Praza.gal @prazapublica Channel on Telegram

Praza.gal

@prazapublica

O máis destacado da información de Praza.gal, ao vivo

Praza.gal (Galician)

Praza.gal é un canal de Telegram que ofrece o máis destacado da información en Galicia ao vivo. Conecta coa actualidade e coas noticias máis relevantes da rexión a través desta plataforma de mensaxería instantánea. Ao subscribirte a Praza.gal, terás acceso a unha ampla variedade de contidos que abranguen desde política e economía ata cultura e deportes, todo presentado de maneira concisa e axeitada para a comunidade galega. Os usuarios poderán estar ao tanto das últimas novas sen ter que buscar en diversas fontes, xa que Praza.gal reúne todo nun único lugar. Se es unha persoa interesada en estar informada sobre o que acontece en Galicia de forma rápida e fiable, este canal é perfecto para ti. Non deixes pasar a oportunidade de formar parte da comunidade de Praza.gal e mantente ao día coa información máis relevante da rexión galega.

Praza.gal

23 Jan, 17:56

👅👥Xunta, sindicatos e entidades pola lingua debaten este sábado sobre a "emerxencia lingüística" do galego. CIG-Ensino, AS-PG e A Mesa organizan as xornadas dirixidas ao colectivo docente nas que participará Valentín García, secretario xeral da Lingua
https://praza.gal/politica/xunta-sindicatos-e-entidades-pola-lingua-debaten-este-sabado-sobre-a-emerxencia-linguistica-do-galego
171
Praza.gal

23 Jan, 15:45

📄Aínda están pendentes un terzo dos 36 informes sectoriais de Altri. Cando a empresa responda a todos os requirimentos que lle fixeron diversos departamentos da administración e estes o validen a Consellería de Medio Ambiente aínda terá dous meses para emitir a súa decisión ambiental sobre o proxecto
https://praza.gal/politica/ainda-estan-pendentes-un-terzo-dos-36-informes-sectoriais-de-altri
224
Praza.gal

23 Jan, 12:05

‼️Galicia perde máis de 700 millóns coa derrogación do decreto tombado por PP, Vox e Junts. Un dos artigos que decaen actualizaba o sistema de financiamento autonómico incrementando nuns 702 millóns os fondos para a Xunta por mor da suba da recadación do Estado. Outro achegaba 17 millóns ao Goberno galego e 7,9 aos concellos para os descontos no transporte. O PP pon o foco en que o real decreto beneficiaba os "okupas" e ao PNV cun "palacete"; Besteiro ve "un castigo irracional de Feijóo e Rueda a milleros de galegos" e o BNG reclama un novo decreto "inmediato" para repoñer medidas como a suba das pensións ou os descontos no transporte
https://praza.gal/politica/galicia-perde-mais-de-700-millons-coa-derrogacion-do-decreto-tombado-por-pp-vox-e-junts
256
Praza.gal

23 Jan, 11:51

😋🌊🥗A provincia da Coruña sabe á conexión perfecta entre xente e produtos da terra e do mar. O vicepresidente e responsable de Turismo da Deputación da Coruña, Xosé Regueira, destaca en FITUR que o sector agroalimentario é "a mellor marca turística" da provincia
https://praza.gal/acontece/a-provincia-da-coruna-sabe-a-conexion-perfecta-entre-xente-e-produtos-da-terra-e-do-mar
235
Praza.gal

23 Jan, 10:58

⚖️A enxeñeira que Navantia non contratou polo seu perfil "demasiado maduro", aínda nun 'limbo' malia á vitoria xudicial. No ano 2020 unha enxeñeira non superou unha das fases do proceso de selección a pesar de obter unha das mellores puntuacións porque o seu perfil era "demasiado maduro". O TSXG e despois o Tribunal Supremo déronlle a razón e obrigaron a empresa a reabrir o proceso e incluíla nel, pero de momento a aspirante aínda non tivo noticia de acción ningunha neste senso por parte da compañía, que defende que si o está a facer
https://praza.gal/acontece/a-enxeneira-que-navantia-non-contratou-polo-seu-perfil-demasiado-maduro-ainda-nun-limbo-malia-a-vitoria-xudicial
241
Praza.gal

23 Jan, 07:36

🚙💨💶A Xunta merca 10 coches de alta gama por medio millón de euros tres anos despois da súa última renovación. O Goberno galego, que viña empregando vehículos de Stellantis tras a campaña de Feijóo contra o "luxo" dos Audi, adquire 10 Skoda Superb L&K (2 de 266 CV e 8 de 194 CV), "un coche luxosamente equipado" segundo a marca https://praza.gal/politica/a-xunta-merca-10-coches-de-alta-gama-por-medio-millon-de-euros-tres-anos-despois-da-sua-ultima-renovacion
262
Praza.gal

22 Jan, 15:45

👉Nin suba das pensións, nin axudas ao transporte público: Junts únese ao PP para facer caer varias medidas sociais. Os independentistas cataláns únense aos populares e a Vox para tombar o decreto ómnibus que incluía tamén axudas pola dana ou a prórroga do SMI
https://praza.gal/politica/nin-suba-das-pensions-nin-axudas-ao-transporte-publico-junts-unese-ao-pp-para-facer-caer-varias-medidas-sociais
306
Praza.gal

22 Jan, 12:29

❌🪵🇳🇴Así paralizou o goberno de Noruega unha celulosa semellante a Altri. En setembro a Dirección de Medio Ambiente denegou á empresa Billerud Viken a solitude de instalación da factoría en Hønefoss, a 60 quilómetros de Oslo, porque as verteduras da planta á auga infrinxirían a normativa medioambiental norueguesa e a Directiva Marco da Auga da UE, prexudicando os ríos da contorna e fiordos situados a unha distancia semellante á existente entre Palas de Rei e a Ría de Arousa. Greenpeace destaca as similitudes entre os dous proxectos
https://praza.gal/acontece/asi-paralizou-o-goberno-de-noruega-unha-celulosa-semellante-a-altri
320
Praza.gal

22 Jan, 11:44

🔎Galicia precisa 14.000 prazas máis en residencias de maiores. O país sitúase como a cuarta comunidade con maior déficit e está lonxe de cumprir coa ratio recomendado de cinco por cada 100 maiores de 65 anos, segundo un informe da Asociación de Directoras e Xerentes de Servizos Sociais
https://praza.gal/acontece/galicia-precisa-14000-prazas-mais-en-residencias-de-maiores
303
Praza.gal

22 Jan, 10:25

⬛️OBITUARIO | Superpiñeiro, querida parroquia
Xosé Manuel Piñeiro falece deixando tras de si o ronsel de agarimo que cultivou quen virou en icona da cultura popular do país dende a Televisión de Galicia e a Radio Galega, do emblemático 'Supermartes' ao debate sen cancelas de 'Acompáñenos'. Os recoñecementos chegáronlle con galardóns como a Medalla Castelao pero, sobre todo, coas infinitas mostras de afecto que recibiu ao anunciar en 2018 a súa retirada temporal para tratar o cancro que padecía
https://praza.gal/acontece/superpineiro-querida-parroquia
310
Praza.gal

22 Jan, 09:15

📈🏢DATOS | Vigo e A Coruña lideran o incremento do número de pisos turísticos no Estado. Un informe de Ecoloxistas en Acción alerta de que a proliferación de vivendas de uso turístico está a expulsar familias residentes dos barrios máis saturados. "Está a facer inaccesible a vivenda para as capas sociais con menos ingresos e para a mocidade que se quere emancipar", denuncia. Vigo é cidade na que máis aumentou o seu número dende o 2020 (+113%) entre as 23 analizadas e A Coruña é a cuarta (+84%)
https://praza.gal/acontece/vigo-e-a-coruna-lideran-o-incremento-do-numero-de-pisos-turisticos-no-estado
296
Praza.gal

22 Jan, 07:18

❗️🚉💶A Xunta debe 10.000 euros desde hai dous anos a un perito de Angrois. O xulgado xa remitiu tres veces ao Goberno galego os honorarios do experto xudicial máis independente, que contribuíu á condena de Adif e o único que non era un funcionario imposto pola propia Administración, que acabaron sendo máis caros https://praza.gal/politica/a-xunta-debe-10000-euros-desde-hai-dous-anos-a-un-perito-de-angrois
301
Praza.gal

21 Jan, 15:22

👨‍🔬📚📢 O profesorado axudante doutor da USC reclama a súa estabilización. A Plataforma de Profesorado Axudante Doutor da Universidade de Santiago convoca unha concentración ante a Reitoría para denunciar a "precarización do colectivo". Dende o 2008 a falta de investimento vén bloqueando os procesos de contratación deixando a moitos investigadores e docentes ancorado nesta figura, con retribucións, responsabilidades e recoñecemento por debaixo dos seus méritos e cualificacións https://praza.gal/ciencia-e-tecnoloxia/o-profesorado-axudante-doutor-da-usc-reclama-a-sua-estabilizacion
337
Praza.gal

21 Jan, 13:54

🎬🐺 Pontevedra abre a semana Feroz preparada para un aluvión de estrelas do audiovisual. Os equipos de 'Casa en flames' e 'Querer', producións con máis candidaturas, encabezan as presenzas confirmadas na gala que se celebra este 25 de xaneiro no Pazo da Cultura. Pedro Almodóvar, Najwa Nimri, Candela Peña ou Carmen Machi estarán en Pontevedra para unha entrega de premios que xuntará os equipos dos filmes e series máis destacados do último ano. La 2 de TVE retransmite o acto ao vivo https://praza.gal/cultura/pontevedra-abre-a-semana-feroz-preparada-para-un-aluvion-de-estrelas-do-audiovisual
358
Praza.gal

21 Jan, 11:45

🐺 Medio Ambiente admite que a evolución do lobo non é "positiva" senón "estable" e teima en poder cazalo. A conselleira Ángeles Vázquez celebra unha nova reunión con cazadores, que lle trasladan peticións para "garantir o futuro e a remuda xeracional do colectivo" https://praza.gal/politica/medio-ambiente-admite-que-a-evolucion-do-lobo-non-e-positiva-senon-estable-e-teima-en-poder-cazalo
303
Praza.gal

21 Jan, 09:27

🇺🇸Trump desprega a súa axenda ultra dende o inicio: "Perforar e perforar", leis tránsfobas e blindar as fronteiras. O xa presidente dos EUA preséntase no seu regreso como o home elixido por Deus para rescatar o país da "decadencia". Identifica con "sentido común" a cancelación de solicitudes de asilo para persoas migrantes e, nas primeiras horas de mandato, reitera a súa intención de "retomar" a Canle de Panamá, retira os EUA do Acordo Climático de País e exclúe as persoas trans de institucións públicas como escola ou exército. Por Inés G. Rábade, de infoLibre https://praza.gal/mundo/trump-desprega-a-sua-axenda-ultra-dende-o-inicio-perforar-e-perforar-leis-transfobas-e-blindar-as-fronteiras
314
Praza.gal

21 Jan, 08:43

📺👈📃As alternativas de BNG e PSdeG á lei de medios públicos coa que o PP blindará o control dende a Xunta. A lei que impulsa a Xunta permitirá ao PP remudar o director xeral da CRTVG só cos seus votos ao rebaixar a maioría reforzada esixida pola normativa de 2011, que nunca chegou a aplicarse. O Bloque promove elixir todo o consello de administración por concurso público e os socialistas reclaman, como mínimo, manter a maioría reforzada https://praza.gal/politica/as-alternativas-de-bng-e-psdeg-a-lei-de-medios-publicos-coa-que-o-pp-blindara-o-control-dende-a-xunta
294
Praza.gal

21 Jan, 07:15

🏥📉DATOS | Galicia segue perdendo enfermeiras por emigración mentres precisa 10.000 para acadar a media da UE. En 2023 os contratos asinados por enfermeiras galegas noutras autonomías foron 255 máis que os rubricados en Galicia por profesionais chegadas de fóra e só seis comunidades encabezadas por Catalunya teñen saldo positivo. A media europea está nunhas 9 enfermeiras por cada 1.000 habitantes; Galicia destaca negativamente como a segunda autonomía máis afastada deste nivel, con apenas 5 https://praza.gal/acontece/galicia-segue-perdendo-enfermeiras-por-emigracion-mentres-precisa-10000-para-acadar-a-media-da-ue
291
Praza.gal

20 Jan, 16:24

📃A Xunta dáse 3 anos para un novo plan eólico no que terán máis voz as empresas que os colectivos sociais. O Goberno galego inicia agora a nova planificación do sector pola que dicía apostar en 2009 e admite que o anterior documento, de hai máis de dúas décadas, quedou superado
https://praza.gal/economia/a-xunta-dase-3-anos-para-un-novo-plan-eolico-no-que-teran-mais-voz-as-empresas-que-os-colectivos-sociais
313
Praza.gal

20 Jan, 15:07

✍️🇺🇸EDITORIAL | O segundo mandato de Donald Trump e Galicia https://praza.gal/editorial/o-segundo-mandato-de-donald-trump-e-galicia
311
Praza.gal

13 Jan, 15:10

🏘💶🏢Santiago solicitará a declaración de zona residencial tensionada cun informe da Universidade da Coruña que avala a proposta. O documento confirma que o concello cumpre en todo o seu territorio dous dos criterios para solicitar a declaración, que busca regular o prezo do alugueiro. Entre 2018 e 2023 o prezo de arrendamento da vivenda aumentou en máis de 50% en varios barrios da capital de Galicia https://praza.gal/acontece/santiago-solicitara-a-declaracion-de-zona-residencial-tensionada-cun-informe-da-udc-que-avala-a-proposta
133
Praza.gal

