Pharmacy Records & Summary ♥️💊💉

الإنسان الذي تُربّيه التجارب لن يكون تلميذًا لأحد.♥️🫶🏻

‏"يومًا ما ستبدو فخورًا بكل الصّعاب التي واجهتها بحياتك، بكل لحظة خوف، توتّر، قلق، سهر؛ ستبدو فخورًا جدًا بعبورك."🤍🕊️

♥️🙏🏻

الحمد لله رب العالمين ♥️🕊️

ازيكم ؟ 💙👀

هنكمل مع بعض ، سلسلة كبسولات كريما. 💊💙

والنهاردة مع كبسولة جديدة ، من كبسولات الألبان. 🙃

النوع ده من الألبان مكتوب عليه رمز LF واللي معناه Lactose free..

وده نوع من الألبان خالي من اللاكتوز.. طيب يعني ايه ؟

زي ما قولنا قبل كدة إن الألبان فيها ٣ مكونات..

بروتين ، وكربوهيدرات ، ودهون.

والكربوهيدرات ده عبارة عن سكريات واللي منها سكر اللاكتوز..

والنوع ده من الألبان بنشيل منه سكر اللاكتوز..

بنستخدم النوع ده من الألبان في حالتين :

١- حالة اسمها Lactose Intolerance, واللي هي بالعامية معناها حساسية اللاكتوز..

وفي الحالة دي المفروض سكر اللاكتوز ده لما بيدخل جسم الطفل ، في انزيم بيكسره علشان يتهضم.. الانزيم ده اسمه Lactose Enzyme ، طيب يعني ايه ؟

يعني الانزيم ده مادة بتكسر سكر اللاكتوز ده.. والجسم بيستفيد منة.

طيب في الحالة دي ، الانزيم ده مش موجود وبالتالي السكر ده مش هيتكسر.

وبالتالي الطفل يبدأ يظهر عليه أعراض الحساسية ، واللي هي :

انتفاخ ، اسهال ، ترجيع.

وفي الحالة دي بنستخدم للأطفال اللي بتعاني من نقص الانزيم ده ، نوع ألبان متشال منه سكر اللاكتوز.

الأمثلة اللي ممكن نقابلها :
Hero Milk LF
Pronoun Baby LF
Aptamil LF
NAN LF
Sahha LF
Biomil LF
Babelac LF
Primalac LF

وفي نوع مختلف من ال Aptamil اسمه :

Aptamil NH25

وهو نوع مُستخدم للأطفال وخالي من سكر اللاكتوز.

٢ - الحالة التانية وهي في حالات الإسهال ، وفي الحالة دي بيكون الألبان عليها الرمز AD..

وده معناه ايه ؟

Anti Diarrheal

وهو مضاد للإسهال ، يعني بيقلل نسبة حدوث الإسهال للأطفال.

المفروض إن سكر اللاكتوز في الحالات الطبيعة ، وهو من الحاجات اللي بتزود الإسهال.

وفي الحالة دي بنشيل سكر اللاكتوز ، علشان حالات الإسهال تقل.

أمثلة للأنواع اللي ممكن نقابلها:

Novalac AD
L-Free Anti-diarrhea

وكدة أخدنا النهاردة ٣ رموز واللي هم :

LF
NH25
AD

وال ٣ رموز بيكون فيهم اللاكتوز مش موجود ، وبنستخدمهم لحساسية اللاكتوز ، وحالات الإسهال.

وبكدة تكون خلصت معانا كبسولة النهاردة ، لو المعلومات مفيدة اعملوا لايك وشير للبيدج..

وقولوا رأيكم في الكومنتات.. اتمني تساعدوا صحابكم إنهم يشوفوا المحتوي. 💙💊💊

Reference :
صيدلي : علي عيد.

