إستراحة نفسية 💭

🛑هالقناة لطالبة طب معدلها 99.47
وحبت تشارك تجربتها معكم ❤️✨
نصائح عن كيفيه الدراسة 🖊🗒
و طرق معالجة الملل من الدراسه 🙆🏼‍♀
• هي قناتها يلي بحب يشترك فيها ✨👇
https://t.me/zedne1/8394?single
https://t.me/zedne1/8394?single

كل يوم بيعدي علي وأنا في المستشفى بتذكر أهمية الحديث "الفضفضة"، والكبت اللي أتكلمت عنو كتيير.

فكرة إن الزول يشيل في داخلو ويضيف حمل للحمل العليه، براها فكرة كافية إنها تبوظ حياته وتصعبها عليه!

ده مش معناه إن أي شخص بدس جواه حايصل المستشفى، ده بيعني إن أي شخص بدس جواه حايعاني!

الفضفضة ممكن تكون بالنسبة ليك مجرد ونسة ما منها فائدة، بس هي وسيلة تعبيرية مهمة شديد حتى لو م لاحظت لتأثيرها بسرعة!
الفضفضة بتسمح لعقلك يعيد معالجة الموضوع بصورة أوضح، بتسمح ليك ترتب الموضوع أكتر، بتساعدك على تفريغ وتقليل الحمل الجواك، وحاتقلل من تأثير الموضوع عليك، وأخيرا حاتفضي مساحة جواك لمواضيع أخرى.

الفضفضة أنواع، بس أفضلها هو الحديث مع شخص "صديق مقرب، شخص حكيم، معالج نفسي، قريب بتثق فيه من العيلة ..الخ"، توجد أيضا الكتابة التعبيرية، والتسجيلات الصوتية، والفضفضة مع ربنا في السجود.

دي كلها طرق بتؤدي لنفس النتيجة اللي ذكرتها فوق بس بأساليب مختلفة.

فماتستهون بصحتك النفسية، وماتشيل الحمل براك، مشاركة ضعفك بين كل مرة والتانية، بينقذك أكتر مما حايخليك جبان "زي ماممكن تكون فاكر"!
حاول إتكلم وحاتلقانا كلنا آذان صاغية ليك، ولو م لقيت قريب نحن متبرعين نكون قريبين ليك ونسمع ليك لغاية م تطلع الجواك وترتاح.

محمد عمر
إستراحة معاك إنت مابراك.

☑️  New List

• Automatically and organized✔️.
• Gathered Distinctive and interactive channels💭.
• Don't contain violent and hints ads💢.
• يوميات مغُامـــــر

انا شايف دي قاعدة مهمة شديد وبقينا نتجاهلها في الآونة الأخيرة وبنصنع منها مشاكل!

صحبك، شريكك، زميلك، زولك يجي يعاتبك على قلة التواصل لان عنده الرغبة في التواصل معاك اكتر، يتحول الموضوع من النقطة دي لنقطة تانية "صراع"، يبدا الطرف التاني يهاجمو لان حاسس ان فلان ده عاوز يلقى اللوم عليه!

فبدل الموضوع يكون، دلالة على الحب والرغبة في التواصل الممزوجة بالشوق، يتحول للدلالة على اللوم والشكل بشكل يؤدي لنهاية العلاقة بجملة "لو مهتم كان فقدتني برضك!".

لازم نفهم ان العتاب حب، ماف زول بيعاتبك مالم يكون بحبك، ماف زول بيعاتب ليه زول ماعاوزو، لان لو هو مش عاوزك مش حايرسل ليك أصلا، خليك من كونه يعاتبك!

فالعتاب = شوق، لمن شريكك يعاتبك معناته مشتاق للحظات الجميلة اللي عاشها معاك، وعتابه ليك دليل على ان عاوز يرجع اللحظات دي مش علشان يشاكلك او يلقي اللوم عليك!

حصل خلاف بيني وبين أقرب شخص لقلبي؛ ولما جه يعاتبني قالي أنا زعلان منك في كذا وكذا وكان المفروض تقوليلي كذا!

وقتها ركزت للحظة في كلامه وفي عتابه ليا، بيقدملي فرصة لاستمرار علاقتنا على طبق من ذهب علشان شاريني وعلشان مش عاوزنا نخسر بعض!
وقتها بس بعمل كل اللي بيطلع في إيدي علشان مخسرش الشخص ده..

