"Biology 🧬 "Third Scientific

🤎!

"Biology 🧬 "Third Scientific pinned «⁣السلام عليكم ورحمة الله وبركاته.. دردشة بسيطة.. طلاب الشهادة وين واصلين فالمنهج؟ ولو كنت مش طالب/ة ما المحتوى الذي ترغب في متابعته؟»

-

يوجد شرح قديم ليا لبعض الدروس شوفي المثبت يا لطيفة
بس باعتباره أبسط وحدة حنحاول ندير سلسلة فيديوات بسيطة في أقرب وقت 🤎

⁣💌 وصلتك رسالة جديدة
⏱ وقت الرسالة: 2024/11/04 - 07:10:41 PM
----
اقسم بالله نفس حالتي هي
كلهم بيكملوا الباب التاني بنويت فصلي واني حاصلة في الأول 💔💔💔💔
----

- تبرع لإستمرار عمل بوت صارحني 🎁

⁣💌 وصلتك رسالة جديدة
⏱ وقت الرسالة: 2024/11/04 - 07:09:53 PM
----
السلام عليكم مرة تانيه ياريت توصل رسالتي للبنت اللي تبي تخش علم نفس وعيلتها معارضين. جربي تشوفي مجال التغذية العلاجية ليه علاقة بالصحة النفسية وعلم النفس تخصص جميل جداً وتابع الطبيات ,ديما يعطوا ف نصائح وتقريبا ليه عدة تخصصات وفروع تقدري اديري عليه دورة وتبحثي عليه وموفقة أينما كنتِ❤
----

- تبرع لإستمرار عمل بوت صارحني 🎁

يوجد شرح بالطبع 🤎
أبشري، جربي وقوليلي

⁣💌 وصلتك رسالة جديدة
⏱ وقت الرسالة: 2024/11/04 - 07:03:55 PM
----
ما نحسابش فيه عندك شرح، تو نشوف نحاول نرغم روحي نقرا المادة ونشوف من شرحك
----

- تبرع لإستمرار عمل بوت صارحني 🎁

الدفعة اللي خلتني نجري وما ندري بش نرتب المنهج 🤣🤎

⁣💌 وصلتك رسالة جديدة
⏱ وقت الرسالة: 2024/11/04 - 06:54:30 PM
----
طالبة من دفعة رتبيلنا المنهج يا ريم 🌝
مش قادرة نطلع من القناة لتوا😭🩵
----

- تبرع لإستمرار عمل بوت صارحني 🎁

والله وبالله وتالله لولا الظروف وانشغالي الدائم هذه المدة بالامتحانات من اليوم نشرح ونحاول معاك لين تحبي المادة!
مش عارفة كيف نساعدك تحديدًا ولكن تواصلي معاي حنعطيك معرف حسابي لعلّ نجد حل للموضوع 🤎

قناة ريم بايولوجي مجانية كليًا..
حتلقي شروحات موجودة أغلبها
وكذلك أسئلة سنوات وتمارين وكوزات
شوفي المثبت لعلّ يساعدك فالبحث وفهم المحتوى
فكي العقدة بالشوي عليك وبعون الله تتيسر

⁣💌 وصلتك رسالة جديدة
⏱ وقت الرسالة: 2024/11/04 - 06:54:08 PM
----
https://t.me/rem_Biology/7525


أغلب معلمي الأحياء اشتراك وما عنديش قدرة حاليا فنحاول نقرا بروحي
فشن برايك حاجات نقدر نديرها تحسن من جودة قرايتي فيها؟ لأن جايتني عقدة منها وأنا اكتشفت إني مش قاعدة نجرب نحبها
----

- تبرع لإستمرار عمل بوت صارحني 🎁

الأسباب مش منطقية كون العائلة متبيش تطلع من نطاق الطب والهندسة!
بتندمي لمَ؟
اسمعي الأسباب ثم قرري مستقبلك حيكون ليك وحدك والندم من طرفك فقط حيكون.
لعلّ عائلتك لها ردود منطقية خلاف السبب الغير منطقي
الله يكتبلك الخير ويرزقك بالخير 🤎