13 Jan, 12:35

🚗🔌 Galicia aumentou en 2024 nun 56% os puntos de recarga de vehículos eléctricos pero segue á cola do Estado. A finais de 2024 había nas catro provincias 1.710 puntos de recarga de acceso público, cun aumento importante pero insuficiente, que deixa o noso país como o quinto territorio do Estado cunha peor infraestrutura. O pasado ano vendéronse en Galicia 3.548 coches electrificados (eléctricos puros e híbridos enchufables), un 11% máis que o ano anterior https://praza.gal/acontece/galicia-aumentou-en-2024-nun-56-os-puntos-de-recarga-de-vehiculos-electricos-pero-segue-a-cola-do-estado
200
Praza.gal

13 Jan, 11:19

🔥🚒 De Galicia 2017 a California 2025, os incendios cada vez chegan máis ás casas. Investigadores da USC analizaron máis de cen mil incendios producidos no Estado español e California para concluír que os lumes se inician cada vez máis próximos a áreas habitadas. Estes incendios de interface, nos que se mesturan espazos forestais e núcleos de poboación, ademais de provocar maiores danos humanos e materiais, son máis difíciles de combater, o que obriga a reprensar os dispositivos de extinción https://praza.gal/ciencia-e-tecnoloxia/de-galicia-2017-a-california-2025-os-incendios-cada-vez-chegan-mais-as-casas
199
Praza.gal

13 Jan, 09:45

🏥O Ministerio de Sanidade pide á Xunta máis persoal nas residencias tras un brote de sarna nunha da Fundación San Rosendo. O número dous do departamento que dirixe Mónica García reprocha ao Goberno galego que se desmarcase do novo modelo de residencias acordado a nivel estatal tras a COVID, fronte ao que Política Social opta por manter as rateos de persoal de hai tres décadas https://praza.gal/politica/o-ministerio-de-sanidade-pide-a-xunta-mais-persoal-nas-residencias-tras-un-brote-de-sarna-nunha-da-fundacion-san-rosendo
191
Praza.gal

13 Jan, 07:23

⚖️⚠️Sentenciado o "evidente panorama represaliante" no despido dunha psicóloga da Consellería de Política Social. A traballadora reclamara o seu dereito á praza que ocupaba como persoal laboral pero a Xunta incluíuna noutro proceso selectivo e adxudicouna a outra persoa, o que leva ao tribunal a sospeitar unha operación "buscada só para removela" https://praza.gal/politica/sentenciado-o-evidente-panorama-represaliante-no-despido-dunha-psicologa-da-conselleria-de-politica-social
227
Praza.gal

12 Jan, 15:34

🌎🗺 Unha ducia de lugares do mundo que marcaron a vida de Castelao. Son moitos os lugares importantes na vida de Castelao. Por suposto Rianxo e Pontevedra, pero tamén Bernasconi na Pampa, Nova York, Bos Aires, Badaxoz, Compostela, París, Moscova ou Madrid. Repasamos aquí algúns deles no inicio do ano 2025 no se que se está a conmemorar o seu 75 cabodano. https://praza.gal/ducias/lugares-do-mundo-que-marcaron-a-vida-de-castelao
267
Praza.gal

12 Jan, 12:34

GRIAL EN PRAZA | Galego na escola. Feitos e procuras. Derrubando valados (1963-1976). O galego só chegaba á porta das escolas, que impoñían os valados da españolización, aínda fortes mesmo despois da desaparición biolóxica do franquismo. Antón Costa debulla neste texto a loita polo ensino en galego nos anos 60 e 70 https://praza.gal/cultura/galego-na-escola-feitos-e-procuras-derrubando-valados-1963-1976
279
Praza.gal

12 Jan, 10:16

🏢 🏨A apertura de novos pisos turísticos necesitará da autorización expresa da comunidade de propietarios do edificio. A partir do 3 de abril quen queira instalar un piso turístico nunha vivenda dun edificio comunitario deberá contar co voto favorable do 60% dos propietarios. Tamén se necesitará unha maioría de tres quintos para prohibir as actividades turísticas, aínda que esta decisión non poderá ter efectos retroactivos e os pisos turísticos legalmente rexistrados antes de abril poderán seguir operando se cumpren coa normativa e as limitacións aplicadas en cada concello https://praza.gal/acontece/a-apertura-de-novos-pisos-turisticos-necesitara-da-autorizacion-expresa-da-comunidade-de-propietarios-do-edificio
277
Praza.gal

12 Jan, 08:54

⚖️🚗 Baltar fillo desloce no banco dos acusados os 15 anos da súa vitoria sobre Feijóo e os 35 da chegada do pai á Deputación. O xuízo por conducir a 215 por hora comeza este luns no Supremo, nun mes de xaneiro marcado por varios fitos significativos na historia dos Baltar, que afrontan a que sería a súa segunda condena penal https://praza.gal/politica/baltar-fillo-desloce-no-banco-dos-acusados-os-15-anos-da-sua-vitoria-sobre-feijoo-e-os-35-da-chegada-do-pai-a-deputacion
274
Praza.gal

11 Jan, 16:10

O BNG sitúa vivenda, planificación eólica, concerto económico e loita contra Altri como prioridades. O BNG celebrou este sábado a primeira xuntanza do seu Consello Nacional tras a XVIII asemblea da formación, un encontro que o Bloque aproveitou para fixar as "prioridades" de cara ao inicio do ano https://praza.gal/politica/o-bng-situa-a-vivenda-a-planificacion-eolica-o-concerto-economico-a-loita-contra-altri-como-prioridades
296
Praza.gal

11 Jan, 12:30

🏭🐟 A crise de Pescados Rubén deixa no aire 80 empregos na Mariña. A compañía con sede en Foz, dedicada á venda de peixe e marisco a grandes mercados e cadeas de supermercados, entrou nos últimos anos nun rápido devalo que a leva á solicitude dun concurso voluntario de acredores. A Mariña encamíñase a un novo capítulo da súa crise industrial, despois dos casos recentes de Vestas, Albo ou a propia Alcoa https://praza.gal/economia/a-crise-de-pescados-ruben-deixa-no-aire-80-empregos-na-marina
303
Praza.gal

11 Jan, 11:13

🚢 O encallamento do quimiqueiro 'Blue Star' en Ares en 2019 remata con deberes para Estado e Xunta en materia de salvamento. Os investigadores atribúen o accidente, que acabou co barco embarrancado 18 días, á descoordinación da tripulación ante unha avaría, pero piden medidas para que en situacións similares os remolcadores de auxilio poidan chegar antes. https://praza.gal/acontece/o-encallamento-do-quimiqueiro-blue-star-en-ares-en-2019-remata-con-deberes-para-estado-e-xunta-en-materia-de-salvamento
295
Praza.gal

11 Jan, 10:02

Familias ourensás en loita fronte á Xunta pola atención pública aos seus fillos con discapacidade. A Plataforma ProCAPD leva case unha década esixindo que Ourense deixe de ser a única provincia galega sen un centro da Xunta para a atención á discapacidade. Agora, ás portas da súa apertura, esixen cumprir a promesa de que teña xestión pública tras decidir Política Social o contrario https://praza.gal/movementos-sociais/familias-ourensas-en-loita-fronte-a-xunta-pola-atencion-publica-aos-seus-fillos-con-discapacidade
276
Praza.gal

11 Jan, 09:02

🎒⛪️ O alumnado de Relixión en Primaria cae ao seu mínimo histórico mentres aumenta en Bacharelato. Na última década a porcentaxe de alumnado que cursa Relixión en Primaria pasou do 81% ao 55%; en cambio, en ESO e Bacharelato mantense estable e mesmo se incrementa. Os centros públicos e privados puros rexistran o maior rexeitamento á materia en Primaria e ESO, fronte á escolla maioritaria da Relixión nos centros privados-concertados. https://praza.gal/acontece/o-alumnado-de-relixion-en-primaria-cae-ao-seu-minimo-historico-mentres-aumenta-en-bacharelato
285
Praza.gal

10 Jan, 18:38

🎉 Chegamos á fin de semana

 🎭 Cunha entrevista co actor, poeta e dramaturgo Manuel Cortés: "A cultura é cultura, non se trata do orzamento senón do que ti poidas ou queiras transmitir"
https://praza.gal/cultura/a-cultura-e-cultura-non-se-trata-do-orzamento-senon-do-que-ti-poidas-ou-queiras-transmitir

🌍 E cunha ducia de lugares do mundo que marcaron a vida de Castelao
https://praza.gal/ducias/lugares-do-mundo-que-marcaron-a-vida-de-castelao
288
Praza.gal

10 Jan, 16:04

🇪🇺💶O Goberno de España pide "máis axilidade" cos fondos europeos á Xunta: "Ten o 51% sen adxudicar". Galicia ten asignados 1.545 millóns de fondos Next Generation dos que 759 xa chegaron ao seu destino e outros 199 xa foron tamén convocados, pero aínda non resoltos. O delegado gobernamental, Pedro Blanco, reclama "maior dilixencia" e defende que o Executivo de Sánchez leva estes fondos "a todos os concellos galegos". Os resoltos directamente polo Estado en Galicia ascenden a 2.046 millóns https://praza.gal/politica/o-goberno-de-espana-pide-mais-axilidade-cos-fondos-europeos-a-xunta-ten-o-51-sen-adxudicar
302
Praza.gal

10 Jan, 13:09

🏢🏞 Vivenda, servizos sociais e adaptación ao cambio climático, prioridades do goberno de Santiago para 2025. O edificio a medio construír que ía albergar o parque comarcal de bombeiros en Salgueiriños será adaptado como Factoría Moza mentres o debate sobre o futuro da Casa da Xuventude "non é unha prioridade para este goberno" https://praza.gal/politica/vivenda-servizos-sociais-e-adaptacion-ao-cambio-climatico-prioridades-do-goberno-de-santiago-para-2025
299
Praza.gal

10 Jan, 10:15

🏛📝 Meirás e San Simón, protexidos como 'lugares de Memoria Democrática' a partir de agosto. A figura, recollida na Lei de Memoria Democrática de 2022, obriga ás administracións "a asegurar a súa perdurabilidade, identificación, explicación e sinalización axeitada" e a promover a investigación e difusión da súa historia. A Iniciativa Galega pola Memoria, que realizou a solicitude o pasado mes de xullo, celebra a nova pero lamenta non ter recibido comunicación ningunha e coñecer o feito a través da prensa https://praza.gal/acontece/meiras-e-san-simon-protexidos-como-lugares-de-memoria-democratica-a-partir-de-agosto
283
Praza.gal

10 Jan, 09:07

🏳️‍🌈⚖️ENTREVISTA | Ana Fernández (ALAS): "A sentenza fai xustiza. O máis importante era o recoñecemento dos feitos e do agravante por LGBTIfobia". Pedímoslle á presidenta de ALAS A Coruña unha valoración sobre o ditame do xuízo polo asasinato de Samuel Luiz. A voceira da entidade que exerceu a acusación popular pide "reflexionar como sociedade que está a fallar para que xente tan nova exerza unha violencia como esta contra unha persoa" https://praza.gal/acontece/a-sentenza-fai-xustiza-o-mais-importante-era-o-reconecemento-dos-feitos-e-do-agravante-por-lgbtifobia
281
Praza.gal

10 Jan, 07:17

🏘💶📊DATOS | Os fogares galegos con hipoteca pecharon 2024 en mínimos e xa son menos que os alugados. Na fin do pasado ano apenas un 13% dos fogares estaban a pagar pola primeira vivenda, o valor máis baixo da serie histórica. Antes da gran recesión algo máis do 10% dos fogares galegos pagaba alugueiro, dez puntos menos dos que tiñan hipotecas e agora os arrendados xa son máis. Daquela a hipoteca media nas cidades galegas era uns 2.200 euros anuais máis cara que o alugueiro; agora a diferenza é de apenas 400 euros ao ano https://praza.gal/economia/os-fogares-galegos-con-hipoteca-pecharon-2024-en-minimos-e-xa-son-menos-que-os-alugados
301
Praza.gal

31 Dec, 17:13

O 1 de xaneiro, Aninovo, Praza.gal non se actualiza por descanso do persoal. A redacción de Praza e a Fundación Praza Pública deséxanvos boas festas e feliz 2025! Deixamos aquí moito para ler e o xoves estamos de volta. Feliz ano!

