« روضة الاشعار » Telegram 帖子

https://t.me/+2tozhR4lwaU3MTY0

https://t.me/+2tozhR4lwaU3MTY0

‍ #مجموعه_کانالهای_مدح_و_مرثیه

https://telegram.me/ganjine5

https://t.me/+2tozhR4lwaU3MTY0

🔶🔶🔶🔶🔶
🔶🔶🔶🔶
🔶🔶🔶
🔶🔶
🔶
#حضرت_زینب_س

من کَمند عشق دلداره گرفتار اولموشام
اول نگار مَهوشین عشقینده بیمار اولموشام


چَکمیشم عکس رُخون ذهنیمده هر صبح و مساء
چهرینه باخدوقجا مَحو حُسن رخسار اولموشام


روحیمین ریحانینه باخدوقجا روحیم دینجلر
هوشه که گَلم هاچان، گورَم گینه زار اولموشام


کیم دوام ایلر بو درد و محنته عالمده گور
کوه دَردم دردیله عالمده سرشار اولموشام


بلبل مهجوره بنزر حال احوالیم بو دم
غصّه و غمدن اودور طوطیِ گفتار اولموشام


عاشقم من، عاشق نالان شاه نشأتین
یانماقا سوز فراقینده سزاوار اولموشام


یار یاری دَهریده عشق و وفاسیندان تانیر
من بو عشقه اَللی اِیلدور که وفادار اولموشام


سالمشام یول هر دیارین کوچه و بازارینه
هر بلایه یارین عشقینده خریدار اولموشام


ایندی امّا راضیم درک اِیلیه پیک اَجل
چون حسینسیز بو حیاتیمدَنده بیزار اولموشام


شامیان سمت نگاره تا گوتورَم بیر قدم
مین قدم گورَم گَلوبدور من بدهکار اولموشام


بیر بیله دلبردن اَل اوزماخ مگر آسانیدور
اود دوتوب بو غمده قلبیم شعله نار اولموشام


وار نه غم بو صُون نفسده چَکسه بیر باش زینبه
بولمسوز که من نجّه مشتاق دیدار اولموشام


سایه لطفون سالار آخر بلالی باشیمه
چون بولور که درد هجریندن نه غم بار اولموشام


یادیمه گَلمور هاچان دنیاده دیلدن گولموشم
دورت یاشیمدا آشنای زخم مسمار اولموشام


ظلمیله محرابیده قانه باتوب مظلوم آتام
دیده گریان من او مظلومه پرستار اولموشام


دوغریاندا زهر کین قارداشیمین اکبادینی
مبتلای درد بی درمان و دشوار اولموشام


اوندا که دوندی دونرگَم کربلاده ظلمیله
ئولمیشم جان تاپموشام دنیاده تکرار اولموشام


دوتموشام شمرون چوخور یرده او قانلی خَنجرین
یاریمین آردیجا هر یرده پدیدار اولموشام


قارداشین عباسی نهر اوسته سوسوز ئولدوردولر
قارداشیم عباس ئولندن من علمدار اولموشام


چَکمیشم بیر عالمین عالمده درد و محنتین
یوخ حسابی، مبتلای درد بسیار اولموشام


هر نه که حَقّدن مقّدردی گَرک اولسون قضّا
ظاهراَ من دستگیر قوم بی عار اولموشام


قبریمون اوسته یازون اربابیمه بیر آغلیان
من عتیقم شاهیمه بیر عمر عزادار اولموشام


التماس دعا🙏.

