💞بصمة أنثى💞

#عزيزي_الرجل

فكرة ان حضرتك مبتحبش تصرف فلوسك غير في محلها دي حاجة تُحترم جدا ومن حقك اكيد
لكن مينفعش تنسى ان مع حضرتك على نفس الكوكب مخلوق مختلف في عقليته وأولوياته نوعه في البطاقة أنثى وطبيعي انك تشوف طلباتها بالنسبالك مش في محلها نظرا لاختلاف النوع... بس متنساش ان ربنا قال عنها «أومن ينشأ في الحلية» وانها كده خلقة ربنا والنبي صلى الله عليه وسلّم قال ما اكرمهن إلا كريم..
فلما تقولك هموت واشتري الطرحة دي فمتكسرش بخاطرها وتقولها ما انتي عندك نفس اللون لسه جايبهالك من ١٠ سنين عشان حضرتك الجديدة دي اه نفس اللون بس فيها 20٪ ليكرا ودي حاجة بتفرق مع الستات أوي الحقيقة 🙃

#استوصوا_بالنساء_خيرا
#نجلاء_يونس 💞

قلبي بيقولي ان رؤيتنا احيانا لأخطاء الآخرين وتجاهلها أكثر غباءا من عدم الرؤية خالص والمقولة دي هي أساس قطع احبال الود بسكينة باردة لانه بيسمح للطرف الآخر بالتمادي في الخطأ وقلة التقدير واكيد وجعنا بيزيد وكل بني ادم له طاقة وفي الاخر هينفجر....
التقبل والعتاب والتسامح أبقى للود من التجاهل

#نجلاء_يونس💞

احنا اللي مطلوب مننا كبشر طبيعين اننا نتقبل عيوب اللي بنحبهم.. لكن اللي ببقوله الاخ ده يبدو رائع ورومانسي للغاية لكن في أفضل احواله هيبقى عامل زي الدبة اللي قتلت صاحبها...
اساسا ريحة النرجسية حساها فايحة من كلامه

حتى أنت يا بروتس🙃
ما تسيبها يا راجل تفك عن نفسها بكلمتيــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــن 😄

#نجلاء_يونس💞

فكرة ان الطلاق بيؤدي لأطفال غير سوية نفسيا بيتم الترويج ليها وكانها حقيقة مطلقة مش فاهمة الحقيقة على أي أساس!
الطلاق غالبا وفي العموم مبيحصلش بين يوم وليلة وبيبقى آخر الحلول بعد خطوات اصلاح كتير منفعتش
وتحمل احد الابوين لشريك حياة استحالت العشرة معاه ولم يبق الا التناحر او الكبت اللي بيبان أثره حزن وتوهة لعدم التوافق، أو استبقاء شريك حياة فاسد وتركه كنموذج غير سوي امام الابناء هو ده فعلا اللي بينتج عنه طفل غير سوي اخلاقيا ونفسيا...
لو الطلاق كارثة محققة بالشكل اللي بيتم الترويج له مكنش ربنا أباحه ومش بس كده ده كمان قال "وإن يتفرقا يغن الله كلا من سعته" كنوع من الدعم والطمأنينة عشان اكيد الطلاق بنوصله بعد رحلة مش سهلة ابدا وعمره ما كان رفاهية عشان استعمل الابناء فيه كفزاعة اخوف بيها الزوجين لو استحالت العشرة بينهم واحملهم واحمل ابنائهم فوق طاقة البشر...
وجود الاطفال في بيئة هادية ومستقرة مع أحد الوالدين فقط افضل نفسيا من وجودهم مع ابوين مجبورين يكملوا لسبب او لآخر وسواء كان الابناء سبب حقيقي اننا نكمل فعلا او مجرد ستارة بنبرر بيها خوفنا من مواجهة الوضع...