👉 https://praza.gal
140
Praza.gal

31 Dec, 13:28

📺 Rueda ofrece os "recursos" e "talento" de Galicia ás industrias que queiran asentarse respectando "a nosa contorna". O terceiro discurso de Fin de Ano do presidente pon o foco na educación e promete "seguir facendo de Galicia unha excepción de serenidade, responsabilidade e altura de miras". https://praza.gal/politica/rueda-ofrece-os-recursos-e-talento-de-galicia-as-industrias-que-queiran-asentarse-respectando-a-nosa-contorna
188
Praza.gal

31 Dec, 11:18

Ana Pontón e José Ramón Gómez Besteiro comparten mensaxes de Fin de Ano

A mensaxe de Fin de ano da portavoz nacional do BNG, Ana Pontón, agradece o apoio recibido e promete "traballar sen descanso por unha Galiza na que os soños se fagan realidade". Pontón grava o seu vídeo a carón do monumento a Rosalía de Castro na alameda de Compostela.
https://praza.gal/falase?de=dc257202-eb8b-4325-a3b0-817ce69bd49d

O secretario xeral do PSdeG, José Ramón Gómez Besteiro, lanza unha mensaxe de Fin de Ano cociñando un capón de Vilalba e conversando sobre "os problemas da Galicia real e as esperanzas dun 2025 mellor".
https://praza.gal/falase?de=ef4d0896-3ffe-46ba-ab32-ebfe5c91afe3
217
Praza.gal

31 Dec, 08:25

📈 138 mil persoas de máis de 65 anos viven soas en Galicia. É o nivel máis alto da serie histórica, cun aumento importante dende o ano 2022 (123 mil). Hai 57 mil fogares galegos nos que conviven tres xeracións: avós/avoas, fillos/fillas e netos/netas. Iso si, esta é unha realidade en descenso: hai dez anos eran 73 mil. https://praza.gal/acontece/138-mil-persoas-de-mais-de-65-anos-viven-soas-en-galicia
223
Praza.gal

31 Dec, 07:25

🗓 Eleccións e un futuro que preocupa e esperanza: un retrato informativo do 2024 que marcha. Sobre a base das informacións máis vistas e lidas en Praza.gal durante os últimos doce meses trazamos un resumo do ano que remata. https://praza.gal/acontece/eleccions-e-un-futuro-que-preocupa-e-esperanza-un-retrato-informativo-do-2024-que-marcha
221
Praza.gal

30 Dec, 13:10

⛪️ O presidente do Parlamento pide en nome do Rei ante o Apóstolo un financiamento "que priorice persoas a territorios". Como delegado da Casa Real na cerimonia da Traslación Miguel Santalices salienta que o Estado de Benestar "contrasta" coas necesidades "de moitos dos nosos semellantes". https://praza.gal/politica/o-presidente-do-parlamento-pide-en-nome-do-rei-ante-o-apostolo-un-financiamento-que-priorice-persoas-a-territorios
267
Praza.gal

30 Dec, 12:36

🛣 Reabre o segundo viaduto da A-6 en Pedrafita dous anos e medio despois. O ministro de Transportes anuncia a apertura en xaneiro do treito Melide-Palas da A-54 Lugo-Santiago e o seu remate total ao longo de 2025 coa posta en servizo do derradeiro treito Arzúa-Melide. https://praza.gal/politica/reabre-o-segundo-viaduto-da-a-6-en-pedrafita-dous-anos-e-medio-despois
265
Praza.gal

30 Dec, 07:44

📈🐗🪶🐰 A tempada de caza 2022-23 deixou un récord de 221.000 animais mortos en Galicia. Xabaril, perdiz, arcea e pomba rexistraron a maior cifra de exemplares abatidos da última década malia a caída progresiva de licenzas. https://praza.gal/acontece/a-tempada-de-caza-2022-23-deixou-un-record-de-221000-animais-mortos-en-galicia
273
Praza.gal

29 Dec, 16:56

📚REPORTAXE | A obra inédita de Luísa Villalta que peta na nosa conciencia. A editorial Galaxia publica o Teatro completo de Luísa Villalta, coa edición de Henrique Rabuñal; a Poesía inédita e dispersa ao coidado de Pilar Pallarés e Miguel Mato; e a Narrativa inédita e dispersa, baixo a edición de Daniel Chapela. Tres volumes que van incentivar o estudo da obra de Villalta máis alá dos marcos da homenaxe da Real Academia Galega, coa que as súas poesías, novelas, pezas teatrais, músicas ou ensaios están a chegar a novos públicos tan frescas como o primeiro día https://praza.gal/cultura/a-obra-inedita-de-luisa-villalta-que-peta-na-nosa-conciencia
277
Praza.gal

29 Dec, 11:47

⛏️📃Corpos ocultos "para tapar a magnitude dos crimes": a tese gaña forza nas fosas galegas dos golpistas. O Plan Cuadrienal de Memoria Democrática permitiu, por primeira vez, intervir en fosas comúns de vítimas dos golpistas con aval e financiamento público. A historiadora Conchi López, membro do equipo de Histagra que interveu nas fosas, explica que os traballos acrecentan "os indicios" de que os cadáveres "foron ocultados á mantenta" e ratifica que "queda moito por facer" nun contexto no que a Xunta se limita a transferir os fondos que envía o Estado, pero evita aparecer 'na foto' da memoria histórica https://praza.gal/politica/corpos-ocultos-para-tapar-a-magnitude-dos-crimes-a-tese-gana-forza-nas-fosas-galegas-dos-golpistas
273
Praza.gal

29 Dec, 10:40

🔴Se te fas de Praza antes do día 31 ata o 80% da túa achega xa che virá de volta na declaración da renda de 2024
🤗Todo o que publicamos é grazas a vós
🌲🎁Tamén podes agasallar a persoa que queiras facéndoa socia🌲🎁
ℹ️+info
🔗https://praza.gal/axuda/desgravacion-de-doazons
↪️Faite socia, faite socio
🔗https://praza.gal/faitedepraza
264
Praza.gal

29 Dec, 09:51

✍️CRÓNICA POLÍTICA | Un pacto por máis galego 18 anos despois de inocular que xa abondaba. Como líder da oposición Feijóo elevou a "conflito lingüístico sen precedentes" a aplicación dun mínimo do 50% da docencia en galego, o mesmo que estipulara o unánime Plan Xeral de Normalización que o actual Goberno da Xunta se propón renovar. Durante anos o PP inoculou por primeira vez na historia da autonomía a mensaxe de que a normalización da lingua galega fora demasiado lonxe mediante un espantallo, o da "imposición", que callou socialmente, especialmente na xente moza. Invertelo semella a tarefa máis urxente das persoas elixidas para redactar o novo plan https://praza.gal/politica/un-pacto-por-mais-galego-18-anos-despois-de-inocular-que-xa-abondaba
269
Praza.gal

29 Dec, 09:00

👥🇻🇪🇧🇷🇵🇹🇦🇷 DATOS | Radiografía da Galicia que naceu no estranxeiro: unha poboación nova, crecente e esparexida polo país. Os galegos e galegas que naceron fóra do Estado español xa suman máis de 300 mil persoas. O seu peso é maior entre as xeracións novas (un terzo da poboación da Coruña entre 25 e 34 anos naceu no estranxeiro) e nas áreas urbanas, sobre todo en determinados barrios, pero a súa presenza esténdese por todo o territorio. Analizamos os países de orixe máis habituais en cada concello da poboación nacida fóra https://praza.gal/acontece/radiografia-da-galicia-que-naceu-no-estranxeiro-unha-poboacion-nova-crecente-e-esparexida-polo-pais
264
Praza.gal

28 Dec, 15:09

🏢Unha ducia de obras de Andrés Fernández-Albalat no centenario do seu nacemento. Durante este ano 2024 que está a piques de rematar conmemorouse con diferentes actos o centenario do nacemento de Andrés Fernández-Albalat Lois, recoñecido como a figura máis representativa da modernidade na arquitectura galega da segunda metade do século XX. Dende comezos dos anos 60 e ata finais dos 90 deixou por todo país -sobre todo na cidade da Coruña e a súa comarca- unha gran cantidade de obras que definen a imaxe destes lugares que nas que "soñou Galicia dende o humanismo e o compromiso coa identidade do país, coa súa memoria histórica e coa tradición, sen renunciar á procura de novas formas de expresión arquitectónicas”, como destacou recentemente o presidente da RAG, Víctor F. Freixanes https://praza.gal/ducias/obras-de-andres-fernandez-albalat-no-centenario-do-seu-nacemento
282
Praza.gal

28 Dec, 12:52

🔭📡🛰🇨🇳REPORTAXE | Alianza galego-chinesa para estudar os ancestros dos buracos negros. Un equipo de investigadores do Instituto Galego de Física de Altas Enerxías e a Universidade Chinesa de Hong Kong vén de publicar en The Astrophysical Journal un artigo no que se propón un novo método para reconstruír a 'árbore xenealóxica' dos buracos negros https://praza.gal/ciencia-e-tecnoloxia/alianza-galego-chinesa-para-estudar-os-ancestros-dos-buracos-negros
283
Praza.gal

28 Dec, 10:17

🏘💶⚖️Marcial Dorado aínda vive na mansión da Illa de Arousa que o Estado lle incautou hai nove anos. Narcodiario revela en infoLibre que, malia ser propiedade do Plan Nacional sobre Drogas, a casa do Lagartiño continúa sendo gozada polo narco que compartiu amizade con Feijóo cando o ex-presidente dirixía o Sergas. Mediante sucesivos litixios vén eludindo as ordes de desaloxo imprescindibles para que a propiedade sexa poxada https://praza.gal/falase?de=bcbcf144-e4eb-4ba5-94e1-3cba0e3a786a
287
Praza.gal

28 Dec, 09:20

🏘📈DATOS | Unha de cada catro familias nas cidades galegas vive de alugueiro e paga un 28% máis que hai cinco anos. Segundo a Enquisa Estrutural a Fogares do IGE, cada vez máis xente paga un alugueiro pola súa vivenda principal e os prezos son cada vez maiores. A situación afecta de forma máis grave ás zonas urbanas, pero tamén nos concellos menos poboados o encarecemento entre o 2019 e o 2023 superou o 20%. https://praza.gal/economia/unha-de-cada-catro-familias-nas-cidades-galegas-vive-de-alugueiro-e-paga-un-28-mais-que-hai-cinco-anos
284
Praza.gal

27 Dec, 18:33

🎉 Chegamos á fin de semana!

📚 Cunha reportaxe sobre a obra inédita de Luísa Villalta que peta na nosa conciencia
https://praza.gal/cultura/a-obra-inedita-de-luisa-villalta-que-peta-na-nosa-conciencia

🏗️ E cunha ducia de obras de Andrés Fernández-Albalat no centenario do seu nacemento
https://praza.gal/ducias/obras-de-andres-fernandez-albalat-no-centenario-do-seu-nacemento
310
Praza.gal

24 Dec, 08:28

⛽️🚗💨A Xunta suma 10 novos coches oficiais diésel e gasolina e afonda no freo da transición a híbridos e eléctricos. Tras formalizar o pasado novembro a compra de tres novos coches diésel e un gasolina, Presidencia inicia os trámites para mercar outros seis automóbiles de combustión. Tanto os cinco novos diésel coma o de gasolina serán berlinas do segmento D con tracción ás catro rodas e alta potencia. A consellería reserva para ambas operacións case 300.000 euros que, sumados ao importe da anterior compra, elevan o total ata preto do medio millón https://praza.gal/politica/a-xunta-suma-10-novos-coches-oficiais-diesel-e-gasolina-e-afonda-no-freo-da-transicion-a-hibridos-e-electricos
63
Praza.gal

24 Dec, 07:29

🗺👥INTERACTIVO | O 57% da poboación galega vive no 1% do territorio. Se ampliamos o foco ata as cuadrículas nas que viven cando menos cen persoas (o 10,1% da superficie total de Galicia) atopamos que nelas reside o 84,6% da poboación de Galicia. O 38% do territorio está totalmente deshabitado (nun espazo dun quilómetro cadrado non vive ninguén), unha porcentaxe en ascenso pero aínda moi lonxe das medias do Estado Español ou de Portugal https://praza.gal/acontece/o-57-da-poboacion-galega-vive-no-1-do-territorio
89
Praza.gal

23 Dec, 18:18

🟥Besteiro chama a atender os problemas da "Galicia real" e pide "sumar esforzos" no Congreso do PSdeG que vén. "Imos sumar a todos os socialistas e as socialistas que forman este partido para facer un Congreso baseado na igualdade e nos retos que ten que ter Galicia e, por tanto, o PSdeG, para os vindeiros anos", sinalou o secretario xeral
https://praza.gal/politica/besteiro-chama-a-atender-os-problemas-da-galicia-real-e-pide-sumar-esforzos-no-congreso-do-psdeg-que-ven
213
Praza.gal

23 Dec, 15:05

🛣💶Máis descontos na AP-9 para usuarios recorrentes e vehículos pesados desde o 1 de xaneiro. O Consello de Ministros aproba as novas rebaixas comprometidas co BNG e eleva a 81,6 millóns o orzamento público reservado para subvencionar peaxes na autoestrada galega en 2025 https://praza.gal/politica/mais-descontos-na-ap-9-para-usuarios-recorrentes-e-vehiculos-pesados-desde-o-1-de-xaneiro
240
Praza.gal

23 Dec, 12:41

📺🌲VÍDEOS | Panxoliñas e trolls no Nadal político galego. O PP felicita cun vídeo no que Rueda dirixe un coro de dirixentes do partido á procura, afirma, dun Nadal que "soe ben para todos" cunha mensaxe de harmonía que combinan con outras estratexias para caricaturizar a nacionalistas e socialistas aproveitando as festas. Na felicitación do BNG Ana Pontón canta unha panxoliña tradicional xunto a 'Mini' https://praza.gal/politica/panxolinas-e-trolls-no-nadal-politico-galego
228
Praza.gal

23 Dec, 11:48

🎥🎬Premios María Luz Morales: oito anos ampliando a ollada de noso sobre o audiovisual. En 2017 a Academia Galega do Audiovisual puxo en marcha os galardóns co obxectivo de "fomentar a investigación sobre o audiovisual en lingua galega". Dende entón, recoñecéronse varias ducias de traballos nas súas catro categorías de ensaio e videoensaio, con achegas sobre a produción máis recente e as tendencias de futuro e tamén pescudas sobre obras e profesionais do pasado. Escolmamos aquí algunhas das investigacións máis destacadas
https://praza.gal/cultura/premios-maria-luz-morales-oito-anos-ampliando-a-ollada-de-noso-sobre-o-audiovisual
227
Praza.gal

23 Dec, 07:25

⚖️Política Social esgrime a pandemia para despedir máis barato ducias de traballadoras de residencias. A Xunta cesou en abril por fin de "obra ou servizo" persoal contratado en 2021 pola COVID-19 e o TSXG ve fraude e lembra que o propio Executivo deu por superada a pandemia hai tres anos, polo que os contratos son xa indefinidos e os despedimentos, improcedentes https://praza.gal/politica/politica-social-esgrime-a-pandemia-para-despedir-mais-barato-ducias-de-traballadoras-de-residencias
232
Praza.gal

