويسوه
اظـهـور الخـيل تـفـرغ والــزلـم فــدوه
وكـل اســروج خـيـل انـصـاره تـتـلـوّه

        انموت ولا يصهل مـيـمـونه

                                      *---------------*---------------*

تركنه الحَـج واجينه حسين كـعـبـتـنـه
ويــولِــدنــه الـخـلـود ويــاه اذا مـتـنـه
الـسـبـط نگطة الـغـيـره الفـوگ گصتنه
يـهـيـبـتـنـه وحـبـيـب الـشـال رايـتـنـه

      انـطـيـح انـحـور وتعله الرايه

                                      *---------------*---------------*

الخيم عينه وفـده انـروح لنظر عـيـنـه
لــ وعــدنــه رايـــة الـعـبــاس شَـديـنـه
درب حــســيــن لــ ٱلْـجــنــة يـدلـيـنــه
وقِــبـلــه حــسـيـن لــ ٱلْبـاري يـوديـنـه

      حسين اصل الدين ويفروعه

                                      *---------------*---------------*

  ✍️خادم الحسين ع
الشاعر سعد هادي الشمري

السلام على أنصار دين الله



.           يحسين الك دمنه
                           يا مـوت اليـهـمـنه

                *-------------*-------------*

                          اتـسـمـيـنـه الك انصار
                          غـيـرك فـــــلا نـخـتـار
                          ريــحــانــة الـمـخـتــار

                           بصبـرك تِـحَـزَمـنـه

                *-------------*-------------*

                          حـــبــك عــبــادتــنـــه
                          وقــربــك كــرامــتــنـه
                          احـنـه لــشــهــادتــنــه

                           بـعـزمـك تـقـدمـنه

                *-------------*-------------*

                          من هَل صُبح عـاشـور
                          صرنه لـخـيـامـك سور
                          مرخـوصـه ليك انحور

                           نـهـجـك يـكـرمـنـه

                *-------------*-------------*

                          يـا ســيــد الــســادات
                          ويـا اعـظـم الآيـــــات
                          بـيـد الـعـده الـرايــات

                           تــهــوه اذا قـمـنــه

                *-------------*-------------*

                          مـنــذوره لـيـك ارواح
                          والـوحـي لحزنك نـاح
                          صوت النحر من صاح

                          بـحـبـك تـكـلَـمـنـه

                *-------------*-------------*

. محرم¹⁴⁴⁶
✍️خادم الحسين ع
الشاعر سعد هادي الشمري

#ابوذيات_لسان_حال_ام_البنين ع

.

    الـنـظـر وســط الــمــديــنــه.. واربــه عالطف
    وكُــبــر شــوفــي ابــصــورّه.. واربه عالطيف
    الـفِـكِـر بـحـســـيــن هــايــم.. واربعه الـطــف

    نــطــيــتــه . ويــــرد ســالــم ردتــــه الــيــــه

                            *---------------*---------------*

    الــگــلــب مــــا ربــه بــفــرحــه.. رابي عالهم
    وفــصـــول الــــنــــوح ولــــدي.. رابــع الـهـم
    اتــــلاثــــه انــطــيـت لـلــطــف.. رابــع الـهـم

    الــگــمــر ، وحـسـيـن ســمّــاه ظَــهــر اخــيــه

                            *---------------*---------------*

    طــيــف حــســيــن بــالـدمــعــات.. صــحــتـه
    كـــل ظــنّــي عـــــــدل وبـخــيــر .. صــحــتـه
    بِــشِــر مــن جـاب مــوت حـسـيـن.. صحت آه

    مــثــل صــيحــتــه بــطــيحــة چــف اخــيــه
                     
                            *---------------*---------------*

    انــخــســف بــدر الــهـواشـم حيـف.. مــا تــم
    و خــبـــر مـــوت الــوَلَـــد مــعـــنـاه.. موت أم
    اعــلــه ابــو فــاضــل يظل بـالــروح.. مـــاتــم

    لــحــد آخــــــــر نـــفـــس مــنــصــوب بــيـــه

                            *---------------*---------------*

  ✍️خادم الحسين ع
الشاعر سعد هادي الشمري

نعي لسان حال #العليلة_فاطمة بنت الحسين ع


              يـا حــال داري ابــلايـه ولــيــان
              الـچـان شـحـلاتـه بـوكـت الاذان
              چنت احس بيتي ضاوي الاركان
              مـهـيـوبــه بـيـن اتـلاثـة ٱخــوان

              وكت الصلاه مـن چـان يـحـضـر
              الـسـجـاده احـطـهـه لعلي الاكبـر
              الـسـكـنـوه هـسـه سـكـنـوا الـبـر
              مـظـلـم صـفــه الـلــــــــه ُ أكـبــر

              مـشـتـاگـه حيل لـوجــه الحسين
              وماعندي صـوره اعله الحياطين
              هـبّـة هــواهــم صــايــره مـنـيـن
مـحـتـاجـه نسمه اتنشف الـعـيـن

                *---------------*---------------*

. محرم¹⁴⁴⁶
✍️خادم الحسين ع
الشاعر سعد هادي الشمري

.


