#رسالة_من_يسوع

«إِذْ أَسْعَى إِلَى الْهَدَفِ، لِنَوَالِ تِلْكَ الْجَائِزَةِ الَّتِي يَدْعُونَا اللهُ إِلَيْهَا دَعْوَةً عُلْيَا فِي الْمَسِيحِ يَسُوعَ.» (في٣: ١٤)

"دَعْوَةً عُلْيَا"
بما ان الله العالِ فى كل شئ فلابد ان تكون دعوته لنا أيضاً "دَعْوَةً عُلْيَا"
يدعونا الى عرسه السماوى
يدعونا الى ان ننظر بهاء مجده الابدى
ويدعونا أيضاً ان ننتظر مالم تره عين او تسمع به إذن
ما أعده الله لمحبي اسمه القدوس
فهل يا صديقي قبلت الدعوه ؟
هل سعيت الى الهدف ؟
هل تنتظر جائزتك ؟
#رسالة_من_يسوع

(14 بابه 1741 ش)

«الْيَوْمَ، إِنْ سَمِعْتُمْ صَوْتَهُ فَلاَ تُقَسُّوا قُلُوبَكُمْ». (عب٤: ٧)

كل يوم بتسمع صوت ربنا مش كده !!
فى رسالة من الواتس ..
فى وعظه بالكنيسة ..
فى آيات بتقراها من الكتاب المقدس ...
صوت ربنا حواليك فى كل مكان
وعلشان ان القسوة طبع من طباع البشر
وبنستعمل الطبع ده مع ربنا
وعشان هو حنين وبيحبك بيحاول يوصلك صوته حواليك فى كل مكان بتروحه .

بتسمع صوته؟
بتميز هو عايز يقولك ايه؟
ولا بتقفل قلبك من ناحيته !!؟
أسمع صوته انهارده وكل يوم
وقوله :
انا واخد بالى
من صوتك يارب
وها أعمل كل ما بتحب
#رسالة_من_يسوع

(13 بابه 1741 ش)

.«فَقَامَ وَانْتَهَرَ الرِّيحَ، وَقَالَ لِلْبَحْرِ:«اسْكُتْ! اِبْكَمْ!». فَسَكَنَتِ الرِّيحُ وَصَارَ هُدُوءٌ عَظِيمٌ.» (مر٤: ٣٩)

كل واحد فينا عنده مشكله
وعلشان احنا اولاد الملك
لازم يبقى الملك ده
هو قائد سفينة حياتنا
ومن طبيعة البحر انه يكون هائج ،
بالظبط ذى العالم اللى احنا عايشين فيه كله إضرابات ومشاكل
محتاجين الفم الجميل والمبارك انه ينتهر الامواج العاليه ويسكتها وتمر السفينه فى هدوء عظيم
ايوه هو عالِم بحالنا
وعارف امتى ينتهر امواج مشاكلنا واضطرابات حياتنا
بس احنا نسلم له الدفة
دخل ربنا فى حياتك
سلمه كل مفاتيح امورك
وهو قائد عظيم
وها يعطى لحياتنا
هُدُوءٌ عَظِيمٌ....
#رسالةمن_يسوع

(12 بابه 1741 ش)

"مَرثا، مَرثا، أنتِ تهتَمّينَ وتَضطَرِبينَ لأجلِ أُمورٍ كثيرَةٍ، ولكن الحاجَةَ إلَى واحِدٍ". (لو١٠: ٤١-٤٢)
اهتماماتك ايه ؟
كورة.. سياسة ..
شغل .. افلام جديدة..
موضه جديدة ..
ماركات عالمية ..
اقتناء الاشياء ..
الخدمة ..
عاوز اقولك ان ربنا مش حابب ان دي تكون اهتماماتك الاولى ..
حتى لو كانت خدمة ..
ماهى مرثا كانت بتعمل خدمة عظيمة ......
عايز أقولك ....الزق فيه..
وخليه هو اول اهتماماتك..
علشان تعرف تمتع بيه وتشبع بيه
لان هو الشبع الحقيقي
#رسالة_من_يسوع

(11 بابه 1741 ش)

"قَالَ يَسُوعُ:«ارْفَعُوا الْحَجَرَ!».
(يو١١: ٣٩)

جواك مشكلة بقالها فترة؟
كبرت لدرجة إستحالة حلها!!؟
محتاج يسوع يحلها لك !!
مش كده...

