Publications du canal Жаңалықтар - Qaz365.kz

Тель–Авивтегі жарылыс: Израильде қоғамдық көлік пен темір жол қатынасы тоқтады

Бүгін Израиль астанасы Тель-Авивте үш автобус жарылды.

Бұл туралы ресми Израиль билігі мәлімдеп отыр.

Израильде Тель-Авив қаласының оңтүстігіндегі Бат-Ямда үш автобус жарылды. Тағы екі автобуста жарылғыш құрылғы жұмыс істемей қалған. Израиль полициясының мәліметі бойынша, жарылыс автобустарға қойылған құрылғылар арқылы ұйымдастырылуы мүмкін. Зардап шеккендер туралы ақпарат жоқ.  Израиль билігі бұл оқиғаны террорлық шабуылдеп сипаттады.Басқа да шабуыл болуы мүмкін деген күдікпен елдегі барлық қоғамдық көліктер мен теміржол қатынасы уақытша жұмысын тоқтатты.

Қазір қалада антитеррористік операциялар жүргізіліп жатыр.

Қазақстанда бүгіннен бастап автонесие алу жеңілдеді

Қазақстанда мойнында қанша қарызы барына қарамастан автонесие алуға мүмкіндік беретін қаулы қабылданды.

Бейсенбіден бастап күшіне енген қаулыға сәйкес, отандық автомобиль үшін несие алу кезінде азаматтың қаржы мекемелері алдындағы басқа да борышы ескерілмейді. Бұған қоса, автонесиені 4% мөлшерлемемен ала аласыз.

Қаржы нарығын дамыту агенттігінің хабарлауынша, құжат отандық автомобиль өндірісін қолдау мақсатында қабылданды.

Атап айтқанда, құжатта 2025 жылғы 1 қаңтардан бастап 2026 жылғы 31 желтоқсанды қоса алғанда, несие беру кезінде қарыз алушының борыштық жүктеме коэффициентінің шекті деңгейін сақтау талабы қолданылмайтыны көрсетілген.

Қазақстанда соңғы екі жылда 80 ауыл жойылып кеткен

Бұл туралы Мәжілісте ауылдық аумақтарды дамыту мәселелері жөніндегі дөңгелек үстел барысында депутат Жигули Дайрабаев айтты.

Мәжіліс депутаты ресми деректерге сүйене отырып, былтырғы 1 қазанға қарай Қазақстан халқының 37,2 пайызы ауылдық жерлерде тұрғылықты тұрғанын айтты.

"Жыл сайын бұл көрсеткіш төмендеп келеді. Бүгінде Қазақстанда 6208 ауыл бар, ал 2023 жылы олардың саны 6286 болған. Осылайша, бар болғаны екі жыл ішінде 80 ауыл жойылды. Ұлттық статистика бюросының мәліметінше, былтыр қазақстандық ауылдардағы көші-қон сальдосы минус 111 400 адам болған", – деді Дайрабаев.

Депутаттың айтуынша, бұл – соңғы 25 жылдағы ең төменгі көрсеткіш.

"Алматы және Атырау облыстарын қоспағанда, барлық өңірде көші-қон сальдосы нөлден төмен болды. Әсіресе, Түркістан облысындағы жағдай алаңдаушылық тудырады, бұл өңірден 29,2 мың адам көшіп кеткен", – деді мәжілісмен.

Ақтөбе облысында мектеп оқушысы өзіне қол салған

Ақтөбе облысы Шалқар ауданында мектеп оқушысы көз жұмды. Полиция қылмыстық істі тергеп жатыр.

Шалқар ауданындағы ауыл мектебінің жоғары сынып оқушысы өз-өзіне қол жұмсаған. Желіде оның буллингтің кесірінен өлімге әкелетін қадамға баруы мүмкін деп жазады.

Шалқар аудандық ішкі істер бөлімі кәмелетке толмаған баланың өз-өзіне қол жұмсауына қатысты қылмыстық істі тергеп жатыр. Себебі анықталуда, - деді Ақтөбе облыстық полиция департаменті.

Алматыда балабақша тәрбиешісі 4 жасар баланы тұншықтырған

Ата-ананың бірі 4 жасар баласының тәрбиешіден зорлық-зомбылық көргенін айтып шағымданған. Ол бейнебақылау камераларының жазбаларын тексеріп, тәрбиеші баласын тұншықтырғанын көрсететін жазбаларды тапқан. Оқиға болған кезде бөлмеде тағы екі қызметкер болды. Алайда олар әріптесінің әрекетіне араласпаған.

Ата-аналар Бостандық аудандық полициясына арыз жазды.

Бостандық аудандық полиция басқармасы бұл дерек бойынша қылмыстық тергеуді бастады.

Полиция оқиғаның мән-жайын анықталып жатқанын жеткізді. Кінәлі тұлғалар жауапқа тартылатын болады.

Азияда-2025 ойындарын Қазақстан 4-алтын медальмен аяқтады

Харбинде өтіп жатқан Қысқы Азияда ойындарының соңғы күнінде Қазақстан қоржынына төртінші алтын медаль түсті.

Бұл туралы ҚР Ұлттық Олимпиада комитеті мәлімдеді.

Шайбалы хоккейден Қазақстан ерлер құрамасы Азия ойындарының чемпионы атанды.