.                   مسلم رايـة حـگ بچفوفه
                    گـالـوه لـو تنگال الـكـوفـه

                         *---------------*---------------*

             الرسايل والصـفـوف انشگت ابعزمه
             طـلـع وبـصـولٍـتـه طـالـع علىٰ عـمـه
             عــاشــر سـوّه گـبـل الـعـاشـر بـدمـه
             اليطشره ابيمينه ابـيـسـرتــه ايـلـمـه
             كلمه الكـوفـه وحـسـيـنـه نطاه كلمه

                     بذيل الخـيـل يشد خـياله

                         *---------------*---------------*

             ابن عـم الگـمـر ، خـيّـال عـالـشـگـرة
             الشمس يم وجهه كلش بيّنت سمره
             درع ما لبس ماخذ عـالـحـرب شمره
             وبالكوفه الغروب ارض وسمه حمره
             جمره الفتنه والكوفه هـوىٰ بـجـمـره

                     انهَد ماي ومسلم طـفّـاهه

                         *---------------*---------------*

             غربـيـل الـحـسـيـن وبالـزلـم غـربَـل
             مـيـت عـطـش بـس بـغـيـرتـه امبلل
             طـاح ولَـمَـن طاح الـدنـيـه لا تـسـأل
             بالـكـوفـه انتهه سوگ الـوفـه وعـزّل
             مـقـتـل نقره لحـسـيـن ، وإله مـقـتـل

                     يقراه حـسـيـن بـدمـعـاتـه

                          *---------------*---------------*

             وصل طفّه الحسين وسال دمـعـاتـه
             وچادر عـزه لمسلم دگـهـه خـيـمـاتـه
             البده جندي لعلي مـن زغـر صـولاتـه
             على حـب الحـسـيـن اعلن نـهـايـاتـه
             لهسّا هوى الـكـوفـه ايـشـيـل رايـاتـه

                     البچّه ابن ازيـاد ومرجانه

                         *---------------*---------------*

             جيش العلگمي مـحـتـار بـصـفــوفـه
             مـسـلـم هـذا لـو عـبـاس الـيـشـوفـه
             واحـد گـال لـلـثـانـي الـنـهـر عــوفـه
             شـجـابـه لكربله الـعـفـنـاه بـالـكـوفـه
             ذكروا بيت طـوعه وصـولـة اچفوفه

                     واخـذوه عالـدم وعالغيره

                         *---------------*---------------*

.      محرم¹⁴⁴⁶
✍️خادم الحسين ع
الشاعر سعد هادي الشمري
 

*المستهل والمقاصير #رباطات

ياهيبة_أكبر ؟


.     انـشـافـت غِيره عالعين   دمـعـة المـنـبـر
      اسـمـي خـادم حـسـيـن   يا هيـبـه اكـبـر

              گـلـبـي   شاف العشِگ بـابـك
              دربـــي   مـتـوضـي بـتـرابـك

                            *---------------*---------------*

يَـسِر كل لـهـفـه بروحي
يگلك صوت اجـروحـي   الـك مـخـلـوقـه الـعـيـن

أنه العـرفـوني بـحـزنـك
عـشـگ ويـن يصح منك   جـمال الـكـون حـسـيـن

     يا مـحـبـوبـي ومو من عـمـري ايامك تنعد
     مـن عـام لعام امـتـانـيـهـه بـثـوبـي الاسود
     مـتـوارثـهـه الـخـدمـه من اهلي أباً عن جَد

      نــاذر دمـعـي إلك مــاي   يالباقي ظامـي
      من الحر ونّـتـي افـيـاي   لجسمك إمامي

              عيـنـي   منـذوره لِـمـصـابـك

                            *---------------*---------------*

تـجـي أيــــام الـخـدمـه
وأشِــد احــــزام الـهـمّـه   وخـدمـتـك مـا تـنـعـاف

سنـه لـهـالأيـام أحـسـب
وأنه اليشعر بـالـمـوكـب   ملك وبـعـرشـه انـشـاف

     دمعه انه وكل مـا مر حـزنـك بـهـداي اوگع
     ولـو مـا اخدملك بـالـمـوكـب مـشـاي اطلع
     وي رجـعـت ظعنك لخيامك يحسين ارجع

      آنــه الـمـا طـفـت يــوم   مـتـوجـره نـاره
      و أوصـلّـك بـالـهــمــوم   وكـت الــزيــارة

