ناوەندی تۆڕی زانیاری

وۆڵ ستریت جۆرناڵ:

• بەرپرسێکی ڕۆژئاوایی ڕایگەیاند، لە هێرشێکی ئەم دواییەی ئۆکرانیا بۆ سەر ناوچەی کورسک، جەنەڕاڵێکی باڵای کۆریای باکوور بریندار بووە.

• ئەمە یەکەمجارە کە بەرپرسانی ڕۆژئاوا پشتڕاستی دەکەنەوە کە ئەفسەرێکی باڵای سەربازی کۆریای باکوور برینداربووە لە ململانێی ڕووسیا و ئۆکرانیادا.

ڤلادیمێر پوتین:

لە ئێستادا هیچ ئامرازێک لە جیهاندا نییە کە توانای ڕووبەڕووبوونەوەی سیستەمی مووشەکەکانی ئۆرێشنیکی ڕووسیای هەبێت و ڕووسیاش بەپێی کردەوەی دوژمن بڕیار دەدات کە مووشەکی مامناوەند و کورت مەودای زیاتر جێگیر بکات هەر گەشەسەندنێکی ڕووداوەکان، و وەڵامەکەی هەمیشە لەوێ دەبێت.

دوایین مووشەکەکانی ڕووسیا بە خێرایی 2-3 کیلۆمەتر لە چرکەیەکدا هێرش دەکەنە سەر ئامانجەکان، و لەلایەن سیستەمی بەرگری ئاسمانی دوژمنەوە ڕێگری لێناکرێت و بەدڵنیاییەوە ڕووسیا پێشنیار بۆ هاوڵاتیانی مەدەنی ئۆکراینی دەکات کە لە کاتی بەکارهێنانی مووشەکدا ناوچەی مەترسیدار بەجێبهێڵن.

سەرۆک پوتین:

ڕووسیا بە مافی خۆی دەزانێت هەموو چەکێک لە دژی ئەو وڵاتانە بەکاربهێنێت کە ڕێگە بە بەکارهێنانی چەکەکانیان دەدەن لە دژی ڕووسیا

سەرۆک پوتین:

ئەمڕۆ سوپای ڕووسیا نوێترین مووشەکی مەودای مامناوەندی ڕووسی "ئۆریشنیک"ی بەکارهێنا، ئامانجی مووشەکەکە دامەزراوەیەکی پیشەسازی سەربازی بوو لە شاری دنیپرۆپترۆڤسک، ئامانجەکەش بە سەرکەوتوویی لە ناوبرا.

سەرۆکی ڕووسیا پوتین:

بانگەواز بۆ گەلی ڕووسیا دەکەم: وڵاتەکەمان بە چەکی دوور مەودای ڕۆژئاوا بۆردومان کراوە.


🚨🚨 پوتین: ئەو ئامانجانەی کە دوژمن داینابوو کاتێک مووشەکی دوور مەودای ڕۆژئاوای بەکارهێنا، بەدی نەهات.

🚨🚨 پوتین: بەکارهێنانی چەکی دوور مەودای دوژمن دژی ڕووسیا ناتوانێت کاریگەری لەسەر ڕەوتی ئۆپەراسیۆنە تایبەتەکە هەبێت.

ڕای ئێوەیە چییە لەسەر ئەم وتانەی سەرۆکی لیژنەی سەربازی ناتۆ ؟

ئایە سەروەری و سەقامگیری وڵات پەیوەستە بە بوونی چەکی ئەتۆمی و هێزی سەرباز ؟!
ئەگەر ئەو وڵاتانەی ڕووبەڕووی جەنگ و داگیرکاری دەبنەوە خاوەنی چەکی ئەتۆم بن هەمان شتیان بەرامبەر دەکرێت یان نا.

ڕای خۆتان بنووسن.

هۆڵەندا وەک یەکەم وڵات ڕایگەیاند کە بڕیاری دادگای تاوانی نێودەوڵەتی جێ بە جێ دەکەن ئەگەر بێت و ناتانیاهۆ بچێتە خاکی ئەو وڵاتە دەستگیری دەکەین.

