علاء الفهداوي_ Alaa Al-Fahdawi

من مشيتو صار اصفر لونهه
بيا قميص امكم ترد عيونهه
ولا خبر منكم لفاهه... ايدهه مچلبه بگفاهه
................
ينتظر يعگوب يدري يرجع اوليده عدل
هالرسايل من قراهه سيوف مابيهه ونبل
بالصبر طابت جروحه وارتوه بلم الشمل
لا خيم محترگه عنده  ولاحبال ولاهزل

وحيد ما ظل وغريب بداره
ويل هوه يوسف يودي اخباره
كربله يخنگ هواهه... ولاخبر  منكم لفاهه
...........................
يل مشيتو اعزاز كلكم وابد ما تتعوضون
امكم محدب ظهرهه مناطره ترد الظعون
من تچل المغربيه مصيبه مايحملهه كون
بدارهه وصارت غريبه وينكم يل ماتجون

ما رجعتو والحزن هد حيلهه
بكثر ونهه الدنيه شيب ليلهه
الوالده غالي ظناهه ... ولاخبر منكم لفاهه
...........................
مات كلشي من مشيتو والمصايب خضرن
يل وراكم بالمدينه عيون وشموع انطفن
الليل يگضي والعجيبه دموع امكم ماگضن
اصبحت غربه المدينه حسين چان الهه الوطن

حدبت والفرگه باگت حيلهه
ولا ولد للغاليه  يتچيلهه
البلوفه يشعشع ضياهه... ولاخبر منكم لفاهه
.........................
مناطره ظلت تتاني وعالدرب تشبح نظر
اتصيح من شوغت گلبهه يل گمر وين الگمر
شيبت حتى السوالف منين احصلي خبر
لوشفت ناگه اركض الهه ورد مكسور ظهر

يتميتوهه وابد ما صايره    
هاي امكم بالمصايب حايره
الارض تبچي الهه وسماهه... ولاخبر منكم لفاهه
..........................

بصفنتچ يل حنينه ياصور تتخيلين
لو رسمتي صورت الطف خاف ماتتحملين
نار وخيول وحوافر تسحگ بصدر الحسين
صرتي يعگوب الزمانچ انتي يا ام البنين

ياعشيره الفارگته عيونچ
محد يگلچ ييمه شلونچ
كربله شخلت وراهه ... ولا خبر منكم لفاهه
........................
تاكل الساعات عمرچ مثل شجره بلايه ماي
چنتي فيّ عله المدينه وهسه يل مالچ فياي
بچلمه يرجعلچ خضارچ وايسي من الچلمه هاي
كربله سمعي نداهه  ماكو هذا حسين جاي

تحضري اتلگي الظعن رد خالي
ام عون تمشي لاحرس لاوالي
عالنهر طايح لواهه ... ولاخبر منكم لفاهه
٠٠٠٠ ٠٠ ٠٠٠٠
خادم اهل البيت ع
فلاح طالب الماجدي

اَلسَّلامُ عَلَيْكِ يا بِنْتَ الْمُظَلَّلِ بِالْغَمامِ سَيِّدِ
الْڪَوْنَيْنِ وَ مَوْلَى الثَّقَلَيْنِ وَشَفِيعِ الأُمَّةِ يَوْمَ'
الْمَحْشَرِ وَ رَحْمَةُ اللهِ وَ بَرَڪاتُهُ.

اقري عليه الفاتحه بحزاني راحله
يمه يزينب رايحه وتجمعنه كربله
وبآخر اللقاء
حي على العزاء
...
ابنيتي يا زينب تعاي ويمي اگعدي
لو رحت تستارثين مصابي بعدي
انسي ضلعي ومتني والسطره اعله خدي
اعليج من هسه المصايب راح تبدي
باب النوايب والحزن من بعدي تنفتح
طبرة علي جبد الحسن وحسين ينذبح
خل يعتلي النداء
حي على العزاء
...
يمه يا زينب اوصيج بوصيه
عينج اعله حسين يوم الغاضريه
من تقدميله المهر سلمي عليه
منحره وصدره تشميهن اليه
اتشوفين اخوته مذبحه واخفاهم القدر
زينب امانه بذمتج سلميلي عالگمر
يم صاحب اللواء
حي على العزاء
...
حسين للخيمه يردلج خالي مهره
وركضتج للتل يزينب تحني ظهره
اتشاهدين الشمر گاعد فوگ صدره
يمه اخوج من الگفه ايگطعون نحره
الف وتسعمية جرح وبچبدته سهم
مذبوح اخوج وشابحه عينه عله الخيم
من يحترگ خباء
حي على العزاء
...
ايعينج الله بكربله شتشاهد العين
اگبال عينج خيل تسحگ صدر الحسين
چني اسمع صيحتج لمن تصيحين
يُمه احضري خل ندور خنصره وين
تشوفينه عاري بالشمس والمنحر انچوه
حته قميصه ينسلب وي محبسه سوه
لو سلبو الرداء
حي على العزاء
...
بليلة الحادي عشر يا زينب اشلون
بين وادم غربه ما تغمضلج اعيون
ناخذج باجر سبي كلهم يصيحون
وچني اشوف الصوط شمسوي بالمتون
واليحرس اخيمكم شمر من بعد ابو الفضل
ومحضر النوگ الهزل ومحضر الحبل
وبسبية النساء
حي على العزاء
...
بالسبي يا يمه صعبه اتشوفج الناس
الهاشميه صعبه تمشي بلايه حراس
طبة الديوان يمه اتشيب الراس
من يضربونج يدخن راس عباس
راح اموت وماخذه آهاتي للگبر
زدتي اعله امج بالحزن والدمعه والصبر
ويلي يكربلاء
حي على العزاء
...
خادم الحسين ( عليه السلام)
كرار حسين الكربلائي
( ابو كميل)