              تطـفـه   نـاري على اعـتـابـك

                            *---------------*---------------*

هوى امصـابـك متنفِّس
أحِب ونّـات الـمـجـلـس   من اونـهـه اتـلـث ونات

أظَـل خـــادم هـنـيـالـي
حبيبي وعشگـك غـالـي   اعــوفــك لا هــيــهــات

     يا أول حُب عـشـتـه بـعـمـري وغازل گلبي
     اتـعـبـلـك يـحـسـيـن ورايـد تـقـبـل تـعـبـي
     آنــه الـذاك الــ بٱحـضـان الـمـنـبـر مـتـربـي

      لــغــيــرك مـــا گـلـت لا   كلمة حـبـيـبـي
      وأسـمـك عندي مـعـنـاه   يا دنـيـه غيبي

              حـاضر   مـا يـخـطـر اغيابك

                            *---------------*---------------*

بـشـر  قــــرآن بـطـبـعـه
وگلب عبـاس يـجـمـعـه   ودمــــع زيــنــب تـقـراه

الملك تـحـچـيـه بـ الونّه
ونـهـر عَـسَـل مـن الجنه   لـحـلاتــه يـصـيـح "الله"

     هـيـچ اتـشـوفـك يابو الاكبر هـاي اعيوني
     چـاهـل بس اشـتـاگ لأسمك ويـعـرفـونـي
     من الكاروك، من ابچي بطرواك ايسكتوني

      مِـن كـاروكـي لـلـشـيـب   بالدمعـه دارس
      حافظ درسه عـالـغـيـب   حـزن المجالس

              مـوتـي   مـتـسـلّـبـه اثـيـابك

                            *---------------*---------------*

يـكـاسـر گـلـب الـزهـره
طبيعي لگلبي اتـكـسـره   العجب ، لامتني الـنـاس

الك مـا ينشف جـفـنـي
عـلامة حـبـي بـحـزنـي   الـكـسـر كـسر الاحساس

     اتـبـاوعـلـي الناس ومتـگـول العاشـر يمته
     من وجـهـي ايبيّن بعد اشگد واتطيح انته
     راسك عُـجبـه ويـقـرة الـقـرآن بـفـاتـحـتـه

      راسـك عـالـرمـح چــان   للـكـهـف يـقـره
      يـا دســتــور الاحـــزان   وسـيـد العَـبـره

              روحـي   تـنـشـاف مـحـرابك

                            *---------------*---------------*

.      محرم¹⁴⁴⁶
✍️خادم الحسين ع
الشاعر سعد هادي الشمري

السلام على #علي_الأكبر



.                گـلـبــي نــــاداك   يـالاكـبـر بــويـه
                 الـلــه ويــــــــاك   يـالاكـبـر بــويـه

                         رايـــد تـــروح   علي
                         مـاخـذ الـروح   علي

                        *---------------*---------------*

اسـم ابـوي، و وجـه جـدي   و ابـنـي الاكـبـر، كلهن انته
المثلك ايـودعــونـه يـبـنـي   اتـلـث وداعـات بـطـلـعـتـه
يا احچايه التـكـفـي حزني   وجـفـنـي مـجروح بدمعته
آنــه ابــن نـهـج الـبــلاغــة   والـبـلاغــة اهـنـا السـكـتـه

                 تـنــوصـف بيش   يـالاكـبـر بــويـه
                 وتـنـذبـح لـيـش   يـالاكـبـر بــويـه

                         بطولك اجروح   علي
                         مـاخــذ الـروح   علي

                        *---------------*---------------*

يـا عـلـي والـشـايـل اسمك   والـدفـنـهـه بـسر بـأجـلـهـه
وتـد هــاي الـخــيــم انـتـه   ومن تـطـيـح اتطيح كلـهـه
خــلــهــه الـعـيـون اتـلاگـه   وتـحـچـي بالنظرات خلـهه
وطــوّل بـلـحـظـة وداعـك   هـاي لـحـظـه الـمـا امـلـهـه

                 لـحـظـة اغـيـاب   يـالاكـبـر بــويـه
                 و الــگـلــب ذاب   يـالاكـبـر بــويـه

                         مهجتي اتنـوح   علي
                         مـاخــذ الـروح   علي

                        *---------------*---------------*

لـو وگـفـت اكبالي اودعـك   من احـضـنـك ويـن اشمك
وادري بـالـسـيـف ايتـعـنّـه   لـكـل مـكـان الـبـي ألـزمـك
خاف مـا توصل الـشـاطـي   يـا عـلـي ويــزيــد هــمــك
فــوگ وجـنـاتـك عـفـتـهـن   دمـعـتـي وي دمـعــة امـك


                 تـرتــوي ادمـوع   يـالاكـبـر بــويـه
                 وابقه مـفـجـوع   يـالاكـبـر بــويـه

                         دمعي مسفوح   علي
                         مـاخــذ الـروح   علي

                        *---------------*---------------*

يا عـلـي وخـيـمـات عمتك   نــار فـگـدك بـيـهـه تـلـهـب
ماينه النـعـطـشـلـه وجهك   شـوفـتـك مـو ماي نـشـرب
الـنـهـر خل تـبـعـد اجروفه   سِـحـر عـيـنـك يبني اعذب
والجربه خل تفرغ ابأسمك   تــرتـــوي خـيـمـات زيـنـب  


