شرح وأسئلة للفرقة الرابعة~👩🏻‍🎓🌿

@ra_gh_a_d

السلام عليكم ورحمة الله وبركاته🦋
الجروب لفرقة رابعة كلية خدمة اجتماعية هيكون شامل، شرح ، أسئلة تدريبية علي جميع المواد🤎
يارب أقدر اساعدكم وافيدكم زي كل سنة✨
أعاننا الله وإياكم يارب🤲🏻

https://t.me/Ra_gh_a_d

شرح وأسئلة للفرقة الرابعة (Arabic)

تمتلك فرقة الرابعة في كلية خدمة اجتماعية جروب خاص على تطبيق تليجرام، يهدف إلى تقديم شرح مفصل وأسئلة تدريبية على جميع المواد التي يدرسها الطلاب. يمكنكم الانضمام لهذا الجروب للحصول على مساعدة وتقديم التوجيه اللازم لتحقيق النجاح في دراستكم. بفضل هذا الجهد المشترك والتعاون بين الأعضاء، يمكنكم الاستعداد بشكل أفضل للامتحانات وتحسين أدائكم الدراسي. سجل الآن عبر الرابط التالي للانضمام للجروب والاستفادة من الموارد والمساعدة المتاحة: https://t.me/Ra_gh_a_d

شرح وأسئلة للفرقة الرابعة~👩🏻‍🎓🌿

29 May, 21:18

مساء الخير يا خريجين مش مصدقة أننا اتخرجنا يااااااه الواحد قاعد فاضي بطريقة مش عارف يعمل ايه بصراحة ينفع اعملكم ملخصات اي حاجة طيب بصوا أنا معاكم لحد ما النتيجة تظهر إن شاء الله لا تقلقوا 🥺😂 المهم لقيتوا شغل ولا لسه احنا شكل كلنا هنبقي أم أميرة 😂😂

2,531

شرح وأسئلة للفرقة الرابعة~👩🏻‍🎓🌿

27 May, 11:12

عاملين ايه أظن ختامها مسك وكنت مهكرة الامتحان جبنا امتياز كلنا إن شاء الله 😂♥️ ربنا يوفقكم جميعاً يارب ويصلح حالكم وأشوف وشكم علي خير ♥️

بالمناسبة أنا مش هحذف القناة غير لما النتيجة تظهر و نطمن كلنا بإذن الله ♥️

3,029

شرح وأسئلة للفرقة الرابعة~👩🏻‍🎓🌿

26 May, 17:56

لو مقفلتوش المادة بكرة هزعل واجيب ناس تزعل علي فكرة معاكم المادة في جيبكم بجددد ذاكروا واعملوا اللي عليكم بكرة بإذن الله هتطمن عليكم لما تخلصوا وهتبقي اخر مرة اقولكم الجملة دي طب والله كنت بهتم بيكم مين هيهتم لما الامتحانات تخلص ويقول هتطمن عليكمم ميين🥺😂😂

3,136

شرح وأسئلة للفرقة الرابعة~👩🏻‍🎓🌿

26 May, 17:42

دي شوية ملحوظات الدكتور كان قايلهم في محاضراته حد بعتهملي قلت والله لابعتهم تقرأوهم ومبخلش عليكم بحاجة 👀😂♥️

2,964

شرح وأسئلة للفرقة الرابعة~👩🏻‍🎓🌿

26 May, 17:41

شوية ملحوظات 👇🏻

- للسياسة العامة بعدين( داخلى وخارجى)
- السياسة العامة اعم واشمل من السياسة الاجتماعية
- مسئولية التنفيذ لا تقتصر على الدوله بل تشمل الاحزاب والمنظمات وغيرهم
- يوجد العديد من مجالات السياسة لا يمكن الفصل بينهم
- السياسة مصطلح كبير يتحقق من خلاله مجموعه من الخطط والبرامج والمشروعات والانشطه والخدمات ( الكل يشمل الجزء)
- خطه حكوميه ( تتمس)
- مجموعه من القرارات( احمد كمال)
- الركيزه الاولى والاساسية ( شرائع سماوية
- الدستور اعم واشمل من التشريعات
- التكامل والتنسيق بيكون بين الجهات التنفيذية والمحلية
------------------
- صنع السياسة اعم و أشمل من صياغتها
- وضع السياسه يساوى صياغة السياسة
- مرحلة يتم فيها تحديد المشكلة والبديل والاثر ( وضع السياسة)
- تبدا عملية وضع السياسة من الاسفل للاعلي
- تنفيد السياسه عملية تطورية
- لا يتوقف هدف السياسة عند تحقيقه
- السلطه التنفيذية هى النواه الأساسية
-تهتم السلطة القضائية بالفصل بين الاحكام والخلافات الخاصة بالقانون
-تتضمن السياسات مجموعة من البرامج الإجتماعية والمنظمة
-تقوم الأجهزة التشريعية بمناقشة مشروع السياسة الاجتماعية
--------------
- يرتبط تحليل السياسية بالتطوير والتحسين
- لا نكتفى بتقويم السياسية لنجاح تحليل السياسة
- يركز نموذج تحليل السياسة على عائد السياسة
-------------------------
- الطريقه والاسلوب( بانكس)
- بناء علاقات ( باركر)
- التكتيك جزء من الاستراتيجية
- الاستراتيجية اعم واشمل من التكتيك
- التكتيك اسلوب تنفيذ يوم بيوم ( قصير المدى)