22 Dec, 12:56

💶🌲A Lotaría do Nadal deixa décimos dos principais premios por toda Galicia. O segundo premio reparte 2,5 millóns en Vigo e Barbadás e o terceiro máis de 3 millóns en nove concellos. https://praza.gal/acontece/a-lotaria-do-nadal-deixa-decimos-dos-principais-premios-por-toda-galicia
279
Praza.gal

22 Dec, 09:49

💬🛰GRIAL EN PRAZA | A síndrome do impostor no neofalante. Falo galego orgulloso de falalo. Porque era a miña lingua mesmo antes de eu sabelo ou recoñecelo. Son neofalante, e, xa que logo, o meu galego é imperfecto. Porén, é meu. E, como me dixo un bo amigo, o único galego malo é o galego non falado. https://praza.gal/cultura/a-sindrome-do-impostor-no-neofalante
293
Praza.gal

22 Dec, 09:06

✍️CRÓNICA | Contraste político nunha Galicia empatada. En plena 'resaca' da enorme manifestación contra Altri, a demoscopia apuntou a un mantemento do PP con maioría absoluta. Ese contraste vén marcando unha vida política na que apenas tres puntos separaron as dúas medias Galicias nas urnas o pasado febreiro. Olladas na esquerda ven claro que un eventual cambio pasa por que a media Galicia que se ve representada na oposición á dereita pesque no estremo máis centrista e galeguista do caladoiro do PP. Mentres, os populares afánanse no enganche dalgunhas bandeiras políticas da exitosa campaña do BNG para evitalo. https://praza.gal/politica/contraste-politico-nunha-galicia-empatada
272
Praza.gal

22 Dec, 08:09

🟪Un estudo do Ministerio estima que hai máis de 184.000 mulleres en situación de prostitución no Estado. A delegada do Goberno contra a violencia de xénero sinala que "en 2023 polo menos 114.576 mulleres de 18 anos en diante estaban en situación de prostitución no noso país a través de anuncios web". As estimacións do maior estudo realizado sobre a materia apuntan que pode haber "aproximadamente entre 152.735 e 184.234 mulleres" nesta posición. https://praza.gal/acontece/un-estudo-do-ministerio-estima-que-hai-mais-de-184000-mulleres-en-situacion-de-prostitucion-no-estado
265
Praza.gal

21 Dec, 09:06

🔎📃 O PP conclúe a investigación só: nin sobrecusto no Cunqueiro nin familiares beneficiados con contratos. Os populares culminan a súa vontade de acelerar a investigación dos contratos da Xunta e virala contra a oposición aprobando en solitario un documento de conclusións das pescudas. https://praza.gal/politica/o-pp-conclue-a-investigacion-so-nin-sobrecusto-no-cunqueiro-nin-familiares-beneficiados-con-contratos
287
Praza.gal

21 Dec, 08:19

📈 Medio millón de peregrinos mentres o papa se pregunta se fan "verdadeira peregrinación ou outra cousa". O arcebispo insiste en que non se perda "o sentido auténtico" do Camiño e a Xunta evita polemizar e salienta o novo récord "extraordinario" de visitantes. https://praza.gal/acontece/medio-millon-de-peregrinos-mentres-o-papa-se-pregunta-se-fan-verdadeira-peregrinacion-ou-outra-cousa
282
Praza.gal

20 Dec, 18:51

↪️ Xa está aquí a fin de semana e no noso suplemento

📖 Falamos con Cecilia F. Santomé, que publica As despedidas (Xerais): "O poder da memoria, como artellador do legado de vida que recibimos das xeracións anteriores, dálle un sentido á nosa existencia" https://praza.gal/cultura/o-poder-da-memoria-como-artellador-do-legado-de-vida-que-recibimos-das-xeracions-anteriores-dalle-un-sentido-a-nosa-existencia

📚 E ás portas do Nadal, pedímoslles a unha ducia de escritoras e escritores que recomenden lecturas para estes días. Estes son os libros recomendados por Antía Otero, Chus Pato, Diego Ameixeiras, María do Cebreiro, Ismael Ramos, Oriana Méndez ou Antía Yáñez https://praza.gal/ducias/escritoras-que-recomendan-lecturas-para-o-nadal
298
Praza.gal

20 Dec, 16:46

🟪Prisión provisional, comunicada e sen fianza para o presunto asasino de Rejane Soares, a quinta vítima mortal das violencias machistas en Galicia este ano. A xuíza do Xulgado de Instrución número 2 de Viveiro investígao por un delito de asasinato
👉https://praza.gal/falase?de=9152a7fa-587f-4cba-a008-ede1f530d322
297
Praza.gal

20 Dec, 15:19

🙌12 meses de celebracións arredor de Castelao no seu 75 cabodano. Un acto cívico na súa tumba no Panteón de Galegas e Galegos Ilustres o 7 de xaneiro dará inicio ás homenaxes que as entidades organizadoras presentan como "diversas e estendidas por todo o país"
https://praza.gal/cultura/12-meses-de-celebracions-arredor-de-castelao-no-seu-75-cabodano
306
Praza.gal

20 Dec, 12:38

🐦🎶📺Ven cantar con 'Bibopalula', os paxariños que montaron unha banda para bailar en galego coa rapazada. Este venres o Xabarín estrea 35 capítulos máis de Bibopalula, que nas últimas semanas se converteu na produción máis vista na plataforma de contidos dixitais da CRTVG. Unha das claves do éxito da serie é a música, composta por Iván Laxe e Santi Jul, con quen falamos sobre o reto que supuxo compoñer 55 cancións distintas en moi diferentes estilos
https://praza.gal/cultura/ven-cantar-con-bibopalula-os-paxarinos-que-montaron-unha-banda-para-bailar-en-galego-coa-rapazada
301
Praza.gal

20 Dec, 09:19

🚼📈A poboación galega nacida no estranxeiro medra un 22% en tres anos, pero non detén o envellecemento do país. O 26,6% dos galegos e galegas teñen máis de 65 anos, cunha tendencia de aumento á que se une o descenso dos menores de 5 anos (dez mil menos en tres anos). O 11,3% da poboación galega naceu noutro país, unha porcentaxe que chega ao 19% entre os 25 e 44 anos.
https://praza.gal/acontece/a-poboacion-galega-nacida-no-estranxeiro-medra-un-22-en-tres-anos-pero-non-deten-o-envellecemento-do-pais
308
Praza.gal

20 Dec, 08:19

👩‍🎓👨‍🎓As tres universidades públicas únense contra o aval da Xunta ao grao de Dereito na privada de Abanca. A 'Universidad Intercontinental de la Empresa' anunciou a comezos deste mes que ofrecerá estudos Dereito no curso 25-26 e avanzou que ten xa "informe favorable" da Consellería. As facultades que ofrecen esta titulación na USC, UDC e UVigo advirten de que a nova carreira privada é "contraria" á lei por "reiterar" unha oferta académica existente na pública e ven no anuncio da UIE unha actuación "fraudulenta" que "non sería permitida a ningunha das universidades públicas"
https://praza.gal/politica/as-tres-universidades-publicas-unense-contra-o-aval-da-xunta-ao-grao-de-dereito-na-privada-de-abanca
301
Praza.gal

20 Dec, 07:17

⛴❌Seis anos á espera de melloras que non debían demorarse tras o afundimento cun morto no porto de Malpica. A investigación oficial do accidente mortal do Silvosa ocorrido no Nadal de 2018 instou a "non demorar" a mellora da seguridade do peirao, pero Portos de Galicia segue sen decidir sequera que actuación acometer https://praza.gal/politica/seis-anos-a-espera-de-melloras-que-non-debian-demorarse-tras-o-afundimento-cun-morto-no-porto-de-malpica
279
Praza.gal

22 Nov, 18:37

↪️Esta fin de semana, no noso suplemento
🎥Falamos con Margarita Ledo na estrea do seu filme 'Prefiro condenarme'
🔗https://praza.gal/cultura/sagrario-defendeu-o-dereito-a-querer-e-a-que-a-queiran
🤓E percorremos unha ducia (longa) de citas a non perder no Culturgal
🔗https://praza.gal/ducias/citas-que-non-podes-perder-no-culturgal-2024
142
Praza.gal

22 Nov, 16:43

💬👅A RAG insta a López Campos a que o posible pacto lingüístico implique derrogar o decreto do ensino. O conselleiro é recibido na Academia no marco da súa rolda de contactos para un "pacto pola lingua" nunha semana marcada pola mobilización de Queremos Galego e a dimisión do coordinador de Cultura do PPdeG alegando discrepancias en política lingüística. "Cómpre abrir un novo tempo que signifique superar o actual modelo de políticas lingüísticas, entre elas o decreto 79/2010, que limita o uso do galego no ensino", subliña Freixanes https://praza.gal/politica/a-rag-insta-a-lopez-campos-a-que-o-posible-pacto-linguistico-implique-derrogar-o-decreto-do-ensino
189
Praza.gal

22 Nov, 15:17

📺30 anos sen Toñito Blanco, o artista "breve e influente" que nos deixou 'A matanza caníbal' ou o Xabarín. O 22 de novembro de 1994 morreu por unha sobredose Antonio Toñito Blanco. Guionista dos primeiros anos da TVG, en 1993 codirixiu a película gore de culto A matanza caníbal dos garrulos lisérxicos e partipou na creación do Xabarín Club, cuxo éxito non chegou a ver https://praza.gal/cultura/30-anos-sen-tonito-blanco-o-artista-breve-e-influente-que-nos-deixou-a-matanza-canibal-ou-o-xabarin
202
Praza.gal

22 Nov, 13:15

🦠 "Moito coidado": as infeccións de transmisión sexual, no foco da Deputación da Coruña cara ao 25N. A acción institucional polo día contra a violencia machista procura transmitir que "hai que coidarse e tamén ter coidado" para "previr condutas machistas e neglixentes nas relacións sexuais. A campaña encádrase na iniciativa 'De fronte á violencia de xénero', que vai alén do 25N e se prolonga todo o ano https://praza.gal/acontece/moito-coidado-as-infeccions-de-transmision-sexual-no-foco-da-deputacion-da-coruna-cara-ao-25n
233
Praza.gal

22 Nov, 12:21

🏆🐺🎬 Pontevedra é 'feroz': unha cidade de cultura e creatividade entregada aos premios do audiovisual. A Boa Vila está a vivir con entusiasmo a organización dos Premios Feroz, que o xoves 28 darán a coñecer no Teatro Principal os seus finalistas e se entregarán o 25 de xaneiro. Antes, unha variada programación formativa e de proxeccións está a colleitar un grande éxito de público. Falamos con Laura Seoane, produtora executiva dos premios, e con Anabel Gulías, concelleira de Promoción Económica, que vincula a aposta pola cultura coa política de transformación urbana https://praza.gal/cultura/pontevedra-e-feroz-unha-cidade-de-cultura-e-creatividade-entregada-aos-premios-do-audiovisual
233
Praza.gal

22 Nov, 11:16

🚼 A Galicia sen infancia: 24 concellos tiveron menos de dez nacementos nos últimos cinco anos. Na Teixeira hai cinco anos que non nacen nenos e nenas, pero non é unha excepción. Os seus datos non son moi diferentes aos doutras localidades con máis poboación, especialmente na provincia ourensá e máis na montaña lucense. 92 concellos galegos tiveron menos de 25 nacementos nos últimos cinco anos. En 2023 tan só tres concellos tiveron máis nacementos que mortes; foron Ames (+46), Corcubión (+2) e Oroso (+1) https://praza.gal/acontece/a-galicia-sen-infancia-24-concellos-tiveron-menos-de-dez-nacementos-nos-ultimos-cinco-anos
232
Praza.gal

22 Nov, 09:49

🌍🏭No peche da COP29, Galiza sen Gas reclama o peche das centrais de ciclo combinado de Sabón e As Pontes. A plataforma critica a ausencia dunha folla de ruta galega para pór fin á enerxía fósil e a falta de ambición da Xunta, á que demanda apostar por unha xeración eléctrica 100% renovable para o ano 2030, o que incluiría a clausura das dúas factorías de transformación de gas fósil
https://praza.gal/economia/no-peche-da-cop29-galiza-sen-gas-reclama-o-peche-das-centrais-de-ciclo-combinado-de-sabon-e-as-pontes
238
Praza.gal

22 Nov, 07:21

⚖️🚉🤫O Ministerio de Transportes e o PP gardan silencio catro meses despois sobre os efectos da condena por Angrois. Ninguén do Goberno de España nin do principal partido da oposición, no poder en 2013, valorou o que supón a sentenza para a alta velocidade española e Transportes evita detallar se tomou ou estuda calquera tipo de decisión sobre o sistema ferroviario https://praza.gal/politica/o-ministerio-e-o-pp-gardan-silencio-catro-meses-despois-sobre-os-efectos-da-condena-por-angrois
248
Praza.gal

21 Nov, 18:08

📊✅Maioría absoluta á reforma fiscal do Goberno de España mentres Feijóo se ofrece para unha moción de censura. Xunto un imposto xeral do 15% ás multinacionais esixido pola UE, o paquete fiscal aprobado implica virar permanente o reformado imposto á banca tras intensas negociacións que inclúen manter tamén o tributo ás enerxéticas, pendente dunha nova negociación. O líder do PP di estar á "disposición" dos grupos que apoiaron a Sánchez para "acabar" co seu Goberno despois de que o principal acusado no 'caso Koldo' lanzase diversas acusacións de corrupción contra o PSOE, que o líder socialista reduce a mentiras https://praza.gal/politica/maioria-absoluta-a-reforma-fiscal-do-goberno-de-espana-mentres-feijoo-se-ofrece-para-unha-mocion-de-censura
294
Praza.gal