في مقعد صدقٍ عند مليكٍ مقتدر

فضلا وليس امراً الاشتراك بالقناة
🌹

https://youtu.be/_68CNwE50cA?si=bLOtXyNwBiwgc1sa

حن يبني اعله حالي
ولا تنسه دلالي
بفراكك يجاسم
مو حلوه الليالي
****
عيني ما غفت ومساهره الليل
والتفكد ضناها امنيلها الحيل
كمت اعثر يجاسم بالمجاتيل
دورتك ييمه ودمعتي تسيل

لا تتركني وتروح
انه امك يوالي
بفراكك يجاسم
مو حلوه الليالي
****
اكعد يالولد ارد احجي وياك
امك من تضيعك وين تلكاك
ما تدري شعمل بعيوني فركاك
يوليدي التراب اشلون غطاك

بهجرك عذبتني
ودموعي تلالي
بفراكك يجاسم
مو حلوه الليالي
**
ليش يضيع يوليدي شبابك
وتتحنه ييمه بدم مصابك
شفت الموت يوليدي بغيابك
طول الليل ما بخلص عذابك

جا عدمن عفتني
عگبك بيتي خالي
بفراكك يجاسم
مو حلوه الليالي
***
ربيتك وريدن منك ارباي
ومن تروح ظلمه تصير دنياي
اول تالي تمشي وتكطع وياي
تاه الراي عكبك والحجي اهواي

ويبني تروح مني
ما جان اعله بالي
بفراكك يجاسم
مو حلوه الليالي
***
يوليدي الولد للشيب ينراد
وما احله يجاسم من الأولاد
داويت الجرح بس يبني ما فاد
من يوم العفتني ما هنه الزاد

غير النوح والهم
يوليدي شبگالي
بفراكك يجاسم
مو حلوه الليالي
*
يايمه اعتنيت وگلبي ممرود
جا ليش التراب مخرب الخدود
فركنه وكتها وماظن تعود
وبوجهي ييمه الباب مسدود

ابجي وجفني متعوب
والمدمع حلالي
بفراكك يجاسم
مو حلوه الليالي
***
تمت
تحسين الخفاجي

فاگـــد اهـــواي الحــــنــان]
[ انــته ويــــــــن بيـامـكـان]
بروحي اتمنى اشتريك
بعازتك دليني بيك
‏~~
چم رساله بماي ادزلك بلكي تقراهه اريد
بيهه حب وعيوني طاحن ماكو حب غيرك يفيد
اليحبك هذا فاهم جنه عايش من جديد
‏بمملكة خدمة خدمتك احسبني احد هل عبيد
‏
‏ خيط بثيابك اصير//مسوي اليخدمك امير
‏
كون تلزمني باديك
بعازتك. دليني بيك


~
ذبلت جفوني بواچي ومابچيت الهسه دم
انه هسه يم اخوتي بالمجالس والخدم ‏
‏وانته وحدك ياحبيبي عايش بهذا الالم
امن الصبح لليل تبجي عل چوه گلبه السهم

‏تعرض كبالك صور // من خيم حد النحر
‏
ياصور تعرض عليك
بعازتك دليني بيك
‏~
الهاضمك باب التهدم والوراه اطهر بشر
‏لوعله احسينك بگائك الچم ضلع منه انكسر
لوعله عبدالله جرحك لوسهم گاطع نحر
النار المچويه دليلك بعينك هوايه وذر

