. 𝖾𝗇𝖽 .

حالياً حاط الكتب وضاربلي صفنة بس الله يدري بيها

2024/10/17 💔.

لي قيمتي الخاصة التي تمنعني
من الركض وراء أي شخص
مهما بلغت مكانته في قلبي
لي أتزاني الخاص .

مو أسوء أيامي ولا أفضلها بس الأهم شلون نتعامل وياهة أني واكف وهية واكفة وثنينا ننتظر من الثاني يتحرك ويتغير المسار بس ما باليد حيلة ما تعرف توصف هاي المرحلة؟ هل هذا رضا لو انعدام الشعور خلصت أغلب أيامي وأني أحاول اخلي الأمور تحت السيطرة تعايشت،نمت،كعدت،اشتغلت، بس دقيقة وحدة ما أعرف شنو أقصد بالنوم وأني ما أتذكر يوم غمضت بيه عيوني لأكثر من ساعتين او أقل يمكن وحتى من تطلع الشمس ما احس روحي مستعد ليوم جديد وأكعد أفكر (عبدالله) شنو ينتظر ما لكيت إجابة بس صمت طويل إلي ما يأخذني لفكرة أغلب الأحيان أكول لناس الأشياء إلي محتاج أحد يكولها إلي وأنطيهم أمل إلي أني محتاجة و أحاول انُ أتجاوز أصعب مراحل العمر بدون أذى ونكول كل شي راح يمر بگلبنا تفاصيل نتمنى تصير بس حتى تهدأ العواصف إلي بَـ عقولنا، بالنهاية راح يتحسن كل شي حتى لو اتجهت الأمور للهاوية ، على أمل التغير .

اموري حبيبي كل عام وانتَ بألف خير أن شاء الله سنة مليانة حب وسعادة وافراح ونجاح و أشوفك ب أفضل مكان🤍.

2024/10/12

اللامُبالاة والأحتراق في أن واحد .

شلون يكدر للإنسان أنُ يهدأ لهاي الدرجة؟ بدون الإهتمام لهذا العالم بس يشوف أيامه ومشاكله بدون السعي لتصليح شي!يعوف كل عبء الحياه هيج يباوع ببرود للأشياء وهية تروح شي بعد شي إلى جحيم الحياة ، أكو مقولة تكول أن لم تستطع تحمل معاناة الحياة خلي الحياة تعاني منك! وفجأة هذا إلي صار بدون تخطيط مسبق الأشخاص والأشياء والأيام و التواريخ كلها إلي جنت استثنيها ومخلي خطوط هواي جواها صارو ما يعنون شي إلي بعد ، كل إلي أريدة بس (نفسي) إلي ما أعرف وين ضيعتها يا حدث حاولت اتخطاه وحدي وكلت انُ راح يمر هل من الممكن هربت مني؟ معقول حدوث هيج أمر طبيعي من بعد محاولات لتصالح مع الحياة! او الأصح ويا القدر منو يدري لو تجاهلت ونظرت نظرة اللامبالاة راح يتصلح الوضع ، أيامي تمر بدون ما إنتظر شي يفرحني وافكر اشاركه ويا أحد واعني بَـ بكلمة أحد هوة (الأ أحد) أني استغنيت عن المحاولات ويا نفسي شلون أكدر أبقي احد وياي؟ وبالختام أكدر اكللكم أحنى ما نكدر نتحكم بالاشياء إلي تصير ويانة وما نكدر نتحكم بالشي إلي يصيبنا بس نكدر دائماً التحكم بتفسيرنا للأحداث إلي تصير ألنا .

ستبقى شامخاً يا وطني كل
عام و عراق الفخر بكل خير 🇮🇶.

2024/10/3

كلَ عام وأنت بألف خير
اتمنالك سنةَ مليانة حبِ
وسعادةُ وأفراح وحياة سعيدةُ🤍.

2024/10/2

و خاف أموت
و ما أشوفك دير بالك
على عيونك
لا يذبلها الغياب ،
و خاف أموت و ما أبوسك
تدري بيه شكد أحبك
حطلي خدك عالتراب
و من تخلص الفاتحة
بس كول أحبك
حتى توصلني الأحبك بالثواب .

1 أكتوبر .