21 Nov, 16:56

🔵📄🗳Tres candidaturas para a asemblea nacional do BNG. A deputada Noa Presas e o edil de Mos Gustavo Barcia encabezan senllas listas alternativas á que lidera Ana Pontón, quen resalta que pedirá "a confianza para avanzar na liña política que levou o BNG ao mellor momento da nosa historia https://praza.gal/politica/tres-candidaturas-para-a-asemblea-nacional-do-bng
291
Praza.gal

21 Nov, 11:38

🚲🌳 As protestas fan rectificar á Xunta a "estrada para bicis" no Banquete de Conxo e admite que había "unha mellor opción". O Goberno galego despraza o trazado ao aparcamento do hospital afastándoo do río e do bosque, e asume tamén outras correccións no parque Eugenio Granell e na contorna da intermodal que duplicaban a ocupación de zonas verdes https://praza.gal/politica/as-protestas-fan-rectificar-a-xunta-a-estrada-para-bicis-no-banquete-de-conxo-e-admite-que-habia-unha-mellor-opcion
304
Praza.gal

21 Nov, 10:09

🇪🇺CRÓNICA | Gaña Ribera, perde Weber e Feijóo queda só: dez días de ruído en Bruxelas que non moveron nada. Os 22 eurodeputados do PP prometen votar a próxima semana contra o colexio de comisarios enteiro: o seu illamento resultará unha imaxe moi estrana para un partido que se di europeísta. Por Idafe Martín Pérez, de infoLibre
https://praza.gal/politica/gana-ribera-perde-weber-e-feijoo-queda-so-dez-dias-de-ruido-en-bruxelas-que-non-moveron-nada
298
Praza.gal

21 Nov, 09:00

✍️ CRÓNICA | A difícil volta ao pacto lingüístico de hai vinte anos suma atrancos. Ao Goberno de coalición PSdeG-BNG correspondeulle comezar a aplicar o Plan Xeral de Normalización aprobado por unanimidade no tardofraguismo. O PP desmarcouse e, cando volveu á Xunta, reduciuno a un "remuíño de ideas", mera "referencia". As discrepancias aireadas polo dimisionario Daniel Chapela acrecentan o mar de fondo lingüístico que persiste no PPdeG dende a ruptura do consenso en 2007 e fan medrar o escepticismo sobre a vontade real de chegar a un acordo https://praza.gal/politica/a-dificil-volta-ao-pacto-linguistico-de-hai-vinte-anos-suma-atrancos
291
Praza.gal

21 Nov, 07:21

🏥📊💶Unha aposta e dous modelos sanitarios: a incerta continuidade de Muface afecta a máis de cen mil persoas en Galicia. En Galicia, o conxunto de mutualistas e beneficiarios está formado por 101.030 persoas, das cales 37.931 xa escollen o Sergas para a súa atención médica. A aseguradora que atende á gran maioría das 63.099 persoas restantes é Adeslas, seguida por DKV e Asisa. "Aínda non podemos calcular as necesidades que teríamos no caso de que se producise ese traspaso", di o conselleiro de Sanidade https://praza.gal/politica/unha-aposta-e-dous-modelos-sanitarios-a-incerta-continuidade-de-muface-afecta-a-mais-de-cen-mil-persoas-en-galicia
287
Praza.gal

20 Nov, 17:13

📢⚖️📺A xustiza volve ver indicios de que a CRTVG vulnera o dereito á folga do persoal na vixésima xornada de paros. "Esta decisión xudicial evidencia a existencia das prácticas ilícitas para reprimir ás folguistas", salienta o comité de folga da CRTVG despois de que a xustiza obrigue o ente público a repoñer un traballador na súa quenda de traballo e no posto como produtor do Termómetro, o programa da TVG que vén sendo afectado polos paros 
https://praza.gal/acontece/a-xustiza-volve-ver-indicios-de-que-a-crtvg-vulnera-o-dereito-a-folga-do-persoal-na-vixesima-xornada-de-paros
306
Praza.gal

20 Nov, 15:35

📄🪖Defensa garante que o arquivo militar fica en Ferrol. "Non haberá traslado dos fondos documentais depositados no Arquivo Militar de Ferrol", afirma o ministerio tras a alerta de colectivos de defensa da memoria histórica sobre un posible traslado a Madrid de documentos clave para o estudo da represión franquista en Galicia https://praza.gal/politica/defensa-garante-que-o-arquivo-militar-fica-en-ferrol
296
Praza.gal

20 Nov, 14:56

⚒️ O esgrafiado tradicional galego, declarado "patrimonio cultural inmaterial". A Dirección Xeral de Patrimonio Cultural da Xunta vén de incluír no Censo do Patrimonio Cultural esta técnica de albanelaría para realizar decoracións sobre os morteiros de cal nas paredes. Destaca o seu uso nas comarcas de Lemos, Chantada, A Ulloa e O Deza e na Ribeira Sacra https://praza.gal/cultura/o-esgrafiado-tradicional-galego-declarado-patrimonio-cultural-inmaterial
302
Praza.gal

20 Nov, 12:47

👶📉 Os nacementos en Galicia acadan un novo mínimo na serie histórica malia o aumento das nais procedentes do estranxeiro. En 2023 naceron en Galicia 14.004 nenos e nenas, case 500 menos que no ano anterior. Galicia é a terceira comunidade autónoma cunha menor taxa de natalidade, só por diante de Asturias e Cantabria. No 21% dos nacementos que tiveron lugar en Galicia a nai procedía de fóra do Estado español. En 2018 a porcentaxe era só do 15% https://praza.gal/acontece/os-nacementos-en-galicia-acadan-un-novo-minimo-na-serie-historica-malia-o-aumento-das-nais-procedentes-do-estranxeiro
298
Praza.gal

20 Nov, 08:20

💬ENTREVISTA | Daniel Chapela: "Dicir que non vas derrogar o decreto do plurilingüismo é voar as pontes para un pacto pola lingua". "Non lle cuspes nun ollo a quen ten que pactar contigo. Que é a policía do galego? Querer que se fale galego nas escolas? Daquela, eu son a policía do galego", afirma o ata agora coordinador de Cultura do PPdeG, quen abandona o cargo e a militancia no partido afirmando que o actual conselleiro de Cultura, Lingua e Xuventude "non é competente" nesas áreas pola súa falta de "preparación" nun momento de "emerxencia lingüística" que precisa de "altura de miras". A decisión de marchar, asegura, tomouna tras a recente mobilización de Queremos Galego e as reaccións ao respecto da Xunta e dos populares https://praza.gal/politica/dicir-que-non-vas-derrogar-o-decreto-do-plurilinguismo-e-voar-as-pontes-para-un-pacto-pola-lingua
323
Praza.gal

20 Nov, 07:18

📄❌🏥A Xunta declara "confidencial" un estudo de PWC para a concesión do hospital de Vigo porque o pide a consultora. A Interventora Xeral en 2010, a despois conselleira e candidata do PP vigués Elena Muñoz, emitiu informe favorable á decisión política de Feijóo de gastar 1.168 millóns na concesión do Álvaro Cunqueiro o mesmo día que recibiu o expediente de contratación https://praza.gal/politica/a-xunta-declara-confidencial-un-estudo-de-pwc-para-a-concesion-do-hospital-de-vigo-porque-o-pide-a-consultora
314
Praza.gal

19 Nov, 15:24

🗣O Comité de Ministros do Consello de Europa reclama á Xunta que o galego estea "dispoñible" en todos os niveis do ensino. O órgano aprobou este martes en Estrasburgo unha serie de recomendacións dirixidas ás autoridades do Estado español en liña coas recomendacións do Comité de Expertos sobre o cumprimento da Carta Europea de Linguas Rexionais e Minoritarias. Tamén se demanda á Xunta que "tome medidas para asegurar" o uso do galego nas instalacións sanitarias e de atención social
https://praza.gal/acontece/o-comite-de-ministros-do-consello-de-europa-reclama-a-xunta-que-o-galego-estea-disponible-en-todos-os-niveis-do-ensino
321
Praza.gal

19 Nov, 13:50

🏥 Laura Fernández Abalde recibe a eutanasia: "tiven unha boa vida e terei unha boa morte". A pesar da resistencia inicial do Sergas a aceptar un procedemento abreviado ante o avance do seu cancro terminal, a viguesa finalmente puido acceder a unha morte digna nun prazo máis curto do habitual. Nos últimos días pedía potenciar unidades de paliativos como a do Meixoeiro e animaba a facer o testamento vital. Tamén pedía non votar a partidos "que tratan de restrinxir dereitos como a morte digna ou o aborto" https://praza.gal/acontece/laura-fernandez-abalde-recibe-a-eutanasia-tiven-unha-boa-vida-e-terei-unha-boa-morte
314
Praza.gal

19 Nov, 11:08

🔴 Dimite o coordinador de Cultura do PPdeG, Daniel Chapela, pola "incompetencia" do conselleiro coa lingua. Integrado na directiva de Alfonso Rueda desde 2022, Chapela critica a "incapacidade para xestionar un futuro para a lingua nun momento no que as mensaxes esperanzadoras deben ser o eixe fundamental". https://praza.gal/politica/dimite-o-coordinador-de-cultura-do-ppdeg-daniel-chapela-pola-incompetencia-do-conselleiro-coa-lingua
315
Praza.gal

19 Nov, 10:47

Pontón chama "autoritario e antidemocrático" a Rueda, que se defende cos seus resultados electorais. Ademais, na Sesión de Control o presidente da Xunta e o líder do PSdeG poñen en dúbida o respectivo interese en loitar contra a violencia de xénero https://t.co/KFxzb4SOnF
315
Praza.gal

19 Nov, 08:21

A Vila de Mañá: o barrio como taboleiro de xogos na reconquista das rúas para a infancia. O proxecto vén de ser premiado na XIII Bienal Iberoamericana de Arquitectura e Urbanismo celebrada en Perú pola actividade realizada no barrio vigués de Coia en colaboración co IES Alexandre Bóveda que buscaba espertar en adolescentes, nenos e nenas "unha nova mirada dos espazos nos que habitan" de cara a que participen na definición do futuro das cidades. https://praza.gal/acontece/a-vila-de-mana-o-barrio-como-taboleiro-de-xogos-na-reconquista-das-ruas-para-a-infancia
293
Praza.gal

19 Nov, 07:24

💶👥Bosquexo da taxa turística na autoemenda do PP á Xunta: ata 2,5 euros e un máximo de cinco días. Os populares dan en concretar pola vía das emendas á lei de acompañamento algunhas das características da futura taxa turística, que nacerá bonificada ao 100% e os concellos interesados poderán cobrar coa forma de "recarga". Ficarán fóra estadías por motivos de saúde ou competicións deportivas, persoas menores de idade ou con discapacidade superior ao 65% ou os albergues do Xacobeo https://praza.gal/politica/bosquexo-da-taxa-turistica-na-autoemenda-do-pp-a-xunta-ata-25-euros-e-un-maximo-de-cinco-dias
296
Praza.gal

18 Nov, 21:12

📢📺"Novo chanzo represivo" nos medios públicos: o comité de folga denuncia que a CRTVG abre expedientes disciplinarios "por falta moi grave". Dúas traballadoras da CRTVG en folga recibiron este luns a notificación da apertura dun expediente disciplinario “por falta moi grave” a causa dun presunto “incidente” que tivo lugar o pasado venres coincidindo co comezo dos paros que veñen impedindo a emisión do programa O Termómetro na TVG
https://praza.gal/acontece/novo-chanzo-represivo-nos-medios-publicos-o-comite-de-folga-denuncia-que-a-crtvg-abre-expedientes-disciplinarios-por-falta-moi-grave
310
Praza.gal

18 Nov, 13:14

Rueda critica "a politización" dos actos para mudar a política lingüística do PP. O presidente da Xunta salienta que houbo "moitas bandeiras independentistas" no acto deste domingo apoiado por ducias de entidades, incluídos BNG e PSdeG https://praza.gal/politica/rueda-critica-a-politizacion-dos-actos-para-mudar-a-politica-linguistica-do-pp
335
Praza.gal

06 Nov, 07:23

🗳🇺🇸Trump vence nos Estados Unidos e dá azos a internacional reaccionaria. Os recontos provisionais e proxeccións amosan un claro triunfo do candidato republicano, que volverá á Casa Branca con máis poder que no seu primeiro mandato https://praza.gal/mundo/trump-vence-nos-estados-unidos-e-da-azos-a-internacional-reaccionaria
120
Praza.gal

06 Nov, 07:06

🌊🏠Costas quere recuperar para uso público o acceso á praia do chalé da parella de Feijóo en Moaña. O servizo provincial constata "a imposibilidade física de acceder a unha porción de 210 metros cadrados de dominio público" situados entre o mar e a propiedade na que adoita descansar o líder do PP https://praza.gal/politica/costas-quere-recuperar-para-uso-publico-o-acceso-a-praia-do-chale-da-parella-de-feijoo-en-moana
132
Praza.gal

05 Nov, 17:11

⚖️😷O Constitucional anula parte da reforma sanitaria de Feijóo na COVID por restrinxir dereitos fundamentais. O TC atende parcialmente o recurso de Vox contra a modificación da lei de saúde impulsada polo PP galego en 2021, que tamén dera lugar a un contencioso da Xunta co Goberno de España que finalizara cun acordo. O tribunal argumenta que a lei galega incluíu restricións a liberdades como circulación ou reunión que só poden ser aplicadas mediante lei orgánica aprobada nas Cortes e non coa lexislación autonómica https://praza.gal/politica/o-constitucional-anula-parte-da-reforma-sanitaria-de-feijoo-na-covid-por-restrinxir-dereitos-fundamentais
244
Praza.gal

