خواطر الرقميات وأحكام العملات のテレグラム投稿

البيتكوين الآن 20 ألف
- ناس اشترت من ١٧ وأقل فبيبيعوا دلوقت أحسن ما يصحح تاني لتحت
- ناس اشتروا من تحت برضه بس منتظرينه يوصل لل ٢٣ و ال ٢٥ علشان يحس انه كسب.
- ناس ما اشتروش من تحت علشان خافوا فمنهم اللي لسة خايف وناوي يشتري من تحت لو صحح وغالبًا هيخاف برضه هناك، ومنهم اللي هيشتري دلوقت علشان يلحق يركب القطر اللي انطلق، أو اللي هو فاكره انطلق.
- ناس اشترت من تحت على أجزاء فبيقدر يبيع على أجزاء فبيبيع جزء ويكسب فيه وفي نفس الوقت بينتظر بالجزء الباقي، بس لازم يعمل منشور زي ده ينظر فيه على الناس 😅

لو عمَّ الرخاء بعد سفك السيسي الدماء وكذبه على الله وفتحه المجال للحرب على الدين لقيل: كيف نصره الله بعد أن فعل كذا وكذا؟!

وحين خذل الله السيسي وفضحه وكشف كذبه وأنزل البلاء والغلاء قالوا وما ذنبنا؟! نحن لم نؤيد.

عجبا للإنسان! يريد أن تنزل سهام من السماء تُهلك من رقصوا وأعانوا وصوتوا في الانتخابات وتذر من أنكروا بقلوبهم. يريدون أن تغلو الأسعار على المجرمين وترخص على الطيبين.

هذه سنن وأسباب وأنتم والله السعداء. تحتسبون الأجر وتصبرون وتنكرون المنكر بقلوبكم فلكم الأجر عند الله الكريم، وهم يلطمون وجوههم ويستغيثون بسارقهم. فهل يستوي الأعمى بالبصير؟!

حسام عبد العزيز

🔴 على طول بلاقي سؤال من عملاء على الخاص وهو: أبيع دلوقت ولا هيزيد عن كدا، أو اشتري دلوقت ولا ممكن ينزل؟

📌الحقيقة أن هذا السؤال خطأ لأنه يضعني أنا في حرج بين النصح لك بما أراه مناسبًا وهو دوري كمستشار (والمستشار مؤتمن كما قال النبي ﷺ) وبين دوري في الصفقة كوسيط مالي مستفيد من بيعك لي أو شرائك مني، وأنت لا تدري أخي أيكون للشيطان علي وقتها سبيلًا أم لا، فكن رفيقًا بإخوانك في هذا الأمر ولا تكن عونًا للشيطان عليهم، فلسنا بمعصومين مهما توسمت أنت فينا غيرَ ذلك من ظاهر كلامنا.

📌ثم أقول: هذا ردي العام لكل الناس عملاء وغيرهم 👇
🔹- اللي داخل يضارب على الدولار؛ يشتري النهاردة علشان يبيع بعدين ده المفترض يكون شايف الوضع الاقتصادي ويحدد وقت الشراء والبيع على أساسه، هو هنا بيتداول في الدولار.
🔹- اللي داخل يشتري علشان يحافظ على قيمة الفلوس بدل ما سعر الدولار يزيد تاني فده المفترض أهدافه قدام، مش كل ما ينزل عن سعر الشراء يتضايق ويزعل نفسه لأنه أصلا مش ضامن لو باع بخسارة هيعرف يشتري تاني ولا هيصحى الصبح يتفاجئ زي ما بيحصل كل مرة.
🔹- اللي داخل علشان وراه صفقة بالفعل وعملة هيشتريها فده المفترض أنه بيلحق صفقته لأنه باصص للربح الدولاري اللي هيعوضه منها حتى لو سعر الدولار نفسه نزل.

📌وفي كل ما سبق، دايمًا النصيحتين العامتين بتوعي:
🔺- ما تشتريش وانت مضطر ولا تبيع وانت مضطر، علشان لا السعر ولا أي حد يتحكم فيك.
🔻- ما تبيعش الدولار غير على قد مصاريفك واللي انت مضطر له فقط، علشان هو أفيد لك كدولار وأفيد لك كمان على المنصة في الشراء السريع لما بتكون فيه فرصة لصفقة معينة.

﮼بالتوفيق

لما تقلع الشهادة أم ١٨٪؜ من خمس أيام وتحطهم في شهادة ٢٥٪؜ 😅

حرب العملات المستقرة
https://t.me/openarchival/738

منصة كريبتو دوت كوم هتوقف التعامل بالـ USDT وكل اللي له رصيد منه هيتحول لـ USDC ومن يوم ٣١ يناير ٢٠٢٣ لن يتم قبول أي إيداعات بالتيثر

راجع نفسك، كيف ليلك؟
من هـــنـــا

نفس القلم كل مرة، يمحق الله الربا

الخبرة لا تعني التجربة بنفسك، الخبرة التعلم من جميع التجارب؛ تجاربك وكذلك تجارب الآخرين والتي هي أوسع بكثير من تجاربك.

في جميع المجموعات يتكلم الجميع في موضوع الجروب الأساسي أيًا كان وكذلك في أحوال الأعضاء وزواجهم وطلاقهم ويتبادلون الخبرات في البرامج والاختراقات وأفضل برنامج VPN مدفوع وأفضل خدمة بث أفلام مدفوعة وأفضل بنك وأفضل سيارة وأفضل كبابجي وأحسن رئيس والسيسي كان أحسن ولا مبارك والإخوان خربوا البلد ولا ما خربوهاش والحكومة وحشة بس الريس حلو وبيحاول يصلح بس اللي حواليه مش مساعدينه والرمال السوداء هتنهض بالبلد بس التفريعة طلعت فنكوش ومش جايبة همها والكباري والمونوريل والعاصمة الإدارية ومفاعلات الضبعة والكباري تاني علشان أهم حاجة الكباري اللي هتمسك البلد كدهوه وكل سنة وانتوا طيبين وميري كريصماص للمصريين وده مولد سيدنا عيسى مالكوش دعوة بالمتشددين، وتيجي أنت تتكلم في الحلال والحرام فيبقى أنت اللي بتتكلم خارج موضوع الجروب والجروب هنا مختص بالشغل بس فسيب كل واحد براحته لو سمحت وبلاش كلام خارج محتوى الجروب. 🐸