أسمع كلمته وهو بيقولك
"أرفع الحجر"! ..... يعنى
-أظهر مشكلتك !
-أعرضها عليه !
-أكشفها ليسوع !
-أطرحها قدّامه !
حتى لو كانت مستحيل حلها
أعمل اللى عليك....

مر على لعازر أربعة أيام موت!!
كان إستحالة أنة يقوم !!
رب المجد ماعندوش مستحيل.....

أرفع الحجر
وأعمل اللى عليك
ربنا يقدر
من مشكلتك ينجيك
#رسالة_من_يسوع

(10 بابه 1741 ش)

" كُلُّ غُصْنٍ فِيَّ لاَ يَأْتِي بِثَمَرٍ يَنْزِعُهُ، وَكُلُّ مَا يَأْتِي بِثَمَرٍ يُنَقِّيهِ لِيَأْتِيَ بِثَمَرٍ أَكْثَرَ".
(يو ١٣: ٢)

.... لو انت فلاح تبقى عارف ان العصارة اللى بتمر فى الفروع هى نفس العصارة اللى جايه
من أصل الشجرة
وبتدى نفس الثمره
خلى بالك لو فيك عصارة ربنا عمرك ما ها تجف ولا تتعرض للقطع وثمرتك هى
ثمرة ربنا

أنَا فروعى قويهّ
وعُصارتي غنيهّ
فيها عُصارة حبي ليكْ
أَثبَتْ فيك
وتِثبَتْ فيَّ
#رسالة_من_يسوع

(9 بابه 1741 ش)

«الإِلهُ الَّذِي يُعَزِّزُنِي بِالْقُوَّةِ، وَيُصَيِّرُ طَرِيقِي كَامِلاً.». (٢ صم ٢٢: ٣٣)
حاسس إنك قوى ؟
يعنى نفسك قويه !!
طبعاً قوية بربنا !
سر الإحساس ده
علشان بالطبع فيه علاقة قويه بينك وبين ربنا ..
وطول ما العلاقة دى قائمةً
الإحساس دة ها يبقى موجود علطول ..
ويروح القلق والخوف..
والثقة فى ربنا بتزيد
يوم بعد يوم ...
البابا شنوده بيقول :
"النفس القوية لاتقلق ولا تضطرب ولا تخاف ولا تنهار ولا تتردد ، اما الضعيف فإنه يتخيل مخاوف وينزعج بسببها"
أمسك فــ ربنا والتصق
وهو بالقوة يعززك
#رسالة_من_يسوع

(8 بابه 1741 ش)

"اِبْتِدَاءُ الْخِصَامِ إِطْلاَقُ الْمَاءِ، فَقَبْلَ أَنْ تَدْفُقَ الْمُخَاصَمَةُ اتْرُكْهَا" (ام١٧: ١٤)

فيه مثل بيقول :
[ رش الميه عداوه ]...!

وده طبعاً كان زمان فى العهد القديم
وبالرغم من أن ربنا جعل المياه لينا حياه وسلام وليست عداوه
لكن برضه نخلى بالنا إننا نبعد عن المخاصمة والعداوة فبل ما تبدأ وتخلينا نفقد سلامنا وحبنا لربنا
يسوع بيقول "اتْرُكْهَا"
نعم أُترك المخاصمة وهى فى أولها أفضح إبليس وفوت عليه الفرصة والخطة اللى عملها لِك علشان تخاصم أخوك ويكون هو الفائز وأحنا اللى خسرانين
خسرانين سلامنا
خسرانين أخواتنا
خسرانين محبة ربنا لينا

أسمع الكلام
ومن أول الخصام
أكسب أنت السلام
"اتْرُكْهَا"
#رسالة_من_يسوع

(7 بابه 1741 ش)

«اُطْلُبْ لِنَفْسِكَ آيَةً مِنَ الرَّبِّ إِلهِكَ. عَمِّقْ طَلَبَكَ أَوْ رَفِّعْهُ إِلَى فَوْق».(آش ٧: ١١) ...