05 Nov, 15:12

🎥Cineuropa pon o foco na liberdade coa ollada posta no futuro da democracia. A edición número 38 do festival compostelán, presentado coincidindo coas eleccións nos Estados Unidos, inclúe no seu catálogo un gran número de títulos que convidan á reflexión sobre a democracia e as súas representacións na pantalla. Entre o 7 e o 24 de novembro poderán verse en Santiago algúns dos filmes máis celebrados nos festivais de Cannes, San Sebastián, Venecia, Berlín, Sitges ou Locarno https://praza.gal/cultura/cineuropa-pon-o-foco-na-liberdade-coa-ollada-posta-no-futuro-da-democracia
256
Praza.gal

05 Nov, 13:26

📉⚙️ Galicia perdeu 2.400 cotizantes en outubro mentres a media estatal seguiu á alza. O paro rexistrado aumenta un 1,01%, tres décimas menos que a media estatal, e queda en 122.214 inscricións, un 8,35% menos que hai un ano https://praza.gal/economia/galicia-perdeu-2400-cotizantes-en-outubro-mentres-a-media-estatal-seguiu-a-alza
267
Praza.gal

05 Nov, 08:41

✍️CRÓNICA POLÍTICA | Devolverlle o do Prestige á esquerda. "E chamábannos asasinos". A mobilización social pola xestión do naufraxio en 2002 ficaron na memoria do PP cun aquel de trauma político que, dende aquela, moitos dirixentes tiveron vontade de devolverlle á esquerda en canto puidesen. Un dos que albergou esa vontade foi, paradoxalmente, un dos máis beneficiados polos efectos políticos do acontecido daquela: Alberto Núñez Feijóo, cuxo discurso ante as riadas de València ten ecos na súa estratexia fronte ao Goberno de coalición PSdeG-BNG durante a vaga de incendios de 2006, cando o PP lanzou a plataforma 'Sós contra o lume' https://praza.gal/politica/devolverlle-o-do-prestige-a-esquerda
289
Praza.gal

05 Nov, 07:26

💶🗺Galicia, un país menos desigual ca outros, pero coa distribución da riqueza marcada por idade e territorio. 17 das 25 seccións máis ricas de Galicia están no centro da cidade da Coruña, chegando a unha renda media que se achega aos 35 mil euros anuais. Entre os primeiros lugares atopamos tamén zonas de Oleiros, de Vigo, de Ourense e Compostela. No outro extremo, atopamos unha vintena de seccións con ingresos anuais medios inferiores aos 10.000 euros. Están situadas na Lama, Boborás, Avión ou Maside, pero tamén en Pontevedra, Ferrol, A Coruña, Vigo, Ourense ou Chantada, Ribeira, Carballo ou Verín https://praza.gal/economia/galicia-un-pais-menos-desigual-ca-outros-pero-coa-distribucion-da-riqueza-marcada-por-idade-e-territorio
308
Praza.gal

04 Nov, 15:57

⛏ Besteiro pide á Xunta achegar fondos para memoria democrática e non limitarse a recibir os do Estado. O líder do PSdeG visita o reinicio dos traballos na foxa común do Val, en Narón, escenario dun dos maiores asasinatos colectivos dos golpistas en Galicia e onde o equipo liderado polo grupo de investigación Histagra traballa grazas aos fondos do Plan Cuadrienal de Memoria Democrática. Os fondos do Goberno de España que a Xunta transfire á USC para os traballos de memoria democrática sitúanse na partida de difusión cultural pola inexistencia dunha específica, que os socialistas reclaman crear aproveitando o trámite das contas de 2025. https://praza.gal/politica/besteiro-pide-a-xunta-achegar-fondos-para-memoria-democratica-e-non-limitarse-a-recibir-os-do-estado
313
Praza.gal

04 Nov, 15:02

🧑‍⚕🤱 O Sergas amplía xa a reprodución asistida para casos con patoloxías e deixa para 2026 a conxelación de óvulos. Sanidade tamén levanta a prohibición de técnicas de reprodución na sanidade pública a mulleres que xa teñan un fillo. https://praza.gal/acontece/o-sergas-amplia-xa-a-reproducion-asistida-para-casos-con-patoloxias-e-deixa-para-2026-a-conxelacion-de-ovulos
299
Praza.gal

04 Nov, 11:51

🧑‍🚒🆘 Bombeiros, submarinistas e persoal de emerxencias no continxente galego de axuda a València. Equipos da Axencia Galega de Emerxencias parten cara ás zonas afectadas polas riadas xunto a membros dos corpos de Bombeiros de varios concellos, que achegan vehículos e tamén materiais como bombas de achique de auga https://praza.gal/acontece/bombeiros-submarinistas-e-persoal-de-emerxencias-no-continxente-galego-de-axuda-a-valencia
317
Praza.gal

04 Nov, 07:58

🏥"Presentaba un risco de suicidio extremo e inminente": nova condena do Sergas por non vixiar un paciente psiquiátrico. Como noutros casos anteriores de desatención de potenciais condutas suicidas, a Xunta rexeitou indemnizar a familia, un xulgado condenouna a pagar 70.000 euros e agora o TSXG ratifica a contía https://praza.gal/politica/presentaba-un-risco-de-suicidio-extremo-e-inminente-nova-condena-do-sergas-por-non-vixiar-un-paciente-psiquiatrico
325
Praza.gal

03 Nov, 17:21

⚠️Nova alerta vermella en València mentres a cifra oficial de falecidos mantense en 213 persoas. A Generalitat Valenciana volve enviar na tarde deste domingo un aviso aos teléfonos móbiles da poboación polo nivel vermello da alerta por choivas que anuncia a Axencia Estatal de Meteoroloxía para a zona do litoral sur da provincia de València
https://praza.gal/politica/nova-alerta-vermella-en-valencia-mentres-a-cifra-oficial-de-falecidos-mantense-en-213-persoas
342
Praza.gal

03 Nov, 16:29

📕📗📘REPORTAXE | Irmás Cartoné, unha década traendo historias ao galego para que resoen entre diferentes xeracións. A editorial Irmás Cartoné fai unha década traducindo ao galego clásicos da literatura universal: historias de diferentes épocas e temáticas que teñen moi en conta a quen escribiu desde as marxes. "Se un libro sobrevive (ou non) no tempo vese a posteriori, nós realmente xogamos sobre seguro niso", afirman as editoras e tradutoras detrás deste proxecto, Celia Recarey Rendo e Carlos Valdés García
https://praza.gal/cultura/irmas-cartone-unha-decada-traendo-historias-ao-galego-para-que-resoen-entre-diferentes-xeracions
338
Praza.gal

03 Nov, 11:40

✍️CRÓNICA | Politizar. Como en moitas castástrofes anteriores, ante a traxedia de València emerxen voces que chaman a "non politizar" o acontecido e a súa xestión, mesturando a indispensable acción política para atender o desastre coa súa utilización para a confrontación partidaria. A virulencia de Feijóo e a fuxida da controversia por parte dun Goberno de España con demasiadas frontes abertas semellan deixar afogado o espazo para politizar o acontecido e abonado o terreo para unha antipolítica que, a pouco que se tire do fío, acaba levando á extrema dereita e á internacional reaccionaria da que fai parte
https://praza.gal/politica/politizar
327
Praza.gal

03 Nov, 09:52

⁉️💬REPORTAXE | Marchar ou ficar no que foi Twitter? "X non está libre de ideoloxía, ten unha propiedade e uns intereses". "Posdata, amaña o meu algoritmo", escribiulle este sábado a cantante Cardi B, con preto de 36 millóns de seguidores en X (antes Twitter) ao dono da rede social, Elon Musk, despois de que este a sinalara como "outro títere que non sabe sequera falar sen que lle dean as palabras", empregando un vídeo dela nun mitin de Kamala Harris en Milwaukee no que quedou sen teleprompter e sen acceso ao seu discurso durante un minuto. Quizais o erro de entrada é pensar que as redes sociais son imparciais. Ese romanticismo dos primeiros momentos da internet, cando falabamos da internet global, da liberdade; e cando aínda podiamos 'apagar' internet ao apagar o ordenador. En menos de dúas décadas, o conto cambiou bastante
https://praza.gal/movementos-sociais/marchar-ou-ficar-no-que-foi-twitter-x-non-esta-libre-de-ideoloxia-ten-unha-propiedade-e-uns-intereses
324
Praza.gal

02 Nov, 20:35

🎃Unha ducia de razóns para celebrar o Samaín
Xa está aquí o Samaín. Nestes días as rúas énchense de cabazas e de disfraces. Lense contos de medo, vense esqueletos, vampiros, bruxas e pantasmas... Pero como? Esta non é unha tradición inventada? Non é unha copia do Halloween ianqui? Pois inventada como todas as tradicións e copiada (ou hibridada) como a maioría, pero cunha documentada base tradicional galega, sobre todo na decoración de cabazas e no foco posto nas ánimas e nos elementos do alén. E, ademais, moi divertida, que é o que conta
🔗https://praza.gal/ducias/razons-para-celebrar-o-samain
327
Praza.gal

02 Nov, 19:47

✏️🏗📖🌐REPORTAXE | Outra volta ao deseño desde Galicia: Cenlitros, Desescribir e Novagarda. O deseño que parece que non se ve pero está. Esta filosofía da profesión é a que comparten os tres estudios de deseño galegos que foron galardoados este ano nos Premios Laus e Delta da asociación FAD (Foment de les Arts i del Disseny) de Barcelona, dous dos premios de deseño máis prestixiosos a nivel estatal. O traballo dos veteranos Cenlitros e Desescribir e do estudio Novagarda foi recoñecido nas categorías de gráfica do entorno, editorial, dixital e deseño industrial
https://praza.gal/cultura/outra-volta-ao-deseno-desde-galicia-cenlitros-desescribir-e-novagarda
322
Praza.gal

02 Nov, 11:29

📚🎈GRIAL EN PRAZA | Trinta e cinco anos de Literatura Infantil e Xuvenil en Galicia. Hai 35 anos botou a andar a Asociación Galega do Libro Infantil e Xuvenil (Gálix), un sector que gozou durante varias décadas dunha boa saúde económica, excelentes cifras de publicación e venda e unha calidade recoñecida en certames e con traducións a outras linguas. Porén, a LIX enfróntase agora ao reto dunha infancia e mocidade galegofalante en devalo. Miguel Alonso Diz reflexiona sobre o pasado, presente e futuro da literatura infantil e xuvenil en Galicia neste texto publicado no número 242 de Grial
https://praza.gal/cultura/trinta-e-cinco-anos-de-literatura-infantil-e-xuvenil-en-galicia
344
Praza.gal

02 Nov, 08:48

⁉️💬REPORTAXE | Que facer co galego? "Vontade política" e cambios no sistema educativo para frear o devalo
Falamos con Henrique Monteagudo, Fernando Ramallo e Mónica Fernández Valencia (presidenta da CTNL) sobre os datos de coñecemento e uso do galego publicados polo IGE que amosan que por primeira vez o castelán é a lingua con máis falantes. Poñen o foco na necesidade de realizar cambios no ensino, de protexer a comunidade galegofalante e de convencer á sociedade do "valor de uso" da lingua galega
https://praza.gal/acontece/que-facer-co-galego-vontade-politica-e-cambios-no-sistema-educativo-para-frear-o-devalo
350
Praza.gal

01 Nov, 18:44

↪️Esta fin de semana, no noso suplemento
📚Achegámonos á editorial Irmás Cartoné, que fai unha década traducindo ao galego clásicos da literatura universal
🔗https://praza.gal/cultura/irmas-cartone-unha-decada-traendo-historias-ao-galego-para-que-resoen-entre-diferentes-xeracions
🎃E resumimos unha ducia de razóns para celebrar o Samaín
🔗https://praza.gal/ducias/razons-para-celebrar-o-samain
321
Praza.gal

28 Oct, 17:44

🎮🕹O Museo do Videoxogo de Cangas incorpórase á rede museística da Xunta, que recoñece o seu valor cultural. O centro iniciou a súa andaina no ano 2019 e no 2022 ampliou as súas instalacións e actividades, xestionado pola Fundación Museo do Videoxogo de Galicia. A Consellaría de Cultura destaca o feito de "ser o primeiro relacionado co mundo do videoxogo de Galicia e dos poucos existentes en España" e o seu valor como "expresión artística e cultural"
https://praza.gal/cultura/o-museo-do-videoxogo-de-cangas-incorporase-a-rede-museistica-da-xunta-que-reconece-o-seu-valor-cultural
193
Praza.gal

28 Oct, 15:25

💶🔍O PSdeG pide a Paula Prado, empresarios e cargos ata o bipartito na investigación dos contratos e sobrecustos da Xunta. Os socialistas piden que dean contas na Cámara a irmá e o cuñado de Feijóo "polo volume de contratación" da Xunta coas súas empresas. Besteiro reclama chegar "ás últimas consecuencias" e cre que "ninguén entendería que Feijóo se negase a comparecer", porque sería evitar en Galicia "o que reclama todos os días en España"
https://praza.gal/politica/o-psdeg-pide-a-paula-prado-empresarios-e-cargos-ata-o-bipartito-na-investigacion-dos-contratos-e-sobrecustos-da-xunta
232
Praza.gal