بداهه سرایی در گروه شعرا و مادحین در تاریخ 1401/11/8
🔶
🔶🔶
🔶🔶🔶
🔶🔶🔶🔶
🔶🔶🔶🔶🔶
🔶🔶🔶🔶🔶🔶

🟥🟥🟥🟥🟥
🟥🟥🟥🟥
🟥🟥🟥
🟥🟥
🟥
#زبانحال_حضرت_زینب_س

کنار شامیده حالیم یاماندی آی قارداش
یئتیش هرایمه صَبریم تالاندی آی قارداش

بو آغلیان گوزومی تیکمیشَم گَلن یولوا
قراریمیز بولوسن که هاچاندی آی قارداش؟

بو صون نفسده حسین درک اِیله من زاری
یامان گونومدی یوبانما اماندی آی قارداش

نولار که زینبیده بیر حسین چی فَرض ائدَسَن
بئله خیال اِیله بیر آغلیاندی آی قارداش

کئچیر قرا گونومی عالم تخیلده
باجون خیالی اولوب چوخ زماندی آی قارداش

نه قَدر عکس رُخون من چَکیم باخیم یوزیوه
گلنده هوشه گوروم که یالاندی آی قاراش

او زینبم که فلک دَر به دَر ایدوبدی منی
دونوب دونرگَم، اورک یاندیراندی آی قارداش

بیزیم کیمین باجی قارداش تاپلماز عالمده
سالان بو حاله بو دور زماندی آی قارداش

قویوبلا گور کیمی حسرت کیمه بو عالمده
اِیشیم زمانه ده آه و فغاندی آی قارداش

داریخمشام اودی عرشه یئتوبدی افغانیم
فدا اولوم بو نجّه امتحاندی آی قارداش

سَنی هرایمه من سَسلیرم محبتدن
بو صون نفسده اورک بیر دولاندی آی قارداش

نه ائدوم که اهل شماتت چَکوبدی دوره مه صَف
بولار همان بیزه اول اَل چالاندی آی قارداش

شماتت اهلینی قویما دوباره اَل چالسین
هرایه گَل باجیوین باغری قاندی آی قارداش

یئتیرمیر اَل بیری تا قبلیه دونَم حتّی
دئیولّه قارداشی مشکل آچاندی آی قارداش

بیر آزدا صبر اِیلیون قارداشی اوزی گَلسین
بو که دئیور او شه اَلدن دوتاندی آی قارداش

شماتت اهلینه گورسَد منه اولان لطفی
ایشیم بو شامی لَریله اوزاندی آی قارداش

اوزون که یاخشی بولورسَن بولار شماتتده...
گَلوب همیشه او سبقت آلاندی آی قارداش

هنوز رشته امیدیمی اوزنمَمیشم
سَن ایسته سَن بولورم که اولاندی آی قارداش

دئمه کیمین سَسیدی قوزانوبدی افلاکه
چوخور یر ایچره سَنی آختاراندی آی قارداش

او دم که دوشمشودون مقتله یوزی اوسته
چُوردی آرخاسی اوسته هماندی آی قارداش

آچیخ دئیوم سوزی باشسیز جنازه وین اوسته
گَلوب نوایه او زلفون یولاندی آی قارداش

گَلنده قارداشیم عباسیده اوزونله گَتیر
اونوندا کاسه ی صبری جالاندی آی قارداش

خیامه گَلمدی سو اوسته واقفم مَنده
رقیه دن سویا خاطر اوتاندی آی قارداش

بیر آز قالاندا خیامه اَلّی بوشا چیخدی
هزار حیف یول اوسته دایاندی آی قارداش

بیر اَلسیزیله عمودین مگر نه نسبتی وار
نچّه یره او باشی پارچالاندی آی قاردش

او باش سیناندا سَسی یئتدی خیمه ده حرمه
او لحظه باشیمه دنیا دولاندی آی قارداش

دئیولله اصغریوی هوشه گئتمشیدی او دم
یوخودان اولدی هراسان اویاندی آی قارداش

رباب سَسلدی ای وای منه یخیلدی ایویم
اونوندا غملری دیل یاندیراندی آی قاردش

گَلنده سعی ایله دئسکینمیه دوباره بالان
بالان سو اوسته نه قانه بویاندی آی قارداش؟

بوغازینون او آخان قانینی گویه آتدون
همان او گویده کی رنگین کماندی آی قارداش

علی اکبریله قاسمی گَتیر شامه
اولاردا زینبه دیلدن یاناندی آی قارداش

قوجاتدلار بو ایکی نوجوان آنالارینی
نه ایلسونله او غم یاندیراندی آی قارداش

جوان اوغلی ئولَن غصّه مرگ اولار ایله
نه چون اورکدن او غم صبر آلاندی آی قارداش

شهید آنالارینا صبر ایسترم دایم
بو جمله زینبه ورد زباندی آی قارداش

عتیق آچمادی اَل هیچ زمان او غیره اگر
جهاندا سایه وه چون دالدالاندی آی قارداش


التماس دعا🙏

بداهه سرایی در گروه شعرا و مادحین در تاریخ 1401/11/1
🟥
🟥🟥
🟥🟥🟥
🟥🟥🟥🟥
🟥🟥🟥🟥🟥
https://t.me/+2tozhR4lwaU3MTY0

https://t.me/+2tozhR4lwaU3MTY0

🟨🟨🟨🟨🟨
🟨🟨🟨🟨
🟨🟨🟨
🟨🟨
🟨
#حضرت_اُمَّ_البَنین_س

کیمسه نه بولور که نجٓه ویرانه دیِ گوگلوم
دورت اوغلوم اولوب غملره کاشانه دیِ گوگلوم