                 شـوفـتـك مــاي   يـالاكـبـر بــويـه
                 انــتـــه دنــيــاي   يـالاكـبـر بــويـه

                         اغلى الـجـروح   علي
                         مـاخــذ الـروح   علي

                        *---------------*---------------*

بـمـصـرعـك لــو شفت يبني   اجــروحـك بـنـزفـك تـدمـن
بحسـرتـي بـدمـعـتـي بهمي   مـن الفـرس للگاع اطـيـحـن 
احـتـار لـو ردت انـه اشيلك   وانـتـه بـس الـنِـفَـس والـوَن
كـتـر ارفـعـه يـطـيـح ثـانـي   اشـلــون لـلـخـيــمــات اردن

                 اجروحك اثگال   يـالاكـبـر بــويـه
                 صعـبـه تـنـشـال   يـالاكـبـر بــويـه

                         تـالـي مـذبــوح   علي
                         مـاخــذ الــروح   علي

                        *---------------*---------------*

.      محرم¹⁴⁴⁶
✍️خادم الحسين ع
الشاعر سعد هادي الشمري

موسم_الدموع


.    مجالس شـيـعـتـك     مــواسـم دمـعِـتَـك

                        يبن الـزچـيـه
                           
                              *---------------*---------------*

چــــادرك مـنـصـوب، عُــمــره ألـف واربـعـمـيـه
اعـيـون صـغـنـاهـه لـرقـيـه ســيــدي تــرچـيـه
وي خـيـمـكـم يـبــو الاكـبــر نـحـتـرگ لـيـلـيــه
الـخـادم بـــدگــات گـلــبــه تـنـسـمــع لـطـمـيــه

         انحَط عـالـخـيـم باب جـفـن النواظر
         واتـدگـهـه الـخـيـول بس بالـحـوافـر
         مـو عَـشـره يـحـسـيـن عِـدنـه الليالي
         بكل مـجـلـس انـشـاف للشيعه عاشر

      الجفن تـل زيـنـبـي     ومشه المدمع سبي

                        مثل السَـبـيـه

                              *---------------*---------------*

هذا حال الشيـعـه وادره بـشـيـعـتـك يـالـوالـي
لأن غـالــي عـدنــه حـبـك بـقــه دمـعـك غـالـي
عـشـگـك اول عشگ يبقه وعـشـگ غيرك تـالـي
عالي راس الـشـيـعـه لـنّـه بـرمـح راسك عـالـي

         مثلك مـنـو حـسـيـن ولـهـايــه سـوّه
         ظـامـي ولـچـن بـيـه ديـنــه ايـتـروّه
         وكـل مـا يـمـر عـام حـزنـه ايـتـجـدد
         چـن هـسـه مـذبـوح عـالـغـبـره تــوّه

     وحگ حزن الـگـمـر     ولَــزِمـتَـك لـلـظَـهَـر

                        العهد للمـنـيـه

                              *---------------*---------------*

يـابـو عـبـد الـلــه حـزنـك نَـفَـس عـايـش بيـنـه
غـيـر نـسـمـات الـمـجـالـس واللـه مـا شـمّـيـنـه
ظـامـي گـالـوا وابـمـصــابـك مـدمـع إلـتـمّـيـنـه
وبــثــوابــك نـهـر حـرگــه سـيـدي اتــبــدّيــنــه

         مثلك مـنـو اظـمـاه بـانـفـاسـه بـيّـن
         ومو بالحچي، امصاب يتسولف بوَّن
         عــنــدك گـلـب صـار گـاع الـحـوافـر
         وما لـحّـگ انـگـول بـجـروحـه خـزّن

     الگلب مِـن هـشّـمـه     حـوافــر لـو ظـمــه

                        مـن يـا رزيــه

                              *---------------*---------------*

حگنه من نـلـبـسـلـك اسود وابـحـزنّـه انـكـابـر
كل بـيـاض الـدنـيـه نحرك وانـگـطـع بالـعـاشـر
الطف صُبح ماضي وتعدّه وگالوا انسوا الصاير
ماضي حزنك صـح ولكن بي انشاف الـحـاضـر

         شما گـالـوا الـمـاي ظـعـنـك نـنـدبـه
         ونرسم بـالـدمــوع لـلـسـاقـي جربه
         انـتـه اول انـسـان حـاكـم نـشـوفـه
         اهـل الـسـمـاوات الـسـبـعـه شـعـبـه

     النطه الروح ونـزف     تـسـعـمـيــه و ألــف

                        لـرب الـبـريـه

                              *---------------*---------------*

وي صـلاة الـظـهـر نـحـرك صـار ذبـحـه لغـايـه
الـلــه راد الـجـنـــه لـجـلـك تـمـتـد امـصـلّايــه
حـسـيـن يا حـزن الطبيعه الما توصفه احچايه
الـهـوى يدگلك صـدره يـعـنـي مـن ترفلك رايـه