28 Oct, 14:53

🚌 CCOO e UGT ven un "éxito" a folga de buses, que se repetirá o luns 11 se non hai acordo. Os sindicatos convocantes critican "os elevados servizos mínimos", que non impediron problemas puntuais tamén no transporte escolar. https://praza.gal/economia/ccoo-e-ugt-ven-un-exito-a-folga-de-buses-que-se-repetira-o-luns-11-se-non-hai-acordo
229
Praza.gal

28 Oct, 13:49

🔎📄 O BNG chama familiares de Feijóo e a parella de Ayuso á investigación dos contratos da Xunta. Pontón encadra as peticións de comparecencia formuladas polo Bloque na intención de indagar nos "contratos a dedo a empresas amigas do PP" e mais no impacto en Galicia da "trama de comisións nos contratos realizados durante a pandemia". Para falaren do sobrecusto do hospital de Vigo certificado por Contas o Bloque reclama que comparezan as catro conselleiras e conselleiros de Sanidade que exerceron con Feijóo: Farjas, Mosquera, Almuíña e Comesaña https://praza.gal/politica/o-bng-chama-familiares-de-feijoo-e-a-parella-de-ayuso-a-investigacion-dos-contratos-da-xunta
238
Praza.gal

28 Oct, 12:14

📢📺O persoal mobilizado dos medios públicos cumpre 10 días de folga que volveron notarse na interrupción da emisión na TVG e nunha concentración en Vigo, onde ademais de reclamar o freo da externalización denunciaron o "desmantelamento" das delegacións
🔗https://praza.gal/falase?de=8d65e150-3df2-414b-9640-63f5269b4411
236
Praza.gal

28 Oct, 07:20

🏭⛴💶Portos prorroga dous anos a rebaixa de taxas a Ence en Ribadeo, que será maior canto máis tarde en dragar a ría. A bonificación foi implantada por Feijóo en 2011 ante a ameaza da empresa de levar a súa produción de Navia a Xixón cunha nova liña de tren, obra que paralizou un ano despois https://praza.gal/politica/portos-prorroga-dous-anos-a-rebaixa-de-taxas-a-ence-en-ribadeo-que-sera-maior-canto-mais-tarde-en-dragar-a-ria
265
Praza.gal

27 Oct, 17:13

🔬🏆 DUCIA | Unha ducia de galegas e galegos premios nacionais de investigación. Non só en cultura Galicia é unha potencia. A pasada semana tres investigadoras galegas - Beatriz Pelaz, Cristina Blanco e Verónica Bolón- foron recoñecidas co Premio Nacional de Investigación en cadansúa modalidade, dentro do apartado destinado a persoal de menos de 40 anos. Únense a unha longa serie de galardoadas e galardoados con este premio, que concede o Ministerio de Ciencia e que constitúe a convocatoria máis importante para investigadores no Estado https://praza.gal/ducias/galegas-e-galegos-premios-nacionais-de-investigacion
292
Praza.gal

27 Oct, 13:01

👷🏼‍♂️📈 OS DATOS DA EPA | O número de traballadores estranxeiros en Galicia duplicouse dende o 2016. Nos últimos dous anos medrou notablemente a poboación activa en Galicia (e tamén a ocupada), tanto pola incorporación de poboación nova que antes non buscaba traballo como polo aumento das persoas con nacionalidade estranxeira. No ano 2016 había uns 36 mil traballadores estranxeiros en Galicia e na actualidade son case 76 mil. https://praza.gal/economia/o-numero-de-traballadores-estranxeiros-en-galicia-duplicouse-dende-o-2016
289
Praza.gal

27 Oct, 11:43

🏀 REPORTAXE |O baloncesto como refuxio para os refuxiados de Santiago. Cunha axenda só ocupada por unha hora e media ao día de clases de castelán, a Agrupación Deportiva Fontiñas tenta manter activos a migrantes acollidos nun antigo colexio das aforas, que desexarían máis actividades e comida https://praza.gal/acontece/o-baloncesto-como-refuxio-para-os-refuxiados-de-santiago
284
Praza.gal

27 Oct, 10:13

✍️🏛 CRÓNICA POLÍTICA | Feijóo por diante da institución. As diferenzas ideolóxicas e os tirapuxas políticos e persoais entre o 'vello' PPdeG que representa Santalices e a dirixencia á alza no partido que representa a súa actual secretaria xeral, Paula Prado, estouparon esta semana nunha discusión pública con trazos inéditos pola súa intensidade https://praza.gal/politica/feijoo-por-diante-da-institucion
281
Praza.gal

27 Oct, 08:30

📺🚤 REPORTAXE | Todos narcos?: 'Clanes' e 'Fariña', dúas series que contan Galicia. Máis alá do xornalismo, é a ficción audiovisual quen está a colocar as historias derivadas do tráfico de drogas en Galicia no debate público. Os actores Tamar Novas e Xosé A. Touriñán e a actriz Cris Iglesias comparten a súa experiencia nestas series. A investigadora Silvia Roca analiza o rol do narco no paradigma de representación dos galegos na ficción e o presidente da Academia Galega do Audiovisual explica a influencia destas producións no sector https://praza.gal/cultura/todos-narcos-clanes-e-farina-duas-series-que-contan-galicia
289
Praza.gal

26 Oct, 14:27

👓📱 O excesivo uso de pantallas eleva ao 43% a porcentaxe de miopes entre a mocidade galega. O Colexio Oficial de Ópticos Optometristas de Galicia alerta do incremento de casos nas persoas de menos de 25 anos e tamén do aumento dos casos máis graves (superiores a seis dioptrías), que poden derivar en patoloxías de maior importancia. Recomendan pasar máis tempo ao aire libre e usar menos os dispositivos electrónicos, especialmente móbiles e tablets https://praza.gal/acontece/o-excesivo-uso-de-pantallas-eleva-ao-43-a-porcentaxe-de-miopes-entre-a-mocidade-galega
300
Praza.gal

26 Oct, 12:13

🎒🏫 A comunidade educativa clama contra a falta de profesorado e a "propaganda" do Goberno galego. Unha manifestación convocada pola Plataforma Galega en Defensa do Ensino Público percorreu as rúas de Santiago para protestar contra os "recortes", chamando a atención especialmente contra a falta de especialistas para a atención á diversidade nos colexios de infantil e primaria https://praza.gal/acontece/a-comunidade-educativa-clama-contra-a-falta-de-profesorado-e-a-propaganda-do-goberno-galego
303
Praza.gal

26 Oct, 11:39

🏛 ENTREVISTA | César Portela: “Para min que a xente se atope ben nos meus proxectos é o que máis me gusta. Iso é a arquitectura”. Di César Portela (Pontevedra, 1937) que as obras máis queridas son seguramente ás que lle ofreceron máis problemas e desafíos que tivo que solucionar. Con esa filosofía recoñece que seguramente a rehabilitación do Teatro-Cine Fraga de Vigo será das súas obras preferidas, porque problemas houbo abondo https://praza.gal/cultura/as-obras-que-mais-quero-son-aquelas-que-me-formularon-mais-problemas-e-fun-quen-de-superar
300
Praza.gal

26 Oct, 07:52

⚡️🌬 15 anos do canon eólico que Rueda quere mudar: os mesmos 22,5 millóns con máis parques en máis concellos. Malia que están máis dispersos e hai máis potencia instalada, o número de aeroxeradores, que é o que grava a taxa, é o mesmo para o global de Galicia como efecto das repotenciacións dos parques máis antigos https://praza.gal/economia/15-anos-do-canon-eolico-que-rueda-quere-mudar-os-mesmos-225-millons-con-mais-parques-en-mais-concellos
279
Praza.gal

25 Oct, 17:36

↪️Esta fin de semana, no noso suplemento

🗣📚 Llerena Perozo fálanos da súa segunda novela, 'Os anos tranquilos' (Xerais), a historia de vida de María García, que atravesa o século XX sendo testemuña de grandes fitos históricos que ocorren no mundo, e que aporta a súa ollada crítica
https://praza.gal/cultura/o-fin-primeiro-cando-me-sentei-a-escribir-era-colocar-na-nosa-historia-de-ficcion-e-afectiva-as-historias-das-ninguen

🏅🔎 E destacamos unha ducia de galegas e galegos premios nacionais de investigación
https://praza.gal/ducias/galegas-e-galegos-premios-nacionais-de-investigacion
299
Praza.gal

25 Oct, 11:09

🎳 O xogo dos birlos ou bolos celtas, en camiño de ser declarado Ben de Interese Cultural. O DOG publicou este xoves o inicio dos trámites para declarar o Xogo dos Birlos de Galicia como Ben de Interese Cultural na categoría de patrimonio inmaterial. Destácase que a súa práctica "ten unha clara compoñente identitaria" e configúrase como "unha manifestación inmaterial sobranceira" https://praza.gal/cultura/o-xogo-dos-birlos-ou-bolos-celtas-en-camino-de-ser-declarado-ben-de-interese-cultural
333
Praza.gal

25 Oct, 09:26

📉📊 O desemprego segue á baixa en Galicia, cun incremento da ocupación na industria. As cifras de ocupación e paro que achega a última entrega da EPA, correspondente ao terceiro trimestre do ano, son as mellores dende 2008. A taxa de paro sitúase no 8,84%, por debaixo do 9,54% do trimestre previo e do 9,4% de hai doce meses. Aumenta a poboación que busca emprego -especialmente persoas novas e con nacionalidade estranxeira- e redúcese a parcialidade e a temporalidade. O sector industrial acada o número máximo de traballadores dende o 2009. https://praza.gal/economia/o-desemprego-segue-a-baixa-en-galicia-cun-incremento-da-ocupacion-na-industria
319
Praza.gal

25 Oct, 07:43

🚌 Servizos mínimos de entre o 32% e o 55% nos buses interurbanos para a folga do luns. A Xunta prioriza o transporte escolar de máis de 4 quilómetros e o laboral nas horas puntas. https://praza.gal/acontece/servizos-minimos-de-entre-o-32-e-o-55-nos-buses-interurbanos-para-a-folga-do-luns
309
Praza.gal

25 Oct, 07:12

📘🧳 ENTREVISTA | Xosé Manuel Núñez Seixas: "Os estereotipos teñen dúas caras. Os galegos, por seren pouco formados, eran 'traballadores submisos' para os empregadores". Durante varias xeracións mantívose en Arxentina un estereotipo negativo, aplicado aos galegos, que eran vistos como persoas brutas, pouco formadas, sucias, aínda que -iso si- traballadoras e honradas. En 'Os inmigrantes imaxinados. A identidade Galega na Arxentina (1780-1960)', publicado por Galaxia, Xosé Manuel Núñez Seixas explora as orixes e evolución desta imaxe negativa e, ademais, a conformación da identidade da colectividade galega no país. https://praza.gal/cultura/os-estereotipos-tenen-duas-caras-os-galegos-por-seren-pouco-formados-eran-traballadores-submisos-para-os-empregadores
306
Praza.gal

25 Oct, 06:15

🛤 Paralizado o estudo para unha liña de tren Lugo-Santiago polo recurso dunha consultora excluída. Ao concurso público convocado en agosto para analizar a viabilidade dunha conexión ferroviaria entre as dúas cidades presentáronse cinco ofertas pero unha foi excluída e agora vén de paralizar a adxudicación. https://praza.gal/politica/paralizado-o-estudo-para-unha-lina-de-tren-lugo-santiago-polo-recurso-dunha-consultora-excluida
267
Praza.gal

24 Oct, 18:43

BNG e PSdeG piden cambios normativos en favor do galego ante unha Xunta que se dá 15 meses para un pacto pola lingua. O Goberno galego propón á oposición pactar expertos "de prestixio" que fagan un novo Plan de Normalización Lingüística tras renegar o PP do consensuado hai agora 20 anos. https://praza.gal/politica/bng-e-psdeg-piden-cambios-normativos-en-favor-do-galego-ante-unha-xunta-que-se-da-15-meses-para-un-pacto-pola-lingua
288
Praza.gal

24 Oct, 14:36

💦A Hidrográfica Miño-Sil volve informar contra o complexo de ocio do Celta, que pide á Xunta 527.000 litros ao día. Igual que Altri elixiu para abastecerse un río dependente da Xunta e non do Estado, tamén o proxecto urbanístico da familia Mouriño quere captar o groso da auga que precisa dun encoro de competencia autonómica
https://praza.gal/politica/a-hidrografica-mino-sil-volve-informar-contra-o-complexo-de-ocio-do-celta-que-pide-a-xunta-527000-litros-ao-dia
306
Praza.gal

24 Oct, 12:32

O ministro Óscar Puente evita reunirse con vítimas de Angrois tras a condena dun cargo de Adif por 79 homicidios. Tres meses despois da sentenza nin o Goberno de España nin o PP, que gobernaba cando o accidente, fixeron aínda ningunha valoración malia a negativa imaxe que ofrece da alta velocidade española https://praza.gal/politica/o-ministro-oscar-puente-evita-reunirse-con-vitimas-de-angrois-tras-a-condena-dun-cargo-de-adif-por-79-homicidios
303
Praza.gal

24 Oct, 10:36

🎼🎸🎹 Músicas Posíbeis, catro 'delicatessen' no Teatro Colón da Coruña. Unha "paréntese" de escritores e escritores con música; Sumrrá con Niño de Elche, a tradición oral recollida por Dorothé Schubart revisitada ou o décimo aniversario de Chicharrón, protagonistas no novo ciclo da área de Cultura da Deputación coruñesa https://praza.gal/cultura/musicas-posibeis-catro-delicatessen-no-teatro-colon
300
Praza.gal

24 Oct, 08:02

🎮'Tintin Reporter' xa se pode xogar en galego. O pasado ano publicouse o videoxogo Tintin Reporter: Os Xarutos do Faraón, realizado por Pendulo Studios, que agora conta coa súa versión galega grazas á tradución levada a cabo por Paula Regueiro e Lois Agrelo coa revisión de Ana Doval
https://praza.gal/cultura/tintin-reporter-xa-se-pode-xogar-en-galego
293
Praza.gal