⁣💌 وصلتك رسالة جديدة
⏱ وقت الرسالة: 2024/11/04 - 06:33:41 PM
----
علم النفس اخترته بأسباب منطقية تناسب شخصيتي وتناسب ميولي ووضعي الصحي برضو وقعدت راهو فترة طويلة ندرس في الموضوع من جميع النواحي وصليت استخارة بس قاعدين يحاولو يقنعوا فيا نغير لأن في عيلتنا ماعندناش حد تخصص هكي عندنا الطب والهندسة الإقتصاد والقانون مايبونيش نطلع من الدائرة هادي
يبوني في الطبيات يبوني نكون دكتورة ولا مهندسة ولا محاسبة واني هذا كله مانبيشي وهما مصرين يقولولي بتندمي بعدين ره
----

- تبرع لإستمرار عمل بوت صارحني 🎁

ومن زيهم دفعتين شافو اللطافة هادي🤎!

⁣💌 وصلتك رسالة جديدة
⏱ وقت الرسالة: 2024/11/04 - 06:38:04 PM
----
اني من دفعة 2005 و 2006 مخضرمة بسلامتي عاصرت دفعتين🤣❤️❤️❤️
----

- تبرع لإستمرار عمل بوت صارحني 🎁

أنرت 🌸

⁣💌 وصلتك رسالة جديدة
⏱ وقت الرسالة: 2024/11/04 - 06:37:52 PM
----
الغرسة قاعد فالقناة حتهوا🦦
----

- تبرع لإستمرار عمل بوت صارحني 🎁

فترة قصيرة -إن شاء الله- تمر بخير عليا بخير؛ ونعطيكم وحدة عُدنا للمحتوى مجددًا🔥!

خليكم جاهزين يا رِفاق..

كلنـا محتـاجيـن إلى أعمال وحسنـات باش الإنسان يوم غدوة يلقى عنده .


تخيـل إنك تجيـك الحسنات لعندك بدون أي تعب ، وتكون ليك صدقة جارية .

تخيل إنك تكون ساهمت بدينار سهلت بيه على الناس ودعمتهم حيكون ليك أجر ، فمابالك إنك تكون ساهمت في حق مصحف وكتب دينية .

فالهمه يا أصحاب ، الموسوعة قبل فترة دارت مسابقة ، وتحاول إنها توصل لمبلغ معين حتى توصل الجوائز لـجميع المشاركين داخل ليبيا .

تبـرع حتى بـدينار على الرقم هذا :

-مدار 0931560753

أو إنك تبي تقدم أي شي ثاني ، تواصل مع هذا :

@Edjai11


ونشر للبـوست بس حيكون ليك أجر بإذن الله ، لحديث الرسول صلى الله عليه وسلم
: "من دلَّ على خير، فله أجر فاعله"

ونسأل الله أن يبارك فيكم

#كتاب_التدريبات_الوحدة_الأولى
أ. رهام البشر.

@rem_Biology

السلام عليكم ورحمة الله على قلوبكم..
زي ما وعدتكم البوست هذا خاص بدفعة الـ2007

كيف حال الدفعة الجديدة يا تُرى؟
وجاهزين للبداية؟
أظن في منكم شغوف وينتظر خبر إعلان بدايتنا، وفي منكم مازال ما وصل لهذه القناة حتّى!
أنرتم، أنرتم جميعًا..
تعريف بسيط:
معانا ومعاكم؛ رِهام البشير الشهيرة بلقب (الرّيم)
معلمة لمادة الأحياء داخل منصة التيليجرام "منذ ما يقارب أربع سنوات" قمتُ فيها بتدريس أربعة دفعات مختلفة؛ وبكم -إن شاء الله- حتكون بداية الدفعة الخامسة لو كنا من أهل الدنيا..
سبق ودرست في أكثر من منصة تعليمية وتعاونت تطوعًا معهم..