دادگای_تاوانی_نێودەوڵەتی

فەرمانی دەستگیرکردن بۆ ناتانیاهۆ سەرۆک وەزیرانی ئیسرائیل و گالانت وەزیری بەرگری پێشووی ئیسرائیل دەرچووە بەهۆی ئەنجامدانی تاوانی جەنگ لە غەززە.

• زیاتر لە 120 وڵاتی ئەندامی دادگا، ناتانیاهۆ و گالانت ناتوانن سەردانیان بکەن.

• جێگای سەرنجە کە جۆن تون سەرۆکی زۆرینەی ئەنجومەنی پیرانی ئەمریکا لەم دواییانەدا ڕایگەیاند کە حکومەتی ئەمریکا سزا بەسەر دادگای تاوانە نێودەوڵەتییەکان دەسەپێنێت ئەگەر دادگا فەرمانی دەستگیرکردن لە دژی بەرپرسانی ئیسرائیل دەربکات.

بەپێی زانیارییەکانی هێزی ئاسمانی ئۆکرانیا، ڕووسەکان بۆ یەکەمجار بە مووشەکی بالیستیکی کیشوەربڕ هێرشیان کردووەتە سەر ئۆکرانیا

هێزی ئاسمانی جۆری مووشەکەکەی بە وردی دیاری نەکردووە، بەڵام پێدەچێت مووشەکی بالیستیکی کیشوەربڕی RS-26 Rubezh بێت کە ئەمەش یەکەمجارە بەکاربێت.

سی ئێن ئێن:

ڤلادیمێر پۆتن بەڵێ کرد بۆ بەکارهێنانی چەکی ناوەکی ، لەوانە چەکی تاکتیکی ئەتۆمی 💥

دەزگا هەواڵگرییەکانی پۆڵەندا ڕاهێنان بە چەکدارەکان دەکەن بۆ هێرشکردنە سەر بێلاڕووس

بەگوێرەی ڕاپۆرتی کەناڵی تەلەفزیۆنی دەوڵەتی بیلاڕوس، ئۆپۆزسیۆنی بێلاڕووس و ڕۆژئاوا بەنیازن هێرش بکەنە سەر چوار ناوچەی باشووری ڕۆژئاوای وڵاتەکە. دەوترێت گروپە چەکدارەکانی پۆڵەندا و لیتوانیا و ئۆکرانیا بەشدارن.

بەپێی پلانەکە، سەرەتا باندە ناسیۆنالیستەکان هێرش دەکەنە سەر بیلاڕووس، دواتر بەکرێگیراوان و هێزەکانی ناتۆ دێنە پێشەوە. دەزگای هەواڵگری پۆڵەنداش هاوکارن لە مەشقپێکردنی چەکداران بۆ هێرشەکە.

🇺🇸 هەواڵگری ئەمریکا:

• هێرشی ڕووسیا لە ماوەی 48 کاتژمێری داهاتوودا ڕوودەدات.

• بەریتانیا و فەڕەنسا و ئەڵمانیا و پۆڵەندامان لەمە ئاگادار کردەوە و هەروەها ئامۆژگاریمان کردن کە باڵیۆزخانەکانیان لە ئۆکرانیا دابخەن و هاووڵاتیانیان بگەڕێننەوە.

وێنەی مانگی دەستکرد کە بیناسازی ئیسرائیل بە درێژایی هێڵی ئەلفا لە باشووری ڕۆژهەڵاتی مەجدال شەمس نیشان دەدات