التدريب هينزل علي صفحة الفيس بوك ⬇️⬇️⬇️

https://www.facebook.com/profile.php?id=61557344750810&mibextid=ZbWKwL

وهينزل علي قناة تليجرام ⬇️⬇️⬇️⬇️

https://t.me/karemapharmacy


بالتوفيق بإذن الله للجميع. ♥️🌿

اعملوا شير لو تعرفوا حد في صيدلة..

#Karema_Pharmacy_School. 💊🩺

#Free_Pharmacy_Training.♥️😌💉
#صيدلة. 🏥🩺

#تدريب_مجانا. 💪🏻💪🏻

وحين تُسأل يومئذٍ عن الشباب، فيما قد فني..

فإن معطفًا أبيضًا كان يعلوك، سيشفعُ لك.

رحم الله طلاب جامعة الجلالة، وربط علي قلوب أهلهم.

ازيكم ؟ ♥️👀

النهاردة هنتكلم عن تاني كبسولة معانا ، من كبسولات كريما. 💊💉🌀

الكبسولة التانية عن اول نوع من أنواع الألبان واللي هو Anti regurgitation واللي معناها مضاد للقئ ( الترجيع ).

طيب ايه فكرة الألبان دي ؟

هنا بنحاول نضيف مادة تزود كثافة اللبن ، علشان يكون سميك ( تقيل شوية )..

طيب ممكن نضيف ايه يعني ؟

ممكن Starch اللي هو النشا أو Gum اللي هو الصمغ ، بس ده بنسب معينة وعلي حسب كل شركة ، وكل مرحلة عمرية ، بتختلف الإضافات دي.

ممكن نضيف اي مواد تانية ، المهم إنها تزود كثافة اللبن ويكون تقيل.

طيب الألبان دي بنعرفها ازاي ؟!

هي بتكون في الصيدلية علي حسب الاسم بتاع الشركة ، مُضاف في النهاية اختصار AR واللي معناه مُضاد للترجيع.

شبه البان كتير :

NAN AR
Bebelac AR
Novalac AR
Aptamil AR
Hero Baby AR

طيب ممكن يكون فيه نصائح لاستخدام الألبان دي ؟

اه ، في شوية نصائح للأم اللي طفلها بياخد ألبان مُضادة للترجيع.

رقم ( ١ ) :

الطفل ياخد اللبن بزاوية ٤٥° ، يعني لما ياخد الرضعة لازم تكون مايلة شوية مش مستقيمة.

رقم ( ٢ ) :

نحاول نقسم الرضعة للطفل علي كذا مرة ، مش مرة واحدة لأنها هتكون تقيلة عليه علشان النشا أو أي مادة استخدمتها..

رقم ( ٣ ) :

الرضعة لازم تتاخد بمجرد ما أحضرها ، لأنه طبيعي طالما فيها نشا ، لو سبتها فترة هتكلكع أو مش هتبقي لبن ، هتبقي مهلبية.

رقم ( ٤ ) :

المفروض الطفل اللي مستمر علي الألبان دي ، وزنه يزيد مع الألبان دي.

لو استفدتوا من البوست ، اعملوا لايك وشير.. ♥️🙈👀

Reference:

صيدلي : علي عيد..


التدريب هينزل علي صفحة الفيس بوك ⬇️⬇️⬇️

https://www.facebook.com/profile.php?id=61557344750810&mibextid=ZbWKwL

وهينزل علي قناة تليجرام ⬇️⬇️⬇️⬇️

https://t.me/karemapharmacy


بالتوفيق بإذن الله للجميع. ♥️🌿

اعملوا شير لو تعرفوا حد في صيدلة..

#Karema_Pharmacy_School. 💊🩺

#Free_Pharmacy_Training.♥️😌💉
#صيدلة. 🏥🩺

#تدريب_مجانا. 💪🏻💪🏻

النهاردة هنتكلم عن شوية نصائح بخصوص الألبان اللي بنقابلها في الصيدلية.