سالدی باشیمی جُور فلک اوزگه بلایه
نِی تک گَلرم  صبح و مساء آه و نوایه
دیلدن اوجالار ناله سَسیم عرش خدایه
دایم یوزه گوزلردن آخار اشک روانیم
نینیم که باتوب قانینه دورت تازه جوانیم


دورت ماه جمالیم که منیم قانه باتوبدی
هر تک تکی مقصودینه عالمده چاتوبدی
نیسکیل بودی عباسیم اوزاخ لخدا یاتوبدی
گلمز غم و آلامی یانان دیلده شماره
سَرو قَدئیله گِئدی بالام خیردا مزاره


چوخ سعی اِیلدیم اولمادی عالمده سعادت
تا خیردا مزارین اِیلیم منده زیارت
جان اوسته اودور جوشه گَلور دیگ محبت
قانلی علمین ویرسا اگر قبریمون اوسته
مقصودینه نائل اولی بو قلبی شکسته


هر چند بو شهر ایچره واریم اِیل و تباریم
قالموبدی ولی دیلده منیم صبر و قراریم
عباسیدور عالمده نه چون دار و نداریم
عباس نه عباس، بوتون عالمه لنگر
ویردیم بالامی فاطمه نین اوغلونا نوکر


زینب دئیر آتدان یخیلان لحظه ده بیر باش...
سَسلندی آنام اِیندی یانیمدا اولا ای کاش
اطرافین او دم آلمشیمش بیر نچه اوباش
قولارین آچیبدور عوضیمدن اونا زهرا
معناده دیوب سینه مه گَل آغلاما سقا...


چوخ صحبت ایدوب دخت علی غملی چاقیندان
شرمنده دِیَر اولمادی اوغلون قوناقندان
زهرانین اوپوپ قانلی لبیله ایاقندان
عرض ایلوب آنا دورمشام اوز سوزلریم اوسته
لطف ایلمیسن قوی قدمین گوزلریم اوسته


بو فعل او بانویه دئمه جای عجبدی
زهرا او پیمبر قیزی دریای ادبدی
انسانی بو حَده یتیرَن اصل و نسبدی
مین دیل دِیوب عباسین او دم گوگلون آلوبدی
مندنده چوخ عباسیمه دنیاده یانوبدی


عباس غمین سایسالا گر گَلمز حسابه
چوخ درد و مصیبت یتیشوب قلب کبابه
بند اولمشوموش بیر ایاقی بند رکابه
السیز بدنی اِیسی قوم اوسته سورونوبدی
باشدان باشا اوز قانینه یرده بورونوبدی


نیسکیللَری دیلدن آلوری تاب و توانی
عرشه اوجالوب عرصه میداندا فغانی
گویاٰ چاغیروب دادینه شاه شهدانی
ایللَر بویی قارداش دئمدی قارداشا قارداش
قارداش چاغیروب اوندا ولی دیده ده قان یاش


تَل اوسَتن آلوب ناله سَسین خسرو ایجاد
قان یاش اَلیوب عارضینه سَسلنوب ای داد
القصه که عباسه او دم اِیلیوب امداد
بولمَم نه گوروب رنگی او گول تک سارالوبدی
قَدی بوکولوب آیری بیر احواله قالوبدی


اصراری واریمش آپارا خیمیه ساری
عباسه او آخر نفسینده اِیده یاری
بو فعله ولی مانع اولوب حال نزاری
اکبر کیمین ایستورموش او غم فرشینی آچسین
خیردا بالالار، قلبینه غم تیرینی ساچسین


شه نوکرینه گورسدوب اوز لطف و عطاسین
دیلدن اوجادوب گویلره بو غمده نواسین
میداندا هله آچمشمیش قانلی عباسین
عباس دیوب که خجیلم من حَرموندن
اخیامه آپارما منی لطف و کرموندن


غم شاه شهیدانین او دم صبرین آلوبدی
عباسیمه باخدوخجا دل و جانی یانوبدی
میداندا حسینیم اِو دم آواره قالوبدی
یانام اونون احوالینه تا جاندا واریم جان
باشی او قفادن کَسیلن سروره قربان