#نجلاء_يونس💞

لما اشوف ابني او بنتي بيظهر رد فعل انفعالي غير المتوقع انه يحصل زي انه يضحك في موقف يستدعي الحزن او يبان جامد ومش همه في موقف يستدعي الانكسار او التعاطف مع الاخر مينفعش اتهمهم بالقسوة واهاجمهم لأن غالبا يعني احنا مش مخلفين عيال سيكوباتية...
على العكس تماما، الطفل اللي بيتصرف بالشكل ده بيكون اكتر الانماط البشرية حساسية لدرجة عدم تحمل المشاعر اللي بتسبب له حزن فبيكبتها ويظهر العكس تماما وبيبان بالجمود والقسوة دي...
دوري كأم او كمربي عموما اني ادرك طبيعة نمطه لما الاقي رد فعل غير طبيعي افهمه اني حاسة بيه واحضنه واشجعه يعبر عن مشاعره بدل ما يكبتها... اشجعه انه يتواصل مع نفسه صح ويعبر عنها صح عشان كلنا عموما مش الاطفال بس مبنقدرش نوصل لتواصل جيد مع الآخر الا من خلال العبور على جسر التواصل الجيد مع النفس...

ده رابط كورس انماط البوصلة الشخصية
https://t.me/+D0cA8ZKqgDs5OWE8
مكتوب ومسجل صوتي بشكل خفيف هيفيدكم جدا في فهم الانماط...

#نجلاء_يونس💞

يا سيدي على عمق وفلسفة حضرته اللي تعدت كل حدود المنطق بسبب الخوف!
انا كشخص محب للمطر وأجوائه مش لازم اغرق بميته عشان اثبت ده... الشمسية بتمثل المسافة الآمنة اللي لازم ناخدها واحنا بنحب... مسافة بتمثل العقلانية اللي بتمنعنا من التهور والاندفاعية وفي نفس الوقت مش هتخوف غير اللي خوفه مرضي ومحتاج يراجع اسبابه وميلزقهاش في الشمسية....

#نجلاء_يونس💞

#معشر_النساء
احنا لما بنفضفض بنرتاح بس ده مش معناه ان المشكلة اللي فضفضنا بيها اتحلت!
الفضفضة مجرد مسكن للألم، الصح اننا ننتهز الفرصة بعدها واحنا مرتاحين وندور لمشاكلنا على حلول عشان المشاكل متتراكمش والجروح تبقى عميقة وكتيرة...

#نجلاء_يونس💞

اكتر ناس بشوفها ايجابية وتدخل القلب من غير استئذان هي الناس الي بتطلب من اللي حواليها تلبية مشاعرها بشكل واضح وصريح حتى لو من خلال بوست نصحصح بيه مشاعر بعض...
الناس اللي بتقول النهاردة عيد ميلادي قولولي كل سنة وانت طيبة.. انا زعلانة معلشوني ...محتاجة حضن... محتاج دعاء...
الناس اللي بتطلب من الناس تفرحها وتدعمها افضل بكتير من اننا نتمسك بدور الضحية وان محدش حاسس بينا ولا فاكرنا...

#الاهتمام_بيطلب_عادي
#قولي_احبك_كي_تزيد_وسامتي 🙃
#نجلاء_يونس💞

#لا_بحبه_ولا_اقدر_على_بعده
#مش_قادرة_اكمل_ولا_قادرة_ابعد

اكتر وضع بجد متعب ممكن يكون بين زوجين

لا احنا عارفين نكمل واحنا على الاقل في مرحلة من مراحل التسوية والرضا بما قسم الله ولا قادرين ناخد قرار بالبعد رغم الدمار النفسي اللي ممكن نكون فيه ونقتنع ب "وإن يتفرقا يغن الله كلا من سعته"

اختيارين صعبين بس الاصعب منهم اننا نعيش متخبطين ومش حاسمين امورنا
لازم نتعلم نحسب حسابتنا بالشكل اللي يرجح كفة منهم مع مراعاة الظروف المحيطة طبعا ..
بمعنى ان جملة " مش قادرة اكمل بس مينفعش امشي " بالتأكيد افضل كتير من جملة " مش قادرة اكمل معاه ومش قادرة امشي واسيبه"

ليه افضل؟

لان لفظ عدم القدرة بيدي احساس بالعجز وقلة الحيلة واما هتخنق او هدخل في دور الضحية ومش هبطل شكوى....

اما كونك تقرري انه مينفعش فده موقف ناتج عن تفكير في الامر وكانت نتايج التفكير ده واحد اتنين تلاتة اللي خلوني اخترت البقاء لانه الانسب ليا ولظروفي ...