         وانته اللي گلـبـه مو ثـوبـه مِـتـرِب
         عـنـدك جـرح بـيـه ما فـكّـر الـطِـب
         وبعد الگلب چـان خنصر  يـمـيـنـك
         "وقف"  اعله العيون لمصابه نكتب

      وفـــاء لـهـالـجــرح     ونحر شاله الـرمـح

                        نقيم الـعـزيـه

                              *---------------*---------------*

✍️خادم الحسين ع
الشاعر سعد هادي الشمري

قصيدة لــ أم_البنين ع



.            عـاشـت الـطـف بـروحـهـه .. ام البنين
             اجروح الزچـيـه اجروحهه .. ام البنين

                        *---------------*---------------*

             ابيت الـفـحـول مـن العرب مـولـوده
             وامعلمه ابو فاضل يـضـحـي ازنوده
             التـلـچـمـهـه ساعات الهجوم السوده
             وي زينب ابـخـيـمـتـهـه ما مـوجوده

             مستحيه مـن مـذبـوحـهـه .. أُم البنين
             اجروح الزچـيـه اجروحهه .. أُم البنين

                        *---------------*---------------*

             عـاشـت احـداث الواقعه بأحساسهه
             ذبـلانـه چـن الـرمـح شـايـل راسـهـه
             كلما تـضـيـگ وتـخـتـنـگ انـفـاسـهـه
             يـعـنـي وگع چف مـن زند عـبـاسـهـه

             سـوط الـعـقـيـلـه ايلوحهه .. أُم البنين
             اجروح الزچـيـه اجروحهه .. أُم البنين

                        *---------------*---------------*

             مـسـدود بابـه وچـان امـان بـدارهـه
             بس الـخـيـم تـچـويـهـه لهبة نـارهـه
             تنشـد گـلـبـهـه زيـنـبـك شـخـبـارهـه
             واتحس حـبـل چتّف اديهه وجـارهه

             اتـخـاف المصيبه اتبوحهه .. أُم البنين
             اجروح الزچـيـه اجروحهه .. أُم البنين

                        *---------------*---------------*

             شما يجي اغروب وتفرش امصلايه
             تــشــعــر مـن الـقــرآن تــذبــل آيــه
             واتگول احس بالعطش ليش هوايه
             ما تدري عبد الله انـحـرم من مـايـه

             نوحت الثچله اتـنـوحـهه .. أُم البنين
             اجروح الزچيه اجروحهه .. أُم البنين

                        *---------------*---------------*

             ايمر اعله صـفـنـتـهـه السـبـط ليليه
             وتــذكـر بـنـاتـه ابـنـيـه بـعـد ابـنـيـه
             شلون ابحضنهه اتحط طفلته ارقيه
             ابـهـيـده بـأذنهه اتـلـبّـس الـتـرچـيـه

             للمحن صــارت سـوحـهـه .. أُم البنين
             اجروح الزچـيـه اجروحهه .. أُم البنين

                        *---------------*---------------*

             مـا هجعت الـدمـعـه بطوارف عينهه
             البسمتهه چانوا هـالـمـسـه امبچينهه
             ام الـبــنــيــن الاربـعـه امـسـمـيـنـهـه
             وعنهم فـلا نشدت تريد احـسـيـنـهـه

             الـفـرگـه صـــارت لـوحـهـه .. أُم البنين
             اجروح الزچـيـه اجروحهه .. أُم البنين

                        *---------------*---------------*

.      محرم¹⁴⁴⁶
✍️خادم الحسين ع
الشاعر سعد هادي الشمري

#السلام_على_فاطمه_العليله


. للنجم يحچي بـدمـوعـه   لـيـلـه لـيـلـه
قـصـة حسين بـرجـوعـه   لـلــ عـلـيـلـه

               بـدمـعـتــه الجفن
               يــرســم الـحــزن

                  لـيـلـه لـيـلـه

                              *---------------*---------------*

مـن طـلـع ظـعـن الأحـبـه   
فـاطـمـه الانـفـاس غـربـه    اتـمُـر عـلـيـهـه

الليل يـخـلـص دمـع كـلـه  
ومن تسـهـره شلون يحله   ابــلا ولــيــهــه

والـجـفـن قصه يـسـولـف  
بلكي حـزن الفاگده ايخف   مــن بـچـيـهـه

يحـچـي والـدمـعـات كلمه  
ايسـولف الهن نجمه نجمه   الـصـار بـيـهـه


  طـفـلـه بفراش الـمـدامـع   تشكي همهه
  والـجـفـن يـنـقـل مواجع   صـوت المهه

                تـشـتـكـي البُـعـد
                تــنــتــظــر يـــرد

                   لـيـلـه لـيـلـه

                             *---------------*---------------*

لـو نِـظـر جـفـن الـغـريـبـه  
نجمه يـم نـجـمـه قـريـبـه   كـل مــســيــه

على الخد الـدمـعـه سالت 
وابلا وعي فـاطـمـه گالت   يـــا رقـــــــيـه

ومن يـشـوف الـبـدر كامل  
يـاخـذه الهـم لـبـو فـاضـل   لـلــحــمــيــــه

ولـو بـده يـشـكـي الظليمه  
اتمر على النجمات غـيـمـه   الـغـاضـــريـــه


  تـنـتـظـر نـظــرة مـحـنّـه   ابعين ابوهه
  وتـنـچـفـي مـن الآه ونّـه   وما اجـوهـه