Спортшыларымыз Жапония құрамасын 5:0 есебімен жеңді.

Азиада-2025: Қазақстан хоккейден әйелдер құрамасының финалдық бәсекесі аяқталды

Бұл туралы ҚР Ұлттық Олимпиада комитеті мәлімдеді.

Бүгін шайбалы хоккейден еліміздің әйелдер командасы Оңтүстік Кореядан басым түсіп, Харбин қаласында өтіп жатқан IX қысқы Азия ойындарының күміс жүлдесіне қол жеткізді. Шешуші матчтың есебі: 3-0.

Бірінші кезеңде сан басымдығын тиімді пайдаланып шабуылшымыз, капитанның бірі Малика Алдабергенова есеп ашты. Ал шешуші айналымның басында Юлия Буторина жойқын соққымен есепті еселеді. Тағы бір шайбаның авторы - Дария Молдабай.

Жалпы Қазақстан осы бәсекеде Қытайдың Гонконг (12-0), Таиланд (9-0), Қытайдың Тайпейі (5-1), Қытай (2-1), Оңтүстік Корея (1-0) командасын ұтып, тек Жапонияға (0-4) жол берді.

«Феминистердің оқу ордасында дәріс өткізгені рас па?»: Министрлік жауап берді

Бүгін әлеуметтік желіде журналист Ерқанат Көпжасар феминистердің сабағынан үзінді видео жариялаған болатын. осыған байланысты Оқу-ағарту министрлігінің баспасөз хатшысы Мереке Амангелдіқызы түсінік берді.

Видеодағы кадрларға көз жүгіртсек, феминист Жанар Секербаеваның дәріс өткізіп жатқанын байқауға болады.

Бұлар қандай мақсатта дәріс береді? Және сабақтарында өздеріне қарсы адамдарды талқылайтыны қалай? Гендерлік азшылық. Құқықтарына қол сұқпайық. Бірақ ЛГБТ дәл осылай оқу ордаларының қабырғасында насихатталуы керек пе?, -деп жазды журналист.

Автордың жазуынша, феминистер білім беру ошақтарына оңай кіріп алған.

Алайда министрлік өкілі мұны жоққа шығарды. Бұл фейк ақпарат екен.

Нұрали Әлиев «Транстелеком» директорлар кеңесінің төрағасы қызметінен кетті

Нұрали Әлиев «Транстелеком» АҚ директорлар кеңесінің төрағасы қызметінен кетіп, компания акционерлері қатарынан шыққанын жариялады. Бұл туралы ол Instagram парақшасында хабарлап, шешімнің компанияны сатуымен байланысты екенін атап өтті.

«Транстелеком» – Қазақстандағы телекоммуникациялық және IT-қызметтерін ұсынатын ең ірі байланыс операторларының бірі. Forbes мәліметінше, компанияның 75% акциясы бұған дейін Unit Telecom арқылы Нұрали Әлиев пен Дмитрий Покупателевке тиесілі болған, ал қалған 25% акциясы «Қазақстан темір жолы» компаниясының меншігінде еді.

Компания бастапқыда мемлекеттік меншікке қараған, бірақ 2015 жылы 9 миллиард теңгеге жекешелендірілді. Алайда 2022 жылдың сәуірінде Қазақстан Үкіметі «Транстелекомды» сату мәмілесі барысында мемлекетке келтірілген ықтимал шығындарды зерттеу мәселесін көтерді.

Нұрали Әлиев – Дариға Назарбаеваның ұлы.

Досын өлтіріп, денесін тоңазытқышқа бөлшектеп кеткен ақтөбелік сотталды

Ақтөбеде ер адамды пышақтап, денесін бөлшектеп, тоңазытқышқа салып қойғандар сотталды.

Жантүршігерлік қылмыс былтыр қыркүйекте болған. Айыпталушылардың біріне тиесілі пәтерге үш адам жиналып, ішімдік іше бастаған. Бір кезде олардың арасында жанжал туған.

Іс материалдарындағы ақпаратқа сәйкес, айыпталушы жәбірленушіні бірнеше рет ұрып, артынша пышақты алып, ішінің тұсынан пышақтап жіберген. Ер адам оқиға орнында жан тапсырған. Артынша екі дос шошып, пәтерден шығып, қашып кеткен.

Екі күннен кейін айыпталушы үйіне оралып, мәйітте бөлшектеп тастаған. Әуелі марқұмның денесін ваннаға апарып, артынша асхана пышағымен аяғын, қолын кесіп, сөмкеге салған. Марқұмның денесінің бөлшектері “Гигант” карьерының маңына тастап кеткен. Артынша үйіне оралып, қалған денесін бөлшектеп, пакеттерге салып, сасып кетпесін деп тоңазытқышты салып тастаған.

Кейіннен ваннаны арнайы құралдармен тазалап шыққан.

Бөлмеде болған тағы бір ер адам да айыпталушы ретінде танылды. Яғни марқұм болған ер адамнан бөлек, біреуі қылмыскер, екіншісі қылмысты жасырып қалған адам деп танылды. Олар үкімді алқабилер шығарсын деген өтініш жасаған.

Осылайша екеуі де кінәлі деп танылды. Біреуі 11 жылға, екіншісі 4 жылға бас бостандығынан айырылды.

Сот үкімі әлі заңды күшіне енген жоқ.