جرب تبص للسما وترفع قلبك
جرب تطلب حاجه وانت عندك إيمان انها تتحقق
هو بيسمع من قبل ما تتكلم
هو بيحس من قبل إحساسك انت
اطلب من قلبك قبل لسانك
اطلب من ابوك السماوى
من غير خجل ولا خوف
أكيد أكيد
طلبك ها يتحقق
بس انت اطلب بعمق
وارفع طلبك لفوق
#رسالة_من_يسوع

(6 بابه 1741 ش)

فِيهِ كَانَتِ الْحَيَاةُ، وَالْحَيَاةُ كَانَتْ نُورَ النَّاسِ، (يو ١ : ٤)

(( إن نور المخلص ليس لمحة عابرة لخلاص مؤقت من الظلمة ، ولكنه نور ينبع من الحياة ويصب فى الحياة ، فتجديد الحياة هو محور عمل النور بل وغايته أيضاً . إن ضياء الرب هو نعمته التي ترافق من قبلوها ظلا ملاصقا لحياتهم .))
حياتنا هى فى ربنا
وهو منور حياتنا
وطول ما احنا معاه حياتنا دايماً فى تجديد مستمر
لان هو ده هدفه لينا
نصلى ونقوله :
نور حياتنا بنورك يارب
وفيض بنعمتك علينا
واملأ نا من خيرك
#رسالة_من_يسوع

(5بابه 1741 ش)

«الْحَائِدُونَ عَنِّي فِي التُّرَابِ يُكْتَبُونَ، لأَنَّهُمْ تَرَكُوا الرَّبَّ يَنْبُوعَ الْمِيَاهِ الْحَيَّةِ».(أر ١٧ : ١٣)

عندما تشعر انك فى مأزق ، بلا امل ، وبلا رجاء ،
او عندما تشعر بالخوف ،
لا تفزع ، او تتوتر ،
عليك فقط ان تتذكرنى ولا تبعد عني
لانى اكبر من كل ظروفك ،

وعندما تحتاج الى معجزة فقط اسألني ببساطة :
"ماذا تريد يارب ان افعل ؟"

وعندما تعمل ما أريده منك استمر اكثر واكثر فى الثقة بي
وقتها سوف تتلاشى عنك ومنك جميع مخاوفك
فقط اطلبني
#رسالة_من_يسوع

(4بابه1741 ش)

"هأَنَذَا صَانِعٌ أَمْرًا جَدِيدًا. الآنَ يَنْبُتُ. أَلاَ تَعْرِفُونَهُ؟ أَجْعَلُ فِي الْبَرِّيَّةِ طَرِيقًا، فِي الْقَفْرِ أَنْهَارًا."(آش٤٣: ١٩)

من كتر المشاكل والمضايقات
إللي بتحصل كل يوم
سواء فى أعمالنا أو حياتنا اليوميه العاديه
إن أحنا بنوصل ببعض المشاكل لطريق مسدود
وبننسى إن فيه أب حنون وآله ضابط الكل يقدر يعمل كتير ويغير كتير
ألجأ اليه ... ها تتغير حياتك
هو يقدر يعملك بدل الطريق
ألف طريق
بس أنت صدق
... صدق إنه يقدر
... صدق إنه يغير
... صدق إنه يحل
وقبل ماتوصل لنهاية الطريق المسدود هايكون فتح لك
ألف طريق
#رسالة_من_يسوع

(3 بابه 1741 ش)

"لأَنَّ الرَّبَّ إِلهَكَ يُبَارِكُكَ فِي كُلِّ مَحْصُولِكَ وَفِي كُلِّ عَمَلِ يَدَيْكَ، فَلاَ تَكُونُ إِلاَّ فَرِحًا.".    (تث ١٦: ١٥)

كل حاجه انت بتعملها
وكل عمل انت بتقوم بيه
وربنا واقف معاك فيه
علشان بتقدم مشيئته
يبقى العمل ده  بينجح
ونتيجة النجاح ده
أنك تكون  فرحان  باستمرار
فرحان ببركة ربنا
بركة ربنا
فى عملك
وفى حياتك
وفى اسرتك
وفى مالك
وفى كل ما تمتد إيدك اليه
هو هايكمل نجاحك
ونجاح مشروعك
بس هو عايزك تكون دايماً
فرحان وبس
فرحااااااااان وبس
         #رسالة_من_يسوع

(2 بابه 1741 ش)

"لاَ تَخَفْ مِنْ وُجُوهِهِمْ، لأَنِّي أَنَا مَعَكَ لأُنْقِذَكَ، يَقُولُ الرَّبُّ». (أر ١: ٨)