في ناس مع أول خلاف بيركنونا على الرف، وفي ناس بيحافظوا علينا وقت تقصيرنا في حقهم علشان باقيين علينا، فعمومًا العتاب مش نص المحبة، العتاب المحبة كلها.

إنت مش مطالب تعمل حاجة فوق طاقتك، وأيضا مش مطالب تستمر في أماكن بتجهدك!

لكن من غير الضغط وإحساس الخوف والفشل إنت مش حاتتقدم، لمن تمارس الحاجات اللي إنت بتعرف ليها وتكتفي بكده، مش حاتقدر تتعلم تعمل الحاجات اللي أنت مش بتعرفها!

علشان كده إثنان لا يتعلمان "المستحي، والمتكبر".

المستحي لأن بيخاف يطالب بالمعلومة علشان نظرة الدكتور وأصحابو ليه حاتكون عاملة كيف!
والمتكبر مابيتعلم لأن بيشوف نفسه عرف كل حاجة، وهو أحسن من كل شخص حوله، فأيضا مش حايطلب المعلومة!

داير تتطور وتصل لمراحل أعلى في مجالك، مهنتك ماتخلي خوفك يمنعك من إنك تجرب حاجات جديدة "مخاطر"، وماتخلي رغبتك بالراحة تمنعك من تحمل الضغوط في المناصب أو المراحل المتقدمة.

داير تمشي لقدام لابد من إن إنت تنضغط وتعيش مشاعر الضغط النفسي والإجهاد، وتحس بالفشل وتفشل في بعض الأحيان.

بس لمن الحاجات دي تعدي الوضع الطبيعي الخاص بيها، اللي هو إنها تزيد من حدها وتبدأ تأثر عليك بشكل كبير في "حياتك الخاصة، علاقاتك، أمراض جسدية، مشاكل نفسية"، وتبدأ زي ما بنقول شغالة ضدك بدل من إنها تشتغل معاك وتدفعك للأمام هنا لابد من التراجع للخلف خطوة, ومحاولة أخد إستراحة والحديث مع شخص مقرب، وإن لزم الأمر معالج نفسي.

الضغط وإحساس الخوف والفشل مشاعر وأفكار سلبية لا تتجزأ من رحلة النجاح، بمشن معاك في كل خطوة إنت بتعديها "لأن وجودهن بيدفعك للأستعداد جيدا، وبيدفعك للتقدم" وده بالتالي بيخليك تتحسن وتتطور أكتر!

الخوف من الفشل، بيخليك تستعد أكتر وتذاكر بتركيز علشان ماتفشل.
الضغط بيساعدك في إنك تنجز مهامك، وبيساعدك في إنك تتطور وأيضا هو وسيلة بتوضح ليك "هل إنت شاطر في الحاجة دي ولا لا، وهل قدرت تتعلمها ولا لا" لأن الضغط بيقل مع تطورك في الحرفة المعينة، فكل ما أجدتها كل ما خف ضغطها عليك بشكل ملحوظ.

فلو لاحظتوا: "كل الحاجات الفوق دي تأثيرهن علينا كان إيجابي، بس إذا إتغير لسلبي ده بيعني إن في خلل لابد من التعامل معاه بشكل صحيح سواء بالقعاد مع نفسنا ومراجعة الموضوع بشكل أدق، أو بالتواصل مع شخص بنثق في رجاحة عقله وحلوله، أو بالتواصل مع معالج نفسي"

محمد عمر
أستراحة معاك في كل خطاويك نحو النجاح 💪

‏مقطع صوتي من محمد عمر

‏مقطع صوتي من محمد عمر

‏مقطع صوتي من محمد عمر

المشاعر:

‏مقطع صوتي من محمد عمر

‏مقطع صوتي من محمد عمر

عن المرحلة الحالية:

‏مقطع صوتي من محمد عمر

لطلبة الشهادة السودانية:

الراجل عكس الست!

في إختلافات بين الراجل والست في العلاقات وفي مختلف نواحي الحياة، والإختلافات دي مش بس بيولوجية، نفسية أيضا، وفكرية، وحتى في طرق التعامل لحل المشكلات!