                عـالـجـفـن بـقـت
                دمـعـه مــا هِـدَت

                   لـيـلـه لـيـلـه

                              *---------------*---------------*

جفن فـاطم دمعه صـوتـه 
ويـنـتـظـر مـن قـبـل موته   يـصـيـر ملگـه

يـگـول ظـعن البهلي غـرَّب  
تِــرِد بـي مـهـيـوبـه زيـنـب   عطره اشهگـه

وامـنـيـه عـالـبــال وحــده  
يـوصـل وعـبـد الله مـهـده   حيل اشـبـگـه

راسـه عـالـي ودمعه عـالـي 
ويـحـضـن اتراب الـغـوالـي   العاش فـرگـه


  اوگـع وانـهـض ابـونـتـي   وگــوه اگـدر
  إي عـلـيـلـه وأنسه علتي   ابوجه الاكبر

                وابـشـوفـة الگمر
                اذكــــر الـگـــمـــر

                   لـيـلـه لـيـلـه

                             *---------------*---------------*

جـفـن فـاطـمـة الـعـلـيـلـه 
ايگـول للنجمه ابـمـسـيـلـه   عـنـدي والــــد

غــايــب وبـغـيـابـه طــوَّل  
ومدري ليش اعليه ما ظَل   گــلــبــي بــارد

امنيتي يرجع واشم عطره  
ســالــم ولا عـلـى صـــدره   شــمــر گـاعــد

اطـفـه كـون الـلـيـلـه يـمـه  
نـار دمــي وخـــــاف دمــه   بـنـحـره جـامد


  بصدره احس آنه بحناني   والمـشـاعـر
  خوفي لا هسه بمـچـانـي   ألـگـه حـافر

                أُمــنــيــة مـحـب
                يــنــقــل الـگـلـب

                   لـيـلـه لـيـلـه

                              *---------------*---------------*

ظـعـن بـي كـل سهر ليلي  
لـو يــرد ايـردلـي حـيـلـي   وانسه عـلـتـي

ظـعـن بـي شوگي ودلالي 
وبـي امـانـي وشكو غـالي   وبي ضحكتي

اشما سهر مر اعله عـيـنـي  
ويــنــفــرد بـيّـه حـنـيـنـي   اتـزيـد ونتـي

اتـسـولـف الصفنه الطويله  
ويــن چـنـتـي يـالـعـلـيـلـه   ووين صـرتـي


  حتى طيف اهلي جفاني   مــا يـمـرنـي
  الدمعه طـبـعـي وبلساني   آه يـحـزنــي

                اشكم حلم عشت
                بـــالـعـلـل مــتـت

                   لـيـلـه لـيـلـه

                              *---------------*---------------*

.      محرم¹⁴⁴⁶
✍️خادم الحسين ع
الشاعر سعد هادي الشمري

#محرم_الحسين #جرح_خادم



.  لـــو مــر مــحــرم عَـلَـي   يـشـغِـل ايــامــي الألـــم
   اتطيح انته وانه احترگ   خيط اعله طـرف الخيم

                        *---------------*---------------*

من ينحچي اسمك حُسَين   روح و جــســد اشــتــعــل
و يـــتــواردن بــالــجــمــر   گـلـبـي ٱويه مـهـد الـطـفـل
وانسبي وبـدمـوعـي احير   ٱمـن اتـخـيـل ايــتــام إلـك
و روحي! الحرم؟ ما دريت   يـاهـو الـمـشـت عــالـهــزل

          امبچي اعيون الـدنيه ابـفـلـسـفـة الـمـطـر
          اول عــطــشــان انـتـه واعـذب مـن نــهــر  
          ذرات اعـلــه الـرمــلــه يــا ريـــت الـنــظــر
          و يـلـتـم يــابـــو الـيـمــه اوســاده لـلـنـحـر

     مـجـلـسـك من يـنـعـقـد   واتـــون عـلـيـك الـخَـدَم
     اتطيح انته وانه احترگ   خيط اعله طـرف الخيَم