زي ما متعودين كل البدايات جميلة؛ ولكن بدايات ريم بايولوجي مختلفة تمامًا عن كلّ البدايات..
من المعروف أنّ القناة تُنقذ سبيل "المزنوق في النهايات"
ولكن هذه المرة نعم للبدايات ونُكمل حتى النهايات -بعون الله- 🤎!
@rem_biology
لا بأس لو قمتم بتحويل الرابط لرفاقكم يا رِفاق حتى يستفيد الجميع!

حسب التصويت أغلب المشتركين دفعة "رتبي المنهج يا ريم" 🤣🤎!

وشويتين الجدد أصحاب دفعة 2007 طلابي الجُدد -بعون الله- حنزل بوست ليهم بعد هذا
وشوية دفعات أُخرى منورين التصويت والله🤎

حاليًا بالنسبة لدفعة 2006 البوست ليكم ⤵️
باسم الله ما شاء الله لا قوة إلا بالله 🤎
لأنكم دفعة غالية على قلب ريم قررت تعطيكم من وقتها مجددًا بموضوع مختلف
ألا وهو؛ ترتب ليكم مجموعة من الفويسات والنصائح على أغلب الاستفسارات (المدة الجاية ما حددتش أمتى ولكن حندير سلسلة فويسات) حتكون حاجة قوية وتساعدكم -بعون الله-
خليكم جاهزين خليكم قراب🔥

وهك ريم مازالت معاكم والمرة هادي حنسمع جملة رتبي النصائح يا ريم 🤣🤎

@al_rem0
🦋.

السلام عليكم ورحمة الله وبركاته..

طمنوني عليكم غلبتوها الفيزياء "الميكا" ولا غلبتكم🌸؟

متخافوش؛ ربي حيجبركم والدرجة الكلية متع النجاح تحسب من المادتين مع بعض مش كل مادة بروحها..

السلام عليكم ورحمة الله وبركاته..

بارك الرحمن كل شخص قال فيا كلمة خير؛ بوركتم جميعًا وفتحَ الله عليكم من أوسع أبوابهِ🌸

جاية نقوللكم أدعولي؛ حاصلة في ضغط دراسي كبير، تالله فوق الجهد..
كملت ضغط الشهادة لقيت ضغط منهجي وتشتت غريب..

المغادرات الله يبارك مرتفعة الجهد اللي درته من بيرده ليا🤣🤎؟
عمومًا ربي يوفقكم ويفتح عليكم في أيّ تخصص تختاروه بعد النجاح -بعون الله-
وقبل لا تغادر القناة زيهم؛ خلي نعطيك هدية لامتحانك الجاي 🤎
الكل عارف دنيا حكيم؛ ومساعدتها الجميلة للطلاب دائمًا
حتساعدكم -بعون الله- في اللغوية
رابط قناتها ⬇️

https://t.me/Don_iaArabic06

وهك نقول -ولله الحمد- لرابع سنة
على التوالي أول من ينزل الحل صحيح 100‎%‎ 👏🏻
الحمد لله حمدًا على أصغر النعم🤎

ريم لديكم يعني الفل مارك بين يديكم🔥

يا جماعة الخير اللي يقول غلط مش السيلان موجودة في كتاب التدريبات 👏🏻

الورقة الناقصة ⬆️

باسم الله والصلاة والسلام على رسول..

حل أسئلة امتحان الأحياء دفعة 2006 الداخل

بالنسبة لسؤال الذرة يا جماعة الخير لو ناسي يكتب جملة "الذرة 20" ما عدا الأمشاج يعني يبي الأمشاج قداش واضح نحلها 10
لكن لو قصده أنّ في كل خلاياها نفس العدد ما عدا الأمشاج
يعني يبي يوضح فكرة الكل نفس العدد ما عدا الأمشاج؛ نقوله 20 صبغي

الأسئلة قنينة ولله الحمد أغلب الفقرات أمس قلتهم فالمراجعة 👏🏻

حنشوفوا فكرة فيه خطأ مطبعي ولا كمين وخلاص..

بعون الله صحيح 100‎%‎
إن وفقت فهذا توفيقٌ من الله؛ وإن أخطأت فمن نفسي والنفس تخطئ..

والسلام عليكم ورحمة الله وبركاته

أ. رِهام البشير