الشاعر كاظم العطشان

@pigfg

وشتمك
وزهد ابطرواك
وتخون المشاعر للرخص تنحاز
چا شنهي وگول اعزاز

كاظم العطشان💜

الشاعر كاظم العطشان (Arabic)

يسرنا أن نقدم لكم قناة "الشاعر كاظم العطشان" على تطبيق تليجرام. هذه القناة مخصصة لأعمال الشاعر والكاتب كاظم العطشان، الذي يتميز بأسلوبه الشعري الراقي والمميز. تجد في هذه القناة مجموعة من القصائد والنصوص التي تعبر عن مشاعر عميقة وتحكي قصصًا ملهمة. كاظم العطشان يعبر عن الحب والحزن والأمل بطريقة فنية تلامس قلوب القراء والمتابعين. إذا كنت من محبي الشعر وترغب في استكشاف عوالم جديدة من الكلمات الجميلة، فهذه القناة هي المكان المثالي لك. انضم إلينا الآن لتستمتع بأروع إبداعات كاظم العطشان وتشاركها مع العالم.

الشاعر كاظم العطشان

01 Nov, 08:16

Messages in this channel will be automatically deleted after 1 day

الشاعر كاظم العطشان

19 Jul, 03:50

يافشلة حمد والريل
لادگ اگهوه ولاهيل
لاظلت سنابل للگطه امخضره وشجاكم
مو فضحني الليل
چا بيّه اشيسوي لو طلع فجره
وتانيكم
شتانيكم

كاظم العطشان💜

6,337

الشاعر كاظم العطشان

21 May, 06:52

وطني أنقذني من مُدنٍ سرقت فرحي

مظفر النواب

وأخيراً عاد النواب إلى العراق

5,887

الشاعر كاظم العطشان

13 May, 04:46

إلچم جرحك
إشما طاب تدري اشما تزيد الآخ
تكبر هيبة العطّاب

كاظم العطشان💜

5,308

الشاعر كاظم العطشان

06 May, 10:33

ها ياحزن
دگيت بابي النوب مو زنجر سوادي
وبدّليت الثوب

كاضم العطشان💜

5,111

الشاعر كاظم العطشان

03 May, 04:53

تحياتي لكم بمناسبة حلول العيد السعيد، كل عام وأنتم وسائر الأهل والأحباب بألف خير أدام الله عليكم نعمته وفضله
@tlbud

4,624

الشاعر كاظم العطشان

11 Apr, 19:15

وإن اعتذَرَتْ الريحُ ، سيبقى الغصنُ مكسوراً ٠
____________________
سايسيتك

زيبگ امسودن شكظّك

كظّت الغربيل من يحضن الماي

وياجموح المهره بيك

اشما تعتني ابلايه راي

وسايسيتك

لاني گصبه ابهور ظلت

لاني بشفافك الناي

وخاصمت روحي وتبعتك

بين غلطه....

وبين ظني ....

ومستحاي

وگاودتني ..... وطاوعيتك

شفتك ابعز ّ الظهاري

اتدوّر ابصحره ال افياي

وعلجروح اتريد ترگص

گتلك ارگص.... گلبي مات

المات مايسمع بچاي

الوادم ... اشمدريهه بيّه

الوادم ... اتغرهه ضحكتي

الوادم...... امصدگه غناي

وبلچذب تضحك ابوجهي

اوبلصدك تطعن گفاي

وسايسيتك.....

چم شمع يطفه اعله چفي

وچم زفير الاووف من يخنگ ضواي ؟

ونته طير ابلاشجر وكت الغروب

لاتحط ترضه اعله ذيچ

ولاتحط ترضه اعله هاي ...!

وماكسرت ابخاطرك ومشي وراك

ولاشبرت اسنين عمري

الفحطن وظلّن وراي

وانه هسّه ابير يوسف

لاوحي ايسامر وحشتي

ولاظعن بالسچّه جاي

وسايسيتك...