تاخذ بثارك نريد//من عمر والحد يزيد
رمل ساعه حزني ليك
بعازتك دليني بيك

~
‏عايش اللچمه بغيابك وانت چم لوعه تهل
بعينك اخيام وسبايه وصعدو عمتك هزل
‏الجمعه تعرضلك مصايب بعينك اتشوف الچتل
‏الشيب تارسها لحيتك يساعدك الله وعدل
مغرب وخنگه ضلام//وانه ابعثلك سلام

روحي ذبلت وارد اجيك
بعازتك دليني بيك
‏
‏~
‏ع الخواصر گاضي عمرك وعمري مامديت ادي
‏شما اكول عيوني ذبلت بالبچي ايردن علي
‏روحي صحره ابدونك انته ساجيه ومابيهه مي
‏هيه راحة بالي يمك ولو رحت مااسوه شي
‏
‏ضايع ابلايه هواك// والله محتاجه رضاك

‏للگلب حبك مليك
‏بعازتك دليني بيك
‏~~~~
‏محمد الهاشمي
‏

#علاء_الفهد

https://t.me/pagy007/19842

توها غمضت عيني لن صدى ايصحيني
حميده اگعدي اجيناج ///// گعدنه سويه وذكرناج
*******
تعبانه من درب السبي وصوط الشمر اذاني
زغيره وجتفني بالحبل وابجي شكثر خلاني
توني غفيت من التعب وصحاني صوت اخواني
تفارگنه من حرك الخيم ومشتاگه الهم آني

افراگهم هد حيلي ودمعه يخلص ليلي
حميده تعبنه بلياج //// گعدنه سويه وذكرناج
*
فارگت اخوتي بكربله وما تنحمل فرگتهم
حسبالي ماتو بالحرك ونار الخيم حرگتهم
حسبالي راحو بالسحك وخيل العده سحگتهم
ما ادري بخواني اشجره ما ردت بس شوفتهم

بدمعتي واحزاني صحت وين اخواني
اسمعتهم حميده فگدناج /// گعدنه سويه وذكرناج
***
گلولي مشتاگين الج وآنه صحت جنتو وين
اشگد عليكم دورت الحد ما تعب شوف العين
فرينه من حرگ الخيم ومن انذبح شفنه حسين
ضعنه بصحاري نينوى ومانندل الدرب منين

الليل صار وهيمه لا اهل لا خيمه
يخويه سبيه لگيناج /// گعدنه سويه وذكرناج
*
انسولف كعدنه للصبح وذكرنه ذيج الخوه
وحنينه للخوه الصدك وللعشره ذيج الحلوه
ياخويه فارگناج امس وفرگاج بينه شسوه
محليتها هالدنيه الاخت وبلا اخت ماتسوه

ياحميده شلونج صدك زرگه امتونج
اخوتج نگلج علي وياج /// گعدنه سويه وذكرناج
**
افراگكم كلش صعب وياخويه مو بالحسبان
تدرون اليفارك اخو الجلمة اخو ايظل عطشان
اثنين انه فارگت وبگلبي تسعر نيران
ياخويه بديار الغرب عازتها عازه الخوان

واليضيع اخوانه تگصي بي عدوانه
دمعنه وحزنه ترجاج /// گعدنه سويه وذكرناج
**
السجان حن النه وبجه من اولاد مسلم صحنه
طلعنه واجت لينه مره وياها بدمعنه رحنه
الحارث سمع بينه واجه تشابگنه خويه وطحنه
الظالم اخذنه عله النهر وبيا ذنب ذبحنه

صحت من طيحني گبل اخوي اذبحني
يخويه بذبحنه قهرناج /// گعدنه سويه وذكرناج
*
تمت
ميثم العمري

رساله .. ودّو الحبيبي
رساله .. ابدمعي ونحيبي
بعد التحيه والسلام
گلوله شخبار الخيام
رساله
ــــــــــــــــــــــــــــــــــــــ
مساكم الله بالخير
عدكم طفل مثل الطير
چان اشحلاته

ما ادري بخبار الراح
مرتاح لوما مرتاح
اشصار بحياته

شو جاي اشم ريحة نار
گلولي بالطف اشصار
استر هلي ياستار
ورجع الغايب للدار


اتاني .. منهم بشاره
اتاني .. بس ابحراره
ماتحمل اسكينه الظلام
گلوله شخبار الخيام
رساله
ــــــــــــــــــــــــــــــــــــــ
مساكم الله بالماي
يالعطشيتوني اهواي
بس ابقه احبكم

يوميه اشم عطر ارماد
مثل الهوه رايح راد
يمشي ابدربكم

من رحتو راح اچم حيل
وما نعست عيني ابليل
يوصلني يم باب الدار
ترس الاذن صوت الخيل


لچمني .. صوت الحوافر
لچمني .. هـل من مناصر
معقوله ظل وحده الامام
گلوله شخبار الخيام
رساله
ــــــــــــــــــــــــــــــــــــــ
مابين الاربع حيطان
ساجني وانته السجان
واقيودي دمعه