ايه معنى الخوف ؟
أنك تشوف منظر مرعب!! مايعجبكش تخاف منه!!
بالبلدى كده [تتخض]..
ماهو إبليس عايز كده ..
عايزك دايما مرعوب وخايف
وتفقد سلامك وتتأثر وتأثر على اللى حواليك لان الخوف ده معدى ...
ويحاول يغير شكله وشكل أعوانه علشان يخوفك ..
وكل مره يطلعلك بقصه جديده مخيفة إن كان أرهاب ولا تفجير ولا حتى قتل وتهجير
ولاد ربنا ما بيخافوش !!
لأن ربنا معاهم وهاينقذهم
وكلامه صدق ووعد مش هاينساه
بس أنت خليك واثق فى كده
وأتمسك بيه وهاتشوف وجوههم من غير خوف
لأن اللى واثق فى ربنا
ياما هايشوف ........
#رسالة_من_يسوع

(1 بابه 1741 ش)

“مُكتَئبينَ في كُلِّ شَيءٍ، لكن غَيرَ مُتَضايِقينَ. مُتَحَيِّرينَ، لكن غَيرَ يائسينَ. مُضطَهَدينَ، لكن غَيرَ مَتروكينَ. مَطروحينَ، لكن غَيرَ هالِكينَ. حامِلينَ في الجَسَدِ كُلَّ حينٍ إماتَةَ الرَّبِّ يَسوعَ، لكَيْ تُظهَرَ حياةُ يَسوعَ أيضًا في جَسَدِنا.” (٢كو٤: ٨ - ١٠)

مؤثر في الضيق؟
ولا بتتأثر من الضيق؟
ياترى في الأوقات الصعبه بيبقى ايه موقفك ؟؟
بتقف تصلي وتهدي اللي حواليك بكلام حكمه وتعزيه ؟
ولا بتشتت الناس وتعمل بلبله بالكلام السلبي..
خليك مؤثر بروح المسيح في الاحداث الصعبه .
متخليش الاحداث هي اللي تبقى صعبه عليك..
لأننا وارد جداً نحزن ونضعف ونمر بأوقات مش حلوه
لكن .. فى كل موقف
خليك مؤثر
#رسالة_من_يسوع

(30 توت 1741 ش)

"اعْرِفِ الرَّبَّ، لأَنَّ الْجَمِيعَ سَيَعْرِفُونَنِي مِنْ صَغِيرِهِمْ إِلَى كَبِيرِهِمْ" (عب٨: ١١)

كلنا تقريباً خدام ....
أقرا دى كويس .....
لو قابلك طفل فى الشارع أنت عارفه وعارف أبوه كويس..
وقالك :
لو سمحت ياعمو وديني لبابا
وأنت طبعاً صاحب شهامه وبسرعة وهمه وديته
ماأنت عارفه وعارف أبوة كويس
وبتبقى فرحان
وفرحت الطفل ده معاك
... ده بالظبط اللى بيحصل فى خدمتك
أنت عارف ولادك كويس وعارف أبوهم أكتر وعارف توصلهم كويس ...
لو انت بقى ياحبيبى ماتعرفش أبوهم كويس هاتوديهم فين ؟!!!

ذاكر..أحفظ..وأتغصب
جاهد..أتعب..وأهتم..
وأعرف أبوهم وأبوك كويس
أدخل في عشره حقيقية معاه
علشان تعيش أنت وهما وياه
#رسالة_من_يسوع

(29 توت 1741 ش)

« لِنَفْحَصْ طُرُقَنَا وَنَمْتَحِنْهَا وَنَرْجعْ إِلَى الرَّبِّ.». (مراثى٣: ٤٠)
مستنى قرارك مستنى لقاك
ﻣﺴﺘﻨﻰ ارجع ﻣﻜﺎﻧﻰ ﺍﻻﺻﻠﻰ
ﻣﺴﺘﻨﻰ أعيش ﺟﻮﺍﻙ