مدتدی عتیق ایلموسَن نوحه نگارش
عباس آناسیندان ایله بو مرحله خواهش
تا ایلیه عباسه سَنی، بلکه سفارش
حاجاتیوی قلبینده روا اِیلیه عباس
دردون نَدی قلبونده دوا اِیلیه عباس

التماس دعا🙏
🟨
🟨🟨
🟨🟨🟨
🟨🟨🟨🟨
🟨🟨🟨🟨🟨

🟩🟩🟩🟩🟩🟩
🟩🟩🟩🟩🟩
🟩🟩🟩🟩
🟩🟩🟩
🟩🟩
🟩
#حضرت_ام_البنین_س

ای نهر فرات اوسته اولان قانینه غلطان
عباس او گوزل نفسیوه جانیم اولا قربان


دشمنده دئیر فرصتی بیر ویرمَدی باده
ظاهرده او ساقی سویا اِیتمیشدی اراده
باطنده ولی نفسیله گئتمیشدی جهاده
اوجوندا گوتوردی سویا باخدی دیدی ای داد
تَل اوستَن حسین سَسلَدی اولسون ایوین آباد


احسن سَنه که اُولموسان اوز نفسیوه غالب
گورسَدمیسَن اهل دیله بیر صحنه جالب
عشاق حسین اولموش اودور عشقیوه طالب
دنیا نه قَدر وار اولا هر دَمده مقالون
اولسون آناوین زحمتی عباس حلالون


هر چند آنان درد و غموندن قوجالوبدی
عیب اِیلمز اصلا، باشیم عرشه اوجالوبدی
ایندی ولی جان اوسته گوزوم یولدا قالوبدی
گَل گوزلریمی باغلا منیم سون نفسیمده
قویما سیخلا روحیمی محنت قفسینده


جان اوسته نولار بیر من زاره چَکَسن باش
گل گور نجٓه هجروندن آخیر عارضه قان یاش
سَنله دیورم گوز گوزه جانیم چیخا ای کاش
وار دیلده نه غم؟ سایه وی گر باشیمه سالسان
سون دَمده من غمزده نین گوگلونی آلسان


جان اوسته هامی یوز چُوورَر بیت خدایه
من دوتموشام اُوز دیلده فغان کرب و بلایه
جان تاپشورام هیهات، یِتونجه سَن هرایه
گَل دوندَر عزیزیم آناوی قبلیه ساری
بی کس آناوا سُون نفسینده ایله یاری


صد حیف اولا که تاپمادیم عالمده سعادت
تا خیردا مزارون اِیلیم منده زیارت
ایندی گیدورم قبریمه قلبیمده بو حَسرت
قویما بو قالان فرصتی اوغلوم تَلف اولسون
داغلی اورکیمده منه جای اَسف اولسون


درک اِئت گیلَن ای جوهرهٔ عشق و محبت
یِئت داده که برپادی منه شور قیامت
بیگانیه، آلسان سَسیمی دیلده نه حاجت
لطف ائت بو بلالی باشیمی آل دیزون اوسته
تا آیرلا تندن، داخی بو طائر خسته


چَکدی آناوین جور فلک قلبینه داغلار
ذهنینده چَکر عکسیوی دائم باخار آغلار
گوز یاشینی پیوسته سولان عارضه باغلار
نقصان یری بو باره ده که قویمامشام من
بو آغلاماقیمدان هَلّه ده دویمامشام من


هر دم گَل رخساریوی که یادیمه سالام
اوغلوندان همان دَمده سَنون عطریوی آلام
باخدوقجا او رعنا قَدینه بُهتیده قالام
نینیم که سالار چیگنینه مَشکون، سینه داغلار
بیر اَلده علم وای بابام ای وای دئیر آغلار


دردیم نَدی قلبیمده بو دردی بولّن آغلار
اوغلی ئولنین حالینه اوغلی ئولّن آغلار
ناله سَسیمه قبریده اوغلوم حسن آغلار
من تک حَسنینده بَلشوب قانه بالاسی
ظلمیله دونوب یاسه او صحراده حناسی


هر کیمسه گلوب خاک بقییعدن گذر اِیلر
دورت قَبر که طرح ایلمیشم خونجگر اِیلر
اما بیری چوخ خیردادی جلب نظر ایلر
ای وای منه که کرب و بلاده بیچیلیبسَن
قربانین اولوم بویدان اودور که چیچیلیبسن