الحضنك يبويه اشتاگيت
حكّتني أذاني وحنيت
صوتك اسمعه

نذراً عليّ يالعطشان
لو موعد ارجوعك حان
كل يوم اثوبلك ماي
واطلع واحني البيبان


تجيني .. كون ابسلامه
تجيني .. بس بابتسامه
وابحضنك اتلم الحمام
گلوله شخبار الخيام
رساله
ــــــــــــــــــــــــــــــــــــــ
الليله الگمر مابي نور
بس لا بو فاضل مطبور
طمنوني عنه

اتمنه هسه العبّاس
بچفوفه يمسح عالراس
بس ابمحنّه

من عمي جيبولي امراد
الليله الالم بيه أزداد
ايطيبني بس شي واحد
رجعولي اخوي السجاد


عليله .. وانتم شفائي
عليله .. وهذا بلائي
جيبولي زينب خل انام
گلوله شخبار الخيام
رساله
ــــــــــــــــــــــــــــــــــــــ
سلمولي عالعلويات
گلولهن مشكورات
عفتني وحدي

ماقصّر اوياي احسين
عالناگه اصعد مرتين
وايگلي ردي

حادي الضعن يمشي ابساع
والطفله مومال اوداع
طيّحني رجّاف الخوف
گطرة مطر فوگ الگاع


وحيده .. والوحده صعبه
وحيده .. والدنيه غربه
وادموعي عالخد ازدحام
گلوله شخبار الخيام
رساله
ــــــــــــــــــــــــــــــــــــــ
وحده الحسين بعاشور
وحس بگلبهه المكسور
من فارگوهه

يقره ابرسالتهه ابشوگ
محروگ حن المحروگ
ابنيه وابوهه

يركض اجه عالخيمات
والتمّن العلويات
كَلهن عليلتنه اتگول
بيتي انترس ملايات


نواعي .. يوميه عندي
نواعي .. امن الغبشه تبدي
ياريحة اهلي والعمام
گلوله شخبار الخيام
رساله

محمد الجماسي

#اللهم_عجل_لوليك_الفرج

هاك أخذهم .. اربعتهم
قربتاً وطاعتاً حبيبي
ــــــــــــــــــــــــــــــــــــــ
ماردت عبّاس يمشي ابطوله
كون بجنازه يجي وهلهوله
وابوچفوف امگطعه ايصيحوله
مثل حيدر هامته ايطبروله

مااريده .. المو وريده
ينگطع وانه اقنع بنصيبي
ــــــــــــــــــــــــــــــــــــــ
مااريده ايگلي اسف يمه
هاي الآسف من اخوكم زحمه
الـمايضحي العين اخوه مو زلمه
آنه اريد أصبغ عباتي بدمه

حيل احبه .. والله أحسبه
الينذبح منهم صدگ طبيبي
ــــــــــــــــــــــــــــــــــــــ
ادري ابو فاضل كفو طاريه
يحترگ لو يسمع بمسبيه
امحملتهم آنه مسـؤوليه
ورضعتهم باللّبن حنيه

لو اجوني .. ووماوفوني
يحرم اعليهم صدگ حليبي
ــــــــــــــــــــــــــــــــــــــ
مااريدن كون ترمش عينه
يوگف بسيفه حرس لسكينه
وجعفر اليشبه علي بتكـوينه
ايداري سجّادك مشه وايعينه

ومن يصلي .. هيچي يدعي
آ يعلة سيدي دطيبي
ــــــــــــــــــــــــــــــــــــــ
وابني عبدالله عبد للساده
بالصلاه يفرشلك السجاده
وافرح أنه بلحظة استشهاده
وياخذ أمن الطف اريد امراده

ذوله ولدي .. وكلشي عندي
الك فدوه ياذهب مشيبي
ــــــــــــــــــــــــــــــــــــــ
احسين كون أنته عليهم الراضي
ياشـراره اتهيج استنهاضي
أنته حاكم بالقيامه وقاضي
وانته حاضر للمحنه وماضي

من مكانك .. كل حنانك
آنه أخذته وبس الك نحيبي

محمد الجماسي

#اللهم_عجل_لوليك_الفرج

Channel photo updated

اسعد الله أيامكم بحلول عيد الغدير الاغر
جعلنا الله وإياكم من الثابتين على ولاية أمير المؤمنين علي بن أبي طالب "ع"

#علاء_الفهد

كل عام و قلوبكم تُزهر بالخير و العطاء ،كل عام و قلوبكم عامرة بالنقاء و الصفاء ،كل عام و السعادة تطرق بابكم.. 
عيد أضحى مبارك🤍.

#علاء_الفهد