طيب استسلم بئا لحالة النكد وجو التضحية والكلام ده ؟

لا طبعا ...
انا هستغل المساحة اللي فضيت في مخي بعد ما ارتحت من متاهة مش قادرة على ده ولا قادرة على ده،
وهبتدي اشتغل على النص الاول من القضية (مش قادرة أكمل معاه) بشكل ايجابي ما انا كدة كدة قررت اقعد على قلبه وفضيتله بئا وفضيت له دماغي (( حواء ركزت مع الهدف ..سترك يا رب 😃))

هعمل كدة لستة بالمميزات والعيوب ليا وله واللي يتحب واللي ميتحبش واللي ينفع اشتغل عليه واصلحه (( ملكيش دعوة بكرشه)) واللي هتقبله زي ماهو واقول انا اكيد احسن من غيري وابتدي في الاصلاح خطوة خطوة بالاسهل في تنفيذه ...

لو نجحنا اننا نعمل كدة، الفجوة هتضيق بيننا جدا وهنعيش في حالة من الرضا والتوازن بعيدا عن حالة المتاهة او وضع الضحية اللي بيوصلونا للتعاسة والاكتئاب ....

طيب وبالنسبة للجانب الآخر لو كان نتيجة التفكير ان مينفعش نكمل مع بعض عشان حق النفس مقدم وانا مبقتش متحملة وفكرت في الوضع فيما بعد كويس ومدركة عواقبه ...في الوقت ده انا هأقولك استخيري واستشيري اكثر شخص تتوسمي فيه الحكمة من عائلتك او طرف محايد ثم اعرضي الامر بهدوء على زوجك ربما يتدارك الامر معاكي لما يعرف ان قرارك هو صوت عقلك مش صوت انفعالك ..لو شوفتي منه بادرة اصلاح مفيش مانع من اخذ جولة اخيرة بشروط منعقدة بينكم وحسن نوايا مقدم، فما اكثر من استقرت بهم الحياة الزوجية وأتت الرياح بما تشتهي السفن بعد الخطوة الايجابية دي ..

#نجلاء_يونس💞

أنت تنهض كُل صباح على بداية لا تُشّبه سابقتّها تنهَض كُل صباح لأن الحكّاية وإن تكررّت فهي تُعطِيك صفحّة جديدة عُمرها أربعة وعشرون ساعه لتملأها بما شِئت

ابدأ كُلَّ يومٍ جديد بقوةٍ جديدة وأفكارٍ جديدة😌💪🏻

صباح الخير 💙🌸

‌‏☀️#إشــツـراقة_الصبـاح☀️     
‌‌‌‌‌‌‌‌‌‏┄┉▪︎❈❀☀️❀❈▪︎┉
‏" والله يعلم وأنتم لا تعلمون ".
أنت لا تُدرك الحقيقة كاملة
وما خلف أستار الغيب من
لُطف وستظل تائِه في تمسكك
بشرٍّ تظنّه خير لك، وهروبك
وجزعك من خير تظنَّه شرّ
لك، والذي يطيب عيشه،
وتقرّ عينه من كانت خيرة
الله لهُ أحبّ إليه من خيرته
لنفسه."
‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏صبـاح.خيرة.الله. ♡

اقبل ضعفك اغفر لنفسك تقصيرك في الالتزام فيما سبق، واعلم أنك مهما بلغت من الالتزام في عملك وحياتك سيمر عليك أيام تضعف فيها عن العمل وتسوّف وتتبع هواك وتترك ما ينبغي عمله، وهذا لايعني أنك سيء او ضعيف بل أنك بشر والضعف صفة لازمة لنا.

لكن خير الناس من لايترك المجاهدة أبدا ومهما ضعف لاييأس أبداً، بل يعود بعد ضعف إلى قوة.... وبعد الخطأ إلى صواب ، واعلم أنك مازلت بخير ما أردت الخير، فاستعن بالله ولا تعجز.