بو رسمیدی دعواده دَگر یاره وجوده
آخدوقجا یره قانی گئدَر حال سجوده
یانام من اورکدن ولی اول زخم عموده
مدتدی بو یاره آناوی فکره سالوبدی
الله بولور اَلسیز باشی نه حاله قالوبدی


ای کاش دُونه نهر فراتین سویی قانه
زینب دئیر اخیامه اولان دمده روانه
دورت مین اوخ آتان اَل آپاروب تیر و کمانه
مشکون اِیلیور دشمنین افکارینی اظهار
گویدن او یاغیش تک یاغیلوب مشکیوه اوخلار


دورت مین اوخ آتان بیر نفری دوتسا نشانه
بیردن هاموسی اوخلارینی ایتسه روانه
هردم بیری آیا دَگر اول جسمیوه، یا نه؟
صراف زمان یاره لرون سایسا سایلماز
غمدن داخی بی کس آناوین باشی آیلماز


تا وار نفسون دهریده یاز نوحه عتیقا
قویما چیخا اَلدن داخی بو فرصت اعلا
دنیایه چوخ آلانما قالوب کیملره دنیا
یومدی گوزینی عالمه نوحیله سلیمان
ایوبه دَه دنیاده چَکیلدی خَط بطلان

التماس دعا🙏
🟩
🟩🟩
🟩🟩🟩
🟩🟩🟩🟩
🟩🟩🟩🟩🟩
🟩🟩🟩🟩🟩🟩

‍ #حضرت_زهرا_س

‍ دوشوب مدینه ده سَس دختر رسول خدا
جهان عاریه آغلار گوزون یوموب گویا

بیری دئیور بو خبر اولمیوب موثق هَلَه
بیری دئیور بو خبر اولمیا اولا رویا

بیری دئیور خبرین اصلی اولماسیدی اگر
ویرلمازیدی یانان درگهه نشان عزا

خبر صحیحیدی ناله سَسی اویاتدی منی
علی دیوردی گوزون یومما ای گل طاها

سحر اولونجا یوخی گئتمیبدی گوزلرینه
نوا ایدوب بالالاری ایشخلانونجا هوا

حسن حسینه دیوب وای منه حسین حسنه
دِئینده اوخشاما هر دم که زینب کبری

آنا اولنده اوشاق فکر ایله نه حاله قالار
نه یاخشی عمرلری اولمادی بو غمده فنا

مدام آغلادیلار توکدولر یوزه قان یاش
علی ولی خدایله دورت صفالی بالا

کَسیلدی ناله سَسی عاقبت او ماتمده
دیدیم که غائله یتدی باشا، ولی مولا...

دوباره عرشه اوجاتدی نواسینی دیلدن
که یعنی قویما قالا فاطمه علی تنها

امام کون و مکانه او یوز وئرَن غمده
عبث دگور که دئسَم شور حَشر اولوب برپا

دئینده فاطمه یخدون نَدن علی ایوینی
ایویمی یخدی منیم ناگهان او غملی صدا

مدام سَسلدی تا سَس گَله او مظلومه
ولیک ویرمدی سَس، آغلادی ولی خدا

سیزلدیاندا او سیزقین سَسیله جان جهان
تعجبم که خراب اولمادی، نَدن دنیا

بیر آیری عالمیدی دودمان حیدرده
مسخر اولموشیدی آه و ناله سیله فضا

ویرنده غسلونی قالدی گینه همان حاله
او قاره معجرینی باشدان اِیلینده جدا

باخوب نه گوردی که نیلی اولوبدی رخساری
دولوبدی قان گوزینه حیدره قالوبدی خفٓا

دیوردی وای منه ناموسیمه اچوبدولار اَل
چَکنمیرم بو غمی شانینه دگوردی سزا

بو بس دگور که یاناندا قاپیم دوگلموشدی
نه لازمیدی دوباره او کوچه ده بو جفا

قباله اَلده بهانه اولوب او ملعونه
اولوبدی عقده سی خالی بدون چون و چرا

نجٓه مزارینه من تاپشیروم . رسول خدا
دئمز نه خاطره اولدی بو گول خزان آیا

او کسلری که #عتیقا سوزی اولوب مقبول
اولار یقین اِیله اِیتموب منیم قاپیمدا ریا

#بداهه سرایی در گروه شعرا و مادحین
۱۴۰۱/۱۰/۶

https://t.me/+2tozhR4lwaU3MTY0