يابعد هاي وي هاي
__________________________
من ديوان سفر دخان

كاظم العطشان 💜

5,561

الشاعر كاظم العطشان

07 Apr, 23:06

. ابشّركم...!
برن كلّ الجروح اللاّمهن منكم
وابشركم
لگيت العافيه الغابت
عليّه اسنين من صدكم
ولاچني.. ولا چنهن .. ولاچنكم
گطعنه اهروشهه وماتت
بعد شللّي ابنبگ وفياي سدرتكم
جزركم مايهز جرفي
ولا روجة غوه وتتكحل ابمدكم
ولاتشهگ بعد ريّه...
وتحن الطيب ريحتكم
طوينه افراشكم يجناب
يوم الخبطت اعله افراگ طينتكم
ابشركم..
بدت قصة عمر ثاني
وحرگنه أوراق قصتكم ...!
تعالو ....... انغربل الماضي
ونصفّي احسابنه العدكم
تعالو...... انفك غزل صبري
هذاك الماصفه وي خيوط مغزلكم
أريد اشگد...نزف جرحي؟
وريد اسنين صبري الضاعت ابسدكم
وريد الواهس المشتول
ظل عطشان يم شطكم

كاظم العطشان💜

4,285

الشاعر كاظم العطشان

04 Apr, 21:48

. يا خافقي المذبوح
على مغتسلِ السؤال
ماذا حصَدتَ من حقولِ الليلِ
بيادرا من الوهمِ
أونعيما من الخيال ...!!؟
ماذا غَنِمتَ من الحلمِ
سوى الدخان والشك والمُحال ....!!
ياخافقي المفجوع
لاتَبني ...
على رمالِ الوهن قصراً
فللصخورِ لغةٌ ...
لا تفهمها أذن الرمال

كاظم العطشان💜

3,846

الشاعر كاظم العطشان

31 Mar, 22:14

. ذاتك صبخه.. ومالح طينك

شنهي الوازانه اعله اترابك

غلطه ايرد الدربك جدمي

وغلطه اچفوفي الدگت بابك

غلطه البايع يرجع يشري

ايهد الباز ويحوي اغرابك

گمره الدنيه وشاطي اعذيبي

چاليش انحنّ السردابك

ندريبگ يلّات وعزّه

وردينه انصلي ابمحرابك

**_ اللاة والعزة... صنمان عند قريش الجاهلية ٠

كاظم العطشان 💜

3,691

الشاعر كاظم العطشان

23 Mar, 05:19

يلفاگد عطر ملگاك
وين الگاك...!
ويهون العطش للماي
بس اشلون يبن امي
ابعطش فرگاك

كاظم العطشان 💜

3,670

الشاعر كاظم العطشان

21 Mar, 18:59

لأمي... ولكل الأمهات الراحلات
•••••••••••••••••••••••••••••••••••••
خطار الحزن مافارگ البيت
وهلال الفرح ويه امي مدفون

چنهه امسافره ونتنطّر اتعود
يربي الموته هم بيهم يعودون ؟

لو منهه وبعد ماينفتح باب
والراحو بعد هيهات يلفون

امي التشجر التنور بالآه..
وأمي اعله المصيبه اتلولي وتهون

مانوّخ ظعنهه العسر الايام
ولاشبعت بطنهه وي اليشبعون

بس ضاگت مرار العوز لچمات
تفوّر الجدر خالي ابدمع العيون

تضحك من تلچهه اجروح دنياي
اوتحاذر ماتگول الليش وشلون

عجز بتهوفن ابلحن الدللّول
لوحه العجّزت بيكاسو باللون

أمي الكل شبابي اسنينهه اشموع
أمي الجنه ..وامي الدنيه والكون

ياچف الصبر بچفوفهه اندار
ياطور النواعي البيه يغنون
.............
..............