‌‏☀️#إشــツـراقة_الصبـاح☀️     
‌‌‌‌‌‌‌‌‌‏┄┉▪︎❈❀☀️❀❈▪︎┉┄
‌‌‌‌‌‏لولا المشقة لساد الناس
كلهم ولولا صعوبة النجاح
لأصبح الناس كلهم ناجحين
ان تغييرك ايها الانسان ليس
سهلا! ووصولك لأهدافك ليس
يسيرا ! لكنه ليس مستحيلا ..
وما تحتاجه بعد توفيق الله ان
تعمل وتحاول ، وتتعلم من كل
محاولة ، وستنجح بلا شك،
فاطمئن، لا تتوقف
‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏صبـاح.العلم.والعمل. ♡

.

‏☀️#إشــツـراقة_الصبـاح☀️

‌‌‌‌‌‌‌‌‌‏┄┉▪︎❈❀☀️❀❈▪︎┉┄
الشخصيةُ الراقيه تفرض
إحترامها أينما وُجِدَت..
تلمح الخُلُق النبيل في
تصرفاتها وأفعالها..
إن تحدّثت كان حديثها
بلسمًا، وإن صمتت كان
صمتها وقارًا، وإن إختلفَت
حفظت للآخر إحترامه..
تعرف حدودها فلا تتجاوزها
وتعرف مكارم الأمور وتلزمها
وعبورها دومًا ذو أثر على
غيرها.
‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏صبـاح.الرُقيّ. ♡

.

العقل الباطن!

يُحكى أن فلاحاً زار أحد فلاسفة الرومان في بيته، وصادف وقت مجيئه وقت غذاء الفيلسوف، فأصرَّ على ضيفه أن يجلس معه على مائدة الغذاء...
لبَّى الفلاحُ دعوة صاحب البيت، وعندما تناول طبق الحساء بين يديه رأى فيه أفعى صغيرة، ولكنه رغم هذا أكل ما في الطبق لأنه كَرِه أن يحرج الفيلسوف!
عاد الفلاح إلى بيته، ولم ينم ليلته تلك من وجع بطنه، وقال في نفسه: "هذا أثر السُّم"
وفي الصباح الباكر قصد بيت الفيلسوف عله يجد دواء لما ألمَّ به، وكم كانت دهشته عظيمة عندما أخبره الفيلسوف أنه لم يكن في الطبق أية أفعى، وإنما هذا إنعكاس رسمة على السقف في الطبق، وإصطحبه إلى غرفة الطعام، وسكب له طبقاً وقال: أنظر جيداً أيوجد أفعى؟
قال الفلاح: لا
عندها وضع الفيلسوف الطبق تحت الرسمة التي في السقف مباشرة، وإنعكست صورة الأفعى فيه، ثم قال: الأفعى توجد في عقلك فقط!
الغريب أن الألم في بطن الفلاح زال فور معرفته بالحقيقة!
* يقول إبن سينا: الوهم نصف الداء، والإطمئنان نصف الدواء، والصبر أول خطوات الشفاء

‌‏☀️#إشــツـراقة_الصبـاح☀️      *
‌‌‌‌‌‌‌‌‌‏┄┉▪︎❈❀☀️❀❈▪︎┉┄
‌‌‏إذا أردت العيش في استقرار
نفسي وعاطفي وانفعالي
فلاتقترب إلا ممن يسعدك
قُربه ، لاتفتح نوافذك إلا
على المناظر التي يسرّك
أن تراها ، لاتمضِ في طُرق
لاتنتمي إليها فإن حياتك
مسؤوليتك وسعادتك رهن
لاختياراتك إن ضاق بك
درب فأرض الله واسعة وإن
غيّمَت سماؤك فعمَّا قريب
ستُمطر بإذن الله.
‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏صبـاح.اختيار.السعادة.♡