پڕۆژەی نوێی ڕژێمی ئیسرائیل لە کۆتایی مانگی ئەیلولەوە بە شێوەیەکی جددی دەستی پێکردووە. لە 15ی ئۆکتۆبەر هێزەکانی ڕژێمی ئیسرائیل هەندێک کێڵگەی مینیان پاککردەوە و بەربەستی نوێیان لە بەرزاییەکانی جۆلان و ناوچە سنوورییەکان لەگەڵ سوریا دامەزراند. لە 11ی ئۆکتۆبەردا، سەرچاوە نزیکەکانی گرووپە چەکدارەکان بانگەشەی ئەوەیان کرد کە سەربازانی ئیسرائیل بە پشتیوانیی چەند زرێپۆشێک چوونەتە ناو شارۆچکەی کودنە لە پارێزگای قونەیترە لە سووریا؛ بەڵام سەرچاوەیەکی مەیدانی بۆ IWN ئەم ڕاپۆرتەی ڕەتکردەوە و ڕایگەیاند کە هێزە سەربازییەکانی ئیسرائیل نەچوونەتە ناو خاکی سوریا.

ئەوەی دیارە، چالاکییەکانی سوپای ڕژێمی ئیسرائیل لە بەرزاییەکانی جۆلانی داگیرکراو و ناوچە سنوورییەکان لەگەڵ سووریا لە ماوەی چەند هەفتەی ڕابردوودا بە بەراورد بە ڕابردوو بە شێوەیەکی بەرچاو زیادی کردووە. ئەمەش شانبەشانی ئۆپەراسیۆنە زەمینیەکانی هێزە سەربازییەکانی ئیسرائیل لە باشووری لوبنان، بووەتە هۆی ئەوەی کە قسە و باسەکان سەبارەت بە دەستپێکردنی ئۆپەراسیۆنی زەمینی لە باشووری سووریا پەرەی پێبدرێت.

دوابەدوای هەڵکشانی ئاڵۆزییەکان لە بەرزاییە داگیرکراوەکانی جۆلان، هێزە سەربازییەکانی ڕووسیاش هەنگاویان ناوە بۆ کەمکردنەوەی گرژییەکان، بەم دواییە تاوەرێکی چاودێرییان لە گردی ئەلئەحمەر ئەلغەربی لە باشووری شارۆچکەی کودنە لە پارێزگای قونەیترە
دامەزراند. هەروەها ڕووسەکان ژمارەی بنکە سەربازییەکانیان لە ناوچەی نێوان سوریا و ناوچە داگیرکراوەکانی ئیسرائیل بۆ هەشت بنکە زیاد دەکەن.

خاڵێکی سەرنجڕاکێش هۆکاری پشت کردەوەکانی ڕژێمی ئیسرائیلە، بەتایبەتی بەهێزکردنی قەڵاکان، دانانی بەربەست لە کەنارەکانی هێڵی ئەلفا لە جۆلانی داگیرکراو. بە سەرنجدان بەو ڕاستییەی کە ئیدیعاکانی ڕژێمی ئیسرائیل سەبارەت بە بوونی هێزی خۆڕاگری لە باشووری سووریا و ئەگەری ململانێی زەمینی، وا دەردەکەوێت کە سوپای ڕژیم بە شێوەیەکی چالاکانە پێگەی بەرگریی خۆی بەهێزتر دەکات بۆ بەرزکردنەوەی تواناکانی لە بەرامبەر ئەگەری هێرش و ڕووبەڕووبوونەوەی زەمینی لەم ناوچەیەدا. سەرەڕای ئەوەش، ڕەنگە کردەوە بەرفراوانەکانی ڕژێمی تەلئەبیب لە بەرزاییە داگیرکراوەکانی جۆلان لە چەند هەفتەی ڕابردوودا هۆکاری جۆراوجۆری دیار و شاراوەی هەبێت، بەڵام ئەوەی گرنگە ئەوەیە کە ئەم کارانە نابێ بە کەم سەیر بکرێن یان بە بێ بایەخ وەربگیرێن؛ دەکرێت ئامادەکاری بن بۆ دەستدرێژیکردنە سەر سوریا!