وايه الفرق بينها وبين الألبان العادية ؟

وهل كل الألبان الصناعية اللي بتقابلنا واحد ؟

كل يوم هيكون معانا معلومات جديدة ، عن حاجات كتير بتقابلنا يومياً في الصيدليات.

المعلومات لكل الناس سواء صيادلة ، أو مرضي.

اتمني تستفيدوا معانا..

السلسلة هيكون اسمها ، كبسولات كريما .

واول كبسولة هنتكلم عنها النهاردة هي فروق اللبن الطبيعي واللبن الصناعي.

المفروض إن اللبن الطبيعي أو لبن الأبقار بيكون فيه نسبة الكالسيوم والفسفور متساوية ، يعني ايه ؟

يعني دي عبارة عن معادن أو مواد بيحتاجها جسم الطفل علشان ينمو بسرعة.

طيب فين المشكلة ؟

المفروض إن الطفل بيحتاج لنسبة كالسيوم أعلي من الفسفور خلال الشهور الاولي علشان ينمو صحياً.

وفي حالة زي دي ، بيكون اللبن الصناعي هو الحل مش الألبان الطبيعية.

طيب دي كانت أول مشكلة معانا.

ايه هي المشكلة الثانية ؟

دلوقتي عندنا من مكونات اللبن نوعين من البروتين وهما ال whey protein and casin protein

طيب ايه دول ؟ دول انواع بروتينات موجودة في الألبان ، واللي بيكون في اللبن الطبيعي نسبة ال casin protein اربع اضعاف ال whey protein وفي حالة زي دي ، ايه المشكلة بردوا ؟

هنبسطها ، نسبة البروتين أو المادة الزيادة في اللبن الطبيعي هتكون دسمة أو بمعني تقيلة علي معدة الطفل الصغير اللي مش هيقدر يستحمل الألبان دي.

طيب دي كانت تاني مشكلة.

المشكلة رقم ٣ معانا هي مكونات اللبن نفسه :

بمعني اللبن عبارة عن بروتين ، كربوهيدرات ، دهون.

وهنا المفروض الألبان الصناعية بتتعدل فيها المكونات دي حسب احتياج الطفل.

وهنا بياخد اسم اللبن الصناعي رقم من الأرقام دي ١ - ٢ - ٣ - ٤ :

رقم ١ : ده بيكون من بداية الولادة وحتي ٦ شهور ، ماعدا نيدو رقم ١ ده مش هينفع ندية في بداية المرحلة العمرية.

رقم ٢ : من بداية ٦ شهور ل ١٢ شهر ( ١ سنة ).

رقم ٣ : من عام ( ١٢ شهر ) حتي ٣ سنوات .

رقم ٤ : أكثر من ٣ سنوات.

لو استفدتوا من البوست .. اعملوا شير علي صفحتكم.

واعملوا لايك للصفحة. ♥️🙈💊💉

Reference :

مذكرات صيدلي علي عيد. ♥️🥀

التدريب هينزل علي صفحة الفيس بوك ⬇️⬇️⬇️

https://www.facebook.com/profile.php?id=61557344750810&mibextid=ZbWKwL

وهينزل علي قناة تليجرام ⬇️⬇️⬇️⬇️

https://t.me/karemapharmacy


بالتوفيق بإذن الله للجميع. ♥️🌿

اعملوا شير لو تعرفوا حد في صيدلة..

#Karema_Pharmacy_School. 💊🩺

#Free_Pharmacy_Training.♥️😌💉
#صيدلة. 🏥🩺

#تدريب_مجانا. 💪🏻💪🏻

لعمل السيرة الذاتية، بما يتناسب مع نظام ال ATS.

التواصل واتساب : ) 💭

https://Wa.me/+201103979405

لينك قناة تليجرام : ) 💭

https://t.me/CVMAK3R

#فيدباك.. 🪄

بنتعلم ليه ؟

ما ممكن نتجوز ونفضل في البيت وخلاص.

ما كدة كدة مش هنشتغل ؟