اما انا رجعت من العراق كانت واقفة مستنية في البلكونة واول ما نزلت من العربية قالت شيلوا اختكم يا ولاد .. الغالية تتشال يا ولاد ما تتبهدل ابدا ومكنتش حكيت لها علي البهدلة اللي بجد .. ولهفت ديالا من علي كتف سيف وحضنتها وقالت لها باااااااس انتي هنا في بيت قاسم يعني لا دبابات ولا طيارات يقدروا يجوا جنبك .. كان اسمه بالنسبة لها يعني الامان و هي بالنسبة له اسم علي مسمي رحمة
في اصعب المواقف
في جنازة عمي وجنازة بابا كنت بشوفها ماسكة في ايد جدي جامد وكنت بشوفه بعد الدفن واخدها في حضنه و يمسح علي شعرها ويقرا يس ويمسح دموعها ويستناها راحت في النوم .. نزل هو خلوته وقعد يعيط
ماتت في العمرة .. جدي رجع بيها شعره ابيض .. معرفش الشعر ده اتحول كده ازاي
وقعد الكام سنة اللي عاشهم بعدها سرحان فيها ... بيتغزل في عيونها وشعرها الحرير ويطلع جلاليبها تتغسل وتتكوي ويرصها تاني في الدولاب .. واما حد يسأله تحب تاكل ايه ... يقولهم محبش الا اللي تحبه رحمة
الاتنين دول هما اللي علموني ان الحب مش شعر ونثر ... الحب فعل ... فعل بيخلي اللي قدامك مبهور بالحب اللي بينكم ..الحب مودة وعطاء ... وقوة و استقواء
عشان اللي بينهم ده
عرفوا يربوا 7 اولاد احسن تربية ويخلوهم متميزين .. ومن بعدهم احفاد حاسين بتفردهم وتميزهم عن العالم ومزروع جواهم الاستحقاق كانوا دايما يقولوا لنا انتوا القواسم 💖💖