24 Oct, 06:48

🏘💶📈DATOS | Os alugueiros encareceron un 51% dende o 2015 en Galicia, trinta puntos por riba dos salarios. Nos últimos sete anos o soldo medio aumentou só un 22%, moi lonxe da suba dos prezos da vivenda, que aínda medraron máis nas cidades. No centro da Coruña e Vigo os contratos asinados este ano superan os 750 euros de media e no Ensanche compostelán, o centro de Lugo e Ferrol ou en barrios coma os Mallos, na Coruña, os prezos medran por riba do 12% en relación ao pasado ano https://praza.gal/economia/os-alugueiros-encareceron-un-51-dende-o-2015-en-galicia-trinta-puntos-por-riba-dos-salarios
289
Praza.gal

23 Oct, 15:18

📺CON VÍDEO | Agre enfrontamento da número dous do PP contra o presidente do Parlamento. Paula Prado protagoniza no pleno da Cámara inusuais reproches contra Santalices, último representante dun 'vello' PPdeG pouco representado na xeración política da que a secretaria xeral dos conservadores é expoñente. A secretaria xeral dos populares acusouno reiteradamente de non permitirlle falar para responder a unha alusión dunha deputada do PSdeG a Feijóo e de incumprir o Regulamento parlamentario https://praza.gal/politica/agre-enfrontamento-da-numero-dous-do-pp-contra-o-presidente-do-parlamento
328
Praza.gal

23 Oct, 14:03

🇵🇹🚉Portugal prioriza o AVE Vigo-Porto e España sitúao dous anos despois do Madrid-Lisboa. A XXXV Cimeira Ibérica non deixa por escrito ningún compromiso pero Pedro Sánchez sitúa a alta velocidade entre as dúas capitais en 2030 e a conexión galega en 2032, mentres Luís Montenegro inverte as prioridades https://praza.gal/politica/portugal-prioriza-o-ave-vigo-porto-e-espana-situao-dous-anos-despois-do-madrid-lisboa
305
Praza.gal

23 Oct, 11:32

❌🔋💨Medio Ambiente denega un só aeroxerador máis en Porto do Son porque sumado aos que xa hai sería "crítico". O Goberno galego vén sinalando en documentos oficiais que xa hai demasiados aeroxeradores en zonas da Costa da Morte, da Mariña ou das serras do Faro e do Suído
https://praza.gal/politica/medio-ambiente-denega-un-so-aeroxerador-mais-en-porto-do-son-porque-sumado-aos-que-xa-hai-seria-critico
299
Praza.gal

23 Oct, 10:25

⬆️💶O Goberno galego dispara o soldo dos interventores que o supervisan pola súa "especial dedicación". O complemento específico do salario do persoal de intervención pasa duns 25.000 euros a 39.000 ao equiparalo co cadro de auditoría do Consello de Contas. A suba sitúa este funcionariado de alto nivel con remuneracións equiparables ou mesmo superiores ás do presidente e demais membros do Consello da Xunta
https://praza.gal/politica/o-goberno-galego-dispara-o-soldo-dos-interventores-que-o-supervisan-pola-sua-especial-dedicacion
288
Praza.gal

23 Oct, 09:29

👉🗣🔎SESIÓN DE CONTROL | Rueda teima en que o uso do galego cae pola inmigración e di que a inmersión empeora o rendemento escolar. "Levan 15 anos de bulling ao galego, e tristemente está tendo resultados", di Pontón, que lamenta que o PP rompeu os acordos hai década e media "única e exclusivamente por intereses partidistas"
https://praza.gal/politica/rueda-teima-en-que-o-uso-do-galego-cae-pola-inmigracion-e-di-que-a-inmersion-empeora-o-rendemento-escolar
196
Praza.gal

23 Oct, 06:29

🏘O primeiro "aloxamento compartido" da Xunta estará nun terreo onde Feijóo cancelou 40 pisos para mocidade. "Ninguén entendería que a Administración teña esta parcela parada", di o Goberno galego tras ter parada máis dunha década a parcela onde agora impulsa un "aloxamento compartido" cuns 70 apartamentos de 30 metros e espazos comúns. O Goberno de PSdeG e BNG desenvolveu o plan bosquexado polo de Fraga e proxectou alí 40 pisos por 110 euros ao mes para xente moza. En 2009 os populares asumírono como propio e chegaron a adxudicalo, pero despois cancelárono entre argumentos nos que destacou que un apartamento non é unha vivenda https://praza.gal/politica/o-primeiro-aloxamento-compartido-da-xunta-estara-nun-terreo-onde-feijoo-cancelou-40-pisos-para-mocidade
222
Praza.gal

22 Oct, 14:49

📺🎙📻O Goberno de España baixa a maioría para elixir cargos en RTVE ao nivel que porá a Xunta na CRTVG. O Consello de Ministros aproba a reforma que permitirá nomear o consello de RTVE por maioría absoluta nas Cortes se non se acada unha maioría reforzada de dous terzos, mesmo sistema que a Xunta vai aplicar na dirección xeral dos medios públicos galegos, onde os votos do PP serán dabondo, mentres que no Congreso PSOE e Sumar seguirán obrigados a pactar con outras forzas. Os populares, que en Galicia defenden esta fórmula como vía de "desbloqueo", aseguran que no Estado só busca o "control absoluto" para impoñer a "censura"
https://praza.gal/politica/o-goberno-de-espana-baixa-a-maioria-para-elixir-cargos-en-rtve-ao-nivel-que-pora-a-xunta-na-crtvg
257
Praza.gal

22 Oct, 11:02

🌊👉ACTUALIZACIÓN | O PP impide a admisión da iniciativa que persegue a protección das actividades pesqueiras e marisqueiras tradicionais no Parlamento. O voto en contra do grupo parlamentario do PP impediu este martes que o pleno do Parlamento admitira a trámite a iniciativa lexislativa popular para o recoñecemento e protección das actividades pesqueiras e marisqueiras tradicionais, respaldada por 17.838 sinaturas, que solicitaba engadir na vixente lei de pesca dous artigos para que estas actividades sexan declaradas como de interese xeral en Galicia
https://praza.gal/politica/o-pp-impide-a-admision-da-iniciativa-que-persegue-a-proteccion-das-actividades-pesqueiras-e-marisqueiras-tradicionais-no-parlamento
265
Praza.gal

22 Oct, 10:20

📺O Goberno de España rebaixa as maiorías para elixir o Consello de Administración de RTVE ata o limiar que a Xunta vai implantar para a dirección da CRTVG
👉https://praza.gal/falase?de=ce2a1e12-c856-4398-aed8-c4fca57ba99f
247
Praza.gal

22 Oct, 09:29

👉🗣🔎DATOS | Lingua lanza a oferta de pacto polo galego cun orzamento conxelado. As negociacións que principia esta semana o conselleiro López Campos están inevitablemente marcadas polos recentes datos de uso do galego divulgados polo IGE e polos Orzamentos Xerais para 2025 que a Xunta vén de empezar a tramitar. O orzamento de fomento da lingua galega leva tres anos na contorna dos 11 millóns. Para equipararse en termos reais ao de 2009, contando a inflación, cumprirían case 17 millóns máis. A perda acumulada nestes quince anos ascendería a uns 237
https://praza.gal/politica/lingua-lanza-a-oferta-de-pacto-polo-galego-cun-orzamento-conxelado
247
Praza.gal

22 Oct, 08:16

🌊🐟🦞O Parlamento debate a iniciativa que persegue a protección das actividades pesqueiras e marisqueiras tradicionais. O pleno do Parlamento debate este martes a iniciativa lexislativa popular para o recoñecemento e protección das actividades pesqueiras e marisqueiras tradicionais, respaldada por 17.838 sinaturas, que solicita engadir na vixente lei de pesca que estas actividades sexan declaradas como de interese xeral en Galicia
https://praza.gal/politica/o-parlamento-debate-a-iniciativa-que-persegue-a-proteccion-das-actividades-pesqueiras-e-marisqueiras-tradicionais
240
Praza.gal

22 Oct, 07:49

📜Colón non era galego (ou si) pero a documentación histórica proba a existencia do apelido na Pontevedra do século XV. O debate sobre as orixes de Cristóbal Colón cobrou máxima actualidade tras a emisión do documental Colón ADN, criticado pola falta de rigor e metodoloxía científica. Unha das teorías que afirma que a familia do navegante era galega, enunciada por Celso García de la Riega en 1898, baséase en documentación medieval que fora acusada de ser falsa. Porén, o traballo da empresa compostelá dehistoria proba a veracidade das escrituras. Isto, iso si, só amosa que había persoas con ese apelido na cidade, sen existir máis que probas circunstanciais da relación de Colón con Galicia https://praza.gal/cultura/colon-non-era-galego-ou-si-pero-a-documentacion-historica-proba-a-existencia-do-apelido-na-pontevedra-do-seculo-xv
249
Praza.gal

22 Oct, 06:34

🏘💶A Xunta perdoará 4,81 millóns a quen merque edificios para alugar pisos pero sen limitar o prezo do alugueiro. O Goberno galego rebaixa o 75% dos custos notariais de compra, construción, rehabilitación ou división horizontal de edificios que se destinen a alugueiro durante 10 anos fixando restricións no uso pero non no prezo https://praza.gal/economia/a-xunta-perdoara-481-millons-a-quen-merque-edificios-para-alugar-pisos-pero-sen-limitar-o-prezo-do-alugueiro
232
Praza.gal

21 Oct, 14:51

🗣Feijóo lamenta que moitos mozos "opten por converterse en funcionarios" para non "fracasar fóra da administración" malia ser interino do corpo superior da Xunta dende os 24 anos e funcionario dende os 30
👉https://praza.gal/falase?de=42bf6ba6-1a1a-44b7-989f-ccb673c28f8a
306
Praza.gal

21 Oct, 14:18

⚖️✖️💨🔋O Supremo avala unha paralización cautelar dun parque eólico decretada polo Tribunal Superior de Galicia. O alto tribunal non admite a trámite por falta de fundamentación e de interese casacional os recursos da Xunta e a empresa promotora contra a suspensión do parque Lagoa II por parte do TSXG mentres este analiza a súa legalidade
https://praza.gal/economia/o-supremo-avala-unha-paralizacion-cautelar-dun-parque-eolico-decretada-polo-tribunal-superior-de-galicia
292
Praza.gal

21 Oct, 13:26

📺🎙❌ Sete xornadas de folga nos medios públicos e sen negociación á vista. A folga indefinida na CRTVG avanza e volve cortar a emisión en directo da Televisión de Galicia. O comité de folga salienta que a dirección do ente público "non amosa vontade ningunha" de atender as súas reclamacións, mentres a plataforma Por una CRTVG ao Servizo do Pobo comeza a recollida de sinaturas https://praza.gal/acontece/sete-xornadas-de-folga-nos-medios-publicos-e-sen-negociacion-a-vista
286
Praza.gal

21 Oct, 10:33

🪪🔫A Xunta fai indefinidas as licenzas de caza de maiores de 65 anos. Tras anos de descenso no número de permisos, en 2023 o Goberno galego fixo gratuíta a renovación de licenzas das persoas maiores, este ano renovounas de xeito automático e agora fixa por lei non ter que renovalas nunca máis
https://praza.gal/politica/a-xunta-fai-indefinidas-as-licenzas-de-caza-de-maiores-de-65-anos
288
Praza.gal

21 Oct, 07:49

💶A Xunta ingresará 436 millóns máis por impostos en 2025 e renuncia a outros 454 mediante descontos. Máis da metade dos 15.300 millóns que compoñen os Orzamentos Xerais da Xunta para 2025 son ingresos vía impostos. Os "beneficios fiscais" sobre tributos aumentan case un 10% o seu custo para 2025 https://praza.gal/politica/a-xunta-ingresara-436-millons-mais-por-impostos-en-2025-e-renuncia-a-outros-454-mediante-descontos
289
Praza.gal

21 Oct, 06:19

⚖️🏫30 contratos en 8 anos en 12 concellos: unha condena amosa a precariedade nas escolas da Galiña Azul. O TSXG obriga o Consorcio Galego de Igualdade e Benestar a facer indefinida a unha educadora infantil contratada desde 2010 con sucesivas interinidades e que nun só ano sumou 19 contratos en 9 concellos distintos https://praza.gal/politica/30-contratos-en-8-anos-en-12-concellos-unha-condena-amosa-a-precariedade-nas-escolas-da-galina-azul
286
Praza.gal

20 Oct, 14:47

🌐🛰Unha ducia de momentos na historia do .gal, o dominio galego. O dominio galego (o .gal) está a a celebrar o seu décimo aniversario. Hoxe parécenos a cousa máis normal do mundo ir a un rexistrador e mercar o dominio sechovequechova.gal, por exemplo, pero hai un par de décadas semellaba unha arela case imposible. O traballo foi longo e colectivo. Dende 2006 a Asociación PuntoGal comezou a moverse para acadar un dominio propio que chegou finalmente en 2013. Os primeiros 93 dominios foron unha realidade o 25 de xullo de 2014. Dez anos máis tarde xa somos máis de 7.200, un crecemento lento pero sostido, que se quere acelerar no futuro, convencendo das vantaxes para calquera empresa ou entidade de identificarse como galega no océano sen fin da rede https://praza.gal/ducias/momentos-na-historia-do-gal-o-dominio-galego
306

2025 All Right Reserved

Disclaimer: The content displayed on this website is solely provided by the respective Telegram channels. We hold no ownership or responsibility for the content shared by these channels.