                        *---------------*---------------*

يـالـمــيــت ٱمـن الـعـطــش   مــيــت عــلــيــك الــعـطـش
صـــارن اجـــروف الــنــهــر   لـلــمـــاي بـــعـــدك نــعـــش
الـتــقــويــم يـم دمــعــتــك   مـــــا يـنـتـظـم يــخــتــلــف
مــن اول مـــحـــرم أحـــس   يــبــتــدي لـيــل اهــدعَــش

          وعــبـــاسـك ذاك اول ســقّـــاي وضــمــي
          رايـــــح راد بـگـبـره لــهــســه الـعـلـگـمـي
          تـوقـيـت الـطـف آنـه اللـحـظـاتـه انـتـمـي
          وعَـلَـگ الحضره اتشوفه سـاعـه بمعصمي

     لـحـزنـك الـدنيه اطلَعَت   من عـيـنـي طلعة سـهـم 
     اتطيح انته وانه احترگ   خيط اعله طـرف الخيَم

                        *---------------*---------------*

لــو طـحـت وكـت الــزوال   ويـهـيـم خــــــوف الـظـعـن
گـلـبـي وجــدم كـل يـتـيـم   شــــوك ودمـــه يــنــمــلــن 
ويـصـعـد بـروحـي العـذاب   صــعــدة دخــان الـخــيــام
مـن اسـمـع بـدرب الـسـبـي   إلــكــم حـــــرايــــر مــشــن

          خـلـي اعـيـونـي ابـابـك جــربـه لـكـافـلـك
          بلكي ادمـوعـي ايرون چـم عـطـشـان الك
          يــا اكـــرم خــلــگ الـلـــه ارحــم سـائـلـك
          ديــم آهــاتـي لـيــومـك جــيــت اتـوسـلك

     من كل مهم يا حـسـيـن   حــزنـك لـگـيـتـه الأهــم
     اتطيح انته وانه احترگ   خيط اعله طـرف الخيَم

                        *---------------*---------------*

بـعـاشـورك اســـود يـصـيـر   بـعـيـونـي وكـــت الـظُــهــر
وي ظَـهـرك اعلـه الـكـفـيـل   يـا بــــو الأيــمــه انــكِــسِــر
و فـوگ الـجـفـون الـدمـوع   تــشــمــر نـفــســهــه بــألــم
چن طـيـحـتـك يا حـسـيـن   عـــالاكــبــر مــــن الـــمُــهُــر

          حـزنـك رزق اعـيـونـي وخـيـري بـدمـعـتـه
          لـ ثــارك عــايــش تــدري بالــ ويـن ومـتـىٰ
          و روحـي لـغـربــة زيـنـب حــزن الـشـالـتـه
          احـسـاس الـكـافـل چنهه بطيحة جــربـتـه

     و بـگـبـتـك يـــا ذبــيــح   مــن يــبــدلـــون الـعَـلَـم
     اتطيح انته وانه احترگ   خيط اعله طـرف الخيَم

                        *---------------*---------------*

عمري انحسَب مـو سـنـيـن   عــمــري انـحـسـبـلـك دمـع
والا انـه يـحـسـيـن امــوت   كـلـمــا انـسـحـگـلـك ضـلـع
اســمــع الـنـــاعــي يـگــول   ثـنّـه اعـلـه صــدرك شِــمِــر
الـثـنـعـش طـبـره تــصــيــر   ابـگـلـبـي وحــزن يـنـگـطِـع

          يـالـبـجـروحـك ديـنـك يـحـسـيـن انـعـرَف
          قـبـل اوداجـك روحـي يـگـطـعـهـه الأسـف
          ذبحك طف، بس وِحده اتظَل وحدهه طف
          شـلـون اتــرد مـسـبـيـه قــافــلــة الـشــرف

     تـالـي الـحـرم تـنـچـتـف   جِـيْـد وچـفـوف وجِِــدَم
     اتطيح انته وانه احترگ   خيط اعله طـرف الخيَم

                        *---------------*---------------*

.      محرم¹⁴⁴⁶
✍️خادم الحسين ع
الشاعر سعد هادي الشمري

هلال_الدمع


.            مـن تِـهـل اتـهـل مـدامـع كـل نـظـر
             من مُـحـمَّـد الى الحُجه الـمـنـتـظـر

                يـا هِــلال احـــزان آل الــبــيــت

                   *---------------*---------------*

يــا هــلال اول مــحــرم  نــــورك يــجــدد ألــم
اگلوب شيعة علي من اتهل  تحترگ مثل الخيم
لألـم عـاشـورك وحـزنـه المـهدي عينه تبچي دم
تـرتـفـع بالسمه وظـامـي يـطـيـح شـيّـال العـلـم

             من تهل وانـشـوفـك ابوسط السمه
             يـعـنـي ثـگـلـت حـيـل ونت فاطمه

                بـالـبتـول الـطـاهــره اشـسـويـت

                  *---------------*---------------*

ابـيـوتـنـه الـچـنـهـه مـواكـب بالـمـدامـع تنفرش
صـوت نـاعـيّـك البـيـهـه اتـبـچـي آهـاته العـرش
حزنك يـجـمّـعـنـه صـرخه وعلى المنـبـر نِـنّـقـش
انذوب ونه ابـظـهـر ونه ارواح چن عودان عـش