3,867

شرح وأسئلة للفرقة الرابعة~👩🏻‍🎓🌿

26 May, 17:12

شرح وأسئلة للفرقة الرابعة~👩🏻‍🎓🌿 pinned «كدا معاكم 85 سؤال شامل المادة انا زودت 5 اسئلة كمان عليهم بس في الكويزات مش محطوطين في البوت ف حلوا الاول الكويزات اللي نزلت في القناة واي غلط عرفوني إن شاء الله الامتحان يجي سهل وده اخر امتحان هعملوا ليكم وبكرة اخر امتحان في آخر سنة دراسية لينا هنتخررج خلاص…»

شرح وأسئلة للفرقة الرابعة~👩🏻‍🎓🌿

26 May, 17:12

شرح وأسئلة للفرقة الرابعة~👩🏻‍🎓🌿 pinned «امتحان شامل علي مادة السياسة💫 🖊 85 questions · ⏱ 1 min · 🔀 questions External sharing link: t.me/QuizBot?start=4MzdFTLQ Raghad~🌻 لا تنسوني من صالح دعائكم 🕊️»

شرح وأسئلة للفرقة الرابعة~👩🏻‍🎓🌿

26 May, 17:09

جماعة الامتحان عامل ايه حليتوا ولا لسه و ايه رأيكم عجبكم ولا لا في ناس سألتني كتير علي الأسئلة بتاعت هل الدستور أعم وأشمل من التشريعات ده مش علينا اهو دي التكات بقا اللي بتحتاج فهم مش اكتر والدكتور كان قايل عليهم ف قلت احطلكم اي تكات في الامتحان بحيث تكون عدت عليكم قبل كدا مش هنخسر حاجة أنا قاعدة حاليا براجع ف لو في اي سؤال ابعتولي بخصوص الامتحان أو المنهج عموما وبإذن الله احاول أرد علي اكبر عدد والامتحان هيجي سهل إن شاء الله 💜

2,104

شرح وأسئلة للفرقة الرابعة~👩🏻‍🎓🌿

26 May, 16:43

بفتح جروب بالصدفة لاقيت المسدچ الجميله دي😭♥️وبجد بجد نا ممتنه ليكوا علي كل حاجه جميله وكل كلمه منكوا بتفرح قلبي الله يسعد قلبكوا يارب حقيقي هفتقدكم اوي😭♥️♥️♥️
كان انفسي اعمل اكتر واكتر من كده بس حقيقي بيكون غصب عني لاني قاعده ف المدينة الجامعيه والنت مش الطف حاجه♥️♥️♥️
نا ممتنه ليكوا جدا بجد وحقيقي نتوا ادتوني بور كتير واتعلمت
منكم كتير🥰♥️♥️
ان شاء الله اشوفكم ف احسن واعلي المراكز ونطلع بكره مجبورين الخاطر يارب ♥️

2,156

شرح وأسئلة للفرقة الرابعة~👩🏻‍🎓🌿

26 May, 13:31

كدا معاكم 85 سؤال شامل المادة انا زودت 5 اسئلة كمان عليهم بس في الكويزات مش محطوطين في البوت ف حلوا الاول الكويزات اللي نزلت في القناة واي غلط عرفوني إن شاء الله الامتحان يجي سهل وده اخر امتحان هعملوا ليكم وبكرة اخر امتحان في آخر سنة دراسية لينا هنتخررج خلاص وانتهت مسيرتنا التعليمية كبرنا يا ولاد 🥺🥺 الواحد مش مصدق لحد دلوقتي هنتنقل لمرحلة جديدة خالص في حياتنا بتمنالكم من كل قلبي التوفيق في حياتكم اللي جاية وربنا يحققلكم كل اللي نفسكم فيه والله جوايا كلام كتير بس مش عارفة اقول ايه ولا ايه غير إن هي دي الحياة عبارة عن مراحل كدا بتخلص ونبتدي في اللي بعدها ونصيحتي ليكم خليكم دايما مؤمنين بربنا ثم بنفسكم وعندكم هدف وطموح في الحياة اوعوا تبطلوا تسعوا لازم كلنا نسعي طول ما احنا عايشين واخيرا وليس بأخر اتشرفت بيكم كلكم واتمني اكون كنت خفيفة علي قلوب اللي يعرفني شخصياً واللي ميعرفنيش كمان بالتوفيق لينا جميعاً وربنا معاكم كلكم وهفتقدكم 🥺♥️

2,483

شرح وأسئلة للفرقة الرابعة~👩🏻‍🎓🌿

26 May, 13:28

امتحان شامل علي مادة السياسة💫
🖊 85 questions · ⏱ 1 min · 🔀 questions

External sharing link:
t.me/QuizBot?start=4MzdFTLQ
Raghad~🌻
لا تنسوني من صالح دعائكم 🕊️

1,336