باڵیۆزخانەی ئەمریکا لە کیێڤی پایتەختی ئۆکرانیا بە پێشبینی هێرشی ئاسمانی داخرا

(پەیامێک بۆ هاوڵاتیانی ئەمریکی لە ئۆکرانیا

ئاگاداری ئەمنی: باڵیۆزخانەی ئەمریکا لە کیێڤ، ئۆکرانیا (٢٠ی تشرینی دووەمی ٢٠٢٤)

ڕووداو: باڵیۆزخانەی ئەمریکا لە کیێڤ زانیاری تایبەتی وەرگرتووە سەبارەت بە ئەگەری هێرشێکی ئاسمانی. لەبەر ئەوە، باڵیۆزخانە دادەخرێت.

باڵیۆزخانەی ئەمریکا پێشنیاری ئەوە دەکات هاوڵاتیانی ئەمریکا ئامادەبن بۆ چوونە پەناگەکان لە ئەگەری ڕاگەیاندنی ئاگادارکردنەوەی ئاسمانی).

تووت ئانخ ئاموون
#outlawism

هێزە سەربازییەکانی ئیسرائیل چالاکییەکانیان لە بەرزاییەکانی جۆلانی داگیرکراو زیاد کردووە

وێنەی مانگە دەستکردەکان ئاماژە بەوە دەکەن کە سوپای ڕژێمی ئیسرائیل دەستیان بە پڕۆژەیەکی بیناسازی کردووە بەدرێژایی هێڵی ئەلفا کە بەرزاییەکانی جۆلانی داگیرکراو لە سوریا جیادەکاتەوە و لەژێر چاودێری نەتەوە یەکگرتووەکاندایە.

بەپێی وێنەی مانگە دەستکردەکان، دروستکردنی زیاتر لە حەوت کیلۆمەتر و نیو ڕێگا لە باشووری ڕۆژهەڵاتی شارۆچکەی مەجدەل شەمس، هاوتەریب لەگەڵ هێڵی ئەلفا دەستیپێکردووە.

سەرەڕای ئەوەش، لەلایەک بەربەست داندراوە و ڕێکاری قیرتاوکردن لەسەر بەشێک لەم ڕێگایە تەواو بووە.

گرتەیەکی ڤیدیۆیی کە لە چەند ڕۆژی ڕابردوودا لە لایەن سەرچاوەیەکی سەربازیی ئیسرائیلەوە بڵاو کراوەتەوە، نیشان دەدات کە هێزەکانی ڕێژیم بە بەزاندنی بەربەستەکان لە هێڵی ئەلفا نزیک بوونەتەوە. ئەم ڤیدیۆیە هاوکات لەگەڵ پڕۆژەی بیناسازی نوێی ڕژێمی تەلئەبیب لە جۆلانی داگیرکراو بڵاوکرایەوە.

جێگای سەرنجە ناوچەی پارێزراوی نێوان هێڵی ئەلفا و سنووردارکردنی دووەم کە بە هێڵی براڤۆ ناسراوە، کە سنووری ئەو شوێنە دیاری دەکات کە سوپای سوریا دەتوانێت لە کوێدا چالاکی بکات، ئەو ناوچەیەیە کە هێزەکانی سوریا لە جۆلان لە سەربازانی ڕژێمی ئیسرائیل جیا دەکاتەوە.

هێزەکانی ئاشتیپارێزی نەتەوە یەکگرتووەکان دوو بنکەی هەمیشەیی و 11 خاڵی چاودێرییان لە ناوچەی داگیرکراوی جۆلان و دەوروبەری هەیە.

دوابەدوای دەستپێکردنی بیناسازییەکان لەلایەن ڕژێمی ئیسرائیلەوە، نیک بیرنباک وتەبێژی هێزەکانی ئاشتیپارێزی نەتەوە یەکگرتووەکان لە چاوپێکەوتنێکدا لەگەڵ ئاژانسی ئەسۆشێتد پرێس ڕایگەیاند کە هێزەکانی ئیسرائیل لە کاتی پڕۆژەکەدا چوونەتە ناو ئەم ناوچەیە، ئەمەش پێشێلکردنی یاساکانی ئاگربەست پێکدەهێنێت کە ناوچەکە بەڕێوەدەبات.