مع احترامي لكل قصص الحب العظيمة
بس أنا أعظم قصة حب شوفتها في حياتي هي حياة جدي قاسم وجدتي رحمة
جدي كان مهندس زراعي .. جدتي مكنتش بتعرف تقرا وتكتب واتجوزها عندها 16 سنة
اخوه اتجوز ست معاها دبلوم معلمين .... وكانت الستات في عيلة جدي بيقولوا لها " الابلة جميلة " .. محدش يجرؤ يناديها باسمها
الموضوع ده كان مضايق رحمة .. مع انها بكل طيبتها وبرائتها كانت معتدة بنفسها جدا فكانت بتقولها يا جميلة وده طبعا بيضايق جميلة
جدي بقا مسكتش جاب الشيخ عبد العظيم مدرس في المعهد الازهري .. وقاله عايزك تعلم الست رحمة القراءة والكتابة والحساب ...... وكل ده في السر
الناس فاهمة انه بيجي يحفظ سراج عمي و سلسبيل عمتي القرآن .. لكن هو كان بيجي يعلم رحمة
وبدأت تقرا وتكتب وتحسب وحفظت جدول الضرب ... جدي قالها لو عايزة اقدملك علي الابتدائية انا موافق .. قالتله لا الناس تضحك عليا قالها متخفيش محدش هيعرف .. وفعلا قدم لها في الابتدائية في مدرسة في دمنهور امتحنت ونجحت ..... محكتش ابدا تفاصيل تعبها في انها تاخد الابتدائية في ظل 4 اولاد .. لكن دايما كانت بتحكي عن مؤازرة جدي لها وتسميعه لها وانه كان بيزعقلها في الاملاء اما تجيب 7 من 10
مخدتش شهادة غيرها
بس كانت منتهي التباهي .. واما كانت الابلة جميلة تقولها انا معايا دبلوم المعلمين تقولها وانا معايا ابتدائية القاسم اللي تعب عليها جوزي حبيبي وحفظت القرآن كمان
انا عمري ما سمعت حد فيهم بيقول للتاني بحبك ... بس سمعتها كتير بعد ما تخلص صلاة تفضل تدعي " يارب سايقة عليك حبييك النبي ما توجعني فيه ولا اخد عزاه واجعل يومي قبل يومه .. يا رب انا متحملش اروحه .. هو يروحني وحياة حبيبك النبي .... خليه وهنيه زي ما مهنينا .. واسنده زي ما هو سند لينا ده غلباااان يارب وحمله تقيل عياله متغربين في ارضك وعيال عياله قطط متعلقة في رقبته" وتفضل تسترسل في الدعا كأنها بتحكي لربنا علي حياته وظروفه وبتشرحله موقفه من الحياة وكأن ربنا سمع منها وهي اتوفت قبله فعلا وهو اللي روحها
كان جدي بيديها مصروف .. تخده منه وتحطه في بوك اسود جلد هو اللي عامله لها وتحضنه وتقوله يجعلك تدي ما تاخد ابدا يا ضي عيني ... بغض النظر عن اننا كأحفاد كنا بنقلبها في المصروف ده .. لكن كانت تجيب أدهم ابن عمي او تاج اخويا وتقولهم روحوا اشتروا علبة امواس لورد وفرشة سنان وانتوا راجعين عدوا علي عبد النبي اسألوه خلص المناديل اللي طلبتها منه ولا لا .. كانت كل شهرين تلاتة كده تفصل لجدي مناديل قماش بيضا ومطرزة من الاطراف وتكويها وتطبقها ... وعلبة الامواس مع مكنة الحلاقة الجديدة والمشط الاسود الصغنن اللي كانت بتغيره كل اسبوعين ... اصل جدي كان شعره دهني وكانت بتخاف يعمل قشرة
دايما كنت اشوف جدي جايبلها شرابات عشان كانت بتقف في المطبخ كتير وميحبهاش رجلها تسقع
و يجيب الحنة ودم الغزال ويعجنها بايديه .. ويحني لها شعرها بايديه بردو ... واما واحدة من عماتي يقولوا لها تعالي نغسلك شعرك يقولهم كفي نفسك ياختي انتي وهي انا هغسلها شعرها من الحنة
كان عاملها علبة خشب بايديه عشان كان هاوي النجارة .. ومشط خشب ومكحلة و علبة زبدة شفايف
كتير جدا كنت بشوفه جايب كيس فيه حلويات ويطلع بيه علي اوضته ... بنعرف ساعتها انه لها .... ياما كان ياخدها ديليس عشان كانت بتحب الجاتوه بتاعه ... واما قالتله العيال عيالك دخلوا السيما وانت مسافر مع مراتاتهم وسابوني ... قعد اسبوع ياخدها السينما ويوم الخميس خدها وسافر القاهرة اتفرجوا علي مسرحية اسمها جوز ولوز بتاعت احمد بدير هي كانت بتحب احمد بدير جدااا
في المولد كان بيجيبلها عروسة المولد لحد ما اتوفت .. واول عيدية بتطلع في العيد لها هي .. و اول كحكة بتطلع من الفرن بتغرقها سكر وتجري تحطها في بقه وتبوس دماغه .. وتقوله إلهي دايما عامر بحسك وما يقطع منه الخير ابدااا
واما كانت تعمله القرفة يقولها اوعي بقا صوباعك يلمسها أحسن سكرها يزيد ومعرفش اشربها
حتي اما تبقا مقموصة منه .. وتحضر الاكل يقعد ميقومش فتقول لأي حد روح نادي جدك
يقول مليش نفس وبطني وجعاني
تجررررري تقوله مالك وجعاك من ايه اغلي لك نعناع بس انا بردو مخصماك .. يقولها ما ده اللي واجع بطني فتضحك ويضحك وخلاص
في عز المواقف الصعبة لأولادهم مكنتش بسمع منهم كلام .. كنت بشوف نظرات وكأنها شفرة خاصة بينهم
لما عمتي بيهان اطلقت بعد شهرين من جوازها .. اخدتها و راحت بيها فرح في العيلة واللي يقولها بيهان اطلقت ليه بس .. تقولهم الهانم اللي ما يتعرف قيمتها تلزم بيت ابوها ويروح ارنب يجي سبع ... وبرغم من كل البراءة دي كانت قوية .. قوتها مستمدة منه .. لما شيراز بنت عمي فرحها باظ قبل الميعاد ب 3 ايام مرضيتش تفك فروع النور علي البيت وقالت ده خير .. العيلة دي مكنتش حباها وهنعمل ليلة لأهل الله ونجيب المداحين ونفرح .. احنا بناتنا متحزنش علي رجالة طول ما عيلتها فيها رجالة في ضهرها .. جدي قالها والله ما منزلك كلمة

لكن رفعت الجهل عن نفسي واخدت القدر اللي يساعدني في شغلي الحالي واني اكتب بوست زي ده بعد المراجعة طبعا..

#نجلاء_يونس