             ننحني من انشوف طـولك مِنحني
             ننـهـدم وابـجـيـتـك انــرد نـنـبـنـي

                لـلـبـــواچـــي انــــرد اذا رديـــت

                  *---------------*---------------*

يـا هــلال اول مــحــرم نــزّلــت دمـــع الـنــبــي
تـطـلـع و ويـاك تـطـلـع زيــنــب بـدرب الـسـبـي 
ابـطـلـعـتـك يا نـار صحنه بينه حـيـل اتـلاهـبـي
بـطـلـعـتـك يـلـبـس الاسود كل غـيـور وكل أبـي

             تلبس الاسـود ابـيـوت الشيعـه الك
             يـا هـلال وحــزنــك يـغـطـي الفلك

                يجي لـشـيـعـة علي الهم لو جيت

                    *---------------*---------------*

مـن يهب ريحك عـلـيـهـه تـنـكـسـر كسرة غصن
ابيوت شيعة علي من اتهل تنملي اهـات وحـزن
و ابـونّـة الناعي وصرخـتـه الـمـدامـع تـمـتـحـن
و عـلـىٰ كـلـمـة آه يـزيـنـب واگفه ابـاب الـجـفـن

             كــل هــلال ايــفــرّح ولــمــن تـهـل
             يـرد بـيـد حـسـيـن مـذبـوح الطفل

                يـمـوت ظامي حسين لو ضوّيت

                   *---------------*---------------*

الشيعه بيك اتشوف زيـنـب تمشي للتل مسرعه
عين للخيمات تـربـي وعـيـن صـوب الـمـشـرعـه
ويـا هـلال حــســيــن چـفـه بـي اصـابـع اربـعـه
وللكفيل اتطيح جـربـه اچفوف يمهه امـگـطـعـه

             اتشوف نـوگ ابطلعتك هزله مشت
وفوگهه ارقيه اعله ابو اليمه بچت

وظهر الحسين اعله اخوه حنّيت

                    *---------------*---------------*

. محرم¹⁴⁴⁶
✍️خادم الحسين ع
الشاعر سعد هادي الشمري

سوطٌ أم هلال؟!



.              يـشـيـعـه المنحني بـالـســمــه الليله
               هـــذا اهـلال لــو ســوط الـعـقـيـلـه

                        *---------------*---------------*

               الهلال اتشوفه سـوط الليله العيون
               يهل وويـاه هـلـت دمـعـة ام عـــون
               اذا يـرتـفـع زرگـه اتـصـيـر الـمـتـون

               بـدايــه لكل مـواجـعـهـه الـطـويـلـه

                        *---------------*---------------*

               لشهر حزن الحـسـيـن اهـلال هالهَل
               بـزيـنـب يــعــنــي لـيـل الآه طــوّل
               يـگـلـلـهـه اسـتـعـدي لـوگـفـة الـتـل

               وجـفـن عـيـن الخدر ميجف مسيله

                        *---------------*---------------*

               مــحــرم اعـلـن الـلـيـلـه الــبــدايـــه
               مــعــنــاهـه يـشـيـعـه مــاكــو رايــه
               جــود الـكـفـل زيـنـب عـــاف مـايـه

               و وصـلـتــه للمـخـيـم مـسـتـحـيـلـه

                        *---------------*---------------*

               هلال الـبـيــه گـلـب حـسـيـن يسعر
               ومــن الميمون يـهـوه لحضن الاكبر
               الـچـبـيـر الـبـالـبــواتـر يبـدي يـزغـر

               جـسـمـه ويـصـعـب لخيمـاتـه شيله

                        *---------------*---------------*

               الـلـيـلــه تـعـلـه لأم جـسـام هــامــه
               بـسـيـف الـحـسـن تطلع والـعـمـامـه
               تــزف جـسـامـهـه لـنـصـرة عـمـامـه

               ومـن ايشوفه الحسين ايضيع حيله

                        *---------------*---------------*

               اهـــلال بـگـلـب زيـنـب خـلــه عـلّـه
               تـشـوف الـمـوت بي كـلـمـا تـصـدلـه
               يــم الــنــهــر يــهـوه الـفـضـل كـلــه

               وسبي يجيب الفجر من يگضي ليله

                        *---------------*---------------*

               حـضـروا اعـيـونـكـم لجل البـواچي
               المـوت بـخـيـمـة اهل البيت حاچي
               امن اعـمـامـة حسـيـن ولـلـتـراچـي

               تـسـلـبـهـه يـشـيـعـه الشـمـر خـيـلـه

                        *---------------*---------------*

.      محرم¹⁴⁴⁶
✍️خادم الحسين ع
الشاعر سعد هادي الشمري