كاظم العطشان💜

3,731

الشاعر كاظم العطشان

05 Mar, 05:34

إلى/ الجعجعة الفارغة.... الكبار اقزاما... شعراء البالونات نفخا....
مع تحية الازدراء
______
فصّل الخام..........اعله گدّك

وزرع احلام.........اعله گدّك

تستراح ......

وحته ماتحصد تعب

ولاتسولف ع السوار

ولا تمس خد التراچي

من يمر طاري الذهب

يارعيع.... البرحي عالي

وماوصل حظنه الكرب

گمبره...

وبعدك الحيمي

انته وين.....

اتسولف ابطاري السمه.....؟

انته عايش ع الرعيد

وچي بلاش... الوادم اتلمّك چِمَه

يامنصَّه البچت شعرك ...؟؟

يانده اليبچي اعله عطرك....؟؟

ونته عاگول البراري

البايت بحلگ الضِمَه

ياغشيم

المايشوف الناس نجمه

النجمه ماتشتاگ لعيون العِمه

كاظم العطشان💜

3,586

الشاعر كاظم العطشان

03 Mar, 04:01

( قصيدة جديدة بعنوان ( مشينه)
________
مشينه اعله الخناجر خوف
وذنوب السوالف حوت تبلع واهس الملهوف
مشينه..... والجرح عريس
يضحك... والملح زافوف
وغبشنه ابخاطر المكسور
مدري الياحزن ماشين
مدري الياضريح انريد
لگينه اشموعنه ابلاخيط والديره ضواهه ابعيد
اثاري ابلا هله العنوان وديار الغرب تابوت
اثاري الدمعه مزة ليل..
أثاري الصفنه صحوة موت
تضفر بالظنون ازلوف
وذنوب السوالف حوت تبلع واهس الملهوف
اوحزَنَّه اعله الليالي البيض
حزن الگاع بحزيران... تتحزم عطش للگيظ
والصوت ابصداه ايلوذ
يامرسه اليدللي اشراع من ترعد ابحور الغيض
وعبرنه امعاند وي الريح
والخطوه نفس شايب
نفس بيهه السنين اتصيح :--
ياثوب العمر نفنوف
مايستر وكاحة شوف
والورگه التدوخ اتطيح
ومشينه اتطوف بينه الوين
لاعثرة هله ابفانوس تحضن چف المتيهين لاضحكه اعله جرف الليل تشبگ نعش المعرسين
وخذانه المامش وي الوين
وحنه ابكل سراب انتيه
مدري امن الضباب انضيع
لو غشوه ابطشاش العين
وسحگنه اعله الجمر حفاي
يابويه.... مشينه اهواي
يابويه... خسرنه اهواي
فر بينه الخلگ ناعور
نتسله بنعاوي الراح وتهزنه غناوي الجاي
حته العطش واسه الريج يجفل من زراگ الماي
ماغنه الگصب بالهور
بس جور الذبح مرات يشتل بحِّته اعله الناي
ولگينه الواهس ابلا ساس
وسروج الصبر تيزاب تشرب من صديد الكاس
فرحنه ومالگينه ابتوت
عشگنه وماعثرنه ابناس
غابه وكل شجر مشتول مشكول اعله ذمة فاس
وجرعنه الفزه جفلة طير
من شاف الطُعم مغشوش بعيون البيادر ذِل
وكرهنه امسامر الحلوات....
من خانت سواني الخل
فحطنه ولاسواحل شوف
گمره.... وتشتعل ... وتهِل
ولا مهرة بخت تشتاگ
يطرب شوگهه و تصهل
وصلنه....
وبس رماد الاوف
من طول الدرب مِثجِل
________
كُتبَت في ١/ ٣ / ٢٠٢٢

كاظم العطشان💜

3,543

الشاعر كاظم العطشان

28 Feb, 18:41

. آنه بين الليل والغبشه مراسي

امناطر ارسومك حلم

وانتظر كحلة صباحك

كحلة الفرگه دمعهه

وكحلة الملگه وشِم

وابگه عايز مستحاتك

صفنتي امفرعه اعله طولي

وانتظر طولك هِدِم

حته لو عاگول تجرح...