ﻣﺴﺘﻨﻴﻚ تضحك ﻣﻦ ﺗﺎﻧﻰ
ﻭﻳﺨﺘﻔﻰ انسانك ﺍﻟﻠﻰ ﺑﻴﻌﺎﻧﻰ

ﻣﺴﺘﻨﻴﻚ متتأخرش ﻋﻠﻴﺎ
ﻋﺎﻭﺯ ﺍﻓﻚ ﻛﻞ ﺍﻟﺴﻼﺳﻞ ﺍﻟﻠﻰ ﻑ ﺍﻳﺪﻳﻚ ﺩﻳﺎ

ﻋﺎﻭﺯ أشوفك ﻏﺼﻦ ﺛﺎﺑﺖ ﻓﻴﺎ
ﺷﻜﻠﻪ أخضر ﻭﺟﻤﻴﻞ
ﻭﺛﻤﺮﺓ ﺑﻴﻄﻠﻊ ﻑ ﺍﻟﻤﻌﺎﺩ

ﻋﺎﻭﺯ ﺍﺷﻮﻓﻚ إنسان ﻗﻮﻯ
ﻣﺶ ﺑﻴﺤﺮﻛﻚ ﻋﺪﻭﻙ ﻭﻛﺄﻧﻚ ﺟﻤﺎﺩ

عايز اشوفك بطرس بالرغم من انكاره ليَّ
وفى الاخر بطل عناد

عايز اشوفك بولس لما كان شاول
وفى الاخر كان بيشهد لى فى اخر البلاد

عايز أعيش فكل خليه فيك
عايز املأ كل الفؤاد

يالا حبيبى ﻣﺴﺘﻨﻴك
وكلى أملى فيك
#رسالة_من_يسوع

(28 توت 1741 ش)

تعليق وتوضيح
تقييم الإنسان لنفسه يعتمد على التواضع والاعتراف بأننا جميعاً خطاة بحاجة إلى نعمة الله.
القديسون لا يُعتبرون مثاليين بسبب أعمالهم، بل لأنهم اعترفوا بضعفهم واعتمدوا بالكامل على محبة الله ورحمته.

القديس بولس الرسول مثلاً قال: “لأنني لست أعرف شيئًا في ذاتي لكنني لست بذلك مبررًا” (1 كورنثوس 4:4)،
مما يوضح أن حتى أعظم القديسين يعتمدون على الله ليقيموا حياتهم. التواضع أمام الله هو المفتاح، وليس مقارنة أنفسنا بالقديسين، لأنهم كانوا يعترفون هم أيضاً بحاجتهم المستمرة إلى الله.

فلا يمكن لأي شخص أن يحكم بشكل مطلق على مدى صلاحيته، بل الأفضل هو أن نتجه إلى الله بالصلاة والتوبة، ونطلب من الروح القدس أن يرشدنا.
ربنا معاكم

"وَأَفْعَلُ بِكِ مَا لَمْ أَفْعَلْ، وَمَا لَنْ أَفْعَلَ مِثْلَهُ بَعْدُ، بِسَبَبِ كُلِّ أَرْجَاسِكِ".(حز٥: ٩)
معلش ....
صعبه شويه دي

(ممكن ماتكونش ليك انت)

لو ماشي فى طريق
مش بتاع ربنا
لو بتسبب عثره فى الخدمة
لو فلوسك من مكان وحش
لو.....
لو .....

حاسب اوعى تكمل ....

لو الطريق اللى انت ماشي فيه طريق ( صعب شويه)
ارجع بسرعه وماتفكرش
أحسن النتيجه صعبه
_ربنا ها يسامحك_
_وينسى كل هفواتك_
_بس انت ارجع_
#رسالة_من_يسوع

(27 توت 1741ش)

"وَلاَ يُصْغُوا إِلَى خُرَافَاتٍ وَأَنْسَابٍ لاَ حَدَّ لَهَا، تُسَبِّبُ مُبَاحَثَاتٍ دُونَ بُنْيَانِ اللهِ الَّذِي فِي الإِيمَانِ." (١تيمو١: ٤)
كل ما كترت التجارب
كل ما كترت الخرافات
نلاحظ ناس كتير عماله تكتب (العدرا ظهرتلى)
(لاقيت شعره فى الانجيل)
(المسيح كلمنى)
(ومباحثات وحكايات وصور وفيديوهات مفبركه)
كلها ذى ما بتقول الآيه
دُونَ بُنْيَانِ اللهِ الَّذِي فِي الإِيمَانِ.
فين ربنا وفين ايمانك وفين علاقتك معاه
اوعى تنجرف ورا الخرافات والمباحثات اللى بتضيع الوقت وتضيع فرصة لقاؤك مع إلهك فى مخدعك
خلى ايمانك بربنا كبير
يسوع المسيح أب وحنين قوى ومش منتظر من اى حد أنه يثبت وجوده أو مجده انت الوحيد بعلاقتك معاه عارف مين هو
احذر انك تبعد عنه
احذر ألاعيب عدو الخير
اللى بيتفنن أنه يبعدنا عنه
صلى باستمرار واطلب مراحم ربنا وهو هايديلك الامان
#رسالة_من_يسوع

(26 توت 1741ش)