الست بطبعها عاطفية، وبتحب تظهر ضعفها وده بيمثل نقطة قوتها، يعني الراجل لمن يلقى ست بتنافسه في القوة وبتحسسه إنها أقوى منو أو منافسة ليه، ده مش حايخليه ينجذب ليها بالعكس حاينفر منها لأن ده عكس الفكرة الطبيعية اللي مكوننها الرجال حول الستات.
والموضوع ده أيضا بيندرج تحت بند الثقافة لأن الثقافة هي اللي بتشكل أفكارنا وآراءنا وتصوراتنا، ففي ثقافات ممكن الراجل يحفز فيها المرأة القوية وفي ثقافات تانية المرأة الضعيفة ..الخ

الراجل بطبعه منطقي وقوي ومابيحب يظهر ضعفه لأن ده عكس الطبيعة اللي هو إتربى عليها، فعلشان كده الراجل مابيحب يحكي ويشكي، وم بيحب يظهر إهتمامه وعطفه بشكل كبير ولا بيحب يظهر ضعفه لأن ده بيخليه يحس إن هو مش راجل!
الست بتبحث عن الراجل القوي والمسؤول بالرغم من حديثها الكتير عن رغبتها في الراجل العاطفي (الرومانسي)، بس اذا كان عاطفي وماليه شخصية حاتنفر منو بالرغم من رغبتها في الرومانسية، لأن الفكرة الاساسية اللي متكونة عندها عن الرجال هي (القوة) وليس الضعف وإنعدام الشخصية.
( ده مش معناه إن الراجل القوي مش رومانسي أو عاطفي، لا هو رومانسي وعاطفي بس بدرجة معقولة، عكس الراجل العاطفي بشدة وده أيضا م بيعني إن أي راجل عاطفي مش قوي شخصية أو مسؤول)

*فالاختلافات السابقة دي، وده على فكرة جزء يسير منها لو إتفهمناها بشكل أكبر وحاولنا نستصحبها معانا في علاقاتنا، حانقلل من كمية التصادمات اللي ممكن تحصل، كيف؟!*
لو جيتي تشكي مشكلة لراجل حايميل لإن يساعدك على حلها بدلا من ميله لإن يسمعك ويتعاطف معاك، وطبعا الحاجة دي عند الست أقرب للحرام وأقرب لإنها بتعني إن هو مش مهتم بيها لأن التعاطف بالنسبة ليها حاجة أكبر ومهمة أكتر من الحلول، وده مش بيعني إن هي م بتبحث عن الحلول، بتبحث عنها بس بعد التعاطف!
بس لو رجعتوا لكلامنا في المقدمة حول الإختلافات ( حاتفهمي إن ميل الراجل لمساعدتك مش بيعني عدم إهتمامه بيك، بالعكس بيعني إن هو مهتم بيك بس بإسلوبه المنطقي البميزه كرجل مش بالإسلوب العاطفي اللي بيمثلك كأنثى، فعلشان كده لو حابة تعاطف ممكن توضحي ليه إنك عاوزة التعاطف بدلا من الحلول أو تروحي لواحدة ست زيك تشكي ليها)


فده مثال مختصر، عن تأثير الإختلافات بين الرجالة والستات في العلاقات، وإن فهمنا ليها حايساعدنا بشكل كبير في تقليل الصدامات اللي ممكن تحصل في العلاقات.

بنصح بالكتب التالية:
• واي من لوف مزز.
• النساء من الزهرة والرجال من المريخ.
• واي من لوف بيتشز لكاتبة أمريكية تقريبا.
• للرجال أدهم شرقاوي.

ملاحظة:
"الكتب السابقة موجهة للجنسين حتى لو كلماتها موجهة لجنس محدد".

سلام عليكم، بعتذر عن التوقف الشبكة مقطوعة عندنا من يوم 12 لغاية ماتجي حاظهر ليكم وأواصل من جديد 🧡

اليوم ده مش للصحة النفسية بس لينا برضو 🙊
فأي زول حصل ساعدتو بشيء او المنصة قدمت ليه شيء سواء بالمقالات أو الاستشارات، شاركنا تجربتك وورينا ايه اللي حصل، ده رابط صراحة:
https://moha1998.sarahah.pro

في ختام هذه الأمسية المميزة، نتوجه بجزيل الشكر والتقدير لدكتورة سليمى محمد أحمد البشري، على الوقت الثمين الذي خصصته لنا وعلى المعلومات القيمة والمفيدة التي قدمتها

حضوركِ وإسهاماتكِ تركت أثرًا كبيرًا في قلوبنا، ومنحتنا فهماً أعمق للصحة النفسية وتحدياتها في ظل.

شكرًا يادكتورة 🧡

‏مقطع صوتي من محمد عمر