جوري اگولن.... لاتظنّ ازهگ وذِم

وللله ماتلگه ابغلاتي

ولا ضميري ولاحلاتي

من تظل عمرك تِلِم

ولا مثل ريحة سماري ...

ريحة اگرنفل تِشِم

وللله ملَّتني المراسي...

امناطر ومامش حلم

كاظم العطشان 💜

3,002

الشاعر كاظم العطشان

23 Feb, 04:33

. الكاس مُرّ اوحلو
مو عسل دوم الكاس

والدنيه وكت اوكت
واللعبه داس وداس

والليل...اسود خلگ
لومه ابفجر ينجاس

هذا الدرب من تمر
عاگول تلگه وياس

والباس چفّك امس
هليوم چفّه انباس

وشبيك تمطر حزن
والشيب غطّه الراس

لاتشره اعله الوفه
مابيهم....... العباس

كاظم العطشان💜

3,181

الشاعر كاظم العطشان

21 Feb, 19:10

. أوقدتُ من شراييني شموعاً

فخُذ عني بعيداً شُموعَك

قد قطعتُ من الفجرِ شوطاً

وفجري ...

لايحتِملُ ليلَ رجوعك

مَندِيلُكَ المبلول..

لا يُثيرني

تلكَ دموع التماسيحِ دموعك

سأستميحُ العُذرَ من عِطركَ

وأبتِرُ كفّي عن ذِراعكَ

قد مَخَرَتْ عُبابَ اليأسِ سفينتي

فلستُ بحاجةٍ لِشراعِكَ

الريحُ صافَحَني

والموجُ هادَنَني

إرحلْ ...

لِمثواكَ ياهذا

لاينقصُ عافيتي إلاّ وداعكَ

كاظم العطشان 💜

2,967

الشاعر كاظم العطشان

12 Feb, 17:55

. احنه موش امسودنين
احنه بينه الدرب تاه
وبينه زاغ الشوف
من شح الحنين

كاظم االعطشان 💜

2,989

الشاعر كاظم العطشان

05 Feb, 15:25

. ( هذا انته )
_____
بوگني من الليل نجمه

وطوُف بيّه اعله السوالف

وشملذ السالفه التطلگ همس

عيني وكحة شوف يطربهه سمارك

وليسرّ العين.... تهواه النفس

شنهي ليلي ابلا عذابك

ماني اتعنّه السرابك

وترس ابجودي ترس

بس ضبابك شرب من عيني ضواهه

الماتزيحه الريح وچفوف الشمس

يا نسيم العافيه وحسنك اقطاعي

يمته تمطر هله ابگاعي

والمطر للگاع من تِمحِل.... عرِس

ونته بربين الضمير النشف مايه

وياضمير النشف مايه ومايبس

ونته شوگ البات ماظل اعله طعمه

وكل لذيذ البات.... مايسوه فلس

هذا إنته....

ومن تمر نسمة طواري

اطوير ويحوم اعله عشه

ومن يمر اسمك يهدهد

چني معزوم اعله جنه

ومن اجيك ابكل جهنم ماتحس

وهسه ذني البيّه طابن

بلله گللي اشلون... بجروح الامس .؟!

كاظم العطشان 💜

3,226

الشاعر كاظم العطشان

24 Jan, 15:54

. مره شفته

رشفته وحيل كلش مرشفته
ابخيالي وهيّه مره مره شفته
مره اكرب ابگاعه مره شفته
صحيت وبس صليل الوجع بيه
_____________________
ولاحس

بعد ماظل نفس بيّه ولاحس
ولا فرز الگعد يمّي ولاحس
ضمير الماصحه ولافز ولاحاس
يصحه ابنصبة الچادر عليه

كاظم العطشان 💜

3,106